السلام عليكم و رحمة الله و بركاته

مساءات الإبداع الباذخهً يا همس .، تسلم الأيادي يارب على هالبارت الموجع المفرح؟

فرح نهايهً خير و صلاح و توبه عسى ربي يقبلها بعد الضياع و الدمار اللي عاشته بس الناس و الأفواه الثرثارهً وش يسكتهاً لتظل تحكي في البنت و لكن يرمي بسهمه من الحكي و للاسفً مااحدً يتبين انه الحكي صدق و لا العكس المهم يحط بصمته و السلام ... من البدايهً حقدت عليها و علي تصرفاتها و شوي شوي حبيتهاً تمنيت تكون نهايتها خير و الحمداللهً ما خيبتي ظني هموس...*

رامي يا سبحان الله للنهايه كانت قريبه و بس الفرق بين نهايته هو و فرح فرق السما عن الارض .. لو كان رضا يعفو عنها كان ربي عفا عنه بس الانسان اعماله سيئه ما تشفع له لا بتوبهً و لا عفو ...

كثير في الدنيا فرح و رامي بس الحكايات تختلف و الضياع واحد و النهايهً مكتوبه يا بختهً من كانت نهايته نهايهً فرح و يا خسارته من كانت نهايته نهايهً رامي !!*
عسى ربي يرحمنا يرحمنا و يتوب علينا و يحفظ بنات و شباب المسلمين...


فارس ردة فعل متوقعه يمكن لأني كنت اتمنى العكس كرهته و حقدت عليه بس مصيره يعرف وش هي شجون بالنسبة لفارس .. مرات احسه متناقض و فيه خوف انه يبين مشاعره يمكن خجل انه يكسر غروره و كبريائه و انه اتخذ لنفسه جاه ما يحب يتنازل عنه او خوف من اللي حوله و من انتقاداتهم يا فارس يموت اللي يدور رضا الناس ...!

شجون معاها حق بخوفهاً لانها عارفه وش هو زوجها و سبحان الله سالفه الحمل و انه مشاعل عرفت أشغلتهاً عن حزنها علي فرح بس لازم تكون أقوى و تعلم فارس و ما تسمح له انه يتهمها بشي كبير ... بس اتوقع العشا بيكونً مثل المارثونً منو يسبق و يقول السالفه اللي بجوفه اول ان كان فارس فأتوقعً التعيسهً دلالوهً محظرا شي كبير لشجونً عشان تسقط البيبيً و اذا شجون كانت الاولى فردة فعل فارس عصيه علي الفهم او بالصح موجعهً*


صلاح يا زين الشماتهً علي أمثاله تستأهل ما جاكً و لا في عاقل يثق بوحده لا دين و لا مذهب و جايهً بروحها في بلد اجنبيً هذا حوبه مشاري و العنود اللي خربت حياتهم مشاري لقى العوض في سحر بس العنود يا خسارتهاً بس اتوقع انها حامل و راح ترجع لصلاح و توقف معاه بمحنتهً عشان تتفادا لقب مطلقه للمره الثانيه...


غلاب ما في امل يتسنعً هالرجالً يبيلهً ضربه علي راسه المصديً عشان يفهم شوي .. مشاعل صبرها اتوقع ما راح يطول عليه و علي تصرفاته و خصوصا فكره سلطان للحين في باله ...


سلمتيً يارب*
بانتظارجً بكل شوق*

السلام عليكم ورحمة الله وبركاته
صباح الخير يالغلااااا......جعل صباحك طاعه وسعاده برضا ربك ثم والدينك

تسلم يدينك هموسه على البارت المكمل للاوجااااع احسه محمل بالوجع والاهااات

فرح
سبحان الله ماتت وهي شاريه رضا ربها على متع الدنيا الفانيه....راحت بعد ما بدلت صورتها
الشينه الطايشه والمموس بوحده صالحه تعين على الخير واثرت في نفوس العديد وان شاء الله
يكون هذا تكفير لذنوبها
سبحان الله وهذا وهي ميته وتوها ما ندفنت وبدت الناس تنهش في لحمها والكل يفسر سبب سجنها
على كيفها لاااا اله الاالله الناس في هالموقف المفروض تتعض وتذكر ربها بس فئه عافانا الله بما
ابتلااهم همهم القيل والقال والشماته

رامي
جاي يتشمت بفرح مادرى ان موته قريب منه جالس يتامر ويطغى ويبطش ولاا اعتبر واتعظ
من الموت الي صار قداامه الا دق على زبانيته عشان يحتفل معهم وهذا هو راااااح بسوء الخاتمه
حاله من حال ابوه

شجون وفارس والبطريق
ياقلبي ياشجون الاحزان جالسه تهل عليك من كل صوب اولها زواجك من هالحقير ثم وفاة ابوك
ومن بعده وفاة شعاع وكملتها قصاص فرح الي فعلاا هد حيلك تاثرت كثيررررررر بصياحها
وحزنها على اختها ...ياعمري هي توها ما شبعت من اختها ولا احست بها الا من فتره بسيطه
ولاا امهلهم الوقت انهم يعوضون الي فاتهم...الله يصببرها ويربط على قلبها...
ويكفيها شر الحيزبون ام الشحوم الي ناويه نية قشرااا على شجونه وهي عاد لاحول لها ولاا قوه

