***
من ماضي الوقت تذكـــآر
(3)
****

كان باسم عاكفآ على قرأة ورقه من الاوراق المبعثره بجوار اللاب توب على طاولته
امتدت يده اليمنى بكوب القهوة الفارغ ناحيه بدور / هاتي كافي
ازدحمت على شفتي بدور كلمات الغضب والامتعاض
/ ابي افهم .. انا زوجتك وشريكه حياتك .. والا مجرد قطعه اثاث مالها اي قيمه ؟؟
لاح شبح إبتسامه ساخره واهنه..على شفتي باسم / وشـ مناسبة هالسؤال هالحين ؟؟
بدور / لاترد على سؤالي بسؤال.. ليه ماعلمتني ان زينه فاقت من الغيبوبه وفاقده لذاكرتهآ؟؟
باسم / وهذا انتي عرفتي .. وشـ تقدرين تسوين ؟؟؟
رعشة تسري بأوصاليها وأطراف أصابعها..ورغبه جامحة في البكاء

اي رجل انت ؟؟
مانوع ذلك القلب الذي يضخ مثل دمك؟؟؟

رفعت راسهآآ بتحدي مليء بالغرور / بتشوووف وشــ اقدر اسووي !!!

::



هزت زينه رأسها...آآآه..
ثم رفعت يدها تتحسس عنقها..وراسها للتتأكد من خلوها من الرضوض
واخيرآ تنفست بعمق و فتحت عيناها بالتدريج
مرت دقائق...لتستوعب ما حولها
وتبتسم شفتاهآ..لملامح تألفها
قالت / كبرتي ياماما .. لكن ملامحك ماتغيرت كثــير
كانت تنظر لنور بلهفه وتتفحص ملامحها بدقه وتركيز ارعبت الطفله
قالت وهي تفتح ذراعيها / تعالي .. قربي مني حبيبتي
تراجعت نور للخلف جزعآ / مآآبي .. مآآبي .. وخرجت مسرعه
اندفعت زينه خلفهآ ..وعيناها تتفحصان المكان
والهدوء الذي يعم الارجاء يساعدهآ على الاسترسال بالذكرياات
( الف حمد وشكر لك ياارب ..نور ماصار لها شي بالحادث .. بس بندر وشـ صاار عليه ؟؟)

سارت بالممرات وبين الغرف.. تستجدي ذاكرتها لتجود عليها بالذكرياات
هذة غرفه الضيوف
وهذة غرفه طفلتنا نوور ..
وهذة الغرفه ببابها المفتوح تحمل اجمل ذكرياتي مع بندر
صوت حوار ساخن اقتحم هدوء المكان
ومن خلال الباب المفتوح...التقطت كلماتهما
ديمــــآ / زينه .. زينه..!! حرام عليك ياابندر .. راعي مشااعري شووي
شهقت زينه بهلع وهي تسمع صوت تعرف صااحبه
بندر/ يااحياتي ونور عيني .. ام فهودي انتي نبض قلبي والله ..
زينه ماتعني لي اي شي .. ومايربطني فيهاا غير نوور وبس
وحضنها اكثر / انتي شايفه حالتها اللي تصعب عالكافر.. والطبيب يقول نسبه استرجااع الذاكره
عندهآآ ماتتعدى 20 بالميه ..فاعتبريهاا مو موجوده .. او ماتت .. اوللحين فاقده لوعيهاا
مايفرق حبيبتي دامنا سوآآ
ديمآ / طيب يالله بسرعه خذ اللي تبيه من الملابس وارجع للفندق ..
ولاتجي مره ثانيه قبل ماتقول لي ..
بندر / امم . وشـ رايك زينه هي اللي تطلع وتروح لعند باسم .. والله اني تبهدلت
وكأني مجرم وهارب من العداله
ديمآ/ لا والله .. من جدك انت ..
انا متأكده ان زينه بتتذكر كل شي لما تشوف واحد من شخصين
انت ... او بدوور .. عشان كذا خلك بعيد قد مااتقدر حبيبي
اما بدور .. انا حذرت باسم مايقولهاا شي .. والله يستر

يصرخ نبضهاا ... وتأن كافة اوجآع جسدهآآ
ديمآآ .. و بندر ..؟؟
كيف ؟؟ كيـف ؟؟
شعرت زينه بدوامه عنيفه تشدهآ الى أسفل ..تشدهآ الى ماتحت الارض
حيث يسكن الاموات ..الذين تمنت ان تكون إحداهم بتلك اللحظآآت !!!


***

توجهت بدور مباشرة لغرفه زينه متلهفه ..
طرقت الباب بخفه ودخلت ..
كانت زينه تجلس متربعه على السجاده ..وتغطي وجهها برداء الصلاة
صوت بكائها جعل بدور تحس بقسوة الالم الذي تعيشه
احست بحشرجه..وغصة..في حلقها
رفعت زينه بصرها / بدوور .. الحمد لله اللي شفتك ..
ديماا اختي ياابدور .. خذت كل شي مني .. وحتى نوور تناديهاا ماما ..وشـ بقآ لي .. وشـ بقى ؟؟
جلست بدور بجوار اعزصديقاتها وبنت عمها وزوجة اخيها سابقا تواسيها
ودموع القهر شكلت سحابه امام ناظرها/ الله ينتقم من الظاالم ...
طوقت عنقها بقوه / وينك عني ياابدور .. انا بحاجتك الحين اكثر من اي وقت
زفرت بدور بقوة, وظهر الغضب على وجهها
قومي غسلي .. وتعوذي من الشيطان ..
وانا اللي باخذ حقك من هالعقربه ديمآآ

خيم صمت كئيب..
مرت امامها تفاصيل الحادث المؤلم قبل اربع سنوات
::
التفتت زينه للمقعد الخلفي حيث ابنتها ذات الثلاثه اشهر
مستغرقه بالنوم في المهد المخصص لها
ورجعت تنظر للطريق امامها ..وتواصل حديثها مع بندر
قالت بفرح وامتنان /مشكور حبيبي ع السهره الحلووه .. والعشا الاحلى
بس مدري .. احسك مو مبسووط ؟؟!!
نظر لها نظره غريبه .. ثم رجع ينظر للطريق امامه
قالت بنبره من بدآ يقلق فعلا / في شي مضاايقك ؟؟
اجابها بعد تردد/ ودي اقول لك شي .. بس اتمنى ماتسيئين فهمي
زينه بنبره جاده وقلبها يخفق بشده / وشــ صاير ...؟؟
بندر / احنا لازم ننفصل ..
لحظاات صمت قاتله ..حاولت زينه استيعااب ماقاله
وشـ قصدك بـ ننفصل ؟؟؟
بندر / بصراحه انا احب وحده .. واحنا متفقين .. بس لازم اطلقك عشان اقدر اتزوجهآآ
انت شقاعد تقوول ؟؟حب وزواج ... طيب وانا يااابندر .. مافكرت وشـ بيصير فيني ؟؟
/تابعي حياتك .. مثل مانا خططت اتابع حيااتي مع اللي اختارها قلبي وعقلي
رددت كلماته ودموعها تنهمر / اختارها قلبك وعقلك .. وانا .. ونوور ..وشـ نكون ؟؟
اجابها بنبره حاده وصريحه /اكبر غلطه بحيااتي
اندفعت تضربه بيديها بطريقه هستيريه .. وهو يحاول تفادي ضرباتها
صرخ / زيـــــــــــــنه .. اهدي شوي.. خليني اعرف اسووق
انوار ساطعه وفرمله قوويه ..ثم الم عميق ووجع ليس لها قدرة على احتمااله
فغابت عن الوعي
***

هاا هي يارا تعود للمنزل..
رأسها مثقل بهموم..لا تظنها ستنتهي
فطلبها المتجدد بـ الحاح..قوبل برفض لا رجعة فيه
عيناهاالحزينتان..تراقبان السقف فوق رأسهآ..
كأنها تبحث عن حل..لمشكله مستعصيه..!!!

