صباحك بياض ونقاء وطهر ..

هموسه بارت ولا اروع عواااافي

فارس وشجون*
صدق انك حقير سويت لها تحليل خايف على نفسك منها ولما تطمنت خذت اللي تبي بنفس بارده والله واحد مثلك ابد مايحس والا تشوف خوفها ولا تهتم اهم شئ نفسك وبس
وبعدين لازم تحس بالراحه هذا حلال انت ووجهك ماتعودت على الحلال انت كله حرام
طيب وبعدين كسرتها وسمعت دموعهاابد انت زدتها قوه مابعد شفت شجون*
ليش ياشجون تشوهين عمرك عشان واحد مثل هذا بالعكس مفروض تهتمين بنفسك اكثر عشان تقهرينه هو الحين اذا شافك بيعرف انك تبينه يكرهك اكثر بسبب شكلك
هو بعد اللي سواه مااهتم لشكلك هو حاس براحه كبيره وكان بعد يبي اكثر لانه مرتاح
صدقني انت بتغيرنه لانه ما عاد يقدر يتركك

سلطان ودانه
الله يصبرك على ما ابتلاك*
دلع زوجتك وعدم احترامها لاحد وأمك اللي خايفه على زعل اخوها
الحين أخوك ابد من راحة ولدك ليش طيب
انت تعرفين بنت أخوك زين وانها ابد موب قد المسؤليه ومع كذا اصريتي على زواجه منها
بس عشان تحرين مشاعل وان ولدك ما اهتم فيها بعد ماتركها
ابو سلطان معه حق بكره بتندمين على اللي سـويته

حمد وسحر
خيره لك اللي صار معك افتكيتي من واحد ما يعرف ربه ولا يخافه
حنين سوت فيك معروف كل هذا حب يا حنين
والا بس قهر منه انه بيروح لوحده غيرك

توقعت ان سحر تحب عبدالرحمن وصار اخوها*
اجل مافيه غير مشاري واعتقد ان فارس بيقترح الاقتراح هذا ان مشاري يتزوج سحر
وهذا اللي تبيها سحر من اول

هموسه حبيبتي عجزت وانا أتوقع وكل توقعاتي تصير خطا هذا عاد صح :)

ياسر وهيفا
والله انك ياهيفا بتتعبين نفسك ياسر ابد مو لما
الحب وخرابيطها
الرجال متعلق في وحده ما عرفنا من هي*
مخلته مايبي يحب ويتزوج
ياترى ياياسر بتلقى البنت اللي مأخذه عقلك
هذا جوابه عند هموسه*

دام لنا نزف قلمك

تسلم يدك على البارات الرائع واالحمد الله على السلامه


وجعالها اخر الحزان موقف شجون وفويرس الكلب محزن الله يخذه اكسرت خاطري

ام سحر تحمد ربه ليل ونهار ان الله فكه من حمد النحس وانشالله بتاخذ زين الشباب مشاري

السلام عليكم ورحمه الله وبركاته

صباح الخير......صباح الوردوالرياحين...صباح عصير البرتقال لك يالغلااااااا
اولاا ماتشوفين شر اجر وعافيه ياااارب مالك الا فيتامين سي من برتقال وليمون والله
الله بالكيوي يمدحونه لنزلات البرد