فارس صحيح ماتاملت فيك خير ...بس كان عندي امل بسيط انك تكون انسان تحس وتشعر بشجون
وتهون عليها مصيبتها وتوقف بجنبها مثل ما وقفت بجنبك في جميع ازماتك بس دائما ذيل الكلب عوج
كل مع كتله الكليسترول والدهون جهلها تغم على قلبك وتجيب لك الجلطه...
واتوقع ان حركته للعزومه كانها بيكافاها على نهاية الخدمه وبيقول لها انه مايقدر يستمر معها اكثر
ويفضل انه ينفصل عشان لاتتشوه سمعته اكثر من وفاة اختها ....ويمكن يطل منها انها هي الي تطل
الطق عشان يكون معذور عند اهله لانه انسان جبااان ما يقدر على المواجهه.... وهي ياعمري
بتنصدم كثير وخاصة انها ناويه تفاتحه بموضوع حملها

دليل جعلك الساحق الماحق والرصاص المتلاحق يام الرجاجيل تبين تتبلين على الفقيره جعل ربي يبليك
بعمرك ويلهيك عنها..ابي اعرف هالغبره وش حارتك فيها هذا فويرس كنه ثور عندك تقودينه على كيفك
ولاا عمره رفض لك طلب ...يارب ياحبيبي انك تكشفها وتفضحها قدام الكل وتخلي سيرتها على كل اللسان
بنت الحسب والنسب والمال عشان يعرف فارس الزوجه الي ترفع راسه من الزوجه الي توطيه


عمه شجون
اتوقع بيكون لها دور كبير وخاصة اذا تبلت دليل عليها وزوج الغفله صدقها كالعاده فهي اكيد
انها بتصر انها تاخذ شجون معها.....بس ليه كانت مختفيه من قبل ولاا حاولت انها تساعد
بنات اخوها

مشاعل وغلاابو
حلوو ان مشاعل عارفه بحمل شجون عشان تساعده اذا صار ماصار وتوقف جنبها وتفهمهم الحقيقه

والله يعينه على هالرجل الي ابتلت فيه ويفكها من شره ....الى الان وانا اقول غلااب مو الزوج المناسب
لميشو.....والله انه مايستاهلها ولاااا مدام بدا الشك يلعب صح بعقله اجل نهاية حياته معها قربت
لانه اكيد ماراح تتحمل انه يغلط عليها مره ثانيه واهلها بيقفون معها
حسبي الله عليك جالس تحد الرجال على زوجته انت وشدخلك الله ياخذك لو فيك خير روح بوس رجول
امك وبر بهام و جالس بس تبهت البنت وتغلط عليها جعل حوبتها ماتعداك

العنود وصلاح
نهايتهم طبيعيه جدااا لان ما بني على غلط فهو غلط الي اغضبت ربها وخانت زوجها وكلمت رجل غريب
عنها هذااا نهايتها ....لاا يماما توك تحسين بغلطتك وتعرفين انك خسرتي مشاري الي بعمرك ماراح تلقين
مثله....ززبس ياخوفي انك تنقصينه عليه عيشته هو سحوره وتسوين حركاتك الماصخه عشان يرجعك

وام سلطاااا اقول يازينك ساكته بس اعيالك وانتي الصح والا غيرك غلط ليتك بس تسكتين وتفكين من هالدرر
الي جالسه تغثينا بهم ليت بو سلطان هافك كفين عشان تتسنعين

مشاري وسحر
ههههههه فديت ميشو الي جالس يتحقرص يبي يشوف طلة سحوره البهيه على الطالعه والنازله\
يسال عنها ويقول جيبوها تهون على شجون..الا جيبوها عشان يبرد قلبك ويطيب خاطرك بشسوفتها
ولاا هالبزر قدرت تجيب راسك الله يسعدكم

همووووس فديت قلبك الطاهر والله تعبنا من الحزن والناس عطله فرحينا ياعسل
جعل ربي يفرحك دنيا واخره

صباح النور والسرور
يعطيك العافيه هموس على البارت الحزين
سبحان الله صدق الجزاء من جنس العمل
رامي نفس المكان والزمان ميته شنيعه
فرح اخر كلماتها استغفار =ذكرلله=دعاء =تشهد
رامي اخر كلماته=غناء=بذاءه =فسق= مجون
فرح انتهى ذنب القتل بأقامة الحد انتهى

شجون الله يعينك حياتك مجلد شقاء حتى الزوج
الي تبينه عون صار فرعون وكملت بدلال
شوفي انت تريد وانا اريد والله يفعل مايريد
المنطق يقول مالك فرصه مع فارس
بس الحب بدأ يدخل قلب فارس اول الحب رحمة
مين الكفه الاقوى العقل ودلال وكلام الناس او
القلب والاهل والرحمه الله اعلم
فارس مزاجي وعصبي وممكن يتخذ فرار بلحظه