كانت تنظر بشرود لشاشه هاتفها تضيء .. والخمول سيطر على كل حواسها
( اكيد شاادو مافي غيرها تحب الازعااج )
توقف رننين الهاتف..فتنفست الصعداء
وضعت جهازها على طاولتها الصغيره ..واتكأت
بذقنها على ركبتيها..وابعدت خصلات من شعرها عن وجهها
للمرة الثانيه ..رن هاتفها....اجابت بعصبيه
شااادو.. كاافي ازعااج ...
ولدهشتها ردت سماح بمرح / لا يااالسخيفه .. تشبهيني انا غصن الباان
بشاادو خيشه البصل .. صدق انج مضيعه ..
رغم جو الكآبه الملازم لها الا انها ضحكت من قلبهاا
مرآآآحب سمسم .. والله فرحت لما سمعت صووتك .. اخباارك واخباار عمتي
واخوانك كلهم ...ان شاء الله كلكم بخيـــر
سمااح / الحمد لله تمااموو .. وعال العاال .. وكلهم يوصلون لج السلاام
يارا / هاا وكيف الجو عندكم بالشرقيه .. ؟؟
سماح / الجو والله حلوو ..رهيــــــــب .. حق طلعاات وناسه ..
يارا / واكيــد اكيد بتخيمون بالبر مثل كل سنه ؟؟
/ ياليــــت والله .. بس عندنا زواج اخووي سلماان الاسبوع الجااي ..
وانشغلناا بالتجهيز وهالشغلات ..
/ صحيح .. الف مبروك والعقبآ لك ياقميـــل
/ الله يسمع منج يابنت الحلال .. ونودع العزوبيه وسنين الضيااع
بس مو هاذا موضوعنــآ .. انا داقه بس عشاان اعزمج عالزواج .. واتمنى ماتفشليني
مثل اخر مره
/ مااعاش من يفشل سمسومه .. لكن لازم يكون عند بابا خبـــر
/ خالي مشااري خليه على امي .. هي بتكلمه وبتخليه يرضى غصبن من ورا خشمه
/ ياليت يرضى يااسمااح .. قربت انجن من الملل ..
/ بسم الله عليج .. اسمعي .. يمكن نطلع للبر عقب زواج سلماان .. فخذي احتياطج
بالبس الثقيل .. لان عندنا برد جاامد ..
/ اممم .. صاار .. بس من بيكون معكم ..
/ مافي الا حنآ وبيت عمي عبد الرحمن .. مثل كل سنه ..
/ يووه .. بنات عمك الغثيثاات .. ماآرتااح لهم ..
/ هههه.. وحده توكلت ( تزوجت) وبااقي وحده بس
الله يلهمنا الصبر عليهاا ..
/ ههه.. اهم شي الدباابات .. نبي نفلهاا سمسومه
/ افاا عليج .. رح نخليهاا اياام ماتنسي ولا تنمحي من الذاكره

رددت ياارآ ..و لاتنمحي من الذااكره ..
ولا تنمحي من الذآآكــــــــــره
وشـ اللي بيخليهاا ماتنمحي من الذااكره ؟؟؟

وبرغم من كل السعادةالتي كانت تبدو على ملامح يارا
فقد غصت بحزن شاحب أعلن سيطرته على قلبها
ينتابها شعور مؤلم ..من ذلك الفرح
الذي تشوبه نكهة مرارة مآ
فهي من الأشخاص الذين يخافون من الفرح والبهجة
كما كانت امها تردد مراراً
(الله يعطينا خير هالفرحه ويكفينا شرها)
وكأن فرحتهآ ..سوف يتبعها شر

****


من باقي الوقت تذكـــآر
(4)
*****

ابتسم مشاري ابتسامه عريضه وهو يدس يد يارآ تحت ذراعه...
/ عمتك سنآآ كانت تسأل عنك من دقايق ...
اغمضت عينيهآ بخفه وهي تبتسم لتظهر غمازتين تزيد من جمالها السآحر
/اهآآآ .. وماقالت شي ثااني ؟؟
/ امممم .... مثل ايش يعني ؟؟
/ بآآآبا .. معقوله منت راضي احضر زواج سلماان ؟؟
/ الا انتي اللي معقوله تروحين للشرقيه وتخليني لحاالي .. كيف يطاوعك قلبك !!
طبع على خدهآ بوسه رقيقه...
عضت على شفايفها بضيق ونظرت له ثم نظرت لراحه كفيهآ
خلص باابا .. اذا ماتبيني ارووح عاادي ..
مسك هاتفه واجرآ اتصال ع السريع
وهي ابتعدت لتجلس على اريكه مقابل شاشه التلفااز وفكرها بعيد
لا ام ولا اخ او اخت وبسبب تحكمه وتشدده كانت صدقاتي شبه معدوومه
وحتى تواصلي مع خالى باسم وزوجته بدور بالخش والدس
تنهدت بعمق وكلمات امها تتردد براسها
في اخر مكالمه لهاقبل تتنوم بالمستشفى
مدري كيف تسمحين له يتحكم بحياتك بهالشكل ؟؟
يارآ /لا ياماما تصرفاته كلها من خوفه علي وعلى مصلحتي ..
ديما باستهزاء / ايه .. هين !!
وينها فيه مصلحتك وانتي محبوسه لاطلعات ولاروحات وجياات زي باقي البنات
تقدرين تقولين لي متى اخر مره طلعتي وتسوقتي لنفسك...
/وليه اطلع واتعب نفسي وكل شي اطلبه وزياده يجيني لحد عندي
/وشغلاتك الخااصه ..؟؟
/عندي شااادو .. تفهم علي بدون ماتكلم ..
وشادو ذي تعدينهاا من الحريمم .. اوقات اخااف عليك منهاا
واردفت ديمآ بضيق / متى بتجين .. تراني مو فاضيه .. عندي مسؤلياات ومأجلتها عشانك
اجابت بكدر / خلص يااماما .. مقدر اجي اليوم.. خليهاا بوقت ثااني
ديما بعصبيه / اكيد مشااري السبب ..لكن الشره مو عليه .. الشره عليك اللي تطاوعينه بكل شي
وزفرت بشده وهي تكمل / ياارآ .. تراني كارها لضعفك واستسلامك لمشااري ..
لاعاد تدقين علي لانك ماتسمعين لنصايحي
و لاني ماابرد عليك ابد ابد ...وسكرت بدون مااتسمع رد ياارآ

..اغمضت عيناها بشده وهي ترجع للواقع
جلس قربها على الكنبه ..احاط يده اليمنى حول كتفها الايمن
ويده الاخرى على ركبتهآ..وهمس / دلوعتي .. وش اللي بخااطرك ؟؟؟
تبين تروحين للشرقيه تغيرين جو ؟؟
احست انهآ لو نطقت بحرف سـ تدمع عينيهاا..فأكتفت بهز راسهاا
طيب .. انا موافق .. بس بشرط...!!!
شادو تروح معك وتكون ملازمتك مثل ظلك ..
قفزت تنهال عليه بالقبلات / حااضر باباا .. اللي تامر عليه بيصيير ...
موبس شاادو .. اذابعد تبي الطبااخ والبستااني اوالبوواب مو مشكله
حيااهم الله
لمعت في عينيه ابتسامة بارده ...
وابيك بعد تنتبهين لنفسك دلووعتي .. والله يصبرني على فرقاااك
يارآ بمرح / شدعووه .. وين بروح انآآ .. كلها كم يوم وراجعه
بعدين هآآ .. لاتحاول تلعب بذيلك منآآ ولا منآآك .. تراني باتصل كل دقيقه واخذ
اخباارك .. لاتفتكر بخليك براحتك ...
قرص خدهآآ بخفه / عن العيااره الزايده .. ويالله قومي كلمي شاادو وجهزي نفسك
طيارتكم ع السااعه سبعه
يارآ باستغراب/ يعني حجزت لنآآ .. حتى قبل ماتعرف بوافق ع الشرط والا لأ ؟؟؟
مشاري / ماتقدرين ترفضيين ..
رمقته بنظره / احبك يااحلى بابا بالدنيآآآ
ثم رفعت يدها تشوف ساعة يدهآآ/ يوووه ماافي وقت .. ونادت وهي تطلع لغرفتهاا
شااادوووو.. تعالي بسرعه...
اخذ نفس عميق وهو يشوف فرحتهآآ وحماسها اللي من زماان مفتقدهآآ
وهمس / الله يحفظك .. ويردك لي ساالمه

