المنتدى :
الشعر والشعراء
لحظة شجون..!!
تعب , هذا الشعور اللي كتبت ولا قدرت اقراه
تسلطن في خفوقي لين بانت فيني اشجانه
تسولف به , عيون(ن) ساهره ما سرها معناه
مسهرها الغريب اللي ترك ربعه و خلانه
غريب ولا معه غير امنيات(ن) تستثير خطاه
غريب و كل حرف(ن) لا كتبه يكسّر اوزانه
تضيق العين بعيون الدموع و ترتحل لشفاه
و يآخذه الوله للذكريات و تورق اغصانه
ابوه و بسمته لامن بغى يسرد عليه حكاه
و صوت امه ليا نادت عليه بجمعه اخوانه
قبل لا يمتطي ظهر الحياه و تاخذه دنياه
قبل لا ينكسر صوت الشعور بناي حرمانه
تمرد و ابتدا ينثر من اعماق الخفوق الآه
تجرّد من هدوءه و ابتدا يسأل عن جنانه
سؤال(ن) مره بلحضه شجون ولا قدر ينساه
أنا منهو ..؟ و ثار البوح فيه و حرك لسانه
انا الحزن العميق اللي خذاني للتعب ويّاه
انا الحلم الرقيق اللي سهرت الليل من شانه
انا الشيخ الكبير اللي رحل عن معطفه برضاه
انا طفل(ن) رسم حلمه صباح بزاهي ألوانه
انا شاعر بسيط و كل ما ضاقت عليه و تاه
يغني جرحه بصوت الغياب و يربك ألحانه
تمادي يالجروح الغابره و استعذبي مغناه
تهادي يالدموع العابره و احتضني احزانه
تعب , لين انهكه حلم الحياه و هزّته ذكراه
غريب / و كل يووم تسووقه الأشواق لأوطانه
فيصل محمد خضير
|
07-03-12, 12:37 PM
جديد مواضيع قسم الشعر والشعراء
العرض العادي
