السلام عليكم و رحمة الله و بركاته

صباح الخير و النور .. ربي يعطيج الف عافيه طيوش


رتيل يا عيني هي متاثرة حيل بكلمة عزوز مدري هل لانه ظن فيها سوء او لانه وعاها على شيء كانت تحاول تتجاهله عشان الحب ...



و عزوز كلمته طبعا ما كانت بريئه له مغزى من وراها ؟ تصرفاته بدت تقهر قاعد يلعب بشيء اكبر منه و المشكله ما خذها تحدي و انتقام لشيء هو متصور تاكده .. فوق تهوره بسالفة الجوهي ...

طلع بسالفة الزواج و المشكله ما حدد اي وحده فيهم قاعد يكذب على نفسه و ينتقم نن ابو سعود ببناته بس اتوقع هو الخسران .. لانه بيخسر رتيل اذا ما حدد انها اللي يبيها !...


ابو سعود زين منه مسك اعصابه و ما ذبح عزوز بس اكيد من حسن تصرفه و عارف العناد مع متهور مثله ما راح يفيد .. بس اتوقع راح يقلب السالفه عليه بما انه وافق على الزواج ...
و اي وحده من البنات بتكون فيها خساير لعزوز .

يا الله عليهم الرياجيل اللحين ما تزوجت و كاذب على البنيات و طالع فيها الوفي لزوجتك و انت من جنبها يا ابو سعود رجال ماعليه شرهى ...¡¿


سلطان و الجوهره يا حكاية عذابج يا جوهره بس سوت الصح و الاهم وجود ابوها اتوقع ممكن يحد نن عنف ردة فعل سلطان او انها تقوله قبل و يتصرف بروحه و اول شيء يسويه تحليل لها ...

اما سلطان ردة فعله اينا كانت ما ينلام محد يرضى تكون زوجته بمكان الجوهره و لا انه يستغفل من الغير ...


يوسف يا شينك تبي تتزوج على مهره و هي قماري طالع فيها و صلح الحال احسن .. بس يمكن هذا مجرد كلام هذرته واجد هالولد ...

مهرة للسف ما هي معطيه يوسف مجال اولا حزنها على اخوها و ظنها ان منصور القاتل و طريقه زواجها كل الاشياء عايق قدام انها تعيش حياة طبيعيه معاه و هو نفس الشيء بالطالع و النازل مناقر معاها ...


نجول يااوي نا احب سوالف الحموات تعل القلب اللحين البنت وش سوت لج حاطه نقرج من نقرها و لا بس مجرد انها كانت ممكن تكون زوجة منصور ولع الغيره بقلبها فتصرفاتها ردة فعل طبيعية ¿...


رؤى بداية خير انها تذكرت الاسماء مع جهلها من يكونون بس اول الغيث قطره و ان شاء الله تتذكر الباقي و الاهم انها متزوجه عشان تبعد عن وليد ...
دام الام ماهي مراعية حلال و حرام و اللي يقهر انها فوق ماهي مو راضيه تساعدها تزيد من توترها و عذابها بتكذيبها و لا هذي مجرد طرق علاج ...


خارج التعليق ... تنبيه و شوية عتب

انا عارفه اي كلمه بحوارات الابطال ماهيه نابعه من ذات طيش
ما انتي الا ناقله لفكر بطل انتي متخيلته .. يوسف عندي له عتب كبير
لانه لسانه زفر جدا و كذا مره يقول الحريم كل.. و ...
يمكن الكلام عابر بس بالاخير في اهانه كبيره و يحز بالخاطر فكرته البشعه عن الحريم

و عشان ما يكون لنا عليج ماخذ اتمنى تعاقبين يوسف بحب الحرمه مهره و خليها تعذبه حيل :) فيس شرير

سلمتي يا طيوش
بانتظارج

....

يسعد اوقاتك طشطوشه ..
واخخخخخخخخخخيراً صار اللي ابيه ونااااسه قسم مانيب مصدقه خايفه اشطح يعني وافرح واخرتها بو سعود يتنيذل ويزوجه عبير !!!!! معصصصصي ..
عزوز الله يهديك سلطان عصب بقوه وهذا بيصير ضد الجوهره يعني راح يطلع حرتك فيها وبموضوعها ؛ ((


عزوز /*
تكفيرك خططططططير هم مفكرين انك كذا تحمي نفسسك من الجوهي بس انت لا ، انت تفكر فيها وبس*
مشكلتك مب قادر تعترف لنفسك وبحبك لها ، كل تفكيرك انك تبي تقهرهم وتجبرهمم بس تراك تقدر تقهرهم ب اشياء ثانيه بعيد عن رتيل .. ف اعترف انك تحبها وريح قلبي الغلبان / :
اتمنى بو سعود يفكر يزوجك عبير وقتها يمكن تعترف انك تحب رتيل ؛$
بالنسبه للجوهي اتوقع اذا سافرت معه راح يكتشف الجوهي مين انت !!!
مدري حاسه يمكن احساسي عبيط بس ما اتوقع تنتهي من شغلك مع الجوهي وانت سليمممم*
..

