السلام عليكم ورحمة الله وبركاته


يسعد صباحكم يارب


وبالتوفيق لكل من يختبر


بنات اختي حبيباتي بالتوفيق
وفالكن النجاح

كم مره انسألت عن اسم ابو ناصر
اسمه محمد "

وعمره كبير ابو ناصر بالستين

اتركم مع الجزء الجديد





الجزء الخامس
ــــــــــــــــــــــــــــــ


ليه دايم يقولون

يكفينا شرهالضحك

ليه لا ضحكنا كثير

نختم ذاك اليوم بصياح
ودموع
ليه ؟؟
سؤال دايم يجي في بالي


انا لا كنت مبسوطه طول اليوم


لازم اتنكد في الليل ؟



اللي صار اليوم يبكي


تذكرت دخلت ابوناصر ووراه حرمتين
كان ابو ناصر فرحان فيهم مررره
وده يشيلهم من الارض شيل
وانا يوم شفته دخل علي فيهم
كشيت ونفسي ضاقتي مدري ليه

جلسهن ابوناصر مكان مافرشت بالحوش
لان البيت معفوس عشان الصبغه
ورحبت فيهم وهليت
وانتظر ابو ناصر يعرفني من هالثنتين
تأملتهن
وحده كانت مبتسمه
والسماحه في وجهها
والثانيه جامده واكلتني بعيونها
ولا ابتسمت نص ابتسامه
ابو ناصر : شوفي يازهره هذلي
بنات اختي حصه الله يرحمها
قلت انا : يا هلا وسلمت عليهن
وحده سلمت علي بحراره
والثانيه كأني اسلم
على لوح مرره كانت جامده
بعدها جلسنا وقمت
أ صب القهوة و مديت لها
ما اخذت الفنجال مني
قالها ابو ناصر
تناولي الفنجال
ردت بكل جلافه وقلة ذوق
: لا اقرف
واختها نغزتها وسمعتها
تقولها وهي تكز على اسنانها
: هدى خذي الفنجان
ردت بوقاحه وعينها في
عيني وهي مشمئزه
: اقرف ما تسمعين
ابو ناصر بحرج مني
: تقرفين من وش
زهره غاسله الفناجيل
والفناجيل جديده اصلا
خذي خذي بلا وسوسه
تناولت الفنجال مني وحطته بالأرض
بصراحه هذي وحده وقحه
وش هي شايفه عشان تقول اقرف
بس هذي شكلها جايه
وهي تقول ياشر اشتر
هيا بمجامله : مبروك يا خالي
وربي يتمم عليكم والله اني فرحت
يوم اتصل علينا احمد يبشرنا
تبسم ابو ناصر
: ايه اتصلت عليه وعلمته
هدى : ومنين جبتها
وهي تأشر علي براسها
ابو ناصر : هدى علامتس
يا بنتي هذي خالتس زهره

" طارت عيوني وارتفعت
حواجبي فوووق
انا خالت هذي!!
هذي تنفع تكون امي "
هدى وتلون وجهها من الزعل
: لا ما هي خالتي
ابو ناصر بهدوء ورزانه
: هدى علامتس انتي
زعلانه اني تزوجت
هدى ما عرفت وش تقول بس
ردت : يا خال انا اللي مزعلني
انك ما شاورتنا وتزوجت
وحده ما ندري منين جايبها !!!

"قهرتني
"" الحيين هذا تتكلم عني
انا مدري منين جايبني
وقفت وانتظرت رد ابو ناصر
" ابو ناصر بصوت عالي وحازم
: هدى بس خلاص انتي
من جيتي وانتي تلطشين بالكلام
وانا احاول اعدل لتس
زهره زوجتي وصارت امر
واقع وقام ومسك يدي
وجلسني جنبه
: ورضاي عليكم مرهون برضاها
سمعتن
هيا بحرج شديد : اي سمعنا
"" قمت بروح اجيب الشاي
ما دريت الا هدى وراي

وسمعتني كلام مثل السم
انا وش سويت لها ؟؟

دخلت علي المطبخ وهي حاطه يدها
على خصرها
اسمعي ياااا وناظرتني من فوق لتحت
انا عارفه نوعيتتس
انتي تزوجتيه طمعانه بفلوسه
بس حامض على بوزتس
والله ما اخليتس تهنين يا بنت ابليس
" شلت الصينيه ووقفت
عند باب المطبخ: اسمعي ياااا
وناظرتها من فوق لتحت
وانا اعرف نوعيتتس بعد
بس انتي ضيفه عندي
في بيتي ولاجل عين ابو ناصر
بسكت والا انتي ما تستاهلين
ينرد عليتس
وطلعت من المطبخ وانا اغلي من القهر
ـــــــــــــــــــــــــــــــــــــــــــــــــــــــ






في جو مليان دخان
وريحه كريهه امجد كان جالس
يلف سجاير ويدخن حشيش كان
ما يحب يسهر برى بيته يحب يحشش
وهو في مجلسه

دخلت عليه مهجه
وهي قرفانه منه ومن
ريحته وتصرفاته
امجد على باله برررراد شاي
يعدل المزاج ناداها :
موهجه
يا موهجه
اش بك ما تردي عليا
مهجه بقرف : نعم يا سيد امجد
اش تبغى
امجد بلسان ثقيل
: روحي اعملي ليا براد شاي تقيييل
مهجه بعصبيه : لا ماراح اعملك
الزفت التقييل
امجد وطار المزااج
: قلت لك تروحي تعملي
الشاي يعني تروحي
لا تطيري مزاجي وتعكريه
مهجه باصرار وعناد
: ماراح اعملك ووريني
اش حتعمل
قام وهو مايشووف
من الزعل عكرت عليه التحشيشه
وضربها ضرب وهي تدافع عن
نفسها وترد الضرب
الى ان انهارو الاثنين
مهجه : الله ياخدك يا بعيد
كسرت ليا يدي
امجد : روحي ربنا ينتقم منك
عكننتي عليا
مهجه ببكاء وبصوت عالي
: ااااه لااا انا هادي العيشه
المره ما اقدر عليها
انت كل ليله كدا تسطل وتغيب
حرام عليك والله هادي مو عيشه
ام امجد واقفه على عصاها
: اش بكم
مهجه بصوت عالي
: ولدك المسطول ضربني
ام امجد : ياولدي حرام عليك
نفسك ومرتك سيب الهباب اللي بتاخدو
وتوب ربنا يتوب عليك
امجد خجل من امه
واقبل عليها يحب
يدينها ورجولها : يا او مي ادعي لي
ادعي لي يا ا ومي
وصار يبكي بخجل
اومي اطلبي ربنا يتووب
علي وابطل السم الهاري اللي باخدووو
وام امجد تمسح على راسه وتكرر
: ربنا يهديك
ربنا يهديك
ــــــــــــــــــــــــــــــــــــــــــــ




هناء اتصل ابوي من محله يقول انه
ارسل اغراض مرسلها عبدالله ويبيتس
انتي تستلمينها وتشوفينها
عبست ملامح هناء
: اغراض !! ما قالي البارح مكلمني
وقامت بصعوبه وراحت للباب
ودقيقتين بالضبط دق الباب
وفتحت طرف الباب
حتى تستلم الاغراض
عبد الله دف الباب بخفه
وطل بوجهه عليها
" السلام عليكم
هنا بفرحه : واااااااو ههههه انت هنا
وعليكم السلام ورحمة الله وبركاته
دخل عبد الله وصك الباب ورااه :
وسحبها لحضنه وسلم عليها
وهنا ميته خجل تخاف احد يدخل
يشوفها بحضن زوجها
هنا : الحمد لله على السلامه يا عمري
عبد الله وهو يتبسم : الله يسلمتس يا قلبي
وقف بعيد عنها بخطوتين وتأملها
: وين اللي تقول تنفخت
وصارت قد الفيل
هناء وهي تأشر
على بطنها الصغير
: هه شوف بالله
شوف ماني مررررره دبى
ضحك عليها : واحلى دبى
بس مو مررره
انا قلت الحين ما تدخلين مع الباب
هنا :هههه لا ان شاء الله
ما اوصل لذي الدرجه
سحبت يد عبد الله ودخلته المجلس
وراحت تنادي امها تعلمها
ان عبد الله جاء
وكان الكل يدري بجية عبد الله الا
هناء كنوع من المفاجاه لهاااا
ـــــــــــــــــــــــــــــــــــــــــــــــ












قل لأبوك لا يوريني
وجه العنز اللي معاه
بيتي وما ابيها عندي
حسين :يمه الله يهديس
الحين هي ضيفه عندس
بتطردين ضيوفتس
ام حسين :تخسى وتهبى
ماهي بضيفتي هذا عدوتي
حسين يمه انسي خلاص
: اللي صار صار
وابوي تزوجها وعنده
منها عيال لمتى .
ام حسين بقهر : ليوم امووت
يابوي انت ما تدري سلمى
ذي اللي تقولي اكرميها
كانت صحيبتن لي خويتي

