الجزء العشرون
الفصل الأول


في المطار بعد ما سلم على فهد اللى جته مكالمه ورد عليها التفت على جواهر
سلطان: توصلون بالسلامه ان شاء الله وانتبهي على الدراسه نبي نسبة حلوه عشان تكون الهدية حلوه
جواهر: لا والله يعني لو ما اكو نسبة ما راح القى هدايا فديتني انا بتييني الهدايا من كل صوب مو ناطرة هديتك
سلطان متفاجأ من ردها ( انا وش قلت عشان تقول هالكلام )
سلطان وحب يغيظها اكثر ورفع صوته شوي عشان فهد يسمع هالمره لانه كان مشغول يتكلم بالجوال
سلطان: هديتي انا اكيد بتكون غير لانه سلطان ولد فهد هو اللى فكر فيها واختارها وانا من انولدت ما احب اختار الا احلى واجمل واغلى الأشياء ( كان يقصدها بهالشي )
جواهر سكتت فهمت من كلامه الاخير انه يقصدها بس بعدين ردت عليه
جواهر: يمكن الأشياء الحلوه اللى تختارها مرات ما تكون مرغوبه .....
سلطان: انا ما اختار الا اللى انا مقتنع فيه مو مغصوب عليه
جواهر حست هني بارتباك اش القصد من كلامه ... يقصد انه مو مغصوب على لا لا ما اظن لما سألت نوفا عارفه شي عن هالموضوع يعني اكيد ما تبي تعلمني وبعدين راعي المسج اكيد يعرف سلطان واكيد يعرف عني ولا ما يطرش مسجات في اوقات ما اتوقعها
..جواهر جواهر يالله
جواهر التفت : ها شنو قلت
فهد: قلت يالله خلاص بنروح الحين
سلطان قرب ومسك ايدها وطلع شي من جيبه صندوق مربع ومغلف
سلطان: افتحي هذا لما توصلين ان شاء الله وراح اتصل ان شاء الله اتطمن عليكم ..... تروحون بالسلامه قالها وهو يشوف فهد
مشوا للطياره وجواهر طول السفره وهي تفكر ايش اللى بالصندوق ..لقافه تبي تعرف بس قالت لا احسن لما اوصل مثل ما قال اخذت لها القرآن وبدت تقرا ما حست بالوقت ...... نامت شوي على كتف اخوها فهد وبايدها القرآن ما سمعته الا يكلمها انهم وصلوا الكويت ....
بعد الاستقبال في المطار طبعا استقبلها ابراهيم ووياه كانت غاده اللى من شافتها جواهر جلست تبوسها وتحضنها
جواهر: فديت هالويه انا فديت غدوووه الحلوه جعل يومي قبل يومج
فهد: وش هالكلام الحين
جواهر ولا اهتمت: فديت حبيبي انا وين راحت عموووووووه
غاده: عموووووه واهر
جواهر: فديت هالكلمه انا وااااااي بتخبل بي هالبنت والله
ابراهيم: ولييييييه ازعجتينا ما عليه بتعرسين وبتيبيين درزن منهم بتشبعين وبتملين بعد تبيين الفكه
جواهر: يؤ فديت عيالي انا اللى بعدهم ما جوا ..... وفديت هالبنت اللى قدامي وراحت تحضنها وتبوسها
فهد وابراهيم ضحكوا على تصرفاتها ... بعد ما وصلوا والسلام وطلعت جواهر لغرفتها تبدل ملابسها حطت الكيس على الطاولة وشوي تذكرت الصندوق
راحت على طول وافتحته لقت فيه سلسلة جوال ذهب ابيض ويا فصوص الماس عباره عن قلب مقسوم وبطاقه مكتوب عليها " معج نص قلب ومعي النص الثاني..... واتمنى اشوفهم مع بعض قرييييب"
جواهر( ياربي شنو هالكلام الحلو ...بس ليه ما يفكني ويقول بصراحه اذا يحبني او بس مغصوب على لاني بنت عمه ..والله ما اسأله بخليه وبشوف اخرتها معاه وين بنوصل)



.....................................

الكل في دراسته لاهي والعلاقه ما بين رجاوي واحمد بكل يوم تزيد ...رجعت روضة من الامارات وكملت الجامعه نفسيتها صح تعبانه بس مع تشجيع اهلها لها وصاحبتها ووقفة ولد عمها وخطيبها معها خلتها تكمل الجامعه وهي مرتاحة.... والشباب بعد صارت علاقتهم قويه مع بعض طلعات وتجمعات ونادر ما يطلعون البنات معاهم سينما او مطعم ....


................................


العنود ويا جواهر بالمول يتشرون بعض الأغراض من باريس غاليري
العنود: وااااو هالعطر وايد احبه بشتريه
جواهر تجي وتاخذ العطر منها وترجعه مكانه: نعنبو دارج كل ما اروح وياج تيبين بس اكياس العطور والله لعلم عليج ضاحي بقوله كل الفلوس راحوا بالعطور
العنود: فديت بس طاريه علمي عادي بيقول لج لو تبي اكثر انطيها عيوني
جواهر: ماظن عيونه بتنقلب الى غرشه عطر
تضربها العنود على كتفها: بنشوف وقت عرسج شنو بتسويين زين اذا ما خميت المحلات كلها باللى فيها
جواهر: والله انا بخمهم الا بخليه هو يخمهم لي ويجيبهم لغايه عندي
العنود: اوب هذي قويه عاد بنشووووف يا جواهر الخليج هههههههههه
الا اقول وشخبار الحبيب الغامض
جواهر: نفس الشي سلام وشخبارج واشلون الاهل شنو تسوين وبس ما نطق ابد.... ولا حتى سألني عن الهديه اشرايي فيها تصدقين عاد ..قهرني والله بحركته وانا ما اهتميت بعد ما شكرته.... ولا راح يقولها اعرفه ماخذني بالغصب بس انا بصبر بعد شهر ولما نخلص الدراسه بطلب الطلاق خلاص اخليه يروح لحاله وانا اشوف حياتي
العنود: انتي ما تيوزين عن هالكلام اشلون ماخذج غصب شوفي لو غصب ماراح يكلف على نفسه ويكلمج بالاسبوع مرتين وثلاث فهمتي وبعدين ليه ما تسألينه
جواهر: تبيني اضيع كرامتي قدامه واقول له انتي تحبني ولا لا ....ماخذني غصب ويشفق علي وقتها لا والله ما اسأله
العنود: عيل لا تنطرين انه اهو يجي ويقولج... ابيج تشيلين هالشي من راسج يا بنت الناس لو ما يبيج ما تزوج وبسرعه ملج بيومين صار كل شي ابي افهم علميني مو هذا ماله شخصيه ولو بطلب أي شي بينفذه لي وين لما قلتي ما ابي تراجع ولا شي الا مصمم يملج فيج وبعدين هالمسجات وانتي عرفتي مصدرها يعني كلها السالفه جذب بجذب
جواهر: اخر رساله مو جذب انا حاسه انها صج حتى لما سألت مره نوفا ما جاوبتني ابدا وسكتت
العنود: بتيننيني انتي اقولج ليه يتصل ويكلمج اذا هو ما يبيج
جواهر: آه بموت قهر عنودي ...... مو حاس والله فيني .... يبين انه طيب وحنون بس مدرى احبه او اكرهه لما اكلم نوفا وتخبرني عنه سوالف اقول اشكثر هو حنون وطيب واحس وقتها اني احبه..بس انا ما اعرف ما عاشرته زين بس مدرى والله عمره ما قال لى احبج ما قالها لي والمفروض بكل واحد لزوجته يقول لها هالكلام صح ما حسسني انه مرتاح معاي مدرى اشلون بعدين لو هذي علاقتنا الحين اشلون بعدين ... فهمتي
العنود: بيجي يوم اكيد وبتسمعين منه احبك وااايد وبالاخير بتملين منها يوتطلبين لا يقولها لج
جواهر: ما راح امل بس هو يقولها ...وحتى ما يقول اشتقتي لي او شي من الكلام الحلو بالله ضاحي ما يقول لج هالكلام
العنود: يقول جواهر حبيبتي اسمعيني ما بيج تخربين حياتج وانتي ما بديتيها بعد اشلون تطلبين الطلاق فكرج اهلج بيوافقون
جواهر: اهلي ما راح يرضون لي اني انظلم وياه وما اكون سعيده
العنود: انتي حاولي من ناحيتك تقربين منه شوي حسسيه انج مهتمه فيه بالله تسألينه شنو سوا او اشتاق لج او ما بيي يشوفج
جواهر: بصراحه طلب يجي يشوفني بس انا صديته وقلت له وراي دراسه
العنود: اها يعني يت منه بالاول انتي بس هذا اللى مقفل مخج تبين بس اهو يقول احبج واهو يقول اشتاق لج واهو يبتدي بكل شي ولما قال بشوفج قفلتيها بويهه ترى انتي ظالمه
جواهر: بس خلصنا من سالفة الحبيب الغامض خلنا وياج انتي وضاحي الا ما قلتي لي وين رايحين شهر العسل علميني
العنود من سمعت طاري ضاحي استحت: سر حتى انا ما اعرف للحين ههههههههههه
جواهر: والله
العنود: ايه ما يبي يعلمني ابدا يقول بنفس اليوم تعرفين وانا مجهز كل شي
جواهر:ربنا يسعدكم ان شاء الله بس ها يا ويلج اذبحج ترى لو نسيتي رفيقه عمرج
العنود: ليت عند ضاحي اخو توأم كنت بوافق تتركين سلطان وتتزوجينه عشان نظل بنفس المكان مع بعض
جواهر: يا ريت والله هههههههههههههههههه بس عادي ملحوقه اشرايج اتزوج ضاحي وياج تعرفيني ما راح اتعبك موليه
العنود بعصبيه: لا والله ترضين اتزوج سلطان
جواهر: خذيه كله لو تبين من الحين حلال عليج ههههههههههههههه
العنود: ههههههههههههههه الله يغربلج عدوينج يالله خلينا نكمل شوبينج




...........................
وهم رايحين يكملون سوالف وضحك يجي واحد يعترض بطريقهم
.........: اقول الحلوين لوين رايحين
العنود: خلك بروحك احسن لك يوز عن طريقنا
.......: الرقم هو ********* واستقبل مكالمات الحلوين وبس
جواهر: من زينه يوم تقطه علينا وخر عن دربنا ابرك لك ولا وربي بالنعال ونزلت تلمس رجلها ..لما شاف حركتها على طول بعد
العنود:هههههههههههههه يغربلج شنو بتطلعين النعال تكفخينه فيه
جواهر: لا بس تهديد ههههههههههههههههههههه


......................


نوفا طلعت بعد العشا لغرفتها وشوي وجا لعندها سلطان
نوفا: حيا الله سلطان
سلطان: قلت اسولف ويا اختي الحبوبه لو ما وراج مذاكرة
نوفا: ملينا منها
سلطان: نبي نسبة ترى
نوفا: ولا يهمك بس انت جهز روحك للهديه
سلطان: تامرين اللى تبينه شكولاته جالكسي سنكرز أي حلاوة
نوفا: لا والله تلعب علي بشوي حلاوة لا بوديك مكان ما ابي وعلى راحتي وانت تدفع
سلطان:ههههههههههههه ما تنعطين ويه انتي
نوفا خلت روحها زعلانه: طيب خلاص ما نبي شي يالبخيل
سلطان يقرب منها ويسلم على راسها: كم اخت عندي انتي بس جيبي النسبة وفالج طيب
نوفا: ايه قول كذا ياخوي يا حبيبي
سلطان:ههههههههههه الا اقول ما كلمتي جواهر هالفتره
نوفا: الا مكلمتها امس ليه قالت انك انت تكلمها
سلطان: ايه اكلمها بس احسها تكلمني بدون نفس
نوفا:ههههههههههه يعني الحال من بعضه
سلطان يطالعها: اشلون يعني ما فهمت
نوفا: هي بعد تقول لي انك تكلمها بدون نفس دايما
سلطان وهو مستغرب: انا لا والله بالعكس بس مدرى احس اني لو بقول لها كلام بتزعل ولا بتغير السالفه والله مو عارفه هالبنت من وين اجي لها
نوفا بتردد: اقول سلطان علمني الصح ..انت ماخذها بالغصب
سلطان: من قال هالكلام
نوفا: صح ولا غلط يعني ما كنت تفكر فيها وابوي قالك تاخذها ..انا سمعت مره طلال يعلم امي بالسالفة
سلطان: ابقولج كل الحكايه وجوابا على سؤالك ايه صح ابوي اول من قال
نوفا: حرام سلطان ليه تلعب بمشاعرها وليه تاخذها لو انت مغصوب عليها وليه تمثل علينا انك تبيها حرام والله جواهر ما تستاهل كل هذا منك ... من يوم ما شافت المسج وعلمتني وهي متضايقه
سلطان:أي مسج
نوفا بارتباك: ها انا قلت مسج لا ما قصدي اقصد لما هي قالت لي
سلطان: نوفا انت مخبيه عني شي ما اعرفه .... مسج شو علميني ابي اعرف
نوفا بخوف: ماشي بس سلطان خلاص السالفة راحت
سلطان وهو جد وبدا يعقد حواجبه : اقول نوفا من اللى يرسل المسجات لها
نوفا: انت تعرف عن المسجات وليه تسأل
سلطان: لا ما اعرف استنتجت من كلامك يالله ابي السالفه من اولها انا اسمع
نوفا: بس توعدني ما تقول لها شي ولا تقول لأحد اني علمتك
سلطان: ليه فيه احد يعرف غير جواهر
نوفا منزله راسها: محمد وفهد
سلطان: وانا اخر واحد زوجها اخر واحد طيب يا نوفا قولي ابي اعرف
خبرته نوفا بالمسجات واشلون اخر مسج كانت وكيف عرفوا من فهد مصدرها وبالاخير اش صار
سلطان: كل هذا وانا وين ..وليه ما علمتيني انا من البدايه عشان اضع لهالمسجات حد
نوفا: هي قالت بتعلم فهد بس تأخرت وسافرت ونست لغاية اخر مسج ما شافتها
سلطان: الله يسامحج مشاعل تهدم حياتي عشان ايش
نوفا: يعني ما تعرف انها تحبك
سلطان باستغراب فاج عيونه: تحبني ليش ما عمري قربت صوبها ولا فكرت فيها ابدا
نوفا: الحب من طرف واحد
سلطان: لو صدق تحب ما تأذي اللى تحبه بس هذي قلبها اسود
نوفا: خلاص عرفت غلطتها مسكينه اخوها ما يخليها تطلع أي مكان
سلطان بغضب: تستاهل اكثر بعد
نوفا: من كذا يمكن جواهر تفكر انك مغصوب عليها
قام وقف ومسك ايدها وطلع من الغرفه الى قسمه ولغرفته
نوفا: ايش صار وين موديني ؟؟
سلطان: تعالي ...شوي وطلع من الكبت البوم ومجموعة فريمات شوفي وطالعي هذا اللى انا مغصوب عليها وش سويت
نوفا جلست تطالع بفريمات الصور كلها عباره عن رسوم لوجه جواهر وهي تبتسم او هي ساكته او هي نايمه بس اللى استغربت منه في رسمه واهي فاجه عيونها زين وحلقها مبين عليها مصدومه من شي
نوفا : وش هذا اشلون رسمتها بهالشكل ووين طيب
سلطان: هذي اول مره اشوفها بالمول وياج من يومها دشت قلبي ولا راح تطلع منه ان شاء الله .... هذا اللى انا مغصوب عليها بكل ليله اجلس لحالي هنا واتخيل شكلها وهي نايمه او مبسوطه آآآه لو تدرى اشكثر احبها واتمنى اليوم اللي يجمعنا سوا مع بعض اليوم قبل بكره ويوم ابوي طلب من طلال اخوي يزوجها حسيت بطعنه بصدري اشلون تكون لواحد غيري وارتحت لما سمعت من طلال انه ما يبيها ولا يفكر بالزواج ... من اول ما شفتها بالمول وهي ماخذه قلبي تفكيري والله
نوفا: الله الله كل هذا .... طيب وليه ابوي يغصب جواهر على طلال
سلطان: يعني قريب من سنه وبيخلص وعادي سنتين وبعدها يتزوجون ولانها بنت عمي يعني ما حب انها تروح لاحد غريب ...تفكرين ليه استعجلت على الزواج عشان ابين لها انه لي شخصيه تفكر انه الناس ممكن تمشيني على هواي بس لا
نوفا باستغراب: مو فاهمه؟
سلطان وهو يبتسم خبرها بسالفة المزرعه لما سمع كلامها بالتلفون ويا صاحبتها
نوفا: اها عشان كذا استعجلت بالزواج
سلطان: هههههههههه كنت اتخيل شكلها اشلون استقبلت خبر زواجها بس ارتحت انها ما عارضت ولا شي كنت خايف من هالشي
نوفا: ههههههههههههههه منت بسهل طلعت
سلطان: والله احبها احبها اه بس لو تعرف
نوفا بعدها مو مصدقه: طيب ليش ما تقولها هالكلام
سلطان: مرات احس بخوفها .. مع انى احاول اخليها تثق فيني بس مدرى لما احس منها بخوف او ملل وينقلب على طول قسوة اسكت اقول يمكن مع الايام بتتغير
سرحت نوفا شوي ومن بعدها: سلطان خلي هالشي علي وبتعرف اذا جواهر تحبك ولا لا اوكي
سلطان بحزن: يعني ابدا ما قالت انها تحبني .... طالع بفريمات الصور وجمعها وحطهم بالكبت مره ثانيه
نوفا مسكت ايده: جواهر طيبه ولما تتكلم عنك او تسألني عنك احس بسؤالها الاهتمام واكيد هالشي مو من فراغ اكيد مهتمه فيك وتحبك ولا ما تسأل عنك.... تبتسم قلت لك جواهر بتكون بنفسيه غير انت بس حاول تعطيها شي من الكلام الرومانسي وحتى لو صدتك ما عليه تقبلها وبتشوف اسمع مني
سلطان : تسألك عني بكل مره
نوفا: ههههههههه ايه تقول لي ابي اعرف اطباعه وتستحي تسألك بهالشي فأنا اقص عليها قصص
سلطان: لا والله اف بي آي اقول مره ثانيه لو سألتج عن شي قولي لها الاخبار خلصت من عندي تلقينها بمحطة سلطان اوكي
نوفا:ههههههههههههه ان شاء الله ولا يهمك


..........................................