العنود وصلاح سبحان الله نفس فرح ورامي
الجزاء من جنس العمل مثل ماخربت بيت عامر
جاء من يخرب بيتك بابشع صوره وقدام عينك
اكبر غلط يرجعون لبعض الجرح كبير لا يمكن
يبرأ بيكون له اثر طول العمر كل واحد يبني
له حياة جديده مافيها خيانات

غلاب ومشاعل عرق الهنود ضارب فيه
هالحين كل ماشفت مشاعل تضحك بتشك
الله يعينك وقاعد تتكلم عن فرح طيب فارس
خال عيالك والي يجيه يجيك وين الرجوله
عنكم كل واحد اردى من الثاني

مشاري يبختك سحوره بكل هالحب يمكن الرجال
الوحيد سلطان مقبول لويقبل بالمكتوب


شكررررررا بانتظارك

صباحكم نور ومسرات
شكرا غالياتي وردتي امولتي عبوقتي
والليدي نور
اما العسولات اضواء الكويت ونجلاء الريم كل هالردود المميزة عندكم وحرمينا منها حرام عليم >>> فيس يصيح
اترككم مع الجزا الثامن والعشرون
وموعدنا يوم الاحد زواج سحورتي ومشاري
لاتتركوني تراهم ملزمين عليكم حيل
اترككم مع البارت