****




تضع يدينها على وجهها وتبكي بصوت مسموع وتندب حظها وحياتها ..!
آآآه يااخوي ..ليتني مت بدل هاالزيجه اللي مااخذيت منها غير الهم والكدر
منك لله يااعسآآف .. رووح الله ياخذ حقي منك ياامفتري ..
يزيد حك طرف خده وقام يجلس بجنبهآآ / انتي مااتتعبين ابد.. كل يوم وثااني لك ساالفه
الله يكون بعوونك يااعسآآف .. ويكفيك شر هالدععاوي اللي تنزل عليك بدون حق
وقفت بغضب / ايه ادري انك انت اللي مقوويه علي .. هذا بدل مااتوقف معي وبصفي
شدها وجلسهاا بمكانها / عسااف صديق عمري .. وعارف طبعه واخلاقه زين ..
وطالعها بطرف عينه/ وانتي اختي وادري بلساانك ماايرحم ولايحشم احد..
دفته بعيد عنهآآ / وانا اللي عاشرته وادري بخصااله الزفت اللي زي وجهه
يزيد / وشـ كالكلام يااهبه .. عيب الله يهديك تتكلمين عن زوجك بهالطريقه
هبه / من حرقتي والله يااخووي .. صديقك ذآآ بخيــــــــــــل .. بخيــــل
فاقع مرارتي من بخله ...
تخيل انه يبيني احضر زوواج بنت عمه بالشرقيه بفستاان قديــــــم
يبي اهله وبناات عمه السعالوه يتشمتون فيني ..عااد هم يبونها من الله ..
يزيد يهز راسه بأسى / تعرفين ان عسااف متخسر بالزواج حاطلك بيت وفارشه
باحسن وافخم الاثااث .. وراتبه يروح نصه بتسديد هالاقسااط .. والبااقي بلـ يالله
يكفيكم لاخر الشهر .. راعي ظرووفه الله يصلحك يااهبه ..
نزلت راسهاا بخجل / عاارفه كل ذا .. ومقدره ظرووفه والله .. بس في اشيااء ماقدر
اتنازل عنهاا .. انا تعودت ماالبس فساان سهره الا مره وحده بسس ومستحيل اغير
بنفسي .. مستحيـــــل ..
خلص مااابي ارووح للشرقيه .. مو لازم احضر هالزوااج ..
الابتروحين .. وبتحضرين الزوااج .. وبالفستاان اللي تبينه حبيبتي ..
صرخت وهي تلتفت لعساف اللي دخل وبيده كيس كبير من افخم دور الازيااء
ركضت لعنده وطوقت عنقه بيدينهاا .. معقوله شريت الفستاان اللي خااطري فيه
شعرت بيديه القويتين تحيطان خصرها .. قربها منه اكثر وقبل شفتيها بخفه
ثم قرب فمه من اذنها.. وهمس لها بكلمات جعلتها تحمر خجلا ..
ووقف يزيد يشاهد منظرهما..الذي يؤكد بأنهما متيمان ببعض
تراجع يزيد للخلف وغطى عينيه بكفيه وهو يقول/ يااخي ماافيكم صبر الى ان ترووحون بيتكم
رااعو مشااعر اللي ماادخلوو دنياا ..
ضحك عسااف وقاال/ اختك مااخلت فيني عقل ..ماقول الا .. وسكت لحظه بعدين كمل
.. الله يعطيك على قد نيتك يااخووي
كان ينظر بعشق لـ هبه وهي ترتدي عبايتها .. مسك آصابعها وشبكها مع اصابعه
قبل ان يغادر التفت لـ يزيد وقاال / تراك بتخااويناا للدماام بعد بكره ..
ماعليك الا تحضرشنطه ثيابك .. المواصلات والاكل والشرب وحتى الجولات السياحيه و الترفيه
مدفوعه بالكاامل
تخللت اصابعه خصلات شعره النااعم / غبي اللي يرفض مثل هالعرض
***
تململت وهي تنظر للساعه..
لماذا يسير الوقت ببطء..؟
عاودت وللمره المليون الاتصال بهاتفه النقاال والنتيجه نفسهاا .. مغلق ...
عانقت وسادتها..مغرقةً راسها فيها وانفجرت باكية .....
واصلت البكاء حتى نبهها صوت الباب ..دخل ومشى بتثاقل نحوهآآ
جلس على حافة السرير ..ومرر اصابعه على شفتيها..وهمس بصوت خفيض / حبيبتي .. بدورتي ؟؟؟
رفعت جسمها قليلا / وين كنت ؟؟
اردفت وهي تقطب جبينهآآ /وش هالريحه اللي فيك ؟؟
ابتسم وقال بثقل /احبك .. ومشتااق حيـــــل .. تكفين لاتنزعين الروقاان
عقدت حاجبيها بتوتر / انت رجعت تشرب ؟؟؟ ليه يااباسم ..حرااام عليك اللي تسويه فيني وفي نفسك
لف يده حول خصرها وضمها بقووه ..
اشاحت بوجهها عنه / لا تلمسني وانت بهالحااله ..
ادار وجهها عنوه ناحيته / لا وانا مصحصح عاجبك .. ولا وانا مروق عااجبك ..
شدد قبضته آكثر حول خصرهآآ .. وشـ تبين علميني ؟؟
اجابت بنزق وهي تحااول التملص من بين يديه / ماايخصك ..
اقترب اكثر واخذ يهمس لها بكل رقه بمعسول كلام الحب ...
اغمضت عينيها بشده .. وخارت قواهآ تماما ...
فكانت بين ذراعيه كالدميه ..لا حول لها ولا قوة...
واستسلمت لدفء جسده الغامر.....

*****
وقف سكرتيره جابر امام مكتبه وقال بكل تقدير واحترام
طال عمرك تم فحص عمليات الشراء و البيع و المردودات
المرتبطة بهم فحص شامل
والمدقق قدر يحصل على اثبات فواتير شراء صوريه ومستندات صرف مزوره
وايضا اكتشف وجود تلاعب بالاجور .. واختلاسات كبيره بالمخازن
/ومن المسؤل ؟؟
جابر / موظف الحساابات بندر .. وشريكه مدير المخازن باسم
تنهد بارتيااح ....
واخيرا وقع بندر بخطأ قد يكلفه حياته .. ويدمر مابناه مع شريكه باسم
على مدى عشر سنوات ...
**

من ماضي الوقت تذكار
(5)
***

:

