[قصة مكتملة] جوهر حضورك آعلن ميلاد قلبي - الصفحة 2 - القصص المكتمله من وحي قلم الاعضاء

14-01-12, 01:23 AM

المشاركة رقم: 6

المعلومات
الكاتب:	سميتكم غلآي
اللقب:	ليلاس متالق

البيانات
التسجيل:	Jun 2011
العضوية:	225481
المشاركات:	466
الجنس	أنثى
معدل التقييم:
نقاط التقييم:	371

االدولة

مدونتي

الإتصالات
الحالة:
وسائل الإتصال:

كاتب الموضوع : سميتكم غلآي المنتدى : القصص المكتمله من وحي قلم الاعضاء

البارت الخامس ...

حطيت الكيس عدالي وأنا صدق منقهره وضايقه ... بعد فتره فتحت الكيس وشفته , حليله كان يايبيلي زنجر مع بطاطه وبيبسي ..
يلست أكل, لأني صدق يوعانه لدرجه فضضيييعه ....
بعد ماخلصت , طحت على شبريتي مره ثانيه , أه باجر السبت ووراء باجر مدرسه ياكرهي لها ...
مرت الأيام عليه وكلها عاديه ماشي يديد , بــس محمد في ها الفتره قرر يسير يدرس برع , محمد صح انه مشاغب وراعي حركات بس شاطر في دراسته يايب نسبة 95,9 وعلمي بعد , بعكسي أنا إلي يالله يالله أطلع من صفي..
مع أن محد كسلان في البيت إلا أنا, يمكن عسب بنات صفي كلهن كسلانات هههه..
يا الفصل الدراسي الثاني , أول يوم يت بنت يديده , الصراحه كان شكلها كشخه شعرها قصير وبني وكانت تحط الشيله على جتفها وعيونها خضر أنا أستغربت من لون عيونها بس شكله صدق مش عدساات , يلست عدالي ويلست ترمسيني .. حبيت أسلوبها يجذب حتى حركاتها وجمالها عاطنها شكل أحلى , بختصار وحده تجذب شرا المغناطيس ...
أسمها مها , حبيتها ودخلت قلبي من أول يوم , تمت تمشي ويايه اليوم كله وهي تسوالف وتضحك وتخبربني عن ربيعاتها وسالفهن ....وعلى أخر الدوام..
قالت لي : عطيني رقم موبايلج علشان أرمسج فليل؟؟
أستحيت منها وقلت: ماعندي موبايل ...
قالت تعجب: والله كيف الناس الحين كلها عندها ..
قلت أرد على كلامها : بــس أنا مش محتايتنه ..عطني أنتِ رقمج وبتصل لج من موبايل أمي ..
مها: أوكي ..وعطتني أياه ..
رحت البيت وأنا فرحانه حدي , لقيت ربيعه يديده ...
أول ما وصلت البيت سرت صليت ونمت لين الساعة خمس العصر .......
وعلى الساعه سبع بعد المغرب خذيت موبايل أمي وطرشت مسج حق مها (( أخبارج مها أنا نوره ))
بعد دقيقتين رن التلفون , شفت الرقم كان رقم مها, رديت بسرعــه سمعت صوتها الرقيق : مــرحـبـا نواري ..
قلت لها ببتسامه : هلا مها ..
مها: اخبارج ؟؟
نوره: يسرج الحال..
وتمينا نسوالف شوي وبعدين قالت مها ..
مها: نواري عادي لو أمررج في الاجازه ونسير نحوط مول أو حدايق ..
قلت بتردد : مادري , بس بسأل أمي أذا بطيع ...
مها ضحكت : أوكيه طالعيها وردي عليه ياالله بياباي أشوفج باجر ..
أبتسمت : أوكيه باي ..
سكرت عني مها , الله فكرت أني أحوط مع مها حدايق ومولات حلوه , قمت سايره صوب أمي اعطيها التلفون ومره وحده أخبرها ...
سرت صوب غرفة أمي ودقيت الباب , سمعت صوت أمي تقول: من ..
قلت بتوتر : أنا ..
قالت : دخلي ..
دخلت وسرت صوبها وعطيتها التلفون , وتميت واقفه متردده أقولها أولا ...
أطالعتني بستغراب , تحنحنت وقلت : أمي , أممم بقولج شي ..
نزلت عيونها وبعدين رفعتها بلا صبر وقالت: خير...
من قالت خير أحبطتني , حسيت جنها ماتبا تسمعني بس قلت : أبا أطلع مع ربيعتيه في الاجازه نحوط حدايق ومن ها القبيل ...
حسيت أني يالسه أخربط عليها , وأتعلثم , والله خااايفه من ردت فعلها , صح أنها ماتهتم فيني ووايد بس مب أنها تخليني على كيفي ..
عقدت حواجبها : ها ومنو هاي ؟؟
قلت وأنا أتذكر أسم مها كامل : مهــا سيف سلطان سيف ..............
قالت أمي بسرعه : مادري ها الاسم مار عليه ,صبري صبري ليكون بنت نجلاء أسم ريلها ها , ياحليلها من زمان مارمستها .... عيونها خضر البنت وبيضه صح..
ضحكت : صح عيونها خضر ..
قالت : هي عيل بنتها لان نجلاء أمها روسيه , وعيونها خضر ,, حليلها جان بنت نجلاء سيري وياها عادي ... يوم تشوفينها باجر خليها تسلم على أمها..
طرت من الفرحة وقلت: أن شاء الله ..
سرت ويلست في الصاله أطالع التلفزيون وأنا ألعب بخصله من شعري طايحه على ويهي , دخل علي صديت صوبه شفت ويه معفوس ومتضايق , الصراحه ماهمني أبدا , رديت أطالع التلفزيون وأضحك على الفلم الكوميدي ...
صرخ عليه : بندي التلفزيون أنتِ ماتحسين ..
أطالعته بصدمه ورديت بصرخه : لاوالله شو الي ماأحسه ومب مبنده التلفزيون أوكيه ..
قام علي ومط واير التلفزيون بضيجه وقال: ناس بين الحياه والموت وأنتِ فايجه بس أطالعين التلفزيون وتضحكين ..
وقفت بصدمه لكلامه : خيييييير شو مستوي بسم الله ..
أطالعني بستغراب وقال : أنتِ ماتعرفين ؟؟؟
قلت بخوف : شو الي ماعرفه بسم الله خوفتني ..
علي بحزن : خالي نادر كان شال معاه بنات خالوه نوال وشيخه وصار لهم حادث ..
أسم نادر أستوقفني وحسيت بكره فضضيييع لها الاسم ,ثواني و أستوعبت كلامه الباقي وقلت: شو نوال وشيخه سواو حادث ؟؟؟
علي: هيه, شيخه ماياها االا شي بسيط مجرد رضوض , أما نوال ونادر حالتهم خطيره وووايد ...لان من صوبهم انعفصت السياره ...
طاحت دموعي بس مب لنادر لنوال , نوال ماتستاهل حليلها , يلست وأنا حزينه ووأطالعت علي: شو حالها نوال الحين ؟؟
علي بألم : مادري في غرفة العمليات هم الحين ...
يلس علي وحط يديه على راسه وقال: نادر حالته ووايد خطيره الله يشفيه يااارب ...
سكت , ماعندي أي مشاعر للهذا النادر, أقول الصراحه أتمناه يمووت وأرتاح منه , مادري من صوبه صاير قلبي حديد , لاني مابغفر له أبدا على الي سواه بي ...
قام علي وطلع , يلست أطالع التلفزيون بملل لان مزاجي أخترب , الله يشفيها نوال , قلبي عورني عليها ووايد , يا في بالي محمد , يااااربي محمد عرف ولا .. أظن أذا عرف بيحزن , لانه يحب نوال , أفففف حبته القراده , أستغفرت ربي شو ها الكلام صدق أني أنانيه وحقوده ...وفاضيه ..
تميت أفكر , بردت فعل محمد أذا عرف ....
وأنا سرحانه , شدني صوت الباب يتبند , صديت صوب الياي ...
أه كان محمد , ويها ذابل ,حزين, متألم , قلبي عورني عليه ..
وقفت وسرت صوبه بتردد وقلت: محمد انته بخير...؟؟
أطالعني بحزن , ولا قال شي , وراح صوب غرفته فوق , مشيت وراه وأنا متردده وحزينــه ...
وصل غرفته ودخلها , بس ما سكر الباب , وقفت عند الباب وأشوفه فج سفرته وعقها على شبريته , وبعدين يلس على الشبريه وحط يديه أمبين راسه .
أه تألمت ووايد لشكله , ياربي يعله فيني ولافيه ...
تقربت منه وماعرفت شو اقول بس قلت : محمد أيب لك بندول أو أي شيء..
رفع محمد راسه , أنصــدمت كانت دمعه نازله من عينه , اه معــــقــوله يحب نــوال لها الدرجه معقوله, الريــال مايصيح الا لحد يعزه ويحبه ولزم ها الانســان يكون غالي عليه ...
صدمتي بدمعت محمد , كانتــ كبـيــره , فهاللحظه قام محمد وضمني له وحط راسه على جتفي ..
ورص يديه عليه وقال : أه يانوره خلااااااااص راحت عني رااحت فقدتها..
حسيت برتجافه , بحزنه , ألمه الكبير , غمضت عيوني بألم ....
كمل : نوال , ماتت ماتت خلاااااااااااااااااااااااااااااااااااااااص ,مابشوفها مره ثانيه مابسمع صوتها ودلعها , ماتتت وراحت ...
فتحت عيوني بصدمه وقلت بهمس : نوال ماتت ؟؟
محمد هوس على يديه بشكل ألمني ووايد وقال: ماااتتت هيه!! ماتتت ماقدروا ينقذونها ....
حسيت بالحــزن على نوال , وعلى نفــسي لاني أكتشفت أن محمد يحب نوال لها الدرجـــه ...
حسيت بدموعه تنزل بس هوه مسحها بسرعه وأبتعد عني وراح الحمام .....
طلعت من غرفته وأنا ماعرف شو أقول او بشو أفكر , ماعرف شو أحساسي في هاللحظه صدمه ورا صدمه ..
رحت غرفتي , وطحت على شبريتي ويلست أصيييح , صح أني أغار من نوال ان محمد يحبها بس موتها صدمني , لانها في يوم من الايام كانت صديقتي ..
بعد ربع ساعه ,قمت وطلعت من غرفتي سرت غرفة محمد بــس ماكان حد ..
نزلت تحت , بسم الله البيت مستوي مهجور , يلست في الصاله ... بعد نص ساعه ..خالي دخل, وقفت , كان ويه خالي حزين وتعبان ...
أطالعني وقال: قولي حق عايشه تنش من وقت الصبح وتسوي مع الخدامات الريوق وأطالع خوانها لان مهره بتبات في بيت أهلها علشان العزا...
هزيت راسي , بدون كلمه , حسيت بألم لان خالي ماقالي ساعديها ...
صح المساعده لازم تي من نفسي أنا ..قررت أنش الصبح وأجهز الريوق مع عايشه والخدامات ...
سرت صوب غرفة عايشه ودقيت عليها , بطلت الباب وكان شكلها أنها كانت تصيح ...
قلت لها كل الي قاله خالي لي ...
ردت بختصار : زيــن ..
سرت غرفتي وأنسدحت , ماظن بيني رقااد أصلاااا, تميت أتجلب على شبريتي ...لــين نمت بدون ماأدري ..
نشيت فجأه بــعد حلم كريهه , أطالعت الساعه الي كانت عدالي ....
كانت خمس ونص ...
قمت وسرت الحمام وغسلت ويهي , وتوضيت , بعدها صليت صلاة الفجر .. لبست جلابيه حمرا وشيله من نفس اللون ...
نزلت تحت البيت كان هادي جدااا, رحت المطبخ مالقيت أحد , رحت برع الجو بعده مظلم , وبرااااد الصراحه منعش يلست أتمشى في اليبت ....
وبعدها يلست على الارجوحه , لين بدت الشمس تطلع بكل هدوء ........
دخلت البيت لقيت الخدامات كل وحده في شغلتها , الي تنظف البيت والي تسوي الريوق ...
دخلت المطبخ وقلت للخدامه: كريمه شو يسوي ؟؟؟
كريمه : سوي خبوز ...(( خبز))
عفست ويهي: أنا مافي معلوم سوي خبوز ..
كريمه : أنتِ أصلا مافي معلوم سوي شي بس أكل ..
عصبت على الخدامه من الخاطر , وقلت: لاوالله أنا صغير علشان جي ماأعرف أطبخ ...
كريمه خافت بس قالت وهي تهز راسها: أنا سمسم عمر انتِ سوي كل شغل بيت ... حتى بنيه مال أنا معلوم كل شي ..
قهرتني , صح اني ماأعرف شي بس كلااامها يجرح , قلت : أوكي كملي شغل مال انتِ , أنا بسوي صالونه بيض طماط اونه أنا مافي معلوم أنا معلوم كل شي أصلا ...أنتِ الي مافي معلوم ..
ضحكت كريمه عليه , سرت وقطعت الطماط بكل صعوبه ,أخيـــرا بعد عنا طويل خلصت ..ويبت ست بيضات , أففف باقي بصل ..أفففف مالي خاطر أقطعه ..
أطالعت كريمه وقلت: كريمووه قطع بصل ...
كريمه: لالا أنا سوي خبوز مافي سوي قطعي بصل انتِ قطع ...
أنقهرت مابقصه بتخيس ريحتي , سرت عند الخدامه الثانيه وقلت : جولي تعالي قطعي بصل ...
تحرطمت جولي : لالالا مافي سوي أنا في شغول ...
أنقهرت ورحت صوب البصل ويلست اقطعه بدون نفس أه يلست أعطس , وأعطس ... والحمدالله خلصت بعد عناااااااا طويل طويل جداااا...
يلست اسوي الصالونه قليت اول شي البصل , وبعدين حطيت الطماط , لين أستوا , وبعدها حطيت البيض , اخ نسيييييييييت الملح وفلفل أسود وحطيت الملح بسرعه وخلطته وبعدين فلفل أسود , مادري حسيت بأحباط أخاف أفشـــل ...
بعد ماأستوا , أبتسمت وأطالعت كريمه : شوفي انا يسوي بيض وطماط أنا أعرف أحسن عنج ..
هزت كريمه راسها , وفي ها اللحظه دخلت عايشه المطبخ وقالت بمفاجأه : شو تسوين ..؟؟؟
أبتسامة بخقه : أممممم سويت صالونة طماط وبيض ...
عايشه ببتسامه: والله ...ماشاء الله ...
يلست عايشه تسوي الريوق وأنا أساعدها , خلصنا الريوق على سبع ونص سرت أتسبح وبعدين نزلت تحت الساعه ثمان , وكانت عايشه توها سايره توعي خوانها , وقفتها وقلت: عايشه خلي علياء عليه أنا بوعيها ..
عايشه: أوكيــه بس تخليج خليها تسبح هب تي جي ...
قلت ببتسامه : أنزين ..
سرت غرفة علياء لقيتها ضامه لحافها ونايمه , سرت صوبها ويلست أقرقط ريولها , أخ بس يتني رفسه من ريلها على ويهي ...
عورني ويهي , سرت صوب ويها , ومطيت خدودها وقلت: عليوووه قومي ..
علياء: ماأريد أريد أنااام ...
خوزت اللحاف عنها :لالالاماشي تقومين الحين ...
عفست ويها وهي اطالعني : أنتِ شو تبين ؟؟
ضحكت على ويها , فيها شبه من محمد يوم يعصب : قومي ريوق ..
قامت ويلست على الشبريه وهي نعسانه , قبضت يدها وقلت :يالله خذي لج شاور وتعالي تحت ...
طلعت من غرفتها , خطفت عدال غرفة محمد وقفت , متردده , محتاره , أدخل ولا ...
يتني الجرأه ودخلت , كان الجو باااااااااارد الا صقيع , وظلااااااااااام , بس النور الي دخل من الباب المفتوح نور الغرفه ...
تقربت من شبريته , كان ضام مخدته لصدره ونايم بكل براءه , ياااربي شكله طفل وهو نايم ....
تقربت منه , وبتردد قربت يدي من شعره الي كان على ويهه , وخوزت بعض الخصلات عن ويهه , بــــس فجأه أنمسكت يدي ..
.

