فديتك سوسو انتي الوحيدة الي تردي هنا
لأن وردتي وامولتي وعبوقتي يتابعوني هناك بس فديتهم وفديت روحهم يتابعون هناك ويشجوعني هنا الله لايحرمني منهم
بس انتي الي ظلتي الحين معاي لأن فيه عضوات غيرك شرفوني بمرووهم بس يمكن ماعجبتهم الرواية وانسحبو
اتمنى تظلي معانا ومنورة ياروحي واشكرك على اهتمامك
وشكري موووصول للغاليات العسولات حبيبات قلبي
ورداي امولتي عبوقتي
الي يبدولون قصارة جهدهم لدعمي وتشجعي جعل عيني ماتبكبهم ولاتفهم

السلام عليكم و رحمه الله و بركاته

همس ربي يعطيجً الف عافيه روايهً قمه و اسلوب روعه استمريً بهالابداع و التألق للنهايه..
و كوني على ثقه بعض اللي غابوا ظروف اقواً منهم مو قصور في بيت العنكبوت.

فارس انسان خربه الدلال الزائد و غروره بجماله زاد عليها بس بالأخير تبقى فيه صفات الرجل الشرقي الخليجي اللي يحب المرأه الحشيمً و اللي الحيا يزودها جمال و هذا الشيء هو فاقده في دلال و لقاه في شجون بس يبقى غروره يصوره انه دلال هي اللي ترقى لمستواه و شجون ماهي الا عله فرضها عليه ابوه ... بس الايام قاعده تبين له المعدن الزين من الشين هذي شجون بالرغم من كل شيء سواه ما خذلته و وقفت معاه يمكن لانه معاها يكون غير ... اتوقع شجون بالأيام الجايه راح تنهار بعد كل هالضغوط من كل صوب و يزود عليها خبر فرح و تعب الحمل اللي اهملتهً و منها فارس يعرف بحملها و دلال تعرف انه فارس قرب منها و هذا اتوقع بيخلقً مشكله بينهم و فارس بروحه هي دابلهً جبدهً و جبودناً عساه يطلقها و يلتفت لشجونً...


مشاعل احسها استعجلت برجعتهاً لغلابً بس يمكن هالشىء بصالحهاً و انه كبرت بعينه زود بس على ما بيدوً انه باقي فيه صفات ما تعدلتً تحتاج وقت طويل لانها تراكمات سنين و خصوصا باعتباره ولد هنديه... اتوقع ما فرح حيل بحمل مشاعل لانه خائف يمر ولده بنفس اللي مر فيه و يقولون عليه حفيد الهنديهً *متى ما راحت هالعقده منه وقتها تسنعً و صال خوش رجال...


مشاري و سحر بالبيهً عليهم ربي يسخرهمً لبعض الطيبون للطبيباتً ...


غريب و ياسر منهو فيهم بطلنا المجهول حيرتينا قلنا من الاول انه ياسر بس غريب و زواجه من وحده وحيده مالها احد يثبت انه هو ؟ ... و كره او نفور ياسر يثبت لنا انه هو بس ابو المجهول ماهو عارف انه مو ولده يعني ابو هيفاء ما هو هو اللي رماه و تخلى عنه ... يمكن اختلطت علي الامور بس أظن في احد ساعد الام انها تضيعه يمكن هو ابو هيفاء ...؟*



ماجد قهرنيً بخطبته لشعاع ! لانه مبين انه بس شفقه و رافهً بحالها و لا وين كنت طول هالسنينً و حتى لو تزوجها يبقى الشك دخيل يخرب حياتهم ...


شعاع الله يرحمها انصدمت من ماضيها يمكن قله خبره منها وتغافلً اهل و عدم مراقبه خلتهاً تسوي هالشيء .. بس اللي صار لها تكفير و تطهير من الذنوب...


همس ... مبدعه استمريً ،' *

صباح الخير .......تسلم ايدك هموس بارت حزين وموجع جدا .......هموس اتمنى الاحداث الجاية تكون اخف شوي على شجون المسكينة ........واضم صوتي مع الي يبي يحذف دلالوه ومعاها دانوه اكره الاحداث الي هم فيها جدا يحرقو الدم

شعاع وماجد

على اننا توقعنا موتها بس مو بهذي السرعة بصراحة احسك هموس بسرعة نهيتي دورها واحنا ننتظر دورها في تقريب فارس من شجون بس خابت ظنوننا وودعتنا كانت على الاقل تخفف عن شجون وحدتها الحين بتصير وحيدة المسكينة
وداعها لاهلها كان مؤثر وحتى ردة فعل فارس بس على الاقل لما صالحها قبل تموت اهون بكثير من موتها وهي متحسرة على قربه ........
بس فقدت عبد الرحمن في المستشفى ماذكرتي موقفه من حالة خالته ووداعه لها ........اما ماجد مابيفيده الندم لانه تأخر حيل هو ظلمها وعاش حياته عسى ربي يغفر توبته