رتيل /*
ترى انتي صايره بتصرفاتك مب بعيده عن عزيز ..
كيف تكرهينه وبنفس الوقت تخافين عليه مهما حاولتي ما راح تقدرين ..
صراحه سالفة ابوك ان الزواج على ورق قهرتني بس شسمه م عليك عزوز ما راح يرضى وراح يعرف كيف يقهر ابوك بتاع ضي / :
اتوقع انو عزوز راح يحاول ياخذك انتي وابوك راح يتستر ع الموضوع بس عزوز لااااا .. ( فيس مبسوط )

عبير /*
اللي سويتيه يعتبر صح ..
اتوقع هالشي هو اللي راح يخلي المجهول يكشف عن شخصيته قدامممك*


ناااااااااااصر /*
قسسسسسسسسسسسسسسسسسم انها قربت*
اهم شي صارت تفكر فيك وسحبت على وليد ،*
اتوقع قربت ترجع لها ذاكرتها ووقتها اول واحد راح تفكر فيه انت ..

غاده /*
واخيرن صحيتي يختي خليتيني احبككك ..
اتوقع راح تحاولين تدورين عند امك عن اي شي يخص ناصر وراح تحاولين تعرفين كيف كانت حياتك معه قبل لا يموت بسم الله عليه عسى امك للوجع يوم موتته مدري انا صراحه وش تفكر فيه حبيبة مقرن الام الكذبيه ..
و وليد بتصرفه وهو يأجل الموضوع كأنه يعطيك فرصه تفكرين بحياتك السابقه وخاصه مع ناصر ..

ولييييييد /*
بما انك صرت تأجل يعني انت تبي تعرف مين اهل غاده !!*
واذا عرفت مين اهلها يعني عرفت انها متزوجه ناصر !!*
تخيل كذا اشطح واتوقع انك انت اللي تعلم ناصر عن غاده ؟؟؟
اتوقع ان ابوك بما انه صديق بو سعود راح يحاول يقوله عن موضوعك مع غاده وكيف انها بنت مقرن !!
*المهم اني متفائله فيك صراحه اتوقع انك راح تسوي شي عجزو الكل يسوونه ..*



افنان /*
يختي انتي وش فيك !!*
خشي ب عين وليد وخليه يحبككك !!*
وراك كذا يعني ،
حاطه دوبك من دوب ضي كيفها يختي فكري بوليد وفكينا منه ..*
اتوقع ضي راح تبعد عنك بعد ما عرفت صلة قرابتك ب بو سعود ...


الجوهره /*
ي خوفي انك تتراجعين !!*
بس اهم شي وجود ابوك .. خليه يعرف اخوه اللي ضافه ببيته وش مسوي ببنته !!
مرات اقول خلاص الجوهره تعبت وبتقول لهم عن كل شي ومرات اقول انك جبببببببببانه وما راح تقدرين وخاصه ان سلطان راح يكون معصب من بعد موضوعه مع عزوز ..
اتمننننننننى انك تقولين لهممم وترمين همككك وترتاحين صحيح ف البدايه راح تكون ردة فعلهم غير متوقعه لاكن بعدها اتوقع كلهم راح يكونون معك واولهم بو بدر ..


سلطان /*
نفسي اهاوشك على عصبيتك على عزوز واقول كم كلمه ابرد تسبدي بس اذا فكرت فيها اقول معكم حق لانكم ما تعرفون عزوز وش يفكر فيه كل تفكيركم ان عزوز تصرف بحقاره عشان يهينكم و يحمي نفسه بس عزوز لو بيحمي نفسه ما فكر يروح للجوهي *..*
مصيرك انت بالذات تعرف ليش عزوز سوا كذا ما اتوقع تفوت عليك ي ابو بدر ..
المهم اذا جيت تروح للجوهره تكفى انسى عزوز .. اللي عند الجوهره اهمممم !!
انا صراحه مممره خايفه من ردة فعلك وخايفه انك تقول لها توكلي مع ابوك بس ...*