من زمان وما كنت اعز عنها شي

بس هي طمعت بكل شي عندي
لمن وصلت لابوك
واخذته وتبيني اكون
راضيه وارحب واهلي لا والله

اطلع يا حسين اطلع
لاتزيد جروحي
طلع حسين من امه
واخر نظره لها كانت
تمسح دموعها
ااه يا يمه ما عاش
من يبكيتس وانا موجوود
ــــــــــــــــــــــــــــــــــــــــ










عنوده سألتس بالله وش صاير
العنود: والله ما صار شي
بس تعرف تناقشت انا وامي
بسالفة زواجك وما عندها نيه
ابدا تمم الموضوع
خالد بكدر : الله يسامحه ابوي
والله ماني رايق لزواج ولا غيره
بس عشان رضاه علي وافقته
عنوده :امي اجل عارفه انت وش تبي

والمشكله كلن بينفذ اللي براسه وانت
اللي مفروض تحسم الامور
ابوي ما ظنتي بيغير رايه

خالد وهو يشد شعر راسه
: طيب والحل انا ماني رايق
لها المشاكل عندي اللي يكفيني
وانتي عارفه
عنودة: الله يعينك يا خوي
بس ما تدري يمكن يكون زواجك حل
لكل مشاكلك
خالد :اووووف والله سيره تهم وتغم
مظطر اقفل خلص
البريك وأقووم اكمل شغلي
عنوده : في حفظ الله يا نظر
عيني ووكل امرك الى الله
خالد : صادقه حسبي الله وكفى
هو اللي بيدبرني
ــــــــــــــــــــــــــــــــــــــــ














الساعه 11,45ليلا
ابو ناصر ينعس وانا جالسه على اعصابي
والعلل الثنتين جالسات
لاا حراام هيا طيوبه وما قالت الا كل خير
وكل شوي تسكت النسره هدى
هدى طامه كبرى من دخلت
وهي مكرهتني بعمري
كل كلمه ترميها مثل السم
وانا ساكته لجل عيون ابو ناصر
بس بعد ما سكتها ابو ناصر
صارت تنغز بالكلام من تحت لتحت
ابو ناصر خلاص
ماهو قادر يفتح عيونه
" من بيجي ياخذكن
هيا قالت زوجي يمديه واقف برى
هدى بأبتسامه صفرا
: ليه يا خال عسانا
ماحنا جالسين على قلبك
ابو ناصر لا والله
يا بنتي بس انا نعست وابي انام
هدى خلاص يا خال
ادخل نام هذي مرتك جالسه معنا
والا ما تصبر عنها

هيا دقت هدى كوووع "استحي
كح ابو ناصر
" وفز واقف : انا رايح انام
ويالله تصبحون على خير

زهره " كرهت هدى زياده
لازم الاحراج
جلسنا ساكتين لمن صارت الساعه 12
دق الباب بشويش وطلعت هيا
وشافت زوجها موجود
هدى استغلت الفرصه
عشان تسم بدني "
لا تفكرين انتس بتخلصين منا
لااا كل يوم وانا هنا
ويمكن اجي اسكن عندكم بعد
رديت عليها وانا ابتسم
" انا ما شالتس الارض
نشيلتس بعيوننا
وانا من داخلي ودي انفجر
وافجرها معي الزفته


ــــــــــــــــــــــــــــــ







اكيد بانتظار ردودكم الحلوووة

السلام عليكم ورحمة الله وبركاته


ياصباح الورد والكادي
يا صباح الزهر النادي
يا صباح الخير عليك يا بلادي
يسعد هالصباح ال ليلاس





اليووم مزاجي حجازي وحبيت تستمتعون معي بهذي القصيده وتقرأ باللهجه الحجازيه
واهديها لكل من حب اللهجه الحجازيه
في قصتي وذاتا لعذرا يا قلب
ابيها تعيش ايام زمان صدق
استلمي هتوووون



أهل أول..

أهل أول..

يافل ياكادي ياكمل ..

ياأهل الأدب والزوق وعشت وبقيت
ومجمل..

ياأهل الطيبة والرقة..

والهرجة المتبتبه الدقة..

ورب البيت وحشتوني من التاجر إلى السقا..

وحشني حتى فرقنا ..

بهنداستو وبوقشه قوماش..

وعم شاكر في دكانو بالفوطه
وقميصوالشاش..

وحشتني حلاوتو اللدو..

والبركة إللي في يدو.

وحشتني الكحله في عيونه ..

وحوا .. والصبي عبده..

وحشني كل مافيكم..

ياناس حتى أساميكم

ياريت ترجعلنا الأيام وأسلم على أياديكم...

وأشم ريحة الرضا فيها..

وأشياء ماأقدر أسميها..

حاجه كدا ترد الروح ..

صعب أوصف معانيها..

أهل أول !

أهل أول .. !

تعالوا شوفوا اليوم..

كيف صار حالنا في حال..

لا عاد نعرف الموجب

ولامعنى كلام رجال..

حتى العمة(العمامه ) سبناها لراعي السوبيا والفوال.


للشاعر الرائع عبدالله دبلول

.
.
.
.
.
.


الجزء السادس
.
.
.
.
.
.

عمتي وحشتني جده
وحشوني اخواتي
ام امجد تتنهد: ومن سمعك يا حبيبتي
تعرفي يا موهجه اكتر حاجه وحشتني هيا
ايه
مهجه وهي تقطع الخبز صغير تجهزه للسوبيا
ايش يا عمتي

ام امجد : وحشني الحرم كتيير حابه اروح
اقعد في الحرم زي زمان
متى ما حبيت اعمل عمره قلت
لعمك ابو امجد الله يرحمو
وياخدني انا والبزوره وروحنا الحرم
ومانرجع الا لمن يعشينا هناك عند ابو نار
ونحلي كمانا بالحلاوة اللدووو
مهجه بتلذذ : ااممم الله يسامحك يا عمتي دحينا
من فين نجيب حلاوة لدووو
ام امجده تهتز ضحك : بت يا مهجه انا عندي
لبنيه وسمسيه وحمصيه
كمانا روحي هاتيها ودخلت يدها
في صدرها وعطتها المفتاح
موهجه تغيرمزاجها تماما مع ذكر
الحلويات الحجازيه الاصيله
ـــــــــــــــــــــــــــــ







عبد الله اصحى
فز عبد الله من نومه ومسك يد هناء : وش فيتس
هنا بملامح متألمه قم ودني للمستشفى تعبانه
عبد الله يقوم بسرعه ويلبس ثوبه
وطلع من الغرفه لقى عمته ام فيصل واقفه بعباتها
وشايله شنطةهناء و النونو
صباح الخير يا عمه
ام فيصل : يصبحك بالرضا والسرور
طلعو من البيت متوجهين للمستشفى وهدووء شديد
يتخلله استغفار ام فيصل
وصلو للمستشفى
وكانت هناء في حالة ولاده
ودخلتها الدكتوره غرفة الولاده
هناء : يمه لا تروحين خليتس معي
ام فيصل بهدوووء : ان شاء الله معتس بس
اخاف يطلعوني
هناء بصوت باكي : يمه خايفه وظهري مرررره
يعورني اممممم
ام فيصل بدت تنصح هنا ء
وتحاول تشغل فكرها عن الوجع
: هنا ء يمه ادعي وما تخلين شي بنفستس
ما تطلبينه من ربي
انتي دعوتس ان شاء الله مستجابه
ولا تنسينا من هالدعوات الطيبه
هناء: يارب يارب
في غرفه ثانيه قريبه
كانت وحده ثانيه عندها ولاده
وكان الصوت والصراخ على اعلى مستوى
الدكتورة: ما يصحش كدا ماتسرخيش جهدك
كلو حيررروووح مع السريخ
المريضه : اااااي امممممم ااااه يايماااااه
الدكتوره بدت تعصب : لازم تتحملي شويا
اولي يارب اولي معايا
المريضه : اااااه بصوت عالي ااااااه يايمااااه
الدكتوره : وبعدين بأه انتي كده بتعبي نفسك زياده
المريضه ااااااه انقلعي عني اااه يا يماااااه

هناء كانت تسمع وتصيح : يمه سكري الباب
هذي لعبت بنفسيتي من صراخها
ام فيصل سكرت الباب ووراحت جلست عند هنا ء
:يمه معليتس منها هذلي الحريم بدل ما يدعن ربهن
ويطلبنه تقعد الوحده تصارخ وتفضح عمرها لو وفرت
صوتها وتعبها لذكر ربي كان ربي هون عليها من بدري
الله يصلحهن بس
.
.
.
.
.
.
.
بعدها بساعتين ولدت هنا بنوته مثل القمر
ـــــــــــــــــــــــــــــــــــــــــ