نهاية البارت الخامس ...

14-01-12, 01:30 AM

المشاركة رقم: 7

المعلومات
الكاتب:	سميتكم غلآي
اللقب:	ليلاس متالق

البيانات
التسجيل:	Jun 2011
العضوية:	225481
المشاركات:	466
الجنس	أنثى
معدل التقييم:
نقاط التقييم:	371

االدولة

مدونتي

الإتصالات
الحالة:
وسائل الإتصال:

كاتب الموضوع : سميتكم غلآي المنتدى : القصص المكتمله من وحي قلم الاعضاء

البارت السادس

قلبي طاااح في بطني من الخوف , محمد مسك يدي وخلها في حضن يده , زاد تنفسي , حسيت بأنفاسه الهاديه , أرتحت يوم شفت أنه نايم ..
حاولت أشل يدي من يده ,ونسابت يدي من يده بكل هدوء , غمضت عيوني بخوف وطلعت بشوي شوي من غرفته , بندت الباب بهدوء وتساندت عليه, وأنا حاطه يدي على قلبي ..
نزلت تحت , لقيت عايشه ترتب الفطور على السفره , سرت اساعدها .
سألتني : وعيتي محمد ؟؟
أتلخبطت وحسيت ويهي أستوى حار وقلت بتردد: لا..
عقدت عايشه حواجبها وقالت : بس شفتج تدخلين غرفته ..
توترت وقلت : أمممم شفته رقاد ماوعيته , خفته ينازعني ...
سكتت عايشه ولا قالت شي, ريحتني الصراحه....
مرت أيام العزا ببطء والكل كان حزين لوفات نوال , الصراحه لين الحين أنا مش مستوعبه أن نوال توفت ,أعتذرت لمها أني ماأقدر أروح معها ها الايام نحوط...
كانت حرمة خالي حزينه واايد لوفات نوال , لانها كانت تحبها ووايد ... وحالت نادر الي كان متكسر ...
بس محمد كانت حالته أخس ,كله يالس في غرفته , وساكت , مهمل عمره لاأكل ولا شرب ....
الكل استغرب من حالة محمد , الا أنـــا ...لاني عارفه شو فيه ...
ياقلبي لين متى بتم جي , مرن شهرين على وفات نوال ....
بديت أطلع كل خميس العصر مع مها نحوط , نسير حدايق ومولات ...
حسيت مها شوي فري , يعني أنا ألبس عباه ساده واذا فيها شي خفيف غير ملفت , واتحجب ...
أما مها , كانت تلبس عباه مزخرفه من فوق لين تحت والشعر ظاهر , صحيح أن ها الشي ماعيبني فيها , بس أحس انها حلوه وغير وخاطري أسوي نفسها بس مادري أحس نفسي تمنعني ...
مره رحنا الصالون , صبغت مها شعرها زيتوني , طلع عليها خبال ببشرتها البيضه وعيونها الخضر...
وقصته بشكل مرتب وحلو , ويلست أتسوي بدكير ومنكير ...وانا معاها ..
قالت لي : ليش ماتصبغين شعرج وتقصينه؟؟
توترت وقلت: أمممم مادري ولا مره صبغته وقصيته ماأتجرأ...
قالت مها : فجي شعرج خاطري أشوفه , أنتِ دوم متحجه ولا أطلعينه ..
ترددت , بس خوزت شيلتي عن راسي وفجيت شعري ...
مها : حلو شعرج وغليض , بس يباله ترتيب من تحت وقص ..
قلت: لالا أخاف ما احب اقصه ...
مها : وووالله حلو جربي صبغيه بندقي وخليها تقصه مدرج ..
خاطري أجرب , بس خايفه , قلت : خلاص بتوكل على الله ...بس أن ماعيبني ياويلج ..
ضحكت مها: صدقيني بيطلع حلو عليج , خاصتاً اللون البندقي يناسب بشرتج ..
الحمدالله أن الف درهم باقيه عندي والا صدق بفتشل أن كنت مفلسه ...
أول شي صبغته لي وحده لبنانيه ويلست ساعه أو أكثر ... بعدها خلته نص ساعه , خلصت النص ساعه وغسلت شعري أطالعت عمري في المنظره اللون كان صارخ ومبين , الصراحه خفت...
يلست تقص شعري , على تعليمات مها ....
حسيت أنها قصت ووايد مادري ليش , بس ماقلت شي لاني يمكن أتوهم ماظن تقصه ووايد ...
بعد ماخلصت أستشوار , اطالعت عمري في المنظره ...

وأنفجعت شعري كان واصل لين جتفي بعد ماكان أكثر من النص ..
حطيت يدي على شعري بخوف وقمت : شو هااا ؟؟؟
مها:يجننننننن صح ...
أطالعت مها وقلت: وووايد قصته ووايد...
مها : صح بس حلو صدقني ..وبأعجاب: الصراحه حلويتي أكثر..
أنقهرت الصراحه من مها ووووايد , ماكنت أتوقع أن بتخليها تقص لها الدرجه ..
يلست على الكرسي بصدمه , خفت من أمي تهد عليه , تراها تحاول تلقى الزله علشان تنازعني ...
حسيت بالحزن لشعري والله كان حلو وطويل ..
مها حاست بوزها وتقربت مني ولوت عليه : نوره صدقيني حلو وتغير, سووري والله , وصدقني أنا مابسوي شي مب حلو حقج..
وأطالعت شعري ويلست تعدله, ورفعت راسي علشان اطالع المنظره وقالت : شوفي كيف حلو صدقيني..
صح حسيت بالندم, خلاص شعري راح مابيرد , أطالعت شعري في المنظره وتقربت من المنظره أكثـر..

