المنتدى :
من كل بحر قطره
بالعقل هقول كلمتين / بقلم : عاشق فن إرتواء العقل
بسم الله الرحمن الرحيم
بالعقل هقول كلمتين
الحياة جميلة ومن جمالها حبناها كلنا
لأننا صادقين وربنا المعبود معاها
ومن صدقنا صدقناها وحبناها من قلوبنا
وأتعاملنا معاها ودلعناها أوى أوى
وشوفنا الحياة بمعانيها الحلوة وياها
ولازم نحبها لأن رب العباد خالق الكون والحياة
ورب العباد واهب العقول وبالعقل لازم نحب الحياة
لأننا متفائلين مش متشائمين
وهنتشائم ليه يا ناس وعلى أيه ؟؟؟
طالما فاهمين وواعين ومدركين
خبايا وكواليس حياتنا اللى فهمناها
وأتعلمناها من مواقفنا فى حياتنا
ومحدش علمنا حاجة فى مدارسنا وكليتنا
وأزاى هنتعلم نعيش بالعقل كده من غير ما نجرب
وأزاى هنتعلم نعيش حياتنا من مدارسنا
وأحنا أصلا مش فاكرين أخدنا أيه فى كتبنا
وأيه شكل مدرسنا بتاع العربى ولا حتى بتاع الحساب
ده أحنا كويس أوى أننا فاكرين أسم مدارسنا
يبقا بالعقل كده هنتعلم أزاى نعيش حياتنا
من غير ما نجرب نعيشها ونتأقلم عليها
ده الواحد لو مغلطش فى حياته
يبقا لسه متعلمش حاجة فى حياته
ولازم نغلط ونجرب ونقع ونقول أه وقعنا
علشان لما نقوم ونقف نقول أه أتعلمنا
ولسه هنتعلم طالما لسه عايشين
وهنعيش مبسوطين لو حكمنا عقلنا فى تصرفتنا
وقولنا للعقل مرحب بيك يا منقذنا
أنقذنا يا عقل علشان معاك ننعم بحياة سعيدة بإذن الله
وبالعقل قولت الكلمتين وأشوفكم على خير
بقلم : عاشق فن إرتواء العقل
خالد نور الدين
التعديل الأخير تم بواسطة بسمه شوق ; 06-02-12 الساعة 04:32 PM
سبب آخر: لون الخط
|
27-12-11, 02:07 PM
جديد مواضيع قسم من كل بحر قطره
العرض العادي