"] الـ ج ــزأ الـــثــامـن والعشرررون
في غرفة شجون
شجون: كانت بفرغتها لبست احسن ماعندها مثل ماوصتها مشاعل يوم دق جوالها دق قلبها خوف ارتباك ردت بهدوء وبصوتها الحنون الناعم سم فارس دقايق ونازلة
فارس: بكل هدوء وحنان بعكس طبيعته انتظركـ
شجون: تحس انها مرتبكة مرة اختفلت طبيعة شجون بعد الصدام تالي جتها تحس انها مو عارفه نفسها يمكن الصدمات والفراغ الي احدثه فراق أختها فرح خلاها تدور حضن دافي تلجأ له طبعا اقرب حضن لها زوجها وابو ولدها لبست عباتها حت يدها بحنان على بطنها خلاص ياضناي اليوم راح يعرف ابوك فيك وراح يشاركني انتظار قدومك نزلت شافت خالتها وعمها موجودين تحت استحت وحمرت خدودها باستهم مع روسهم
خالتها: حست بخجلها سهلت عليها المهمه يابنتي ترا فارس ينتظرك برا خذي راحتك ياقلبي الله يسعدكم اليوم ودوم
شجون: فرحت بكلام خالتها ابتسمت مشكورة ياروحي عن اذنكم
ابو مشاري: قلبه مو متطمن بس يقول بقلبه مابي اسوس ان شاءالله خير ساكت ماتكلم بس ابتسم لها يوم طلعت تنهد بضيق الله يستر مادري ليه مو قلبي مو متطمن
ام فارس: بالعمس انا اجل مبسوطة مرة ماشفت كشختها وكشخت فارس صدقني ان ربي راح يتمم عليهم بخير واحساسي راح ينامون برا اعرف ولدي عرف قيمتها شجون تفرض حبها على الواحد غصب
ابو مشاري: ان شاءالله يكتب ربي الي فيه سعادتهم زي ماسعى لسعادة شجون اسعى لسعادة ولدي أكثر عارف ان فارس سعادته مع شجون لأنه متهور يبي له وحدة حكيمه وعاقله وجايها من الدنيا الكثير تعلمه وتوجهه
ام فارس: ايه المسكينه مع انها صغيره من كثر الصدمات الي جتها تحس انها عطتها تجارب اكبر من عمرها
ابو مشاري: مايصقل الحديد الا كثر الطق هذا الي يخليها حكيمه وعاقله
مشاري: دخل على كلامهم ليت تصقل المجنونة حفيدتك وتركدها عن هبالها
ابو مشاري/ ضحك غلو يارب يجيها زوج يصقلها ويعقلها كان ادعي له
مشاري: ايه والله ياليت والله ياسر يصلح لها بس عارف مافيه أي تقارب بينهم
ابو مشاري: عاد ياسر ماشاءالله عليه دين وعقل رجال كفو والله
مشاري: بس مزاجه بالزوجة الي يبها صعب والا كان اهدي له غلاوي يركدها بس عارف هو مزاجه صعب مرررة
ام فارس: عساك خلصت شغلك ياوليدي ترا زواجك مابقى له غير شهر بس
مشاري: مجرد ذكر زواجه يفرحه ايه ياخاله توها غرفة النوم وصلت والحمد لله ركبتها وعجبتني بكرة الصبح ابيكم ترقون وتشوفونها
ابو مشاري : على البركه جعلها ترفر بسعادتكم يارب
ام فارس: اللهم آمين تستاهل كل خير انت وسحر
=====================
في أرقى مطاعم الرياض
في جو هادي ورومانسي تنفيد لطلب فارس من المطعم ان يحجزون له ركن هادي ورومنسي خصيصا لليلة مثل هذي
فارس: كان مرتبك مرة
شجون: شعورها مختلط بين فرح وارتباك اول مرة تحس انها متزوجه جد وجنبها زوج معبرها وعازمها فرحت وانبهرت بالركن الي مخصصه لها فارس ابتسمت ولفت تناظره
فارس: لف يناظرها اسحرته بعيونها الي واضح الفرح فيها من زمان عيونها تفنه كيف وهي فرحانه ومبستمه هاهـ عجبك وابتسم لها ابتسامة جذابه
شجون: بخجل مادري كيف اشكرك ابتسمت له أكثر مشكور فارس
فارس: ابعد الكرسي تفضلي
شجون: حست انها اكيرة جلست بكل هدوء
فارس: راح للكرسي المقابل وجلس قبالها والشموع بينهم جاب النادل المنيوم وراح وخلاهم فارس اكشفى تراه راح
شجون: تغطت يوم جاء النادل وكشفت وهي الدنيا ماتوسعها
فارس: اختاري
شجون: بخجل أي شي
فارس: مافيه أي شي الليله ليلتك
شجون: زاد خجلها طبعي ماأكل الا شي خفيف
فارس: حط المنيوم هالطبع ابيك تغيرنه جد شجون تراك مهمله حالك مرة خلاص كل شي انتهى ابيك تعيشين حياتك وتطوي صفحة الماضي ابي شجون جديده بوجه مضيء وكله عافيه كل الي يقلقك راح
شجون: اختفت ابتسامتها لأنها تذكرت أختها الي ماقدرت تنساها بس تتناساها
فارس: حس انه بكلامه قلب جروحها غير الموضوع امممم ترا النادل يبي يجي واحنا ماخترنا يالله شجونه اختاري
شجون: استحت لأنه اول مرة يدلعها انا زيك اهم شي عصير كوكتيل (( تبيع لشان ولدها يتغذاء))
فارس: من عيوني
شجون: تسلم عيونك
فارس: حدد الي الي يبيه وحط المنيوم حس بأحساس غريب حاس انه فرحان وطاير من الفرحه تمنى انه مايخرب فرحتهم شي قرر يعيش هاللحظه ويبعد أي تفكير من باله بس خرب كل تخطيطه جواله عن اذنك