دكتور خالد
لو سمحت لحظه
خالد" اووووف هذي شتبي بعد
:نعم دكتوره فريزا
فريزا : صباح الخير
خالد وقف وحط يده بجيبه
خايف يعطيها بوكس على فمها
ما يدانيها ولو على كيفه مشى وخلاها
صباح الخير
فريزا : شيري بدا تشوفك
خالد بملل من وقفته معاها
: طيب بكره بمرها اليوم
انا تعبان مناوب من البارح
فريزا بابتسامه عريضه
: خلاص روح ارتاح
بننتظرك بكره
مشى خالد قبل لا تزيد اي حرف
مشى واعصابه مشدوده محتاج يرتاح
ياربي ياربي افرجها علي
ـــــــــــــــــــــــــــــــــــ



زهره تعالي كلمي
مدي لي ابو ناصر السماعه
" الووو
السلام عليكم
ام فيصل : وعليكم السلام
انا ام فيصل جارتس
شلونتس عساتس بخير
زهره : بخير جعلس بخير شلونتس
انتي والبنات ومن يعز عليتس
ام فيصل : بخير ربي يسلمتس
زهره : الحمد الله الله يجعله
ام فيصل : ابشرتس بنتي هناء جابت لها بنيه
والحمد لله الام والبنت طيبات
زهره بفرحه صافيه
: ماشاء الله مبارك ما جابت وجعلها
من عبيده الصالحيين
وعساها طلعت من المستشفى
ام فيصل : اي الحمد لله
زهره : طيب لو بزورها متى يناسب
ام فيصل بود : متى ما بغيتي البيت
مفتوح وحياتس الله
زهره : خلاص ان شاء الله امركم
ام فيصل ننتظرتس ويله مع السلامه
زهره: مع السلامه
صكرت السماعه ولفيت على ابو ناصر
: ماشاء الله هذي ام فيصل تبشرني
بنتها جابت لها بنيه
ابو ناصر رد : ماشاء الله
ربي يصلحها لوالديها
وسكت
كنت قاعده ارتب ملابسي في الدولاب
الجديد اكوي واعلق او اطبق

وابوناصر جالس عند درج خشبي
قديم رفض ان يغيره مع الغرفه الجديده
فاتح الدرج ومطلع اوراق كثيره وملفات خضرا
وثلاث اربع اسطوانات صغيره
نادني
وجيت جنبه وقلت
: سم تبي اجيب لك شي
ناظرني هو جالس بالارض وانا واقفه قدامه
سحب يدي وقالي اجلسي ابيتس بسالفه
جلست وانا ما تخيلت اللي بيقوله لي
ـــــــــــــــــــــــــــــــــــــــــــــــــ



السلام عليكم
هدى لوت فمها بطفش : وعليكم السلام
عبد الهادي : ها حبيبتي عسى الغدا جاهز
هدى بكل بجاحه وقلة ذوق : لا توني قايمه من النوم
شرايك تروح وتجيب لنا غدا
عبد الهادي تغيرت ملامحه : هدى الله يسامحتس
تدرين فيني اجي منهد حيلي من الشغل وابي لقمه اكلها
هدى بقواة عيين : اووووف قلت لك توني قمت
وش تبيني اسوي
عبد الهادي باستسلام : لا تسوين شي انا اللي بسوي
واخذ مفتاحه وطلع
بعد نص ساعه رجع وهو جايب معاه الغدا
واخذته هدى وحطته له وجلسووو ياكلوون
هم وعيالهم
هدى كانت تاكل وهي مبوزه وزعلانه
عبد الهادي ما يرضى يزعلها كانت بالنسبه له شي مهم
يحبها ويموت عليها وهي ما تشوفه شي مغتره بزينها وجمالها
وعندها حسب تفكيرها انها خساره فيه
عمرها وجمالها يروح مع عبد الهادي !!
كانت شايفه نفسها عليه وعبد الهادي على قلبه مثل العسل
وعشان يراضيها اخذ لقمه صغيره وقالها
: هدهد يله يا شطوره كولييي
هدى صدت يده : عبد الهادي انا أوكل نفسي خلك في حالك
عبد الهادي نفض يده من الاكل وقااام زعلان من صدها
وهدى ولا على بالها كملت بلع قصدي اكل
ـــــــــــــــــــــــــــــــــــــــــــــ




تعالي يا زهره
جلست جنبه وانا متحمسه للي بيقوله
ابو ناصر مرره طيب بس
ما يتكلم معي الا قليل جدا
لا بغى يطلع سألني اذا ابي شي
واذا جى يسلم ويقعد ساكت طول الوقت
بس اليوم شكله بيتكلم واخيرا

"ابوناصر متردد وحاس ان الكلام حجر صعب ينطقه

بس في النهايه لازم يتكلم ويفهمها ويوضح لها
وحتى ما تتأمل كثير

رفع عيونه لها وقال بصراحه
: زهره انتي
بعمر بنتي لو كان لي بنت
تدرين يا زهره دايم الناس تلومني
على اني ماتزوجت
وراح عمري وانا وحداني
بس الناس مالها الا الظاهر
انا يازهره تزوجت زمان
يمكن من خمس وثلاثين سنه يمكن قبل لا تنولدين
وبعد زواجي بفتره بسيطه
صار علي حادث انا ومرتي
هي توفت وانا صرت عاجز
سكت وناظرني يشوف ملامحي
واثر كلامه علي
رجع تكلم :
فاهمه يا زهره انا لا يمكن
يجيني عيال
ونزل راسه يداري دموعه

" هزيت راسي بعدم استيعاب
عجزت افهم كلامه
شلون ما يجييه عيال !!
ناظرته وتكلمت : ماحاولت تتعالج
ابو ناصر رد بسرعه وبلهجه قاطعه
: العلاج للي ممكن يطيب
انا حالتي مالها علاج

هدوووووء وصمت
حسيت الصمت هو ابلغ وافضل حل
مدري شقول او وش اسوي
كيف ارد عليه
مدري وش منتظر مني
فكرت ودار راسي
بس ما حسيت الا باحساس
واحد بس
ولا يمكن اني بيوم احس غيره ناحيه هالانسان
" ابو ناصر عاملني بحنيه اب
الاب اللي ما عرفته الا يوم عرفت ابو ناصر
هو يشوفني بنته وانا اشوفه ابوي
ـــــــــــــــــــــــــــــــــــ







عنوده تعالي وانا امتس
ابيتس تقولين للسواق يجهز السياره
وابيتس تروحين معي
عنوده :وين يا جده وين تبيني اروح معاتس
ام ناصر:
قريب قريب
بس امتس لا تقولين لها انتس معي
ثم تلصق فينا ابي اروح انا وانتي بس
عنوده بابتسامه : ابشري ياجده متى تبين تروحين
ام ناصر : بعد ساعه لا يروح منا والا منا
عنوده : خلاص بعد ساعه ان شاء الله
وكلمت عنوده السواق وبعد ساعه كانت ام ناصر وعنوده مع بعض في السياره
يا جده وين تبين السواق يروح
ام ناصر : تعرف بيت ابو ناصر ال....
السواق : اي يا عمتي اعرف وين بيته
خلاص ودينا هناك

ـــــــــــــــــــــــــــــ




حبايبي شفتوو هالجزء مررررره حبيته وانا اكتبه اتمنى يعجبكم اذا اعجبكم علموووني :)

السلام عليكم ورحمة الله وبركاته

صباحكم خير وبركه

الجزء اللي فات مدري ليه كنت متوقعه
ردوود وتعليقات اكثر
صدق اللي ردووو فيهم الخير والبركه
بس حسيت حماسي انطفى بكل صراحه :(

عموما انا ان شاء الله ملتزمه معاكم
ولكن بجزء واحد في الاسبوع وسامحووونا








تفضلوووو








الجزء السابع :
ـــــــــــــــــــــــــــــــ
.
.
.
.
.
.






ليه ساكت وداخلك زحمة حكي

ليه تضحك وفيك عبرات وبكي

ما تعبت و ضقت ليما تتكي

ليه همك وانت آخر همهم

ليه ظنك في رجا باقي بهم

ضاع عمرك ضاع في مداراتك لهم

.
.
.
.
.