جواهر رجعت لدراستها وطبعا حسن اخوها تزوج وكان العرس روووعه في افخم صالة اعراس ومن بعدها سافروا الى شرق اسيا شهر العسل ورجعوا وبعدين سكنوا في بيت لحالهم اما رجاوي جت قبل العرس بيوم وراحت بعد العرس بيومين ... العنود وجواهر طبعا بكل يوم يذاكرون ويا بعض استعداد للاختبار النهائي ...وما باقي على عرس العنود الا شهر طبعا بعد الانتهاء من المدارس .....



..........................................
بيوم وهي تذاكر اتصل عليها سلطان من طالعت الرقم اوووه ياليت الا اشتقت لي متصل ما فيني ارد بس بالاخير ردت
جواهر: السلام عليكم
سلطان: وعليكم السلام ...اشلونج جواهر واشلون الاهل
جواهر: الحمدلله تمام انت اشلونك واشلون الاهل ونوفا
سلطان: بخير .... ونوفا الاف بي آي ما عليها كلام بالدراسه وبقنوات الاخبار
جواهر:ههههههههه اشتقت لها والله
سلطان: هههههههههه زين انه تشتاقين لها ومو مشتاقه حق ناس غيرها
جواهر سكتت وبخاطرها ( فديت اللي تقوله ..... ياليتك تكمل ابي اسمع شي منك يطمني انك مو ماخذني بالغصب )
سلطان: بيي الاسبوع الجاي ان شاء الله عندي جم شغل عندكم
جواهر: والله
سلطان: ايه ... وغير الشغل اشتقت لج
جواهر ( اول مره تقولها ): بتقعد وايد هني ولا جم يوم
سلطان: يومين بس لكن على حسب لو تبيني اقعد بقعد اسبوع ليش لا وانتي دليلي السياحي تكونين
جواهر: لا والله شنو رايك اهد الدراسه واسرح وياك من مكان لمكان
سلطان: والله ودي بس لا حرام اخر سنة بنخليج تكملينها
جواهر: لا والله مشكور ما تقصر
سلطان ( ياربي تسحرني لما تقول لا والله دايما طفله احبج والله موووووووووت)
جواهر: سلطان وينك
سلطان: وياج بخليج تذاكرين زين لما بوصل بسوي لج تلفون
جواهر: اوكي سلم على خالتي ونوفا
سلطان: وبس
جواهر: عادي على كل اهل الرياض لو حبيت
سلطان: هههههههههه لا يكفي اثنين اعرفهم امي ونوفا
حست بفرحه شوي لانه سلطان حسته متغير شوي تحسه مبسوط ويتكلم ببساطه حتى انه قالها مشتاق مو مصدقه ..... كلمت على العنود من بعد المكالمه تخبرها
العنود: هههههههههه طيب طيب يالعدال علي كل هذا لانه قالج مشتاق عيل لو قال احبج شنو بتسوين
جواهر: يارب يقولها تصدقين احسه غير هالمره غير يارب ما يتغير بعد هالمكالمه ..بس لازم اتطمن واعرف انهمو ماخذني غصب.
العنود: ردينا على السالفه الماصخه ....ان شاء الله ما بيتغير والمره الجايه دورك تقولين له مشتاقه لك
جواهر: لا والله خليني بثقل شوي عيب
العنود: ايه اثقلي لين تصيرين دبه ما تطيقين تتكلمين ههههههههههههه
جواهر: يالله باي الحين بخليج ديري بالج على حالج احبج موووت واحبه بعد
العنود: هههههههههه طيب يالله تصبحي على خير
جواهر: وانتي من اهله

الجزء العشرون
الفصل الثاني


نوفا وليال وبنات عمها وروان صاروا علاقتهم اكثر من اول بكل ويك اند يتجمعون عند وحده اما مبارك فكان تعبان وحتى دراسته اهملها فتره ومن بعد ما كلمه عبدالله اخوه رجع لها .......ام مبارك حبت عبير وكانت لما تجي لعندها تفرح بشوفتها مع انه روان ما حبت انها تبين انه هذي عبير اللى يبيها مبارك وتمنتها تكون لمبارك ولدها
في يوم كانوا البنات مجتمعين عند روان ...كانوا بالغرفه يسولفون ومبسوطين
روان: الا ما قلتي لي عبير بتظلين بنفس المدرسه ولا طلبتي نقل
عبير: لا مرتاحه هناك فيها مع انه شوي جدولي مزدحم بس احسن من انهم ينقلوني خارج الرياض ماظني ابوي بيوافق وبيقول لي استقيلي بالاخر
ليال: حرام والله تستقيلين وبعدين هالوافدين اللي يجون من الخارج ليه ما يحطونهم بالمناطق البعيدة ويخلون اهل البلد في مكانهم
نوفا: يا العنصريه انتي ويعني الوافدين ماعندهم عوايل بعد ...وبعدين ليه معقدين السالفة اصلا الواحد يتعرف على بلاده بهالطريقه
مها:ههههههههههه السياحة في بلادي
الكل:هههههههههههههههههههههههههههه
عبير: اشرايج روان نروح نسلم على الوالدة ما شفناها من يوم ما جينا
روان وهي تغمز لليال: اوكي وانتوا بنات انطرونا هنا
نوفا وهي توقف: يا سلام عليكم واحنا ما نعرف الواجب الا ستوا عبير لا معاكم بنروح نسلم
راحوا البنات سلموا على والدة روان وجلسوا يسولفون معها وبعدين استاذنوا منها
ام مبارك: وين رايحين
نوفا: نخليج خالتي ترتاحين ما ورانا الا الازعاج
ام مبارك: البيت بيتكم وحياكم الله في أي وقت زين والله تنبسطون مع بعض لكن ها قربت الامتحانات كل وحده ترى بمذاكرتها ودروسها
مها: ما وراى شي قاعده بالبيت من غير شغل ولا مشغله
ليال:ههههههههههههههه الا وراج هالمنتدى
ام مبارك:ايش منتدى
مها وهي تغمز لليال: ولا شي خالتي قصدها وراي منتديات الكوره احب اتابعها
ام مبارك: وانتي بنيتي عبير
عبير: انا معلمه وادرس بمدرسة ابتدائي
ام مبارك: ما شاء الله عقبال الباقي
نوفا وهي ترفع ايدينها: يارب بعد دعوه غيرها خالتي تكفين
ام مبارك:ههههههههه ونشوفكم عرايس ان شاء الله
نوفا: آمييييييييييين
الكل: ههههههههههههههههههههه طلعوا من عندها ولما جت عبير بتطلع قالت لها ام مبارك: عبير يا بنتي خلك هنا شوي معاي سولفي
عبير وهي تطالع بروان اللى على طول ما صدقت امها تقول هالكلام
روان: خليج هنا مع امي يالله بنات وطلعتهم بسرعه
ليال بره: اوووه شوي شوي علينا ليه تدفينا كذا
روان: بعدين اعلمكم
نوفا: السالفه فيها شي لا يكون اللى في باليييييي
روان: ماشي في بالج ويالله نطلع فوق
جلسوا شوي وبالصدفه جا مبارك اول مره بدري من السهره وعلى طول راح لعند امه الغرفه يسلم عليها ... ومن غير ما يطق الباب فتحه وشاف بالصدفه المفاجأه اللى قدامه
عبير من شافت مبارك على طول نزلت راسها وتغشت بالشيله على ويهها وهي منحرجه على الآخر
ام مبارك: ايوه مبارك فيه شي ولدي
مبارك: لا ولا شي يمه آسف بعدين بجي ...وطلع على طول وقلبه يدق بسرعه طبول يالله وش اللى جابها هنا بالبيت
ام مبارك وهي تطالع في عبير: هذا ولدي مبارك
عبير : اها طيب ...ووقفت خلاص خالتي انا بستاذن الحين بخليج بروح اشوف البنات اسمحي لي وجت حبت على راسها
ام مبارك: مسموحه يا بنتي وسلمي على الوالده هناك
عبير: ان شاء الله يوصل
طلعت عبير على طول وطلعت بالدرج الا وهذا مبارك قدامها من شافها تصنم وشي بخاطره على طول طلعه
مبارك: اسمحي لي بكلمه
عبير وقفت ولا ردت وهي مررررره مرتبكه وقلبها يدق بسرعه لاول مره من بعد عادل زوجها يدق قلبها لما تشوف هالانسان ليه يارب
مبارك: مو بقادر افكر او اعيش حياتي عادي من اول ما شفتك ..... آسف بخلي روان تكلمك .... السموحه ومر من جنبها حست وقتها انه الزمن توقف مافيه الا هي وياه ( وش يقول هذا يفكر فيني من يوم ما شافني ....)هزت راسها وعلى طول طلعت لغرفة روان
اول ما دخلت كانت سرحانه
نوفا: زين والله قلتي اختي وبنات عمي موجودات
عبير: ها هذا انا ..... اقول مها يالله دقي على اخوي سيف يجي ياخذنا
مها: وش فيج ليه مرتبكة كذا .... وبعدين قالك سيف اليوم ما راح يجي راح عرس واحد من اصحابه
نوفا: انا باخذكم معاي الحين بيجي تركي ابو عبدالعزيز
روان: من هذا
نوفا: اخوي الكبير ومتزوج من العنود ومعه عبدالعزيز وسما
مها: طالع هذي ان تقول احد يتعرف عليها الحين هههههههههههههه
طلعوا البنات وكل وحده راحت لبيتها........


......................


جواهر بالدراسه عادي ويا العنود واول ما رجعت من المدرسة تغدت ويا الاهل وجت بترتاح وتنام ووياها كانت غاده بنت اخوها الا وهذا اتصال ن سلطان
سلطان: السلام عليكم
جواهر: وعليكم السلام هلا والله
سلطان: هلا بالغاليه اشلونج جواهر؟
جواهر: الحمدلله تمام ربي يسلمك اشلونك انت واشلون الاهل ؟
سلطان: الحمدلله كلهم يسلمون انا بالفندق تو الحين وصلت
جواهر ما استوعبت: والله انت الحين هني بالكويت
سلطان: ايه بفندق الشيراتون
جواهر: الحمدلله على السلامه ...وليه ما قلت متى بتوصل كنت قلت لأخوي ابو خليل يستقبلك بالمطار
سلطان: لا عادي... الحين بتغدى وبرتاح ساعه ....وبعدين ادرى وراج دراسه اش رايج تخلين اخوج يمرني على العصر الساعه 4 ونص اكون ارتحت ومنها اجي لعندكم ....ودي اجي الحين بس مو حلوه الكل جاي من الدوام تعبان
جواهر: عادي والله
سلطان: يعني تبين تشوفيني الحين
جواهر ارتبكت وما عرفت بايش ترد: قصدي عادي يعني لو بتيي هني حياك
سلطان: لا خليها على العصر زين مع السلامه الحين
راحت جواهر علمت اخوها ابراهيم اللى على طول اتصل عليه وعرف رقم الغرفه وتركه يرتاح من السفر


................

العصر اول ما صحت من النوم غسلت ويهها وتوضت وصلت وبعدها تعدلت حطت لها كحل اسود خفيف مع جلوز وردي شفاف ولبست تنوره خضراء مخمل مع شيفون اسود على الاطراف تحت وفيها كذا قصه من عند الخصر مع بلوزه سوده .... سرحت شعرها ونزلت خصلات وحطت شيلتها على كتوفها ونزلت لتحت ...
نزلت لتحت بالصالة لقت امها جلست معها شوي يسولفون
امها: u r beatufil I think all this for ur husband Sultan
جواهر: ههههههههههههه I'm beatiful before he became my husband don't u think so?
امها: ur right
جواهر:وينها غدوووه
امها: نامت قبل نص ساعه ..... صارت شقيه هالبنت تبي كله بس لعب ولا تبي بعد تاكل ..ياليت يسمع الكلام ابراهيم ويتزوج
جواهر: اكيد راح يتزوج بالاخير لا تشيلين هم
شوي ويسمعون جرس الباب ...الشغاله فتحت الا وهذا حسن مع عاليه بنت عمه رحبوا فيهم
جواهر: هلا والله وغلا بعالووووه وراحت سلمت عليها
حسن: السلام عليكم .....طالع هذي ما شافت الا عالوووه
جواهر:ههههههههههههههه فديتها بنت عمي اشلونج عالوووه اشلونك حسن وعن الهذره الزايده
حسن: طيب انا بخير والحمدلله
عاليه: اشلونج جواهر وحشتينا يالقاطعه ما تسألين ولا تقولين لنا بيت عم تيين تسليني شوي
جواهر: والله انشغلت بالدراسه تعرفين اخر سنه ابي اجيب النسبة الحلوه
امها: هلا عاليه اشلونج واشلون الاهل
عاليه بعد ما سلمت على خالتها: الله يسلمج خالوووه الحمدلله تمام يسلمون
امها: الله يسلمهم تعالي قربي اجلسوا
حسن: وين حبيبة حسن ما اشوفها اليوم
جواهر: ماما تقول فكه نامت قبل شوي
حسن: حرام عليكم اشلون تنام وانا قلت بشوفها طالعوا هالجيس اللي جايبه لها وطلع كيس فيه بعض الدمى الصغيره
ام ابراهيم: ماحد مدلعها الا انت وابوها البنت صارت تلعب اكثر من انها تاكل والله
حسن: قلت لكم خلوني وياها شهرين وانا اجيب لكم اياها دبه
جواهر : بروح اشوفها يمكن صحت ولا شي
امها: نورما اعتقد هناك قريبه منها لو صحت
جواهر: لا انا بروح نسيت جوالي بعد بالغرفه
وراحت خذت جوالها وهي رايحه صوب جناح اخوها الا وهذي نورما شايله غاده
جواهر خذتها منها وبوستها بخدها: فديتس عموووه انا صحيتي من النوم تبين دادا ( رضاعه حليب )
غاده حركت لها راسها معناه ايه ....
جواهر: Norma make some milk for gada and bring it downstairs in the sitting room



...........


