كاتب الموضوع :
اسطورة !
المنتدى :
القصص المكتمله
فتح عيونه وهو يشوف المويه كيف تنزل عليه كانت مويه بارده مره يخلها بارده تبرد عليه النيران
ومره يخليها حاره تدفيه من قسوة الدنيا
سكر المويه ولبس الروب توجه للكبت طلع ملابس جلس ينشف شعره بالفوطه الصغيره وهو يشوف الجوهر
كيف نايم زفر بضيق و توجه لها وقال : الجوهر
الجوهر تفتح عيونها قالت : اش في ؟!..
عناد : ولا حاجه
الجوهر إللي استوعبت يا الله متي راح اتخلص من هذي الاحلام وذا الشي إللي ما خطر على بالي بالمره
قالت : تبغي شي حبيبي ؟!...
عناد التفت عنها وقال : لا ما ابغي تقدري ترجعي تنخمدي
لبس ملابس الرياضيه مشطه و تعطر
الجوهر : على فين ؟!...
عناد إللي فتح الباب وقال : الفطور نسيتي تقاليد امي على الفطور بتجين ؟!...
الجوهر بعد اهتمام قالت : لا ما ابغي روح انت
رجعت تمددت و غطت نفسها وسط انظار عناد إللي هز راسه وقال : ماكو فايده
سكر الباب ونزل لتحت ليجد امه و اخته و صقر وانونه جالسه بقربه و ماسكه بسه بيضاء بيدها و قاعده
تضحك و تسولف مع امه و اخته
حس بوخز في قلبه من اول ينتبه على عيون انونه عيونها تشبه عيون جيني و نادرابتسامتها ضحكتها كل شي
كان يشوف جيني امامه مب انونه ..... تنفس بسرعه
وهو يقول في نفسه انونه لازم ما تقعد معنا لازم ما تقعد
صباح الخير يا بو بدر .. عبدالرحيم قال وهو يحط يده على كتف اخوه
عناد إللي كان قلق قال : ... ص.ص.ص باح النور
استغرب عبدالرحيم من عناد واول شي خطر على باله كلام انه امس معقوله قالت لعناد بس هو ايش رايه
اسأله ذلحين لا لا خليها بعدين بعد الفطور على الاقل ياكل شوي
صباح الخير ... كان جهاد من خلفهم يقول
التفتوا لينصدموا بمنظره قال عناد وهو يعقد حواجبه : وش فيك ؟!....
مشي و يتجاوزهم وهو قال بحزن : ارق
عناد و عبدالرحيم يناظرون لبعض ثم قالوا : ارق !!!!....
عبدالرحيم يقول لعناد بصوت واطي : لازم نكلم امك عشان تكلمه ولا اخوك بيموت بالبطئ
عناد قال : والله انت تعرف امك لو قالت شي ما ثنته ولا بعد ذلحين يمس عين السيح خالك انا اشهد انه اخوك
راح فيها
عبدالرحيم قال : بس همن لازم نكلمها و نقعنها شوف شكله والله يوجع القلب
عناد بيأس : و الله ما ادري نكلمها و نشوف
نزلوا الكل لتقول ام عبدالرحيم : يالله خلونا تقوم على الفطور
تقدموا لطاوله و جلس الكل في مكانه دقائق ليدخل نادر و عابد من الباب و يصبحوا على الجميع و يجلسون
هذا تقليد ام عبدالرحيم وجبة الافطار وجبه اساسيه عندها يجب ان يكون الكل موجود بها ومن يتأخر عليها
لا وجبة له اما الغداء و العشاء فمسموح لهم
فام عبدالرحيم و ابنتها و نادر و عابد و فارس معتادون على هذا التقليد ففي ايام العمل يصبح الافطار باكرا وايام
العطل يتأخر إلى الساعه 9 اما ابنائها فكانوا يقومون مع والدتهم و انونه قايمه من نفسها صدفه و صقر المزرعه
يصبح نشط و يحب يستغل كل دقيقه
كان التشكيل كل الاتي ... ام عبدالرحيم في الصداره و على يمنها ولدها عبدالرحيم و جنبه عناد و انونه و صقر
وعلى يسارها المها و جنبها جهاد و نادر و عابد
ام عبدالرحيم مستغربه : اجل فين فارس ليه ما قام ؟!!..المها روحي قوميه بسرعه ...
