فهد المساعد - ديوان ذكريات 2012 [ القصائد + تحميلها Mb3 ] ..

][ 14 ][ باب النسيان ..

كــــــــل مــــافــــي الأرض يــــنــــذر بــالــمــفــارق والــغـــيـــاب ..
الـلـقـا والـشـمــس وحــــروف الـرسـايــل والـقـبــور ..

وش بـقــى يـــوم أكتـشـفـت أن آخـــر الـــدرب الــســراب ؟!
والـبــحــر دمـــــع لـســواحــل هــاجـــرت عـنــهــا الـطــيــور !

مالحـزنـي صــوت ! مـــدري هـــو خـطــأ والا صـــواب !!
بــــس أعــــرف أنــــي حــزيــن وصــوتـــي الـلـيـلــه جــهـــور ..

مــــن يــدّثـــر صــوتـــي الـلـيـلــه ويـكــســب لـــــه ثـــــواب ؟!
مـالــهــا يـالـشـعــر غـــيـــرك أنــــــت ‘ يــاجــبــر الــكــســور ..

يــكــفــي أنــــــي لابــكــيــت بـــدونـــك أشـــعـــر بــإرتــيــاب ..
وكل ماأبكي فيك أشوفك لي عن اللي فيّ سور..

أدري بـــيـــوتـــك عــــرايـــــا ‘ لــــكـــــن أوزانـــــــــك ثـــــيـــــاب ..
لــبّـــس جـــروحـــي مــــــن أحـــزانـــك وألــبّــســك الـــصـــدور ..

كــــــــان يــــامــــا كــــــــان والــنــســيــان لــلــعــشّـــاق بـــــــــاب ..
عـاشــق ٍ لاشــــدّ درفــــة بــــاب ‘ صــــاح بــــلا شــعــور :

يــقـــدر الـنـسـيــان يــنـــزع غــصـــن مـــــن فـــــوق الــتـــراب ..
بـــــــــــس مـــايــــقــــدر يـــــقــــــرّب لـــلــــتــــراب ولــــلــــجــــذور ..

كــيــف أبـنــســى ذكــريـــات الـطــيــش الأول والـشــبــاب !!
ورفـــقـــة الــلــيــل الـعـتـيــقــه وأول الــفــجـــر الــطــهـــور ..

والــمــواعــيــد وشــغــبــهــا والــــولــــه قــــبــــل الـــعـــتـــاب ..
وســاعـــة ٍ كـــــم كــنـــت أحـــــاول فـــــي عـقـاربـهــا تـــــدور ..

والـمــكــان الــلـــي وهـــــن سـقــفــه مـــــن الـفــرقــا وشــــــاب ..
مــــــن بـــعـــد مـــاكـــان يـحـضّــنــا مـــثـــل طـــفـــل ٍ غـــيـــور ..

والــمــطـــر لا لـــــــوّن الـــشــــارع وقــلــنـــا لـلــســحــاب :
بـــلـــلّ أيــديــنـــا ‘ تـــــــرى الــعــشّـــاق أيــاديــهـــم زهـــــــور ..

كــيـــف أبـنــســى والــريـــاض لـسـيـرتــي مــثـــل الـكــتــاب !
حافظـتـنـي بـيــت بــيــت ‘ و حــــي حــــي ‘ و دوُر دوُر ..

مـــــن كــثـــر مــاكــنــت أدوّر فــــــي شــوارعــهــا جــــــواب :
هـو صحيـح الحـب أعـمـى ! أو عـيـون الـنـاس عــور ؟!

كـنـت أشــوف الـحـب عــذب .. وهــم يشوفـونـه عـــذاب !
كــــان هــــذا الــحــب ســـــر ! وقـلــتــه وكــلـــي ســـــرور ..

عـلـمّــونــي فـــــــي الـمــديــنــه كـــيــــف لاحــبــيـــت أهـــــــاب ..
لـــكـــن الــقــريــه قــمــرهــا قــــــال : كُــــــن لــلــحـــب نـــــــور ..