نزلت فيها لتحت وهي نازلة الدرج الا وهذا بدر ولد عمها بعد وصل.....
بدر: السلام عليكم
الكل: وعليكم السلام
بدر: اشلونج خاله اشلون عمي ماعدنا نشوفه بالديوانيه هاليومين
خالته: والله مثل ما تعرف شغل واجتماعات ومسافر ان شاء الله بعد يومين الى هولندا لحضور اجتماع الصحه العالمي
بدر: يروح ويرجع بالسلامه سلمي عليه ...ها اشلونج جواهر ...... هلا وغلا بهالويه اللى ينور هلا بالحبيبه بنت الغالي ...وبوس غاده بخدها بس ما اخذها من جواهر
حسن: هيه انت شنو حبيبه ما حبيبه لا تقرب صوب خطيبتي لو سمحت
الكل:ههههههههههههههه
عاليه: رح انت وياه الحين بتنطرونها لين تكبر والله يكون كل واحد هو عكازه
حسن: بسم الله علي ما راح اعجز بسرعه دوم شياي ان شاء الله
بدر:هههههههههههههه من الحين انت عجوز طالع بويهك زين ولا بالله هذا شكل شب
حسن: المصيبه الواحد اللى ما يقدر كمال وجمال الأجسام ( حسن يتدرب في نادي كمال الأجسام )
جواهر:ههههههههههههههههه لا وبعد كمال اجسام كملت
قربت عاليه منها وخذتها وقعدت تبوس فيها
عاليه: غدوووه الحلوه منو انا
غاده وهي تطالعها
جواهر: هذي خالوووه عاليه ...تتذكرين ايام زمان وياها
عاليه:هههههههههههههههههه
غاده بحياء: عاله
عاليه:ههههههههههه ايه عاله فديتس انتي وبوستها بخدها ...


....

اول ما شافها حسن قرب منها بس مارضت وكانت ماسكه عمتها جواهر اللى ضحكت منها
جواهر: ههههههههههه حبيبتك ما تبيك اليوم زعلانه عليك تعال بوقت ثاني ....
حسن ويخلي روحه زعلان: افااااااااااا وليه الزعل انا اراضيها ان شاء الله ...غدووووه حبيبة حسن شوفي شنو جايب لج بهالجيس وحطه قدامها
غدوووه من شافت الكيس بعدت شوي من عمتها جواهر وجت لناحية الجيس اللى اول ما فتحته لقت الدمي اخذت لها ثنتين كل وحده بايد ورجعت لحضن عمتها

....


بهالوقت وصل سلطان مع ابراهيم اللى دشوا البيت على طول وتفاجأ لما شاف جواهر قاعده ويا حسن ولد عمها جنبها وغاده بحضنها طلع براسه الغيره والعصبيه اشلون تقعد كذا مع رجال غريب ..... عاليه لما شافته تفاجأت لانها ما تعرفه وسالت عنه على طول خالتها
عاليه بصوت واطي: خالوووه من هذا
خالتها: هذا سلطان زوج جواهر
عاليه وهي تطالع جواهر اللى حمرن خدودها بشوفته ووقفت لهم ومعها غاده اللى على طول خذها ابوها منها
ابراهيم: السلام عليكم وكاهو سلطان يبته لكم
سلطان : السلام عليكم وحب راس خالته وصافح حسن اللى قدم ايده له
حسن: وعليكم السلام هلا والله ..وطالع في ابراهيم يعني يقول له من هذا
ابراهيم: هذا سلطان زوج جواهر
حسن: اها هلا والله سلطان حياك الله انا حسن ولد عم ابراهيم
بدر: هلا حياك الله سلطان وسلم عليه
سلطان كان مو عاجبه انه جواهر جالسه عادي ويا اولاد عمها من غير غشوه وتسولف معهم وتضحك
سلطان وكلامه فيه الجديه شوي : اشلونج جواهر
جواهر: الحمدلله تمام .... وعلى طول ما طالع لها وحول على غاده ...... سلطان: ومنهي هالحلوه اللى معاج وقدم ايده له اللى على طول راحت لعنده
حسن: يوووه طالع هذي الخاينة الحين من اول وانا اراضي فيها وهالهدايا كلها وبالاخير تتركني وتحط عينها على واحد غريب
ابراهيم: سلطان ماهوبغريب الا من اهل الدار وبعدين لا تتعب روحك غاده بنتي ماهي لك يا الشاطر حسن هههههههههههههه
عاليه وجواهر:هههههههههههههههههههههههههه
ابراهيم: اشلونج عاليه اشخبارج
عاليه: الحمدلله تمام طاب حالك وانت اشلونك
ابراهيم: الحمدلله ربي يسلمج ايه سلطان وهذي بنت عمي عاليه
سلطان من غير ما يطالع فيها زين كل نظراته مع غاده : حياج الله اشلون الاهل
عاليه بصوت واطي ومنحرجه: الحمدلله بخير
جواهر لاول مره تتكلم : الحمدلله على السلامه
سلطان وكنه لاول مره يشوفها ( يالله بتذبحني هذي وتخلي الناس تشوف هالجمال ياويل حالي وانا وين بعيد عنها )
سلطان: الله يسلمج اشلونج جواهر واشلون الدراسه وياج
جواهر: الحمدلله تمام ماشي الحال
جلسوا الكل اما جواهر وعاليه فطلعوا لفوق
عاليه: ما شاء الله ولد عمج وزوجك محلاه وباين عليه طيوب ربنا يسعدكم جواهر
جواهر بخجل: امين ها شنو رايج
عاليه: صراحه وسيم من وين ياي
جواهر وهي تضحك:هههههههههه والله من الرياض
عاليه: ههههههههههههههه ع بالي من كوكب ثاني
شوي ويدق الباب عليهم
فتحته جواهر: هلا ابو خليل شنو عندك
ابراهيم: سمحوا لي وهو يطالع بعاليه .... ابقول سلطان كنت عازمه على العشا فقال نخليه احسن غدا ويا الاهل واهو الحين عازمنا على العشا لكن بره في مطعم على جذي جهزي روحك اوكي
جواهر بتردد: لا ما اقدر عاليه هني مره ثانيه خله يتعشى هني احسن
عاليه: جواهر شنو هالكلام ما عليه انا جييت زياره سريعه وراى مشوار لازم اروح له
جواهر: ادرى اخترعتي هالمشوار اقول انثبري واقعدي
عاليه: والله وراى مشوار بياخذني حسن بجلس نص ساعه وبروح
ابراهيم: تيي ويانا عاليه ما فيها شي اهي وحسن انا قلت له
عاليه: لا شنو اجي وياكم بروح مشواري وابتسمت بشوفج مره ثانيه استانسي
جواهر: اوكي بس تيين مره ثانيه
ابراهيم: خلاص عيل اشوفج بعدين بنروح الحين نلف بالديره شوي وبنرجع حزة المغرب .. (وهو يطالع بعاليه) سلمي على عمي وخالتي
عاليه: ان شاء الله يوصل

بعد المغرب كانت جواهر مجهزه روحها وشوي يجيها اتصال من نوفا
جواهر: هلا والله بهالصوت اشلونج نوفا اشخبارج يالقاطعه
نوفا: ايه انا ولا انتي اشلونج اقول سلطان وينه
نوفا: بسم الله توه ياي من عندكم لحقتي تشتاقين له
نوفا: فديته اخوي حبيبي ان ما اشتقت له بشتاق لمين؟؟؟
جواهر: تشتاقين لجواهر يالغلا هههههههههه
نوفا: ايه ومشتاقه لج والله اهو عندكم
جواهر: بيجي بعد شوي طلع ويا اخوي
نوفا: امي تدق عليه وكله مقفل جواله
جواهر: بعلمه لما اشوفه انه يدق لكم ولا يهمك اكيد جواله فضى من البطاريه
نوفا: انزين شتسوين الحين علميني
جواهر: والله ولا شي اجهز روحي بنطلع الحين
نوفا باستغراب: ويا سلطان
جواهر: ايه
نوفا: بروحكم
جواهر: ايه شنو فيها زوجي
نوفا: احلفي
جواهر: هههههههههههههه ويانا اخوي وبعدين عادي ما فيها شي لو طلعنا انا وياه
نوفا: اها يالدبه طيب اخليج ولا تنسين خليه يتصل على امي اوكي
جواهر: ان شاء الله وسلمي على البنات هناك وحشتوني حييييييييل
نوفا: الوحش ما تشوفينه ان شاء الله
جواهر:هههههههههههههههه يالله قلبي ويهج مع السلامه
نوفا:هههههههههه طيب مع السلامه يالدبه


.................



بعد المغرب جواهر لبست جينز ويا بلوزه بيضا وجاكت اسود ولبست عباتها وشيلتها ونزلت لتحت تنتظرهم يرجعون بعد الصلاه
جا سلطان ويا اخوها ابراهيم
ابراهيم: السلام عليكم ها جاهزه اشوف
جواهر ابتمست: ايه توني نزلت بنطلع الحين
ابراهيم: ايه بس شوي ابدل وارجع لكم دقايق ...راح ابراهيم
سلطان قرب منها: اقول جواهر ان شاء الله بتطلعين بهالشكل
جواهر طالعت فيه: اش فيه شكلي مو عاجبك
سلطان: اظن انتي فاهمه يعني وين الشيله على وجهك
جواهر: سلطان هني عادي انا اطلع بدونها ما فيها شي
سلطان: اظن انه انا الزوج مو انتي مافيه طلعه بدون غشوه عندنا غير وهني نزعت برقع الحيا يعني
جواهر طالعت فيه بعصبيه وامتلت عيونها بالدموع وجت بترد عليه الا وهذي امها طلعت من المجلس على طول طلعت الدرج
امها: لوين جواهر
جواهر: من غير ما تطالع فيها: نسيت شي بروح وبجي
امها: هلا سلطان اشخبارك
سلطان : الحمدلله اشلونج خاله وينه عمي
ام ابراهيم: في المجلس تعال قرب
راح سلطان عند عمه وسلم عليه وشوي جا ابراهيم ومعاه جواهر
ابراهيم: السلام عليكم اشلونك يبه
ابوه: الحمدلله بخير
ابراهيم وهو ياخذ بنته من عند ابوه: حبيبة بابا وينها اليوم وبدا يضحكها ويلعبها
غاده: بابا لووووح
ابراهيم: بكره اوديج ملاهي مع عموووه جواهر الحين مع ماما جلسي اوكي
جت امها وخذتها منه لكن غاده الا تبكي وتصيح تبي معه
جواهر: حرام ابراهيم بناخذها معنا
سلطان: خلها تجي معنا
ابراهيم: وين تجي بعدين بروح عند الربع لا ما فيني يالله خلونا نمش
وصلوا مطعم الابراج حب ابراهيم يروى سلطان اشلون منظر الواجهه البحرية بالكويت في الليل ......كان المنظر روعه وسلطان لاول مره عجبه المنظر
وقت الاكل رفعت جواهر غشوتها وجا الجرسون اعطاهم المنيو وطلع
سلطان: جواهر الناس حوالينا
ابراهيم: ايوه ليه فيه شي
سلطان: قصدي اممم لا ولا شي
ابراهيم فهم قصده يمكن عشان هي رفعت الغشوه من عليها بس سكت ما حب يتدخل بينه وبين اخته
جواهر: عادي الكل لاهي بالعشا يالله طالعوا بسرعه ترى ما تغديت اليوم وايد مدرى احساس اني بطلع مكان ههههههههههه
سلطان قرب من جواهر: طيب .. اشتبين تطلبين
جواهر وهي تطالع بالمنيو: ابي شوربة عدس بالاول وبعدين ابي ستيك سيزلار
سلطان: اشرايج نذوق طبق جديد ما نعرفه
ابراهيم: على شنو تتساسرون انتي وياه
جواهر:ههههههههههههههه يا شين اللقافه بس ياخوي
ابراهيم: انا ملقوف يالدبه
جواهر: فديتك خيو ابو خليل اسمعوا يالله انا باختار وانتوا عاد وحظكم موافقين
سلطان طالع في ابراهيم: امرنا لله يالله شوفي واختاري
اختارت جواهر وطلبوا الاكل وكان شوي نص نص يعني ما عجبهم ولا بعد حبوا طعمه
سلطان: الله يسامحج هذا اللى اخترتيه الحين
جواهر: عادي مو قلت انت نتذوق شي جديد يالله كل وانت ساكت
ابراهيم: احلى اختي ايه جذيه ابيج دايم قويه
طالع فيه سلطان وبعدها ضحك بصوت عالي حتى الناس اللى حوله التفتوا له
ابراهيم: الله يغربلك فضحتنا بهالصوت قصر حسك شوي
جواهر:هههههههههههههه
خلصوا العشا ومن هناك راحوا للمول اما ابراهيم قال انه بيروح عند ربعه واما جواهر قالت نفسها تروح تشوف فلم بالسينما
سلطان: خلاص اظن انتي تدلين البيت بعدين نرجع بكاب
جواهر: شنو نرجع بكاب لا بخلي الدريول يجي وقت انتهاء الفلم عادي
ابراهيم: لا توصون على احد ولا شي ابرجع لكم بس سووا لي مسج اوكي
سلطان: خلاص تم يالله مشينا
لفوا بالمول شوي ودشوا محل ساعات
كانت جواهر تطالع بالساعات وعجبتها ساعه حلوه
جواهر وهي تمسك ايد سلطان لا شعوريا: شوف شوف هالساعه اشحلاتها صح
سلطان قرب منها وابتسم لاول مره يحسها على طبيعتها : ايه حلوه تبينها
جواهر: لا عندي وايد بس مابي
سلطان ابتسم من ردها وما علق ودشوا محل ميك اب وعطور وفجأه طلع سلطان تلفونه واتصل: لحظه جواهر ابتصل بخصوص الشغل وطلع من المحل شوي
اهي كملت مشاويرها بهالوقت جا ثلاثه شباب وقربوا منها لما شافوها بروحها ولانها متعوده ترفع الغشوه من على ويهها لما تطالع بالمعروضات اللى قدامها
........1: يابوووووووووووك شنو هالجمال
......@: اقول يالحلوه امري تدللي اشتبين احنا حاضرين وبدا يرقمها
الثالثه كان ساكت اما هي من سمعت تعليقاتهم راحت مكان غير ولا ردت عليهم واهم كله متابعينها ويعلقون عليها
بالاخير واحد وقف في ويهها: اقول مو علينا هالحركات يالحلوه شنو اسمج انا اسمي ناصر
......: وانا خالد
مبروك: انا بمشي ترى يالله خلونا نروح ما تنعطى ويه هذي
جت بترد عليه الا وتسمع صوت من وراهم
سلطان: انت وياه روحوا قبل ما ارتكب فيكم جريمه الحين
ناصر: يمه خرعتني قلبي يرجف وانت اشدخلك بينا
سلطان كان في ايده كيس اول ما سمع كلامه على طول قرب من ناصر ومسكه من ثوبه: مبين عليك مو بولد اصل ولا اولاد الاصول مو سواتها بهالشكل
قرب مبارك منهم ومسك ايد سلطان: ياخوي احنا اسفين حقك علينا يالله امشوا
جواهر: سلطان سلطان خلاص فكه الله يخليك
فكه سلطان والشباب راحوا على طول
سلطان قرب من جواهر: زين كذا رحت شوي القا اللى ما يسوى يسوى كذا وربي كنت برتكب فيه جريمه اليوم لانه تجرأ وطالع فيج
جواهر لاول مره تشوف سلطان معصب وخافت بالاول بس من كلامه حست انه يغار
جواهر: لهالدرجه تغار علي
سلطان: الغايره شديده وخصوصا لما يكون حد من اهلي
جواهر حست باحباط من كلامه يعني مو مهتم لها الا لانها وحده من الاهل مشت قدامه من المحل وهو تبعها
سلطان مسك ايدها : هيه انتي وين رايحه وخليتيني واقف
جواهر : لا والله ابروح بنشوف الفلم تاخرنا يالله عاد
سلطان في نفسه( ياربي هالبنت بتطير برج من عقلي ) مسك ايدها هالمره بالغصب وراح وياها شافوا فلم كوميدي وانبسط انه شافها تضحك ومرات يطالع فيها وهي مندمجه مره على الفلم ...جواهر مره بالصدفه وهي تضحك شافته يطالعها بس كملت ضحك ووناسه
سلطان بعد ما طلعوا من الفلم : الفلم حلو
جواهر: شنو حلو الا يفطس من الضحك ما شفت الريال لما دش البيت ولقى المفاجأه ههههههههههههه
سلطان: ههههههههههههههه ايه مفاجأه مسكين وربي لو كنت مكانه كنت تجننت من يومي مع هالعيله
جواهر: كاهو ابراهيم يالله
سلطان مسك ايد جواهر: لحظه خذي هذي
جواهر طالعت بالكيس: شنو فيه
سلطان: يا شين اللقافه بس
جواهر:هههههههههههههه طيب سكتنا
سلطان: ابتصل عليج لا تسكرين الجوال اوكي
جواهر: ان شاء الله
وصلوا سلطان للفندق بالاول وبعدين راحوا البيت

..............