والبارت رهيييييييييييب والله تسلم يدينك ياعسل

فويرس وشجون
حقير ...نذل...واطي...استغلالي ياااااااااااقهري منه الله ياخذه ليت سهومه تسلمني اياه والله ما اخلي
فيه عظمه صاحيه ماغير السب فيه بالخيزران خمس مرااااات في اليوووووم وياالله تبرد حرتي فيه
اجل يسوي لهاااا تحاليل عشان يتاكد من خلوها من الامراض المعديه ليييييييييه هي صايعه ضايعه
بشوارع مثله مابقى بنت ماضمها على قلبه جعل قلبه الجلطه
ليه مايدري انه قربه اكبر مرض معدي بالعالم والناس تاخذ تلقيح اذا بغو يكلمووووووونه حسبي الله
عليك ونعم الوكيل فيه كانه قهر هاليتيمه واستغل ضعفهااا جعله بشاحنه تتوطى ببطنه
اكييييد تحس بالراحه والمتعه لانها حلااااااااااااال الي عمك ماعرفته ولاا فهمته ولاا ابشرك ماراح
تحسه مع سحيله ام الخلاقين لانها ابعد ماتكون عن الشرف والعفه والبراءه وبتذل تدور هالشعور
معاها ولاا راح تحصله وبترجع لشجون بس ياترى وقتها هي راح تستقبلك والا ترضى لك انك
تلمسهااا من جديد بعد سواد وجهك ولا مسوي فيها خايف ومهتم مااالت عليك وعلى اهتمامك

شجون تعوذي من الشيطااااااان جالس يوسوس لك عشان تطيحين بالغلط وشدخلك بغريب والا بتغيراته
وحيات عانتي اللحين على ذمة شبه رجال واخلاقك تحتم عليك انك ماتفكرين غير فيه
وفارس صحيح جرحك بحركة التحاليل بس على الاقل يشفع له انه ماجاك بالقوه بالعكس
جلس يحايلك ولاا اذااك او اغتصبك ودمر ليلتك
وبعدين سلامات تقصين شعرك زتدمرين روحك عشانه حنا ما صدقنايطول كم سانتي تجين
تخربين الي سويتيه قلت لك عيشي واهتمي عشااااان روحك مو عشان احد

سلطان ودوينه
وياااااااامااااا لك ياسلطان من عوار القلب والرااس مع هالغثيثه وامها وامك الله يعينك على
هالثلاثي المرح ياهم بيجننونك بس لازم تفرض شخصيتك ولاا تنساق ورى طلياتهم واوامرها
وانت شايفه لاتحترم لااصغير ولاكبير
وام سلطاان خلك وؤ=رى رضا اخوك وبنته ومصيرك تبكين دم على الي راح تسويه دوينه
فيك وفي ولدك وذيك الساعه راح تعرفين ان اختيارك كان غلط في غلط

سحر وحمد
سبحان الله خيره من رب العالمين الي صار والله ان ربي راحم حاال هاليتيمه ولاا بغى لها الحظ
المايل وفكهااااا من حميده وشره ههههههههههههه ياني فرحت يوم اختربت الملكه باقي اشوي
والولش .....صحيح اهو حط العايله بوضع صعب بس ارحم من انها تاخذ هالصايع
واكييييد المنقذ لهالموقف الشهم مشاااري هو الي راح يعقد عليها عشان يفك الاحراج الي
صاير وينقذ الموقف

هيفاء وياسر
هيفاء هي مها بس بثوب غير واسلوب غير ابي اعرف هالياسر الي معذب قلووووب
العذارى وهو ولاا يدري عن هوى دارهم مالهم الا عوار القلب والتنهد مساكين
وخاصة ان قلب ياسر مشغول حاااليا لا يوجد لديه مكان شاغر يعني طلع نباهم على شونه

همووووسه ياقلبي انتي لاخلاا ولاعدم تسلم يدينك على هالابداع

مسائكم معطر بذكر الرحمن وقراآءة القرآآآآآآن ... والصلاة على خير الأنام ...
عاجزة عن شكركم يامن تعابعتو روايتي
ولقيت جميع عبارت الشكر تستحي اماكم
فوجدت الصمت أبلغ
افتقد مشرفتنا الغالية بياض الصبح
اتمنى المانع خير
ليتها بس تطمني عنها
مابي اطول عليكم
اترككم مع البارت التاسع عشر
قرآآآءة ممتعة