( سلطانْ ينقُل قُبلتِه لجبينها ليُدخِلها في صدرِه , رُبما قلبِي ينقل لك ماعجزتْ عن قوله , لو أُعيد تشكيلك من فرحْ و زهر لا يذبل .. لو أعرفْ مصدَر هالات الحزِن ؟ لو أشفِي أوجاعُك لو أعرف فقط أعرف.)
*
كلامك ذا ريحني وحسسني انك تحبها وانك اول واحد راح تاخذ حق الجوهره من تركي*
شي طبيعي انك تعصب ف البدايه وتفكر انها خدعتك ويمكن هي جابت ابوها عشان تعرف ان ابوها م خدعك ..
وانه م عنده علممم ب عذاب بنته .. بس اتوقع دموع الجوهره وخوفها وعذابها طول ايامها معاك راح يشفعون لها عندك ..*اتوقع محد راح يخلي تركي يعظ الارض ويتمنى الموووت غيركك .. واهم شي تكفى غير له ملامح وجهه هه القذر ..*

تركي /*
قربت نهايتك يارب ان سلطان يطيحك من ذاك البرج اللي ماتو فيه كثير ويبرد تسبدي ..*


مهره /*
مشكلتك مهما فكرتي بخبث يوسف فاهمممممك ..
اتوقع راح تحاولين تخلين يوسف يحبك وبعدها يمكن تتركينه ومسويه يعنني بتعذبينه ..
بس كمان اتوقع انها راح تنقلب عليك وانتي اللي راح تحبين يوسف ووقتها خلي خططك وتفكيرك المتشقلب ينفعك ..


يوسف /*
ههههههههههههههههه غيرك يخطط عليك وانت مبسوط وفالها كفوووووووووووو*
سافر بس وانبسط مع شلتك هالخربانه اللي قلوبهم بيضاء ههههههه*
اما سالفة الدبدوب الاحمر اللي يقول اي لوفَ يو خطيييييييييييييره وسعت صدري قسسسسم*
اتوقع راح تتجاهل مهره وحتى لو تغيرت ما راح تأثر فيك او ع الاقل راح تحاول تبين ان تغيرها مب هامك لانك فاهمها .. وراح تسافر وتسحب عليهااا وياليت هيفاء توصل لها كلامك انك بتتزوج مسيار خلها تنقهرر اممم لسانَ ..*


طشطوشهَ ..*
راحَ نشتاق لك مممممرهه ؛ (*
تروحين وترجعين ب السلآممممه يا رب ..*
والله يصبرنااا على غيابكَ ..
موفقهَ حبيبتي ♥-♥
..*

,




ي ععععععآلم :: عزّووز تصرّفه مو كلّه ححب لرتيل ، > فيس خاش أوومّ الجو ،
أول شي صبّحكم الله بالخخير ي العمّال العماليهه > ذكريات الطفوله خخخ

ثاني شي تصصرّف عزّ بآخر شي وطلبه للزواج ،
طلبه للزواج جا لأنه ذكي ، لأنه راح يبعد نفيه ( عبدالعزيز العيد ) عن تفكير رائد ،،
وبككذا راح ينجو من تخطيطاته ،، وبنفس الوقت ينتقم لنفسهه ،
مشاعره تجاه رتيل مجرّد إعجججااب صدقوني الحب مو بهالسهوله يجي ،
إلا إذا كان إعجاب حقيقي فهو راح يكبر مع الأيام ،، ^^
والله يععينه على اللي جاي ،
أحيانا أقول إذا أبو سعود عاقل بيزوجه رتيل ،
لأنها الأصغر وممكن تتقبّل هالموضوع عكس عبير ،
ولأنه في أكثر من موقف صارت بين رتيل وعزّ .. ،
و إّذا كان أبو سعود ما همّه فهو بيعطيه عبير ،
لأنها الأكبر والأقرب له يعني يقدر يتوقّع تصرفاتها ويثق فيها ،،
وبككذا حقد الجوهي على عز بيزيد بدون ما يدرون لما يعرف إنه عز زوجها ،
لأني بصصمت بالعشرين على العشره إنه الجوهي هو نفسه المجهول ><"
و أحيان يجي في بالي وأقول ريّان ، و أحيان أقول هشام زي ما تقول ميرو ،
بس هالبارت وثقت بالجوهي كثير إنه هو المجهول ،
لأنه طيش لمّحت في رد على مدري مين بالضبط ^^
طريقةة عز بمعرفةة مين زوجته مدري والله ،
بس أتوقع سهله لو بغاها ولد سلطاان ^^