الصراحه , حسييييت عمري غير وشكلي وحده ثانيه بلون شعري اليديد والقصه , الصــــــراحه عيبني ووايد ..
قلت بأعجاب: حلو توني أنتبه له ...
مها ببتسامه : اقولج ترااااني ...
ضحكت وأطالعت ساعتي أففف تأخرت ووايد استوت الساعه عشر فليل ...
قلت : يالله أنروح تأخر الوقت ...
مها أطالعت تلفونها وأطالعتني وقالت: أمج متصله مره ...
خفت وقلت: والله, أذا ممكن عطني شوي تلفونج بتصل لها ...
مها : عادي , بس الصراحه لزم تتشترين لج موبايل...
خذيت التلفون , وأتصلت لأمي بتوتر , سمعت صرختها : يالحمـــاره , وينــج ليــن الحين ..؟؟
أرتجفت وقلت بتردد: نحنا في الصالون ..
خذت مها التلفون من عندي وكلمت أمي: أخبارج خالوه ؟؟
مها: فديتج نحنا في الصالون , تعرفين عاده الصالون زحمه لزم نتأخر شوي...
مها: أمي الحمدالله بخيررر وتسلم عليج ووايد , وعاد تباج تزوينها قريب...
ضحكت مها: لاتخافين على نوره وهي ويايه , بس صدق يبالها موبايل ..
أنقهرت أكثــر لتدخل مها أبا موبايل ولا, لا ,هي شو دخلها ...
وتمت مها تسوالف ويا أمي , يعني بمعنى ثاني تيبها بالسياسيه وتحاول تاخذ ثقتها..
سكرت مها وهي تضحك وقالت: تعرفين أمج شو قالت لو بتيلسون لين الساعه 12 عادي يعني ياحبيبتي خذي راحتج ...
حست بوزي , أمي ولامره حاولت تسمعني يوم أرمسها أوتعطني سالفه , أما مها , عاطتنها سالفه , حتى أنها قالت يلسي لين الساعه 12..الصراحه حسيت بالغيره ..
قلت لمها : ياالله نرووح صدق تأخرنا ..
مها: أوكيه, كيفج ..
ردينا البيت على الساعه 11ونص , نزلتني مها وراحت , دخلت البيت وأنا خايفه أول مره أرد البيت ها الساعه أو أني أتأخر جي ...
وأنا راكبه الدرج , رفعت عيني شفت علي واقف جدامي ومتجتف, ويطالعني بكل أحتقار ..
أعتدالت وبلعت ريجي بخوف , يايه بكمل دربي , بس علي حط يده جدامي وأطالعني بكل شر وقال: من وين يايه ؟؟
تعلثمت وعضيت لساني بالغلط من الخوف , عورني واااايد , غمضت عيوني وفتحتهن بتحدي مصتنع وقلت: أنته مالك خص ...
تجدم مني علي وقال: مالي خص ..؟؟
وقبضني من يدي وهوس عليها قوة , ورفع يده الثانيه , ياي بيضربني ...
أرتجفت وغمضت عيوني برعب , يسويها علي يضربني , لانه يوم يعصب ينسى عمره ..
فتحت عيوني ورفعتهن بخوف وتوسل , شفته يقبض صبوعه ويهوس بهن في بطن يديه بقوه يمنع عمره أنه يمد يده عليه ..
نزل يديه , ورص عيونه وهوس بضروسه وقال : من وين يايه ؟؟
قلت بخوف: كنت رايحه مع ربيعتي الصالون ..
علي : لاوالله وراده الحين , ماشفتي الساعه كم , ماحيد عندنا بنات يسترغدن لين الحين ؟؟
أطالعته بحتقار لكلمة يسترغدن ورديت عليه: بس أمي تعرف وهي ولاية أمري مب أنته ...
علي: بــعد أطولين لســانج , صدق محد رباج زين ..
تجمعن الدموع في عيوني وقلت بصوت مخنوق : هيه توك تدري أن محد رباني ترا ماعندي أبو يربني ويهتم فيني...
شفت في عيون علي الصدمه من كلامي , سكت ولا رد عليه ..وهو يطالع الدموع الي نزلت على خدي ..
مسحت دموعي بسرعه ,ورحت صوب غرفتي..
سمعت صوته : نوره , صبري!!
بس أنا ماأهتميت له , ودخلت غرفتي بسرعه وسكرت الباب وغفلته ..
يلست على شربيتي وأنا أمسح دموعي الي كانن ينزلن بدون توقف , تذكرت أبويه , أبويــه ....
أبويه الي كان يضمني, الي كان يلبي كل طلباتي , تذكرت يوم كنت أنام في حضنه ..
صح ذكريات السبع سنين وثمان سنين مشوشه , بس ما اقدر أنسى أبتسامته الحنونه , صوته إلي لين الحين كأني أسمعه ...
في اشياء ماأقدر أنساها , ابدا ...
صرخت : أبـــويه وينك , ليش خليتني , ليــش؟؟؟
أبا حنــان , أبــا حب , أبــا حد يهتم فيني ...
زاد صياحي , بذكريات وأنا أشوف أبويه تعـبان حاط يده على صدره ويعاني من ضيق تنفس , وأعمامي حوله ... مع أني كنت صغيره بس ها الموقف أنطبع في ذاكرتي ..
أندسيت ورا الباب بخــوف , من منظر أبــويه المتألم , ويلست اصــيح بضيق .
كانت أيام تخوف , بعدها بكم يوم توفى أبويه ...
ماكنت أعرف شو فــيه أبويه , بس بعدين عرفت أنه كان فيه أرتخاء في عضلة القلب , وأرتفاع في ضغط الدم ..
سبب له جلطه , وماقدروا ينقذونه وماااات ....
والمشكله أن محد راعى صغر سني وخبروني أنه مات بكل بروده , كانت هذيج الايام قاسيه , وماكنت مستوعبه أن أبويه خلااااص مات , أول شي كذبتهم ولكن مع مرور الايام صدقت لان أبويــه مارد لنا...رحل عنا خلاااص ..
مسحت دموعي بألم..
أستويت صدق ماأطيق علي, ووايد يدخل فيني , ويبا يتحكم فيني...
سرت خذيت لي شاور و لبست بجامتي وأنسدحت على شبريتي..
ماياني رقاد , أففف أحس بالضيقه ,قمت وحطيت شيلتي على راسي وطلعت من غرفتي ...
كانت الساعه وحده...
سرت الصاله وشغلت التلفزيون , لقيت لي فلم رومنسي, ويلست اطالعه....
غمضت عيوني ...
أحلام غير مفهومه , أشخاص ماأعرفهم .....
فتحت عيوني , على صوت خالي ...
خالي سعيد: نوره شو مرقدنج هنيه ؟؟
حطيت يدي على ويهي وأنا أتمتم: هاا..
أبتسم خالي ومسح على شعري ,وقال: سيري غرفتج ورقدي..
قمت بتعب , وأنا أسحب ريولي سحب ...
وصلت غرفتي , وعين وحده مسكره ..
حطيت يدي على راسي أحك شعري , بس لفت أنتباهي ظل شخص واقف قريب مني ..
أطالعت صوبه , وأنا مش مستوعبه من هذا ..
تأففت يوم عرفت الواقف, كان يتأملني بنظرات غريبه ...
ما أهتميت له , دخلت غرفتي , وسيده طحت على شبريتي ..
ورحت في سابع نومي ..
فتحت عيوني على ضوء الشمس إلي أزعاجني , والذبــابه الي كانت تزن فوق راسي ...
أففففففففف الواحد مايقدر يرقد براحه , رحت الحمام وغسلت ويهي ..
رديت الغرفه وأطالعت الساعه كانـت 10 ونص ...
يلست على شبريتي , وأنا أحاول أتذكر , شو أستوا أمس ..
أممم خالي وعاني وسرت غرفتي , بس في واحد كان واقف عدال الغرفه , أيوا علي , أميييييييي ليكون شافني بدون شيله يالفضيحه ..
الصراحه ماأكذب , مها لها تأثير عليه , أستويت أطلع قصتي جدام عيال خالي , بس قصتي مب شعري كله ....
لبست جلابيتي , وطلعت من الغرفــه , نزلت تحت أممم مالقيت حد ...
دخلت الصاله , لفت نظري واحد يالس على الكراسي ويقرأ جريده ...
تقربت منه , ودقات قلبي تزيد , رفع راسه صوبي ...
بلعت ريجي بصدمه , اخر أنــسان أتوقعه جداااامي الحين هذاااا ...
أترجفت بعنف , وأنا أشوفه وقف متردد وخايف , زاد تنفسي , والرعب تملكني
أطالعني بنص أبتسامه : شحالج نوره ...؟؟
فتحت عيوني على وسعهن , صدق أنه بلا أحساس بلا مشاعر , كيف يكلمني
رديت على ورا بخوف , أطالعني بعيون تمثل الحزن وقال: نوره ..
قاطعته بصرخه: أسكت , ما ابا اسمع صوتك ...
تقرب مني وقال : نوره والله أني أسف..
رديت على ورا أكثــر وأنا أرتجف وقلت: لالا, لاتقترب مني .. لاتقترب..
رد مكانه , وتكلم : معقوله تخافين لها الدرجه مني ؟؟ أدري أني غلط بس صدقــيني كنت مراهق و..
بس قبل مايقول أي كلمه ثانيه أنطلقت لغرفتي , ماأقدر أستحمل أشوفه , أخاااف منه لدرجه فضيعه...
الصراحه بديت أكره الريايل بسببه , أحسهم كلهم نفس الشيء ..
مرت الايام , وبديت أقلد مها باللبس , الصراحه أستايلها يعيبني ...
مره كنت اتمشى معها في المدرسه ورحنا ورا المدرسه عند ملعب الرياضه ..
ويلسنا نسوالف , بس مها ها المره بدت تكلمني عن الشباب , وكيف تقص عليهم , وعن الجات ..
أنا أول شي أستغربت شو ها الجات , وياني فضول , ومن كلامها تشوقت أدخله ..
قلت : خاطري أدخله ...
ضحكت مها: أوكي بطرش لج الرابط على المسن اليوم الساعه 10 فليل وبنحدر أنا وأنتِ رباعه ...
قلت بفرحه: أوكيه ...
ردينا صفنا , شفت نظرات البنات لنا غريبه , كانهم يحتقارونا ...
كملنا اليوم الدراسي بشكل عادي ,بس البنات ماكانن يكلمني , فما عطيتهن أي اهتمام لان علاقتي بهن مب لين هناك ...
رديت البيت , ومن التعب سيده نمت ...
نشيت العصر , وصليت صلاتي , وبعدها نزلت تحت ...
لقيت الكل تقريبا يالس من غير سلطان وأمي ..
جذبني أن محمد كان يبتسم هو يكلم أمه , فرحت بشكل محد يتصوره ..من زمــان ماشفت أبتســامت محمد ...
التفت محمد لخالي سعيد وقال : أبويه خلاااص السفره بتكون الاسبوع الياي ..
خالي سعيد: أن شاء الله ..
عقدت حواجبي وقلت: من بيسفر؟؟
أبتسم محمد وقال: أنـــا ...

