كاتب الموضوع :
عبير قائد
المنتدى :
سلاسل روائع عبق الرومانسية
بيرو ..زتسلم ايديكى على البارت ومش عارفه اقولك ايه على قفلته >> ما كنتش اعرف انك بخيلة طيب سطرين نشوف الحوار اللى هيحصل .. طيب ردود الافعال مفصلة شوية ... بتفكرينى بالمسلسلات الاجنبية افضل متابعة الحلقة كلها ويكون فيها مغامرات واكشن وفى الاخر تنتهى نهاية تخلينى عايزة احدف التلفزيون بااى حاجة جمبى >>> ما تخافيش ما تخافيش مش هااعملك حاجة ...
نبدأ بقى ياجميل مع البارت التانى ... وهنا هااتكلم عن فتيات الرواية فى الاول ...
شفا .. فتاة صغيرة حملت لقب مطلقة ..... وحملت جرح كبير فى قلبها .. عندما اعطت حبا ولم تجد مقابله اى شىء سوى الجحود ... انا لا الوم على وسام انه لم يحبها .. لالا فالحب والكره ليس بيد انسان .. ولكن عتبى عليه انه جرحها جرحا شديدا .. مادام هو لم يستطع التخلص من حبه لما تزوجها واهداها جرحا لا يبرأ بسهولة .... فمن الصعب ان تعيش مع انسان لا يراك بجواره ويفضل شخص اخر سواك ليظل جانبه .... وليس على وسام فقط بل ايضا شفا فهى توهمت حلما بامكانها تحقيقه ولكن الواقع دائما امر من الاحلام ... وهذا سبب لها وجع والما كبير داخلها .. ولكن الالم والوجع هذا غير كافى بالنسبة للمجتمع الذى يحيط بنا ....
فالمجتمع قاس فى نظرته لتلك الامور .. ودايما الفتاة التى تحصل على هذا اللقب تواجه انتقادات كثيرة ممن حولها .. نظرات شفقة كما ذكرتى تحمل تساؤلات حزينة أيعقل ان تكون تلك الفتاة مطلقه .. ونظرات اخرى قاسية تحملها الذنب والمسئولية كاملة .. ونظرات خائفة ترفض الاقتراب منها تماما .. خوفا على انفسهم .. وهناك شريحة للاسف تخاف على ازواجها من وجود مطلقة ظنا منهم انها تسعى ورائهم .... والاسؤا هى النظرات التى تطمع فيها ... ظنا منهم انها صيد سهل المنال .. تبحث عن زوج لانها فشلت فى حياتها .....
شفا واجهت كل هذه النظرات بقوة امامهم .. ولكنها عندما تخلو بنفسها تتألم وتتعذب ... و انا معها تماما فى كراهية هذا المجتمع الذى قسا هو ايضا عليها ..... وفضلت العمل لتخرج كل طاقاتها به .. خصوصا ان لا احد يعرف قصتها .....
موقف والداها اعجبنى تماما ... فهما لم يجعلوها تعيش حياة منغلقه ولم يستأوو منها بل شجعوها ووقفوا بجوارها .....
نسمة .............. الضحية التى لا اعرف سبيلا للخروج من المشكلة التى وضعتيها فيها يابيرو .... زوجة وليست كزوجه .. ام وليست كأم ... حب لا يوجد ... تشعر انها دمية تحركها تهديدات والدها المجنونة والذى يسعى لربط عائلته بعائلة عمرو وارجاع الثروة المهدورة وحب انتقام بعمرو برؤيته مكبلا امامه ....>>وانا قاعدة كده لا بيا ولا عليه يابيرو قلت طيب ما يمكن علاء هكون له دور مع نسمة .. معقول انه ساب اليمن كلها عشان يبعد عن المهزلة ديه اللى اجبروا عليها وهى زواج عمرو ونسمة ؟؟؟ وانا عارفه انك مش هتريحينى وتقولى ...
صفية ........... فتاة تجسد معنى كلمة الالم والعجز .... هل عجزها نتيجة لحادثه ؟؟ اللى فهمته انه كانت بتربطها علاقه باللى اسمه وليد ولكنه بعد عنها بعد حادثة ساقيها ... وطبعا ده سبب الم كبير لها .. لان المشكلة مااصبحتش فى العجز بس .. لالالا ده اقرب الناس ليها كما كانت تظن اشعرها بانها منبوذة .......
