السلام عليكم و رحمة الله

لا حول و لا قوة الا بالله ، اعمل فيكي ايه يعني اعلق لك شريط الاهداءات في رقبتك ؟!
و لا ألسعك في صباعك عشان واوا عشان تعلني عن الفصل الي بينزل ؟
انا كدا فايتني فصلين ، بس فرصه أقراهم مع بعض :)

يا سلام الف حمد لله على السلامه ياسو ، اهو كدا يا راجل كنت فين من زمان
ما أحلى الأمر الواقع و مفاجآت الأمر الواقع هههههههههههههه

نرجع عند علي ، هي الحاجه الي معترضه ؟ و النبي افتكرته الوالد
استهدي بالله يا ست الحاجه و روقي هاجر مين دي كمان ، هي شروة طماطم هتنقيها ! قالك سما تبقى سما
هههههههههههههههههه دي بتعمل بمبدأ بلاها ناديه خد سوسو

يارا بدأت تخوفني على فكره ، مختلفة تماما عن يسرا ، اقرب شبها بابيها
يسرا في موقف لا تحسد عليه ، كيف هتبرر للجميع و من سيتقبلها أصلا

انا لو مكان سما كنت خبطها على دماغها عشان تعيد ترتيب أفكارها و يمكن العما الي صابها ينزاح و تفتح أخيرا ، دا ناقص تنكتب على جبينه عععععععععععععع
سما بقه موضوع تاني خالص
هههههههههههههه بصره الحمد لله ان والد نهله فسر تلعثمها خجل ، لعيبه يا سحوره

خخخخخخخخخخخخخخخخ اسراء دي تحفه ، يا بلاش و الله حد لاقي أسعار زي دي اليومين دول
عند عمر مفاجآت بالجملة ، عمو حسين وصل يا مرحبا يا مرحبا
اما معتز فكيف تعدى مرحلة الخطر؟؟؟

على الرغم من كراهيه سناء تصرف حسين ينبأ بحقيقته و كيف هو إنسان جيد و مراعي للآخرين مهما اخطئوا في حقه
حلوه ملاحظه عمر ، حسين يعرف كل شيء و أي شيء ههههههههههههه
امممم صحيح كيف عرف والده طريقه اسعاف معتز بهذه الدقة ؟ هل يعاني هذا المرض هو الأخر ؟ هل هذا هو السر ؟

و ادي ذكرى تانيه فيها مصيبه جديده ، افهم من كدا ان علياء ماتت في حادث ؟ لكن سناء كانت بتكرهه بالفعل في هذه الأثناء
لكن حسين عمل بالوصيه كويس و فعلا مهتم بمعتز

وااااااااااااااااو محمود رجع كمان و أتجمعوا الحبايب في مكان واحد هههههههههه هيه سناء فايق للخناق و ابنها بين الحياه و الموت ؟!

ايه الست المجنونه دي معقول بتغير من حسين !! عاملت أختها باستبداد كنها شيء تملكه و من حقها توجهها و تختار لها تصرفاتها ، مجرد انها تخيرها بين حياتها و بينها قمة الانانيه منها
المفروض تحاسب نفسها على جفائها مش تسقط غلطاتها على حسين

حديث ايوب مع حسين مرح في ظاهره لكن يحمل بطياته الكثير ، حسين مريض و ايوب طبيبه و اعتقد فترات غيابه بيكون محجوز عنده في المستشفى
عمر أكثر الأخوات قربا من والده و مشاعره أكثرهم وضوح و بساطه بمعني مش مكلكع زيهم
و النبي بلاش الملاحظات الي من نوع ده الراجل مش ناقص ، يخلق من الشبه أربعين يا سيدي

المشهد على الفطور كان تحفه ههههههههههههههه ، عمو حسين عامل عمايله و ملعبهم على الشناكل
بس على فكره انا مش شايفه لافتة ممنوع الاقتراب دي ، الراجل حنين و زي العسل انما مش لاقي الي يقدره

اوه ريناد تعرف علاقة فاطيما بيسرا لكن هل تعرف انها هي نفسها صديقة جيلان ! دي هتبقى وقعه

سما و علي الأمور مش تمام أبدا خاصة بعد حديثه عن والداها ، إحساس أولاده إيه لما والدهم مقرب من الغرباء في حين انه بعيد عنهم بمراحل ، أكيد إحساس سيء للغاية
اممم مش وقت طلب الجواز يا علي ععععععععع

و ادي كما جوز كلاكيع نضيفهم على نهله و ياسين & وصال و يوسف
هو مفيش زوج يبل الريق عندك يا سحوره ، كلهم كدا عكس الاتجاه على طول !
طيب احمد دا حكايته ايه و راح فين ؟
يا تري جيجي و كريم هيحصلوهم و لا ايه انا مش مطمنه لك ابدا
و لسه سناء و رشدي الخيام و الست يارا ، كمان الدكتور محمود دا عدو و لا حبيب ههههههههه
كل الجبهات مفتوحه مره واحده ععععععععععععع

شكل الحكايه أحلوت و لونها بقى غامق ، الحلوين بيتجمعوا و ربنا يستر على الراجل دا مسكين و غلبان
افهم من كدا ان موعدنا أصبح الأربعاء و الأحد من كل أسبوع
الله يسترك يا شيخه كملي جميلك بإعلان على الشريط و ارررررررررررحميني

تسلم ايدك يا جباره ، لما نشوف هتحليها ازاى :) انا مستمتعه جدا
بانتظارك دائما
رينا يزيدك من فضله

دمتِ بكل الحب و الود ♥ ♥ ♥