نهاية البارت السادس ..

14-01-12, 01:34 AM

المشاركة رقم: 8

المعلومات
الكاتب:	سميتكم غلآي
اللقب:	ليلاس متالق

البيانات
التسجيل:	Jun 2011
العضوية:	225481
المشاركات:	466
الجنس	أنثى
معدل التقييم:
نقاط التقييم:	371

االدولة

مدونتي

الإتصالات
الحالة:
وسائل الإتصال:

كاتب الموضوع : سميتكم غلآي المنتدى : القصص المكتمله من وحي قلم الاعضاء

البارت الســابع..

أطالعته بعدم أستواعب : هاا!!ليش؟؟
محمد : بسير أكمل دراستي ..
حسيت بحزن فضيع, دمعت عيوني , وأنا أطالع محمد مش مصدقه ...
كنت أتوقعه بعد سنه بيسافر ,ومــب بها السرعه , صح أحتملت عندم اهتمامه فيني بس أنه يســافر وماشوفه الا في السنه مره , صدق شي ماقدر أتحمله ..
قمت ورحت غرفتي , وأنا أحاول أن دموعي ماتنزل ....
دخلت غرفتي , وطحت على شبريتي ويلست أصيييييييييييح , ليش بروح وبخليني , ليش مايــحس فيني ..
بعد ما ماتوفت نوال حسيت محمد أبتعد عني بدرجــه كبيره , صار مايهتم فيني ومايسأل عن حالي , ولا كأني موجوده أصلا...
أحــس أني وحيــده في ها الدنيــا , محد يحس فيني , محد يهتم فيني ...
سمعت باب الغرفه يتبطل , مسحت دموعي بسرعــه , وحاولت ما أصد صوب الي دخــل...
تكلم بصوت خشن : نوار ...
دقات قلبي زادت سرعتهن, ألتفت صوبه , أبتسم أبتسامه حنونه وقال : تصيحين ؟؟
نزلت عيوني تحت وما قلت شي ..
تجرب صوبي , ويلس على أقرب كرسي موجود في الغرفه, تم يطالعني فتره بعــدين تكلم : نوره , والله أني أحبــج وبعد يمكن أكــثر عن عايشه أختي ...
من قال كلمة أحبج رفعت راسي ... بس يوم كمل فهمت انه مجرد حب أخوي.. حسيييت بالحزن أكــثر..
سكت شوي وكمل : خاطري أســير أكمل دراستي , وصدقني بيي في الأجازات أزوركم ..
هزيت راسي متفهمه ...
أبتسم بحــزن : وصدقيني بشتاق وااايد لج ...
وقف وطلع من غرفتي , مر عليه ها الاسبوع وأنا حزينه ومب طايقه شي , حتى أني غبت عن المدرسه معظم الايام...
يا يوم الاحد وهو يوم سفرت محمد , ماقدرت أتحمل ها اليومين كله يالسه في غرفتي وأصييييييح ..
محد أستغرب لان الكل يعرف أني متعلقه بمحمد ووايد , على أنه أخويــه ...
وقفت عند الدريشه أنتظر محمد يطلع , سمعت دق على بابي رحت صوب الباب وأنا انتفض فتحته طلع علي في ويهي ..
قال: مابتودعين محمد؟؟
نزلت راسي وماقدرت أتحمل ويلست أصيييح ...
رحت صوب شبريتي أحاول أكتم شهقاتي ...
تكلم علي: نوره يعني لين متى بتمين جي ؟؟؟
سكت ولارديت عليه ..
سمعت بنرت علي المطنزه : صدقيني لو تصييحين من اليوم لين باجر مابحس فيج...
رفعت راسي صوبه , وأنا مستغربه منه , معقوله يعرف اني أحب محمد؟؟
قلت له بصوت يرتجف: شو تقول أنته .؟؟
ابتسم علي نص أبتسامه وقال: لاتحريني ما أعرف أنج تحبين محمد , كل شي واضح , تصرفاتج ومشاعرج صوبه كل شي باين ... بس هو مايعتبرج الا مجرد أخت ..
توترت وقلت : انته تتوهم أنا ما أحب محمد ..
قال يقهرني : بعد تجذبين , حبيبتي كل شي واضح وأنا متأكد 100% أنج تحبينه ..
قــهرني , صرخت عليه بدون حاسيه : هيه أحبــه ..
حطيت يدي على فمي ,وأنا أشــوف إلي كان واقف عند الباب يطالعني بصدمه ..
طاحت الشنطه من يده ...
وعقد حواجبــه وقال بصوت عالي: شـــوه ؟؟
صد علي صوبه بصدمــه ..
أطالعته وتميت أرتجف مب عارفه شو اسوي محمد سمع كل كلامنا ....
قلت بتوتر : محمد ..
علي قاطعني وهو يطالع محمد: يالله أعترفي أنج تحبينه ..
محمد يلس يطالعني بنظرات أرعبتني , بلعت ريجي وأنا اشوف نظراته ..
قلت بتوتر: محمد أنا صح أحــبك بس والله مب بيدي صدقني حبي لك مب بيدي ..
حسيت الصدمه شلت حواسه وهو فاتح عيونه ..
ماتكلم بس تم يطالعني بعدم أستواعب , أبعد عيونه عني وأطالع علي ..
وبعدها شل شنطته وطلع برع غرفتي ...
نزلن دموعي , ويلست تحت , وحطيت يدي على ويهي أصيييييح ...
رفعت راسي صوب علي وصرخت: كله منك ..
أطالعني علي بنظره مافهمتها , وراح ...
وقفت , وطلعت من غرفتي وركضت وأنا نازله من السلم , شفته واقف عند باب الصاله وضام خالوه مهره , يودعها وهي تصيــح ..
تقربت منهم , شفته يضم عايشه وبعدها علياء وعبدالله ..
عايشه يلست تصيح ومعاها علياء ...
أثر فيــني ها الموقف , تميت أطالعهم من بعيد , رفع محمد عيونه صوبي وبعدين نزلهن وكأنه ماشافني ...
تجدمت منه يوم شفت الكل أبتعد, وقفت قريب منه وقلت: محمد..
رفع عيونه صوبي وأطالعني حوالي دقيقه وبعدها قال: أســف ..
وراح صوب الباب وطلع ...
ركضت صوب الباب ..
شفته ركب السياره مع خالي وعلي وراح ....
تميت أراقب الســياره لين أختفت ,حسيت بالحزن كلمة أسف شو تعني , يعني يمكن تكون رفض لحبي , ليــش سوا جي حرااام عليه ...ورحت غرفتي أصــيح لقساوة محمد ورفضه لي ...
مرت الايــام , صح كنت أحس بفراغ بعد ماراح محمد ...
بس ها الفــراغ كان ليوم وواحد ...
لان مها علمتني على الجــات , من أرد من المدرسه أيلس في حجرتي طول اليوم على الكمبيوتر ...
صح كلامهم (( قليل الادب )) ماعيبني بس الضحك والمسخره كانــت صدق حلوه ..
بس بصراحه , مهما كانت وناستي أحس أني يالســه اسوي شي غــلط أخاف أندم عليه , بــس خلااااص أحس أني أدمنت عليه ...
صرت اغيب وااايد عن المدرسه مــثل مها , يعني نتواعد على الغايب , ويوم نروح المدرســه يكون كلامنا كله عن الشبــاب الي في الجات ...
الخميس ...
الساعه 10 ونص ,الفسحه , كنا أنا ومها يالسات نسوالف مثل كل يوم ..
اليوم قررت مها نروح حديقة ألعاب وأنا عيبتني الفكره ..
أقتربت وحده من البــنات منا , كانت سلمى بنت أخو حرمة خالي مهره وقفت وسلمت عليها .. شفت نظارتها لي غريبه ..
سلمى :نوره ودي أكلمج بروحج ..
أطالعتها وبعدين حولت نظري لمها وقلت: بروح دقايق وبيي ..
رحنا أنا وسلمى شوي بعيد عن مها ..
شفت ويه سلمى المتوتر ,وهي أطالعني , ثواني وتكلمت : نوره أنا سمعت رمسه عنج..
عقدت حواجبي: شو رمسته ؟؟
سلمى : البنات وايد يرمسن عنج يعني أنج راعيت شباب مثل مها ...
أنصدمت , راعية شباب قويه الصراحه ,أنا صح أدخل الجات بس مب لدرجه أني أكلمهم في التلفون أو أطلع معاهم ...
قلت : لالالا ليش يتكلمن جي , حراام عليهن يخربن سمعتنا , والله أني مش راعية شباب ..
سلمى : تعرفين عاده مها سمعتها ووايد مب أوكيه ..
رديت عليه بضيقه: لا فديتج مها حليلها , يعني علشان شكلها يرمسن جي , مادري ها البنات ليش بموتن أن ماطلعن اشاعات بس الصراحه قويه هاي تمس الشرف..بروح أخبر الاخصائيه عليهن ..
سلمى : الصراحه أنا مادري بهن , وبعد تحيدين من فتره أنتي ومها طلعتن ورا صوب الملعب , كانت هناك سياره واقفه والبنات شافكن وقالنا أنكن سايرات لها ..
