كاتب الموضوع :
اسطورة !
المنتدى :
القصص المكتمله
الجزء السادس عشر
الفصل الثالث ..
سافرت جواهر بعد ما ودعت اهلها وكانوا الكل حاضر الا طبعا فهد الا طيارته بتوصل وقت لما هي تروح ,, كلمها بالجوال لما كان بالمطار وبعد ما تجهزت راحت مع احمد اخوها ... عبدالعزيزاخوها وصلهم للمطار واما والدها فاول ما سلمت عليه ضمها له وكانه ما يبيها تبتعد عنه وحست هي بهالشي نزلت دموعها غصب لاول مره فعلا تحس انهم صاروا فعلا اهلها واكثر ,, وعدتهم انها راح تتصل وترجع لهم قريب .....
بالكويت اول ما وصلوا لقت باستقبالها العنود صاحبتها واختها رجاوي مع اخوها حسن
رجاوي وهي تحضن جواهر: فديتج والله وحشتيني مووووووووووووووووووووووووووت الحمدلله على السلامه
جواهر وهي فرحانه بوشفتهم: الله يسلمج اشلونج واشلون ماما وبابا وشخبارهم كلهم واشلون ابو خليل ها طمنيني
رجاوي: كلهم بخير
العنود وهي تدز رجاوي وتبعدها عن اختها: يالله خلاص جا دوري وي يعلني ما اخلى من شوفة هالويه بعدي هالغشوه من عليج خليني اشوف هالجمال وبعدت الغشوة من عليها وسلمت عليها وضمتها لها
جواهر: ياربي وش كثر مشتاااااقه لج والله يالعنود عندي كلالالالالالالالالالالالام وااااااااااايد بنسولف فيه
العنود: الحمدلله على السلامه والله اشتقنا لج يا الغاليه
جواهر: وانتوا اكثر
حسن قرب منها وما حب يسلم عليها بس قال لها الحمدلله على السلامه
وكل هذا واحمد كان بعيد شوي عنهم اول معاه الشنط اول ما وصل لهم طالع بالمجموعه وشاف جواهر اخته من غير الغشوه ظهرت العصبيه وياه
احمد: جواهر حطي الغشوة على ويهج الناس تطالع بعدين شيليها من عليج بالسياره
جواهر اول ما سمعت الكلام ما حبت ترد عليه ولا شي وتعرفه شوي عصبي حطت الغشوه عليها ومسكت ايد العنود اما رجاوي لما سمعته تفاجات من كلامه
جواهر حست باحراج: حسن هذا احمد اخوي
حسن: هلا والله وغلا الحمدلله على السلامه نورت الكويت بقدومك
احمد: الله يسلمك منوره باهلها اخوي
حسن: يالله نطلع وطالع باخواته والعنود.... خلني اخذ الشنط منك
احمد: لا ما يحتاج
حسن: ولو ضيفنا ما يستوي ..واخذ منه الشنط وطلع معاهم على طول بالسياره
... راحت جواهر ويا العنود بسيارتها استاذنت من اخوها حسن اللى ما قال شي ووافق اما احمد اخوها ما علق بشي وسكت بس حسته جواهر انه كان يبي يتكلم
بالسياره رجاوي: ياربي ي ي ي ي وش هذا اللى جايبته معاج ياربي نااااااار ما تنطفي
جواهر: هههههههههههههههه هذا اخوى احمد لا تغلطين
رجاوي: وش اغلط على طول حطي الغشوة عمره ما شاف احد محجب وانا اشوفه يطالعني بنص عين بس لما رديت له النظره نزل عينه ولا عاد طالع
العنود: ههههههههههههههههه رجاوي لا تخلينه يحطج في باله ترى
رجاوي: وي اصلا هو يتحمد ربه اني طالعت فيه بنظرة
جواهر: اقول يالله عاد من هالكلام وربي ولهت عليكم موووووووووووووووووت آآآآآآآآآآآآآآآآآه وخذت نفس قوي بالحيل الله ما احلى هوا بلادي
العنود ورجاوي: ههههههههههههههههه الله الله يا شمس الحياه يا كويت ياكويت يانبض الحياه
وضحكوا الكل مع بعض وسوالف لين وصلوا للبيت
.........
