كاتب الموضوع :
زهرة سوداء
المنتدى :
قهوة ليلاس
رد: خربشات شوشة ومنكوش
مرحباااااااااااا ال ليلاس :)
ايه اخباركم ؟ انا جيت و معايا خربوشة جديدة يا رب تنال اعجابكم
ممم بس عدة تبيهات لابد منها :
قد تلاحظوا ان شوشة مجنونة شوية عاادى معلش عدوهالى او انها بقت عنيفة شويتين فمتركزوش اوى 
اما بالنسبة للهجة احم اعملوا نفسكم مش واخدين بالكم 
********************************************
بعد أن فشلت فكرة السفر فشلاً ذريعاً أخذت شوشة تفكر فى تنفيذ خطة صديقتها من أجل تغيير روتين حياتهما فالخطة لا تحتاج لمال لكى تنجح و لكنها تحتاج لزوج رومانسى و منكوش ليس رومانسياً عندما يتعلق الأمر بالمشاعر – لا داع للاستغراب يا ليلاسيات – فمنكوش رومانسى جداً جداً عندما يتعلق الأمر بالطعام فبإمكانه تنظيم قصائد ليتغزل بالملوخية مثلا! و لكن غزل عفيف لا تسيئوا الظن أرجوكم :D
خرجت شوشة من غرفتها لتواجهه و لتنفذ فكرة صديقتها و قد عقدت العزم على تنفيذها فالملوخية ليست أفضل منها!
كان منكوش يشاهد التلفاز و من خلال عينيه التى تكاد تخرج من محجريهما لتلتصق بالشاشة و من التركيز العميق الذى يبدو على محياه علمت أنه يتابع مباراة فوجدته يقول بانفعال ممسكا بشعره :
" يا رااااااجل مش كده حرااام عليك ده كريم ابن اختى كان حيدخلها جول"
وقفت شوشة تراقبه باستغراب ثم قالت بتعجب :
" كريم ابن اختك مين؟! انت عندك ابن اخت اسمه كريم؟!!"
قال دون ان ينظر إليها و هو يتابع المباراة بتركيز :
" لا معنديش يا شوشة ابعدى بقه عن الشاشة الجول ناقص له دقيقتين و يجى "
لم تعلق شوشة فمكنوش لا حرج عليه عندما يتابع المباريات ثم قالت بسخرية :
" هاهاها جول مين اللى حيجى ان شاء الله تخسروا اربعة صفر"
حدجها بنظرات قاتلة ثم اعاد نظره للشاشة و فعلا بعد اقل من دقيقتين اهتزت الشباك و قد سجل فريق منكوش هدف!
صاح منكوش بفرح "جووووووووووووووول" و قام بحركات رقصة " الهبل الأزلى" و دى رقصة للى ميعرفوهاش عبارة عن خليط من الثقافات فيجمع الرجل بين الرقص الشرقى و الغربى و يا حبذا لو شوية هندى المهم انه يحرك ما يستطيع تحريكه أو يكتفى بهز رأسه فى حالة انه حيتعب لو حرك جسمه و لا حاجة لا سمح الله!
كانت شوشة تنظر إليه باستنكار ثم قالت بسخرية :
" طب اقعد اقعد بدل ما يدخل فيكم جول و انت فرحان اوى كده "
قال بينما لا يزال يقوم بحركاته العجيبة :
" لا يا روحى احنا حنكسب 2/0 الماتش ده "
لوت فمها بسخرية قائلة : " طيب يا عم المنجم اقعد عشان تشوف الجول التانى "
كان لا يزال يرقص ثم قام باحتضان التلفاز قائلا بحب :
" امتعتنا لعيييييييب يا بنى ايه ده مولود نجم و الله تسلم رجليك " ثم ابتعد عن التلفاز قائلا لشوشة اللى كان ناقص لها 3 دقائق و تنفجر من الغيظ
" الجول التانى حيجى فى الدقيقة 71 يعنى لسه قدامه يجى 10 دقايق كده "
قالت بسخرية : " خلاص بقه مكشوف عنك الحجاب؟!!"
عادت لغرفتها و احساس لا يوصف بانها حتتشل قريب من تصرفات زوجها فالحب بالنسة له خمس انواع : حب الله طبعا ثم الوطن ثم كرة القدم ثم الطعام ثم الـ "ماما" - الهى يولع فيها مكان ما هى قاعدة البعيدة طبعاً دى انا مش شوشة انتم عارفينى - و بعد عشر دقائق فعلاً سمعت صرخة منكوش المدوية تهز اركان المنزل "جووووووووووووول"
خرجت من غرفتها ببطء و شعور بالصدمة يسيطر عليها بينما منكوش عاد ليستأنف وصلة رقصه كم تمنت أن تصوره فيديو و ترفعها على اليوتيوب و لا الفيس بوك فهى لا تريد أن تجرح مشاعره باخباره كم يبدو أحمقاً بس طبعاً الناس اللى على الفيس و اليوتيوب مش حيراعوا مشاعره و اكييييد حيقولوا له الحقيقة!
نقلت نظرها منه إلى الشاشة بذهول ثم أخذت تقترب أكثر من الشاشة حتى كادت أن تصطدم بها ثم اعادت نظرها إليه بالسلو موشن و قد تحولت نظراتها المذهولة لآخرى اجرامية جعلت منكوش يتكرم و ينهى فقرة الرقص ثم نظر لها بتوجس و سألها : " فى ايه مالك بتبصى لى كده ليه؟!"
قالت بهدوء ينذر بالخطر : " ده مكتوب على الماتش "إعادة" يا منكوش؟!"