تأملت وجه مرافقتهآ المجهد.. تغط بنوم عميق
لا تستطيع حمل راسها..فيميل يميناً ويساراً.. مستنداً على احدى كتفيها
نبهتها بهمس/ شاادو .. شاادو..
ثم حركت يدها بهدوء/ قومي شااادو .. وصلنآآ
تمطت وهي تمد يداها للامام / يااه كنت بحلم ان الطيااره حتوئع ..!!!...
قاطعتها يارآ / ياماال العاافيه .. امداك تنامين وتحلمين بعد .. قومي بس
لانتآخر على ساايق عمتي
تثائبت شاادو وهي تسحب حقيبتها وحقيبه يارآ/ وفيها ايه لما يستنا شويتين ..
يارآ وهي تتقدمها وتقلد طريقتها بالحكي / مافيهاش .. حيمشي ويسبناا تايهين بالبلد
اللي مازرتها من كان عمري عشر سنين
تتسارع خطوات شادو وتقول مازحه / بت يااآرووبه
وتشير لـ حجاب يارآ المرمي على راسها باهمال / البسي البتااعه دي كويس
الناس هنا بـ تبص عليكي بطريئه غريبه خاالص
بهزه غير مباليه من كتفيهآآ/ مشكلتهم ..
حركت راسها تتلفت يمينا ويسارآ لـ ينسل الحجاب على كتفها وتتحررت خصلات
شعرهاالناعمه و المصبوغه ببراعه وتموج بين الاشقر البيج والذهبي
وقد قصرته ليصل لحد شحمة اذنيها بقصه عصريه ناسبتها تماما
تعيد لف حجابها بفوضويه باحدى يديها وبيدها الاخرى ثبتت هاتفها على اذنها
وهمست بمرح لسماح اللي ردت من اول رنه/انا وشادو عند البوابه ..وين سايقكم؟؟؟
سماح / اي سايق اي بطيخ الله يهديج ؟؟ شوفيني بكبري عند المواقف اللي قبال البوابه
يارآ / طيب طيب .. لحظاات وجايتك .. وشـ لون سيارتكم ؟؟؟
سمااح بمرح / ههه.. مدري ..مـآ لها لون .. اقصد لونهآ لون وصخي هههه
يارآ / راايقه مــــره .. خلك معي ع الخط حتى اشوفك
مع هبوب نسمات من الهواء شديد البروده
رفرفت يارآ بعينيها و قد تبعثرت خصلات شعرها حول وجهها الطفولي
و اذ تجلت الرؤية امامها تنبهت الى وجود شخص عملاق يراقبها بتعابير
قاسية يشوبها نوع من الازدراء
رفعت يارآ ذقنها بتحد غير مبالية برأيه فهو غريب لا يعنيها
ابتسمت له بخبث ثم مرت من قربه و توجهت نحو المواقف تتأمل ا لسيارات امامهآ
تفاجآت بسماح تظهر من خلف نفس الشخص و تقترب منها تنادي / هيي ياارآآ ...
احتضنتها بشوق كبير وقبلتها بحمآآس / وحشتيني .. وحشتيني .. الف حمد لله ع السلامه
نورتي الشرقيه
يارآ ونظراتها ماتزال متعلقه بالشخص الواقف بالجوار وقلبهاا يخفق بشده
/ وانتي واحشتني اكثر والله.. الديره منوره باهلهآآ حبوو
احست برجفه وصلت حتى اعماقها وسؤال يتشكل بعقلها(من يكون؟؟)
التفتت سمااح لشادو والقت التحيه / اهليــن شاادو .. زماان عنج والله .. اخبارج وخباار اهلج وعيالج بمصر
شادو بابتسامه واسعه / نحمدو على كل حاال .. إيزيك وازاي الست سنآآ ..
واردفت وهي تتلفت / فين السيااره اللي حنروح بيهآ ...
وباستغراب ودهشه / استني إستني .. هوآ مين الحيط ده ... معئوله الواد سلمان ؟؟

ابتسم .. لاحظت يارا جمال ابتسامته .. تتناسب مع وسامته ورجولته التي لاتقبل الجدل
اووه ست شاديه ..شلون عرفتيني عقب كل هالسنين ههههههه
شادو وابتسامتها تتسع اكثر واكثر/ شئوتك والمئالب اللي زي السم مابتمحيش من اودام عينيآآ
غمزت بعينها وهمست بخبث رقيق /واهو كٍبرت وبئيت عريس اد الدنيآ
سحب الحقيبه الاكبر حجما من يد شادو وتقدمهن بخطوات قويه..ثاابته
متجاهلا وجود ياارا كليآآ ممآ اثار حنقهآآ
توقف بشكل مفاجئ..قال وهو يدير وجهه باتجاههن بكل ثقه
ونظراته مركزه بعينا ياارآ
البنت مثل الجوهره المصونه .. جمالها بحيائهآآوعفتهآآ ..
واذا فقدت هالشي باستعراضها لمفاتنهآآ بتصير مفتاح للشر وعون للشيطان
ساد صمت مريع .. واخذت كل واحده منهن تنظر للاخرى
شعرت يارآ بانها المقصوده فتصاعد الدم الى وجههآ ....
بينمــــآ رفعت سماح يدآها فوق راسها كي تتأكد من ثبات عبايتها
شادو / اختشي ياوآآد .. من امتى بتعرف ياارآ عشان تلسن عليها .. دي بينضرب بيها المتل
بالادب والاخلاق ..
تطلع نحو يارآ بنظرة ملؤها الغضب الساخر/ واضح الادب والاخلاق !!!..
همست شاادو بحنق / امشي اودام ومتبصش لوراء .. يومك اسوود من آرن الخرروب
على بعد خطوات اشاارت سمااح لسيااره قديمه / حياكم الله .. شادو عطي سلمان الشنطه اللي عندج
يحطها بالدبه ..
التفتت يارآ وعيناها اتسعت من الفزع / من جدك تبيني اركب هالسكرآآب ..
سلمان وهو يضم ذراعااه وعينااه تشتبك بعينا يارآ.. قطب جبينه / سماح اركبي بسرعه
وفتح الباب الخلفي / تفضلي ست شاديه ( متعمد الاستمرار بتجاهل ياارآ )
ترك الباب مفتوح ومشى ليجلس ورآء المقود ويدير المفتااح بعصبيه
احست يارآ انهآ ستنفجر كبركان غاضب في وجهه بكل تسلطه وغروره
لكن شادو دفعتها امامها وركبت لتجلس بجانبها ...
تحركت السياره والهدوء الحذر يسوود الجو
حينها كانت يارا تعتصر ذكرياتها قبل تسع سنوات .. كيف كان سلماان ؟؟
كم عمره ؟؟ يبدو الان باواخر العشرينات .. لكن عوراضه خطها الشيب !!
يعني ممكن اثنين وثلاثين او اكثر..بزيارتها الاولى والوحيده للخبر ماانتبهت لوجوده
وما ارتبطت ذاكرتها باي موقف يجمعها به ..
ليه عمره بيوصل للثلاثين وتوه بيتزوج ؟؟ اكيد باخلاقه الزفت وغروره مافي انسانه تتقبله !!
ياترى عروسته بنفس وساامته والا اقل ؟؟؟كيف يتعامل معها ؟؟ هل ربطتهم قبل الزواج قصه حب
ركزت بصرها على يده السمراء تمسك بالمقود .. فقط يشبه بابا بلون البشره
وارتفعت بنظرها الى فمه .. ثم انفه الحااد .. وخداه اكثر تجويفا .. وعيناه اعمق واغمق
وقامته اطول ..وكتفيه اعرض .. امممم .. لازم تكون زوجته بنفس طوله عشان تقدر
تسند راسها على كتفه .. ياترى كم مره احتضنها .. كم مره لف يده القويه حول خصرهآ
كم مره ...؟؟؟.. وكم مره ..؟؟؟
اغلقت عيناهاا بشده ( اعوذ بالله من هالافكار )
ابتسمت لما التفتت لشادو ووجدتها تغط بنوم عميق
وحين سمعت تصاعد رنين هاتفه ..شعرت ببرودة تسري بأطرافها..
فألصقت رأسها بالنافذه و شغلت نفسها بمتابعه السيارات من حولهم

:
كانت يديه تمسك بالمقود بقوه وبالكاد يلتقط انفاسه
وكل عرق فيه ينبض بوجع
بالبديه سمح لنفسه ان ينظر لها ويتمتع بجمالها الفاتن ..
لكنه ما ان انتبه لشاادو بجوارهآآ وعرف انها ابنت خاله مشاري اللي ينتظرونهآآ فار دمه
وتمنى لو يحملها بعيدآ حتى يمنع كل النظرات المتلصصه حولهآآ
يالله .. آهذه يآآرآ ..!!..؟؟؟
فتاه مكتمله الانوثه بقوام رشيق .. تتبعثر خصلات شعرهآ حول وجهها الدئري
ابتسمت له بغنج ..لتكشف عن صفي اسنانها الناصعه البياض
ويردد بداخله ( كاشفه .. وتوزع ابتسامات .. وين عايشين فيه حنآآ )
لكن يارآ التى يعرفهآآ .. طفله مدلـله كثيره البكاء والطلبات بجسم مكتز بالعافيه
وشعر طويل املس حالك السواد
وعيناها.. .. !!!
يعتقد من يلمحها لاول مره انها زرقااء !!!...
لكنها بالحقيقه مائله للون الرمادي...
اهذه ضريبه انفصال والديهآآ ؟؟؟
ام دلال والدها الزائد لهآآ ؟؟؟
رنين هاتفه ارجعه للواقع ..
رد بنبره خلت من اي تعبير / هلا ساره .. اسف عمري
مشغول الحين .. برد اكلمج بعد شووي