طبعا اول وحده طلعت جواهر اللى ما انتظرت حد فيهم الا على طول للباب ودقت الجرس اول ما فتحت لها الشغاله اللى صرخت باسمها
جواهر: انجبي وين ماما لا تسمعج الحين تدري
نورما: madam is in the sitting room
جواهر على طول ركضت بالدرج واول ما وصلت لفوق تفاجأت اللى امها طالعه من الصاله اللى فجت عيونها لها مو مصدقه
امها: جوااااااهر
جواهر على طول ضمت امها لها وباستها على راسها وبخدها ورجعت ضمتها لها
جواهر: فديتج ماما I missed you so much
امها: me too
جواهر: ماما ولهت عليج والله تعالي
امها: لحظه ليه ما علمتيني انج بترجعين اليوم
جواهر:هههههههههههههه الله واخرب المفاجاه ما يصير وينه بابا
امها: بالمكتب بنادي عليه
جواهر: لا فديته خليه انا بروح لعنده وافاجأه
امها:هههههههههههه طيب يالله وراحت وياها الى مكت بوالدها اللى اول ما فتحت الباب طالعت فيه كان المكتب على الجانب ومكتبه الكتب قدامها راحت بشويش وهو حس انه حد دخل رفع راسه وطالع بجواهر اللى واقفه وصرخت: بابا انا هنا جييييييييييييييييت وعلى طول ركضت له وضمته لها
ابوها: هههههههههههههه فديت بنتي الحلوه والله زين ما نسيتينا
جواهر بدلع: فديتك بابا انسى روحي ولا انساكم والله ولهت عليكم حييييييييييييييل
ابوها: سلامات شنو هالمفاجأه الحلوه ..؟؟
جواهر:هههههههههههههه احلى مفاجأه صح ما حبيت رجاوي او حسن يعلمونكم
امها: اها هي وياج بالمخطط دواها بعدين
جواهر:هههههههههههههههه يالله تعالوا ولهت عليكم تعالوا الصاله بنسولف يالله عاد وسحبت ابوها معها بايده
ابوها وهو يضحك: طيب طيب يابنتي لحظه بس احط علامه على الصفحه مكان ما توقفت وراحوا الجميع للصاله
شوي ودخلت عليهم رجاوي وهي معصبه شوي
رجاوي: السلام عليكم زين والله تركتينا تحت وطلعت على طول البيت
جواهر: وش على منكم فديتهم ماما وبابا ولهت عليهم والله
رجاوي: زين بعدين لا تقولين شنطي وما شنطي
جواهر: وي نسيتهم والله وينه احمد
رجاوي: مادرى عنه ..ببدل ملابسي وبجي
ودخلت عليهم العنود
العنود: السلام عليكم
الكل: وعليكم السلام هلا والله بالعنود
العنود: اشلونك عمي واشلونج عمتي
ام ابراهيم: الحمدلله تمام وانتى اشلون الوالده والاهل كلهم
العنود: والله تمام عمتي
ابو ابراهيم: اشوف العنود قاطعتنا من يوم ما راحت عنا جواهر
العنود: ههههههههههه لا والله عمي بس مشاغل شوي
جواهر: اصلا ما تحلى القعده هنا بدوني عدل ولا لا
رجاوي وهي جايه: يا سلام واحنا رحنا وين
جواهر:هههههههههههههههههه انتي الكل بالكل بس بعد ما تحلى القعده بدوني
ابو ابراهيم : ربي يخليكم لى والله البيت ما يسوى بدون شوفتكم الجميع
الام: ايه والله يعلني ما اخلى منكم الجميع
الكل: امييييييييييييييييييييييييييين هههههههههههههههههه
جلسوا يسولفون وشوي طلع عليهم حسن
حسن اول ما شافته جواهر على طول راحت وسلمت عليه
حسن: هلا والله بالعيون الخضرا والله لج وحشه
جواهر:ههههههههههههه هلا بك ابو علي ها وش اخبارك واشلون نوره