فــي بـــلادي كـنــت عـاشــق .. بـــس شـاعــر بـإغـتـراب !
لــيــن صـــــرت الـشــاعــر الــلـــي تـعـشـقــه كـــــل الـبــحــور ..

عـلـمّـيــنــي يـالـقـصــايــد هـــــــو خــــطــــأ والا صــــــــواب ؟!
لارفــضـــت أنــســـى عــيـــون ٍ عـشـتـهــا شــعـــر وشــعـــور ..

هــذا أنـــا لـحـالـي هـزيــل الـحــال ‘ وأشـعــر بإكـتـئـاب ..
كـــــن قـلــبــي جـــــال بـــحـــر ٍ هـــاجـــرت عـــنـــه الــطــيــور ..

أجــــرع الـفـرقــا وأقــــول الــحـــب عـــــذب ولـلــعــذاب ..
كـــــل قــلـــب ٍ لاحــرمـــه الــوقـــت مــــــن خـــلّـــه يـــبـــور

ولـيــن هـــذا الــيــوم أدوّر فــــي الـمـديـنـه عــــن جــــواب :
لـيـه فــي شـرعــك .. يـكــون الـحــب مـعـنـى للـفـجـور ؟!!

للتحميل ~> فهد المساعد - ألبوم ذكريات [ باب النسيان ] ...mp3 ..

][ 15 ][ الغصن والطير ..

الغصن هذا اللي على الرمل مكسور ..
كان اجمل الاغصان قبل المقادير ..

وفجأة رحل من فوقه احب عصفور ..
ولا رضى يستبدله بالعصافير ..

وقلبي مثل هالغصن مايسمع الشور ..
لامن رحلتي عنه مدري وش يصير ..

الغصن مات ودع الريح والنور ..
وانتي تغيبين وتمني لي الخير ..

الخير وينه لاغدى القلب مهجور ..
ولا طحت في ايدين السهر والتفاكير ..

كيف اشتكي باكر من الشوق والجور ..
وحنا اتفقنا ندفن السر في بير ..

لو انكسر قلبي من البعد معذور ..
ولا تسأليني ليه مالك معاذير ..

الطير مايعتب على غصن مكسور ..
بس الغصن من حقه يعاتب الطير ..

للتحميل ~> فهد المساعد - ألبوم ذكريات [ الغصن والطير ] ...mp3 ..

][ 16 ][ الدمع ..

الحزن وحشه نار وارواحنا شمعه ..
نزداد نور ينشب فينا ظلام ..

يهون طعم الحزن لاصاحبه دمع ..
الموت حزن صاحبه ابتسامه ..

القلب غصن طاح من كثره الرمع ..
جاروا عليه اهل العتب والملامه ..

واحترت يوم انفض من صدري الجمع ..
ما ادري الوم الغصن والا الحمامه ..

ياوقت وش سويت في العاشق الطمع ..
علقتني بين الرجا والندامه ..

اشم ريح الصمت يوم ارخي السمع ..
يشبه ندى ديم بقى من غمامه ..

مرت وكان الومضه بروقها لمع ..
وراحت قبل ماادعي لها بالسلامه ..

لكننا عشاق وارواحنا شمعه ..
مهما الحزن يسدل علينا ظلامه ..

بدري عليه يشوف في عيوننا دمع ..
حتى الفراق مقابله الابتسامة ..

للتحميل ~> فهد المساعد - ألبوم ذكريات [ الدمع ] ...mp3 ..

][ 17 ][ الريح والناي ..

يله فراق وبرد وبروق ورياح ..
وصوت المطر يفصل خطاها عن خطاي ..

نقرب .. وتنبت فـالوطى بيننا رمـاح ..
حتـى تلاقينا لقـا الريـح والـنـاي ..

آخر لقا يغـزل مـن الغيمـة وشـاح ..
وأول لقا يمضي بلا موعـد جـاي ..

مسحت عن وجناتهـا صبـر وجـراح ..
وأنا جراحي كانت أكبـر مـن بكـاي ..