انونه : تره هو بغرفتي ننا
ام عبدالرحيم باستغراب : ليه بغرفتك ؟!...
انونه : نايم معي من امس
عناد إللي سقطت عينه على معصم انونه قال : وش فيها يدك ؟!!...
نادر إللي عرف ذلحين ليه جت لغرفته عشان ما تزعج فارس بس انا عادي تزعجني قال : من الخبال يا خالي
ركبت الفرس وطاحت منها
عناد : وش قالوا عنها ؟!..
عابد : لا تخاف خالي مجرد خياط وراح تصير زينه
ام عبدالرحيم قالت للمها : اقول يا المها روحي قومي والله ماني عارفه ليه ذا الولد كله نايم خاس من النوم وانتوا
بلشوا الاكل يالله بسم الله
صقر قاله : يقولون المظلوم واجد ينام
سقطت السكاكين و الملاعق من الايدي بعد جملة صقر هذه و شرق جهاد الذي كان يشرب الشاي و جلس
يكح و يكح و المها تضرب بخفيف على ظهر وتقول : شرقه و لا غرقه سمله عليك
ام عبدالرحيم تتجاهل موقف جهاد و تقول : ايش !!.....
صقر : حكمه يا امي الظالم ما يجيله نوم و المظلوم دايم ينام ما ادري لمن قلتلي خطرت على بالي ذي الحكمه
سكت الجميع بعد كلام صقر وانونه نزلت نظرها كانت سعيد ولكن الان حزينه
ذهبت المها و عم السكون المكان إللي من صوت الادوات
نادر القي نظره خاطفه على انونه وهي كانت جالسه بصمت بجانب صقر لم تتكلم بعد جملة صقر واصبحت
هكذا إذا الموضوع يتعلق بفارس تذكره فارس و مأسيه التي لا تنتهي ومن ذا إللي يسمع عن فارس ولا يتاثر
فيه
صقر قال لانونه : انونه ليه ما تاكلين قبل دقايق ... ضحك شوي وقلد كلمتها : جيعانه و ذلحين ما تاكلي ؟!..
انونه وهي مبوزه : موبي
ام عبدالرحيم : وش بلاكي يا بنيتي ؟!...
انونه إللي كان ودها تصرخ و تقول انتوا يا ظلمه بس مب وقت الحساب ذلحين فكر يا مخي فكر اي لقيتها
مدت بوزها زياده وقالت : ابغي اركب حسان ونادر ما لاح يخليني كل يزفني
نادر انصدم وش هذي التهايم إللي تصير فيه لا لا ذي اكيد بتذبحني ناقص عمر اجل انا حارمها طيب تبغينها
حرب هي الحرب اجل
ام عبدالرحيم : وليه يا نادر تمنعها قلها تركب و انا امك
نادر ببرود : والله تبغي تركب بعيد عن فرسي وخل تحمد ربها ما مسحت فيها ارض المزرعه بعد ما خذت
فرسي بس صج لي قالوا حظوظ كانت منجرحه و رحمتها
عناد بهدوء باطني : في من تبغي تمسح ارض المزرعه يا نادر ؟!!.... و ركز نظره على نادر بعد اخر كلمه
نادر إللي ظل على بروده قال : خاني التعبير
عبدالرحيم قال: ياربي العنيد و المغرور تواجهوا وش ذي عائله إللي الله بلاه الواحدن فيها ؟!... إللي ما فيها
واحدن صاحي الواحد يتكلم معه
ضحك الجميع على تعليق عبدالرحيم وعلى ضحكهم دخلت المها وكان خلفها فارس الذي ما ان سقطت عينه
على عناد حتي انزلها للارض و اخذ ياخذ طريقه لمقعده الذي كان بالقرب من عابد
اكل الجميع بعد ذلك بهدوء مطبق الكل يفكر بما يريد و بما لا يريد ؟!...
بما سوفي يفعل وماذا عليه ان يفعل ؟!!...
ما هي قراراته ؟!.. واين سوف توصله قراراته ؟!..
