*
*
*
ـــــــــــــــــــ
اليوم: الثلاثاء ..
التاريخ: 27 / 6 / 1426 هـ ..
المكان: استراحة على الخط السريع ..
الوقت: 1:45 ظهراً ..
ـــــــــــــــــــ
(ابراهيم)
ضبطت الكاميرا على وضع ( التقاط متكرر ) بحيث ان الكاميرا تلقط اكثر من صورة متتالية ورى بعض .. هذا شيء جديد توني اجربه مع كميرتي الجديدة بعد ..
كنت انقل نظري بين عبدالعزيز على الطبيعة وبين عبدالعزيز ورى عدسة الكاميرا .. ركـض باسرع ما عنده اعتقد ..
قررب للسيارة وضغطت الكاميرا عشان تبدى أول صورة .. ورفعت بصري لـ عبدالعزيز على الطبيعة ..
طمر سيارتي بالعرض .. ( من الباب للباب ) .. ووشـ .. تعدى السيارة .. ووصلني صوت وصوله للأرض من الجهة الثانية ..
خذ وقته الى أن مشى داير على السيارة راجع لي .. جا وهو ينزل ثوبه .. وانتبهت لمجموعة شباب واقفين يصفقون ويصفرون .. يمكنهم حدود الاربعة .. رفع لهم يدينه وصفق لهم ...! ياااواثق .. بس من جد حركته مبهههره ..!
التفت لي حيث كنت واقف ومبتسم .. واصوره كان مبتسم وفيه شيء ثاني يشارك ابتسامته بس ما ادري ايش ..
وصل عندي وزادت ابتسامته وهو يسمع اطرائي له : والله انك كـفو .. واعجبتني .. وتحديت يوم تحديت ...! [ تكلمت بهدوء شوي ] بس تصدق افكر كيف قدرت .. قلت وحدة من الثنتين .. يا اما تلعب جمباز بالرياض .. يا الاحراج يجيب طاقـة .. !!
ضحكتني ردة فعله .. لما كان في البداية يهز راسه بـ لا .. كـ ( لاداعي لاداعي ..) بس عقب آخر جمله قلته .. قهرته بغى يعطيني بوقس ..!
صرخ علي : ياخي خلني انسى ..
ضحححححكت وانا اشوفه يمشى يلبس نعاله ..!
رجعنا للمطعم وخذنا طلبيتنا .. ورحنا نتغدى .. وحنا نسولف ..
سألته : وشلون سويته ..!
عبدالعزيز ابتسم : ترا الجسم لـه دور .. وترا لأني رياضي ..!!
ابتسمت لـه : يااواثق ..!
كـشر : بس أقولك ترا اوجعنَّي رجليني .. ماتتخيل وشلون مؤؤلم الوصول للأرض .. احتجت احط يديني اهووون لي اوصل للأرض بسلاام .. تراني كنت مكشر من الوجع .. واجد علي اني قدرت امشي .. ترااه والله يعوور ..!
بررت لـه سبب الالم : أيـه تراك كنت حافي ..! وشمس وزفلت وحااالة ..! ونااقز ن مدري كم ماشاء الله بس .. يجيك شيء الحين ..!
عبدالعزيز يكمل عني : وباعتمر آخر النهار بعد .. ان شاء الله يعني ..!
حبيت ارفع ضغطـه : تتوقع عَمْرَكْ بتصير صحيحة عقب [ وارفع حاجب ] النظرة ..!
وقف عبدالعزيز مقهور : لاتخليني انسف الصحن اللي معي بوجهك .. وبعدين هذي نظرة فجأة .. ما استقصدتها ولا امداني اشوف شي .. وبعدين النظرة الأولى لـك .. والثانية عليك ..!
والله ماشاء الله عرف يرد .. : كل هذا الاحراج من نظرة ما استقصدته .. اجل لو بتستقصد وش بتسوي ..!
عبدالعزيز وهو يفتح باب غرفتنا : بيصير وجهي زيي وجهك بالضضبط .. مغسووول بمررق ..!
قههههرني .. كنت برد عليه بس احتراماً للأكبر مني ..
اللي أول مادخلنا .. عاتبونا على التأخير .. ليش هو كان عاجبنا مثلا ..!
حطينا الغداء .. ورحت اغسل انا وعبدالعزيز .. وبعده من جد تغدينا .. من شدة جوعنا ماكنا نشوف ..!
وعقب الغذاء .. طلعنا حنا الرباعي ساحبين على ابوي والحريم اللي معه .. واللي ركب يسوق عمي ناصر .. اللي من شفته ماسك الدركسون .. وانا بس .. حسيت ان حنا ماراح نوقف الا في الميقات .. ويااارب .. سمِّح أموورنا ..
*
*
*




*

*
*


**
*
ألقاكم ... مع الورقة الواحد والعشرون بـ بإذن الله ..!!
.......
.....................................إِمضاءْ ...
.......................................كُتلَـةْ جُــرُووح || ...

*
*