غلابوه ومشاعل

احساسي يقول انو حمل مشاعل مابيتم والسبب غلابوه لانو بيمد يده عليها لانو هو الوحيد الي يمد ايده على زوجته ومادام هم بالمزرعة بيصير موقف على مااعتقد وهو شكاك ويمكن يصادف طلعت مشاعل هالمرة مع سلطان لانو ماصادف مرة مشاعل كانت تتمشى وهذاك يكون طالع بمكان ومريض الشك اذا بالمستشفى وحالتهم حالة وهو مابطل حركاته اعتقد ماراح يتم الحمل ومشاعل ماراح تكمل مع غلابوه لانو ماتغير ولا بيتغير والحمل الي يبغيه بس علشان يفوشر عند سلطان لانو يغار منه ومازلت مصرة انو فارس بيندم على الي يسويه في سلطان وتفضيل غلابوه عليه وهذا الي بيصير


شجون وفويرس

شجون ربي بيحمي الجنين الي ببطنها حتى لو ماتابعت دكتورة لانو هو الي بيكون بذرة السعادة عليها يمكن تجيب شعاع صغيرة تكون بدل عمتها وذكرى اسمها مابينقطع من البيت الي تربت فيه شجون على انو اسمها يعني الحزن لكن هي فرح البيت الي دخلته فرضت حب الكل عليها واحترامهم .......والكل بيوقف معاها لانها زرعت الكثير في نفوسهم التغير واضح على الكل ...
اما فارس حبها وتعلق فيها بدون مايوضح مجرد تقبله لها وبكائه قدامها وهو الي مستحيل يبين هالشي عند احد دليل انها تعني شي بقلبه مثل شعاع ودلالوه الي دوم يجيب طاريها بس علشان لايحسس احد بندمه الزواج منها والا هي ولا شي عنده ولا يتحمل منها اي كلمة

اما دلالوه خليها تفوشر من اليوم لبكرة العبرة في النهاية موكل من تفاخرت بشي يكون صحيح .......هذا ان دل دل على النقص الي فيها هي ودانوه نفس الشي وتسقيد هذيك خيرة لسلطان لانو بيجي يوم وبيطلع دلعها وكذبها من عيونها ........


فرح

دام شعاع ماتت وابو فرح مات اعتقد ياهموس انك بتفاجئينا بغير المتوقع دائما وسط احداثك لابد يكون عندك شي مانتوقعه فأحساسي انو فرح بيعفى عنها كيف وليش ماادري بس ماراح يتم القصاص وبتطلع وبتعيش مع شجون بما انك ريحتيهم من ابوهم .......اما فارس ماراح تحتاجه شجون لمواساتها مااعتقد انك بتكملي الاحزان على شجون وهي حامل مابتتحمل الصدمات كثير حتى لو هي عارفة الحكم ومتهيأة بس غير الشي اذا صار اما اذا فعلا تم القصاص الله يعين شجون وبتصير بحالة اكتأب وصدمة مهما كان هي بشر والاحزان داهمتها من كل صوب وهي الي بتجيب شعاع وفرح تؤم ...مو كأني الفت رواية جديدة بس متأملين بجيل جديد من شجون


عندي بس مداخلة البعض متوقع تسقيط شجون وطلاقها وزواجها من غريب .........طيب احنا خمنا انو ياسر غريب بس مو اكيد يطلع هو ويمكن غريب الي مع فارس هو غريب القديم وياسر يطلع له قصة غير متوقعة

او حتى لو هو غريب هو مايعرف سبب تخلي اهله عنه هل تتوقعون لو عرف بسهولة بيتقبل انو يكون ولد حرام ومجهول النسب .......... واذا هو فعلا غريب ويحب شجون ماراح يرضى لها بواحد مثله دايم الي يحب بصدق يقدم تضحيات وبعدين ليه نفاول على شجون بالطلاق بعد كل الي صار لها مع فارس ربي كتب لها قرب فارس منها والحمل لحكمة وانا اشوف تغير ملحوظ منه حتى لو كابر عكس غلابوه الي ابد موراضي يحسسنا انو له نية يتعدل .....فارس بيندم على الي سواه بشجون ......وبيعترف انو لها دور في تغيره للاحسن وانا متفائلة بشجون البسيطة في مظهرها وشكلها .... بس كل شي يبغي له وقت على مايصير


الا حمدوه ماله حس نبغي نعرف في ايش يفكر وايش ناوي يسوي وليه ساكت للان ......... والعنود ماعرفنا ايش سوت على سالفة العيال سكتت مرة وحدة


في انتظارك وانتظار مفاجأتك ياعسل

مساء الخير على الجميع

وش هالزين ياروح امك معليش اكتشاف متأخر مشكلتي المموري حقي صغير ماقدر اجمع روايات كثيرة

تتلخبط المعلومات وتتداخل واطلع روايه جديدة بس يمكن اسم الروايه له دور في ظلمها

الروايه فيها شي جديد الحمل خارج الزواج بالغصب قضيه ياليت توسعتي فيها اكثر

مدري موقف ابو فرح مع بنته صعب وماحاولت اصدقه اقول ماحاولت لاني احس شعور الاب اقوى من الادمان يارب

لاتكتبه على احد مدري احس المسلم وسعودي ما يسويها معليش وحده متعصبه حيل

اعجبتني شخصية شجون سبحان الله في الحياة نشوف كثير اختلاف بين الاهل والابناء الهادي الله

مشاعل الله يعينك عقد غلاب بيطلعها فيك ياتفكينها وتسعدون بحياتكم يايعقدك ويزهدك في كل شي

اللي يحب اكثر بيتنازل اكثر

روايتك حللللوه لي رجعه انشألله