"بخاطري كلام كثييييير
بس ولا كلمه ممكن توصل احساسي
ابو ناصر ضل ساكت وانا ساكته
فجأه حسيت الكلام تزاحم بحلقي
ودي اقول ودي اتكلم واقوله
ما همني
ولا تشيل هم
وانت عندي اهم انسان
انت ابوي
انت عوض ربي لي
لا تزعل ولا تنكسر
بس ما نطقت ولا حرف
يا مصعب السكوت
والكلام صار حاجه

اخر شي ابو ناصر
قام وطلع برى الغرفه
وقالي انا طالع
وسمعت باب البيت يصك بقوة
لمت نفسي كثير
ليش ماتكلمت
بس والله ما قدرت

سمعت اذان العصر

قمت وتوضيت

ودعيت ربي يلهمني الصواب ويطلق عقدة لساني
ابو ناصر محتاج مني كلمه كلمة وحده
ممكن ترجع له هيبته وصورته كرجال وموجود في هالدنيا
ـــــــــــــــــــــــــــــــــــــــ






ام حسين لابسه عباتها ومعاها شنطة القهوة
حسين : يمه وين رايحه
ام حسين : بروح اقهوي هناء بنت ام فيصل
حسين يمه الليله ام سطام راجعه من عند اهلها
ياليت تكونين موجوده
ام حسين ابتسمت : ابشر وتبشر ام سطام ابروح العصريه
وقبل المغرب وانا بالبيت
تقدم حسين من امه وحبها على راسها
: تبيني اوصلتس عند بيت ابو فيصل

ام حسين ما يحتاج هذا هو حذفت عصى ورانا
حسين : انا طالع الصلاه وانتي شايله قهوتتس هاتيها
ام حسين : يله اجل وخذ الشنطه
وطلعوومن بيتهم
وبدقيقه وصلو لبيت ابو فيصل
ام حسين دقت الباب وتراكضن سلمى وجنا ن بيفتحن الباب
سلمى قالت : ميييين
ام حسين : ام حسين افتحي ماعرفتيني
سلمى لوت فمها وجرت جنان من بلوزتهاوبهمس
: تعالي افتحي لضرتي ام حسين
جنان :خخخخخ هجي بسرعه قبل
لا افتح ثم تفتح عليتس باب الدعاوي الحلوووه
وركظت سلمى واختفت عن مجال الرؤيه هههههه
فتحت جنان الباب و استقبلت ام حسين
وتناولت منها شنطة القهوة
ام حسين سلمت على جنان ودورت وراها
:اجل انتي اللي فتحتي الباب
جنان تتبسم : اي انا يا خاله
ام حسين بابتسامه ماكره : اجل وين سليم
ليه ما فتحت اكييد هجت ما تبي تشوفني
جنان بحرج: لا يا خاله سلمى فوق بعد شوي بتنزل
تفضلي ياخاله
ودخلتها على امها وهنا اللي منسدحه
على سرير النفاس ومتلفعه بمنديل ثقيل
وريحة الغرفه حلبه تدل على ان هالغرفه فيها وحده نفااااس
ــــــــــــــــــــــــــــــــــــــــــ





عمه وصلنا بيت ابو ناصر
ام ناصر خففت غطاها
وتمعنت بالبيت اللي قدامها
:انت متأكد انه بيت محمد ابو ناصر
السواق بثقه : اي يا عمه هذا هوو
طيب انزل دق الباب
نزل السواق
وعنوده تسأل جدتها : جده معقوله
ابو ناصر اللي تزوج زهره ساكن هنا !!!
ام ناصر : والله مدري بس السواق يقول بيته
دقيقه جى السواق وفتح بابه وقال : يا عمه محد يرد
ام ناصر :: دق مررره ثانيه
رجع السواق يدق الباب وانتظر شوي وما احد رد
تلفتت ام ناصر
واشرت للسواق
: رح لها البيت الابيض واسأل شف وش يقولووون
راح دق الباب ورد ابو فيصل وكان توووه راجع من المسجد
وسأله السواق وقاله ابو فيصل
انه فعلا بيت ابو ناصر بس ممكن ماهم موجودين
لان ابو ناصر صلى العصر وركب سيارته وراح
ابو فيصل قال للسواق بعد مالمح الحريم في السياره
: قل للأ هل يتفضلوون عند ام فيصل لمن يجي ابو ناصر واهله
السواق قاله انه سواق عند ناصر الـ..... وان اللي في السياره هي ام ناصر
ابو فيصل راح وفتح باب البيت الرئيسي وقال للسواق
:رح قل لعمتك تتفضل والله ان واجبها حضر
راح السواق وقال لام ناصر اللي صار
اول شي بغت ترفض بس فكرت بسرعه
خليني انزل انتظر زهره عندهم
ونزلت ام ناصر وهي تتكي على عصايتهاا وعنوده تسندها
وابو فيصل بكل ذوق واقف جنب باب البيت وصاد بوجهه عنهم
: تفضلوو يالله تحي ام ناصر
ام ناصر ترد عليه بأدب : الله يحييك ويبقيك
ابو فيصل نادى من داخل : يااااولد استقبلي الضيوف ياأ م فيصل
ام فيصل فزت هي وبناتها جنان وسلمى
اللي كانت بالمطبخ وراحووو ركظ للمدخل
شافو مررررره كبيره بالعمر قصيره مليانه شوي
ولابسه عبايتها ورافعه اطرافها بذرعانها وتمشي على مهل
ومعاها بنت مساندتها لابسه عباه ضافيه وساتره
ام فيصل رحبت وهلت وهي ما تدري من الحرمه اللي داخله عليهم
بس العز باين على ام ناصر من عباتها الحرير وعصاها المشغوله بالفضه
دخلت ام ناصر وانشرحت نفسها لها البيت
من طريقة استقبال ام فيصل لها
وجى دور البنات يسلمن عليها سلمى وجنان
دخلت ام ناصر مع العنود عند هنا ء في مجلسهم
ام فيصل وهي تشير لهناء
:هناء بنتي الكبيره توها والده امس
وهذي جارتي ام حسين
سلمت ام ناصر وعنوده وجلستهم ام فيصل بصدر المجلس
وقامت تقهويهم
ام ناصر حبت تعرف عن نفسها
: انا ام ناصر ال.... وهذي بنته العنود
ام فيصل: ونعم
ام ناصر : نعم بحالتس
دقايق دخلت سلمى و سلمت على ام حسين مغصوبه
واخذت القهوة من امها وهمست لها : يمه ابوي يبيتس
استأذنت ام فيصل وراحت لزوجها
ام حسين بظرافه : وينتس اليوم يا سلييم هاجتن عني

سلمى بابتسامه وودها تخنقها
: موجوده يا ام حسين بس كنت مشغوله
ام ناصر بابتسامه وود: اسمتس سلييم
سلمى انحرجت وبقلبها تتمنى تخبط ام حسين على راسها
: ههه لا اسمي سلمى بس ام حسين تحب تدلعني
هنااء عجزت تسكت من الضحك
: ههههه حرام عليكن انتن الثنتين والله ما اقدر اضحك
اااه وحطت يدها على بطنها
ام حسين بهواله واستغراب في غير محله
: ياو يلي وش جاتس يا هنا وش حنا قايلات تضحكين
سلمى كاتمه غيضها وضحكها على استغراب ام حسين
طبعا ام ناصر وعنوده مثل الاطرش بالزفه

عنوده شا فت ضحكهم يزيد سألت هنا ء لانها
قريبه منها: وش السالفه
هناء قالت لها السالفه وام ناصر تسمع
وضحكوا على ام حسين وتسميتها
لسلمى بسليم وفهموا السبب
ام ناصر : عاد ماشاء الله الزين كاسيتس يا سلمى
وما يليق عليتس الا هالاسم
تدرين ان اسمى سلمى
ام حسيين طلعت صوت امتعاض من اسنانها وشفايفها
ولوت فمها في حركه واضحه
ام ناصر تبسمت
: ما كل سلمى مثل صحيبتس
ام حسين بدت وصلة الدعاوي على ضرتها
: حسبي الله عليتس يا سليم كانتس كرهتيني بهالاسم
ويعلتس الموووت اللي يشيلتس شيييل
سلمى اول مرره ما تتضايق وشافت ام ناصر تغمز لها
وانحرجت ونزلت راسها ولازالت البسمه على شفايفها
ـــــــــــــــــــــــــــــــــــــــــــــــــــــــــ






ناصر
دخل البيت ودور امه ما لقاها
راح للصاله لقى شريفه جالسه وتتصفح مجلة ازياء سلم
وسألها : وين امي
شريفه ما رفعت عينها له : مدري
ناصر تنرفز منها : وانتي من متى تدرين عن شي
شريفه وهي مواصله برودها
: اوووف ما تمل من هالاسطوانه
امك وحده كبيره ماهي نونو عشان اتابعها
وينها فيه والا وين راحت
ورمت المجله على الطاوله وراحت لغرفتها
ناصر زفر من قلبه وتنفس بعمق وهو يدعي الله ان يلهمه الصبر على هالحرمه
راح للمكتب و نادى ماريا اقدم شغاله عندهم وتعتبر مديرة المنزل
سألها عن امه : قالت انها طلعت مع العنوود بس ما تدري وين راحوو
صرفها ناصر وهو يفكر " معقوله امي بدت تدور لخالد عروس
يارب تيسر دربها وتوفق مسعاها
ومسك اوراق قدامه على المكتب وانشغل فيها
ــــــــــــــــــــــــــــــــــــــــــــــ