انتهي الافطار بصمت على غير العاده ربما لان لااحد يريد ان يتحدث لا يريد ان يقول ما في جوفه من اسئله
من علامات تعجب لم يجد لها اي حل
انفض الجميع عن الطاوله و ذهبت ام عبدالرحيم و اولادها إلي المجلس عابد صعد للاعلى ليكمل نومه و ذهب
كل من نادر صقر فارس و انونه للمزرعه جلسوا على الطاوله ينظرون ........
.vv.
v..v
.vv.
في فيلا د.جسار
صعدت إلى فوق هي لاتزال تفكر و الافكار تتضارب في عقلها و رأسها لم يعد يحتمل فتحت باب الغرفه لتجد
اختها جالس تقرأ كل عاده من هذا الوقت فريماس ليس لها اي اصدقاء تذهب لهم لانها اعزلت نفسها عن
العالم الخارجي تقريبا
ابتسمت بهدوء لاختها التي دخلت عليها وهذا يدل على مبيتها ليلة امس عندها : صباح الخيرات النوري
النوري وهي تجلس على السرير بعد ما اغلقت الباب خلفها قالت : صباح النور و السرور
اغلقت ريماس القرأن لتضعه على التسريحه و تهب بنزع الجلال وقالت : ليه ما رحتي بيتك يا النوري ؟!..
النوري : ليه مليتي من وجهي كل يوم عندك ؟!...
ريماس : لا والله حشي ماني بملانه منك انتي اختي سندي الوحيد في ذي الدنيا كلها انتي و جسار و ياسر
اصلا انا بدونكم مت
النوري تمسك يدي اختها وتقول : اسمله عليكي من الموت لا تقولين كذا يا ريماس والله اني لزعل عليكي زعلن
جايد بعد
ريماس تنزل نظرها للارض : كلن راح يذوق الموت ومحدن خالد في ذي الدنيا ..
رفعت نظرها لنظر اختها وكملت : والحمد لله انا مب من الاشخاص إللي يخافون من الموت
النوري تناظر لاختها و تقول : ونعمي بالله اعرف انا انه محدن خالد بس همن الله قال عيش دنياك بعد و انتي
بعدك صغيره يا اختي والمستقبل قدامك
وقفت ريماس على رجليها و توجهت إللي المرآه لتشاهد صورتها وقالت : شوفيني يا النوري فين صغيره ؟!...
الهم إللي عشته كبرني في عمري اكبر حتي من عمتي النور ..
ناظرت لاختها وكملت : انا صرت اشوف نفسي عجوزه تنتظر الموت لا اكثر يا النوري
النوري ناظرت لاختها بصمت وهي ما علقت ولا قالت كلمه
انضرب الباب و دخل براسه وهو يقول : صباح النور
ريماس و النوري : صباح الخيرات
دخل وقال: ليه قاعدين فوق انزلوا لتحت
ريماس قالت : لا انا تعبانه شوي ابغي اتمدد جسار
د.جسار قال بنظره : ايش فيكي ؟!..
ريماس تنزل عيونها وقالت : شويت تعب البارحه ما رقدت عدل
رن جوال النوري إللي كان معها ناظرت للشاشه لتكسوا نظره الحزن
ريماس استغربت عدم رد النوري على الجوال وقالت : ليه ما تجاوبي ؟!..
د.جسار : من يتصل عليكي بذا الوقت المبكر ؟!..
النوري قالت : تعرفوا من ذا إللي يتصل ؟!..
ريماس ناظرت لجسار إللي قال : لا من ؟!...
النوري : فارس
د.جسار اخذ زفر شوي وقال : لحد ذلحين يتصل النوري انبهك لا تنقليله اخبار تنكده الولد ما عاد يتحمل
النوري توقف على حيلها وتقول : لا توصي حريص خلني اتصل عليه ذلحين
طلعت النوري وتركت جسار مع ريماس و السكون كان سيد الموقف
د.جسار قال : ريماس إلى متي راح تظلي كذا ؟!....
ناظرت اخوها و رجعت ناظرت للارض
د.جسار يسمح على شعرها ويقول : ريماس لا تدفنين نفسك بالحى خلك قويه الحياه تبغي القوي مب الضعيف
تبغي الصامد في وجها المتحمل لكل مصايبها
ريماس رفعت نظرها وقالت : بس يا جسار امثالي ....
