المنتدى :
الشعر والشعراء
مصرى وافتخر
قالوا عنى احمد حشيشة
باضرب برشام وساعات باكركر شيشة
شايف مزاجى ع الاخر وبأدى الطرشة للعيشة
باشرب فى اليوم كام سيجارة وكام حجر ع الشيشة
اشوف الظلم واقف ساكت وادى للظالم ططنيشة
اشوف الغلط قدامى واقعد واهوى بالريشة
وقالو عنى ولد كداب
مألف فى الكدب مليون كتاب
وكام الف قصيدة وساعات اغانى راب
شايف بلدنا بتغتصب
ومعلق رجولتى ع شماعة ف الدولاب
وكمان مربى اللحية ومتجوز واحدة لابسة حجاب
بأفطر جبنة رومى واتغدى لحمة وساعات باشوى كباب
بأقول مش لاقى فلوس وانا عندى فلوس بعدد حبات التراب
قالو عنى بياع كلام اكون متنيل واقول تمام
باحب الحرب وبأكره كلمة سلام
اكره العيشة ف النور واحب عيشة الظلام
معايا فلوس كتير بس باحب اكل الحرام
امدح الظالمين قصايد واطاطى راسى للحكام
قالو عنى شاب عنيد دماغى انشف م الحديد
اعمل فوضة يقولولى عيب وانا برضو عنيد
قولو عنى اللى عاوزين تقولوه وحيو اللى عاوزين تحيوه
بس برضوا كلامى هأقوله ان اللى خلعت الريس وفلولوه
انا احمد وانا جرجس وانا الشعب بطولوه
|
02-01-12, 05:48 PM
جديد مواضيع قسم الشعر والشعراء
العرض العادي