كنت اصلي وانا في الركعه الثانيه دق باب البيت
شوي اختفى الدق بعدها لمن وصلت الركعه الاخيره
رجع الباب يندق
وانا حاولت اخشع اكثر والله ماني قاطعه صلاتي
اللي يبينا بينتظر ويدق مره ثانيه
خلصت صلاتي وانتظرت الباب يدق لكن ما صار
ورحت اكمل شغلي وانا بالي مشغول
بابو ناصر اللي طلع وللان مارجع
بعد نصف ساعه خلصت شغلي
ورحت للحوووش ورشيته مويه
وقعدت اضيع وقتي بالمويه رشيت النخله والجدران
وانا اتنفس بعمق اشم احلى ريحه ريحة الطين لا تبلل من الماء
سمعت تلفون البيت يرن قفلت المويه
ونزلت ثوبي على سيقاني ورحت للتلفون ورفعته كانت
سلمى بنت ام فيصل
سلمت وقالت لي احلى خبر
عمتى ام ناصر عندهم وانها دقت علي البيت ومالقتنا
قلت لها كنت اصلي
شوي جاني صوت ام فيصل سلمت وقالت لي
: تفضلي زهره ام ناصر حلف ابو فيصل ما تطلع
تعالي شوفيها عندي
زهره ترددت : ما اقدر اطلع وانا ما بلغت ابو ناصر
ام فيصل : تعالي ابو ناصر ماهو جاي الحين
وما عليتس الليله عشى ام ناصر عندنا وانتم معزومين
وعشان تطمنين انا بخلي ابو فيصل ينتظر زوجتس
لاجى ويعلمه ان انتي عندنا
زهره فكرت وقررت بسرعه : طيب شوي وجايه
وفعلا اقل من ربع ساعه وكنت بين احضان عمتي ام ناصر

ــــــــــــــــــــــــــــــــــــــــــــ





كنت مررره ضايق ومخنوق عشان كذا دقيت عليك
احمد : خيير وش فيك
خالد : مضغووط بشكل ما تتصوره وجى ابوي وكمل علي
احمد باهتمام : لييه وش سوى
خالد : يبيني اتزوج ورابط رضاه علي وقعدتي هنا بزواجي
احمد بتفهم : طيب تزوج
خالد بنرفزه وصوت عالي شوي : وشيري وش اسوي فيها
احمد بهدووء شديد : توك تفكر وش تسوي فيها
خالدسكت ما عنده رد
احمد : شف فكر بزواجك اللي طالبه ابوك منك انها فرصه عشان تتعدل احوالك
خالد يهز راسه بموافقه : هي فعلا فرصه بس التطبيق راح يكووون جدا صعب
احمد بتأييد: البدايه صعبه بس بعد كذا بترتاح صدقني
الا يا خالد سمعت اخر خبر
خالد : لاا وش هوو
احمدبفرحه : خالي محمد ابوناصر اخيييراتزوج
خالد فرح له : والله يا حليله خالك ابو ناصر اذكره زمان مع جدي دايم
ههههه واخيرا تزوج مبررروك عليه والعقبى لك ياابو حميد
احمد: اعوذ بالله انا يكفيني تجربتين فاشلات بعد تبيني اكررها ليه ما عندي عقل
ــــــــــــــــــــــــــــــــــــــــــــــ





يالله يا حلو شوفت الاهل والغالين وذاتا لا جت هالشوفه من دون توقع
ياانا فرحت بشوفة العمه ام ناصر وعنودة
وهي بعد كانت فرحانه فيني على صلاة المغرب فضت الغرفه الا مني انا وام ناصر وعنوده هنا ءراحت تغير لبنتها دانه
وام حسين راحت لبيتها
وام فيصل وبناتها مشغولين
بتجهيز العشا
ام ناصر سألتني : مبسوطه يازهره
مع ابو ناصر
رديت بكل صدق ويمكن بان بصوتي
: اي مبسوطه
ام ناصربــ آلحاح : امنتس يازهره قولي الصدق
مرتاحه معاه تشتكين منه في شي

ترى انا امتس
واذا ما تبينه والا ما عجبس
عشانه كبير والا لأي سبب
علميني ترى بيتي وقلبي
مفتوحن لتس

" ياويلي وش عندس ياعمه ليه هالسؤال وليييه هالوقت بالذات


جاوبتها وانا دموعي تغرق
رموشي وغصه عورت حلقي :

الله لا يخليني منتس ياعمه

ابو ناصر لو الف الكون
ما القى مثله حنون حنوون
علي ووده يشيليني من الارض شيل

ام ناصر بانت الراحه على وجهها
: الحمد لله والله يا بنتي اني
من بعد زواجتس وانا الوم نفسي
واقول عسانا ما فرطنا بالامانه

حبيت راسها وانا ممتنه لها
: عمه والله انكم ما قصرتوو
والله يثيبكم ويجزاكم خير الجزاء

ام ناصر: وينه ابو ناصر ابي اوصيه
عليتس وابيه يجيبتس لنا كل فتره

رديت عليها وانا حزينه على
ابو ناصر اللي طلع وهو خاطره مكسور
: طلع من العصر مدري رجع والا لا

قطع علينا كلامنا دخول
هنا ءوبيدها بنتها دانه

اخذت منها الصغيره وجلست اتأملها
: يا سبحان الله ما اجمل الاطفال
وما احلى ريحتهم
كنت مستمتعه وانا شايله
دانه دايم ما كنت اتجرأ اشيل
اطفال احد اخاف يطيحون مني
بس ذي مدري ليش حبيت اشيلها
مرررره حبيت هالبنت
ربي يحفظها لوالديها
ــــــــــــــــــــــــــــ



طلعت من البيت وانا مخنوووق
مدري شاللي نطقني وعلمتها
بس انا ما احب اخدع احد
كان لازم تدري وعلى
هالاساس بنعيش
ياترضى فيني
يا ننفصل وكلن يرووح بطريقه

بس سكوتها ما يعني رفضها لي
ولحالتي
ان وافقت خير على خير

.... يالله معقوله ترفض و تطلب الطلاق

لاا مااظني اقدر اعيش
وحداني مره ثانيه !!
زهره من دخلت حياتي
كل شي تغيير !!
كل شي صار له طعم ولوون !!
ضغط بيده على الدركسون

صدق اني مستعجل
كان انتظرت شوي وما قلت لها
الحيين خليني ارجع اشووف
وش بتقول
يا خوفي تسكت بعد مثل اليوم
استغفر الله استغفر الله
استفغر الله
كمل استغفار ابو ناصر
لين وصل بيته
نزل وناداه ابو فيصل
وعلمه ان ام ناصر عندهم
وان زهره بعد موجوده
مع ام ناصر
" هه يا محمد الحيين اكيييد
بتقول طلقني
مادام ام ناصر جت اكييد
انها داقتن عليها وقايلتن لها تعالي
يا ويل حالك يا محمد
انتبهت لابو فيصل يقولي اقلط يارجال

دخلت وانا كاره وجتني مثل النفضه والرجفه من كثر ما انا متوتر

وبعد العشى اللي كنت فيه سرحان وماني مع الناس

جاني سواق ام ناصر يقولي العمه ام ناصر تبيني برى عند السياره

بسم الله الرحمن الرحيم


السلام عليكم ورحمة الله وبركاته



من يومين وانعرفت شخصية

شبيهة امي اللي هي ام رنا

وكثيير صدموا ولا توقعوو

في ردات فعل اسعدتني جدا

وفي ردات فعل اضحكتني

والجميع سأل ليش شبيهة امي من البدايه

ليه ما كتبت باسم ام رنا

الخوف من الفشل هو الاساس

والحمد لله من نجاح ايامنا الحلوة

حسيت اني ممكن اصرح عن شخصيتي الحقيقه

شبيهة امي احب هالمعرف كثير

ويعني لي الكثير

اخيرا

طلب صغير


دعواتكم بالرحمه والغفران لوالدي وشكرا



نجي لجزء اليوم

الجزء يعتبر جزئين وطووويل

واعتبرووه هديه بمناسبه التصريح الخطيير خخخخخخ




فيه مفاجأه اليوم تكتشفونها الي ممكن ما تعجبكم





الجزء الثامن






من وصتني ام ناصر على زهره
وانا عرفت ان زهره نوت تكمل معي


ام ناصر اه منتس
والله خبصتيني ولعبتي في حسبتي
بس الحمد لله كانت جايه تطمن
على احوال زهره مثل ما قالت لي
ما مر علي مثل هاليوم بتوتره وقلقه