شجون: خذ راحتك
فارس: بعد عنها هاهـ دلال
دلال: حبيبي ترا اخوي وابويا ازعجوني ينتظرون ردكـ
فارس: حبيتي امهليني
دلال: عصبت بس مابينت حبيبي مو بيدي هم ضاغطين علي لاتفشلني قدامهم وانا عارضت الكل يوم تزوجتك
فارس: بعصبيه خلاص لاتعيدي وتزيدي
دلال: ماشغلك حبيبي انتظركـ باي
فارس: سكر بدون نفس ومسك راسه تنهد بضيق ودخل يوم شاف وجهها وهي مبسوطة رحمها بس مضطر يسويا لي خطط عليه جلس اسمعي شجون ابكلمك بموضوع
شجون: بخجل وانا بعد ابكلمك بموضوع من زمان ابي الفرصه تجي بس توها تجي شكلها احس هالوقت مناسب اقوله لك الحين
فارس: طيب اسمعك بس نسى الموضوع يوم جاء طلبهم
شجون: ماكلت الا شي بسيط علشان خاطر فارس الي كل شوي يلزم عليها بأكله مو متعودة تآكل كثير
فارس: يوم خلصو طلع علبة ومدها لها ممكن تقبلينها مني شجون
شجون: افتحته شافت تعليقه ذهب صغيرة مشكور فارس ليه تكلف نفسك
فارس: ابتسم ماكلفت نفسي ولاشي انتي جمايلك مغرقتني مهما عطيتك ماوفيك حقك
شجون: لاتقول كذا تراني ماسويت شي يتسحق الشكر
فارس: كيف ماسويتي وانتي رجعتني للغاليه الله يرحمها ماحد قدر يكسر الحاجز الي انا بنيته وندمت عليه وانتي قدرتي تكسرينه انتي الوحيدة الي طلعتني من حزني عليها قدرتي تكسبي بتصرفاتك وطيبتك الكل
شجون: انا اسوي كل هذا لزوجي وأهل زوجي
فارس: زواج صوري مع ذلك بذلتي كل جهدك معانا ماقلتي زواج صوري وسحبتي نفسك
شجون: استغربت من رده كيف زواج صوري والي بأحشائها اجل ايش سكتت ماردت جرحتها كلمته ماحبت تعلق علشان ماتخرب جلستهم قالت يمكن خانه التعبير
فارس: مسك يدها عارف ياشجون انك بعقلك وحكمتك راح تكسبين قلب أي زوج يستاهلك بس احنا بني زواجنا على غلط ومصير هالزواج ينهار
شجون: تغيرت ملامح وجهها واختفت ابتسامتها يعني ايش
فارس: لاحظ تغير وجهها اتربك بس لازم يكمل الي خطط له سكت شوي ولف وجهه عنها
شجون: تنتظره يكمل
فارس: لف يطالع عيونها شجون اذا انتي بقيتي معاي معناته اني ابني تعاستك طوبه طوبه معاي واحرمك من الزواج الفعلي شجون انا صح احترمك واقدرك بس الحب صعب ماينجبر قلب على قلب ياشجون
شجون: صعقها صدمها جرحها طعنها بانوثتها وجرح كبريائها حست انها حمل ثقيل عليه ويبي الفكه منه بأسرع طريقه
فارس: يبي يهون عليها الحمد لله الحين ابوك الي تخافي منه راح الله يسامحه وماشاءالله عليك حافظتي على نفسك بأي طريقه اهنيك على ذلك قليل من البنات زيك صدقيني ياشجون الف من الرجال يدور بنت عاقله وحشيمه وحميكة زيك بس تعرفي انا ماقدر اظلم دلال معاي ولا انتي بعد وانا رجال ماأقدر على التعدد
شجون: مازالت تنتظره ونظراتها تتكلم عنها تمنت تقوله مادامك ماتبني ليه تقربني مادامك ماتبني ليه تبلاني بولد وتتخلى عني بس سكتت ماقالت شي
فارس: نظرتها تقتله وتذبحه تمنى انها تتكلم وتريحه اهون من هالنظرات الي تذبحه ناظرها اتمنى انك مازعلتي مني
شجون: رجعت لها كبريائها وعزتها ناظرتها بعتاب ليه ماقلت الا الحقيقه ماينجبر قلب على قلب
فارس : تراني كلمت عمتك وفرحت بقدومك لها فوق ماتتخيلي وابتسم لها مالومها وحيدة أكيد راح تملين عليها البيت
شجون: الله يخليها لي
فارس: آمين تبيني اوديك بكره علشان تاخذين ملابسك
شجون: لامايحتاج مابي شي من هناك جيت مامعاي شي ابطلع مامعاي شي
فارس: حس انها تقط كلام بس مالامها بقلبه يارب ماتزعل مني
شجون: قامت يالله مشينا
فارس: ابطلب قهوة لسه ماجلسنا وماسمعت ايش تبين تقولين لا
شجون: ابتمست بتريقه تصدق نسيت أخذت شطنتها وتركت العقد على الطاولة وراحت
فارس: فكر انها نست العقد أخذه وراح وراها كانو ساكتين طول الطريق يوم وصلو مد لها العقد نسيتيه
شجون: آسفه ماأخذ من غرب
فارس: بس انا وسكت
شجون: كملت كنت زوجي والحين كل شي بينا انتهى ونزلت
فارس: نزل معاها شجون اتمنى تسامحيني
شجون: وهي تضغط الجرس الله يسعدك مع دلال
فارس: الله يسعدك اليوم ودوم وركب سيارته وتنهد براحه وحرك سيارته يوم شاف عمتها فتحت لها الباب حاس بضيقه مو طبيعيه بس قال أكيد علشان الموقف كان صعب مرة دقت دلال هلا دلول
دلال: هاهـ ايش صار تراني على نار حبيبي
فارس: كل شي انتهى
دلال: وهي تناقز وتصرخ جد حياتي
فارس: ابتسم بدون نفس ايه جد