****


اندفعت باكيه فور رؤيتها لـ بدور
وأخذت تناجيهآ بعينين تفيضان حزن
/تكفين ..ابي بنتي ترجع لحضني
اقتربت بدور منها ..مسحت دموعها..وربتت على كتفيها محاولة منها لتهدئ روعها
اصتدمت عيناها بعينا زينه الباكيتين/ وشــ اتفقناا عليه ياازينه ؟؟
زينه برجاء متعب /مقدر اشوفهاا تنادي ديماا ماما وانا سااكته .. مـ أستحمل .. بنفجر ياابدوور ..بنفجر
وضعت زينه راسها على حجر بدور / شوفي حل ثااني غير التظااهر بان ذاكرتي ماارجعت
صعب هالوضع علي..حيـــــــل صعب
ابتسمت بحنان وهي تمسح على خصلات شعر زينه / والله حااسه بحرقه قلبك .. كوني واثقه ياازينه
ان هالوضع مؤقت عشان نقدر نحميك من غدر وحقد ديمآ
انفتح الباب فجأة .. ودخلت ديمــــــآ
تقدمت بصمت يثير الاهتمام .. نظرت لزينه اولا ثم لبدوور ..
اخيرآ قالت لبدور بنزق / من متى وانتي هنـــــآ ؟
واردفت وعينيهآ تضيق / وشـ كنتي تقولين لهآآآ؟؟
بدور لكزت زينه بكوعها قبل ان تقف وتتقدم نحو ديمآ
صار لي سااعه احااول اخليها تذكرني .. وبدون فاايده !!
واكملت وقد تصنعت الحزن وتنهدت بيأس / يااحرآآم .. مبين حاالتهآ صعبه .. الله يشفيها
القت ديما نظره متفحصة و سريعه على زينه الجامده بلا حراك ..
ظهر على ملامحها بعض الارتيااح ..ثم شدت بدور من يدها واخرجتهامعهآ من الغرفه
مررت اصابعها في شعرهآآ.. وهمست لبدور / وشـ قصدك من هالحركاات ؟؟
بدور باندهااش مفتعل / اي حركآآت ؟؟؟
لمعت عينـآ ديما بمكر / انك تزورين زينه وتجلسين عندها بالساعات
يعني مسويه خايفه عليها وتهمك صحتهآ !!
بدور وهي تضم ذراعيهآ / فكرك لمآ تعزلينها عن العالم واللي يصير حولها
بتضل طول عمرهآآ فاقده لذاكرتهآآ ؟؟
انزعجت من تدخل بدور ولكنها قالت باستخفااف / كل اللي تقولينه من خياالك المريض
والا انا مااعزلت زينه عن العالم .. وهي شافت نوور وشاافتك .. وكل ذآ ماهزهاا ولا تاثرت
ولو شي بسييط يأكد كلام الطبيب ان ذاكرتها مطوله على مااترجع لهاا
بدور وانفعالهآ يتزايد / وافرضي رجعت لها الذاكره باي وقت .. وشـ بيكون موقفك انتي وبندر ؟؟
رفعت كتفيها بلامبالاه / وشــ بيكون موقفنآآ !!! الا قولي وشــ بيكون موقف زينه ؟؟؟
انا وبندر مااسوينا خطآ او حرآآم .. وكل شي قاانوني وصحيح ..بندر زوجي ونوور بنته ..
وزينه مالها شي عندنآآ..
بدور وطرف جفنيها يرتعش من الغيض / كيف مالهآآ شي؟؟.. وبيتهآآ هذآ.. ورثهآآ من امهآآ
ديما بنبره قااسيه / البيت مسجل باسم بندر ان كاان مااتدرين .. ولولا خوفي من ربي
وطيبتي كان مااخليت زينه عندي ولا دقيقه ..وتاكدي ان اليوم اللي بتتشافى زينه
وترجع لها الذاكره لي تصرف ثااني مايخطر على بالك
نظرت لها بدور والغضب واضح على ملامحهآ
للاسف مااتغيرتي يااديمآآ .. طول عمرك حقووده وانانيه تمدين يدك بكل طمع للي بيد زينه
وتاخذينه منها ..ثم بعد فتره تتركين اللي خذتيه بعد ماتكونين فقدتي اهتمامك فيه
وترجعينه لزينه .. لكن بعد ايش .. ..بعد مايكون تالف ولاعاد يصلح
وماكان احد يقدر يقولك شي لانك ديما اليتيمه .. اللي فقدت امها ورجعت
تعيش مع ابوها وزوجته وبنتهم زينه ..
تذكرين يااديما اللعاب زينه.. الدب الوردي الضخم .. العرايس .. واخيرآ بندر ..
والله العالم وشـ مخبيه للمسكينه بالاياام الجاايه ...؟؟
اربكتهآ صراحه بدور وتذكرها للماضي
فصرخت / انتي الحين وشــ تبين .. مو شفتي زينه وتطمنتي عليهآآ
يالله تقلعي ولا عاد اشوفك في بيتي الا باذن مني
تنهدت بعمق / مو بكيفك .. رح ازور زينه بالوقت اللي ابيه ..
حملت حقيبتهآ وخرجت بهدوء..
تاركة خلفهآ عواصف من الحقد والكراهيه تجتاح ديمآ
وتحطم كل حواجز الحمايه

***
تعلق بصرهآ به ....شعرت بغصه في حلقهآ
وازدآدت نبضآت قلبهآ الى درجه الاحساس بالآلم
يجلس على الكنبه متقدما بجذعه للآمام ساهمآ
يمسك برأسه بكلتآ ذراعيه اللتين اسندهمآ على ركبتيه
وفي داخله لواعج ملهبه...
احست بصوته وكانه يخرج من قاع الصمت
انا انتهيت ياابدور ..
ارتعشت لوقع كلمآته الا انهآحاولت ان تكون هادئهه
بسم الله .. وشـ صاير .. تركتك الصبح ماافيك الا العافيه
تنهد باسم بحسره / حولوني مع بندر للتحقيق ..
حدقت في ذهول/ ليه .. وشـ انت وبندر مهببين .. ؟؟
رفع بصره ينظر اليهآآ / كنآ نبي نرفع من دخلنآ عشان نوفر لكم الرفااهيه ..
سوينا مثل ماايسوي اغلب النااس .. توقعت ماحد بيحس لو اخذنا مليون او مليونين
من البلاين اللي متكدسه عندهم .. ضااعت احلامناا ياابدور وضاع معها سمعتنا ..
خسرنآآ كل شي .. كل شي ..
بدور / وبندر وشـ وضعه ؟؟
رفع كتفيه / مدري .. من الصدمه ماقدرت اسآل مشاري الحمد عنه
/ مشااري الحمد مااغيره .. ؟؟ وشـ دخله بسالفتكم ؟؟
نكس باسم راسه بحسره / مشااري هو اللي شرآ شركتنا بعدمااا اعلنت افلاسهآآ ...
اغمضت بدور عينيهآ لتبعد عنهآ شبح التعاسه القادم
وظلت جامده...تحاول حبس الدموع التي تدفقت من عينيهآ
؛
قبل اربع سنوات

