كاتب الموضوع :
#الكريستال#
المنتدى :
القصص المكتمله من وحي قلم الاعضاء
مهند بصدمة:نعم!! أشقلت
الدكتور عمر مستغرب:ألت أسمها جاردينيا دي مسكينه أوي
عقد مهند حواجبه بطريقة يحاول يتذكر فيها هالأسم وين مر عليه...أبد مو غريب
عليه بس مايدري وين سمعه..رفع يده وتساند فيها على خده
مهند:متأكد أسمها جاردينيا!!!ياربي هالأسم وين سامعه أنا
رفع راسه بحركة تلقائية أول ماطرى عليه جابر وهو يقول له
أسم زوجته ألي كان صعب عليه يحفظه ..جاردينيا أيه هذا أسم زوجة جابر
يوم الحادث كانت متواجدة بالمستشفى معقولة زوجته دكتورة ..ماقدر يفكر
أكثر وعلى طول قام طالع من الغرفة يبي يدق على جابر ويصدمه بهالخبر
رغم أن الدكتور عمر ظل يناديه مايدري ليه مهند راح وتركه..
ظل ماسك يد الباب وسكره وراه بهدوووء وهو يحس أن
الموضوع فيه غموض ..رفع عيونه يطالع السيب ألي أزدحم
بالمرضى ومواعيد عياداتهم ..كلن واقف عند عيادته
ينطر دوره...سحب جهازه من جيبه ودق على رقم جابر أبعد عن الباب
وهو يمشي بخطوات بطيئه ينطر جابر يرد عليه بس مارد..
تساند بكتفه على الجدار
مهند بقهر:هذا وقتك ياجابر ليه ماترد
رفع عيونه يطالع السيب قباله بشكل مستقيم والناس رايحة جايه وكل
تفكيره بالي عرفه.. من يصدق أن زوجة المرحوم ذعار دكتورة
أبتسم بعبث وبداخله أيقن أن هالخبر راح يغير أشياء كثيرة
داخل ولد عمه لو عرف بهالشي ..تعدل بوقفته
أول ماأرتفعت نغمة نوكيا تتردد فالسيب وهو يطالع
على شاشته(جابر يتصل بك)
مهند:هلا والله وينك ياولد أدق عليك ماترد
جابر يفتح باب مكتبه ويدخل ووراه صالح:كنت بأجتماع عند جدي
(لف يطالع صالح)هالأوراق خذها لبدر عشان يطلع عليها
صالح يسحب الأوراق :أي شي ثاني طال عمرك
جابربنبرة حادة:لا أسمعك تقول طال عمرك لأحد غير جدي تفهم
صالح مايدري وش قال عشان جابر يكلمه بهاللهجه:بس أنا
متعود أقول لذعــ
جابر يقاطعه بنفس النبرة:مو عطيتك الأوراق يلا روووووووح وسكر الباب وراك
والهذرة الزايدة مابيها
صالح بأنصياع:تامر
جلس على كرسيه الأسود العريض قبال مكتبه ألي ماخذ مساحة كبيره
مهند :ألله يا زمن ألي خلاك تدخل عالم عمرك ماراح تنتمي
له وصدقني بتندم على قرارك
جابر يطلق تنهيده طالعه من قلبه:هو فيه شي راح أندم عليه كثر زواجي
الفاشل من وحدة ما أبيها ...وحدة تعشق أخوي المرحوم حتى وهو ميت
مهند :طالع هالزواج بنظرة أيجابيه عشان تقدر تخليه مايفشل
جابر ينحني بجسمه على المكتب ويتساند بأيديه عليه :
شلون مو فاشل وهي متخلفة حدها
مهند بضيق:عيب عليك هالكلام ذي زوجتك بوجهك..أذا أنت
مو محترمها أبعرف كيف العايلة بتحترم تواجدها بينهم بعدين
جابر بطنازة:ههههههههه شكلي بيجي لي وأهج من البيت
والله أني عفت نفسي أكثر يوم شفتها اليوم
مهند مستغرب:يوم شفتها؟؟ليه أنت ماشفتها ليلة الدخلة
جابر وذكرى ذيك الليلة ترجع بأحداثها:ولا فكرت ..نمت بشقتي
ذاك اليوم..تصدق خشتها تشبه الخدامات..حسيت نفسي
متزوج وحدة من خدامتنا مو بنت............