دلال: وهي تدور صرت لحالي وبسسسس جت امها ايش فيك خلاص ماما صار فارس لي لحالي طلق شجون
أمها: مبرووك ياقلبي المفروض من زمان هذا الي صاير
فارس: يسمع نقاشهم ومايحب أمها وأوامرها خلاص دلول ابسكر
دلال: حبيبي ابروح مع السواق لبيتنا لاتمرني اوك
فارس: اوك رمى جواله وفتح ازرار ثوبه ناظر طيقه وعيون شجون ماتفارق خياله هز راسه الله يبعدها عن بالي مشكلتي رحوووم بس مصيري انساها الى الحين صدمتها قدام عيوني الله وصل للبيت ودخل شاف الشموع وكاتوه >>> اختنا مجهزة كل شي ضامن هان فويرس الرخمة بأصبعها
دلال: جته من وراه وضمته وباسته بقوة مع خده مبروك حبي تونا نحتفل جد بزواجنا
فارس: الله يبارك فيك حبي ماله نفس شي بس يجاملها جلس معاها وكانت تسولف مبسوطة شغلت أغاني هدايه ومسكت يده ترقص معاه وهو يتذكر شجون ونظرات الألم الي بعيونها
دلال: يوم خلصت الاغنيه حبيبي احسك متضايق
فارس: شايل هم أهلي
دلال: خافت يأثرون عليه بكره لازم تعجل بإجراءت الطلاق علشان يخلص كل شي ومايقدرون يجبونك يكفي انهم تدخلو بحياتك المرة الاولى لاتخليهم يتحكمون بحياتك هالمرة
فارس: بحزن بس هم يحبونها ماقدر يقول اسمها أكيد راح يزعلون علشانها
دلال: ضاقت وهي تشوف الحزن بعيونه يحبونها مايحبونها انت مالك شغل انت لي أنا وبس بعدين انت ماظلمتها يحمدون ربهم انك رحمتها وعيشتها معاك معززة مكرمة
فارس: فرح واتراح لكلامها صح انا ماقصرت وقفت معاها وقف مايوقفها أي رجل وشلتها فوق راسي حتى آخر يوم اجل بكرة ابقوم بدري علشان اروح للمحكمة واطلقها بعدها اروح لأهلي واقولهم ومالي شغل بأحد حياتي وانا حرة فيها
دلال: ابتسمت بخبث وضمته هذا حبيبي الي اعرفه الي فتني بشخصيته وهيبته مايخاف من أحد
فارس: اشبعت غروره بكلامه ولا راح يهمني أحد
===========
في بيت العمة
شجون: تحس بالذلة والاهانة انطردت طردة محترمة من بيت ابو زوجها
العمة: تشوف الحزن بعيونها والله تو مانورتي بيتي ياقلبي سبحان الله قبل شهر مزوجة آخر بنت لي اسمها عاليه ان شاءالله راح تتعرفين عليهم بكرة عندي عاليه ونورة وسهى
شجون: بحزن الله يخليهم لك ياعمة بس أخاف اثقل عليك
العمة: مافيه تثقيل ولاشي الحمد لله عندي سواق وشغاله وعندي من ربي رزق وانتي بنت اخوي مو غريبه صح اختفيتو عنا بسبب ابوك الله يرحمه كان زوجي مايبي أي صله فيه واخوي اصلا مخفيكم عنا بس سبحان الله الحين زوجي واخوي كله توفو ويوم سمعت بوفاة المرحومه جيتك جري
شجون: تتابع كلامها بحزن ماعاد يفرق معاها شي عارفه ان أهل ابوها مقصرين بحقها هي وأختها بس ماتقدر تلوم عمتها مهما كان عمتها مراة بحكم رجال ساكته وكلمات فارس ترن بإذنها حاسه بألم موطبيعي اسفل بطنها
عمتها: حطت يدها على كتف شجون حبيتي وجهك تعبان مرة تقومي ترتاحي
شجون: هزت راسها بإيه
عمتها: تعالي معاي حبيتي رقتها لغرفه فوق شجون موقادرة حتى تطلع الدرج تحس اسفل بطنها يتقطع عضت على شفايفها وترقى عتبه عتبه وراء عمتها الي كانت تسولف معاها وتمشي قدامها ومانتبهت لتعب شجون
شجون: ماصدقت توصل الغرفه
عمتها: أخليك حبيتي انا بالغرف هالي قدامك وبناتي اذا جو هذولي غرفهم وولدي اذا جاء هو وزجته هذي غرفتهم بس الحين بكندا الله يردهم بالسلامة
شجون: بحزن اللهم آمين
عمتها: طلعت وسكرت الباب
شجون: جلست على طرف السرير وتتذكر كل كلمة لفارس تذكر فرحتها وهي من الظهر تنتظره يأذن العشاء ابتسمت بسخريه كيف ارجي شي حلو منك يافارس قرقرت انسى الماضي واعي شوياك علشان ولدي بس مشكلتك حاقرني وراح تظل حاقرني مالي ذنب الا ان ربي ابتلاني بأبو مدمن مخذرات حافظتي على نفسك ماحافظتي هالشي مايشفع لك عند المجتمع سمعة ابوك تلازمك طوول عمرك جت تبي تقوم لدورة المياه حست بشي دافي بين رجولها خافت ونادت عمتها عــــــــــــــــــمـــــــــتي
عمتها: كانت متوضيه تبي تصلي وترها فزت يوم سمعت صوت شجون جت ركض وفتحت الباب خافت يوم شافت الدم ينزل منها ايش فيك شجون
شجون: من النزف حست الدنيا تدور فيها وطاحت على السرير
العمه: ارتبكت ودقت على السواق وصخت الشغاله ودقت بنفس الوقت على الإسعاف
================
في غرفة فارس
دلال: كانت نايمة بحضن فارس