ردت بدور على اتصال زينه لخامس مره خلال دقائق
بنبره مرح وسعاده / وش نسيتي هالمره ههههه
زينه تنقل نظرها بين الفساتين المتكدسه بدولابها
اممم .. ايهم الانسب .. الفستان الاسود الطويل.. والا الاحمر القصير
حابه تكون الليله سبيشل لبندر ..
بدور / مو قلتي عازمك ع العشا برآآ .. يعني البسي بنطلون او تنوره طويله اريح
تضرح وجه زينه بحمره الخجل / قصدي لما نرجع ونكمل السهره بالبيت ..
بدور / اهآآآ.. والله منتي هينه يا زوينه .. تخططين وترسمين على اخوي الضعيف ..
زينه / بدوووور .. بلا سخاافه .. تعرفين اني انتظر هالليله من زماان
تعرفين اخر مره سهرت مع بندر متى ؟؟
من بعد زواجناا باسبوع .. وهو صااير مثل الجليد بمشااعره واحاسيسه .. تغير علي حيـــــل
واليوم بس رجع بندر حبيبي ..
اكملت بشااعريه / يالله ياابدور .. الدنياا ماهي شايلتني من الفرحه
بدور / الله يتمم عليكم .. والله اتمنى لك ولبندر كل خير يااقلبي
وبهالمناسبه وش رايك اهديك قميص نووم يطير العقل ..
بس هاا بالراحه على اخووي .. نبيه بعقله ..
زينه بمكر / ولو تااخذين نوور عندك بعد .. بتكونين قدمتي لي خدمه مارح انسااها لك طول عمري
بدور / ودي يااحيااتي .. بس تدرين ماعندي خبره بالتعامل مع المواليد ..
لكن اوعدك لمااتكبر كم سنه رح اخذهاا عشاان يخلى لك الجوو
زينه / خلص رضيت بالقميص .. أحسن من ولا شي .. يالله انتظرك ترسلينه مع السايق
بدور / وه وه .. صدق انك فااسخه الحياا .. وشو اللي ارسله مع الساايق .. كيس بطاطا قاالو لك
زينه / ههههه الله يقطع شيطانك .. ماابي اكلف عليك ..
بدور / لا والله مااشي كلافه .. كله يهون عشان ينبسط اخووي
زينه / عجلي عشاانا بنطلع ع الساعه ثماان
طيااره / قالت بدور قبل تنهي المكالمه
؛
نحيب باسم قطع سيل الذكرياات

اقتربت منه وربتت على كتفه / الله يفرجهاا ..
مشااري مو قااصدك حبيبي .. انت اكيد فااهم وشـ يبي من هااللفه الطوويله ؟؟؟

**

من ماضي الوقت تذكار
(6)
****
دفنت وجهها بصدر عمتها .. التى طالما احتوتهآ ..
واغدقت عليها الكثير من الحب والحنان
طوقتها بذراعيها النحيلتين..فأحست بالدموع تنساب حارقه من عينيهآ
هذا هو آحد الامور الذي لم يتغير او يتبدل ابدآ "طيبه العمه وحنانها"
ابعدتهآ العمه قليلا لتتمكن من تأملها بعينيها الواسعه اللتين اورثتهما لابنها سلمان
ثم قالت بلهفه وهي لا تزال تمسك بكتفي يارآ
/ والله كبرتي واحلويتي حبيبتي .. الصور اللي ارسلهم لي مشااري ظالمتج حيـــــل
بس عااد تدرين ان له حـــــق يخاف عليج بهالطريقه واكثر بعد !!!
حاولت كبح دموعهآ وارتسمت ابتسامه ناعمه على شفتيهآ
بابا وصل التووب .. مو مصدق اني كبرت وصرت اقدر اعتني بنفسي
وعلى العموم انا تعودت على كذا .. واظن ماقدر اعيش بدون خوف بابا وحرصه
تنحنحت شادو / احم .. احــــــم .. اكيد لسه فكراني ست سنآآ
سنآ / شااديه .. وهل يخفى القمــــــر ؟؟
احتضنتها بفرح / ياهلا والله ومليوون مرحبآآ ..
كانت سنا وشادو في عمق الثرثره عندما جائهم صوت يخترق مسامع الكل
يمـــــــــه .. يمــــــــــه..
ضغطت سماح على يد ياار / تعاالي ندخل لغرفتي ..
استدارت يارآ ومشت بخطوات واسعه وسريعه خلف سماح
وصوت سلمان يعلو ويقترب / يمه وين احط هالشنط ..؟

::

قالت وهي تهز قدميها من فوق السرير بلا مبالاة
يكون زعلتي من كلام سلمآآن بالمطار ؟؟
ردت يارآ وهي تهز كتفيهآ وتصرخ بغضب / مو بس زعلت.. الا قربت انفجر من القهــــــر
ابتسمت سماح بحبور / اعجبني سكوتج بصراحه .. تدرين لو انج راده عليه ولو بنص كلمه
كان ماخلصنآ الليله
يارآ باستغراب / والله شفتك ساكته وراضيه انه ينافخ في وجهك .. قلت انطم انا الثاانيه احسن
حاولت سماح تكتم ضحكتهآآ/ انا عارفه اخوي وطبعه الشيــــــن لما يحمق
واي احد يناقشه او يعارضه يزيد انفعاله لدرجه تحسين بانه صار شخص متهور ووقح
اندفع الباب ودخلت فجآة / مســـــــــــــــآء الخيــــر عليكــــــــــم
كانت جاذبيه عيناها باهدابها الطويله تمتزج بانوثه طاغيه مع خصلات شعرها الطويل
التي تتراقص كصفائح نحاسيه حول وجهها الممتلئ بنضاره تبرز جمال تقاطيعه
اتسعت عينآ سماح بدهشه / ســــــــــــــــآره !! احلى مفآجأة والله
مدت ذراعيها لسماح التي اقتربت منها مبتسمه ومشرقه العينين
توقعت ماشوفج الاليلة الزواج .. شعندهآ حرم سلمان بااشآآ ؟؟
اجابت وابتسامه كبيره تضئ وجهها دون ان تلاحظ ان عينى يارآ كانت تلاحقها
ههه .. جبت ملابسي وبعض اغراضي عشان ارتبها مع امي بغرفتنآآ
لكنها اول مالمحت سلمان بالصاله قالت لي روحي لغرفه سمااح ولاتطلعين منها
عندهم اعتقاد لو العريس شااف عروسته وهي متحنيه قبل ليله العرس فاال شيــــن
سمــاح / اهآآآ .. بس يعني تكلمينه ويسمع صوتج عااادي ..
اوووبس .. نسيت اعرفج على يااارآ بنت خاالي مشااري / قالت وهي تشير ليارآ
وترجع تشير لسااره / وذي سااره العرووس ..
تبسمت ساره بحبوور / تشرفناا
اجتاحتها موجه من الغيره لم تصدق بوجودهآآ وهي ترد بهدوء جاف
مبرووك ..
رفعت ساره حاجبها الايمن وقالت بضيق / ليش تقولينها من غيـــر نفس ؟؟
وبكل الرشاقه التى هي جزء منها استدارت يارآ واقتربت من المرآة تشاهد
انعكاس صورتها بانبهاار .. مررت اصابعها بشعرها وبعثرت بضع خصلات منه
مو قصدي اضايقك .. بس حاسه بارهااق من السفر.. ومحتاجه اكثر شي لشور داافي
وبعده سرير مـــــريح ..
من هنآ يبرز عدآء خفي بين يارآ وسااره مصحوبا بحمااس غريب ...!!!!
ومن هنا بدآت المعاناة ..!!...
::