وقفت اناظر سيارة ا م ناصر حتى اختفت انوارها مع الشارع الطويل


التفت على بيتنا ورجعت النظر
لبيت ابو فيصل شفت زهره طالعه
ومقبله علي
مشيت لبيتنا وهي وراي
دخلنا البيت رحت وجلست بالحوش
وفتحت ازرار ثوبي
ابي اتنفس واهدأ عقب التوتر
حسيت حيلي مهدود من كثر التوتر


ــــــــــــــــــــــــــــــــــــــــــ




عبد الهادي
:عيوون عبد الهادي
هدى : ابي اروح عند خالي
ابو ناصر كم يوم
عبد الهادي: ليه وش عندتس
هدى بصراحه: ابي انكد
على مرته الكلبه
عبد الهادي باستغراب
: وليه تنكدين عليها خليها بحالها
هدى فزت من مكانها
: لو سمحت مالك دخل .
قلت لك ابي اروح
اقعد عندهم كم يوم
عبد الهادي قام ومسك
يدها بلطف : حبيبتي تبين تروحين
روحي بس ليه الاذيه بالعكس لازم
تتشكرين منها اللي رضت بخالتس
وهو رجالن كبير
هدى عصبت وبصوت عالي
: نعم نااااعم اتشكرها تخسى الا هي
هذي يا حبيبي ما صدقت
على الله لقت هالشايب
قالت اخذه يومين وهو مودع
وارث هالخير اللي عنده
عبد الهادي : اهدي يا قلبي اهدي
انا لتس مني النصيحه وانتي
حره واكييد انتي ادرى
هدى جلست على السرير
وبثقه زايده : طبعا انا ادرى والا
انت شيدريك اسكت بس اسكت
عبد الهادي بهدوء : الله يهديتس بس
يله تعالي خلينا ننام
هدى :نام انت انا ما فيني نووووم
وطلعت وخلته لحاله


ـــــــــــــــــــــــــــــــــــــــــــ







دخلت ورى ابو ناصر
ورحت لغرفة النوم علقت عباتي
وطلعت للحووش
شفته مسند نفسه على النخله
وفاتح ازرار ثوبه ومغمض عيونه
رجف قلبي من الخووف وركظت له
وجثيت جنبه
ابوناصر ابوناصر وشفيك
فتح عيونه وناظر فيني
حسيته تعبااان
رفعت صوتي شوي : وشفيك
ناظرني وهمس : ما فيني شي
قمت ركض للمطبخ رحت
جبت له كاسة ماء وجيت اركظ
ونص الماء انتثر من ركظي وعجلتي
جيت جنبه وناولته الكاسه
بس ما تناولها مني
بس كانت عيونه تناظرني
حسيته ما فيه حيل
قربت له اكثر ورفعت الكاسه
لفمه وشربته


وشرب معي شوية ما ء


رفع يده بوهن وقالي : بس اكتفيت
حطيت الكاسه ومسكت يده
وسألته بصوت مهزوز : وش فيك ؟
ناظرني وطول هو يتأملني
وقال بنبره مشككه : بتجلسين معي ؟؟
امتلت عيوني دمووع
ورميت نفسي في حضنه
وقلت له وانا اصيح
: الله لا يخليني كان خليتك
الله لا يخليني كان خليتك
رفع يده ومسح على راسي
ويده الثانيه تطبطب على ظهري
كان يقول بحنان : اشششش اششش
خلاص لا تبكين
وانا ما عاد عندي سيطره على دموعي
ـــــــــــــــــــــــــــــــــــــــــــــــــــــــــ









صباح الخير احمد
احمد : صباح النور
وش عندك مزعجني من الصبح
خالد بجديه: تروح معي مشوار اليوم
احمد لااا وش يوديني
خالد : انا كل ما ارووح لهم
ارجع متكدر
والله لوما شيري مارحت
احمد :هانت ان شاء الله
خالد بنرفزه : اي هانت
الا تعقدت
يله دام انك ما انت رايح معي
خليني اجهز نفسي وارووح
بدري واخذ شيري واطلعها مشوار
احمد : اذا اخذت شيري وين بتروحوون
خالد : امممم ما فكرت
بس فيه بارك حلووه قريبه
من بيتي يمكن نرووح نستكشفها
احمد : طيب اجل انا خويكم تلقاني
هناك انتظركم
خالد : اوكي

بعد ساعه >


تفضل تفضل دكتور خالد
خالد :زاد فضلك استاذ محمود
محمود: فريزاااا يا فرييزاااا تعي
اجى دكتور خالد
بثواني كانت فريزه موجوده
في الغرفه وكانت لابسه بنطلون
جنزضيق وتي شيرت ابيض
عليه رسومات
مدت يدها تصافح خالد
مد خالد يده بحسن نيه
قربت منه فريزا بعدم حيا
وباسته من خده
: كيفك دكتور خالد
خالد صعق من جراءتها
وتلعثم : اححم احم بخير دكتورة
محمود باهتمام : كيفون اهلك
خالد باختصار : بخير
ممكن تنادون شيري
محمود : استنى شوي بدنا نضيفك
خالد : لا شكرا مستعجل
قام من مكانه وقال : انا برى خلوها تطلع لي
ــــــــــــــــــــــــــــــــــــــــــــــــ











بعد ما هديت وارتحت من موجة البكا اللي
هاجمتني وانا في حضن ابو ناصر
عجزت ارفع راسي
واحساس بالخجل مسيطر علي
بعدت عنه بس هو مسك يدي
: زهره والله ما تندمين
على قرارتس ابد
كنت عارفه انه يناظرني
بس انا عاجزه تماما عن رفع
عيوني له
وقف وهو مازال ماسك يدي
: امشي ننام والله اني تعبان ومنهد حيلي
دخلنا الغرفه وكالعاده
انا نمت على السرير
وهو تمدد على فراشه المفروش
بالطرف بعييد عن السرير

حطيت راسي على المخده ونمت بعمق
اول مره من دخلت بيت ابو ناصر
انام بمثل هالراحه


ـــــــــــــــــــــــــــــــــــــــــ









جده وش رايتس ببيت ابو فيصل
ام ناصربابتسامه :والله ونعم الناس
عنودة: والله انبسطت عندهم مررره
ناس ينحبون كلهم من الام الى البنات
ام ناصر :صادقه وعندهم بنات مزيين
ماشاء الله عليهن

دخل عليهم ناصر وهو مبتسم
: السلام عليييكم
وينتس يمه اليوم دورتس
قالت لي ماريا انتس طلعتي
ام ناصر :اي والله رحت ازور زهره
قلت اتطمن عليها
ناصر باهتمام : ها بشريني عساها مرتاحه ومبسوطه
ام ناصر : الحمد لله تقول انها
مرتاحه مع ابو ناصر
ناصر ناظر للعنود : عنودة شلونتس يبه
عنودة :بخير جعلك بخير
ناصر : الله يرضى عليتس يومتس
ما خليتي جدتس تروح لحالها
عنودة : بالعكس انا اللي ممنونه
لجدتي
اللي طلعتني معها مشوار حلو
وتعرفنا فيه على ناس طيبيين
ناظر ناصر بأمه
: من شفتم غير زهره ؟؟


:هه انتم هنا مجتمعين !!
كانت هذي شريفه وهي تجلس جنب ناصر
ام ناصر بهدوء و بتمتمه خفيفه: استغفر الله ااستغفر الله
ناصر :غريبه جايه تدوريني
شريفه رفعت حاجبها
: وليه غريبه اليوم كله ما شفتكم
وحابه اشوف وش اللي مشغلكم
التفتت ام ناصر لعنوده
وعضت على طرف شفتها
اشاره للسكوت ما تبيها تعلم امها
عن زيارة زهره
طبعا عنودة فهمت
وشريفه لقطت الحركه
وناصر بعد
عشان كذا قام وسحب شريفه معه
وهو طالع قال : يله يمه نخليتس تر تاحيين
شريفه ما فاتتها الحركه
ونوت تعرف وين كانوو

عنوده سندت جدتها الى سريرها
ام ناصر : عنوده يمه ان سألتتس امتس
لا تقولين لها عن روحتنا لزهره
انتي عارفه امتس ماكانت تحب زهره
عنودة هزت راسها بموافقه
: طيب ياجده على ان زهره
مره طيبه وخدومه
مدري امي ما كانت تحبها ليش
ام ناصر : امتس يا بنتي من
حبت غير نفسها الله يصلحها
يله يا امي اطلعي وطفي النور
طلعت عنوده من عند جدتها
وام ناصر منسدحه في سريرها
وتردد اذكارها وتسترجع صورة سلمى
البنت اللي اسرها جمالها وعفويتها
وذكرت الله على زينها
ـــــــــــــــــــــــــــــــ