حسن: فديتها والله بخير وربنا يصبرنا لين يجي العرس
الكل:ههههههههههههههههههههههههههههه اقول ابو علي اركد ترى فيه ناس غرب
حسن: من الغرب العنود منا وفينا متعوده علينا هذا بيتها وبين اهلها
العنود: ههههههههههههههه ما عليك قول اللى تبيه انا ما اسمع شي
رجاوي وجواهر:هههههههههههههههههههههه طالع هذي ما تسمع شي الا بتبجج عيونها وبتفج اذانها زين عشان تلحق على كل كلمه
جواهر: اوووه تبين تصكين العنود بعين ترى بعدين منووو اللى بيجيب لنا اخبار الساعه
العنود وهي تدز جواهر: زين ياالدبه اراويج ...ضحكوا منها
حسن: انا بروح اوصل احمد للفندق وارجع
ابوه: من احمد
جواهر: اخوى احمد جا وياي
ابوها: افاااااا يا ولدي اشلون تخليه يروح للفندق وفيه غرف للضيوف بالملحق
حسن: والله قلت له بس ما رضى وش اسوى فيه قال 3 ايام وبعدها بيروح بريطانيا دراسته
جواهر: ايه صح بعد 3 ايام بيرجع دراسته
ابوه: تعال خلنا نروح نسلم على الرجل
نزل ابوه وسلم على احمد وحلف عليه الا يجلس عندهم بالبيت بملحق الضيوف اللى بره البيت بس متصل بصاله داخليه وقريبه من المطبخ
بالاخير رضى احمد ووافق جلسوا الكل تحت يسولفون مع بعض الا طبعا رجاوي والعنود وجواهر اللى كانوا بالغرفه سوالف لين امهم نادت عليهم عشان العشا بعد ما تعشوا الرجال ...
طلعت جواهر ويا العنود تودعها عند الباب وكان حسن طالع ويا احمد وشافوهم بره
جواهر: لوين حسن بتطلعون
حسن: بلف فيه بالديره شوي وانتوا ...
جواهر: العنود رايحه بس نسلم عليها
حسن : هذي العنود يا احمد رفيقه جواهر من الصغر وترى اختنا كلنا يعني البيت بيتها
العنود: ههههههههههههههه ايه دعايه تسوي الحين لبيتكم
الكل: هههههههههههههههههههههه
حسن: ها اشلون الاهل وراكان وش اخباره وين وصل ويا الريجيم
العنود: هههههههههههههه الا زاد ويا الريجيم هذا ما يحب يتقيد بشي
حسن: تدرين شي انتوا اخطبوا له ولو صار بعدين بينزل وزنه غصب عليه لانه البنت ما راح ترضى فيه وهو بهالشكل
جواهر: ههههههههههههههههه اقول العنود البنت هذي اللى طاح حظها وين بتلقونها
احمد ويا حسن ضحكوا من كلام جواهر
العنود ضربتها على كتفها: المشكله انج انخطبتي ولا كنت ابيج لاخوي ما ينفع معاه الا انتى ما تحبين الرجل بهالشكل
جواهر ابتسمت: خلاص راحت عليه
احمد ولاول مره يشاركهم: الله ستر وسلطان مو نفس مثل ما تقولون ولا كان بترفضه يعني جواهر
جواهر في نفسها ( سلطان المشكله انه مافيه شي تقدر ترفضه عشانه )
العنود: هيه وين سرحتي انتي ي ..!
جواهر: ها ولا شي
حسن: الا سرحت بالخطيب هههههههههههههه يالله احنا بنروح مع السلامه ..
..............
واخذ حسن وياه احمد يتمشون بالعاصمه وبعض الاماكن السياحيه فيها ...وخصوصا احلى منطقة الكورنيش عند مطاعم الابراج الجو هناك رااااائع واكثر من رائع بهالوقت من السنه ...سولفوا وتعرفوا على بعض اكثر وعجبته شخصية حسن مثل ماهو اعجب فيه ..... وفجأه سرح فكره برجاوي ....