أطالعتها بصدمه : والله , مب لها الدرجــه , ليش جي يرمسن والله حراام عليهن نحنا السياره ماشفناها أصلا ..
سلمى : عني انا ماشفت شي بس سمعت ها الرمسه ..
قلت: قولي لي البنات الي تكلمن بخبر عليهن الاداره ..
سلمى بتوتر : أخاف والله يسون لي مشــكله ...
قلت بعصبيه : سلمى والله محد بيدري أنج انتي إلي خبرتني , حراام جي يطلعن عنا رمسه ..
سلمى : أوكيـه بليز بس محد يعرف أني أنا إلي خبرتج ..
خبرتني سلمى أسامي البنــات الي تكلمن عنا أنا ومها ..
رحت صوب مها وخبرتها الســالفه , عصبت وقالت: والله لاأدبهن ..بشوفن ..
قلت : خليــنا نروح الأداره ونخبر عليهن ..
مها: أوكيه , بس صدق بخليهن يندمن ..
رحنا الادراه وخبرنا عليهن , وطبعا الادراه أستدعتهن ....
وتمينا نتكلم وياهن ,ليش يطلعن عنا الاشاعات ..
قالت وحده منهن: والله هذا الي شفناه بعيونا ...
قامت مها معصبه : جذببببببببببببه ,وكملت بحتقار: ليكون أنتي الي طالعه تشوفينه ورديتي علينا..
عصبت البنت ووقفت : تحيدين عمرج يالي محد رباج شوفي شكلج اول كيف..
مها والشرر يطاير من عيونها: مربايه أحسن عنج , الا أنتي الفقيره شوفي أبوج شو يشتغل أول شي ..
صرخت الاخصائيه : بـــس أسكتن أحترمني شوي ..
يلسن كل من مها والبنت معصبات , وتمينا نتناقش , لين أعتذرن لنا البنات بصعوبه , وبتهديد من الاخصائيه أن تكتبهن تعهد ..
والكل عرف اننا بريئات , الحمدالله ...
رديت البيت بعد يوم شاق , نمت لي ساعه ...
الساعه ثلاث يلست أرتب عمري حق الطلعه , لبست عباه عمليه شوي وتحتها بنلطون بنفسجي سكيني ,وقيمص رمادي مع بنفسجي..
حطيت لي جحال , وبودره , الصراحه مها تقولي الجحال ووايد حلو في عيوني .
وصلت أربع ,صليت صلاة العصر ,و شيلت شنطتي ولبست شيلتي على السريع .. ونزلت تحت ..
أنتظر مها تي مع الدريول ...
مرت ربع ساعه , دخل علي الصاله , وعقد حواجبه يوم شافني ...
وقال: وين سايره ؟؟
أطالعته بخوف أنه يمنعني عن الطلعه :بسير مكان ..
علي بعصبيه: وين ها المكان ؟؟؟
توترت: الحديقه ..
علي : أي حديقه ؟؟
قلت : حديقة ******...
علي : ويا منوه ؟؟
تنفست برعب وجذبت : ويا ربيعاتي مع دريول وحده منهن ..
سكت علي يفكر وبعدين قال: أوكــيه بس لالاتتأخرين لو يتي بعد تسع ياويلج .
أبتسمت بفرحه : أوكــيه ..
كنت بروح بس علي وقفني : نوره ..
أطالعت صوبه, وقال: ماعندج تلفون صح ؟؟
قلت : هيه ..
قال وهو يمد يده صوبي بموبايل : خذي هذا , تلفون ما احتاجه فيه رصيد وبطاقه , ورقمي مخزن فيه لو محتاجه أي شي أتصلي ..
بترددت خذته منه وقلت: شكرا ...
وشوي وأسمع صوت هرن سيارة مها , أول ماركبت السياره ...سلمت على ومها ...
أطالعت مها التلفون الي بيدي وقالت: مبرووووووك أخيراً ...
أبتسمت : الله يبارك فيج , ولد خالي توه عاطني أياه ..
مها: والله زين أفتكر فيييج ...
رحن الحديقه والصراحه قضينا وقت حلووو , ماخلينا لعبه مالعبناها...
على الساعه سبع , حسيت بمها متوتره , ومالها بارض تلعب ...
يلسنا على العشب خمس دقايق, ساكتات ...
وبعدها وقفت مها بعد مايتها مكالمه , ويلست تتكلم بتلفون فتره , وبعدها سكرت ويت صوبي ..
وقالت: تعالي نطلع من الحديقه أنا الصراحه ملليت , بروح نتحوط بالسياره شو رايج ..
وقفت : أوكــيه ..
طلعنا برع الحديقه , ننتظر السياره بس شوي تأخرت , ويلست مها تتصل ..
بعد ماخلصت الاتصال أطالعت صوبي وقالت: أخوي بيي يشلنا ..
خفت وقلت: عيــل انا بخلي حد أيي يشلني و ..
قاطعتني مها وقالت: أخويه مابياكلج وأنا وياج لا تخافين ...
قلت بتردد : بس أستحي ..
مها: ماعليج عادي مثل اخوج ..
سكت ولا رديت عليها صدق خايفه أركب مع واحد غريب , بس عادي مابسوي فيني شي ومها معايه ..
وقفت سيارت رنج جدامنا , أطالعتني مها وقالت : يالله هاذي السياره ركبي..
ركبت مها وركبت وراها في الكرسي الوراني ...
قلت : السلام عليكم ...
أطالع صوبي بلا مستحى وقال: مــرحبــا الســاع ... شحالج نوره ؟؟
أنصدمت منه كيف يعرف أسمي وقلت : الحمدالله .. وسكت مستحيه منه ...
شفت نظراته الي قهرتني , في المنظره الصغيره , شوي ويبتسم لي..
الصراحه ندمت اني ركبت معااااااااااه أشد ندم , وأني سمعت كلام مها , نظراته خايسه , ومقرفه , تم يسوالف ويحاول معايه أني أسوالف وياه بس انا ماأرد الا بكلمات مختصره ...
خذنا لنا عشاء عباره عن سندويشات ...وكلينها في السياره , وبعدين وصلوني البيت ...
أرتحت يوم وصلت البيت لاني صدق كنت مختنقه يوم كنت وياهم ...
سرت غرفتي وبندت الباب وغفلته ويلست على شبريتي أفكر بالي سويته اليوم ركبت مع ريال غريب ماأعرفه بس لمجرد أني أعرف أخته ...
أه أحس نفسي تأنبني , خنت خالي إلي ميلسني في بيته , بس أنا ماسويت شي غلط يعني ماخنته...
أبعدت نفسي عن ها الافكار وسرت خذيت لي شاور وصليت ,ووطيت راسي ورقدت ....
مر أسبـــوع عادي مافيه شي يديد الا من المدرسه إلى البيت ...
الاربعاء أتصلت عليه مها الساعه 10 فليل ..
رديت عليها : هلا مها ..
مها: أهلين كيفج ؟؟
قلت: الحمدالله نعسانه شوي ..
ضحكت وقالت : ههههه مي تو حبيبتي ..
سكتت مها دقيقه وبعدين تكلمت : أممم شو رايج باجر نطلع مع ناصــر أخويه ..
قلت بسرعه: لالا ماقدر ..
مها : نوره تخلــيج , والله بس ها المره , بودينا البر ويمكن نسوق الدراجات بعد..
سكت شوي , شو بخسر أنا ترا معايه أخته عادي: أوكــيه خلااااص..
سكرت عن مها وانا ندمانه أني واقفت , مادري حاسه بخوف فضييييييييع من هاي السيره ...
يا يوم الخميس ومرت الساعات الدراسيه بسرعه وردينا البيت , الصراحه ماقدرت ارقد الظهر خايفه , صح حاولت مع مها في المدرسه أني خلاص ماأبا أروح , بس قالت أنها بتزعل مني أن مارحت وأن أنا عطيتها كلمه وخلااااص ...
تلبست بنطلون كالعاده ,وفوقه عباه عمليه ...
على الساعه خمس يت مها , وأتصلت لي تلفون..
طلعت برع , وركبت السياره وأنا متوتره ..
قال ناصر: هلا والله توها منوره السياره ..
أستحيت منه ,وانقهرت من تغزيله فيني ...
رحنا صوب البر, ووقفنا عدال مطعم ..
أطالعنا ناصر وقال :شو من العصاير تبون ؟؟
مها قالت : برتغال ..
أنا سكت أصلا مستحيــه اطلب منه ...
ناصـر: نوره الحلوه شو تبا ؟؟
أطالعته مها بقهر وقالت : أي شي صح نوره ..
قلت بتردد : هيه ..
ناصر: لالالا قولي لي شو في خاطرج ..
بعد محاولات من ناصر قلت : عصير ليمون نعنان ..
نزل ناصر وبعد ربع ســاعه يا وبيده أكياس ..
عطا كل وحده عصيرها , فجيت عصيري بمسحتى ويلست أشرب منه ...
كنا في الدرب , ياااربي أحــس أني ما اقدر افتح عيوني , فيني نعاااس فضيييع , بدون ما احس غمضت عيوني ..