فارس: ماجاه النوم يفكر بشجون حاس بضيقه مو طبيعيه بس كل يلف ويشوف وجه دلال وهو مبسوط وباين عليها الفرح حتى وهي نايمه يقول بقلبه لازم ماخلي رحمتي تقودني راح تعيش حياتها مع غيري وراح تلقى انسان يحبها انا عيالي وبيتي مع دلال هي تناسبني وأنا اناسبها ياربي ايش راح يكون موقف ابوي بكرة مني يالله ايش فيني ماصرت فارس الي قبل كأنك ياشجون هزيتي شخصيتي وغيرتيها
دلال: بهمس وهي نعسانة حبيبي لسه مانمت
فارس: ضمها الحين انام قلبي وغمض عيونه وراح بسابع نومة
==================
في المستشفى
طلع الدكتور
عمة شجون: هاهـ دكتور طمني عنها
الدكتور: الحمد لله الجنين لسه حي بس تعبان حيل
العمة: باستغراب جنين ؟!؟!؟
الدكتور: ليه هي مش متكوزة والا ايه
العمة: الا متجوزة تتذكر كلام فارس اول مادق عليها وعلمها انه متزوجه زواج مؤقت ومايبي يربطها ويظلمها أكثر استغربت
الدكتور: هو الجين عمره بآخر الشهر الثالث او احتمال داخل بالرابع بس تعطينه عمره شهرين بس الجنين ضعيف مرة وأمه لازم تهتم بنفسها ولاتتعرض لاي صدمات يعني تريحوها للآخر والا راح تخسر جنينها
العمة : ان شاءالله دكتور
الدكتور: تمنع من الحركة منعا باتا حتى تضع الجنين وتتغذاء كويس وهذي فيتامينات تقويها هي وجنينها
العمة: مشكور دكتور
الدكتور: راح تظل تحت المراقبة اسبوع كذه بعدين تقدر تطلع بس ماتتحركش
العمة: ان شاءالله دخلت على بنت اخوها
شجون: عليها المغذي وتعبانه حيل تعباة نفسيا وجسديا
العمة: زوجك عرف بحملك
شجون: هزت راسها لا
العمة: ليه !؟!؟
شجون: تناظر قدامها مايبي أمه كيف راح يبيه
العمة: يمكن يتمسك فيك يابنتي لو عرف انك حامل منه
شجون: للأسف ياعمة ماتعرفين فارس هذا قلبه حجر لايحن ولايرحم لو عرف اني حامل منه راح يضغط علي علشان انزله اقولك ياعمة مو متقبلني تعرفي كيف مو متقبلني
العمة: بعصبيه الله حسبيه مادامه مو متقبلك ليه يقربك ليه يكذب علي يقولي ماصار بينا أي شي ومابي اظلمها معاي ليه هالولد مايخاف ربه الشرهه على ابوه اليم اعرف يربيه زين ويخليه رجال كفو ويتحمل المسؤلية بكره ابكلم عمك واعلمه لازم يكون احد من اقارب الولد حولنا تعرفي الاجراءت كيف لازم اوراق يوم ولادتك وان صار ابوه قريب منا يقدر يصرفنا ويدبرنا
شجون: اصلا لازم عمي يعرف من حقه بس فارس اذا ربي جاب الولد وارتحت راح ابوه يصدمه بالخبر ابتسمت بتريقه اكيد راح ينصدم انه جاه ولد من بنت المدمن بس هذا الي ربه كتبه عليه
العمة: بس الزمي الراحة التامة علشان ولدك ترا الدكتور حرصني
شجون: بحزن هو أملي بعد ربي في دنيتي الحين لازم احافظ عليه انتظر خروجه للدنيا بفارغ الصبر وخايفه من جيته
العمة: برحمة ليه خايفه
شجون: تبلع عبرتها كيف اصارحه ابوه مايحب امه وياخوفي حتى لو عرف مايعترف فيه عمة أخاف تكون حياة ولدي زي حياتي ابو ماتقبل وجودي ويكون ولدي او بنتي نفس الشي اخاف بنت واموت عنها وتعيش نفس ماعشت ماتحمل افكر مجرد تفكير ان بنت او ولدي يعشون زي ماعشت وبكت
العمة: لا لا خلاص حبيتي جت جنبها وضمتها الدكتور حذرنا تضايقي نفسك
شجون: كانت كاتمة بكاها وهي مع فارس طلعت كل الي بخاطرها
العمة: خلاص حبيتي كذا تتعبي نفسك
شجون: تبكي ربي اشرح لي صدري ويسر لي أمري
العمة: راحمتها وهي تسمع شهقاتها وتدعي لها جواتها
====================
في بيت ابو مشاري
مشاعل: كانت قلقانه على شجون طول الليل مانامت تنتظر تكلمها بس ماكلمتها فرحت ان غلاب عنده شغله قالت ممكن توديني على دربك لأهلي رضي ووداها دخلت على أهلها بخوف وين شجون
ام فارس: وهي مبسوطه الحمد لله مارجعو شكلهم نامو في فندق ربي يسعدهم
مشاعل: مارتاحت وخايفه بس مابين لأمها جلست يارب سترك
غلا: دخلت اممممم شامه ريحة مؤامرة سمعت آخر خبر ان شجو هربت من البيت مع فارس أحلامها
ام فارس: مبسوطة وكل شي يضحكها ايه يابنتي الله يحفظهم لاتطخينهم بعينك بكرة تتزوجي وتجربي زيهم
غلا: بقلبها الله لايقوله ربي يبلاني زي خالي فارس
ابو مشاري: نزل وسلم والكل سكت
فارس: دخل عليهم لحاله
ام فارس: بفرحه هلاااااااا وغلااااااااا بوليدي وتاج راسي هلا يمه
فارس: قرب لأمه وباسها مع راسها هلا وغلا بست الحبايب راح لابوه وباسه مع راسه