حسن: انا اكلمك ليه ما ماترد احمد
احمد:هههههههههههههههه ياخي اللى يكون بهالمكان يسرح ولو ما يبي ما شاء الله بلدكم حلوه
حسن: الله يخليك ... والله ودي بزيارة السعوديه
احمد: ياهلا والله تشرفونا هناك والحين عاد صرنا اهل
حسن: تسلم ربي يخليك الا اقول احمد انت باقي لك كم سنة وتتخرج
احمد: تو بعدني باول المشوار اول سنة هذي
حسن: اها يعني مثل رجاوي اختي .... بسنة الخصص
احمد: رجاوي اختك تدرس وين
حسن: بريطانيا
احمد: وانتوا مو رافضين هالشي يعني ...اسف بس قصدي احد معها هناك من اخوانها
حسن: لا ماحد بروحها وبعدين الحين الزمن تغير والحمدلله رجاوي ما ينخاف عليها ابد
احمد: صح الزمن تغير ....تصدق حسن مع انى ادرس هناك لكن لما اشوف البنات اللى يسووونه هناك او اللى يصير مع بعض الشباب اقول الحمدلله والله بلادنا ارحم منهم
حسن: شوف ياخوي احمد والله صح نقول البنت هي اللى غلطانه لكن الله يهدي الشباب هم اللى يجرونها وهي بنت ضعيفه من يومها كانت واللى ما يخاف ربه ويضحك على بنات الناس مصيره بيوم يلقاها تجي باحد من اهله
احمد: صح كلامك بس تظل البنت بنت وهذا احنا يا العرب واللى ربينا عليه وديانتنا حتمت علينا هالشي فنشوف اللي تسويه البنت غلط واللي يسويه الشاب مهما سواه شاب ماهو غلط
شوي ويجي اتصال لحسن...يطالع بتلفونه كانت نورا زوجته تتصل
حسن: وعليكم السلام هلا والله بهلي وناسي كلهم ...هلا بنور الكويت كلها
نورا:ههههههههههههههههههههه اشوف كلمات الحب اليوم زادت شوي
حسن: ولهت عليج والله اشلون الوالده بالاول وشخبارها
نورا: الحمدلله بخير الله يسلمك
حسن: ها يا النور تامرين على شي
نورا: يؤ وانت تقول ولهت على قبل شوي
حسن:هههههههههههههههههههه ايه والله ولهان ربي يصبرني لين هذا الشهر يخلص .... جواهر وصلت اليوم
نورا: لا الحمدلله على سلامتها زين علمتني بتصل عليها
حسن: اوكى انا بتصل عليج بالليل ...ها ترى لا تنامني وتصكين الجوال اوكى
نورا:هههههههههههههههه طيب ولا يهمك
حسن: يالله فديت قلب النور بروح الحين مع السلامه
نورا: مع السلامه
...حسن يطالع باحمد اللى تحرك من جنبه وترك له المكان على راحته يسولف فيه
انضم له حسن: هذي النور نورا زوجتي
احمد: اها
حسن:هههههههههههههههههه لا يكون على بالك انى اكلم البنات .........خلاص راحت علينا قفلوا علينا الابواب يابوك واحنا بعز الشباب
احمد:ههههههههههههههههههههههههههههه
...سولفوا وبالاخير وداه لعند ربعه وتعرف على اصحاب حسن اللى فعلا استانس معاهم بالسهره
اما رجاوي وجواهر كملوا سهرتهم بالبيت ويا امهم وابوهم بعدين امهم راحت تنام اما جواهر فجلست ويا رجاوي
رجاوي: الا اقول صح احمد اخوج وش فيه اشوفه دايم معصب يؤ صراحه بجد ما تحملته
جواهر:ههههههههههههههههه هو عصبي بس قلبه طيب والله
رجاوي: انزين علميني ها وش شكل هذا سلطان اللى خطبج واشلون تعرفتي عليه ...سولفتوا بايش ..يالله كل شي ابي اعرفه
جواهر: ول ما بغيتي تسكتين ابد هذرة كلام وايد سؤال ورا الثاني
رجاوي:ههههههههههههههههه فديتج وتضمها لها يالله اول سؤال بنسأله اشلون خطبج سلطان هذا
جواهر: اممممممممممم عن طريق الايميل
فجت رجاوي عيونها: اشلون يعني
جواهر: يعني بالله اشلون خطبني ولد عمي وجوا وتكلموا ويا بابا وبس
رجاوي: اها اوكى وانتى اشلون وافقتي عليه بهالسهوله
جواهر: شوفي رجاوي هذا اول شي ولد عمي وتعرفين يقولون ولد العم اولى وبعدين صح ما اعرفه ولو قلت لهم ما بيه يمكن يغصبوني عليه
رجاوي: الله ليه وين عايشين هذول يعني
جواهر: هو صح يبون رايي لكنهم كلهم موافقين عليه ويبونه ومافيه شي يتعيب بصراحه كل اللى تتمناه أي بنت فيه بتلقاها فيه والله من طيبه وحب وحنان وفوق هذا رجل بكلمته ويشتغل مع والده بالشركه