أوشك أنه يقول بنت عمه ويغلط عند مهند بس وقفت الكلمة على أطراف
شفايفه ألي عضها بقوة وهو مغمض عيونه مايبي الكلمة
تطلع وتكشف المستور
مهند بلهجة عصبيه:قول بنت شوارع أحسن...خااااااااف الله
فيها هي وبنتها وش الذنب ألي أرتكبته لك عشان
تعتبرها خدامة وتشوف ملامحها ولاشي عندك.. بس عشان
أمها فلبينيه...ليه هي ألي أختارت أمها وأنا مدري
جابر بنفسه:ليتني أقدر أقول ألي كاتمه بقلبي وأحسه كل يوم يحرقني
ولا قادر حتى أقوول الأااااااااااه
مهند بعد ماطال صمت جابر:المشكلة ياخوي أنك حتى بنات عايلتنا معذرب فيهم
المهم ..تتذكر ذيك الليلة ألي صار فيها الحادث الكبير
جابر يحاول يتذكر:أي حادث
مهند:الحادث ألي توفى فيه عايلة بكاملها ..اليوم ألي تركت فيه زوجتك
تروح مع تاكسي لأنك مشغوول
جابر تذكر:أيه أيه...أففففففف والله ذاك الحادث
كان كبير حيييييل
مهند بحماس:مو كان من بينهم ولد أسمه مؤيد نجى من الحادث وأصابته
جابر يكمل بداله:كسر فالرجل وكم رضه متفرقه بأنحاء جسمه وش فيه؟؟
مهند وصل لنقطة ألي يبيها:تدري من ألي أسعفه دكتورة ماتشتغل بالمستشفى
بس كانت متواجده لحظة وصولة أسمها جاردينيا
جابر :وأذا
مهند أنفعل:شلون وأذا ؟؟ركز معي ياخوي أقولك أسمها جاردينيا؟
زوجتك جاردينيا هي ألي أسعفت مؤيد
ظل ساكت بدون أي تعليق ..عقد حواجبه بصدمة يحاول يستوعب
ولو شوي من ألي يقوله مهند..زوجته دكتورة!!
مهند:ألو..ألو(طالع شاشة جهازه يتأكد أن جابر على الخط وهو
يمشي في صالة الأستقبال ويطالع الناس بعبث...كمل)
أنصدمت صح ..أنا ماصدقت يوم قالي الدكتور عمر شلون عاد
أنت يالي تكون زوجها
بس مسرع ماوقف عن المشي أول ماسمع جابر متقطع من الضحك
جابر:ههههههه..زوجتى أنا دكتورة..ذي دكتورة...ههههههه..
ياحليلك يامهند خليتني أضحك وأنا مالي نفس لضحك هي
ليتها تعرف تقرا وتكتب
مهند يهز راسه:أستغفر الله
جابر بطنازة:هي أعترفت لي أنها بالعافية خلصت الثانوية والنسبه
زفت تبيني أكذبها وأصدقك أنت..وتعال أنت وش عرفك
أنها هي ليه ؟؟الوحيدة ألي أسمها جاردينيا بس زوجتي قصدي
المتخلفة زوجتي
مهند طاب خاطره بعد ألي أسمعه:تدري الغلط علي ألي داق عليك..
صح ..صح ..يمكن أنا غلطان
سكر الخط على طول..ظل ساكت لثواني
بس مسرع مارفع عيونه لسقف وهو يحس بمشاعر الغربة
تتسلل لقلبه من جديد..تمنى لو يقدر يهرب من الواقع ألي قيده
ودفعه يسوي أشياء مو قادر يرفضها ..أرتبطت بمصير
أسود وكرامة لابد ينتقم عشانها..واقع خلاه يواجه أم كان المفروض
تاركها تعيش حياتها عشان بنتها ...غمض عيونه وبهمس
جابر:والله أنك ماتدري أن هالزواج وراه سالفه كبيرة لا خلصت
بترك كل شي وأرتاح
سحب هواء وقام ببطء عن الكرسي متوجه لشباك ألي بطول
الجدار ويطل على مباني الرياض ألي كأنها تتنافس بهالطول مابينها..رفع
يده وأبعد الستارة شوي عنه وهو يتأمل السحب المتفرقه في السما الواسعة
جابر بنفسه:صرت أكره جنس الحريم منها ..ياربي صبرني لين أخذ منها
التوقيع وأخلص (تذكر ملامحها على السرير وهي تبعثر شعرها يمين ويسار
عشان مايشوفها...نظرة من عينها ألي تملكتها دمعة نزلت
مجبورة صاب قلبه بسهم خاين ..أبتسم بطنازة)
تعرف تمثل والله..كان المفروض أقوم أصفق لها على هالبراعة
ألي مثلتها قبالي ..عبالها بنهار من لمسة منها(رفع يده
وصار يمسح على صدره .. يحس بكهرب يسري بين ضلوعه
وهو يتذكر يدها الناعمة ألي كانت عليه )يمكن تعتقد أني
نفس ذعار بصير أسير لحبها التافه ..متأكد أنها تعرف
أن ذعار يكون ولد عمها ماهي غبيه ماتكتشف هالشي
بسهولة من بطاقته ..أكيد خططوا على جدي عشان ياخذون فلوسه؟؟
وأكيد تعرف أني ولد عمها بس تبي تمثل علي البراءة
تخدعني مثل ماخدعت أخوي..غبيييييه لكن
غريبه ماتصرفت بالفلوس وهي ذابحها الجوع هي وبنتها..