عموو عموو
التفت احمد وشاف البنت الصغيره
اللي تناديه ابتسم لها وفتح يدينه لها
: هلا والله بالمزيونه
شيري : عموو بدك تتفسح معانا ؟

احمد ضحك : ههه اي بدي ههه

شيري تحاول تتملص منه تبي تتسلق
على كتافه
خالد بجديه : شيري اهدي
لا تأذين عمو احمد
احمد عدل وضع شيري على كتافه
: لا خليها براحتها تسوي اللي تبي
شيري ماسكه شعر احمد
: عموو شعرك كتيير ناعم
احمد :هههه اكيييد غيرانه
من شعري انتي وفلافلك
شيري ببراءه: انا شعري بيعزب
خالتو فريزا كتير
احمد ويرفع حاجب
: ماشاء الله خالتك فريزا تعرف تمشطك
غريب ليه ما تمشط شوشتها
شيري بتساؤل : شو يعني تمشطك
خالد دف احمد بشويش
معترض على كلام احمد عن
فريزه وذاتا قدام شيري
ورد على بنته : تسرح شعرك
شيري : ههه ما تؤوول تسرح
لك شو هي تمشط ههه!!
وحطت يدها الصغيره على فمها
تضحك من كل قلبها
احمد انفجر ضحك : والله يا خالد بنتك
ذي رهيبه بدل ما نعلمها
حكينا وكلامنا صارت هي تعلمنا
كانو يمشون في الحديقه
الى ان وصلوو منطقة البحيره
وفرش خالد البساط القماشي
اللي معاه وجلسوا
شيري مثل كل الاطفال جذبتها
المويه وطيور البط
المنتشره على البحيره

كان الجو رائع وفيه نسمه حلووه
والشمس تغطيها السحب المتفرقه

جات شيري تركظ لابوها خالد
: بابا بابا بدي ارمي اكل للبط
خالد فتح كيس الخبز وقطع
خبزه لقطع صغيره وناولها
لها: ارمي لها يله
احمد تمدد ونظارته الشمسيه على عيونه
: بعد شهر راجع للسعوديه
خالد ليه وش عندك
احمد : لازم اروح عندي كم شغله ضروري اشرف عليها بنفسي
:خالد انا تقريبا باقي على
رجعتي شهر ونص
انا بقعد بالسعوديه 3 اسابيع
وارجع اكمل تعرف
لازم اخلص بحثي واقدمه واناقشه
احمد: لا انا ماني مطول شغلتي اخلصها باسبوع اسبوعين

اااااه
فزو على صراخ شيري
خالد بفزع ركظ لبنته
وشالها : شيري وش فيتس
شيري واااااع اااه
اهئ اهئ
احمد شافها ماسكه يدها وتتالم
: يدها يا خالد
خالد : شيري ماما وش فيها يدك
شيري ببكاء ودموعها
تطفر من رموش كثيفه لعيون عسلي فاتح
وتمشي على خدودورديه
: بابا عضتني هي

تأشر على البطه
:اهئ اهئ عضتني البطه الحماره
احمد وخالد ما تمالكوو نفسهم
من الضحك :هههههه
احمد : ههه شلون تجي بطه حماره
خالد : هههه لا تضحك على بنتي
شيري بزعل : اي حماره
انا زعلاني منا
خالد جلس وجلسها في حضنه
ومسح دموعها وتأملها بحب
: شيري جوعانه :
شيري تهز راسها موافقه
: اي جوعانه كتيير

احمد وهو يدغدها
: يخسى الجوع وانا ولد ابوي
شيري تضحك لمداعبت احمد

: هههه خلاص عمو هههه خلاص

ــــــــــــــــــــــــــ





قمت من النوم وانا حاسه ب تفائل وحاسه ان الدنيا حلووه
اصبحنا واصبح الملك لله
قمت وناظرت على جهة ابو ناصر
لقيت فراشه مطوي وماهو بالغرفه
قمت ورحت وتوضيت وصليت
طلعت للحوش وكان ضوء الفجر
يملئ السماء
رفعت راسي للسماء واستنشقت انقى هوا
دخلت المطبخ وجهزت القهوة والفطور
ودخلت الغرفه ورتبت شعري
وتعطرت
وتوجهت للحوش
نفضت الفراش الي تحت النخله
وجبت قهوتي وفطوري وجلست
انتظر ابو ناصر

بعد ما اشرقت الشمس
دخل ابو ناصر
:السلام عليكم يا زهره
" رديت وعليكم السلام ورحمة الله وبركاته
جلس على الفراش
وجلست جنبه وصبيت له فنجال
قلت له: سم يا ابو ناصر
ناظرني وابتسم : ناديني محمد احسن
ابتسمت له وقلت ان شاء الله
ابتسم بعد : كيف اصبحتي
رديت عليه : بخير دامك معي
قلتها وانا صادقه بكل حرف
رد علي بضحكه حلوه حسيتها من قلبه
: انا اللي بخير دامتس معي يازهره
استحيت منه مرره
قالي : زهره شرايتس نروح عمره
زهره بفرحه صدق صدق
بتوديني اعتمر
هز راسه بموافقه وابتسم
: اي بوديتس لمكه والمدينه واذا
بخاطرتس اي مكان قولي
لو جزر الواق الواق
وضحك وضحكت معه من كل قلبي
واحتضنت ذراعه وقلت
: شكرا يااوترددت شوي
شكرا يامحمد ما ابي غير
اعتمر وتكون حققت لي اغلى امنيه
محمد: ابشري اليوم بروح
احجز تذاكر السفر نحجز لجده
ومنها نطلع لمكه
وانتي جهزي اغراضنا
وقام
قلت له :وين رايح
محمد: بروح مكتب الخطوط احجز
"قلت له لا اصبر افطر اول
وبعدها روح اخاف تدوخ
رجع جلس وقالي يله فطريني
ومديت له اول لقمه من يدي
وانا بقمة خجلي
وهونفس الشي صار ياكل و يأكلني معاه

محمد اسرني بحنانه ياربي تخليه لي
ــــــــــــــــــــــــــــــــــ









:هدى انتي والله ما انتي بصاحيه
بالله وش يوديس عند خالي
هدى بخبث : وش عليس مني مافي
سبب كذا بروح واجلس على قلبها
هيا باصرار تحاول تقنع هدى
: هدى اصلا وين بتنامين
بيتهم كله غرفتين بتضيقين عليهم
هدى بضحكه صفرا
:اصلا هذ المطلوب اني اضيق
عليهم وعادي بنام بحضين خالي محمد
هيا كشرت : حطي نفستس مكانها
ترضين احد يجي ينكد عليس
وانتي عروس
كشت بيدها هدى
: وووووواااع بالله ذيك عروس
تراها عجوز ماهي بصغيره
هيا : حرام عليس والله انها مملوحه
واصغر مننا وعليها جسم يهبل
انتي غيرانه منها وعشان كذا
بتروحين تنكدين عليها
هدى بانفعال : انا !!
انا الحمد لله عارفه نفسي
اجمل منها بكثير
وما علي منتس بروح يعني بروح
وصكت التلفون بوجه هيا

هيا : الله يهديتس يا هدى
والله ما ذابحس غير الغروروهو
اللي بيجني عليتس الله يصلحتس بس
ـــــــــــــــــــــــــــــ






عنوده تعالي وين رايحه
عنودة: هلا يمه جى زوجي بطلع له
شريفه : امس وين رحتي انتي وجدتتس
عنوده : ابد رحنا للسوق جدتي
اشترت لها كم غرض
وانا رحت اونسها
شريفه بدهاء : متأكده انكم كنتو بالسوق
عنوده : اي يمه
وغطت وجهها وبتطلع
شريفه : عنوده لا تقولين
وتدسين علي تراني امتس
وهي جدتتس انا اقرب لتس منها
بس تأكدي اني بعرف
وان مافي شي يخفى علي
في بيتي ويله روحي لزوجتس
اخاف تتأخرين عليه
عنودة حبت راس امه
: يمه تبيني احلف انا ما دسيت عليتس
شي بس انتي متوهمه
شريفه بملامح جامده
: اي صح متوهمه
يله روحي في حفظ الله

جلست وهي تفكر مادام
عنوده مصره كذاا اكييد مشوارهم
امس مهم ولازم اعرف وين كانو

والله هالعجوز ما تهرول عبث
وراااها مصيبه بس هين انا لتس ياأم ناصر
ــــــــــــــــــــــــ