نهاية البــارت الســابع...

14-01-12, 01:39 AM

المشاركة رقم: 9

المعلومات
الكاتب:	سميتكم غلآي
اللقب:	ليلاس متالق

البيانات
التسجيل:	Jun 2011
العضوية:	225481
المشاركات:	466
الجنس	أنثى
معدل التقييم:
نقاط التقييم:	371

االدولة

مدونتي

الإتصالات
الحالة:
وسائل الإتصال:

كاتب الموضوع : سميتكم غلآي المنتدى : القصص المكتمله من وحي قلم الاعضاء

البارت الثامــن ..

كنا في الدرب , ياااربي أحــس أني ما اقدر افتح عيوني , فيني نعاااس فضيييع , بدون ما احس غمضت عيوني ..
: شكله المنوم سوى مفعوله ..
: لا تحلم أول شي تعطيني إلي أباه وبعدين أسلمك أياها ..
: مها فكينــا بعديــن بعطيج أياه , الحين مش موجود عندي ..
:قلت لك تعطيني أياه وأسلمك نــوره ..أما غير هذا فلا ..
: بــس اليوم ماعندي باجــر بيوصلني وبعطيج اياه , يالله نزلي ..
: نــاصر , أنــا متفقه وياك أنه سلم وأستلم وغير هذا ماشي ..
: يعني ماتفهمين أقولج اليوم مستحيــل أيبلج أياه ..
: عيل خلااااص مره ثانيه , اليوم مابتلمسها ..
: مها , صدقيني بــاجر بيبلج أياه ..خليــني اليوم أخذ إلي أباه ..
: أسفه , ماشي ...
.................................................. ..............................
فتحت عيوني بصعوبه , وراسي يعورني مــادري ليش...
كنت طايحه على ريول مها , عقدت حواجبي شو يابني هنيه ..
أبتسمت مها : صح النوم ...
قمت عن ريولها وقلت : كيف رقدت ..
مها : ما أدريبج شكلج ماتتحملين السياره ..
أستغربت أول مره يستوي فيني جي , ياربي بعــد أحس بتعب غريب ...
يلست وأنا صدق يالله أفج عيوني ..
قالت مها : وصلنا بيتكم ...
أطالعت مها بستغراب : ليش مابروح البر ...
مها: شوفي الساعه كم ..
أطالعت ساعتي , حطيت يدي على فمي يوم شفت الساعه , كانت الساعه6 ونص .. يااربي كيف رقدت ها الكثر ..
كان ناصــر ساكت ولاقال شي , نزلت وأنا صدق دايخه ..
رحت غرفتي وغفلت الباب عليه , ونمت ...
صوت دق الباب وعاني , قلت بصوت مرتجف: من ؟؟
سمعت صوت حرمة خالي : نوره قومي تعشي ؟؟
يلست على شبريتي بتعب وقلت: أن شاء الله يايه ..
طالعت الساعه كانت 8 ونص ..
قمت بكسل ورحت الحمام وغسلت ويهي , وبعدها لبست شيلتي وطلعت ..
كنت نازله من السلم , يتني دوخه بغيت أطيح بس الحمدالله أني تمسكت بحد السلم ...
ياربي شو فيني يمكن لأني ماكلت شي طول اليوم ...
وصلت غرفة الطعام , لقيت علي وحرمة خالي, وعايشه وعلياء وعبدالله الموجودين بس ..
يلست على واحد من الكراسي ..
حطوا العشاء, من شفته أنسدت نفسي , مالي أخاطر أكل شي أبدا , مع أني أحس باليوع ..
وقفت , أطالعتني حرمة خالي وقالت : وين , يلسي كلي ؟؟
قلت وأنا أحاول ما ابين التعب الي فيني : مالي نفس , شبعانه ..
مشيت شوي ...
ماحسيت بعمري الا والدنيا مظلمه ..
فتحت عيوني وأنا أشوفهم ملتفين حولي ...ورحت في عالم ثاني ..وكأني في حلم
: محــمد وينك ,ليــش روحت وخليتني ..
: شو فيها البنت بسم الله ..
:علي أكرهك تفهم ما احبك ليش تخلي محمد يزعل عليه كله منك أنته .
: أمي لالالا شكلها البنت مب صاحيه خلوني أوديها المستشفى ..
: يالله بســرعه عايشه يبي عباتها ...
...............................
فتحت عيوني , على صوت علي ...
قمت بتعب , أستغربت وين أنا ...
اطالعت المكان , سياره !! ...
قالي علي : تقدرين تمشين ولا أيب لج كرسي ...
هزيت براسي بنعم , عقدت علي حواجبه : يعني تقدرين تمشين متأكده ؟؟
هزيت راسي بنعم مره ثانيه , ووقفت بتعب أحس عمري تعبــانه صدق ...
حسيت بدوخه , مسكت بالسياره بسرعه عن أطيح , تقرب علي مني بخوف وقال: شو فيج..؟؟
قلت : مــاشي ..
عدلت وقفتي , وحاولت أتغلب على التعب الي فيني , مشيت وأنا أحس عمري شوي وبطيح , بس حاولت قد ما أقدر أني أتماسك ...
وصلنا الطواري , وقفت عدال علي وهو يرمس الرسبشن ...
وبعدها يت النيرس , وودتني غرفه وخذت مني دم ....
وبعدها وصلتني غرفة الانتظار, يلست صدق وأنا أحس أن حيلي منهد ..
مرت 15 دقيقه أوأكــثر, سمعت النيرس تناديني ..
طلعت لقيت علي واقف , أطالعني وقال : تعالي ..
رحنا غرفة الدكتور , دخلنا أنا وعلي مع بعض ...ويلسنا على الكراسي الي مجابله طاولة الدكتور ..
يلس الدكتور يطالع الاوراق ويطالعنا ...
وبعدها نزلهن , ورفع نظارته شوي عن خشمه وقال: أنتِ البنت نوره ؟؟
قلت بصوت واطي: هيه ..
قال الدكتور : فيكي نص تغذيه , وحديد وفيتامينات ..
نزل النظاره شوي عن خشمه وقال: أنتِ قاتك الدوره الشهريه ..
حسيت بالحراره ترتفع في ويهي , بلعت ريجي وأنا اطالع علي بمستحى وقلت : هيه ..
قال الدكتور : أيوا وفي شي خطــير تاني , نسبه مخدر في الدم موكوده فيكي..
فتحت فمي بــصدمه , شو مخدره , وأنا طول اليوم ماكلت شي , أصلا من وين يا ها المخدر ...
علي بصدمه: مخدر ..
أطالعني الدكتور وقال: داه المخدر , سبب لكي الدوخه ولان فيكي نقص تغذيه وحديد فهو أثر بشكل كبير عليكي..
رفع الدكتور نظارته مره ثانيه وقال: أخت نوره , ديه قضيه كبيره, مين الا وضع ليكي المخدر داه ؟؟
تذكــرت مها , مــعــقوله حطوا لي المخدر وأصلا ماطاح فمي اليوم الا هذاكِ العصير, وصح نمت عندهم في الســياره , ياااااربي ليش سواو جي ...
تميت أنتفض بخوف , معقوله مها وناصر سواو بي شي..
لالا ماظن ...مش معقوله مها ووايد طيبه معايه ..بس من وين يا ها المخدره ..
تكلم الدكتور : كيف أخذتيه ؟؟
سكت وأنا أطالعه خاايفه وأرتجف وعلي واقف فوق راسي يطالع الدكتور وهو مستغرب ..
علي تكلم : دكتور شو تقول أنته , شو مخدره ,وقضيه كبيره بعد , شو السالفه؟؟
اطالع الدكتور علي وقال: اينته مين تكون , أخوها ؟؟
علي: لا, ولد خالها ..
أطالعني الدكتور وبعدين اطالع علي وقال : لو سمحت ممكن تخورج برع , عاوز أكلمها على انفراد ...
اطالعني علي وبعدين أطالع الدكتور , الي يطالعه بنظره يعني اطلع ..
طلع علي وهو متردد , تميـت أراقبه لين سكر الباب ..
حولت نظري للدكتور وأنا خايفه ووايد, عقد حواجــبه وقال: يالله أولي كيف أخذتيه أو مين الي وضع ليكي ده المخدر ؟؟
بلعت ريجي بخوف , أصلااا ماعرف شو أقول , تميت اطالعه وأنا صدق أرتجف بخووووف ...
قال الدكتور: أهدي , أنا مش هعمل لكي حاقه , بس يانوره ده المخدره أذا كان أحد وضعه لكي فهو ممكن كان وده يختطفك أو يعتدي عليكي..
حطيت يدي على فمي بخوف , يخطفني أو يعتدي عليه !!!!!!!!
مــعقول سواو بي شي , لالالالالالا ماظن , زاد تنفسي وأنا أتذكر نظرات ناصر لي , وتصرفات مها المتوتره .... واصرارها أن نروح البــر ...
قال الدكــتور: يعني في أحد وضع ليكي ده المخدر؟؟
صرخت بخوووف: لاااااااااااااااااااااااااااااا...
عدل نظارته وقال: أيه الي لا !!!..
حــاولت أدور جــذبه مستحــيل أقول أني سرت ويا مها وناصر وعطوني مخدر , علي لو عرف ممكن يجتلني وأهــلي كـــلهم وخاصتنا أمـــي ..
تنفست بصعوبه وأنا أقول متعلثمه وبخوف: دكــتور بطني كان يعورني ووايد من الدوره وخذيت ها الدواء ..
عقد الدكتور حواجبه مره ثانيه وقال: بس كان ممكن تأخذين بروفين أو أي شي تاني مش مخدر..
قلت بسرعه: صديقتي نصحتني به , فأخذته ...
أطالعني الدكتور وكأنه مش مصدقني بس قال: أوكي اخت نوره بس مره تانيه ماتاخذيه ...
قلت: اوكي دكتور ..
وقفت , وحسيت بتعب ويلست مره ثانيه على الكرسي ...
دخلت النيرس وقال لها الدكتور : خوذي البنت حوطي لها مغذي ..
خذتني النيرس معها لغرفه , وأنسدحت على السرير إلي كان موجود فيها..
شوي ويدخــل علي ببتسامه وقال : حد ياخذ منوم , لو خذيتي لج بندول او بروفين أحسن وسكت وبعدين كمل : يعني لهدرجه كان يعورج بطنج علشان تاخذين منوم , والله أنج ضحكتيني..
سكت ولا رديت عليه , لان عقلي مب ويايه , ياربي والله أحسسس عمري بموووووووت من الخوف...
ليش سواو جي أبــا أفهم ليش!! , معــقوله نــاصر أعتدى عــليه , صح حسيت بتعب في جسمي بعد ماقمت ....
نزلت دموعي , والندم ياكلــني , معــقوله فقدت شرفي ....
خلاااااص حــياتي رااااااحت , ليــش وثقت بمهــا ليش رحت معاها , بعد نص ساعه , خوزت النيرس المغذي عني , قمت وأنا أرتجـــف ...
بغيت أطيــح بس يد علي قبضتني , وقال للنيرس: يبي كرسي حقها ..
ردني ويلسني على السرير , حطيت راسي أمبين يدي والافكار تيبني وتاخذني ..
بعد دقايق يت النيرس ومعاها الكرسي , ساعدتني أركبه ...
بس أنا في عالم ثاني , في عالم الخوف والالم والندمـــ ....
ساعدني علي أني أركب السياره في الكرسي الوراني , أنسدحت في السياره
والدموع تنزل من عيوني بغزاره , غمضت عيوني بألم , ليـــش جي يستوي بي ..
لـيش مها تسوي فيني جي أنا ماسويت بها شي ولا مره أذيتها ...حراااااااام عليها.
وصلنا البيت , أستقبلني عايشه وحرمة خالي وودني غرفتي , انسدحت على شبريتي وغطيت عمري باللحاف , يلست أصيييييييييييييييييييييييح وأصييييييييح , بخوف , وندم ...
شو أسوي الحين , ماشي بيدي ...
فزيت يالسه وانا أفكر , ماأظن سواو بي شيء , أحساسي انهم ماسواو شيء .
بس أنا شو دراني يمكن سوى ناصــر بي شي , أمممممممممممممي أرعبتني فكرة أن نــاصر لمسني , ليش حـــياتي معقده جي , قبل نـــادر وسلمت منه والحين نـــاصر مــادر أذا سوى بي شيء ...
عشـــت الايام الباقيــه في رعـــب حتى أني غبت عن المدرســه الاحــد ,والاثنين , بحجة أني تعــبان وطول الأيام يــالسه في غرفتـــي ... حتى الاكــل مايطيــح بطني .. و حتــى أتصالات مــها ما أرد عليهن ...
مره يت حرمة خالي مهره عندي في الحجره وقالت: نــوره شو ناويــه تجتلين عمرج أنتـــِ؟؟
نزلت راسي تحت أحــاول أن دموعي ماتنزل وقلت : مالــي نفس ...
مهره: لالا الحيــن تنزلين معايه ونتعشى رباعه ...
قلت : بــس أنــــا..
قاطعتني: لابس ولاشــي يالله قومي...
نزلت غصبن عني , وتعشيت , الصراحه ماكلت ووايد لان إلي فــيني مايـساعد
أني أكل شي ..
رديت غرفتي , أطالعت تلفوني يالله مها متصله حوالي 10 مرات ...
شوي ويدق التلفون , أطالعته أففففففففففف هاي بعدها ماملت من الاتصال.
بتردد رفعت التلفون لذني ورديت : ألووو..
ياني صوت مها العالي: وينــــج أنتِ مالج حس, وماتردين عليه ..
قلت بصوت تعبــان : مريــضه ..
قالت بصوت خفيف: متأكــده , شو فـيج ؟؟
أرتجفت ياربي , ماأقدر أكلمها أحس اني بصييح أستويت صدق أكرهها وأكره صوتها ...
قلت : مريضه ,حمى, وزجام فيــني ..
مها: أهــا , سلامااات , بتين باجــر المدرسه ..
قلت وأنا ودي أبند في ويها : ان شاء الله ..
مها: زين والله أشتقنا لج وووايد ..
خلااااص طفح الكيل عندي , قلت بسرعه : مها اخليــج الحين برقــد تعــبانه ..
مها: أوكيه تصبحيــن على خــير ...
بندت عن مها , وطحت على شبريتي , أفففففف باجر بشوف ويها في المدرســه ..
باليوم الثاني نشيت الصبح بكسل ورحت المدرسه متأخره بــعد , كل البــنات تحمدن لي بالســلامه , ومها طول اليوم مجابلتني , احاول أشــرد عنها بس هي لصقه فيــني ..
في الفسحه ..
مها: نــاصر , يسلم عليج ...
أطالعتها بصدمــه , وسكت ماعرف شو أقول وقلت بصوت واطي : الله يسلمه , وفي نفسي : يعلــكم ماتعينون خــير لاأنتِ ولا أخوج ..
مها بتوتر : شو رايج ها الخميس نطلع نحوط مع نــاصر ..
قلت بصدمه : ها ..
مها : نغير جو..
قلت بســرعه : سوري عندنا عزيمه ها الخميس ..
مها: أنزين , الجمعه أوالسبت ..
قلت بخوف: لالا ماقدر لان بروح يوم الجمعه عند الاهل والسبت عزيمه بعد..
أطالعتني مها بتشكيك : مره ماتقدرين عادي قوليهم بسير يا ربيعتي ..
بلعت ريجي وقلت: لالا ماقدر مابخلوني ..
مها : أوكي الاسبوع الياي بنسير ..
قلت: يصير خير ...
مرت ثلاث أسابيع , وأنا أعتذر لمها اني ماقدر أروح معاها وأيب أي جذبــه تخطر في بالي... حسيت أنها شكت فيني وفي تصرفاتي ...
ومره قالت لي : أنتي خايــفه تروحيــن معايه صح ..
قلت بتوتر : لالالا صدقيني الظروف..
سكتت عني ولا قالت شي ...
مر اليوم عادي ... الفليل الساعه 10
طحت على شبريتي وفيني نعـاس فضيييييييع ....ونمت ...
نشيت الفــير , وأطالعت الســاعه الي كانت عدالي , كانت 6 ونص ...
ياربي أحــس بلوعه خفيفه..
وقفت وحسيت بدوره ويلست بسرعه على شبريتي ... ياربي شو فيني ...
شوي واحس بلوعه فضيييعه ...
قمت ركض على الحمــــــــــام وطلعت كل الي كان في بطنــي ..