اول ما وصلت غرفتها على طول راحت بدلت ملابسها وتوضت وصلت ومن بعد قرت لها من القران ولما كانت بتفتح الكيس الا وهذا اتصال من سلطان
جواهر: هلا
سلطان: السلام عليكم
جواهر: وعليكم السلام هلا وغلا
سلطان: ها اشرايج
جواهر: في شنو؟؟؟؟؟
سلطان: يعني ما فتحتي الكيس ؟؟؟
جواهر: بدلت وصليت وكاني بفتحه الا وهذا اتصال منك لحظه اشوف شوقتني
سلطان: ههههههههههه طيب يالله افتحيه قدامي
جواهر حطت الجوال على السرير وفتحت الكيس لقت فيه صندوق فتحت غلاف الهديه الا وهذي الساعه
جواهر( مو معقوله الله ..... ولبستها بايدها)
جواهر رفعت الجوال: مشكور سلطان ربي يخليك لي
سلطان: ما قدر اشوف عيون جواهر تتمنى شي وما يكون لها وان شاء الله دايم بتلقين اللى تتمنينه
جواهر حمرن خدودها: ليه كلفت غاليه ادرى فيها
سلطان: ما يغلى عليج كم الف عادي الفلوس تروح وتجي والخير وايد الحمدلله
جواهر: ها اشرايك بالكويت
سلطان: ههههههههههههه حلوه والاحلى انج انتي منها
جواهر: ..........
سلطان: جواهر
جواهر: سم
سلطان: سم الله عدوينج ... تكلمي ليه ساكته
جواهر: ولا شي بس احتريك اشلون الشغل وياك
سلطان: ماشي ما عليه ......
جواهر: بكره ان شاء الله بتتغدى هني
سلطان: ان شاء الله
جواهر: اشتقت لنوفا والله
سلطان:هههههههههه اشرايج اخليه تجي
جواهر بفرح: والله
سلطان:ههههههههههههه امزح يالله الغاليه تصبحي على خير واحلام سعيدة
جواهر: وانت من اهله
سكرت جواهر جوالها وراحت تنام ........


الجزء العشرون
الفصل الثالث


يالله اش كثر الناس الموجودين بس وينه ما اشوفه انا .....
مها: يالله عبير تعالي بسرعه
عبير: وين
مها: لهناك يالله روحي
تشوف قدامها عادل وهو مبتسم..وتتقدم له وشوي وياخذ بايدهاويحطها بايد شخص جنبها تلتفت الا وهالشخص مو عادل ياربي هالويه مو غريب عني
عبير: انت مين؟؟؟
يبتسم ويقول :ما عرفتيني ...انا زوجك
عبير: لا لا مو انت عادل مو انت عادل .........لالالالالالالالا
صحت من النوم مرعوبه تعوذت من ابليس وراحت شربت لها كاس ماي وهي راجعه الا وتسمع صوت في غرفة مها اختها طقت الباب وشوي ما سمعت أي شي رجعت وطقت الباب مره ثانيه
عبير: مهوووي انتي صاحية
وانفتح الباب
مها: عبير خرعتيني ع بالي امي
عبير: للحين صاحيه
مها: ما وراي شي اش اسوي وبعدين بهمس تعالي نسولف يالله ليه صحيتي انتي
عبير: حلم صحاني ورحت اشرب مويه
مها: اقول اشرايج تحكي لي عنه وبالمره ما اسهر وحدي
عبير: لا بكره ان شاء الله الحين برجع انام وراى دوام يالله تصبحي على خير
مها: وانتي من اهله
راحت عبير غرفتها ونامت وكملت دوامها عادي بس بوقت الدوام كله تتذكر الحلم
هند صاحبة عبير في المدرسه: اشفيج عبير اشوفج اليوم مو مثل كل مره
عبير: ولا شي بس ضايقة نفسي شوي
هند: عسى ما شر لا يكون احد متقدم لج
عبير: ليش يعني بتضايق
هند: ادرى فيج لما احد يتقدم لج تكونين مره متضايقه ومعصبه وما تكونين على طبيعتج لمتى يا عبير تحرمين نفسك من اشياء
عبير: الله كريم تصدقين حلمت امس حلم غريب وهذا اللى مخليني متضايقة شوي وحكت لها عن الحلم
هند: سبحان الله تصدقين انه هذي علامه
عبير: اش علامته ؟
هند: بكل مره انتي ترفضين ولا قد حلمت مثل هالحلم صح
عبير: الا حلمت
هند: يعني تحلمين بكل مره ترفضين شخص عادل
عبير: لا مو كذا بس احلم في عادل مرات يا اني اكلمه او اشوفه بس ما اقدر اكلمه او اوصل له
هند: وهالمره غير
عبير: ايه هالمره غير لاول مره احلم بهالشي
هند: اعرفي انه عادل يبيج تتزوجين من بعده وتعيشين حياتج
عبير: لا لا مستحيل اكون لغير عادل
هند: عادل الله يرحمه ولو انتي كنتي في مكانه بترضين انه يعيش دايم من غير زواج
عبير: لا ما برضى
هند: خلاص مثل ما انتي ما ترضين هم بعد عادل ما يرضيها لج ونصيحه لا ترفضين اللي يتقدم لج ...الا بسألج انتي شفتي هالشخص بالواقع
عبير: من تقصدين
هند: اللى قاله انه زوجك
عبير: ايه
هند: يعني تعرفينه
عبير نزلت راسها : اشبه عليه بس
هند: قد مره كلمك ولا شي
عبير: مدرى اشقول لج وخبرتها بسالفة مبارك
هند: شفتي اشلون حتى عادل راضي عنه وجا بالحلم عشان مصلحتج عيشي حياتك ..... واعرفي انه عادل مرتاح من هالشي وراح ينبسط اكثر لما يعرف انه انتي مرتاحه وسعيده
عبير: بس ما عمري تصورت اعيش مع حد غير ونزلت دمعه وحيده من عينها
لوت عليها زميلتها هند: يالله خلاص ما فينا على الدموع وبعدين شوفيهم يطالعون فينا اسمعي الكلام واستخيري ربك واذا الشخص اللى تعرفيه هذا بيتقدم لك لا ترفضيه
ابتسمت ومسحت دمعتها وجلست تكمل سوالف مع هند

..........
رجاوي بقى على نهاية كورسها تقريبا 3 اسابيع وفرحانه بالمره وكانت ويا صاحبتها بالكوفي
هلا: الا اقول وين بتروحون هالصيف
رجاوي: والله مدرى نفسي اروح شرق اسيا ما رحت لها
رندا: انا رحت لها مرتين حلوه بالمره خصوصا الجزر اللى حواليها
هلا: والله فكره اشرايكم كل وحده تقول لاهلها نروح هناك فرصه نشوف بعض
رجاوي: يووه تبوني بعد اقابلكم هناك بالصيف حرام عليكم كافي علينا رازين الويه هني بكل يوم وبالشقة بعد
رندا : من جد هالكلام اشرايج تذبحينا وتفتكين
رجاوي+ الكل:هههههههههههههههههههههههههههههههههههههه

...........

عاليه: الا اقول يمه وين بكره الحفله
ابو بدر: ما تخلص هالحفلات
ام بدر: والله هذا موسمها تعرفون اعراس
ابو بدر: يعني انتي راح يكون دوامك كله بالليل هالفترة
الاولاد:هههههههههههههههههه
ام بدر وهي تطالعه بعين: ابو بدر عيب اشهالكلام اللى تقوله انت وبعدين اعتقد انه هذا واجب
ابو بدر: عاد بكل وقت واجب ما صارت واظني انتي تعرفين اشقصد
ابتدا الجو يشحن بين ابو بدر وام بدر
ام بدر: احسن اروح داري واشوف التلفزيون براحتي هناك
عاليه: يمه حرام عليج خلينا نقعد سوا من زمان والله وحشنا هالجمعه مع بعض
ابو بدر: الا وينه حسن ما اشوفه
بدر: اكيد ويا حبيبته الحين
ام بدر: شنو تقول حبيبته ومنهي هذي بعد اللى لعبت بعقل ولدي
عاليه وبدر يضحكون :هههههههههههههههههههههههههه
عاليه: ايه انا شفتها حلووووووووووووووووه مره ومن اول ما تشوفينها تحبينها
بدر: والله حتى انا بعد حبيتها من يوم ما شفتها
ابو بدر: كلكم حبيتوها ما شاء الله اشرايكم اشوفها انا بعد واحبها
عاليه:هههههههههههههههههه
بدر: اظن انك شفتها وحبيتها
ام بدر: شنو هالكلام الفاضي انت وياها علموني وينه حسن راح
بدر:ههههههههههههه اكيد في بيت عمي من كثر ما يحب غدووه بنت ولد عمي ابراهيم
ابو بدر:هههههههههههههههههههه الله يغربلكم من شياطين وانا ع بالي افكر منو هذي اللي شفتها وحبيتها ما لقيت احد
ام بدر: ابو بدر اشوفك قمت تخور بالكلام
ابو بدر:هههههههههههههههه لا قصدي ماحبيت الا وحده بحياتي
بدر: يا سلام على الكلام الرومانسي ههههههههههههههه
ام بدر: والحين عاليه انتي لمتى بتظلين كذا ما تبين يعني اللى تقدم لج من فتره
عاليه وهي تلف براسها يمين يسار: يمه جم مره قلت لج مابي اتزوج لما بتزوج بعلمك اوكي ولا عاد ابي اسمع هالكلام ارجوكم وراحت وهي تصيح لغرفتها
ابو بدر: الله يهداج الحين هي بعدها ما نست اللى صار لها وانتي الا كله تردين عليها سالفة الزواج
ام بدر: يعني لمتى بتظل جذي ولا راضيه بحالتها وانهم يقولون عنها مطلقة
بدر: يقولون اللى يبونه اختي ما غلطت والغلط من هذاك النذل هذا اللى قلتي عليه انه ريال وما ينعاب ومدرى شنو
ام بدر: يعني الغلط مني اني ابيها تعيش مرتاحه وخدم وحشم تحت ريولها
ابو بدر: خدم وحشم على ذل ومهانه ما نبيها
ام بدر: خلاص لا عاد تردون هالسالفه مره ثانيه حتى انا متفشله لما اشوف امه بالحفلات
ابو بدر: تتفشلين من شنو الا هم اللي يتفشلون وبعدين اقول هالحفلات انا مليتها واحسن لك تقللين من هالمظاهر الكذابه اللى مالها اول ولا آخر
ام بدر: يعني تبين اقابل الطوف
ابو بدر: تقابلين الطوف ويا زوجك واولادج احسن من مقابلة الطوف ويا المنافقين بالحفلات ..تصبحوا على خير
وقف بعد هالكلام وطلع لغرفته ...
ام بدر : انزين وانت من اهله ..... وانا اش مقعدني هني بطلع ...
وراحت ورا زوجها
راح بدر لغرفة اخته عالية وطق الباب وحاول يفتحه لقاه مقفل
بدر: عاليه حبيبتي فتحي الباب
شوي وينفتح الباب ويشوف عيون عايله المتورمه من البكا
فتح ايدينه وعلى طول راحت بحضنه تبكي وتصيح
بدر : بس خلاص عاليه وربي ما يهون علي هالدموع الغاليه تذرفينها على شي ما يسوى
عاليه:.................
بدر: عالووه حبيبتي اشرايج نتمشى شوي بالسياره
عاليه: والله
بدر: اشوف بسرعه جاوبتي
عاليه تبتسم: يعني اشلون
بدر: يالله البسي عبايتج ويالله بروح اجيب سويك السيارة اوكي
راح لغرفته وكلم وعد خطيبته قبل ما يطلع شاف ميسد كول منها
بدر: السلام عليكم هلا وعد
وعد: هلا بك بدر اشلونك
بدر: الحمدلله تماما وانتي؟؟
وعد: طيبه ليه ما رديت
بدر: كنت ويا عاليه وبروح الحين اطلعها شوي نتمشى
وعد: يا حظها والله
بدر: فديتج بعدين كل التمشي بيكون لج
وعد: لا مو لوحدي عاليه معاى ان شاء الله
بدر مبسوط بردها ويعرف انه وعد تحب اهله وطيبه وما راح يلقى احسن منها ( زواجهم تحدد في شهر 8 يعني بعد 4 شهور)
عاليه تطق الباب : بدر يالله انا خلاص
بدر: اوكي وعد فديتج انا بروح تامرين على شي
وعد: سلامتك قلبي سوق بشويش
بدر: ان شاء الله تامرين انتي يالله مع السلامه
وعد: مع السلامه
..................
وقت الغدا الكل كان بالصالة جواهر ويا امها وابوها وغاده
ابو ابراهيم: اقول جواهر رجاوي ما اتصلت
جواهر: الا بابا امس كلمتها وتسلم عليكم نسيت لا اقولك
ام ابراهيم: تتذكرين شنو انتي من بعد ما جا سلطان هههههههه
ابو ابراهيم: ههههههههههه
جواهر: مامااااااا
ام ابراهيم: غدوووه حبيبتي تعالي
كانت غاده تلعب ويا العابها التركيب بالصالة
جواهر راحت وقعدت معها على الارض تركب باللعبه وتحضنها بكل مره وتضحكها
غاده: عموووه واهر نخلث لعبه
جواهر: ايه ولا يهمج وكانت فاله شعرها ولا على بالها واهي معها تسولف وتلعب .. شوي ما حست في ابراهيم وسلطان اللى دحلوا البيت وطالع في سلطان ورفع ايده يعني اسكت
ابراهيم واقف ورا جواهر وبنته: فديتكم بناتي يا زينكم والله
غاده بفرح تلتفت على ابوها: بابااااا وتروح بحضنه
ام ابراهيم وابو ابراهيم:ههههههههههههههههه
اما جواهر جت بتتكلم الا وتشوف سلطان من وراه وقفت وهي مرتبكه وعدلت روحها وعلى طول راحت وجلست على الكرسي
سلطان: السلام عليكم اشلونك عمي وراح سلم عليه ....واشلونج خالتي وراح سلم على ام ابراهيم
ابو ابراهيم : الحمدلله على السلامه هلا بك
ام ابراهيم: الله يسلمك حياك الله سلطان اقعد
جواهر تطالع سلطان ويتكلم ابراهيم: مدرى اشلون تزوجت على ياهل للحين تلعب بالتراكيب
جواهر: لا والله شايفني بالمصاصه الحين ......... وتحط ايدها على فمها بسرعه من حياء
الكل:ههههههههههههههههههههههههههههه
جواهر: اشلونك سلطان
سلطان: الحمدلله انتي اشخبارج
جواهر: الحمدلله تمام
ويطالع سلطان في ايد جواهر ويشوف الساعه اللي شراها ويطالع نفس الشي ابراهيم: الله من وين هالساعه الحلوه ويغمز لسلطان اللى يبتسم له
جواهر بحياء: هديه من سلطان
ام ابراهيم: حلوه تعيش وتجيب لها بعد اكثر
ابو ابراهيم: ايه انتوا تقولون هالدعوه عشان تنظفون جيب الثوب بالمررررره
سلطان وابراهيم:ههههههههههههههه
ام ابراهيم: انا بقول لهم يجهزون الغدا وراحت اما جواهر جلست ما عرفت تسولف
ابو ابراهيم: اشخبار الاهل سلطان عساهم بخير
سلطان: يسلمون عليكم
ابو ابراهيم: الله يسلمهم
ابو ابراهيم: الا اقول متى ان شاء الله العرس
هني عاد جواهر وقفت : انا بروح اشوف ماما وراحت من قدامهم
ابو ابراهيم: بنات اخر زمن مو كأنه ناخذ رايهم بكل شي الحين وهم اللي يحددون التاريخ
سلطان: والله هذا انت قلتها انا ابي بسرعه بس على حسب راي جواهر لما تخلص الدراسه نشوف ان شاء الله
ابراهيم: مستعجل اشوفك ههههههههههههه
سلطان: ما وراى شي اشتغل والحمدلله والخير موجود هي بس تأشر
ابراهيم: الله الله على الرومانسية بالله متى اخر مره كلمت فيها امي كلام رومانسي يبه
ابو ابراهيم: أي رومانسية حبنا احنا متعمق الجذور ما يحتاج لاي كلمات ولا جمل
ابراهيم: الله افحمتني تعلم يا سلطان من عمك وانا اخوك
سلطان:هههههههههههههههههههه ان شاء الله
ابو ابراهيم: ابيك انت اللى تتعلم مو هو الا ما شاء الله عليه
ابراهيم بارتباك من سمع كلام ابوه: تعلمنا يبه والله تعلمنا وان شاء الله خير
هني عاد ام ابراهيم جت وقالت لهم انه الغدا جاهز تغدوا الجميع وبعدها جلسوا بالصالة يسولفون اما جواهر اخذت غاده لفوق عشان تنومها ومن غير ما تحس نامت وياها على السرير .