اهتز سكون الليل بطرقاات ..
ففزعت من نومها تطلق صرخات مدويه ..
كان قلبها يخفق عاليا عندما احتضنها باسم
مضت لحظة طويلة كانت اثناءها تحدق فيه صامته
وبعد ان استوعبآ الامر .. قال باسم / البااب !!
تنفست بعمق / من بيجينآ بهالوقت ..؟؟
ابعدها عنه / بروح اشووفـ
تشبثت بذراعه بهلع / لاا .. بااسم لاتروح ..اخااف ..
وضع يده خلف عنقه واخذ يحركها بارتباك مع اصرار الطرقات
تبعها رنين هاتفه .. ارتعد وهو يلمح اسم المتصل ..
لمس بطرف اصبعه زر الرد فانطلق صوت بندر
افتح الباب لاهلك بســــــرعه !!!
احس بقلبه ينتزع من الصدمه قبل ان يتمكن من الرد / اهلي ؟؟ من قصدك ؟؟
فهمني وشـ اللي يصير تراني مو ناااقص ؟؟
بندر بهدوء حذر / مافي وقت يااخي .. افتح لهم وانزل انت ومعااك اثباتك والجواز بســـــرعه يالله ...
اشار باسم لبدور / هذا بندر يقول افتح لديما ...
رجع لبندر ع الهاتف / اســـف .. اذا قصدك اني اهرب للخارج معك فانا اقولك
اســـــف مقدر اسوي مثلك .. ماوصلت فيني النذاله لدرجه اني اترك خواتي وزوجتي
اللي مالهم غيري بعد الله ..
بندر / بس يااباسم الثروه اللي جمعناها وتعبنا كل هالسنين بيضيع لو مااتصرفت بسرعه ..
شكلك للحين مو مستوعب الكارثه اللي حطنا فيهها مشااري
باسم / احنا اللي حطينا انفسنا بها الكارثه والذنب ذنباا اولا واخيرآ
بندر / والله هذا الامر راجع لك .. اما عن نفسي فانا بعت البيت واستلمت فلوسه
رح اسافر واذا استقريت بالخاارج وضبطت وضعي برسل لديماا تجيني مع العياال
وانت خلك تواجهه مشاري اللي بيدمر حيااتكم
رد باسم بأسى / اهرب ياابندر.. اهرب لابعد مااتقدر ..واتركني بعد ماازينت لي الحراام وشاركتني فيه
لكن لي رب رحيـــــــــــــــــم .. لي رب غفور رحيــــــــــم


كانت بدور قد لبست روبها واسرعت تفتح الباب
وهي تردد ادعيه واذكار لبث الطمئنينه وكف الشرور ...
ما ان ادارت المفتاح حتى اندفعت ديما للداخل مزمجره
سااعه عشاان تفتحوون .. وين باااسم ؟؟
وصرخت مناديه / بااااااسم .. يالله بندر يستناك بالسياره ..
دفعت بدور عن طريقها ودخلت تكلم بااسم
وقفت بدور تراقب ديما باستغراب عاقده ذراعيها على صدرها
قبل ماتتهور وترمي بكلمات الشتم على ديما انتبهت لوقوف الخادمه التي تحمل فهد
وتمسك يد نوور وخلفها زينه تستند للباب وهي على وشك الانهيااار
قالت بهمس وهي تحاول مسح دموعها المنهمره بلا شعور منها
شفته ياابدوور .. كان يجلس مع ديماا ويتغزل فيههاا بالسيااره قدام عيني
وتنهدت بعمـق .. آآآه .. ليتني مت بالحآدث والا للحين بغيبوبه
ولا اني اشوووف اللي شفته اليوم .. شعوور مااينوصف ياابدور
كانو يسولفون ويتهامسون وانا بينهم مثل الغريبه
وضغطت على صدرها براحه كفها
مع ان بندر حبيبي انا ونوور بنتي اناا.. وفهد كان المفروض ولدي انآآ
بس ديماا .. اختي ديمااا خدعتني وخذت مكااني
حضنتها وصارت تمسح على ظهرها وتواسيها
اوووش .. حااسه فيك يااقلبي انتي .. لما تحسين بالغدر والخياانه
من اعز الناس و اقربهم لقلبك
تصيرين مثل كره ملتهبه مقلفه بكتله من الجليـــد
حمم تفور من الداخل وما يبان ع الوجه الا الجمود
دفعتها عنها برفق وقالت وهي تمسح دموع زينه / وربي ان بندر ماايستاهل كل هالدمووع
هو الخسراان من يوم فكر يتركك ..
بلعت دموعها بمراره وهي ترفع بصرها لتصتدم بعيني ديما
اللي كانت تراقبهم وغشااوة من الحقد تعلو وجهها
زانت لكم السوالف عند البااب .. !!
التفتت لها بدور وصارت تتفرس فيها بطريقه غريبه ارعبتها
انتي وشـ جنسك من البشــــر وشـ هالقلب القاسي والمشااعر الحجــر
دمرتي حياتك وحيااة ياارآ عشاان توصلين للي تبينه
وبسبة طمعك وجشعك حولتي اخوي لمختلس
ورب العزه يااديما لو صاار باخوي الوحيد شي لادفعك الثمن غاالي
كانت الدموع تنهمر من عينيها بغزارة و وجهها عابس و كئيب
و بكاؤها مكبوت في صدرها تتنهد بألم
نقلت بصرها بين باسم وزينه ... واستدآرت نحو غرفتها
اغلقت الباب بكل قوتهاا .. ثم انفجرت ببكاء قوي كانت تحبسه في صدرهآآ
تبعها باسم وطرق اولا الباب بهدوء .. ثم اخذ يحرك مقبض الباب بشده
كرر / بدووور حبيبتي ... لكن بدون اي اجابه
اتجه لزينه وانحنى وهو يمد لها كفه / قومي ارتااحي دااخل وحاولي تنامين ..
تسألت ديما بنزق / وانا وين بناام اذا زينه بتنام بالغرفه ذي ومعها العيال والخادمه
صرخ في وجهها بغضب / والله هذا اللي عندنا ياا الليدي ديمآآ
ماكنتي تدرين ان شقتنا غرفتين وصااله .. عاجبك اهلا وسهلا
مو عاجبك انثبري معي على اي كنبه هنا بالصااله ..


::
واقف على بابكم ولهان ومسيّر
اسأل عن أللي سأل محبوبي لصغيّر
يومين مروا علي
سنتين لو أكثر
ما قدرت يامنيتي
عن شوفتك أصبر
هذا النصيب أنكتب
أحب انا أصغيرون
يحبني لكن هله
يخاف لا يدرون
فضحتني ياهوى.. تالي كشفت الرأس
محدن درا بعلتي.. والحين كل الناس
خليتني ياهوا.. أوقف على البيبان
من حرتن بالحشا.. ومن كثرة الأشجان

هالكلمات خلته يسرح بعيــــــد بافكااره وشريط ذكرياته يتوقف عند مشااهد يتمنى لو ترجع
احس بالاحراج لما التفت وشاف هبه تراقبه بنظرات لهاا مغزى
ضاقت حدقت عينااه وهو يسآل / خيــــر .. وشـ فيك ؟؟
فرفعت هبه حاجبها له / انت اللي وشـ فيك ؟؟
يزيد باندهاش / ليه هالنظرات الغريبه ؟؟
لكزته بكوعها وعضت على طرف شفتها السفلى بخبث
وشـ تذكرك فيه هالاغنيه ..؟؟؟
هز كتفه بلامبالاه/ ولا شي .. تعرفيني مـ احب أسمع اغاني ..
غير الموضوع ببراعه / عساف للحين ناايم ؟؟
هبه / يووه ..صحى من بدري وراح يقوم بالواجب لبيت عمه
اردفت بحماس وهي تتذكر ماحست انه بيثير اهتمام يزيد
تعرف بنت عم عسااف من بتاخذ ؟؟
اخذ الرموت وخفض صوت التلفاز / ميـــــن ؟؟ ناس يعرفونهم والا يقربون لهم ؟؟
استرخت بجلستها وهي تراقب باهتمام كل تعابير وجهه
سلماان و يارآ بنت مشااري الحمد ...
أحس أن رعشة سرت في جسده.. وبين أضلعه
يريد ان يستوعب الاسم الذي نطقت به
تمالك نفسه / ياارآآ ..
تنهدت هبه بعمق وقالت بمكر / لا العروس مو ياارآ ..ههههه.. اقصد العريس يصير لياارآ
مررت اصابعها بشعره.. وقالت مازحه / كشفتك .. ياامجنون ياارآ
والله ان قلبي كان حااس .. بس كنت افتكر انه شي انتهى من زماان
دخول عساف قطع كلامهم / الســــــــــــلام عليكم
اقتربت منه هبه وقبلت خده بنعومه / وعليكم السلام والرحمه
والله طولت حبيبي .. قربت امـــــل من الجلسه بهالجناح
قبل جبينها واحتضنها بقوه / حجزت لنا العشا بمطعم ع الواجهه البحريه يمدحونه عيال عمي
استغرب من هدوء يزيد ووجومه / عسى مااشر .. وجهك صاير اصفر ..
هبه / اكيد متغير عليه الجوو ..
عساف / عندي لك مشووار بيخلي قلبك يفز من مكانه ..
يالله بس قووم تحمم واكشخ عشان تخلي بناات الشرقيه اللي بالراشد يخقوون عندك
وقف يزيد وتاسف منهم / اسف يااعسااف .. والله مرهق من السفر .. ومحتاج اكثر شي
شور دافي وبعده سرير مريح ..
توجه لجناحه وهويضع يده على قلبه
الله يخرب بيت شيطانك يااهبه كنتي بتوقفين قلبي من مزحتك الثقيله مثل دمك