الــ ج ــزأ الـتــاسـع عــشــر
ابو عبدالرحمن: بألم الحين جلست سنين اداريها واراعي مشاعرها اخاف تتحطم او تنجرح ويجي واحد حقير ويذلها ومتى يوم ملاكها الحين ايش راح يقولن الناس يقولون اكيد شايف منها شي وعافها آآآآآآآآخ مو قادر اتصور ابد مو قادر
ابو مشاري: اول مرة يشوف محمد منهار وضعيف اذكر الله وانا عمك
نوال: قربت منه تعوذ من ابليس يابوعبدالرحمن
عبدالرحمن: والله ماخليه خلني اشوفه وانتقم منه
مشاري: عبدالرحمن الامور ماتنحل كذا
عبدالرحمن: كيف تنحل بالله عليك
فارس: انا عندي حل ينقذ الموقف
كلهم لفو عليه ايش هو عجلنا فيه
فارس: نملك سحر للمشاري ويادار مادخلك شر أهم شي الليله تصير فيه ملكه كل الناس ماراح يقولون عن سحر شي وهم شايفنها تملكت على زين الشباب مشاري الكل راح يظن ان العيب من حمد مو من سحر بس عمها حب يستر عليه
عبدالرحمن: عجبه الراي مع انه مايطيق فارس صحيح وهو هذا الي صار أختي سحر ماعليها عيب العيب من الخسيس النذل وماراح تلقى سحر احسن من مشاري وهو ماراح يلقى احسن من أختي سحر