......................

مبارك طق غرفة روان
روان وهي تفتح الباب: هلا مبارك
مبارك: ابيج بكلمه ممكن
روان: ايوه
مبارك: هنا عند الباب يا الدبه
روان:ههههههههههههه ادخل
جلس مبارك على السرير : اقول روان ابيج تكلمين عبير وتشوفين رايها فيني
روان باندهاش: ايييش؟؟؟ اشلون يعني
مبارك: ابيج تكلمينها وتقولين لها اني ابيها على سنة الله ورسوله وانه راح اسعدها على قد ما اقدر ان شاء الله
روان: وامي
مبارك: انا بكلمها ولو ما تبيني بهالبيت راح اطلع منه
روان بخوف: لا اش هالكلام اللى تقوله مبارك لا يا خوي ما توصل لهالدرجه
مبارك: يعني ما تشوفين اشلون يضغطون علي البنت ما فيها شي وانتي قلتي وعرفتي اشقد هي محترمه وطيبه اش يبون اكثر
روان: انا بعد بحاول ويا امي بس انت شيل هالفكره من راسك حرام عليك تبي امي تروح فيها
مبارك بحزن: مابي بس والله مابيها تروح مني
روان: تطمن ما بتروح للحين ترفض كل اللى يتقدمون لها ما تبي تتزوج
مبارك: ارجوج حاولي معها والله مو قادر افكر او انتبه لدراستي وان شاء الله بس نملج الحين والعرس بعد سنه على ما اخلص دراسه والشغل مضمون ان شاء الله في شركة ابو تركي عم عبير
روان: قصدك اخو نوفا
مبارك: ايه كلمتهم اني ابي اتدرب عندهم بس هم قالوا ان شاء الله تلقى مكانك عندنا بالشركة
روان: الله يوفقك خلاص انا بكلمها ان شاء الله لا تشيل هم
مبارك: يالله انا بروح انام تصبحي على خير ومشكوره
روان: العفو خيوووووو حضنته

باليوم الثاني اتصلت روان على عبير
روان: عبير هلا اشلونج
عبير: هلا روان اشلونج واشلون الوالدة
روان: الحمدلله طيبه وبخير تسأل عنج
عبير: الله يسلمها سلمي عليها ها واشلون الدراسه
روان:هههههههههه طفش نبي نخلص منها بسرعه والله
عبير: الله يكون بعونج
روان: اتصلت عليج عشان ابيج بموضوع عبير
عبير: ايش ؟؟
روان: مبارك اخوي
عبير بخوف: م مبارك ايش فيه؟؟؟
روان: ما فيه شي الحمدلله بس هو اللى طلب مني اكلمج
عبير حست وقتها براحه لما تطمنت عليه: الحمدلله
روان: عبير فيج شي
عبير: لا كملي في ايش كلمك مبارك
روان: والله مدرى اشلون ابدا بس بقولج مبارك يبيج على سنة الله ورسوله وصدقيني مبارك اخوي طيب وحنون ومن يوم ما شافج واهو دايم التفكير وسرحان حلمه يشوفج وياه في بيت واحد
عبير: هذا اللى طلبه مبارك
روان: ايه وانا اسفه اني قلت كذا ومن غير ما نشاور الاهل بس يبي يسمع رايج بالاول هو صح يحبج بس ما يبي يسمع رفضج لما يتقدم لج فهمتي عبير وع راحتج فكري زين بكلمج ان شاء الله بنهاية الاسبوع
عبير: مع السلامه وسكرت حتى قبل روان لا تسكر
روان في خاطرها ياربي الحين اكيد زعلت من كلامي .... مفروض ما اتصرف كذا اش اسوي الحين بكلم نوفا وبقولها عن السالفة اهي بنت عمها واكيد بتنصحني بشي
وتكلم نوفا اللى قالت لها انها بتحاول تشوفها وتكلمها بالموضوع من غير ما تحس
عبير ما قدرت تنام ..كله تفكر وبالاخير سمعت صوت الآذان قامت توضت وصلت الا وهذي امها تطق عليها الباب عشان تصلي

.......................
العنود: وينج القاطعه ما شفتج بهاليومين ولا اتصلتي الا مره
جواهر: سلطان هنيه
العنود:هههههههههه وخير يا طير سلطان هنيه يعني ما اشوفج تقاطعين كلش
جواهر: فديتج عنووووده لا تزعلين مني بس والله انشغلت
العنود: هذا قبل الزواج عيل اش راح تسوين فينا عقبه
جواهر: وانا اقدر اهدكم مره وحده اموت بلاكم
العنود: لا والله حنا اللى بنموت
جواهر: فال الله ولا فالج لا عاد اسمعج تذكرين الموت
العنود: الموت حق يالدبه هههههههههههه اقول شنو الهديه اللي جابها سلطان ما علمتيني
جواهر: هو بروحه هديه
العنود: اللــــــــــــــه اشوف بدت طيور الحب ترفرف عليكم عساها دايم غناتي وربنا يسعدج
جواهر: فرحانه عنووووده ابي اطير بالسما فوووووووووووووووق.... احسه والله متغير مو مثل لما نكون هناك بالرياض مدرى احسه هني فري شوي
العنود: اقول بجي بعد شوي
جواهر: ينور بيتنا وشارعنا والحي اللي وراه وبس
العنود:ههههههههههه بس هذول اللى ينورون والباقي
جواهر: باقي معهم ليتات يالله تعالي اشتقت لج
العنود: ان شاء الله
....................
نوفا ويا بنات عمها يسولفون ولما راحت عنهم مها لغرفتها
نوفا: اشخبارج عبير الا ما قلتي لي مافيه معرس جديد بالطريق
عبير فجت عيونها مرتبكه: ها لا لا مافيه ماريد اتزوج
نوفا: لمتى عبير حرام عليج والله ...بس من كنتي عنيده
عبير ساكته ما ردت
نوفا: تعرفين شفت اخو روان هذا اليوم
هنا عبير ناظرت لها : اشفيه
نوفا: وسيم ما شاء الله عليه صح ما شفتيه انتي قبل اكيد
عبير: ايوه شفته عادي
نوفا: الا وسيم والله بس باله مشغول مع حد ما طالعني
عبير: ليش انتي حبيتيه
نوفا: لو بيعطيني وجه بحبه ليش لا ههههههههههههههههههههه لكن اظن قلبه مشغول مع حد غيري
عبير: اشعرفج انتي
نوفا: بعلمج هذاك اليوم سولفنا انا وروان وليال وخبرتنا انه اخوها متغير حاله اكيد يحب
عبير:وما سألته اخته من يحب
نوفا: ما سألتها ....... تعالي بنروح ويا مهاوي اللى طايحه بالنت ههههههههههههه
عبير: اوكي يالله مشينا


بنفس اليوم بالليل اتصلت روان على عبير
عبير: هلا بهالصوت حياج اشخبارج روان واشلون الوالده
روان: قلنا هالاسبوع مشغولات وما تجمعنا يعني ولا اتصال بعد
عبير:هههههههه والله مشغوله تعرفين درجات اخر الفصل وامتحانات وتقويم
روان: يووووووووه لا تكملين والله تذكريني بالمدرسه
عبير:ههههههههههههه طيب
روان: عبير فكرتي
عبير: ................
روان: يعني مو موافقه طيب بس حبيت اعرف وربنا يوفقج يالله بروح عند الوالده الحين مع السلامه ...وسكرت عنها ولا زالت عبير ساكته ما ردت وبالاخير انتبهت
فرت التلفون وظلت تبكي وتصيح (ليه يا عادل تركتني .... مابي اكون لغيرك والله ) كملت صياحها لغايه ما نامت

....................
روان طقت الباب ودخلت على اخوها مبارك
مبارك: هلا روان
روان: انت بتطلع
مبارك: ايه مواعد الربع ليش فيه شي
روان: عبير
مبارك: ايش كان ردها
روان: مو موافقه ياخوي انساها هذي رافضه قبلك كم واحد
مبارك: وليه ترفض (قالها بحزن) والله بحاول اسعدها ..يالله باي
روان: بتتأخر
مبارك: مدرى يالله ..وطلع وهو شال الدنيا في خشمه يعني ليه ترفض وانا قلت لها اني افكر دايم فيها واحبها والله احبها ..... ما راح عند اصحابه وظل يسوق وهو يسمع محمد عبده
..................
ام سيف: مها يا بنتي روحي شوفي عبير ما شفتها نزلت اليوم العصر مشغوله
مها: طيب يمه
ام سيف: وانتي ما تشوفين احد بالبيت كله رازه ويهج ومقابله هالكمبيوتر
مها: يمه تبيني ايش اسوي دراسه ويالله قدرنا نجيب المجموع بنتك مو ذكيه يعني خبله
ام سيف: يالله بالستر قولي كذا عن نفسك عشان الناس تقول ما نتزوج بنتها الخبله
مها: ههههههههههههه لا تخافين مصيره يجي بيوم
ام سيف: من ؟؟؟
مها: زوجي وابو عيالي ان شاء الله
ام سيف: ياللى ما تستحين طسي الحين من قدامي ويالله روحي شوفي اختج
مها:ههههههههه طيب ....طقت الباب وماحد رد فتحت الباب لقت عبير نايمه واستغربت كيف تنام بهالشكل حطت ايدها على شعرها ...عبير كانت بسابع نومه وفجاه وما حست الا بايد تمسح على راسها جلست عبير زين مقابله اختها
مها: عبير حبيبتي اشفيج شو صار علميني
عبير: لمتى بظل كذا
مها: ايش
عبير: اخو روان يبي يتقدم لي ونزلت راسها ومسحت دموعها
مها: والله خبر حلو .... عبير اللى راح راح ابي اسألج انتي نسيتيه
عبير: لا والله موجود بقلبي ذكراه
مها: طيب اذا انتي ما نسيتيه هو بعد ما نساج بس الفرق مو موجود ولو هو بموقفج لا سمح الله بتلقينه الحين متزوج ومعه اولاد
عبير ساكته ما ردت
مها: لا تضيعين هالفرصه من ايدج اذا الريال زين واخلاقه ما عليها كلام وافقي وانتي تعرفين روان وتعرفين امه اشكثر هي طيبه وتحب تسولف معاج اكثر منا وتغمز لها
عبير ابتسمت: مو عارفه اشلون راح اعيش حياتي معاه وانا بعد اتذكر عادل
مها: اذا يحبج راح ينسيج عادل وحتى امج وابوج بس يا ويلج تنسين اختج مهوووي هههههههههههههههههه
عبير:ههههههههههه
عبير: بس انا
مها: انتي شو
عبير: روان اول اتصلت علي بس ما قلت لها موافقه سكت وفكرت اني رافضه ...اكيد علمت اخوها ... وما اقدر اتصل عليها مره ثانيه
مها: ارسلي لها مسج ويالله نروح نتعشى
عبير: ان شاء الله بغسل وجهي وبجي
....................................
مبارك يفكر يعني بترجاها توافق خلاص حياتها وهي حره الله يصبرني ... ومو عارف وين يروح ماله خلق يشوف حد شوي ويجي اتصال من واحد من ربعه طنش ولا رد .... وهو راجع البيت الا وهذا اتصال من روان بالاول طنشها اشوف الحين ايش معها
مبارك: الووو
روان: وينك ليش ما رديت علي من اول
مبارك: بسم الله بلعتيني فيه شي
روان: ايه فيه يالله تعال البيت بسرعه
مبارك حس بخوف: امي فيها شي
روان: امك بخير ونايمه تعال انا ابيك
مبارك: انا قريب من البيت
روان: انزين يالله مع السلامه وسكرت في وجهه من غير ما تنتظر
مبارك: اش بلاها هالبنت
اول ما وقف السياره دخل البيت وعلى طول لغرفه اخته طق الباب الا وهذي تستقبله عند الباب وهي تبتسم
مبارك: اشوفك مبسوطه ليه ان شاء الله
روان: ما تبيني انبسط ومبارك اخوي بيعرس على اللي يبيها
مبارك: وش وش اللى تقولينه انتي
روان طلعت الجوال : خذ اقرا هالرساله
" مو بعارفه اش ارد بس اوكي حياكم الله في أي وقت ... ولنا الشرف "
مبارك: هي ارسلت لج هالرساله الحين
روان: ايه والله وكلمتها الحين قبل ما توصل وعرفت انها موافقه
مبارك بفرح: الحمدلله واخيرا وافقت ورضت علينا
روان: بس امي
مبارك: خليها علي ان شاء الله بتوافق
روان: ان شاء الله بتكلمها بكره
مبارك: اكيد من الصباح
روان: اوكي الحين اقل لكتصبح على خير واحلام سعيده ههههههههههه
مبارك: وانتي من اهله يا احلى اخت بالدنيا وباسها بخدها

.............................
صحت الصباح جواهر على صوت التلفون
جواهر وهي نايمه: الوووووو
سلطان: صباح الخير يمه تخرعين بصوتك على الصباح
جواهر فتحت عيونها زين وفزت من السرير جالسه: سلطان
سلطان:ههههههههههههه ايوه سلطان وش فيج
جواهر: صباح الخير هلا وغلا
سلطان: هلا بج زود يالغاليه اقول اشرايج نلف شوي وبعدين نتغدى في أي مكان
جواهر: بروحنا
سلطان: ايه باكلج يعني ولا نسيتي انه رحنا بروحنا لما كنا بايطاليا
جواهر: ما قصدي شي عادي بس انت ما عندك شغل
سلطان: خلصت الشغل وبعدين الساعه الحين 10
جواهر: والله رحت بنومه خلاص عطني نص ساعه ابدل ملابسي واخبر ماما وادق عليك اوكي
سلطان: اوكي خلاص انا استاجرت سياره بس بجي بالاول بكاب عطيني عنوان بيتكم وين عشان اقدر اخبره للسواق وبعدين انتي معاى قولي لي وين اروح
جواهر: خلاص اوكي ... عطته العنوان وبعدها راحت خبرت امها وبدلت ملابسها لبست تنوره زرقا وبلوزه سودا بها ورود صغيره زرقا وخذت شيله بها فصوص ازرق ولما جت لبست عباتها الا وتضرب كف على جبينها
جواهر: يووووووووه نسيت العنود بتذبحني الحين والله
اتصلت عليها على طول
العنود: هلا جواهر صباح الخير
جواهر: صباح النور عنووووده اشلونج
العنود: تمام متى صحيتي
جواهر: قبل شوي الا اقول العنود اشرايج اشوفج بالمارينا مول صراحه سلطان عزمني ونسيت انج بتيين عني اليوم الصباح
العنود: خلاص خلها وقت ثاني عادي يالدبه المهم استانسي انتي
جواهر: لا تعالي تعرفي على سلطان مو انتي تبين تشوفينه من زمان
العنود: اخاف بعدين يعجبني واخذه
جواهر: ولا يهمج يفداج وتفداج الجواهر بعد
العنود:ههههههههههههههههه خلاص بجي بس ما راح اتغدى انزين
جواهر: خلاص تعالي يالله هذا اتصال من سلطان اشوفج هنا باي عنوووده
سكرت من عندها
جواهر: هلا سلطان
سلطان: انا هني جاهزه
جواهر: ايه الحين بنزل مع السلامه
نزلت الا وهذا سلطان جالس مع امها وابوها وعندهم غاده تلعب بالالعاب
جواهر : السلام عليكم صباح الخير ماما وسلمت عليها وعلى ابوها... والتفت على سلطان صباح الخير ع بالي انت ناطرني بره
سلطان:هههههههه لا انا هني ادش واسلم على اهل البيت اشلون اخذ بنتهم من غير ما اسلم عليهم
جواهر استحت اما ابوها عجبه شخصيه سلطان انسان يعرف الواجب والأصول .... طلعت جواهر مع سلطان ووصلوا للمارينا مول
سلطان: وين تبين تروحين السوق وهو يبتسم
جواهر:هههههههههه ماكو مكان الا المجمعات وين تبينا نروح هالحزه
سلطان: كلامج حلو والاحلى بصوتج
جواهر بحياء نزلت راسها شوي ويجي اتصال
جواهر: هلا عنوووده اسخبارج وينج انتي ...اوكي بنجي لهناك يالله باي
سلطان: من اللى اتصل
جواهر: هاي صاحبتي عنووود ما شفتها لي 3 ايام وصراحه امس قالت بتيي البيت عندي بس انا نسيت لا اعلمك عشان جذي قلت لها تجي المول بالمره تتعرف على صاحبتي واشوفها ولهت عليها
سلطان: يعني ولهتي عليها اكثر مني
جواهر سكتت ما عرفت ترد
سلطان: طيب خلاص ههههههههه نروح نشوف اللى ولهتي عليها
جواهر يالله من هني

