كاتب الموضوع :
&&&ZMRDH&&&
المنتدى :
الارشيف
فــ الطـابق الارضي ــ قسم الطوارئ ـــي
وصلت جود"ندى سابقا" تلهث من الركض ع السلم
دخلت بلبس الممرضات الابيض لابسه نقابها ما باين منها إلا عيونها الحادة ذات النضرة الحنونة الي تظهر فيها من لما تدخل من هالباب..
بس هالمره ممزوجة بنضرة ضيق بسبب تأخرها لانها اكثر الناس حرصا ع وانضباط
والسبب الثاني الدكتور حمد الي له اسبوع من لما مسك اشراف ع قسم التمريض فالطوارئ
وهو شخص ما عنده يما ارحميني جاد كثير وحازم
شافت الدكتور حموووود ع قولت سمر وهو مكتف ايدينه ونظراته الحاده مسلطه عليها
جود"بسم الله الذي لا يضر مع اسمه شي في الارض ولا في السماء وهو السميع العليم...خلاص انا قاريه اذكار الصباح وان شاء الله اني فحفظ الرحمن وتكرر الدعاء لحد موصلت عنده
جود>>السلام عليكم
د.حمد>>"بحدة"وعليكم السلام ..بعدك "قطع كلامه صوت ضجة تعلن عن وصول حالات طارئة ع سيارة الاسعاف واثنينهم اتجهوا جري ع نداء الواجب.
د.سعود>>هدى خذي هاي الطفله وخيطي جروحها
هدى>>حاضر
د.سعود>>وانت دكتور حمد خذ هاذي حاله لغرفه سبعه الحق عليها
وانتي جود معاي ع العمليات
الكل راح لحالته
دخلت جود لغرفة العمليات مع الدكتور سعود بلبس العمليات وكانت لابسه كمامه بدل النقاب
اتجهت مباشرة لتجهيز ادوات العمليه وتقربها لدكتور
دكتور سعود>>جود اعطيني المشرط
جود>>حاضر
رفعت جود راسها عشان تعطي الدكتور المشرط جات عينها ع كتف المريض المكشوف وقف شعر راسها من الصدمه حاولت ترفع عينها لوجهه
ما قدرت تريد التأكد لكن في قوه اكبر منها منعتها ...هيه متاكدة من هوية الإنسان الممد امامها بس بعد ماهي قادرة ترفع عينها او حتى ترمش
وصلها صوت من بعيد ينادي...جود ..جود...كان صوت الدكتور سعود
جود لسى ما قادرة تستوعب الي يصير حولها...بس اخيرا تنبهت لما الدكتور سحب الملقط من يدها..لانه تعب من كثر ما يناديها
كملت العمليه بشكل آلي فقط تعطي الدكتور الي يطلبه وهي عينها ع نفس المكان كتف الشخص الي موجود قدامها
خلصت العمليه..وهي لساتها ع نفس الوضع
صحاها هالمره من عالمها صوت حاد شوي
د.سعود>>جووووووووووود خلصنا شو فيك
جود>>هااااا..ايه يلا
د.سعود>>جود لا انتي مو طبيعيه بتاتا بالعادة تساعديني فالعمليه شوفي اليوم حتى انا بروحي خيطت جرح المريض بالعادة انتي تقومي بهاي المهمه
جود>>ايه ..اقصد لا مافيه شي بس تعبانه شويه..مو اكثر
دكتور سعود: طيب روحي ارتاحي
طلعت
طلعت من غرفة العمليات وهي تمشى بدون ما تحس بنفسهاوبدون ما تدري وين رايحة تمشي وما تشوف الي قدامها
تركت اهل المريض الي كانو متجمعين وراها ما ردت ع استفساراتهم لانه ببساطة ما شافتهم ولاسمعت انهم ينادوها
والي كانو بدورهم ركضو للدكتور سعود الي طلع بعدها بثواني
تمشي كل شوي تصتدم باحد ما حست بنفسا الا وهيه فحديقة المستشفى وقفها صوت مو غريب عليها بس هيه مو ناقصة وجع راسة خاصة من صاحب هالصوت البغيض
د.حمد>>جود ..جود لي ساعه اكلمك شوفيك
جود>>هاااه "والله مو ناقصتك"خير دكتور في شي
د.حمد>>شنو هااه شو فيك انتي ليه ما تشوفين طريقك؟؟تسيري وتدعمي خلق الله
جود>>"بسخرية مرة" اوه سوري دكتور اذا دعمتك...عسى ما جاتك اصابه ولا كسر..الحق وراك قسم الاسعاف
د.حمد">>"لا هاي مو صاحيه ابد "شو هالكلام يا جود ..ع فكره تراك ما سلمتي من مني ع تأخيرك اليوم كون فعلمك اذا كان الدكتور سعود مخليك عراحتك تداومي متى بغيتي فأنا لا
جود>>انت شو دخلك اذا هو رئيس القسم كامل سامحلي اوبعدين انا لي دوام محدد من 8 ل11 الصبح ومن خمس لست المساء