قلـت أذكرينـي ماهمـا بـارق ولاح ..
وأيّاك تبكينـي تـرى الدمـع نسّـاي ..

إذا سألوك الناس .. قولي لهـم : راح ..
بالك يجي طـاري وداعـي وفرقـاي ..

ترى الفراق الموحش .. فراق الأرواح ..
أما الجسد لـو غبـت تحييـه ذكـراي ..

صدّت .. و في وجناتها الدمـع ذبـاح ..
وأنا أعتـذر لعيونهـا عـن سوايـاي ..

تبكي وأنا أمسح دمعهـا كـل ماطـاح ..
كنت أحسب كفوفي بتمسـح خطايـاي ..

لو اجرحتني وقتهـا .. يمكـن أرتـاح ..
لكنهـا.. وبـدون كلـمـة ولا راي ..

أقفت توّدع عمرهـا اللـي معـي راح ..
وأقبلت أودّع عقبهـا عمـري الجـاي ..

للتحميل ~> فهد المساعد - ألبوم ذكريات [ الريح والناي ] ...mp3 ..

][ 18 ][ هفهفات الهوى ..

العام جابت له قفص داخله طير ..
وعيونها من هفهفات الهواء شرد ..

قال اكره اللي يسجنون العصافير ..
فك القفص والبنت ماتت من البرد ..

واليوم جابت له ورود ونواوير ..
ومن الحيا خبت له الشعر في طرد ..

مكتوب فيه ابيك تذكرني بخير ..
ياللي بدونك ضاعت سنين الجرد ..

اشر على يدها ولا تمتم بغير ..
اللي يعرف الحب مايقتل الورد ..

راحت ودمع عيونها سر في بير ..
والذكريات تمرها صدر ورد ..

مره تقول لنفسها يمكن يغير ..
ومره تقول الا رمى لغيري النرد ..

ومره تقلب في رسايله وتطير ..
من حبه اللي كان طاغي على السرد ..

وترجع تضم أقفاص فيها عصافير ..
كانت هدايا منه لعيونها الشرد ..

وتسقي الرورد اللي قطف والنواوير ..
وعلى مكان كفوفه تقبل الورد ..

للتحميل ~> فهد المساعد - ألبوم ذكريات [ هفهفات الهوى ] ...mp3 ..

][ 19 ][ من متى ..

من متى ما قلت لي .. كلمة حبيبي ؟
ومن متى ما قلت هالكلمة أنـا ؟

رغم طيبة قلبك وقلبي وطيبي ..
شوف ظروف الوقت وش سوت لنا !

انت عيبك ما تحسسني بعيبي ..
وعيبي اني ما احس انك هنـــا ..

قل لشمس الشوق : عودي .. لا تغيبي ..
كلنا مخطـــين والله كلنـــا ..

كل جــرح فيك احسه من نصيبي ..
البروده ‘ والقسـاوه ‘ والعنـا ..

يشهد الله وان كذبت الله حسيبي ..
ما اشوف الا انت ‘ لو غيرك دنـــا ..

ان قسينا طيبتك تشكي لطيبي ..
وان ضحكنا تضحك الدنيا لنـــا ..

القلوب تحب كلمة .. يا حبيبي ..
قلتها لقلبك بقى قلبي انـــا ..

للتحميل ~> فهد المساعد - ألبوم ذكريات [ من متى ] ...mp3 ..

][ 20 ][ لحظة الفرقا ..

الـــيـــوم صـــوتـــي يــنــاســب لــحــظــة الــفــرقــا ..
كانـــك تـبـيــنــا نــتــفــارق ‘ خــلّــهــا الـلـيــلــه ..

مـــن ينـتـظـره الـشـقـى ‘ لـــو ينـتـظـر يشقى ..
دام الشـقـا ينتـظـرنـي ‘ لـيــه مـااجــي لـــه ؟!

ياقـلـبـي المنـتـظـر ‘ مـكـتـوب لــــك تـبـقــى ..
مـحـروم حـتــى مـــن الـلــي كـنــت تـشـكـي لـــه ..