مشاري: تضايق من الحل ايش تخربط يافارس وايش تقول انت الدعوة مو لعبة يبغى لها تحليل وموافقة سحر حتى
فارس : التحليل حقك لسه موجود مع ابوي يوم تحلل لشجون نعرضه أي مستوصف اهلي ونشوف تتطابق تحليلاتكم او لا هذي محلولة
مشاري: أي محلولة انت تعرف اني تزوجت قبل وماجاني عيال ومو مستعد اظلم سحر معاي
ابو مشاري: ياوليدي العيال قسمه من ربك يعني سحر تضمن انها راح يجيها عيال من حمد
مشاري: طول عمري اشوف لسحر طفلتي المدللة وربي اعدها زي اختي مشاعل
عبدالرحمن: بس عمرها ماكانت أختك وترا الطفلة كبرت والتفاحة ماتظل تفاحة صغيرة يجيها يوم وتنضج
مشاري: محرج ومقهور منهم فكرة الزواج ابد مادخلت مزاجه بس مايبغى يجرح محمد ببنت اخوه وكأنه راميها عليهم وهو يعرف حساسية محمد لاي موضوع يتعلق بسحر تمنى يقوم يتوطى ببطن فارس الي اقترح هالاقتراح
الكل سكت وينتظرون رد ابو عبدالرحمن بس فاجأهم كلام ام سحر
ام سحر: والله يابو عبدالرحمن كنت احرص من بنتي مني وأنت اعرف بمصلحتها وانت ابوها والله ربها بس انا لو الف الدنيا كلها مالقى كفو يحافظ على بنتي مثل مشاري
مشاري: انحرج من كلامها وسكت مارد
ابو عبدالرحمن: وقف الوقت يباغتنا لازم الحين تروح ياعبدالرحمن بتحاليل سحر ومشاري للمستوصف ..... فيه واحد اعرفه راح ينجز لك الشغلة وانا ابددق على الشيخ اخليه يتأخر شوي
مشاري: وقف ولحق بمحمد يابو عبدالرحمن لازم تشاور سحر
ابو عبدالرحمن: ماعليك انت بس تطمن وانا وربي منى عيني من زمان انك لها بس ربي ماكتب الا يصير الحين
مشاري: اخفى ضيقته والا كأن السماء انطبقت على الأرض
ابو عبدالرحمن: وانتي يا أم سحر روحي لسحر ومهدي لها الموضوع وانا ابروح اتطمن عليها بعدك
ام سحر: راحت لبنتها بس ماقدرت تقول لها شي منحرجه منها هي عارفه ان سحر ماقبلت بحمد الا علشانها كيف الحين تصدمها كل ماتجي تتكلم تتراجع ضمتها على صدرها وصارت تبكي
سحر: تفاجأت ببكاء امها يمه قلبي ايش فيك ياروحي
امها: مادري يابنتي فرحانه انك كبرتي وراح تتزوجي الله يرحمه وينه يشوف بنته عروسه
سحر: ضمت أمها وطلعت كل بكاها الي كاتمته بصدرها
أمها: بعدت عنها ومسكت وجه سحر بيدينها عارفه ياروح أمك انك ماتبينه وانك ضحيتي علشان اخوانك مايتشتتون ويضيعون بدون أب
سحر: خبت عن أمها وهي تمسح دموعها لاياروحي مقتنعه فيه وماكتب ربي لي شي الا اكيد فيه خير لي والحب مايجي الا بعد الزواج
أمها: بس
سحر: ايش يمه
أمها: تبي تقولها الي صار بس مو قادرة عارفة بنتها تبي تنصدم موسهلة يتركها خطيبها يوم ملاكها مافيه شي ياروحي حاولت تقولها ماقدرت آخر شي طلعت وماقالت شي قالت يمكن عمها اقوى مني انا موقفي صعب
سحر: يوم طلعت أمها طلعت كل بكاها آآخ يمه لو تعرفين الضيقه الي فيني لو وزعت على بلد كفت ربي فرج همي وكربي ربي ان كنت تعلم اني ماسويت هذا الا برا بأمي فيسر لي الخير وين ماكان
ابو عبدالرحمن: طلع غرفة سحر الي كانت جالسه لحالها وواضح الضيقة عليها وعرف من عيونها الصغار الحلوات انها كانت تبكي تمنى يشيل همومها عنها مالامها عارف الموقف مو سهل عليها واحد يرميها يوم ملاكها وتروح لثاني ابد الموقف مو سهل بس قال بقلبه الحمد لله ربي عوضها بمشاري اخير واحسن منه بس شكلها كانت معلقه احلامها بحمد علشان كذا منصدمه قرب منها بحنان سحورة