نهاية الــبارت الثامن..

14-01-12, 01:43 AM

المشاركة رقم: 10

المعلومات
الكاتب:	سميتكم غلآي
اللقب:	ليلاس متالق

البيانات
التسجيل:	Jun 2011
العضوية:	225481
المشاركات:	466
الجنس	أنثى
معدل التقييم:
نقاط التقييم:	371

االدولة

مدونتي

الإتصالات
الحالة:
وسائل الإتصال:

كاتب الموضوع : سميتكم غلآي المنتدى : القصص المكتمله من وحي قلم الاعضاء

البــارت التـــاسع ...

يلست تحت , وأنا أحـــس عمري تــعبــانه ووايد , شو فــيني ...
ها الايــام أحس عمري صدق تــعبــانه وكسلانـــه , وبــطني يعورني ...
قمت توضيت وصليت الفــير , وتلبست حق المدرســـه , نزلت تحت لقيت أمي وخالي وعلي .... يتريقون ....
أنضميت لهم , وسلمت على خالي , ويلست بدون أي كلــمه, التفت خالي صوبي وقال: صــباح الخــير نوره , شو اصبحتي اليــوم ..؟؟
رديت برد مختصر : الحــمدالله ...
خذيت لي كوب حلــيب ويلــست أشــربه , بـدون أي كلمه ...
حســيت بلوووعه من وصل الحليب في حلجي, حطيت يدي على فمي بسرعـــه , أمنع نفسي أني اطلع الحليب , قمت ركض على الحمام ويلست أكح ....
شرقت بالحليب , حسيت بلوعه من نفسي أني شرقت بالحـلــيب , وطلعت كل الحلــيب الي نزل في بطنــي ..
سمعت صوت أمي : شــو فــيج ؟؟؟
ما قــدرت أرد عليها لاني في حاله ما يعلمها الا الله , حطيت راسي على المغــسل أخذ نفس , بعد ماحسيت عمري شوي بخــير رفعت راسي وقلت بصوت مخنوق: مــاشــي ... يمكن كليت شي فاسد ..
لفيت بطلع من الحمام , شفت علي وخالي واقفين مع أمي..
تقرب مني خالي وحط يده على جتفي وقال: تــعبــانه تبين أوديــج المستشفى .؟
هزيت راسي بلا , عقد خالي حــواجــبه وقال : متأكـده ؟؟
قــلت: هيه ..
رديت ويلست على الغنــفه , أحــس بيوع بــس ما اقــدر اكل كل ما اكل شي خاطري أزوعه ..
غمضت عــيوني ..
سمعت صوت علي يتكلم بالتلفون ..
علي: هــلا والله بالقاطع ...
علي : كلــنا بخــير وسهاله..
وتم يسوالف ما عطيت أي أهتمام له, وبــعدين قال: تبا تــرمس أبـويه ..
علي: أوكــيه .. صد علي صوب خالي وقال: أبــويه محمد يبا يرمسك ؟؟
من سمعت أسم محمد فزيت واقفه واطالعت علي إلي عطا خالي التلفون ..
ورفع علي عينه صوبي ,وابتسم يوم شافني واقفه ..
تكلم خالي في التلفون وبعدين عطاه علي , سرت صوب علي وتميت أطالعه , حاس علي بوزه وهو يشوفني , وبعدين قال : محمد نوره تبا ترمســك ..
ومد بالتلفون صوبي , خذيته بتردد وقلت: الســلام عليكم ..
بعد خمس ثواني رد عليه : وعليكم السلام ..
وسكت وبعدها قال : شحالج؟؟
رديت بتردد: بخــير , وأنـ وأنـته أخبــارك ؟؟
قال : الحــمدالله ...
وسكت كل منا لدقيقه ..
أستجمعت شجاعتي وقلت: محمــد!!!
مارد عليه , قلت مره ثانيه : مــحـمد وينك؟؟
أخــيرا تكلم محمد وقال: اخلــيج الحين , شوي مشغول مع السلامه ...وسكــر ...
بعدت التلفون عن ذني وأنا أطالعه , لــيش مستوي جااف جي معي لــيــش..
نزلت دموعي , رفعت نظري صوب علي , لقيته عاقد حــواجبه ,قال: لــيش أتصحيــن , شو قال لج ؟؟؟
هزيت راسي بلا , ورحت غرفتي , وطحت على شبــريتي أصــيح ...
أظن محمــد يكرهنــي ,. بــروحي انا كارها نــفسي من بــعد سالفــة المخدر.
سمعت دق على بابي ,وصوت حرمة خالي : نوره يالله قومي روحي المدرســه ؟؟
قمت وغسلت ويهي , مالي خــاطر أروح المدرســه , بــس ما اقــدر عليه إمتحان ...
نزلت تحت , شفت خالي يالس يقرأ جــريده , خالي لزم يقرأ كل صــباح الجريده قبــل مايروح الدوام طبعــا جريدة أمــس ...
رفع عينه عن الجــريده وأطالعني وقال: نوره لــيش بتروحــين المدرســه وأنتِ تعبانه ؟؟
قلت بتعب : علــيه إمتحان وان غبت الابله مابتعيده لي ...
خالي ســعيد : فديــتج كيف بتسيرين المدرسه وجي ويهج , إذا تعبتي أو شي اتصلي فيني , وسكت وبعدين كمل: قــبل ماتسيرين كلي لج شي..
قلت بسرعــه: خالي ماأشتهي ..
وقف خالي وخذ خبزه من طاولة الطعام وحط فيها جبنه وعطاني أياها , أطالعته بصدمــه , وخذيتها بتردد ....
ولفيت رايحه وأنا أداري دموعي , حسيت بحنــانه , أول مــره احــس حد مهتم فــيني بها الشكل من زمان فاقده مثل ها الحنان, أول مــره حد يسوي ها الحركــه لي , لا مش اول مــره , أبــويه كان يسوي لي جي ...
أه أتمنى لو ابــويه عاايش الحين , كــنت مابضيع جي ...
يلــست أكل الخبزه في الــسياره , نزلت المدرســه وأنا صدق مالي خاطر أجابل ويه مها ...
أســتغــربت من مهــا أنها ما عطتني ســالفــه , ومايلســت ويايه , شكــلها لقت بنت ثــانيه , هيه شفت معاها بنت يديده , الــصــراحه أنقهرت من مها ليــش تروح مع ها البنت..
حسيـــت بغيره فــضيييعه منها...
هزيت راسي أنفض عني ها الافكار , شــو ها..!! بعد إلي سوته مهـــا فيني , بعدني أباها ربيعه...
والله أني محــتاره من عمري , لــيش بعدنــي جي متعلقه بمها , ليــش ؟؟
يمكن لانهــا أول بنت تكــون قــريبه مني جي ..
دخلت الصف , ولقيت بــنات الصف يالســات يسوالفن ويضحكن , تــقربت منهن بتردد ويلست قريب منهن ..
كــانت سوالفهن عن خــواتهن , وشو يسون في البيت , وعن يداتهن وعن الرســوم المتحــركه ..
بنــات بريئات !!!
أحـزني حالي وأن فرق أمبين كلامنا أنا ومها وكلامهن ..
أنا ومها كل كــلامنا عن الشبــاب ...
حسيت أن كرهي لمها زاد....
كملت يومي الدراسي , وألم بطنــي يزيــد , بس متجاهلتنه , يمكن ماكله شي فاســد ... هذا الي يا بالي .. أصــلا أنا شو أكــل , حتى أنــي أحس عمري أستويت هيكل عظمي من قلة الاكــل ..
على أخـــر الدوام يتني مهــا ببتسامه وقالت : أخـــبارج اليوم ؟؟
استغربت منها مع أنها طول اليوم تشوفنــي جدامها بس مارمستني ..
قلت بختصار : بخير ...
مهــا يلست عدالي وقالت: امس رمست أمج وقلت لها بنروح نتحوط أنا وأنتي اليوم فقالت عــادي سيروا ...
بطلت فمي بصدمه , هاي تخطط على كيفها , وفقت وقلت: سمحيلي مابــسيــر , مشــغوله اليوم..
مها بضيجه: قلت حق أمــج واوفقت أنتِ شو عليج خلينا نسير نستانس شوي, والشغل أجليه ..
نوره : بــس أنا ما أبا مب غصب ..
مها : أبــا أعرف لــيش أنتِ متغيره عليه جي ؟؟
قلت بتوتر: مهــا تخــليج مب متغيره ولا شي..
زاد ويع بطني من التوتر , حسيت بدورت راس فيني ما أقدر أوقف خلااااص , يلست على الكرسي بتعب وحطيت يدايه على راسي بألم ...
اللوعــه يتني مره ثانــيه , ماأقــدر أتحمــل , خلااااص ..
مها وبنبرت خــوف : نــوره شو فــيج ؟؟
قلت بصوت مرتجف: مـــاشي ..
رفعت راسي بعــد ماحسيت أن اللوعــه راحت , وقمت رايحــه ..
نادتني مها بــس ما رديت عليها ورحت سيــده وركبت سيارتنا , كان علي ياي يشلني , يوم شافني أبتسم وقال:هــلا نــوره ؟؟
قلت : أهــلين ..
وسكت طول الدرب لان جبدي لايعــه ومالي خــاطر أتكلم , حاول علي يتكلم معايه , بــس أنــا ما ارد عليه ... متجاهلتنه ...