ماعليه أذا ناوية تمثلين علي فأنا بسايرك وأمثل عليك الطيبه
نفس ماتسوين وبس آآخذ التوقيع بتشوفين مكانك بالشارع
يابنت الشوارع
لف بسرعة صوب الباب ألي أنفتح فجأة ...أتسعت عيونه وهو يشوف فوزية
داخله عليه
فوزية بدلع ممزوج مع أبتسامة:سربرايز...أشتقت لك
أبتسم جابر بحنيه ورفع أيديه لها وهو يبعد
عن الشباك متوجه لها...وهي ماترددت على طول رمت نفسها بحضنه
جابر يبعدها عنه ويمسك خدها:يمممممه منك مالنا نص ساعة تاركين بعض
فوزية تحط أصبعها بين شفايفها وتنزل عيونها بحيا:أممم ماعرف
أكذب والله ..جايه لك أبيك واسطة
حط جابر يده ورى ظهرها ودفها على خفيف
صوب الكنب ألي بوسط مكتبه الفخم
جابر:عيوني لك..بس بطلب لك قهوة وسط ترا من ما أنسى
أنتي وش تحبين
فوزية تجلس وتحط شنطتها جنبها :
Thank youuuuuuu
لابسة عباية كتف مطرزة من الأكمام ولافه الشال حول راسها
بدون ماتغطي وجها...رفعت عيونها الواسعة صوب جابر ألي
توجه صوب مكتبه بضخامة جسمه وطوله ..وعلى الرغم
أنه أستقبلها بأبتسامة دافيه تعودت عليها بس ماقدرت تخفي
شعور يحسسها أنه بهاللحظة متضايق من شي كاتم أنفاسه..
نظرة عيونه..صوته الغليض ألي فيه بحه ..حركاته الهاديه..
تعرفة زين لدرجة ظل متربع داخل قلبها بين أوراق تناست
كيف كانت..نزلت عيونها لحضنها ألي حطت فيه أيديها
وصارت تلعب بأصابعها ..(أنسي ..تجاهلي أحساسك يافوز..
تجاهلي هالشعور الميت بموت ماضيه)
جابر يتكلم:أثنين قهوة وسط بسرررعة
رفع عينه بعد ماتعدل بوقفته ولمحها سرحانه تفكربشي مشغل بالها
راح صوبها وهو يدخل بين الكنبات ألي على شكل مربع بترتيبها
جابر يحط يده على كتفها ويجلس جنبها:وش ألي مشغل فوز عني
فوزية بعد صمت وهي تهز راسها:ولاشي ..(أبتسمت وتساندت بيدها على الكنب
رافعه عيونها له)ولا شي
جابر ينحني لهاشوي:أسمعيني ..أنتي مايرضيك أحد يتكلم بجدي
أو بعايلتنا
فوزية :أكييييييييد
جابريسحب يدها ويحضنها بكفوفه ألي كانت أكبر من يدها
وعلى طول هي أنتفضت من هالحركة:يعني لو أحد بيشوفك كاشفه وجهك
وش بيقول وكل بنات عايلتنا يتغطون؟!
فوزية بصوت واطي:بس أنا متعودة على هالشي
جابر يهز راسه :والله عارف ..بس لازم تعودين نفسك على هالشي
جدي كلمني عشان أنبهك على هالشغلة
فوزية بعد صمت:أهاااا..قرار ثاني لازم تنفذه فوز بدون أعتراض
مثل غيره
جابر فهم قصدها بس مايبي يدخل بتفاصيل موضوع أنتهى:
أمممممم..أنتي قلتي أنك تبيني بواسطة
فوزية تلوي فمها وتسحب شنطتها:أبحول لأمي فلوس من بطاقتي ألي بالبنك
وماقدرت ظنتي(قالتها بقهر)جدي وقف الحساب
جابر يسند ظهره على الكنب وهو يرفع صدره بشكل
ثابت:والله ذي مو أوامر جدي ...أوامري
وقفت فوزية بصدمة عن التفتيش بعد مارمى عليها هالكلمات...