سحر: وقفت سم يا عم
ابو عبدالرحمن: ماحب يعيد السالفة الحين يحطمها أكثر مسكها مع يدها سحر يابنتي انتي واثقه فيني وكان يظن ان أمها قالت لها
سحر: كل الثقه ياعم
محمد: واثقه اني ابي مصلحتك
سحر:مو بس تبي مصلحتي الا تقدم مصلحتي على مصلحتك انت وبيتك وعيالك
محمد: ارتاح لكلامها وحضنها ومسح على راسها وهو يتقطع جواته صدقيني يابنتي ماراح اسوي الا الشي الي ضامن فيه انه بمصلحتك
سحر: والله ياعم ماعمري فكرت الا بكذا كم لي ماعمري حسيت بغربة وانا بينكم والله ياعم ماراح القى واحد يحب مصلحتي اكثر منك
محمد: ابتسم بحنان ومسك وجهها بين ايدينه راح تلقي زوجك ان شاءالله
سحر: غمضت عيونها بحزن ماضن ياعم ماضن
محمد: ثقي بربك ثم بزوجك ترا زوجك كفو مو أي رجال وماعمري شفت مثل حنانه ولا رجولته ولاشهامته سبحان الله كنت من زمان اتمناه لك وجاء اليوم الي راح املكه لك
سحر: استغربت من كلام عمها ماعمره مدح حمد قدامها بالعكس كانت تحس انه مايبيه ايش غير رايه الحين ابتسمت من وراء قلبها يوم طلع عمها رمت نفسها على السرير ياحسرة ياعمي ماتعرف انه الرجال الي تقول عنه رجال اكبر مغازلنجي والرجولة وين وهو ين آآآآآآآآآخ بس ربي يعين ماتعرف ياعم تحت ابتسامتي مخبيه نار تحرق قلبي من حسرة وألم تقطعني بس كل هذا لعيونك يمه كل شي لأجل سعادتك أنتي واخواني تهون
***********************
في ملحق ابو عبدالرحمن
مشاري: كان جالس وينتظر عبدالرحمن ويدعي ربه انه يطلع التحليل مو متطابق وينجي من السالفة بدون مايجرح احد زي مانجى من زواجه بشجون هو مايعيب لاشجون ولاسحر بس كره الحريم بعد صدمته بالعنود
عبدالرحمن" دخل مسرع ووجهه محمر هاهـ تأخرت عليكم
محمد: لا ماتأخرت بس عجل ايش صار
مشاري: يناظر بعبدالرحمن بنظرت أمل
عبدالرحمن: نادي الشيخ يبه على بركة الله ويستهبل كلوووووش
الكل فرحاااااااااااااااااااان الا مشاري
مشاري: غمه على قلبه بس قال بقلبه رضيت بقضائك وقدرك يارب ماكتبت كذا الا خير لي ولها بس يارب اقدر اسعد الوردة الطريه طفلتي المدللـه تصير زوجتي سبحان الله مقدر ومكتوب ماتزوج الا وحدة كانت متعلقه بواحد قبلي الله يعيني بس
******************
في صالة الحريم
العنود: دق جوالها هلا قلبي
صلاح: بدون نفس روحي لبيت أهلك اليوم
العنود: خافت ليه
صلاح: طالعين انا وربعي وابنام معاهم برا
العنود: بس
صلاح: بدون بس يالعنود يالله انا مشغول مع السلامة سكر منها قسم نشبه ولصقه اووف
العنود: سكرت بحزن وجلست بمكانها واختفت كل فرحتها
ام سحر: فرحانة ان سحر راح تتزوج مشاري
العنود: ا تحاول تنسى كلام صلاح سألت ايش السالفه ماشوف اهل العريس ؟!؟!
غلا: تأشر على خوالها والي قدامك ايش هم
العنود: عقدت حواجبها هذولاعيال عمي بندر ايش دخلهم
مشاعل: وهي تدق بالكلام ايوه عيال عمك بندر هم أهل زوج سحورة
العنود: استغربت أكثر كيف
مشاعل: معادلة موصعبة ابو عبدالرحمن في آخر لحظة رفض حمد لأنه قلبه مارتاح له وطلبها ابوي لمشاري وابوعبدالرحمن فرح قال من حيني ابغاها لك ((( طبعا اتفقو يقولن كذا قدام الناس علشان ماتتشوه سمعة سحر )))