خــــــل الــمــراكـــب تــســيـــر و ودّع الــغــرق ..
فـي مـوادع الحمْـل ‘ راحــة مــن هــو يشيـلـه ..

الـــلـــي يــــــدّور عــــــذر لــفــراقـــي ‘ بـيــلــقى ..
يامـن نويـت المـفـارق ‘ قـبـل تمـشـي لــه ..

أرحـــل مـــن احـلامــي الـلــي قـلــت لـــك تـرقى ..
ومن روحي اللي ماعاد اعرف من هي له !!

ومــن دفـتـرك ‘ وأرتـبـاك خطـوطـه الـزرقــا ..
ومـن كـل ضحكـه ودمـعـه فــي تفاصيـلـه ..

أرحـــل و خـــذ ذكـريـاتـك مـعــك ‘ لاتـبقى ..
سـاعـدنـي أرجــــع لـنـفـسـي كــــان لــــك حـيـلــه ..

عـلـمـتـك الــوصــل ‘ عـلـمـنـي عــلــى الـفرقا ..
محـتـاج لــي قـلـب يشـبـه قـلـبـك اللـيـلـه ..

للتحميل ~> فهد المساعد - ألبوم ذكريات [ لحظة الفرقا ] ...mp3 ..

][ 21 ][ كذا ..

يوم رفعت خصلاتها طار الشذا ..
ويوم جمعت خصلاتها طار الفراش ..

قالت وش الاحلى كذا ولا كذا .
قلت البراءه ياكذا والا بلاش ..

اذا زعلت ازعل على الدنيا ..
واذا رضت احس الليل يتساقط رشاش ..

في قلبها جرح ومواعيد واذى ..
وفي عيونها حلم خذوا روحه وعاش ..

حبيبتي الله عطى والله خذى ..
ليه الحزن في نظرتك والاندهاش ..

قولي لدمع العين يسكت لو هذى ..
عيشي ترا الدنيا عصافير وعشاش ..

الله خلق في ضحكتك ورد وشذا ..
ولو ماابتسمتي يمكن يموت الفراش ..

وانا كذا والا كذا والا كذا ..
مااقدر اقول الا كذا والا بلاش ..

للتحميل ~> فهد المساعد - ألبوم ذكريات [ كذا ] ...mp3 ..

][ 22 ][ في الذاكرة ..

في الذاكره نفحة زهور ميته ..
وأشياء كثيره صرت مدري وينها ..

طفلٍ يشيل العيد في طاقيته ..
وأم تخش الدمع عن طفلينها ..

وعيون شايب لو قسم حنيته ..
على البشر كان البشر وش زينها ..

ورفيق عمر الوقت شح بجيته ..
وبنت قسمت القلب بيني وبينها ..

ومتغرب يقرى جواب بنيته ..
اللي تركها في ربيع سنينها ..

وشاعر بدى الخطوات من مرثيته ..
اللي تعب يسهر على تدوينها ..

وجدار كانت تنتظرنا فيته ..
نقرى بختنا في كفوف إيدينها ..

واليوم لامن روحت عصريته ..
رحنا نودع بعضنا في حينها ..

أطفال كل في فضى حريته ..
وبيوت ناس أطفالها مشقينها ..

حاره نسى فيها الزمن عفويته ..
ميسورها يعطف على مسكينها ..

ماكنت أعرف الوقت وش هي نيته ..
الله يجازي الطيبه وتخمينها ..

يآ وش بعد ياباكر اللي مبيته ..
العمر لوحه في يدك تلوينها ..

كنك وكيل آدم على ذريته ..
أحلامنا وش فيك قمت تهينها ..

سرقت من كف الطفل عيديته ..
وفرقت كلمة حب عن حرفينها ..

يآرب يآرب الزهــور الميته ..
رد الحياه لناس تسأل وينها ..

للتحميل ~> فهد المساعد - ألبوم ذكريات [ في الذاكرة ] ...mp3 ..