امتلأت العيون بالدموع لتصل للاهداب تنزل على خديها كلمت : انا اموت من الداخل يا جسار
ناظرت لانعكاس الصوره وقالت : حتي صرت ما اشوف نفسي غير عجيز تنتظر الموت
اقمتت شهقه كانت بتطلع وكملت : وحتي لمن فكرت انه الدنيا ابتسمت لي وراح اعيش حالي حال الناس
انصدم انه وضعي القديم ارحم بواجد من الحالي ... مطلقه و بمدت 24 ساعه من زواجها ... هذا غير ..غير
غير الماضي
التفتت له وعيونها حمرت قالت : قلي يا خوي فين القي السعاده في زمن المذله ؟!... فين السعاده إللي تتكلمون
عنها فين ؟!... ما اشوف غير الذل و المذله
غطت ريماس وجها بيديها المرتجفتين وهي تبكي بحرقه تظهر ما في قلبها من احزان حزن قديم يحسب على
قدر حياتها وحزن جديد يضاف لرصيد الاحزان وكأنها مفلسه من تلك الاحزان ليضاف لها المذله و العار نعم
العار فكون واحده تتطلق في اليوم التالي من زواجها هذا امر مريب و يجعل الناس و الاخرين يتكلون
وكانهم فضحوا السر القديم الذي لطالما حملوه داخله ولن يفكروا بالبوح به ...
د.جسار نزل لمستوي اخته المرميه على الارض تبكي صمت لدقائق وقال : خلصتي !!!.....
كشفت عن عينها ولا تزال يداها على وجهها و ظلت صامته
د.جسار حط يده على كتفها وقال : طلعي كل إللي في قلبك يا ريماس لا تخلين شي في قلبك ابغاكي حتي لو
تطلعين قهر و قسوة السنين إللي راحت بعد ما عندي مانع بس لا تخلين حاجه في قلبك لانه القلوب ما تستحمل
الاحزان لا تمرضين قلبك باحزانك
ابعد يديها عن وجها ليمسح باطراف اصابعه بعض الدموع الموجوده بالاهداب وكمل : لا تخلين قلبك مسكن
لاحزانك لا تغلطي غلطة فارس يا ريماس لا تغلطين
وقف على حيله و احضر لها كوب من المويه كان موجود بالقرب من السرير اعطاها له وقال : ريماس
لا تخلين حاجه تكسرك لانه الهم هو إللي كسر ابوي مب المرض
خرج د.جسار بعد كلماته لريماس إللي ظلت تناظر للباب وكباية المويه في يدها
وقف د.جسار عند باب غرفة ريماس تنهد بضيق مع قليل من الراحه
النوري إللي خلصت الاتصال قالت : ليه طلعت في حاجه ؟!..
د.جسار : لا بس خليها لوحدها شوي يا النوري وبعدين كلميها خليها تجمع شتاتها ذلحين لازم نكون دقيقين في
تعاملنا معها
النوري ابتسمت وقالت : ارقد وامن يا بوفيصل بنت فيصل بس هي محتاجه لزمن الزمن هو كفيل انه ينسي
د.جسار : والحمد لله انه معانا وقت على بال ما تخلص العده تكون إنشاء الله عدت هذي المرحله
رفع يده وقال من كل قلبه : ودخيلك يا رب انك تفتح لها ابواب السعاده و تفرح قلبها يا رب
النوري : اللهم امين
.vv.
v..v
.vv.
في المزرعه
اصبح الان وقت الظهيره
كان كل من صقر وفارس ونادر جالسون في المزرعه امام الاسطبلات
نادر مارفع عينه عن جواله من اول ما جلس يطقطق بالجوال و لا يرفع عينه ابدا
صقر إللي كان ممسك باحد صقورته وكان اسمه العقاب قال : يا اخي ارحم نفسك و ارحم عيونك بعد وش
قاعدن تعمل هاا ؟!..
