المنتدى :
الارشيف
الحزن في صوتك ازعج ساكني ..
,,
الحزن في صوتك ازعج ساكني=لين صار الكون من حولي حزين
غصب عني حزن صوتك هاجني= لين خلّى عاصي المعنى يلين
وامتثل حرف القصيد وعادني= وانسكب شعرك على حزني حنين
شلت انا صوتك وحزنك شالني= اكتم الصرخه وينساب الأنين
شفت حزنك كيف حزنك شافني= كيف داهم خلوتي في لحظتين
طير انا مثلك زماني ضامني= جرحتني مثلك سيوف السنين
صابك اللي من زماني صابني=في معاليق الحشا جرحه دفين
كلّما ودعت هم زارني= من عذاب الوجد بياح الكنين
الفرح عقب الصداقه هابني= خافت البسمه على وجهي تبين
طير ياللي صوت حزنك صابني=الله اللي ينتصر للصابرين
,,
خالد ال فيصــل ..
|
14-03-12, 08:22 AM
جديد مواضيع قسم الارشيف
العرض العادي