الجزء الواحد والعشرون


بالمول وبمكان المطاعم كانت العنود تنتظر جواهر اول ما شافتها جواهر على طول لعندها ...هذي صاحبتها العنود بدون لا عبايه ولا شي اشلون فري لهالدرجه حتى لو محجبه ... ما عجبه سلطان ولكن ما تكلم
جواهر: عنووووده فديتج اشلونج
العنود: يؤ جواهر هلا والله ما عرفتج بالبرقع
جواهر:ههههههههههه نتدرب عليه شوي
العنود: تذبحين فيه وربي
سلطان: احم احم
جواهر: ايه نسيت لا اعرفج ..سلطان ولد عمي وزوجي قالتها بحياء ..وهذي العنود اعز واغلى واطيب واحن اخت عرفتها بالدنيا كلها
العنود وهي تبتسم وتمد ايدها لسلطان: هلا سلطان اشلونك والحمدلله على السلامه
سلطان: الله يسلمج اشلونك انتي واشلون الاهل
العنود: الحمدلله طيبين كلهم
جواهر: بنظل جذي واقفين اقعدوا يالله شوي
العنود: عطشانه مووووت تبين نفس طلبي جواهر
جواهر: اكيد انتي تعرفينه هههههههههه
سلطان: احم احم نحن هنا ولا مالنا احد
العنود: ومن قال لك جواهر كلها خذها حلال لك ههههههههههههههههه
جواهر ناظرتها بعصبيه ونزلت راسها من حيا
اما سلطان مع انه بالاول ما ارتاح من شوفة العنود لكن حس انها طيبه وتحب جواهر من قلب ...طالع بجواهر وهي مستحيه(ياربي هالبنت بتذبحني بنظراتها وحركاتها)
سلطان وهو يطالع جواهر بكل الشوق والحب اللي فيه: اذا جواهر لي خلاص مابي اطلب أي شي
جواهر: بنطلب لك معانا كابتشينو
سلطان:هههههههههه وكل هاي عشان الكابتشينو
العنود: يمكن ذوقه غير عنا
جواهر: ما اظن يحب الكابتشينو قالت لي نوفا عن هالشي مره اوبس وحطت ايدها على فمها
العنود:هههههههههههههه
سلطان:ههههههههههههه اكيد رويتر ما راح تقصر بالمعلومات لو تبينها وغمز لها
العنود: يا عيني ياعيني اقول اشرايكم اطلع منها انا بروح واخليكم
جواهر: يا دمج اقعدي بس وانثبري اوكي
العنود:هههههههههههههههه طيب ما احب العيون الحلوه تزعل مني وي فديتج طالعه تهبلين مو مفروض تتغشين على عيونج تراهم ذبح الحين
سلطان: وانا قلت هالشي من اول ما شفتهم
جواهر متفاجأه: قلت لمين ؟؟؟؟
سلطان: ها ولا شي قلت لروحي يالله بروح اطلب لكم ووقف وراح
جواهر: ها قولي لي اشرايج فيه
العنود: بسم الله ههههههههههههه خرعتيني في مين
جواهر: عن المصاخه الحين سلطان يعني اكو غيره
العنود: يا حظج فيه والله يخبل
جواهر: زين ادرى انه يخبل بس اشرايج فيه
العنود:ههههههههههه اشعرفني انا بس تعرفي من نظرات عيونه ولهان ويحبج موت
جواهر: يا سلام كل هذا عرفتيه من عيونه
العنود: ايه وبعد طيوب وحبوب حبيه احسن لج
جواهر: تبين تتكفخين انتي الظاهر
العنود:هههههههههه عيب تتعدين على ممتلكات الغير انا صرت الحين لضاحي يعني هو اللى يكفخني ههههههههههههه
جواهر: وربي احر ما عندي ابرد ما عندج طيب ...وسكتت بزعل
العنود وهي تقرب منها وتمسك ايدها: فديت اللى يزعلون انا تعرفي ما بقول الا كلمه الله يهنيج ويسعدج مع سلطان واحرصي انه تحبينه مثل ما يحبك واكثر والله هالشي مبين في عيونه وفي كلامه
جوار: بس ذابحني ما يبي يقول انه يحبني
العنود: طالعي نظرته لج وانتي تعرفين اذا يحبج ولا لا
جواهر: وانا اتجرأ والله ما اقدر اطالع فيه زين
العنود:ههههههههههههههههه

..................................................



بمجلس الرجال محمد ويا اولاد عمه سهرانيين بعد العشا ويسولفون
محمد: الا اقول اشخبار الدراسه فهد
فهد: والله ماشي حالها باقي لنا سنه من نخلص الحين ان شاء الله والصيف
عبدالعزيز: يعني بتدرس صيفي .... مافيه سفر معنا
فهد: وانا اقدر اخليكم يالتماسيح
محمد+عبدالعزيز: ههههههههههههههههههههههه
محمد: وين راح تسافرون قررتوا
عبدالعزيز: مثل كل مره يا اوروبا يا شرق اسيا وين بعد
فهد: نبغى نغير مكان والله لاول مره وبعدين اللي يجي بسرعه واللي يجي متاخر ..على حسب اشغالهم ودراسه بعضهم
محمد: وش رايكم تجون هالمره سويسرا عندى بالبيت هناك صح مو كبير وايد بس حلو ومنطقه حلوه ونقدر نستأجر بيت بجنبه انا بجهز لكم كل شي
عبدالعزيز: والله بنشوف الوالد واعمامي لو وافقوا خلاص
محمد: ومن بعدها نروح امريكا
فهد: والله فكره حلوه ...... بس فيه شي لا يجي سلطان ويخرب علينا يقول بعرس هالصيف
عبدالعزيز:هههههههههههههههههه اصلا اكيد بيعرس ولا بيعلقها 10 سنوات
فهد: نبي اختنا نستانس فيها شوي حرام عليكم
محمد:هههههههههههههههههه محدن قالكم وافقوا عليه
فهد: خلاص ماعدنا نبيه الحين
عبدالعزيز+محمد:ههههههههههههههههههههه
محمد: خله يسمعك
فهد: وليه يسمعني الحين اتصل عليه .....
فهد: وعليكم السلام يا اهلين اقول سلطان الله لا يهينك خلاص ما عدنا نبغاك نبي اختنا فك عنها الله يعافيك ترى ما جلسنا وياها ولا تعرفنا زين على بعض
سلطان: وش بلاك فهد انت صاحي
فهد: ايه صاحي ولا قالوا لك اشرب ريد بول ما احبه
محمد+عبدالعزيز:هههههههههههههههههههههههههههه
ويجي تركي للمجلس
تركي: السلام عليكم
الكل: وعليكم السلام
تركي: ها اشوفكم ما شاء الله مجتمعين ما طلعتوا مكان
فهد يأشر لهم انه يسكته ..تركي مستغرب
فهد: ياخي خلصنا ما نبيك تراجعنا ما عندنا بنات للزواج تعال بعد 10 سنين نفكر وقتها
سلطان: اقول الله يغربلك طس بس الحين وربي لا اصك السماعه بويهك
فهد:هههههههههههههههههههه لا وتعصب بعد خلاص الحين عندنا سبب عشان نفسخ الزواج
اخذ عبدالعزيز منه السماعه وحطها على السبيكر: هلا سلطان ما عليك ههههههههههههههه الا قول اشخبارك
سلطان: اخباري زفته من سمعت كلام فهد اوريه هالضب لا يتطنز حضرته ماعندنا بنات للزواج
عبدالعزيز: عجزنا فيه انا ومحمد نكلمه الا نبي اختنا ما نريد زواج خلاص
سلطان: الحين بس قررت الزواج اول ما تخلص امتحانات وربي ما راح اتأخر وبكلم عمي
محمد: مستعجل اشوف هههههههههههههههه ها اشوف القعده اعجبتك هناك بالكويت ولا الجو حلو
سلطان: ايه حلو بالحيل فديتها والله وفديت عيونها
عبدالعزيز:هههههههههههههه لا وبعد تتفداه خلاص رحت فيها ياخوي
فهد بصوت عالي: هيه انت لا تتفدى اختي فهمت ....الحين خلاص ما نبيك تشوف ولا شي هونا يالله جيب اختنا بسرعه
الكل:ههههههههههههههههههههههه
عبدالعزيز: هههههههههههههههههههههههه
سلطان: خلى هالدب يطس من قدامك اقول اقنور سنتين لحد ما يجي ولدي سعود
الكل:هههههههههههههههههههههههه لا وبعد بتحرمني من ولد اختي الوحيده والله غصب عنك انا اللى بشيله قبلك وتقول فهد قال ..
سلطان:هههههههههههههههههه طيب خلاص شيله بس فكني وخلني اتزوج قبل هههههههههههههههههه
الكل:هههههههههههههههههههه

...........................



مبارك: يمه انا ابي اتزوج
امه: رجعنا على نفس السالفه
روان: يمه اشرايج في عبير
ام مبارك: والله ما عليها كلام دخلت قلبي من يوم ما شفتها ... وفكرت شوي الا بغيت اعرف ايش اسم اللى كنت تبي تخطبها بالاول
مبارك ارتبك وطالعت فيه روان: اسمها عبير
ام مبارك وهي بعدها تفكر: اسمها عبير يعني قصدكم عبير ما غيرها صاحبتج
روان وهي تنزل راسها: ايه يمه بس والله طيبه وانتي شفتيها
ام مبارك: ليه تضحكون علي
مبارك: يمه
ام مبارك: ولا كلمه يالله طسوا من قدامي ولا ترجعون السالفه مره ثانيه فهمتوا
مبارك: يمه لو ما بتوافقين على الزواج خلاص ما راح اتزوج المهم رضاج بس اعرفي انى ما بتزوج ابدا ...وطلع على طول من البيت
روان: يمه والله مبارك ما يستاهل
ام مبارك: اتصلي على عبير وخليها تجي اليوم
روان مستغربه: ايش
ام مبارك: اتصلي عليها قولي لها أي شي المهم خليها تجي فهمتي
روان: يمه لو تبين تكلمينها او تهددينها ماله داعي البنت ما غلطت بشي والله
ام مبارك: ما راح اقول لها شي وماحد دخل بيتي وما حشمته
روان ارتاحت شوي من كلام امها وعلى طول اتصلت على عبير
عبير : هلا روان
روان: هلا عبيروووه وربي مبسوطه من المسج
عبير بحياء: طيب
روان: بليز طلبتج قولي تم
عبير: تم بس شنو
روان: تيين بيتنا على المغرب ولا تطولين روحي بعدها بساعه بليز عبير
عبير: لا وش اجي بيتكم ما بقدر وراى تحضير دروس
روان: انتي قلتي تم ما علي اوكي ترى انتظرج ولا بزعل ايه وبعد الوالده بتزعل لاني قلت لها انج جايه تشوفينها اليوم يالله باي
وسكرت من عندها من غير ما ترد عبير بكلمه
عبير: وش هالورطه الحين والله مو فاضيه .... بقول لامي وامري لله عساها بس توافق
راحت لعند امها
عبير: يمه ابي اروح عند روان رفيقتي ساعه من بعد المغرب وارجع
ام سيف: شنو تروحين ساعه انتي تطلعين دايما في الويك اش اللى قلب الروتين عندج
عبير: يمه ارجوج مها بتكون معاي ما راح نتأخر اوكي اوعدك ان شاء الله لو نص ساعه روان تبيني في بحث
ام عبير: طيب طيب صدعتي براسي روحي انتي واختج ولا تتأخرين وترى لا تكررينها مره ثانيه وانا بعلم ابوج
عبير وهي تسلم على امها وتحضنها: فديتج يمه
وطلعت على الدرج تركض
ام سيف:ههههههههههههه انجنت البنت الله بالستر


.........


في البيت استقبلت روان عبير ومها ومن بعدها راحوا عند الوالده
عبير قربت من ام مبارك وسلمت عليها بس حست منها نفور واستغربت ليه اما مها لما سلمت عليها عادي
روان: مها ابيج تخبريني اشلون اسوي بهالبرنامج نزلته جديد عندي بالجهاز تعالي معاى لغرفتي .... وتكلم عبير بتظلين هنا ولا بتجين معانا
ام مبارك: لا خليها هنا شوي
عبير: بجلس شوي وبكون معكم
بعد ما راحت روان ومها
ام مبارك: عبير
عبير: سمي خالتي
ام مبارك: سم الله عدوينج اقول انتي ارمله صح
عبير وتنزل راسها: ايوه خالتي
ام مبارك: ممكن تخبريني كيف .. لو ما يضايقج بشي ؟؟؟
عبير سكتت شوي عبير ومن بعدها حكت لها سالفة عادل اشلون خطبها واشلون كانت تجهز روحها للملكه وقبلها باسبوع سوا الحادث اللى توفى فيه وكيف كانت حالتها بعده لليوم اللى الحين هي فيه
ام مبارك: بعدك تذكرينه
عبير: خالتي حد ينسى روحه اذا انا قلت لج واسمحي لي تقدرين تنسين ابو عبدالله
ام مبارك: طالعت فيها وغمضت عيونها وردت اشلون انسى عمري اللى عشته معاه
عبير: صح انا ما عشت لكن ذكراه موجوده بس هذي حال الدنيا الحين عرفت اني لازم اعيش مره ثانيه ويمكن هالشي يريح عادل حتى وهو في تربته
ام مبارك: وتبغين تعيشين مره ثانيه مع مبارك ولدي
عبير هنا تفاجأت وناظرت لام مبارك بخوف
ام مبارك: انا اعرف بالسالفه واعرف انه ميارك وده يتزوجك بس لو قلت لك انى مو موافقه راح تاخذينه حتى لو غصب عني ومو برضاي
عبير ردت بكل جديه: خالتي انتي ع راسي من فوق وتظلين خالتي ... وانا ما ارضى لنفسي ولا اللى بياخذني انه يطلع من شور اهله ... واطمني خالتي بنظل اهل ووقفت ... انا بروح عند روان تبغين شي خالتي
ام مبارك وهي تفكر: لا يا بنتي روحي عندهم
رجعت عبير واختها بعد العشا ومن بعد ما لزمت عليهم روان الا يتعشون معهم ..... كانوا بيطلعون من البيت وفجاه جا مبارك اللى قابل سيف اخوهم وسلم عليه
مبارك: هلا والله سيف حياك الله اقلط
سيف: هلا بك زود مبارك اشلونك واشلون الوالده عساها بخير
مبارك: الحمدلله بخير وبعافيه ... شوي وبيتكلم الا وعبير ومها طالعين من البيت
سيف: اسمح لنا جيت اخذ خواتي
مبارك: مره ثانيه ان شاء الله ترى للحين ما شرفتنا وانا اخوك
سيف: خلاص تم في أي يوم انت حدد وبس
مبارك: خلاص ان شاء الله يالله استاذن منكم وسلم على الاهل
سيف: الله يسلمك مع السلامه

مها لعبير اول ما رجعوا البيت: عبير وش فيج اشوفج متضايقه عسى بس والدة روان ما قالت لج شي
عبير: ولا شي مصدعه وبس يالله تصبحي على خير
مها: براحتج تبين بنادول
عبير: لا بنام وارتاح
.......


مبارك دخل على امه: السلام عليكم
ام مبارك: وعليكم السلام
مبارك: ما نمتي يمه صاحيه للحين عسى ما شر
ام مبارك: لو قلت لك مابي عبير تتزوجها
مبارك تضايق: يمه خلصنا من هالموضوع ما راح اتزوج بدون رضاج وخلاص انسى سالفة الزواج ...ووقف انا بروح انام تصبحي على خير توصين على شي
ام مبارك: لا وانت من اهله

..........