مر الــيوم وأنا حابسه عمري في الغــرفه ...
نشيت الســاعه 5 الــفير , على ألم بطني إلي زاد , ورحت الحمام اطلع كل الي في بطــني ..
رديت ويلست على شبريتي وأنا أحــس بطني منتفخ شوي ومستوي مثل الحصاه...
ياربــي شو فيــني ماأظن هذا تسمم , طحت على شبريتي وأنا مقرره اليوم ما أروح المــدرســه خــلااااص ..
نمت شوي أحــاول أني أخفف الم بطــني ...
نشيت واطالعت موبايلي , كـانت الســاعه 9 , شكلي رقــدت ووايد , انجلبت على طرفي اليمين بتعب , أه بطــني يعورني موووت ...
قمت بتعب وغسلت ويهي , وبعدها سرت صوب الكمبيوتر وشغلته ..
من زمــان مادخــلت الجــات , من بــعد سريتي مع مــها ونــاصر ..
يلست افــكر أدخــله ولا , بــس في الاخــير تعايزت أدخــله مالي خــاطر ...
حطيت غوغل , ويلست افــكر شو أكــتب ..
أممم أي بطني يعورني أعتدلت بتعب , أه ليــش ما اكتب عن الي فيني ...
كتبت بتردد(( ماهي أعراض التقيىء والدوخه ))؟؟
ضغط بـحث ...
ثواني وفــتح ..
فتحـــت عيوني وانا اشـــوف مكتوب ..
أعــــــــــراض الحـــمـــل ....
أعـــراض الحـــمــل...
بدا قــلــبـي يدق بســــرعه وبعنـــــف ...
قريت أول كلمتين مكتوبات في أول البحث وهن أعراض الحــمل , وبعدها نزلت عيوني على سطور الموضوع إلي طالعه ...
الشعوربالتعب والإجهاد..
غثيان مع قيء وخاصتنا في الصبــاح..
انتفاخ في البطن و شعور بالامتلاء..
بندت الــصفـحه بســرعه وبخــوف, لالالالالالالا مش معــقولــه أكــون حــامل ...لالالا, بــس كل الاعــراض ادل عليه ..
طحت على شبريتي , وأنا اصــــــــيح بخوف...
شعــوري ما اقدر اوصفه , أصلا كأني أحلم , مــعقولـه حامـــل معــقوله نــاصر أعتدى عليه ..
شو بســـوي الحــين , كيف بتصرف , مــنو اخبـــــــــــر , أصــــلا مســتحيل أخبر حــد مستحــيل..
ياااااااااربي شو أســـــوي شو ها المصبيه, كـــــــله من مهــا كله منها , لــيش اروح معاها ليش!!..
بدون حاســيه قبضت موبايلي ودقيت رقم مهــا ...
رن ورن ورن بس بــدون رد ..
فريت الموبايل بكــل قوة على الارض, الخــايسه ماترد عليــه , خشيت راسي تحت المخده ويلست أصييييييح صياااح اليهد ...
وقفت متوتره , ياااربي شو اسوي شو الحــل الحين , ويلست أضرب بطــني من القــهر ...
أيييييييي عورني بطني بشــكل فضييع من الضرب, قبضته بألم, ويلست على الارض ..
وانسدحت وحطيت يدي تحت راسي , ودموعي تنزل , لــيش الحــياه قــاسيه عليه جــي ..
ياليييييييييييييييتج يا أمــي كنتي قربيه مني , ياليتج ماخــليتني أطلع مع مهـــا ..
صرخت : أمــــــــي حــرام والله حررام ليـش جي ضيعتيني ليش , ياليتج أهتميتي فيني , عطيتني شويت حــنان , فهمتيني الصح من الغلط ...
سمعت دق على بابي وصوت حرمة خالي : نـوره ما رحتي المدرسـه ..
مسحت دموعــي بســرعه وقلت : مارحت خالوه ..
مهره : ليــش , شي يعورج ؟؟
قلت بصوت مرتجف : شوي تعبــانه ..
مهره : فجي البــاب ..
خفــت ووايد , وقمت بــسرعه ورحت الحمــام , شفت ويهي في المنظره كانت عيوني متنفخــه وويهي أحــمر وباين أني صايحه ...
غسلت ويهي ...
سمعت دق البــاب مره ثانيه : نوره ؟؟
سرت صوب البــاب وفتحته , وأنا منزله راســي ..
سمعت صوت خالوه مهره : نــوره شو يعورج ؟؟
قلت بدون ما ارفع راسي : راســي يعورني وبطني شوي
خالوه مهره بهتمام : فديــتج يمكن برد صابج ,بسوي لج زعتــر وينسون , عسى يخفف الويع ..
راحت خالوه مهره عنــي ..
والدموع تجمعت في عيوني , والله حـــرام عليه أني سويت بها النــاس الطيبه جي ...
بعد عشــر دقــايق يت خالوه مهره وعطتــني أشرب إلي سوته ..
طلعت عنــي ويلست أشربه , والدموع تنزل من عيوني بـغــزاره ..
مـــر اليوم وأنا في غــرفتي , أعــيش أتعس يوم في حــياتي , وألم بطــني الي كل ماله يــزيد , وكــل مايطيح شي في بطــني أركض على الحمــام واطلعه ..
حــتي الزعــتر والينسون الي سوته خالوه مهره ماتم نص ساعه في بطني ..
حل الليــل وأنا أدور في غرفتــي من ألم بطـني و حالتي الي كــرهتنــي حياتي.
ماأقــدر أيلس جي , لزم ألقــى حل أخـــبر منووه..؟؟؟
عــايشــه , هيه عــايشه يمــكن تتفهمني , وتلقى لي حــل , سرت لباب غرفتي , بس قبل ما أقبض مقبض الباب وقفت..أفــكر ..
عايشــه يــمكن تحتقرني , وتــاخذ فــكره سيئه عني أني سرت مع أخو مــها بدون أي خــوف ..لالا مابقول لها ..فــكرت بعلي ..
علي!!! لا مــستحــيل علي عــادي يجتلــني أن عرف أصــلا ..
رديت ويلست على شبريتي بحــزن , يــارب منو أخبر , خــلاص أحس عمري بموووووووت من الهم ومن التفكير ...
خطرت فـــــــي بــالي أمي , أقــــــول لأمــــي , صــح علاقـــــــتي فيها زفـــــته ..
بـــــس أنا بنتهـــا , يـــمكن ماتحــتقــرني ,عــادي بتحــمل الضــرب الي بيني منها..
لاني خلااااااااص ما اقــدر أتحــمل أكتم اكــثر ..
قمت بشـجاعه , وطلــعت من غـــرفــتي , وصلت غرفـــة أمــي , رفعت يدي بدق البــاب , بس في لحظه تــرددت ونزلت يدي , الشــجاعه كلها راحت منى ..
مــاقــدر , خاااايفه كيف بقولــها , اصــلا كيف بتجراء وبــقولها انــي حــامل , أصــلا بروحهــا كلمة حامل تخوف , يــعني انــا حــامل بالــحرام ..
كــــلمــه كــبيره هذي ...
نزلن دمـــــــــوعي والله تعــبت خــلاص ما اقدر أتحــمل , تعبت وووالله تعــبت وووايد , رفعت يدي صوب ويهي ويلست اصيــح بصوت مسموع.
مسحت دموعي بســرعه , لزم أخــبرها عــلشان أرتاح لو شوي بس ...
دقيت البــاب , سمعت صوتها : نــعم منوه ؟؟
قلت بصوت مرتجف : أنــا ..
سمعت صوتها المستغرب : نــوره , شو تبين ؟؟؟
فتحت الــباب , ودخلت ووقفت في نص الغــرفه محــتاره ما اعــرف كيف اقــول , رفعت راسي صوب امـــي يوم شفت انها عاقده حــواجــبها واطالعني بستغراب ,خانتني شجاعتي , وكل الكــلمات نسيتهن ..
زاد تعقيد حــواجــبها وهي تقول : شو تبــين .؟؟
مــاقدرت أتحــمل , وأنفجــرت بنوبة صـــياح , ماحــسيت الا بيدين أمــي على جتفي يهزني..
فــاطمه : نوره شو فيج تصحــين ؟؟
تميت أشــاهق , وصــياحي يــزيد , وقلت بصوت متقطع : بمــ بــموووت خــ خــ لا صــ ما أقــ ــد ر أتحــمل تعبت ..
مسحت دموعي وأبتعدت عنها , وأنا أحــاول اكتم شهقاتي ..
حطيت يدي على فمي بسرعه وأنــا أحس بلوعــــــــه , تميت أتهاوع ودي أرجــع ..بس بلعت ريجي أحاول أني ما أرجع..
شفت ويه أمي المســتغــرب بشكل كبير ..
انفجرت بصيــاح : كــله منــج , خــليتني أروح مع مهـــا , كله منــج أهملتني مانصحتــني خلـــيــتني أضـــــــــيع , وأفقد شي مهم , تعــرفــين شو فــيني أنــــــــــا حـــــــامـــــــل ...
أطالعتني أمـــي بــصدمــــــه : شوووووووه ؟؟؟
حسيت بدوره , والدنــيا أظــلمت فجــأه...

نهــاية الــبارت التاسع..