رجاوي: اها طيب انتي حبتيه
جواهر: تصدقين ما سألتي نفسي هذا السؤال للحين
رجاوي: هههههههههههههه زين طيب يالله جاوبي حبتيه ...امممممم كنت حابه اسأل شي
جواهر: ادرى شنو راح تسألين بدر صح قالتها بحزن
رجاوي: تصدقين هذاك اليوم كلمت عالووووه بس قبلها كلمت بدر ولما خبرته انه انتى انخطبتي من ولد عمج سكت ما قال شي الا قال لي مبروك الله يسعدها
جواهر: هو قال كذا يعني ما قال شي غير
رجاوي: تعرفي هذا بدر لغز محير ابد ما يبين اللى بخاطره لاحد
جواهر: مو هذا اللى قاهرني لو كان يحبني ليه ما يلمح لي ولو بكلمه وحده والله كنت برفض سلطان بس يعلمنى انه يحبني
رجاوي: شوفي جواهر تبين نصيحتي
جواهر: والله ايه
رجاوي: شوفي هالفتره انتى هنا وفكري زين ترى لا تظلمين روحج مع انسان ما تحبينه او تكنين له اى مشاعر ترى بتصير حياتج بادره ولا لها قيمه او معني
جواهر: الله الله وش هالكلام الزين
رجاوي كملت كلامها: اللى يقرا ويثقف روحه بيعرف كل شي ..... سمعتيني الحين يعني انتي بعد ما صارت الا خطوبه وبس يعني تفكرين زين بحياتج ترى مو لعبه بكل مره وحده بتتزوج هي مره وحده لطول العمر
جواهر: انا ما شفت منه أي شي وكل كلام نوفا عن اخوها وحتى خوانه عنه انه ماحد مثله
رجاوي: يعني ما فهمتي كلامى اقولج انت فكري مو تفكرين بتفكير اخوانج ونوفا هذي ...
جواهر: شوف ياصلا انا وافقت عشان هالشي لانه بابا بس كان يبي ردي بهذاك الوقت مع انى قلت له بعطيك الجواب بعدين لكن الا اصر انى اقوله برايي وقلت بعدين لو فكرت افسخ الخطبه اكيد راح اتفاهم معاه هو دون الناس كلهم لازم يعرف باسبابي عشان ما تكون فسخ الخطوبه مني انا وبس فهمتي علي
رجاوي: اوكى كلامج ...لكن بنفس الوقت شوفي ترى لو بدر ما تكلم ولا تحرك انتى ترى لا تعطينه ويه .... والله اللي ما يبيني ما ابيه فهمتي زين حتى ول كان ولد عمي اوكى
جواهر بعد ما نزلت عيونها : اوكى ان شاء الله خير
.......
...... محمد ويا عبدالعزيز ولد عمه بالبيت
عبدالعزيز: يالله ما بغيت تجي يا الظالم ...ولا كانه معك اهل واخوان هنا
محمد:هههههههههههههه والله البنات الشقر ما تخلي بعقل الواحد شي من مخه
عبدالعزيز: هههههههههههههههههههه زين والله لا تقول لنا خذيت لك وحده شقرا من هناك
محمد: والله ياليت ...خلها على الله
عبدالعزيز حس بحزن محمد : بعدك ما نسيت ياخوي خلاص الله يرحمها
محمد: الله يرحمها ..... الا وينه عمي ما شفته
عبدالعزيز: بيجي بعد شوي اظن راح ويا عمي نواف للمزرعه
محمد: يعني ما راح نشوفه على العشا هنا
عبدالعزيز: الا بيجي ما راح يتعشون هناك بس يبون يشوفون الارض اللى بجنبها صاحبها يبي يبيعها ويفكرون يشترونها منه ...تعرفها ارض كبيره وفيها شاليه بنفس الوقت ويفكر الوالد مع اعمامي انه يكونون شراكه فيها
محمد: والله زين ..... جلسوا يسولفون وفجأه بعد نص ساعه دخل عليهم عمه تركي وياعمه نواف ووالده
عمه اول ما شافه : محمد ياحي الله بولدي الغالي
محمد حس بالفرحه وانه فعلا بين اهله وضم عمه وسلم عليه فوق راسه وعلى ايده .... وبعدين سلم على عمه نواف وحب ابوه على راسه
والده: والله غلبنا معاه وش نسوي يبي يعيش بعيد عن اهله ...قالها اخر كلمه بحزن ظهر على ملامح وجه
عمه تركي: اشلونك محمد ..سلامات
محمد: الله يسلمك عمي
عمه نواف: الحمدلله على سلامة ولدك ابو تركي
والده: الله يسلمك ياخوي
عمه تركي: واشلون شغلك هناك
محمد: والله الحمدلله ماشي ولدك وتدربت على احد افضل رجال اعمال
الكل:هههههههههههههههههههه ايه عاد في هذا صدقت
عمه نواف: ها محمد ما مليت من غربه ... ترى الواحد وين ما راح ما راح يلقى راحة البال الا بين اهله وربعه
سكتوا الكل وكان محمد ما يحب يسمع هذا الكلام ويتضايق منه لو احد فتح فيه سالفة .....