نادر ولا كانه احد يكلمه بس اعطي صقر نظره و رجع يناظر في جواله
فارس ابتسم وقال : وش بلاك يا صقر تعرف نادر مدير الشركه ولازم الموظفين يسألونه في كل كبيره وصغيره
نادر بدون ما يرفع نظره قال : اسكت يا فارس لا اطردك
ضحك فارس و صقر قال : خلاص يا فارس تعال اشتغل عندنا ولا مذلتك عند بعض الناس يهددونك بالطرد
رفع نادر نظره وقال : اقول خلك بطيورك ابركلك
انا يت ...... وانا بعد ..... قال كل من انونه و عابد هذي الجمله
قالت : هذي بالبكانا ((باربكانا ))لصقر و عصير برتقال لفالس وليمون لنادل
رفع نادر نظره و عدل جلسته انصدم لمن شافها يعني كل ذا التأخير عشان تبدل طيب ليه بدلت ؟!!....
كانت لابسه ورابطه شعرها زي الصوره بإهمال
قال : بس انا قتلك ريد بول مب عصير برتقال
انونه قالت : ليمون مب بلتقال
نادر : مب مهم عندي انا قتلك ريد بول ولا ما قتلك ليه ما جبتيه ؟!...
انونه تفكر اصابعها وتقول : نسيت ما تذكلته
نادر : نسيتي ولا تناسيتي ؟!... وفين راح تتذكري وانت رحتي تبدل ملابسك ؟!...
عابد إللي جلس جمب اخوه قال : خلاص نادر حصل خير
صقر قال مأيد لعابد بعد ما شرب رشفه من باربكانا : خلاص يا نادر حصل خير اشرب ذلحين الليمون
و بعد شوي اشرب ريد بول ما انتقبت السما وصارت ارض عشان تنفعل
ناظر نادر لانونه بنظره انونبه بادلته بشبه ابتسامه جانبيه
رضخ نادر للامر الواقع و شرب الليمون وانونه جلست بين صقر وفارس ونادر كان مواجه لها
قعدت تلعب هدويج
صقر قال لعابد : لحظه انت محلق متي قبل شوي الصبح على الفطور كنت بلحيله
فارس : مفهوم ماكينه الحلاقه ما مر عليك مثلا
عابد يمسح على السكسوكه الخفيفه : والله شفت نفسي لي مزاج اني احلق حلقت نادر اعمل السكسوكه بتطلع
عليك جان
وكمل بخبث : بتصير تخق البنات خق
نادر تجاهل كلام اخوه و سأل : وش ذا إللي في يدك ؟!!..
انونه : قطوه
ناظر نادر لصقر وقال : اكيد مجايبك ما في غيرك يجيب ذي الحاجات
صقر قال : يبه خلها تستانس و بعدين هي ساكنه عند عمي عناد مب عندكم وفي وجهك عشان اقول تشوف
البسه كل يوم
نادر ناظر لانونه إللي كانت تناظر له ابتسم بخبث لها ولاحظ قلقلها و تشتيت نظرها بكل مكان
صباح الخير .... بدر يصبح عليهم
الكل ما عدا نادر : صباح النور
انونه وهي ترفع هيدويج : بدل بدل سوف بستي مره حلو
بدر قال : ومن فين جبتها ؟!..
انونه وهي تميل جسمها اتجاه صقر قالت : صقل
بدر بضحكه : اجل صار اسمك صقل وانا ما اعرف ؟!...
صقر : شوفوا مين يحكي يا بدل
بوزت انونه وقالت : لا تتريقوا علي
ضحك الكل عليها
و مسك فارس خدها وقال : لا تبوزي مره ثانيه
بدر ناظر في نادر وقال : يا اخي ارحم نفسك شوي الشغل ما هو بطاير استانس شوي
نادر ما كان قاعد يشوف الجوال كان يناظر لانونه إللي كانت تضحك مع صقر و فارس كان لابس رين بين
عشان كذا خذا راحته في النظر وش تفكرين فيه يا انونه وش داخل ذا راس العنيد ؟!....
ابتسم ابتسامه جانبيه و هو يقول لنفسه بس انا إللي راح اكسر ذا الراس عشان اعرف وش داخله
اوو الشباب كلهم متجمعين هنا .. لحظه خلني اعدهم واحد .. اثنين .. ثلاث.. اربع ... خمس ..خمسه !!! في حد
ناقص اقول من ذلحين حنا راح نركب الخيول.... كانت ليلي إللي قالت
نادر : شرفت البزر الاولي
ليلي وهي مبتسمه : هلا ندوري قلت حاجه ؟!..