:ستي عمتي مريم تبغى
تكلمك في التلفون
شهقت ام امجد
: هييييء بنتي مريم
هيا قوميني يا فتو قووام لا نتأخر
على البنت في التلفون
وقامت وصارت تتهادى
في مشيتها
ووصلت للصاله : مريم ياحبيييتي
كيفك كيف اولادك
: احنا كلنا بخير
: واخوكي امجد كمان بخير
: انا جيه في اجازة الصيف خلاص
:موهجه لا لسى ما كتب لها ربي تحمل
ادعي لها ادعي لها يامريم
هيا سلمي على جوزك واولادك

دخل امجد وسلم على راس امه
: كيفك يا غاليه
ام امجد:بخير ياولدي
امجد : كيفها مريم
ام امجد : بخير وتسال عنكم
تقول امتى جييين
امجد : انتي بس يا امي حتسافري
احنا حنجلس ما حنسافر
ام امجد ظربت على صدره
: وي ياندامه لي ما حتسافرو
امجد : يا امي ما عندي فلووس
ام امجد :وفلوس السياره فين وديتها ياولدي
امجد :سددت فيها ديوني
ام امجد: اسمعني ياولدي انتبه
على نفسك واترك الحجات البطاله
والله ياولدي كده حدمر نفسك
وبيتك اصحى لنفسك قبل فوات الاوان
اصحى اصحى يا ولدي
وقامت وتركته جالس يفكر بكلامها
ـــــــــــــــــــــــ


بنات ابي اروح اسلم على ام سطام
ام حسين تقول انها رجعت بيتها
هناء بمزح : يمه خذي سلمى معتس
اكيييد مشتاقه لحبيبة قلبها ام حسيين
سلمى كانت ماسكه دانه بنت هناء
: هنوو اتقي شري ترى دانه هي الضحيه
ومسكتها من ملابسها وصارت
تأرجحها بالهوا
هنا فزت من سريرها
: يا مجرمه كله ولا دنووو حرام عليتس
سلمى :هههه اجل لا تجين صوبي
حتى لو بالمزح
هنا اخذت بنتها
ام فيصل :سلمى يمه غلط كذا
رجيتي راس دنو حرام عليتس
ترى يتضرروون من ابسط حركه
سلمى : ابشري يمه بس قولي لها
لا تعرض لي
جنان دخلت عليهم ومعاها
اسكريم فيمتوو
: قطعت الكيس باسنانها وصارت
تمص الاسكريم المثلج
من يبي عسكريم وفي قولا اخر
ايس كريم هههه
هناء : يامجرمه ليش تاكلين
اسكريم وانا ما اقدر اطلعي برى
جنان : لا والله ماني طالعه سلمى تبين
سلمى وهي ترقص حواجبها
: اي ابي عسكرييييم
وطقي قهر هنووو
هنا ء حذفت علبة المناديل
على هنا بس هنا طلعت بسرعه
من الغرفه وهي تضحك مثل
ضحكة المارد الي يطلع
في افلام الكرتون :هاهاهااااااا
ام فيصل هناء يمه اياني واياس
ادري انتس اكلتي عسكريم
ترى ما احد متضرر غيرتس
النفاس ما ينفع لها البارد
هنا تمددت على سريرها
وضمت دانه ترضعها
ام فيصل : تغدي لا يبرد غداتس
هنا ء: يمه والله نفسي صاده عن الاكل
ام فيصل : اغصبي نفستس الاكل
اهم شي للمره النفاس
هنا ء: يمه الله يرضى عليس
ماشاء مأكلتني الساعه 11فطور متأخر
غير فطور الفجر والغدا الساعه وحده
متى اهظم واالله مالي فيه
زعلت ام فيصل من هنا اللي
بنظرها ما تتغذا زين
وطلعت من الغرفه


وبعدها بدقايق

دخل عبد الله وشاف احلى منظر
هنا نايمه ودانه بجنبها بس
مفتحه عيونها وتتحرك
عبدالله قرب منها وشالها : يا قلب ابوتس
وباسها وجلس بالارض حط بنته في حظنه
وذكر الله عليها : دنووودنووو اغى اغييي
ههههه يا دنووو
دانه بنت ابوها وعشره خطبوها
اغى وصار يلاعبها
وهي تناغي معاه

وانسدح جنبها
وفي دقايق راح في سابع نومه
ـــــــــــــــــــــــــــــــــــ










: ماريا روحي نادي السواق
ماريا : اوكي مدام
بعد دقايق السواق واقف
برى في الحوش وشريفه ورى باب المدخل
: عثمان
:نعم ياعمه
شريفه بحزم : اسمع بسألك وابي
تقولي الصدق والا والله ياويلك
عثمان بخووف : طيب
شريفه: البارح وين وديت عمتي ام ناصر
عثمان ارتاح على باله بتسأله
عن عمه ناصر
: البارح انا وديت عمتي ام ناصر
لبيت ابو ناصر الــ.......
شريفه بتساؤل :متأكد
عثمان بتأكيد: اي والله رحنا لبيته
شريفه : خلاص تقدر ترووح
وصكت الباب ودخلت للصاله
لقت ام ناصر قدامها جالسه
تتقهوى وتتسمع للراديو
شريفه جت وجلست جنب
عمتها وصبت لنفسها فنجال
ام ناصر طنشتها حتى ما رفعت عينها لها
شريفه : كيفها زهره
ام ناصر ببرووود شديد : تسلم عليتس
شريفه ببرود اكثر : الله يسلمها
وش مسويه مع الشايب ابو ناصر
عساها ما تشتكي
ام ناصر عارفه وش تبي شريفه
تبي تسمع ان زهرة غير مرتاحه
وانها تعاني مع زوجها
:ماشاء الله عليها مبسوطه وتتشكرنا
اننا زوجناها ابو ناصر
اصلا زهره ما في مثلها بين الحريم
وبعذر ابو ناصر طايرن فيها
شريفه بسخريه
: ايه الله يهني سعيد بسعيده
للان شريفه ماهي عارفه ليه ام ناصر
ما تبيها تعرف عن هالزياره في شي
اكيييد داسين علي شي
بس والله لا اعرفه

ــــــــــــــــــــــــــــــــــــ







قبل ما اصلي الظهر
كان الغدا جاهز محمد يحب
يتغدى بدري
وبعد الصلاه جهزت السفره
وجلست انتظره غاب ابو ناصر
ساعه بعد الصلاه

اخيرا دخل البيت ومعاه ظرف ابيض
سلم علي وجيت انا وقربت منه
واخذت منه غترته ومفاتيحه
قلت له : الغدا جاهز اغرف
قالي :اي جوعان
وفعلا حطيت الغدا وتغدينا
وسويت بعده براد الشاي
وجلسنا في غرفتنا
ناداني وكان جالس وقدامه
ملفات واوراق والظرف الابيض
:تعالي هنا جنبي
جلست جنبه وعطاني الظرف
:هذي تذاكر السفره حجزت
لجده بكره الصبح
دمعت عيوني وضميت ذراعه
: قل والله قل والله
ضحك بسماحه : والله افتحي الظرف
وشوفي بنفستس
حبيت كتفه وقلت لها : الله يرحم والدينك
ويخليك لي
زادت ابتسامته
بعدها سحب ملف اخضر وقالي
: شوفي ان شاء الله هالبيت
بكتب نصه لتس
بهتني وفاجأني
: قلت له ليش
قال تستاهلين يازهره وانا حاب اني
اكتبه لتس
عجزت اداري دموعي اكثر
وبكيت من كل قلبي
"يالله لا تحرمني منه
هالانسان عوض ربي لي
طول عمري كنت اتمنى
اني عشت مع ابوي
كنت اشوف خالد وعنوده يتدللون
على ابوهم وابوهم يداري خواطرهم
محبه منه
اما انا كانوواللي يدارون خاطري
من غير محبه كنت احس اني هم
وواجب ثقيل ملتزمين فيني
من باب اخذ الاجر
صدق ان ام ناصر اعدها مثل امي
لكن بيننا حدوود
وشريفه ما كانت ترضى اني اعبر
باي طريقة كانت عن مشاعري
كنت اذا ضحكت تعطيني
نظره ناريه بمعنى اسكتي وانكتمي

واذا بكييت تصرخ فيني انقلعي روحي
عن وجهي
بس الان الحمد لله
لقيت من يهتم فيني ويحبني
لاني انحب ولانه محتاج يحبني
كالعاده كان كتف محمد مبلل من دموعي
ويده تطبطب على ظهري بحنان
وتاركني على راحتي
اعبر بالطريقه اللي ارتاح لها

شكرا كلمه قليله في حقك يا
!!!احترت وش اصفه وش هو
بالنسبه لي الاكيييد انه ابووو
لي هو العوض ولن اناديه
بغير هالاسم يا عوضي من الله
بس بيني وبين نفسي

ــــــــــــــــــــــ

موعدنا ان شاء الله بعد اسبوع يوم الجمعه