محمد: الله كريم .... ان شاء الله بفكر انى اصفي اعمالي بالخارج وارجع بس يبي لها وقت والله كريم
والده واعمامه وعبدالعزيز لما سمعوا هالكلام منه انبسطوا وفرحوا وابوه جا لعنده مو مصدق: والله يا ولدي تفكر بهالشي
محمد حس بعبره وانه وده يبكي سنين عمره اللى ضاعت بعيد عنهم واللى قدر يبتعد فيها عن المكان اللى شهد قصة حبه ويا لبني ...آه يا لبنى
محمد: الله كريم وما يصير خاطركم الا طيب ان شاء الله
عمه تركي: والله ياولدي نبيك دايم معنا وحوالينا وعشان كذا ترى بكره بالغدا انتوا وعوايلكم
والده: ايش غدا هذا احنا اليوم لا وبعد تبي تغدينا وش تركت لنا ياخوي وانا اخوك الكبير..بكره الغدا عندي بالبيت وخبروا الاهل كلهم
..... بعدين انضم لهم فهد وسيف وسلطان وطلال وبعد العشا الكل توجه لبيته اما الشباب طبعا فكانوا فرحانيين برجوع محمد وراحوا يسهرون ويا الربع شوي لعب وسوالف
.......
سلطان ويا محمد وطلال بالصالة في بيتهم بعد السهره
محمد: ها يا سلطان وش اخبارك والشغل معاك
سلطان: والله عاد انت متقدم علينا بهالمجال وتعرف الشغل واخباره
طلال: يالله بعد هنا سوالف بالشغل ....بتغيرون الموضوع ولا انطم واطلع لغرفتي واقابل احسن التفلزيون
محمد+ سلطان:هههههههههههههههههههههههههههههههه
سلطان: الا قول بتروح تكلم البنات وتضحك عليهم بكم كلمه يابوك حرام عليك من هالسوالف
طلال: والله ما اضحك على احد وبعدين ان شاء الله بتزوجها بالاخير
سلطان: ما اظن ...؟؟؟ بس اقول الله يهداك من هالسوالف
طلال: اقول سلطان وش رايك تروح تنام ندرى ما تعرف لهالسوالف والله مستغرب اشلون قبلت فيك جواهر بنت عمي واللى سمعته عنها انها بنت حلوه
سلطان طالع باخوه بعصبيه: لا تتكلم عن بنت عمك كذا بهذي الطريقه وبعدين استحي على عمرك تراها الحين خطيبه اخوك عارف وش هذا معناه
طلال: يووووووووو والله ما قصدي شي من كلام وسوالف قصدي انت ما تعرف للكلام الحلو يعني اشلون بتقدر تتفاهم وياها ياربي بتاكلني بعيونك الحين
محمد: وش صار هدوا شوي ما صار شي سلطان طلال ما غلط بس حب ينبهك لشي وصح كلامه ترى بنات اليوم يحبون الكلام الحلو وانه الواحد يهتم فيهم ما يهملهم
سلطان: ليش هي اشتكت لأحد بعدنا ما عرفناها زين الا من كم يوم ولو تدرى انه والدي كان يبيها لك انت يا طلال ولانه ما حبيت ابوي يرجع بكلمته وافقت انى اخطبها
طلال: اصلا ما راح اتزوج الا اللى ابيها وبرضاي هالزواج المصلحه بنت عمك او بنت خالك ما يعجبني بنت عمي وبنت خالى على عيني وراسي غيره لا مابيهم ابي اطلع من العايله
محمد:ههههههههههههههههه عادى تبينى اعطيك كرت احمر تطلع على طول اوت بعد
طلاله:هههههههههه وربي انك متفيق يالله انا بروح انام صدعت واسف ترى تصبحوا على خير