وببطء رفعت راسها له وهي فاتحة عيونها على الأخر تطالع فيه بجموووود..
قاعد بكل هيبه تحتويه جنبها رافع أيديه لورى الكنب وللحين
مثبت نظرته بسشكل مستقيم لتحفه طويله مليانه ورد أبيض
فوزيه تحاول تتمالك عصبيتها:نعم!!!
جابر يرفع حاجبه ويلف صوبها: والله أمك أكلت
من الفلوس لين شبعت..وبعدين يعني؟!!هي لو فيها خير خليها
تزورك لو بالسنه مرة مو فالحة غير تستعرض خشتها
على الأميل وحاطة نفسها مشتاقه يعني
فوزية تقوم بأنفعال:أنت..أنت أشقاعد تقوول وش يخصك
جابر يقوم ويوقف قبالها وبكل جبروت أحتواه رفع راسه
وبنظرة هزت كيانها:أسمعيني عاد مثلك هالحين مثل أي وحدة
من بنات عمانك بطاقة وحدة لك بس..مصاريفها على حسب أحتياجك
...تفهميييييين؟؟
فوزية بصوت مخنوق:مالك شغل!!
جابر يرفع أصبعه وهويرفع بعد صووته بعصبيه:أحترمي حاااالك أحسن لك
عاد والله هالأم ألي ماخذه فيها مقلب...تراها مشتغله بزوجها وعيالها
موفاضيه لك...ولابعد نص خيرهم منك ألي وأنتي زايرتها تعطينها
وأنتي رايحة عنها تعطينها ...ماشفنا من حنيتها شي أول ماقال جدي أنه
يبيك رمتك علينا
فوزية تحاول تسكته وهي ودها تبكي :وش يخخخصك..أبفهم
أنت زوجي ..أبوي ,جدي قووولي
جابر يسحبها مع كتفها وهو ثاير:زوجك سابقا وأخوك حاليا ..ولا نسيتي؟؟
سحبت الشنطة وهي تحس أنه راح يفكك عظام كتفها من مسكته القاسيه
وبمحاولة يائسة صارت تضربه بالشنطة وصوتها
بالعافية يطلع من عبرة خنقتها وفجرت براكين
الحزن بداخلها ..مشاعر أقتلت أحلى حلم بحياتها وواقع وقف بلحظاتها السعيدة
مثل الشبح ورمى بطريقها حلم ميت بين أيدين الحياة
فوزية:لاتذكرني..لاتطري سيرة هالسالفة على لسانك..أنت(بكت)أنت
مايخصك فيني ..ذبحتني ذبحتني بسكوتك ..ذبحتني يوم وافقت
ويوم قررت تكون معاي كأخ ورحلت..جاي هالحين
تتأمر علي(صرخت)مالك شغل فيني
جابر يصرخ بصوت عالي .:فوزية!!!
رجعت خطوتين لورى وهو للحين ماسك كتفها ..كتمت شهقتها بخوف
ورعب منه
جابر :لاتحطين اللوم علي..أنتي كنتي تقدرين تقولين لأ..
وأنتي ألي سكتي لين طاح الفاس بالراس
فتح بوذعار الباب متخرع ودخل ووراه بدر ..وقف يطالع
جابر ومسرع ماحرك عيونه صوب فوزية ألي الدموع
مغرقه خدودها..
أبوذعار للحين يطالع فوز:وش صااير صوتكم واصل لأخر مكتب
بدر :أحد يتكلم
فك جابر قبضة يده الثقيلة على كتفها وأبعد عنها
جابر يطالعهم:الأخت زعلانة لأني وقفت حسابها
فالبنك ألي تصرف فيه على أمها
بدر أبتسم بفرح:كفو والله..قاعدين نوزع صدقات حنا؟
فوزية بقهر:كيفي أنا...فلوسي وأنا حرة
بدر يبعد عن أبوه ويقرب منها:لاوالله..عيدي هالكلمة عشان
أعطيك كف معتبر..عن الخبال يلا أمك ذي رافعتن
ضغطي من زمااااااااان
نعنبو أبليسها كم أخذت منك لحد هالحين
جابر يطالع أخوه:تصدق أنها تحط في حساب أمها
كل ثلاث شهور 5 000
متحولة من هالمغفلة
بدر طارت عيون من المبلغ:نعم..وجدي يعرف بهالشي؟
جابر يتكتف:يعرف وساكت مايبي يجرح بنته
بدر بأعجاب:والله سويت الشي ألي نفسي
أسويه من زمان ..الأمر تجاوز الحدوووود
جابر يوقف عند فوزية المنهارة على الأخر وبأمر:شوفي...