العنود: تفاجأت بالخبر وتغير وجهها وحست كأن السماء انطبقت عليها ومو قادرة تتنفس
سلطانة: ايش فيك فضحتينا الضيقة واضحة بوجهك من زمان ماحبتيه ليه الحين تضايقتي
العنود: تحاول انها تخفي ضيقها لا ليه اتضايق عادي الله يوفقهم لو ابغاه ماتركته
سلطانه: ايه صح بس يكون افضل لو مثلتي احسن شوفي غلا ومشاعل يطالعونك ويتبادلون الابتسامات
*********************
في غرفة سحر
ابو عبدالرحمن: رفض ان عبدالرحمن يروح بالدفتر قال انا ابوديه لها طق باب غرفتها
سحر: فتحت له وهي تمثل الفرحه
ابو عبدالرحمن: فرح انها مبسوطه وارتاح خاطره وقعي هنا يابنتي
سحر: عيونها غرقت بالدموع ويدها ترجف
ابو عبدالرحمن: سما عليها
سحر: وقعت وكأنها توقع يوم موتها
ابو عبدالرحمن: سكر الكتاب وضمها له بحنان الله يوفقك ويسعدك معاه
سحر: طلعت كل بكاها الي مخبيته
ابو عبدالرحمن: افااا يابنتي غيرك يفرح وانتي تبكين
سحر: شدته وتبكي أكثر
نوال وغلا وامها سمعو بكاها طلعو فوق بسرعه رحمة ان مجلس الحريم بعيد
ام سحر: بسم الله عليك ايش فيك يابنتي
ابوعبدالرحمن: يالله ابعد منها علشان أمها تضمها يابنتي ان كنتي ماتبغينه والله لاطلقك منه اهم شي عندي سعادتك
نوال: تضايقت من كلامه مهما كان مشاري أخوها وتهمها مصلحته افا عليك محمد أي بنت يجيها كذا وترا الزواج مو لعبه
محمد: حس بنظرات العتاب من نوال له ومالامها اخوها جميله فوق الراس وحتى هي جميلها مايسناها عاملة سحر كأنها بنتها
نوال: انزل انت رجع الدفتر للشيخ واحنا نجلس عندها
محمد" طيب دخل عند الرجال وسلم الدفتر للشيخ الشيخ التفت على البركة الله يوفقكم يارب
مشاري: مو مصدق خلاص سحورة صارت زوجتي زوجتي انا سبحان الله قطع سرحانه ابوه وهو يقرب منه علشان يحضنه ويبارك له
والكل قام يبارك له
محمد: وهو مبسوط تفضل على العشاء
نوال: يالله سحورة مو نازلة تشوفي العريس وتجلسي معاه
سحر: مابغى ماراح انزل لا للعريس ولا لأهله
غلا: يمه خلاص تراها من الصبح رافضة مو شي جديد
نوال: ماقدرت تلومها لأن صدمتها موبسيطه يتركها واحد ويجي الثاني يحن عليها وياخذها >>> الكل يظن ا ن ام سحر معلمتها السالفة
*******************
تحت بمجلس الحريم
الكل تفرق وراحت العنود مع أهلها بس قالت لهم نزلوني ببيتي لأنها كانت متضايقه حيل وتبيت اخذ راحتها بغرفتها
مشاري: ودعهم وجاء يبي يمشي مسكه محمد
محمد: اعذرنا يامشاري بس الي جاء سحر اليوم مو سهل
مشاري: مالمتها والله وترا الشوفه عندي مو مهمه اصلا اعرفها فديتها من يومها صغيرة
محمد: والله يامشاري موقفك ماراح انساه ابد
مشاري: ماله داعي هالكلام مابينا شكر وماسويت الا الواجب والكسبان الي يفوز بسحر هي بحد ذاتها مكسب لاي رجال بالدنيا
محمد: فرح بكلامه ووتطمن ان مشاري مو مجبور عليها او يجامله
مشاري: مهرها راح يكون بحسابها بكره ان شاءالله
محمد: مسك يده ماراح تدفع الا مية ريال لانه الشرع اوجب علينا المهر وجهازها علي هدية مني لكم
مشاري: افا عليك يابوعبدالرحمن سحر غاليه علي وأنا ابدفع لها مهرها وأنت اهدي لها الي تبيه بس ماراح يرتاح خاطري اسوق مهر لبنت عمي وسحر ماعطيها مهر ماراح ارضاها عليها ابد
