كاتب الموضوع :
safwat11
المنتدى :
الحوار الجاد
الى مستقبل مشرق و باهر ان شاء الله ولو بعد حين
الحل انه مش نسكت ابدا ونفضل مكملين مش ينع نوقف دلوقتى ابدا ونبعد اليأس عن قلوبنا
ونثق ونتأكد انه دولة الظلم ساعة و دولة الحق الى قيام الساعة
و انه ربنا هينصرنا و يعينا نرجع حقوقنا ونسترد بلدنا من اللى ياما نهبوها
و اتعاملوا فيها زى ما تكون عزبة اهلهم و لسه لحد دلوقتى بيعملوا كده
وان كان على استحياء و فى الدرى لانهم زمان كان على عينك يا تاجر وبكل بجاحة و استفزاز
احنا لازم نهتم بتوعية الناس اللى بجد مضللة من الاعلام و نكسبهم فى صفنا لازم الناس كلها تعرف الحقايق مجردة
مش الافلام بتاعت اللهو الخفى اللى المجلس الموقر بينشرها بين الناس
و لجان تقصى الحقائق اللى زى قلتها و لعب على العقول و مجرد وسيلة لكسب وقت يكون الناس هديت فيه
و نسيت فاحنا لازم مش ننسى ولا نهدى لازم يعرفوا انه احنا صحينا و مش هننام تانى
و طبعا اللى ورا كل اللى بيحصل دلوقتى والانفلات الامنى اللى حاصل هما اعوان واتباع اللى منورين طرة
و طول ما فيه فلوس سهل جدا انك تعمل اى حاجة فى بلد نسبة الناس اللى تحت خط الفقر فيها حوالى النص
و مستعدين حتى يرتكبوا جريمة فى سبيل الاكل الا من رحم ربى و على فكرة مش نقدر نلومهم لانهم مجبرين
و ضحايا زيهم زى اى حد عمر ما حد اهتم بيهم لا تعليم ولا عيشه كريمة و لا علاج ولا اى حاجة
احنا لازم نبص للناس دى هى على فكرة هتبقى حماية الثورة لازم دلوقتى نفعل دور الجمعيات الاهلية
والجمعيات الخيرية تنمية المناطق العشوائية والاهتمام بساكنيها بجهودنا الذاتية لانه اصلا ارتكاب الجرائم
ضد فطرة الانسان وقتها البشوات اللى عمالين يشيعوا الفوضى فى البلد باستخدام الناس دى واغرائها بالمال مش هيلاقوا حد ينفذ بلاويهم وجرايمهم و هيبقى وقتها مش فى حد يستخدموه و يستخبوا وراه
الموضوع هياخد وقت وسنين و مش مهم احنا نشوف النتيجة المهم ولادنا والجيل الجديد اللى يشوفها و يعيش و يتعلم احسن مننا و تبقى كرانته مصانة ومحافظ عليها جوه بلده وبراها
انا مؤمنة بانه الكيرف عمره ما بيفضل نازل هيرتفع هيرتفع بس محتاجين اصرار و صمود و نبعد اليأس و نحاول مرة واتنين وتلاته ندافع عن ثورتنا و نمنع اللى بيحاولوا يسرقوها مننا و نبطل نخون بعض و نبص للصورة الكبيرة و مش نمسك فى الهايفة
اللهم انى استودعك مصر ..♥ رجالها و شبابها .♥.
نساءها و فتياتها .♥. أطفالها و شيوخها .♥.
اللهم أنى أستودعتك ممتلكاتها و مبانيها و منشآتها .♥.
اللهم أنى أستودعتك نيلها و اراضيها و خيراتها .♥.
اللهم أنى أستودعتك أمنها و أمانها و أرزاق اهلها .♥.
اللهم أنى أستودعتك حدودها و بحورها و جنودها .♥.
فأحفظهم بحفظك يا من لا تضيع عنده الودائع و أنت خير الحافظين
اللهم ارنا الحق حق و ارزقنا اتباعه وارنا الباطل باطل وارزقنا اجتنابه
اسفة على الاطالة
شكرا جدا لحضرتك على طرح الموضوع
|
04-02-12, 09:35 PM
جديد مواضيع قسم الحوار الجاد
العرض العادي