غطى بتتغطين ودام الدعوة عندك مالك شغل فيني..طلعه
من البيت ودخله على كيفك مافيه ووالله لو سمعت
أنك سويتي شي بدون علمي ماتلومين غير حالك..فاهمة
وترا جدي ماراح يعارضني لأن كلمتي وحدة ما أغيرها
فلا تتعبين نفسك معاه
راح بدر لأقرب كرسي وجلس عليه حط رجل على رجل
وهو مستانس من تصرف أخوه الصغير ألي كبر بعينه
رغم أنه الصبح صارت بينهم مواجه عنيفة شوي
بدر موجه كلامه لفوزية:سمعتي وش قال؟؟؟
أبو ذعار بأمر:خلصنا(رفع يده وأشر بأصابعه لفوزية
بمعنى تعالي لكن هي على طول سحبت
شنطتها من الأرض وطلعت من المكتب وهي منهارة تبكي بألم)
بدر يلوي فمه :هاااااااا...ما أخذنا منهن غير الدلع والدموع
جابر يضرب يده على حافة الكنب:والله شي يقهر
بو ذعار يطالع جابر:ورى ماقلت لي عن تصرفك ذا ..كان أنا حليت الموضوع
جابر بزهق:والله ماطرى علي
بدر:المعدات الجديدة وصلت للمصنع وشكل صايرة هناك مشكلة
لأن عمي بو مهند دق علي يبيك تروح له
جابر يروح للمكتب ويجلس عليه:اليوم حدي مشغوول بدر
بوذعار يهز راسه:أستغفر الله
طلع من المكتب وجابر يحوس أوراق قباله بعبث..يحاول يتجاهل
نظرة أبوه له قبل يطلع
بدر يقوم :يلا عن أذنك
جابر للحين كأنه يدور شي بين هالأوراق المكومة على مكتبه:ألله معك
أول ماطلع بدر وسكر الباب سحب ملف وبقوة رماه على الطاولة ..للحين
الحزن هو الحزن ..أسير مشاعر ما كانت غير أحلام تبعثره أكثر..
من يوم صحى في ذاك اليوم ومات بين أيديه أغلى من مشى على وجه الأرض...
الشمس غابت والليل رحلة طويلة ظل هو فيها غريب..يتخبط بين شوارع
مدينه ماينتمي لها ...مدينه بليا حدود..صغر عيونه
بنظرة حزينة ومايدري ليه بهاللحظة طق الحزن بابه ...حرك كرسيه صوب الابتوب
وبهدوء مال براسه على ظهر الكرسي ..أطراف غترته
البيضا مرجعها على كتوفه لورى وحواجبه السودا
الكثيفة معقدها بشكل يدل أن الحزن أنفجر ولا له نهايه
...حس بالعبرة تتملك صدره الواسع وبصوت مسموع زفر هوا
مع دمعه نزلت بدون مقدمات حتى تختفي بين شعر عوارضه,,
كان فرحان وهو ناوي يزف لأمه المريضه ألي عانت
كثير بعد ماجابت غاليه..فتح الغرفة وشافها نايمه على
السرير حاطة يدها على خدها ومغمضة عيونها بأمان..أبتسم بهدوء وراح صوبها
أنحنى وباس راسها وعيونه متعلقه فيها
جابر:يمه أصحي بقولك أني قررت أكون طبيب عشان
أعالجك..يمه..(مد يده وصار يهز كتوفها)يمه قومي أسمعيني..
يمه ليش ماتردين علي ..مو أنتي سألتيني وقلتي لي أفكر قبل أقولك!!
بس أمه ماكانت غير جسد بليا رووح..جلس على ركبه خايف ومرعوب
وبدون مايسمح لنفسه يفكر بأسوأ شي شالها بين أيديه
يركض فيها..وبخطواته يحاول يشيل من باله شي عظيم
..شي عمره ماتخيله ولاراح يقدر يتحمله..صار يرصها بين ضلوعه
كأنه يستبعد فكرة أنها بتفارقه ..ورغم كل الألم غمض عيونه بعد مارجع للواقع
وعلى طول فتح الاب وشغله..ظل ثواني ينتظره لين يفتح..