هز كتفه بلا مبالاة ثم قال : " ايوه مانا عارف انه اعادة ايه المشكلة؟!!"
قالت بعدم تصديق : " انت بتتفرج على الماتش مرتين؟!!!!!!"
أجابها بسعادة لم يستطع اخفاءها : " دى المرة الرابعة يا حبيبتى "
قالت بهدوء خطير : " الرابعة" ثم اشارت له أن ينتظر عادت من المطبخ مع مقلاة ثم قالت بتهديد :
" شوف يا منكوش انا كنت بفكر فى طريقة تخلينا نقرب أكثر من بعض و لقيت واحدة صاحبتى قالت لى طريقة و عجبتنى و قررت اننا حنفذها"
نظر منكوش إلى المقلاة ثم قال بحذر و هو يشير إليها : "خير يا حبيبتى حتعملى لنا اكلة جديدة ؟"
نظرت للمقلاة ثم زمت فمها بغيظ و اشارت له بها بتهديد : " لا يا حياتى احنا حنتسلى و بالمرة نتعرف على بعض من جديد"
ابتسم منكوش و قال بسعادة : " نتسلى؟ اخيرا قررتى تلاعبينى بلايستشين "
فغرت فاها باستنكار ثم صاحت : " بلايستشين ايه انت بتهزر!!"
زفر بضيق ثم تابع : " كنت عارف أنك مش حتلاعبينى أساساً الزوجة اللى بتعرف تلعب بلايسيشن بيكون مهرها باليورو"
قالت ببطء و من بين اسنانها : " بص يا حياتى انت حتكلمنى دلوقتى بالماسنجر و كأنك متعرفنيش و نتعرف على بعض من اول و جديد و بعد كده .."
قاطعها بملل : " و بعد كده نتقابل قديمة – ثم تابع باستهزاء – ايه اللى انتى بتقوليه ده ي حبيبتى انتى اتهبلتى و لا حاجة؟!"
قالت بغضب : " اسمع يا منكوش احنا متجوزين يعنى لو عملنا تشاتنج مش حرام و لو مدخلتش دلوقتى اون لاين و بعت تقولى "ممكن نتعرف" مش حدخل المطبخ لاسبوع سامع؟"
ثم تركته و ذهبت لغرفتها و بسرعة فتحت اللاب بتاعها و دخلت على الماسنجر و فعلا ظهرت رسالة منكوش : " ممكن نتعرف؟"
ابتسمت شوشة بسعادة ثم كتبت : " ممكن اعرف انت جبت ايميلى منين؟"
تنهدت بسعادة و ظلت تترقب الاجابة و القلوب تخرج من عينيها متخيله رده ثم ظهرت الرسالة : " أنتِ اتهبلتى يا شوشة و لا ايه؟!"
خرجت من الغرفة بخطوات غاضبة و قالت بتحذير : " منكوووش"
قال باستنكار : " ايه اللى انتى بتعمليه ده؟! و بعدين انا جعان دلوقتى اتفضلى بقه على المطبخ ادينى فتحت الماسنجر و قلت لك "ممكن نتعرف" اظن كده انا عملت اللى عليا و زيادة .. فى افكار مجنونة تانية فى بالك؟"
قالت بعدم تصديق : " عملت اللى عليك؟!! .. انا صاحبتى بتتكلم مع جوزها من 3 شهور على النت و علاقتهم اتحسنت جداً بس طبعاً عشان هو رومانسى بس انت ... أنت ... استنى اسمع بنفسك صوتها و هى بتتكلم عنه و قد ايه هى سعيدة معاه "
ثم قامت بالاتصال بصديقتها ثم استخدمت السماعة الخارجية و لكنها فوجئت بصديقتها تبكى : " آاااااه يا شوشة الندل الجبان "
ابتلعت شوشة ريقها بصعوبة ثم نظرت بحذر إلى منكوش فوجدته يتابع ما يحدث بتركيز فسألت صديقتها ببطء : " هو مين ده اللى ندل و جبان ؟"
اجابتها : " و خاين كمان يا شوشة تخيلى تخيلى انه مكنش يعرف انى انا اللى كنت بيكلمها طوال الشهور اللى فاتت اععععععع يا شوشة "
تنحنحت شوشة ثم قالت : " معلش يا حبيبتى حبقه ارجع اكلمك تانى "
ابتسم مكنوش بشماتة ثم قال : " رومانسى خالص .. رومانسى جداً جوز صاحبتك ده .. أنتِ قولتى لى بقه أنى ايه ؟"
خفضت شوشة نظرها للأرض بينما تابع هو : " أنا حعزم صحابى على الغداء الاسبوع الجاى عندك اعتراض ولا حاجة ؟ " اومأت بلا ثم تابع " و حلعب بلايستشين براحتى و اتفرج على الماتشات و اعادتهم زى ما انا عايز " اومأت بنعم فأردف " و اتصلى بماما بكرة عشان تسألى عليها " اومأت بنعم و هى على وشك البكاء ثم قال " و مفيش مسلسلات تركى لأسبوع "
و هنا لم تحتمل شوشة فانفجرت باكية و تهاوت على الأرض قائلة " لااااااااااااااااااا" و ازدات شهقاتها و هى تردد بصوت معذب " كله الا التركى"
**************************************************
بس كده
يا رب تنال اعجابكم يالا مين حيكمل
|
19-12-12, 09:12 PM
رد: خربشات شوشة ومنكوش
رد: خربشات شوشة ومنكوش
رد: خربشات شوشة ومنكوش
جديد مواضيع قسم قهوة ليلاس
العرض العادي