محمد حس بطلال اخوه وزعله : وانت من اهله
اما سلطان تم ساكت يتلوم في الكلام اللى قاله : وانا بعد بروح يالله تصبح على خير
محمد : وانا وش يقعدني هنا لحالي مالت عليكم وهذا انا مشتاق لاخواني امحق اخوان واحد ويا حرمته من قبل وانتوا من غير حريم لاطعيني هنا بروحي احسن بعد انا اروح وياكم
ضحك منه سلطان وطلعوا كل واحد لقسمه ينام
اما سلطان ما جاه النوم بعد ما بدل ملابسه وحس انه غلط بعصبيته على اخوه هو ما يعصب ولا عمره يحب انه يغلط على اخوانه او يزعلهم بالعكس ..زعشان كذا راح لقسم اخوه ودق عليه الباب
طلال وهو يفتح الباب: ها وش صار
سلطان: ماجاني نوم ممكن اجلس معاك شوي
طلال سكت وما رد
سلطان: طلال انا اسفه ادرى انى عصبت ومفروض ما اعصب ما قلت شي غلط لكن مدرى عصبت وبس
طلال حس بعذاب اخوه : ولا يهمك ما صار شي وبعدين طلال لو خذ بخاطره دقيقه وبعدين ينسى تعرفني ما اخذ اى كلام جد
سلطان: مو هذا اللى مخربك ما تاخذ الكلام جد كله لعب بلعب
طلال: ههههههههههههههههههههههههههه تعال
جلس وياه شوي
طلال: تحبها صح
سلطان تفاجأ: تصدق الحين فعلا احس انى احبها ...لكن انا ما اعرفها اشلون احبها
طلال: هههههههههههههههه شوف هذا الله يسلمك يسمونه حب من اول نظره او تقدر تسميه حب من اول كلمه ....الا جد وشهي اول كلمه قلتها لها
سلطان وهو يبتسم: بسم الله عليج
طلال وهو فاج عيونه: نعم وش هذي الكلمه ...من وين يبتها
سلطان ضحك وحكى له عن الموقف اول مره اللى صار معه بالمول
طلال: اها ...شفت اشلون حب من اول نظرة يا خساره راحت علي
ضربه سلطان على كتفه وضحكوا مع بعض
طلال: الله يهنيك ياخوي ويسعدك
سلطان: امين وانت بعد تلقى لك البنت الزينه اللى تختارها لك الوالده
طلال: يووووووه عاد هذي قويه والله لو دورت لى وحده وانا ما وافقت بتجلي تحن على وانت وانت وانت ....لا ياخوي مانبي كافي علينا الحين تتزوج انت وتفرح فيك كم سنه لما نخلص دراسه نلحق على كل شي
سلطان: هههههههههههههههه طيب يالله بخليك الحين تنام صدعتك اكثر
طلال: والله ياخوي ترى الصداع راح من زمان مع هالسوالف الحلوه اجلس شوي
سلطان: هههههههههههههه انت تبي تسهر اسهر لحالك انا بنام وراى دوام وبعدين انت وراك سفر ولا نسيت على الظهر
طلال: ياربي لازم تذكرني بريحة الحبايب الحين
سلطان:ههههههههههههههه طيب يالله تصبح على خير
طلال: وانت من اهله
.....
بغرفة محمد ....قبل لا ينسدح على السرير فتح الدرج وطلع الصندوق اللى فيه وراح للسرير ..... فتح الصندوق واول ما شاف ضحكه بنت بالصوره وهي شايله كوره ثلج بايدها .... كان جمالها هادي واحلى ما فيها عيونها طالع بالصورة وتذكر اللى صار قبل 6 سنوات وياه
|
29-12-11, 08:08 AM
جديد مواضيع قسم القصص المكتمله
العرض العادي