نادر نزل النظاره و عطاها نظره بس
ليلي : هاا انونه كيف يدك ذلحين ؟!...
انونه ترفع يدها : تمام تمام
ليلي : اي لا تخوفينا عليكي مره ثانيه
ضحكت انونه
ليلي : فروسي ابغي اركب فرسك تكفه
فارس بابتسامه : حلالك
ليلي : يوبي و لتفتت لنادر وقالت : تعلم الكلام السنع بس
تقدمت وحده من البنات و جلست على الكرسي بين بدر و فارس وقالت : وش يعجبكم بالمزرعه ذي قرف قرف
قرف
صقر انصدم : قرف !!! المزرعه قرف !!!...
فارس إللي عرفها : لا غزال والله المزرعه تريح الواحد شوي
قالت وهي تفتح الكتاب : لا تحاول فروس تقنعني المزرعه ذي ما منها فايده غير الوصخ الله يهدي جدتي بس
صقر قال : ذلحين المزرعه قرف و وصخ
الغزال وهي تقلب الصفحه : اي قرف
صقر : ذلحين المزرعه قرف و الفرفره بالمجمعات بلايه فايده ماهي قرف ؟!..
الغزال استغربت : بس وش دخل ذا في ذا ؟!...
صقر : مب ذا مكان وذا مكان وش الفرق بين الاثنين ؟!...
الغزال : اكبر فرق هنا قرف حشرات هذا غير التراب في كل مكان
صقر : اهاا الاخت من رواد التطور و قمع البيئه
الغزال تغلق الكتاب : اي انا احب التطور ما احب اجلس هنا و بس اركب في ذي الخيول إللي لو تتكلم كان
ملت منكم من زمان
صقر : بدينا بالكلام إللي مامنه فايده وجدت الخيول عشان الانسان يركبها و تنطلق ولا تبغيها راكده مثلك
الغزال قالت : انا راكده!!!!.... يا رجعي
صقر :انا رجعي !!!
انونه قالت : فالس هم ذلحين يتضاربوا زي توم و جيري ؟!..
عابد وهي يسند راسه على يدره : لا وانتي الصادقه صراع بين الحضاره و التطور
صقر : عابد انت سامع وش تقول ؟!...
بدر قال: خلاص يا صقر هي قالت رايها ومب لازم نتقف كلنا على راي واحد
نادر وقف بيمشي عابد يتدخل : على فين ؟!....
نادر ناظر لانونه وقال : ابغي اروح اجيب لي ريد بول لانه البزر الثانيه غلطت و جابت ليمون
انونه قالت : نادل ابغي كاكاو جيب لي معك
نادر مشي بدون لا يعبرها
انونه وهي تقول : نادل سخيف
قامت على حيلها وشالت هيدويج وقالت : حد يبغي حاجه ؟!..
بدر : باربكانا انونه
عابد : وانا بعد زيه وكرواسون جبنه انونه حدي جوعان
انونه : اوك
ذهبت انونه و ذهبن البنات للخيول
الظبي قالت : جوجو فين الجوري مب كانت وراكي ؟!...
الجورهي وهي ترفع راسها عن البي بي وتلتفت للخلف قالت : اي والله فينها ؟!...
الظبي بريبه : وش تعملي انتي بالجوال ما ينزل من عينك ؟!.......
الجوهر ارتبكت وقالت : خوياتي اكلمهن وش فيها ذي بعد
الظبي ناظرتلها بعدم تصديق : خوياتك !!..
الجوهر: اي خوياتي من اجل
ليلي تضرب ظهر الظبي و الجوهر و تقول : يالله تعالوا ايش تنتظروا ؟!...
الظبي : الجوري ما نعرف فينها ؟!... كانت وري جوجو بس جوجو عينها بالجوال
ليلي ناظرت بمكان نادر الفارق فخمنت وقالت : لا تخافوا تلاقونها راحت تغير حاجه تعرفون بغيستيجها
.vv.
v..v
.vv.
...... stop ......
|
08-03-12, 09:11 PM
جديد مواضيع قسم القصص المكتمله
العرض العادي