تساند بيده على طرف المكتب وصار يطق بأصابعه عليها
فتح النت ودخل منتدى مأسسه هو ومهند..أول ماشاف تصميم المنتدى أبتسم
وخياله يسترجع أحلى ذكريات جمعته مع ولد عمه..زمان مادخله
ولافكر حتى ...وصار مهند هو ألي يشتغل على هالمنتدى لحاله
جابر:يااااااااااااااه قسم بالله أحس نفسي مغبر..هههه..هذا
وأنا مدير المنتدى ,,بس ماشالله عليك يامهند مشتغل فيه على صح
وعلى طول راح لقسم الخواطر كأول مشاركه له بعد
طوووول غياب..ضغط على موضوع جديد
وبدى ينثر على الكيبورد حروف حزنه المدفون
كتب عنوان الموضوع(أيها الحلم البعيد)..
البآرت السآدس عشر
+++++
حين وقفت أبحث عنك أيها الحلم البعيد
وخلف ذلك الأفق الحزين أدركت أنك حلم
وقبل أن تغيب الشمس لم تكن سوى سراب
تبعته مشاعري حين كنت لا أزال أنسج الذكريات
ذكريات طفولتي التي أنتهت لتكون أنت آخر ماتبقى
وحين رسمت الحياة لي الطريق كنت تجسد الحنين الكبير
ذكريات طوتها أيامي لتظل ذكرياتك شامخة
حضنك قلبي فقط لتداوي جروح أشتياقي العطشان أليك
ومع أحلامي زرعت بين أوردتي بذور الصبر لفراقك
وحين أردت أن أقطف بذور مازرعته بين أوردتي
رأيت بين أوراقي براعم الخوف من مستقبل آآتي
وخفت أن أجرح بأشواك ثمارك الصابرة
لكن قبل أن تغيب الشمس أدركت أنك حلم
لازمه وجه السراب ليكون مزيجا بين أثنين
والحقيقة أدركتها قبل أن تغيب
هي أنك حلم قد يكون أولايكون
أو سرابا لن يتحقق مهما يكون
+++++
<<<(تعليق:هالخاطرة بقلمي ...الكريستال)
أعتمد الموضوع على طول وطلع من قسم الخواطر يتابع آخر تطورات المنتدى
والشي الجديد الي قاعد يسويه مهند مع المشرفين
عشان يرتقي بهالمنتدى ويطوره أكثر حتى يحظى بأكبر
أعضاء وزوار..أخذ يحوس بالمنتدى وبملل
تثاوب وتساند بظهره على الكرسي
جابر يحس بالنوم:هذا وقته ...والله محتاج لي كابتشينو
يصحصحني شوي
وفعلا طلب له كابتشينو ..نوى يطلع بس لمح خاطرته معروضه على واجهة
المنتدى بقسم الخواطر بعضوه راده عليه ..فتح على خاطرته وهو مبتسم
بس هالأبتسامة زادت أكثر وعيونه تقرى أسمها
<<حبي جنوون>>
جابر:ياحليلك هو أنتي للحين موجوده ولا بعد صايره مشرفه لقسم الصحة...
ههههههه
رفع يده وهو للحين مبتسم بهدووء وتساند فيها
على خده
..قعد يقرى ردها وبداخله يحس بأستمتاع غييير طبيعي
لكل حرف يقراه لهالأنسانه ...يحسها غير عن جنسها من الحريم
مثقفه ...واعيه..عليها قدرة غير طبيعيه لنسج حروف من خيالها المبدع
رجعت ذاكرته لأيامه معها وتواصلهم ألي يربطه صداقه محدودة
بحدود أنه دكتور وهي محتاجه تاخذ منه معلومات
بتخصصه ألي تعجب فيه أكثر...وماحس بيوم أن هالصداقة
ممكن تطور لأنها محترمة تواجدها كعضوة يستفيد منها الكل
وهي تستفيد منهم
++++++++++++
سيدي...