مشاعل: تراقب تحركاته ومو مرتاحة طلعت جوالها تنتظر رسالة مكالمة من شجون شكت بالأمر لو شجون مبسوطه هذا فارس طلع منها ليه ما ارسلت او دقت دخلت جوالها وتراقب اخوها وتوتره الي باين عليه
ام فارس: هاهـ طمني عنكم البارح
فارس: الحمد لله تمام وشجون انبسطت حيل وتسلم عليكم سكت مايدري كيف يقولهم قام وعطى ابوهـ ورقة
ابو مشاري: رفع حواجبه ايش هذي
فارس: اقراها طال عمرك
ابو مشاري: فتحها ووقف معصب من جدك سويتها فارس
فارس: حاول يكون قوي قدام ابوهـ وديتها لعمتها معززة مكرمة والي اول شرط يبه آخره نور انا شرطت انها تظل معاي حتى تنتهي مشكلتها وهدي مشكلتها انتهت ويادار مادخلك شر
ام فارس: تبخرت كل فرحتها ايش تقول فارس لاتكون بس طـ لا مابي اقولها ماتوقع تسويها
ابو مشاري: لف عليها الا طلقها وجاينا مبسوط بعد كأنها بشارة
غلا: ماتحملت الصدمة ركضت وطلعت من بيتهم وراحت لبيتهم دخلت بسرعة ولقت أمها قدامها ارتمت بحضنها يمه خالي كلق شجون
نوال: يوووو من جدك غلا
غلا: وهي تبكي خلاص حرمنا منها يمه كذا يجازيها على وقفتها معاه ماعمري شفت شخص اقسى قلب من أخوك وركضت لغرفتها ومرت من جنب سحر
سحر: وهي تنزل من الدرج ايش فيها غلو ياخالة عسى ماشر
نوال: بحزن تقول فارس طلق شجون
سحر: شهقت وحطت يدها على فمها ونزلت دموعها ماقدرت تعلق دخلت غرفتها وبكت مسكينة ياشجون تلقاها من وين والا من وين
==============
في بيت ابو مشاري
فارس: يبه يمه لاتلومني المفروض تشكرون لي اني وقفت معاه ماتلقون واحد يوقف زي وقفتي يبه انا من حقي اعيش يكفي تحكمك فيني تعبت يبه تعبت وطلع وخلاهم
ابو مشاري: بعصبيه شفتي كلامه شفتي تصرفاته هذا دلالك له خربه
ام فارس: نزلت دموعها
مشاعل: ضمت ابوها يبه ارجوك لاتلوم أمي فارس هو مسؤل عن تصرفاته أمي مالها دخل ترا وبعدين جت تبي تقول عن حمل شجون بس قطع كلامها جوالها غلاب يبها تطلع وبنفس الوقت دق جوال ابوها
ابو مشاري: ياهلا كيفك متى وكيف طيب طيب انتم وين الحين دقايق وواصلكم
ام فارس: خير فيه شي
ابو مشاري: خير بس الشغل طالبيني راح بسرعه للمستشفى ودخل على غرفة شجون
العمة: حكت له كل شي
ابو مشاري: بهدوء مين عرف بحملك ؟!؟!
شجون: بتعب بس مشاعل
ابو مشاري: سكري جوالك نهايئا والزمي الراحة ولاتفكري بشي الحين وطلع يكلم مشاعل
مشاعل: سم يبه
ابو مشاري: سالفة حمل شجون لاحد يعرف يها ابد حتى أمك
مشاعل: ليه يبه لازم نواجهه موعلى كيفه يطلقها ويتخلى عنها وهي حامل
ابو مشاري: شجون وضعها الصحي سئ للغايه لو عرف اخوك راح ينكد عليها ومو مستعد اخاطر بأول حفيد من ولجي علشانه تعرفي اخوك وتهوره راح يطلعنا من مشكله لمشكله اذا جابه ربي بالسلامة ذاك الساعه نعلمه وتراها ممنوعه حتى من الجوال مابي أحد يضايقها مفهوم
مشاعل: سم يبه مالك الا الي يريحك
ابو مشاري : فديتك والله الله يحفظك ويسهل عليك يابنتي
مشاعل: بس راح نشتاق لها كذا
ابو مشاري: كافيها الي جاها خليها تبعد عن الاجواء والعيله كلها يمكن ترتاح بيت عمتها وبناتها أكثر منا شجون تعبت ولها حق ترتاح وانا راح اطمنكم عليها
مشاعل: بحزن الي تشوفه يبه سكرت السماعة
غلاب: دخل وناظرها باستغراب مين كنتي تكلمين؟؟؟
مشاعل: ابوي حطت جوالها وراحت للحمام ( اكرمكم الله )
غلاب: خاف تشوفه أخذ جوالها وبسرعه فتحه تأكد من رقم ابوها ماكتفى بالنك خايف تحطه توري بس تنهد براحه يوم سمعها تفتح مفتاح الحمام حطه بسرعه وجلس عادي
مشاعل: جلست ومانتهبت لحركته
غلاب: يناظرها وهي سرحانه ياترى تفكر بمين مين مشغل بالك يامشاعل مادري حبيتني الحين اولا ؟؟؟ وكيف ماتحبني وصار بينا رابط وهو الولد بس ايش يأكد لي انها تحبني لو تعرفين قد ايش احبك يامشاعل ومجرد تفكيري انك ترجعي لسلطان يتعبني ويحرقني موتس ولا اشوفك مع غيري
مشاعل: غلاب غلاب
غلاب: فز هاهـ
مشاعل: اناديك ومو لمي ابد
غلاب: لا بس سرحت شوي بغيتي شي
مشاعل: يوم تجي لقيت خالتي جالسه بالصاله او بغرفتها حبيت انزل لها واسولف معاها شوي
غلاب: ايه كانت تخيط تحت
مشاعل: تبغى مني شي او انزل
غلاب: لا انزلي انا ابنام شوي
مشاعل: نوم العوافي ونزلت لخالتها
غلاب: حاول يبعد الافكار الي تتعبه وتقلب حتى نام بعمق
^
^
^



فائدة:
إعلم " بأن الله مطلع عليك ..
فاستحي أن يراك حيث نهاك ،،
ويفقدك حيث أمرك ..![/