ومن الواضح ان سلمى بتكرهها جدا .........ز وكراهيتها وصلت لحد القسوة والجرح بالطريقة ديه زى ما شفنا فى البارت ..... بس المفروض صوفى تكون اكتر قوة وحزم معاها وما تخليش حد يتمكن منها زى ما عملت سلمى ....
علا.......... امممممممممم تدين لسليم القاضى بشىء كبير .. تدين لها بحياتها فهو خلصها من شىء ما .. هل خلصها من حادث ام وقف جنبها وساندها نتيجة مرض معين الم بها >> موش عارف ...
بس المحير فى العلاقة ديه .. ان علا بتصرح بمشاعرها ليه بمنتهى الوضوح .. هو باين طبعا من وصفك لحالة سليم انه بيحمل لها الكثير من المشاعر ولكنه صامت ولا ينطق لها ...>> وبصراحة اتغاظت منها ...
سليم القاضى ... ايه منتهى الحساسية ديه نتيجة لهدية علا فى عيد ميلاده .؟؟ هل يشعر بان علا تحاول ان تشترى حبه لها بالمال .. فكرة مش منطقيه قوى .. خصوصا ان تصرف الهدية ده عفوى جدا بس اكيد ان ديه طريقه تعبير علا عن مشاعرها ليه وهو رافض المبدأ من الاساس...
منتظرة عمق اكبر مع هذا الثنائى الغريب حقا ؟؟؟
شيرين .... الداهية كما احببت ان اطلق عليها .. امرأة جميلة جذابة ذات نفوذ واسع ...امرأة كالاخطبوط لها اكثر من ذراع ... و اعتقد انه سيكون لها مساحة كبيرة فى الرواية خصوصا اذا قرر علاء انه يتركها ....
الاستاذ علاء ........ بعدما علم ان سليم القاضى يرفض تماما عطايا اخته المصون ؟؟ هل سيسعى لمعرفه ما بينهم حقا ؟؟؟
الحوار بينه وبين شيرين استفزنى يابيرو ... دلوقتى حضرتك يهمك انها مش هامهما الناس وبتتصرف براحتها جدا خصوصا وهى متزوجه .... يعنى الناس هما العامل الاساسى واذا ماكانتش متزوجه عادى .. لكن ما عندكش مبدأ ان علاقتكوا اصلا غلط من الاساس ...>>> برغم كل شىء ان من خلال مشهدين حسيت انهبرغم انه بيطلب مساعدتها الا انه بيحتقرها جدا ..... بس شيرين هتكون سبب فى مشكلات كتيرة فى حياة الاستاذ علاء ...
اما عمرو .... اظن ان اللقاء بشفا هيقلب كل شىء وهيخليه يطلع الملف الاخضر مرة تانية ده اذا كان شاله فعلا ... شفا شىء اراده عمرو منذ ان رآه للمرة الاولى ... فهى حلم يذكره بحلمه القديم والذى حرم منه بقسوة ويريد فقط ان يستعيده .... رغم كل القيود التى تحيط برقبته هل يستطيع ان يجد طريقا ليحقق هذا الحلم ؟؟؟ منتظرة اللقاء بينهم بصورة كبيرة .....
اشرف .. وحبه الكبير لشفا ..... ومدى غيرته عليها اكان يخشى عليها من رؤية عمرو لها .... بالتأكيد يعرف عن حياة عمرو الكثير حتى يخشى عليها لهذه الدرجة >>>> معلش بقى يااشرف انت شكلك حد طيوب بس برضه هنحاول نشوفلك حد تانى عشان شفا محجوزة للBoss الكبير بتاعنا ....
تسلم ايديكى يابيرو ومنتظرة البارت الثالث بشوق كبير ...
التعديل الأخير تم بواسطة waxengirl ; 09-05-12 الساعة 10:31 PM
سبب آخر: حذف سطر زائد
|
08-05-12, 12:51 AM
جديد مواضيع قسم سلاسل روائع عبق الرومانسية
العرض العادي