طال غيابك حتى ظننت أنك لن تعود
لتحمل لي بعثرات قلم وأحلام مكومة خلف قضبان أمالي
أتذكر سيدي
حين قلت لك
أنني أسطورة عشق لا تنتهي
أنني أنثى لا تخجل من أوتار حبي
هاأنا الأن أشعر بأنني محتاجة للقول لك
أنني فعلا أسطورة لكنها مجهولة
حين غادر عشقي في طريق ليس له عودة
حين أسرت بين مشاعر قلب لايعرف الرحمة
قلب لازم عشقي منذ الصغر
ليتملكه هو...عذرا سيدي
على الأطاله
خاطرتك لامست حنايا فؤادي المكسور
فارتمت تعانق أحرفك هنا دون قصد
++++++++++
(تعليق:هالكلام بقلمي..الكريستال)
عقد حواجبه وهو يحس أنه مافهم قصدها بس مسرع
ماجته رسالة خاصة منها وعلى طول فتحها
..(هلا والله...وش هالغيبه يادكتور تصدق أني فقدت
الأمل برجعتك على العموم منور المنتدى برجعتك)
كتب لها’’’’
(هلا فيك أختي ...المنتدى منور بتواجدكم
قريت ردك على خاطرتي ووقفت مستغرب من كلماتك
ألي مافهمت قصدها ممكن توضحين لي)
أرسل هالرساله لها وقعد ينطر الرد...دق
جهازه وعلى طول رد بدون مايطالع الرقم
مهند:وش عندك ياولد داخل المنتدى
أنطق باب المكتب ودخل العامل معه كوب الكابتشينو
حطه قبال جابر وطلع مسكر الباب وراه
جابر ياخذ كوب الكابتشينو ويقرب من خشمه وريحته تتسلل له:
ههههههه...(شرب منه)والله على بالي ماراح تدق علي
مهند:لاتغير الموجه
جابر يرفع يده ويلوي فمه:فضآآآآآوه
مهند :رجال الأعمال بالعادة ماعندهم وقت لهالسوالف
وأنت فاضي!!!!
جابريطالع شاشة الابتوب ويشوف رسالة عنده:أمممم..(نزل الكوب)
تعرف العضوه >>حبي جنون>>
مهند بملل:أيييييييه...أبلشتني هالبنت تسأل عنك
وعن أخبارك والله نويت أعطيها رقمك
جابر :نعم!!مهبول أنت تبي توهقني
مهند يضحك:لالا..هي عندها بنت ماأدري ولد وتقول
أنها تبي تقابلك..يعني محتاجتك كـــ دكتور
جابر مابين ملامح الفرح والتردد:قول والله
مهند :هالسالفة لها أكثر من أربع شهور بس فجأة أنقطعت
وتفاجئت بتواجدها هالحين
جابر :رووح لقسم الخواطر شوف ردها ...عن جد
هالأنسانه تعجبني ..أحسها غيييييييييييير
مدري والله كيف أشرح لك
مهند بأستغراب:ألله ألله..كل هذا فيها لايكون تراسلها وأنا مدري
جابر:أوهوووووو..والله ياولد هي فترة بس
مهند:يعني كم لك تراسلها
جابر يفكر:أمممم...سنه أقل أكثر مدري
بس عن جد هالأنسانه مبدعة
مهند كأنه يذكره:تراك متزوج لاتنسى هالشي
جابر :عطيتك وجه أشوف,,,يلا يلا مع السلامة
سكر الخط بوجهه وهو يضحك من الخاطر ويتخيل مهند معصب
من هالحركة هالحين..راح وفتح رسالتها والمشاعر تحتويه تعاند
أحساس قلبه
(((شكل غيبتك غيرت أشياء كثيرة فيك حاول
تفهمها ماراح أقولك ولوماعرفت أنسى)))
عقد حواجبه بس مسرع مافز من مكانه يحاول يسكر الموقع أول
مافتح جده الباب ودخل بخطواته البطيئه مع صالح سكرتيره
وهو يمشي وراه ماسك ملفات بيده..
جابر بربكة:هلا والله بجدي وش هالنور
الجد سعد يستفسر:أنت وش قاعد تسوي
حرك يده وحذف الموقع قباله من شاشة الابتوب
وبسرعة سحب أول ملف قباله وأبتعد عن
المكتب يوزع أبتسامات
جابر:قاعد أتابع مناقصه طارحتها شركة منافسه لنا
(صار يحك ذقنه بعبث)ليه فيه شي
الجد سعد:أنت ليه مارحت لعمك يوم طلبك ..يلا أبيك تجي معي للمصنع ..
داق علي بومهند يقول صايره مشكله عنده هناك
جابر يهز راسه :ألي تامر فيه طال عمرك
الجد سعد بنظره هزته :أهتم بشغلك وأترك عنك الكذب ماأنت بزر
تتصرق قدامي هالتصرفات...ولو أحد طلبك مهما
كان مكانه تروح له فااااااااهم
لوى جابر فمه مو فاهم جده وش يقصد لكن لمح صالح يأشر للملف
ألي بين أيديه...حرك عينه له وشافها مجله شاريها
الصبح بطريقه وهو جاي لشركة ..أنقلب وجهه
وجده لحين يطالع فيه من فوووق لتحت
وبخطوات واثقة تتملك هالشايب راح يمشي تاركه..