محمد: زادت فرحته حط يده على كتف مشاري والله انك رجال كفو وربي فرحتي ماتنوصف بأنك انت زوج بينت أخوي الي كانت أمانه برقبتي الحين بس ارتحت اني ابطلعها من أمانتي لرجال راح يحرص عليها أكثر مني
مشاري: الله يقدرني وأسعدها وجاء يبي يركب سيارته الا فارس يطق كتفه
فارس: مبرروك ياعريس مع اني ماشوفك حيل مبسووط
مشاري: طالعه وسكت
فارس: ياخوي لاتكبرها ان كنت مو مقتنع فيها فتره بس وطلقها أهم شي انك سترت على البنت انا مالومك ماحد يتحمل سحر ودلعها وانت عاقل وكبير وفرق بينكم بالعمر
عبدالرحمن: كان طالع يبي غرض من سيارته وسمع كلامهم جاء يبي يتدخل بس احترام لخاله مشاري سكت وظل واقف بعيد عنهم يسمع نقاشهم
مشاري: طالعه بنظرة عتاب ايش تخربط يافارس تظن بنات الناس لعبه بعدين ترا سحر صارت زوجتي وماسمح بأي كلمة فيها
فارس: ابتسم ياخوي لاتعصب انا ماسبيتها بس كلنا يعرف دلع سحر اليم احد يتحمله بس
مشاري: عصب أكثر فاااااارس قلت أي كلمة يجرح سحر دلعها لي ومالأحد خص في بعدين انا مبسوط انها صارت زوجتي ماشتكيت لك ومشكور على الفكرة الحلوة ياخوي عن اذنك
ركب سيارته وواطلق تنهدية ضيق كاتمة صدره ياالله ايش الي يصير وربي مو مصدق أنا زوج سحر مومعقولة عمري مانظرت لها نظرة حب طول عمري انظر لها سحورة الطفلة اليتمية البريئة كيف الحين ابتقبلها كزوجة ماتوقع راح أحبها حب زواج وهي حساسة أخاف تلاحظ علي بعدين حتى هي أكيد كانت متعلقة بحمد حب من يومهم صغار بس هو خذلها يالله انا ابتلاني ربي إني ماتزوج الا وحدة حبت من قبل انصدمت من العنود العاقلة كيف راح تكون صدمتي من سحر الطايشة الله يسامحك يافارس حطيتني بموقف لا أحسد عليه
فارس: ابتسم الحمد لله انك مبسوط جعلها دوم ياخوي جاء يبي يركب سيارته الا عبدالرحمن بوجهه واضح انه معصب ياليل ايش فيهم اليوم علي بدال مايشكروني كل واحد ناط فيني
عبدالرحمن: ان سمعتك تجيب سيرة أختي بلسانك ماراح يصير لك طيب
فارس: نظارة بتريقه يعني ايش راح تسوي يالبطل
عبدالرحمن: أنا انذرتك وبس
فارس: ماراح اجيب سيرتها لأنها صارت زوجة اخوي والا انت ماهميتني بعدين احمد ربك اني انقذتها من موقف لاتحسد عليها بدال ماتشكريني جيت تخانقني ودور أي عذر
عبدالرحمن: اصلا لو ماكنت مقترح خالي مشاري ماوفقت بس ماراح نلقى احسن من خالي والشكر لله ثم لخالي مشاري انت مالك شكر عندي
فارس: عصب وأنا مانتظر شكر واحد زيك ماعنده تقدير او احترام لخاله وركب سيارته وهو معصب دخل للبيت وهو فاير من تعامل عبدالرحمن الي ينرفزه دخل لجناحه وشاف شجون طالعه من المطبخ حقهم معاها شاهي لاحظ شعرها هيه هيه انتي ايش مسويه بنفسك
شجون: بدون اهتمام مشت ماردت عليه سحبها مع يدها وطاح الشاهي منها
فارس: شاف الكوب المنكسر وشافها تنزل تشيله وشاف شعرها كيف خرب مسكها مع يدها ووقفها قدامها وهو راص اسنانه يعني تظني يوم اقربك فاتنتي ورحت تخربين شكلك ابشرك ترا طال شعرك او ماطال ماتغير فيك شي الشين يظل شين لو ايش ماسوى وانا اكررها عليك ماقربت الا اكسرك
شجون: عيونها على الكاسه المكسورة بدون أي رد
فارس: انقهر من تطنيشها له ترك يدها بقوة ودخل غرفته وسكر الباب بعصبيه
^
^
^[/QUOTE][/FONT][/SIZE][/COLOR][/COLOR]