باليوم الثاني ام مبارك طلبت من روان بنتها انها تتصل على بيت عبير
روان: يمه وش راح تسوين خلصنا وش راح تقولين لهم الحين
ام مبارك: بتشوفين انتي الحين بس اتصلي
روان وهي خايفه ومتردده اتصلت على بيتهم وردت مها اللى طلبت منها انها تكلم الوالده عشان امها
ام مبارك: السلام عليكم اشلونج ام سيف اشخبارك
ام سيف: الحمدلله بخير وانتي اشلونك
ام مبارك: الحمدلله على كل حال واعذريني والله انى ما جيت معاكم هذاك اليوم العزومه بس تعرفين ضروفي ونادر ما اطلع من البيت
ام سيف: الله يكون بعونك ان شاء الله
ام مبارك: بغيت اقول انه ولدي عبدالله ومبارك يبون يجون لعندكم عشان يخطبون بنتكم عبير لولدي مبارك ...صراحه ما بلقى احسن منها لولدنا
ام سيف تفاجأت وبفرح: يا هذي الساعه المباركه حياهم الله في أي وقت
ام مبارك: الله يحييج اشرايك اليوم بعد صلاة العشا
ام سيف: ان شاء الله وحياهم الله
ام مبارك: انزين الحين اسمحي لي مع السلامه
ام سيف: مع السلامه


بعد ما سكرت السماعه الا وهذي روان تحضن امها بالقوة وتبوسها بخدها وعلى راسها: فديتك يمه والله احلى خبر ربي يخليكي لنا بروح اخبر مبارك اخوي
ام مبارك: لا خليه يجي لهنا بالاول انا اللى اخبره
ولا اقول خلي بالاول عبدالله يجي شوي راسه يابس كلمت ام مبارك عبدالله بالاول اللى عارض وبالاخير امه اقنعته ووافق ولما جا مبارك
مبارك: السلام عليكم هلا عبدالله اشخبارك وين ما شفتك لك 3 ايام
عبدالله: والله تعرفني اجي وانت كله بره
ام مبارك: اقول مبارك اليوم بتروحون عند جماعه نعرفهم انت واخوك عبدالله وعمك وولده
مبارك: ليه وش السبب؟؟ ومنهم هذول الناس
عبدالله: ما تبي تتزوج بنروح نخطب لك
مبارك وقف بغضب: مابي اتزوج قلت لكم خلصنا ولا راح اتزوج بكيفكم بعيش كذا مرتاح وجا بيطلع وعند الباب وقف لما سمع
ام مبارك: يعني ما تبي عبير خلاص براحتك
مبارك: لا مابي وعن اذنكم ... التفت لهم.. وش قلتي الحين
ام مبارك مبتسمه: ما تبي عبير خلاص براحتك عيش لحالك
شاف عبدالله يبتسم على طول فهم السالفه وحضن امه وباسها على راسها: فديتك يالغلا ربي لا يحرمني منك يعني خلاص رضيتي عنها والله انها بنت طيبه وح....
ام مبارك: اعرف وما بلقى احسن منها يالله يالمعرس جهز روحك انا اتصلت عليهم وقلت انكم بتروحون لهم بعد صلاة العشا
مبارك: ربي يخليكم لي
عبدالله: مبروك ياخوي
روان: مبروك ياخوي وراحت سلمت عليه بروح ابشر بعض الناس
مبارك مبتسم: سلمي عليهم
ام مبارك: هههههههههههههه اقول احسن تركد خلك ثقيل مو من اولها
روان:ههههههههههههه فديته اخوي ولا يهمك ما بنقول لها شي يمه
مبارك يبين زعلان: طيب بنركد بس بعد الخطوبه ماشي وابي املج بسرعه الله يخليكم اخاف تغيرون رايكم بعدين
عبدالله: ههههههههه لا اطمن بنشوف وش راح يقولون خلهم بالاول يوافقون على الخطبه وبعدين نتكلم في الملجه وكل شي

...............

تمت خطبه عبير لمبارك وتحددت الملجه بعد اسبوعين والعرس نهاية شهر ثمانيه ... روان بدراستها ماشي حالها ويا بنت عمها ليال
اما محمد في يوم كان جالس مع امه بالصالة
شوي ويجي اتصال للبيت
ام تركي: السلام عليكم
طلال مغير صوته: الله لا يحرمني من هالصوت الحلو فديتج من وين انتي
ام تركي متفاجأه: اشتقول انت
طلال: واي يا حبي لج والله لا تعصبين حبيبتي مو لايق عليج
ام تركي: صج قليل ادب وصكت السماعه بويهه
محمد: يمه اشفيج من اللى تكلم
ام تركي: واحد قليل ادب يعاكس
محمد:ههههههههههههه وش قال ؟؟؟
ام تركي: يفكرني بنت بالمدرسه بيضحك عليها
محمد:ههههههههههههههههه ويرن التلفون مره ثانيه ..وهالمره شاله محمد
محمد: هلا
طلال: وين حبيبتي عطني اسمع صوتها فديتها لا يكون معصبه
محمد:هههههههههههههههههههههههههههههههههههههههه الله يرج ابليسك طلالووووه
ام تركي: هذا طلال اوريه هات السماعه
ام تركي: انت ما تستحي ولا عندك ذرة حيا
طلال: فديت هالصوت وهالكلمات وفديت اللى يقولها وربي ليه الحلو معصب علينا
ام تركي بزعل: اخلص وش تبغى
طلال: وهذا انا اقول اشتقت لشوفة هالوجه الحلو وهالصوت العذب لا خلاص انا زعلت وبسكر ما بتصل ابدا ولا برجع بالاجازه بكمل دراستي حتى اخذ الشهاده
ام تركي: سوها وانت تشوف والله لو ما جيت بالاجازه لا انا امك ولا تعرفني هذا وانت مشتاق لشوفتي تسوي كذا
طلال: يعني خلاص الحلو مو زعلان مني
ام تركي: ازعل على الناس كلهم فديتك والله مشتاقين لك
طلال: ايه الحين اقدر اتدلل واتدلع على امى الغاليه وكملوا سوالف ...
ام تركي: طلال يسلم
محمد: مسرع ما رضيتي ههههههههههههههه
ام تركي:ههههههههه بيجنن بي هالولد وش اسوي بس ولدي واحبه
محمد: ربي يخليج لنا ..... يمه بغيت اقول شي
ام تركي: ايوه
محمد: بغيت اتزوج
ام تركي: ربي يفرح قلبك واخيرا اقتنعت
محمد: بس يمكن طلبي شوي غريب ابي اتزوج اخت لبنى
ام تركي فجت عيونها: قصدك ليال
محمد: ايه ابغاها
ام تركي: والله مدرى اشقول لك بس يمكن هي ما توافق
محمد: يا اخذها هي ياخلاص الحين مو في بالي الا هي
ام تركي: اقول محمد انت شفتها
محمد وهو متفاجأ من سؤالها: اشلون شفتها يعني
ام تركي: ولا شي بس
محمد: بس وش انا سألت عنها وسمعت عنها
ام تركي: يعني ماخذها عشان انها تشبه لبني الله يرحمها
محمد: انا ماخذ ليال ولبنى مثل ما قلتي الله يرحمها بالقلب وبتظل هناك لين اموت
ام تركي: بعد عمر طويل ان شاء الله ... بس اخاف تظلم البنت معاك لانها تشبه لبنى يمه الا ادور لك وحده حلوه وطيبه واهلها ناس طيبين
محمد: يمه خلاص اصرفي نظر عن الزواج مابي... وقام من مكانه
ام تركي تمسك ايد محمد: اجلس وين تروح اليوم اكلمهم وان شاء الله خير
محمد: خلاص يصير خير ..وابتسم ذيك الابتسامة اللى كلهم يسعدون بشوفتها
ام تركي: ربي يخلي لي هالابتسامه الطيبه ويخليك لنا
محمد: ويخليج لنا يالغاليه وحبها على راسها
اتصلت ام تركي على ام مساعد وحددوا موعد لهم بعد يومين عشان يروحون يخطبون ..... وكانت نوفا في هالوقت تحت وسمعت امها لما اتصلت عليهم
نوفا: يمه تكلمين مين عشان تزورونهم
ام تركي: يالملقوفه وانتي وش دخلك
نوفا: وش دخلك وش دخلك بكل مره تقولون كذا وبالاخير بس نعرف
ام تركي: يالله طسي من قدامي وروحي قابلي دروسك احسن لك
نوفا: مليت من المذاكره والله بغيت اسولف معك شوي
ام تركي: يا زين السوالف معك كلها حش بخلق الله ماحد يسلم من لسانج الطويل
نوفا بزعل: هذا جزاي اني ابي اسولف معك واريحك وجت بتوقف
ام تركي: محمد اخوج بيتزوج بس ها اياني واياج تعلمين احد
نوفا بفرح: والله واخيرا بس على من؟؟؟
ام تركي: ليال
نوفا: الله يعني ليال بتكون زوجة اخوي .. وتبدلت فرحتها فجأه الى حزن .. مابي يصيبها شي مثل لبنى ودمعت عيونها
ام تركي: الله يرحمها هذاك نصيبها من الدنيا وان شاء الله ليال تنور ليالينا يارب
نوفا: محمد يعرف انها تشبه لبنى بس حرام ليال طبيعتها غير لبنى حرام ياخذها عشان بس هي شبيهه لبنى ..لا يمه تكفين لا تخطبونها له بتعيش بتعاسه معاه
ام تركي: انتي وش تخرفين ... محمد لو تزوج عارف هالشي وانا سألته ما راح يظلمها ويعرف انه ليال غير عن لبنى حتى لو تشبهها
نوفا: الله يستر لكن اكيد ليال ما راح توافق
ام تركي: ليش احد متقدم لها
نوفا: لا بس احساس .... وقفت بروح الحين بكمل مذاكره
ام تركي: ربنا يوفقكم الجميع .... يالاخبار اللى يقولون عليها لا تعلمين احد اليوم بكلم ابوج وبنشوف ايش راح يصير
.... اتصلت ام تركي في بنتها وضحه وخبرتها عشان ما تزعل مثل حكايه سلطان وجواهر وفرحت انه اخوها اخيرا بيتزوج لكن كانت تفضل لو يخطبون له مشاعل ... بس امها خبرتها انه ما يبغى يتزوج الا ليال

باليوم المحدد خطبوا ليال ... وبعد ما راحوا الكل جت ليال عند ابوها اللى طلبها
ابو مساعد: اقول ليال بنتي هذول الناس خطبوك لولدهم محمد وسكت شوي ... زوج لبنى اختك الله ..خذي راحتك وفكري زين وصلي استخاره واللى تبغينه بيصير
ليال ساكته ووقفت: ان شاء الله يبه ... وراحت لغرفتها وهي مو مصدقه
ام مساعد: فكرك بتوافق
ابو مساعد: هي حره ما بغصبها ابدا وهذول ناس عرب ما راح نلقى احسن منهم والله فرحت انهم فكروا في بنتي وبنفس الوقت حزين لانهم اخذوا بنتي الاولى وما لحقت تتهني بعيشتها
ام مساعد: استغفر الله يابو مساعد والله بنتي كانت مرتاحه وتهنت وعاشت سعيده الايام اللى بقى لها من حياتها
ابو مساعد: والنعم بالله اوكي الحين بروح انام يالله تصبحي على خير
ام مساعد: تلقى خير ابو مساعد

ليال باليومين تفكر ما توقعت انه بيصير هالشي ... مع انه قلبها دق لما سمعت انهم عندهم بالبيت وخبرتها نوفا قبل انه فيه مفاجاه بتعرفها اكيد لكن بنفس الوقت خايفه انها تعيش في ظل اختها على طول ليش انها تشبهها ... بالاخير تجرأت وقالت لنوفا انها تبيها تسأل محمد سؤال وياليت يسمعه ويجاوب عليه وهي تسمع لهم ووافقت نوفا ونزلت تحت ما لقت محمد قالت لها تتصل عليه بعدين لما يرجع
لما اتصلت نوفا مره ثانيه في ليال
نوفا: هلا والله الحين جا محمد
ليال: الله يخليج انتي سأليه السؤال وخلى الجوال على السبيكر عشان اسمع فهمتي ولا تخلينه يعرف انه انا على الخط اوكى
نوفا: اوكي امرج طيب ايش السؤال
ليال: يا ترى لو اخذت ليال هي بتعيش معاك بظل لبنى والحياه اللى كنت عايشها معك ولا بتفرق بينها وبين الماضي عشان تعيش حياتك من بدايه مع حرمه جديده وحياه جديده غير
نوفا: سؤال طويل خليني اكتبه لحظه
ليال: اقول بس خلاص دام فيها قلم وكتابه تراجعت ماريدك تسألين
نوفا:ههههههههههههه امزح لحظه انا رايحه لهناك حطت الجوال على السبيكر ودقت باب الجناح وبعدها دخلت
محمد: اووه الاميره نوفا حياج الله
نوفا: هههههههههه ايش تسوي
محمد باستغراب: اعتقد واضح قدامك من لبس البيجامه انى بنام ....فيها شي
نوفا: اكيد ما فيها شي بس بغيت اسألك انت بتاخذ ليال لانها تشبه لبنى صح
محمد: هههههههههههههههههههه مسرع ما اشتغلت الاف بي آي من علمك
نوفا: عرفت وبس بس الله يخليك تجاوب انت ما حبيت ليال ولا تعرف عنها شي كيف تتزوجها
محمد: اللى عرفته كافي ويكفي انها اخت لبنى
نوفا: اها يعني بتعيش حياتك مره ثانيه مع لبنى بس اختلاف الأسماء
محمد يطالعها بعصبيه: اقول نوفا انا اعرف انه لبنى ما راح ترجع ولا باخذ بنات الناس لعبه في ايديني مو محمد اللى يسوي كذا بعدك ما عرفتي اخوك باخذها لانى ابيها ابيها وبس فهمتي ويالله انقلعي الحين من وجههي بغيت انام
نوفا: الله يخليك بس ريحني بغيت ارتاح والله ما بغيت تصير مشاكل بعدين وتندم وحرام ليال طيوبه وما تستحق الا كل خير
محمد: تطمني وان شاء الله بحاول قد ما اقدر اني اسعدها ارتحتي الحين
المهم هي توافق بالاول وبعدين يصير خير
نوفا بابتسامه: الله يخليك لي ياخوي بخليك تصبح على خير
محمد ابتسم: وانتي من اهله


بغرفتها تكلم ليال: ها سمعتي اللى قاله
ليال: ايه سمعت يالله تصبحي على خير
نوفا: اووه بسرعه
ليال: وراى دوام وانتي بعد يالله مع السلامه
نوفا: طيب وش رايج
ليال: بعدين تعرفيه تصبحي على خير مع السلامه
نوفا: مع السلامه



بعد تفكير وصلاة استخارة وحست روحها مرتاحه وافقت على محمد وتمت خطبتها و حددوا ملجتها بعد ملجة عبير باسبوع والعرس على شهر 10 وبتوقف كورس واحد
جواهر باركت لعبير بنت عمها وخذت رقم ليال تبارك لها.. دراستها ماشيه وقربت الاختبارات ودايما بغرفتها تذاكر او مع العنود ...... والعنود شوي مشغوله مرات تذاكر ومرات تجهز اغراضها لعرسها القريب بعد نهاية الاختبارات
سلطان ابتدا يتغير شوي من ناحية جواهر ولو انهم للحين كل واحد يكابر ما صرح بحبه .. المكالمات شوي بينهم زادت وصارت جواهر ما تنام الا بعد ما يتصل فيها سلطان تعودت على هالشي.




....&&&....