رمى جابر المجله وراح ورى جده يمشي وبنفسه
>>ألله يسامحك ياحبي جنون..طول عمرك حايستني
وأنتي ماتدرين<<
%%%%
في الجامعة الساعة تسع الصبح
%%%%
وبالتحديد في الكافتيريا ألي أزدحمت بالبنات وريحة القهوة على
الصبح تفوح بين أصوات الضحك والصرخات ..الشمس
منتشرة بشعاعها على نوافذ الكافتيريا الزجاج ألي جمعت
مشاعر كثيرة يحتويها نشوة يوم جديد وتفائل تحمله أبتسامة
دافيه على ملامح ألي يشتغلون بهالمكان...
ومن بين هالزحمة جالسات على طاولة أنفردت في آخر
الكافتيريا وصوت شبه عاااااالي
غاليه:أكيد أنتي مجنونة..؟!! أنا مستحيل بضر أخوي
بهالشكل أو أترك هالحيه تلعب فيه وأنا أتفرج
(وبصوت خابف)غير هالشي أقولك متفق معها يتزوجني
هنادي بعصبيه:هذا أخوك وش سوى لك غير أنه يدوس بكرامتك
قدامنا ولا معتبرك شي..مو أنتي تكرهينه (طالعت غاليه
وهي مايله براسها)قولي لي تكرهينه أو أنا غلطانه
غاليه وكلام هنادي عن جابر كان بالصميم:أيه
(طالعت البنات بعبث)مليووون مرة صرت أكرهه
هنادي بفرح:أسم الله عليك ويوم أنك تكرهينه
ليه تبين تساعدينه وتروحين تقولين لأحد عن الشي
ألي سمعتيه ..بالعكس أنا أشوف أنها راح تاخذ حقكك وأنتي قاعده
تتفرجين وبدون مايكون لك صلة بالموضوع..وبعدين من هي
هالفلبينية يوم تخافين عليها من خالتك قطيعه تقطعها
غاليه بتعب:هنأأأأأأأأأأأدي
هنادي تضرب كتفها:أقول عن الهرج ألي ماله داعي(قلدتها)
هنأأأدي(تكلمت بجديه وهي تنحني بجسدها وتقربه من غاليه )بالعكس
راح تساعدنا بأشياء كثيرة منها أنتي تاخذين حقك من أخوك
وأنا أقلع هالأرملة من طريقي بس ماراح نترك شريفة
تسوي ألي في بالها لاتخافين
غاليه برعب تتكلم وهي ودها تبكي:أخاف ..أخاف يصير شي
ويتزوجني..هي ..هي..مثل الشيطان والله شكله يخوووف خليني أقول لبدر
على الأقل
هنادي بصرخة:لأ ياخبلة ..هالشي ألي سمعتيه خليه بيني وبينك
مصدقه أنتي أن سليمان هذا بيتزوجك أو حتى جدي بيوافق عليه!!!
أو حتى أنا بخلي فيروز تاخذ جابر والله تحلم
غاليه حست بالأمان من كلام هنادي:عن جد
هنادي بوناسه:أكييييييييييد حنا بنتابع كل شي من بعيد
ونوجه الأحداث لصالحنا بسسس ولا من شاف ولا من درى
غاليه تحط يدها على خدها:قهرني اليوم(وبنبرة حزينه)وينك
ياذعار تجي تشوف من جدي حط بمكانك بس هين أذا مادمرتك ماكون غاليه
هنادي تضرب الطاولة بيدها:أشرايك نروح السوق اليوم
غاليه بتردد:هنادي أنتي تحبين جابر شلون راح تضرينه
هنادي سكتت متفاجأة من سؤالها بس مسرع ماقامت وسحبت
شنطتها معها:ومن قالك أني بضره بالعكس بخليه ملكي ياغلاي
قومي قومي تأخرنا عن المحاضرة
غاليه :وعن السوق
هنادي تبعد عن الطاولة: بخلي حمووود ياخذنا له
غاليه تمسك كوب النسكافيه وتشرب منه بسرعة:يلا يلا
راحت هنادي تمشي بخطوات واسعة وهي تتمايل بخصرها ..لابسة
بلوزة بيضا رسمية على تنورة سودا..رافعة شعرها كله لفوق وحاطه
النظرات عليه ..تركت غاليه الكوب وراحت تلحق بنت عمها وهي
مطقمه معها باللبس ونفس حركة الشعر وكأنهم توأم..راحت
مودعة المكان ألي بيظل بداية عاصفة كبيرة ممكن تقتلع
ورد الحب مع بيوت الأحلام ألي تعب غيرهم في صنعها...
|
24-12-11, 04:52 AM
جديد مواضيع قسم القصص المكتمله من وحي قلم الاعضاء
العرض العادي