::

شعر بوحدة مؤلمه تغلفه من كل جانب...وصمت رهيب يغرقه بجو من الكآبه
البيت صاير موحش ويضيق الصدر
وشـ الي خلاني اسمح لهاا تساافر ..
رفع هاتفه يريد الاتصال بيارآ بس تراجع بعد ماشاف الساعه تقترب من الرابعه فجرآ
لما كلمتها من نص ساعه كانت نعسانه وصوتها فيه بحه النووم
تقلب على سرير عده مرات .. لكن الارق مسيطر عليه كليآآ
استقبل هاتفه مكالمه .. فتصاعد رنينه بآصرار
اجاب بلهفه متوقع صووت ياارآ من الطرف الاخر
لكنه تفآجأ بصوت جابر / اعذرني طال عمرك .. بس الموضوع مايحتمل التآجيـــــل !!!
بعد سماعه لتصريحات سكرتيره ..
صآر وكانه قنبله موقوته معرضه للآنفجآر في اي لحظه

""


؛
لاتبخلو علي بردودكم الشيقه وتوقعاتكم المفرحه
تحيااتي واطيب الاماني لقلوبكم البيضااء

السلام عليكم و رحمه الله و بركاته

صباح الخير و الرضا من الرحمن

أن كانت متصفحات وحي الأعضاء زاخر بالإبداع فهذا المتصفح أصبح أحدها

تميز و إبداع واضح من بدايه و أسلوب روعه سلس و يجذب القارئ اتمنى لج التوفيق

يارب و أن هالروايه تنصف و ما تكون ضمن المهمله يارب

==========================
(( زينه ))

الجرح و الطعنه بالظهر توجع من وين ما كانت منه فما بالج إذا من زوج روح ثانيه

لها و أخت هي قلب ينبض بين الضلوع .. الجرح اللي حست كبير و الله يعينها و

الظاهر انها كانت عارفه أنه واقعها مؤلم لذلك طولت لمدة أربع اسنين بغيبوبه

بس الواضح انه حياتها مع بندر رايقه و يسودها الحب من طرفها أما بندر فبعد

ما عرفنا احساسه بزبنه قبل ما يفكر يتزوج ديما ؟؟ الباقي بيوضح ...

=====================
(( بندر و ديما ))

مدري أدعي عليهم و لا أدعي لهم بالهدايه على اللي سوه معقوله في أخت

تسوي بأختها هالشيء و ام تتخلى عن زوجها و بنتها عشان زوج اختها الوضع

موجع جدا .. الواضح ان ديما ما هي صغيره لأنه يارا بعمر كبير شوي و ش اللي

خلالها تفكر بعد هالعمر من العشره مع مشاري انها تتركه و تترك بنتها عشان

بندر هل كان فيه علاقه بينهم قبل ما يتزوجون الأثنين و بندر اختار زينه كطريقه

تقربه من ديما ؟؟ أو في شيء ثاني بنكشتفه مع الاحداث ...

=======================
(( مشاري ))

رجال مجروح و ما ألومه لما يبعد يارا عن امها فهذا من حر ما في جوفه المسكين

الوضع صعب لما زوجته تتخلى عنه عشان صديقه .. هذا فيه امتهان له كرجل و

كـ زوج .. الله يعوضعه هو و زينه ...

========================
(( باسم و بدور ))

العلاقه بينهم متأزمه و بارده و راح تستمر ما دام باسم تفكيره أنه إذا قال كلمه حب

لزوجته فيها تقليل من رجولته << تفكير غبي .. بس مع هذا بدور أحسها تحبه و لا

ليش صابره عليه و هي ما عندها ضنى يربطها فيه و هو فوق شينه قواة عين يشرب

و يجيها يطالب بحقه مالت عليه غبي << ما حبيته *ــ*

==========================
(( هبه و عساف ))

بالاول دعيت على عساف لأنه أكره ما علي الرجال البخيل بس الواضح أنه هبه

مدله و ما ترضى بالقليل و كل طلباتها أوامر .. هالشيء موحلو لما يكون وضع الزوج

صعب ماديا ضروري تساعده و ما تثقل عليه بس الحب يسوي سوايا ...

======================
(( يارا و يزيد ))

أحساسي يقول بيصير بينهم مواقف بالشرقيه ممكن تقربهم من بعض ...

======================
(( جابر ))

منهو و شنو موقعه من الإعراب بس حبيته لأنه بيأخذ حق زينه من بندر و الاهبل

أخوها ...

====================

سلمتي يا انثى السواد << نبي اسم دلع أسهل من هذا ^ــ^

ترا تعليقي لغايه التذكار 4

لي باك بالباقي

..
..
..

رواية خطيرة ,أبداع

بس أخاف ان يارا تكون مثل امها ديما وتلف على سلمان وتترك يزيد اللي مبين علية انة يحبها

ديما تقهر بقوة , وزينة ياقلبي عليها أنشاءالله تاخذ مشاري علشان تموت ديما

وبجد كاتبة متميزة وتسلم ايدينك

السلام عليكم و رحمة الله و بركاته

مساء الخير و الرضا من الرحمن من جديد

===================
بالأول فهمت أنه جابر هو اللي رئيس الشركه و هو اللي بيكشف تلاعب بندر و باسم بس

لما كملت عرفت انه مشاري و زين يسوي فيهم و يرد كرامته من بندر اللي طعنه بالظهر

===================
(( ديما و بندر ))

الواضح أنها مريضه نفسيا و في ترسبات من الماضي و من انفصال أمها و أبوها و أنها

كانت تشوف زينه بين امها و أبوها و هي متشتته هذا ولد الحقد و حب تملك اللي بيد

زينه .. و الواضح انه لعبتها بدت بدري من زواج زينه و بندر و عرفت تلف عقله و توقعه

بشباكها بس لللأسف نست أنها أم و زوجه و مفروض تحترم حرمه حدوود الله .. اتوقع

هاللعبه بندر راح تمل منها بعد ما تعرف انه خسر فلوسه أو أنه هو اللي بيمل منها و

يتركها بيت باسم و لا يسأل عنها و ممكن أنه يلقى مرأة ثانيه مكانها اللي بدل زوجته

مره ممكن يبدلها مليون مره ...

=====================
(( باسم و بدور ))

بالرغم اني ما حبيت تصرفاته الغبيه بس طلع رجال و ما ترك خواته و زوجته و هرب نفس

بندر اتوقع هالسالفه راح تقرب بين بدور و باسم .. يا حياتي بدور حبيتها و اتمنى انه تلقى

هالحب من باسم ...

=====================
(( يارا ))

تصرف طبيعي من بنت ما لقت من يرسدها مجرد دلع من والدها بس وجودها ببيت عمتها

اتوقع بيغير من تصرفاتها و خصوصا أنه فيه غيره بدت تطلع من ساره .. اتمنى أنه يارا تنسى

سلمان لإنه ما اتوقع راح يلتفت لها بوجود ساره بالرغم اني حسيت أنه ممكن يميل لها شوي...

======================


سلمتي

بــ انتظار القادم

..
..
..