الجزء الأخير



بعد سفر سلطان باسبوع .. كانت جواهر بالليل قاعده تحضر لدوام بكره وشوي جاها اخوها ابراهيم
ابراهيم: السلام عليكم نمتي
جواهر: لا بعدني واقدر انام الحين غدوووه فديتها راقده من بدري
ابراهيم: ايه ادرى شفتها نايمه ..الا ما قلتي اشخبار سلطان من يوم ما رجع ولا عدنا نسمع عنه شي
جواهر : يمكن انت بس اهو كل يوم يتصل ويسأل عنكم
ابراهيم: اها بدينا نتملك من الحين هههههههههه
جواهر: اطمن مانى ملك احد ولا راح اكون ملك لحد
ابراهيم: والله بننطر ونشوف
جواهر طلعت له لسانها: انطر بتنطر وايد
ابراهيم يضربها على راسها: يالياهل عيب تطلعين لسانج وبعد لاخوج اللى اكبر عنج
جواهر: كيفي اخوي وانا حره حد عنده مانع
ابراهيم: ما رحتي لعند عمامي قريب
جواهر: لا والله عشان قربت الاختبارات ما باقي شي عليهم شهرين ولازم استعد لهم زين ..ايه عرفت انه نورا حامل ياربي بصير عمه
ابراهيم: غبيه صج وغدووه عيل بنت مين ان شاء الله
جواهر: لا عمه من جديد
ابراهيم: الله بالعقل الا اقول جواهر عاليه اشخبارها ما راح تخلص جامعه
جواهر: والله مدرى عنها تقول يمكن تسحب اوراقها وتكمل هني
ابراهيم: احسن بعد
جواهر وهي فاجه عيونها: لا والله حرام تهد الدراسه هناك ليتنى انا وياهم ان شاء الله بعد هالسنه خلنى اخلص
ابراهيم: يا ترى لو تقدمت لعاليه بتوافق
جواهر صاخه وفاجه عيونها من المفاجأه وبعد شوي انتبهت لروحها وابتسمت : صج تبي تتزوج عاليه
ابراهيم يبتسم: ايه صج يا ترى بتوافق على وانا وياي طفله بعد
جواهر: وليه ما توافق وبعدين غدووه تحبها وهي بعد تموت عليها
ابراهيم: جواهر ممكن تتكلمين وياها تشوفين بس يعني مو تقولين لها اخوي بيتقدم وجذي لا انتي اعرفي اشلون تفكيرها من ناحيتي ولو تقدمت بتوافق ولا لا ..مابي اتقدم وبعدين ترفض ابي اسمع رايها بالاول وبس
جواهر: ولا يهمك ان شاء الله بيصير كل خير ...بس ليه فكرت في عاليه والغريب انك بالاول ما فكرت فيها
ابراهيم: اجذب عليج انا افكر في عالية من زمان وخطبتها قبل 3 سنوات من ابوها لكن قال لى بعدها صغيره وتدرس خلها تكمل دراسه وصراحه مدرى كنت بتجنن لما اشوفها ما تشوفيني ابتعدت ولا احب انى اروح عندهم وايد وبعدين امها الله يهداها
جواهر: لا تقول ندرى خالتي عاد وطبعها الله يهداها بس قويه بس مرات حبوبه وما اظن ما تحب السعاده لاولادها طالع بدر الحين مو عرس على وعد بنت خاله بالاخير تقبلت الوضع حتى لو تقول ماهو من مستوانا الحين تاخذها وياها للحفلات مرات وتفتخر فيها انها زوجة ولدها
ابراهيم: انا بروح ووقف
جواهر: هيه لوين تو السوالف الا ابتدت الحين
ابراهيم: بروح انام وراى دوام المهم سوي اللى قلت لج عليه اوكى وشوفي

..... غريبه من متى ابراهيم يحب عاليه مو مبين هالشي عليه من يوم ما كان ابراهيم اخوي دوم كتوم ويالله يطلع اللى بقلبه ..بس صح ليه ما لاحظنا احنا هالشي اللى زمان بكل يوم راز ويهه في بيت عمي والحين يالله يزورهم او يتقابل وياهم بره غريبه بس اقول فعلا اخترت صح وان شاء الله تكون من نصيبك ياخوي ....بروح ابشر رجوووي فديتها وعلى طول تتصل على رجاوي

جواهر: فديت هالصوت الناعم وربي
رجاوي: فديتج جوهرتي اشلونج اشخبارج ولهانه والله متى تجي الاجازه وارجع
جواهر:ههههههههههههه عاد انا ما ولهت الحين لا ما بيج انا اذاكر وابي اكون مركزه لو انتي هني ما راح اركز طول الوقت بكون رازه وياج بالغرفه لا ارتاحي بعد ما اخلص الاختبارات اولهي على كيفج
رجاوي: يالدبه زعلت يالله قلبي ويهج باي
جواهر:هههههههههههههههه يالله عاد رجووي حبيبتي انا ولهت عليج تعالي بكره لو تحبين
رجاوي: لا مابي برجع بعد ما اخلص الدراسه هم كلهم 3 سنين وبس
جواهر: تسوينها يا بنت عبدالله هههههههههههههههه ايه اشلون اخوي احمد فديته قولي له جواهر زعلانه ليه ما يتصل علي الحين اكثر من اسبوع الدب ما كلمني
رجاوي: ما بقول شي عندج رقمه واتصلي عليه
جواهر: اسوي له مسجات ويرد علي بس حتى انا بعد مو فاضيه قاعده اذاكر ما باقي شي على الاختبارات
رجاوي: ربنا يوفقج ان شاء الله
جواهر: لا تخسريني وتنسيني ليش اتصلت عليج
رجاوي: شنو صار؟؟؟
جواهر: ابراهيم يبي ياخذ عاليه
رجاوي: شنو من قال
جواهر: انا قلت لج والله الحين توه طالع من غرفتي يبيني اسأل عاليه يعني لو بتوافق ان هو تقدم لها ...تصدجين شي يحبها من زمان وتقدم لها قبل 3 سنوات بس عمي قاله انها تدرس ويعني بعدها صغيره
رجاوي: الله كل هذا يطلع من ابراهيم
جواهر: ايه يمكن يحبها من يدري
رجاوي: لو حبها ما خذ عليها مغربيه لما سافر هناك
جواهر: عاد انتي لا تقعدين تحنين ع هالشي يمكن ظروف وبعدين هو ولد عمها وما فيها شي يفكر فيها
رجاوي: اممم مدرى بس فيه شي مدرى يمكن يخليها ما توافق
جواهر: ايش؟؟؟
رجاوي: اوكى بس امانه لو تدري عاليه انى علمتج بتزعل مني ترى
جواهر: والله ما اقول يالله فكيني
رجاوي: صاحب احمد اخوج هني عينه عليها وكلمها قبل ما تسافر بعد المشكله اللى صارت وانه بيتقدم لها
جواهر: امبيييييي والله مشكله وهي ايش رايها بهالشي
رجاوي: والله مدرى بس قالت ما افكر فيه ولا اشعر بشي تجاهه لكن لو قررت تتزوج مره ثانيه بتفكر فيه يمكن وقتها
جواهر: والحين ابراهيم
رجاوي: شوفي انتي سوي اللى قالج عليه ابراهيم وبس اعرفي رايها اوكي مو بالغصب كل شي بالتفاهم ..وبعدين ليه ما فكر فيها قبل ما تتزوج هذا الفيصل وين كان ما شفته حرج ولا قال شي
جواهر: مدرى والله خلاص بكره ان شاء الله بمر عليهم بالليل يالله سلمي على احمد اخوي واااااااااااااااااااااايد اوكي .... وقولي له هين من معه احبابه نسى خواته
رجاوي: هههههههههههههههههه يوصل يا الواااااااااايد

بعد ما بندت الخط ويا رجاوي راحت قالت تشوف ايش بالتلفزيون بغرفتها فتحت على قناة mbc وجلست شوي تطالع برنامج بالاخير قالت بتنام ..غريبه اليوم ما اتصل ليه مدت بوزها وهي معصبه برايه ما يبي يتصل كيفه ما راح اتصل وللحين ما قالها لي ياربي يبي يذبحني والله بتصرفاته وهي جالسه تفكر الا ويرن الموبايل طالعت الشاشة وابتسمت غيرت الاسم من الحبيب الغامض الى حبي العنيد
سلطان: السلام عليكم
جواهر: وعليكم السلام
سلطان: يااااااه اشكثر اشتقت اسمع هالصوت والله اشخبارك يالغلا
جواهر بحياء: الحمدلله انت اشلونك واشلون عمي وعمتي واخوانك كلهم خصوصا نوفا الدبه اشتقت لها بالحيل
سلطان: الحمدلله ماشي شغلها بس هالفتره سكون ما قبل العاصفه ما فيه اخبار من صوبها
جواهر:ههههههههههههه
سلطان: فديت هالضحكه يعلها دووووم ان شاء الله
جواهر: وياك يارب
سلطان: وش قاعده تسوين
جواهر: ولا شي خلصت مذاكره واطالع بالتلفزيون وبس
سلطان: ما اشتقتي لي
جواهر:............... "انطرك من متى تتصل والله تولهت عليك "
سلطان: ليش ساكته
جواهر: ماكو شي سلطان
سلطان: عيون سلطان
جواهر: ما قد تكلمنا امممم ... يعني مدرى شنو اقول
سلطان: وش اللى تبين تقولينه ...قالها بجد
جواهر: امممم انت خذتيني لانك تباني ولا غصب عنك
سلطان:ههههههههههههههههه رجعنا لنفس السالفة وقفتي قلبي على بالي شي جديد
جواهر: ليه تضحك يعني ما تبينى اطمن انه بعيش وياك انت مرتاح وانا بعد مرتاحه
سلطان: تأكدي مليون في المية انى ابيك
جواهر: اووووووووف عيل ليه للحين ما سمعتها منك
سلطان يخلي روحه ما فهم : وش ؟؟؟؟؟؟؟
جواهر: ولا شي خلاص الحين بروح انام وبعدين هالفتره بكون مشغوله لو ما رديت على الاتصال وراى امتحانات
سلطان: يعني ما تبينى اتصل
جواهر: لا قصدي يعني يمكن اكون نايمه او شي
سلطان يود ضحكته: اوكى غلاتي مو مهم ان شاء الله لو حتى مسج طرشتيه اطمن عليج فيه
جواهر: ان شاء الله
سلطان: بخليج انتبهي لنفسج ودراستج اوكي ولا تنسين النسبه الحلوه
جواهر: ......... تصبح على خير
سلطان: وانتي من اهله مع السلامه
بندت جواهر السماعه: غبي والله ما بي اسمعها خلاص مو مهم انسدت ورفعت البطانيه عليها ونامت

سلطان يطالع بالجوال هههههههههههههههههههههه فديتها والله وربي احبج وامووووووووووووووووووت فيج ابتسم وحط الجوال وفتح الدرج اخذ الصوره وباسها وحضنها وغمض عيونه
................................

في اخر يوم بالامتحانات الكل فرحان ومبسوط راحت جواهر ويا العنود طلعوا من المدرسه واستاذنت امها انها تروح معها للمول وترجع بعد الغدا اذنت لها قالت بتنسى كل شي وسلطان لها اكثر من اسبوعين ما كلمته الا تقريبا 5 مرات كله ترسل له مسجات وبس وترجع تذاكر تبي تحسسه انه مو مهم ..... بس هو بعد اعند منها يضحك لما يكون بروحه من تفكيرها ويقول ما بقولها الا لما تكونين معاي على طول وقتها ما راح تسمعين الا هذيك الكلمه ههههههههههههه فديتها مع اني اطرش لها مسجات غبيه ما تفهم ههههههههههههههههه
ابوها كان عندهم قبل اسبوع وطمنته انه اول ما تخلص بتجي لعندهم خلاص بس بتحاول تخبر اهلها بالموضوع قبل...... كلمها فهد قبل ما تبتدي امتحانات بخبر فرحها وايد انه يبي يخطب نوفا بنت عمه اللى ما صدقت وعلى طول اتصلت عليها تعرف رايها
جواهر: ياربي على هالصوت ولهت عليج يالخايسه ليه ما اتصلتي
نوفا: يؤ لا تكونين ناسيه بعد انه انا على ثانويه
جواهر:ههههههههههههه لا ما نسيت طيب شنو اخر الاخبار وياج
نوفا: ولا شي من البيت للمدرسه والعكس بغينا نفتك منها تعبنا والله ما بروح ادرس بقعد بالبيت خلاص قررت
جواهر:ههههههههههههههه احسن بعد تفكين الناس من حشرتج لا وبعد الكليه لو دشيتيها الله يكون بعونهم
نوفا: اقول طسي يالله وراي مذاكره ما لاقيتي تتصلين الا وبكره دوام
جواهر: كيفي حرة زوجة اخوي واتصل عليها وقت ما اريد
نوفا سكتت: وش وش عيدي اللى قلتيه
جواهر: قلت لج زوجة اخوي وكيفي
نوفا: ومن منهم ان شاء الله احمد ولا فهد
جواهر: بليز لا تيين صوب احمد هذا ملك خاص خلاص راح عليج
نوفا: يعني ما باقي الا فهد
جواهر: ما باقي الا هو شنو نسوي يالله بنت عمنا ومنا فينا احسن ما تروح للغريب
نوفا: لا والله
جواهر:هههههههههههههههههههههههه صرتي تقولينها الحين
نوفا:هههههههههههههههههههههههه من كثر ما اسمعها منج
جواهر: اشرايج في فهد اخوي
نوفا: واخيرا يعني بعرس الحمدلله بروح اخبر امي لحظه
جواهر:هههههههههههههههه والله غبيه هالبنت تعالي هني وين تروحين
نوفا: اصلا ما رحت امزح وياج
جواهر:ههههههههههههههههه طيب يالله يا ايه يا لا بسرعه ابي الرد الحين اوكى فهد يبيج بتوافقين ولا لا
نوفا: من جد تتكلمين
جواهر: ايه من جد يالله هو قال لي اعرف رايج فيه
نوفا هني عاد استحت مع انها ما تشوفه وايد ولا تكلمه بس ترتاح بشوفته ودايم تحس بشعور غريب من ناحيه لما تشوفه عكس احمد اللى تحسه شرات حد من اخوانها
جواهر: هيه انتي وين سرحتي
نوفا: هلا ولا شي اقول جواهر انتي بجد تتكلمين
جواهر: والله العظيم جد يالله اخلصي وراي دوام بكره نعنبو ابليسج بسرعه قولي ايه او لا ولا بدور له على غيرج يالله
نوفا: تعرفي اسمج دورى علي غيري
جواهر:هههههههههههههههههههههههههههههههههههههههه فديتها زوجة اخوي يالله اوكي انا بعلمه تصبحي على خير
نوفا بخجل: وانتي من اهله مع السلامه
دزت له مسج وهو اول ما شافها على طول اتصل عليها

فهد: والله وافقت
جواهر: ياربي قلت لك موافقه
فهد: بهالسرعه غريبه ... مع اني ما اشوفها ولا اتكلم معها وايد
جواهر: والله شنو نسوي في الناس الهاديين اقول الحين بنام يالله
فهد: طيب طيب عرفنا بتنامين فديت احلى اخت عندي بالدنيا مع السلامه
جواهر: علمني ايش صار معك اوكي
فهد: ان شاء الله ولا يهمج مع السلامه

تمت خطوبه فهد على نوفا وملجتهم بعد ما تخلص امتحانات باسبوع...
في اخر يوم امتحانات وبعد ما طلعوا من قاعه الاختبار سلموا البنات على بعض واللى تبكي انها ما بتشوف صاحبتها وطلعت جواهر يا العنود بالسيارة يحتفلون باخر يوم بيتحوطون بالمول ويتغدون هناك ومن بعد يرجعون البيت اتصلت جواهر على امها علمتها ونفس الشي العنود كلمت امها وطبعا ضاحي لازم يعرف هالشي اللى هو بعد قال انه عازمها بالليل على العشا هي واخوانها واختها ملاك
العنود: اووووووف ما بغينا نفتك من رزة الامتحانات والله فرحااااااااااانه مره
جواهر: الحمدلله تتوقعين جم تجيبين من نسبة
العنود: والله مو اقل من 97
جواهر: اوووه ع بالي بتقولين شي وثمانين
العنود: لا يبه وانتي بتكونين ان شاء الله نتيجتج مثلي واحسن
جواهر: الحمدلله نبي بس النجاح المهم خلصنا
شوي وحطت جواهر شريط كاسيت وطلعت الصوت
العنود: وعععع طلعي هالشريط وجت بتطلعه وكانت مسرعه وما انتبهت الا وجواهر تصيح: انتبهييييييييييييييي العنووووود كانت هذي اخر كلمه قالتها جواهر ومن بعدها حصل الحادث سيارة هامر قادمه من الطريق المقابل وكانت متجاوزه بسرعه كبيره وما انتبهت لها العنود كانت بتتفاداها وحولت على جانب الطريق بسرعه ومنه انقلبت سيارتهم خمس مرات وجت على جنبها ..... اللى بالطريق حاولوا المساعده طلعوا اول شي جواهر اللى كان الدم بويهها وكانوا يتأسفون على اشكالهم لانه باين انهم بالثانويه واما العنود فكانت صدمتها اكبر ما قدروا يطلعونها الا بعد فتره