سلطان والجوهره
وهه وهه وهه بسسسسسسسس
أنا مع سلطان ظالم أو مظلوم من الحين أقولكم مهما كانت معصيته اللي راح تظهر > فيس تمعّن بشرح العنوان ^^
الجوهره يمكن معصيتها السكوت !!!!
والله يعين قليبها والله ما تسستاهل :"(
أحس بتكون مصيبه ويمكن يصير فيها مدّ يدين خصوصاإ إن وجهة نظر سلطاني تجاه الموضوع واضحه ><"
وقدّاام بو ريّان ........... إي والله البلشه :"(
الإغتصاب اللي يحمينها منه :"(
أككيد حاصل ، تركي ذكر إنه في البدايه بس ناسي وش صار وكيف كانت ردّة فعلهها ،
أمّا اللي صار يعرفه أككيد هالزفت ،:"(
والله ما أحب أتناقش بهالموضوع لأنه يعور قلبي بس الشكوى لله :"(
ثاني شي مين يكتشف إذا كان مافيه إغتصاب !!!!
سلطاني مسسستححيل ><" وغيره مين !!
ما أتوقع يجيبون لأنفسهم الفضايح ويودونها مستشفى :"(
بععد ودي أدري وش معصية سلطان ؟
وهل لها علاقه بسسععاد وماضيه ولا لا ؟ !!!

ضي وأبو سعود ،
الموضوع ععاادي !! مافيها شي لو تزوّج بالعكس بعذره !!
أنا أشوف إنه شي ععاد بس اللي أعتب عليه إنه خبّى هالموضوع عن بناته ،
بس لا فكرت بالعقل ألقى معه حق ،
يعني هو برقبته بنتين ويالله يحميهم :"( وشلون لو يصيرون ثلاثه :"(
وبعد يا حياتي هو أبداً ماح لاحظ /
يعني زي ماقالت ضي إنه مو دايم يشوفها :"(
يععني بناته مالاحضو غيابه أبداً وسفراته يصيرن معه ،
من حقّه وسسستييين من حقّه ^^
بس مييييييييييين ججاب لكم سالفة إنه ضي هي هديل !!!
صدقوني المسأله بتمصخ كذا وتخرب !!
خلاص غاده حيّه وبس ما يجي بععد هديل تصير حيّه أبداً ><"
سسععاد بععد أككيد مو هي ،
أول شي زواج أبو سعود من قريبة سلطان صعب > هذا إذا ماكنت زوجة سلطان ><" ذذذ
ثاني شي ليه بيخبّونهاا !!!!
طيب خبّوها عشان الظروف ليه يغيرون إسسمها بععد !!
ثالث شي معقوله سلطان يخليها تسافر بهالسهوله تدرس !!!
أبداً ما تخش المزاااج - _ -
ضي والله يحفظها لأبو سعود > فيس حبّهم ^^

يوسف ومهره أطططلق شششي ^^
بس الله يسستر من سوايا مهره ><"
بالنسبه لكلمات يوسف أنا أشوف إنها عاديّه وججداُ بععد ،
ياا بنات يا قلبي الكاتبه لازم تنقل الصوره أو الشخصيه بصورتها الواقعيه !!!!
مو تتحفّظ عليها وهي واقعيّه عشان ما تظرّ مشاعرنا !!
لو كذا أجل ما راح أقبل بوجود تركي بالروايه !!!
لاازم تجيب الصوره بششكل وااقعي عشان يكون حقيقي !!
معقوله كلّ الأبطال تككون ألفاظهم محترمه !!
يااككثر الرجال اللي هاذي ألفاظهم وععاادي الموضوع !!!
مجرّد شخصيّه وااقعيّه ياا نااس ^^
تركي الزفت أخسّ من يوسف إلا يوسف طاهر عنده
معقوله نرضى بتركي لأنه فعل أما يوسف لأنه مجرد كلام نزععل !!
خلوكم واقعيين فديتككم ^^


طيش ::
مايحتاج أقول إرفقي بقلوبنا لأني لو بقولها مره عاشره بتطرديني هع
بس ماهان علي يكون آخر بآرت قبل الغيبه الله يخلصها بالسلامه وما أرد
خصوصا إنه ممكن أبرد وما ينفع أرد بعد البارت بأيام كثيره !!
و لا أضمن تواجدي برمضان بععد ><"
فقلت لازم كلمه منا و منا ^^

يعطيك العافيه طشوش


قربت اوصل معاكم باقي لي بعض البارتات

تسلم اناملك ابدعتي بسرد الاحداث ودقتها وخاصه شفل كونان ( سلطان )


باقي الابطال بقولي رائيي بعد ماوصل لاخر بارت


بانتظارك :)