كاتب الموضوع :
زهرة سوداء
المنتدى :
الارشيف
عينا ملاك تلمحك ...... و تقولا عذرا زهرتي ....... ان كان شوكك يجرحك ...... بتلات عودك فرحتي ..... بكل صدق اصارحك ....... ابداع قلمك حالتي ........ سأسير نحوه آملا ....... قد يأتي يوم عامرا ........ اجد السعادة في جوانبه ........
لن تتركينا ...... هل تترك الشمس البريئة ذي الدنى ؟! .......... النور منك و منك جل ابداعنا ........ كم من لعنى علينا تمر ........ لعنة اسمها الحب ...... تعصر المر ....... و لكن مذاقها بحرفك حلو ...... حلم يمر ......
انا لا الوذ بالكلم حتى اوضح احساسي ....... قلبي يعرفك جيدا من بين جموع الناس ...... يا زهرة سوداء طيبها الوان .......... تزين كل الاكوان ..... اعذريني ...... لايليق بقلمك ...... لقب " قلم غارق في النسيان " ....
كده كويس يعني ؟!
طيب مش واكل .... هاه .
و اديني رميت السندوتش اللذيذ علشان خاطرك يا سوسن
مبسوطة كده ؟
عارفة ...... و انا بكتب الكلمات اللي فوق دي محسيتش فيها بلمحة ابداع واحدة حتي ..... بس حسيتها موجهة ليكي و لازم تتقال لك ....... فقلتها ....
فاكرة لما انا نزلت موضوع و قلت اعتزل الكتابة ؟ ...... و الله كنت غلطان ...... رغم اني لو دخلت في مقارنة بين قلمي و قلمك في الكتابة هتبقى خسارتي فادحة ...... لكن برضه غلطان .....
انا مش هقولك انتي مبدعة و الكلام ده لانه كلام معروف للكل و ليكي شخصيا ..... لكن هسألك سؤال ..... لما تبطلي كتابة هتطلعي زهقك من الدنيا في ايه ؟ ...... هتعبري عن فرحتك بحاجة ازاي ؟ ...... هتقيمي قيمة نفسك ككاتبة منين ؟ ..... من واحدة صاحبتك ؟ ..... من زوجك ؟ ....... من قريب او قريبة لكي ؟ ...... من ابنائك .....
شوفي اينعم انتي اختي الكبيرة لكن خديها نصيحة يا بنت الناس
و الله و لا حد من دول هيرضي فضولك في المعرفة ....
انا طول عمري صاحبي كتاب و قلم و ورقة ....
في الاول كان قصص علاء الدين ..... و بعدين قلت اعقل بقى بدأت اقرأ ميكي و فلاش ...... و بعدين دخلت على عمنا نبيل فاروق و عشت اللحظة مع ادهم و منى ^^
و دلوقتي بخبط بقى في يوسف السباعي على دان براون على علاء الاسواني على احلام مستغانمي .....
لكن الكتابة ...... الكتابة دي عمرها و الله العظيم ماحددت ليها مراحل ...... انا ممكن ابقى دان براون و انا بقرأ علاء الدين ........
هي دي الكتابة يا سوسن ...... الكتابة هي تعبيراتك كلها ...... متخيلة معايا ...... بقولك تعبيراتك كلها ...... اللي في حياتك .... غضبك و فرحك و قلقك و يأسك و احباطك ....
محبطة .... صح ؟ ..... بتقولي اهو فيه الم داخلي ..... مش كده ؟
طلعي الالم ده في الورقة و الالم ..... اكتبي مذكراتك .... خرجي شحنة الغضب اللي جواكي ..... صدقيني يا سوسن انتي عندك موهبة كبيييييرة اوي ....... انا ممكن اتعلم كرة قدم و ابقى ميسي بالممارسة ( احم عدوها عدوها ) ...... ممكن اتعلم الغنا و ابقى عبد الحاليم حافظ ( ماقلنا عدوها )
لكن مستحيل اتعلم الكتابة ..... ممكن انمي قدراتي في الكتابة ..... لكن اتعلمها نو واي ( حتة انجليزي علشان ترطب الجو ^^ )
سوسن ...... انا على فكرة رافض حكاية انك تاخديلك يومين نقاهة .... هو انتي خبطاكي عربية علشان تاخدي نقاهة ( بعد الشر يعني الف مرة ^^ ) .....
انتي مينفعش تاخدي نقاهة .... فيه قراء مستنيينك ...... و فيه افكار في دماغك صعب تروح كده ...... لو عندك مشكلة في الدنيا عندك فرح و اخواتها يشيلوا عنك اي هم ....... و لو حاسة انك غلطانة في حاجة عندك كتاب ربنا اقري ايتين ......... و لو حاسة انك مش واخدة حقك ككاتبة شوفي ردود فعل الناس و هتعرفي غلاوتك و حجمك ككاتبة ....... شوفي كده مين اللي رد عليكي ؟ ..... هبه و اوكاليبتوس و اسيل ...... كتاب معروفين و اقوياء ماشاء الله عليهم
حسن الخلق و رفيدة و ايمومس ..... اقوى تلات نقاد في المنتدى تقريبا ككل ....
النصف الاخر ...... عضوة محترمة متعرفيهاش لكنها لما لاقت انك ناوية تعتزلي قالتلك لا ...... عضوة و الله العظيم تستحق كل احترام و تقدير
عهد و كاتيا ...... من ورود المنتدى ..... انا عن نفسي بفرح بشوفتهم قدامي
احساس الورد ..... اختنا البصغنونة و متابعة هايلة و كاتبة مستقبلية
و الشبح يا سوسن ...... عارفة يعني ايه الشبح ..... يعني .........
اه صحيح .... ايه يعني الشبح ....... ؟ ماعلينا
زهرة
هزاري معاكي في الرد ده مش قصدي منه استهزاء بكلامك ..... ابدا قسما بالله
انا اللي اقصده اقابل زعلك ببسمة و انا بتمني تتعكس على وشك و تقتل اي ضيق او الم جواكي ..... لان الم داخلى او خارجي فيكي ..... يبقى اكيد فينا كلنا .......
سلاحك ضد اي الم او حزن او احباط هو قلمك و انتي في المعركة دي ....... كلهم بيخافوا من سلاح القلم ده ....... لكن صدقيني لو سيبتي قلمك سلاحك لحظة واحدة ............................................................ .................................................. هتموتي !!
|
12-01-12, 09:56 PM
جديد مواضيع قسم الارشيف
العرض العادي