دزحمد>>دخلي اني انا المسؤل عنك هنا مو انا رالمسؤول عن الممرضين وانتي هما .. على فكرة حتى دوامك اقدر اغيره اعطيك شفتتات المسى مو انتي غير عن زمايلك
جود>>"خلاص راسها بينفجر"..تكفى مو وقتك ولا اقول اعلى ما فخيلك اركبه انا رايحه لشغلي
دزحمد>>انتظري انا ما اسمح بالتسيب وشوفي شو بسوي
جود>>"وهي راجعه داخل"بشوف بس تكفى لا تطول عجل بالعقوبه
....بعد ربع ساعة كانت جود ماره شافت وحدة ومعاها بنت صغير ماسكة ايده فحضنها وودموعها تنزل بهدوء وبدون مايصدر منها حتى شهقة صغيرة استغربت من حالهن..قربت بهدوء
جود>>هلا بالحلوين شوفيهم..لاحظت انكماش البنت الصغيرة والبنت الكبيرة تحرك عيونها يمين شمال
جود">>لاحول ولا قوة إلا بالله""تعالن معي غرفة الكشف.. سارت شوي ظنتهن لحقنها بس بعد ما حست انهن ع نفس وضعهن رجعت قررت فالاول تمسك يد البن المصابه ..بس لما شافت الرعب المرسوم ع عيونه العسليه تراجعت وبدت تكلم البنت الاكبر
جود>>تعالي.. شو ماتبين تعالجين اختك الحلوه.. تبيها تتعب اكثر
البنت بصوت ناعم وفيه شوية حدة >> ايه بس بعدنا ننتظر الطبيب
جود>> طيب تعالي معي راح اعالج اختك ..سحبتها عالخفيف والبنت بدوره سحبت اختهاودخلتهن بغرفة الكشف
جود>>شو اسم الحلو
البنتين>>ــــــــــــــــ
جود>>شو مالك اسم
البنت>>تهز راسها بالا
جود>>افا ابوك ماسماك
البنت رجعت تهز راسها.. رفعت نظرها للبنت الثانيه..لاحظت نظراتها الحادة كانها تهدد اختها
جود ما بخبرتها حاولت تبين انها مو منتبهة لها>>طيب عطيني يدك اشوف شو فيها
البنت>>تعور.تعور وايد
جود>>طيب لا تخافي بس وريني اشوف...
فمكتب الدكتور سعود
دكتور سعود>> كم مره قلت لك جود بالذات مالك شغل فيها
دزحمد: كيف مالي شغل وانا المسؤل عنها
د.سعود>> مسئوول ما قلن شي.. بس هيه ممرضه مافي منها والكل يشهد بجدارتها..
ليه انت ما تبي تفهم ان الشغل بالنوعيه مو بالكم دقيقة الي تتأخرهم.. وانت ما تعرف ضرو ف الناس
د.حمد>>شو ضروف ومادري ويش احنا عندي الشغل شغل ولا انقلوها قسم ثاني انا ما بي ينقال عني افرق بين الموضفين ف المعامله
د:سعود>> اخر مره اقولك ما لك شغل فيها هذي اوامر رئيسة المستشفى
>>د.حمد" فتح عيونه ع الأخر
..............
جود: انا جبست الكسر و لكم موعد بعد 3 ايام تعالن الطابق الثاني واسألي عن الدكتورة غسق هيه الي بتكمل علاجك اتفقنا
البنات>>طيب..مع السلامه
طلعن البنات وندى تودعهن عند الباب جاتها الممرضة هدى بسرعه
هدى>>جود لحقي على عمرك الدكتور سعود طالبك لمكتبه والظاهر انه الارجوز حمد معاه
جود>>الله صباح خير اليوم شكله من بدايته زففففففففت ورجعت تقرا الاذكار تبعد شياطينها الي تحضر كل مرة ينذكر حموود
مشت للمكتب بكل ثقة تمتلكها وكانها فهذي الحظة استدعت شخصية ندى القوية..طق ..طق..طق ..طرقات ناعمة وحازمة في آن واحد...سمعت صوت الدكتور مسعود يطلبها الدخول
جود"دخلت وتركت الباب مفتوح بعد ان القت السلام
اشر لها د.سعود الواقف خلف طاولة مكتبه بالجلوس بالمقعد القابل ل حمد جلست بهدوء ظاهري تخفي خلفه شعور مرعب من نظرات الجالس امامها لا تخيفها وسامته وثقته بالقدر الذي تخيفها نظراته المتسائله والمشككة في مصداقيتها
جود>>ممكن اعرف سبب تواجدي وليه طالبيني
د.سعود>>افضل د.حمد عو الي يتكلم
د.حمد>>اجيبها من الاخر انا مالي دخل طريقة توضيفك المريبه بس لي دخل بالي اشوفه قدامي انتي من لما بديت اشرف عليك ملاحظ عدم التزامك بالواعيد وانا طنشت بما فيه الكفايه وكان كل هذا لخاطر الدكتور سعود
جود>>طيب والمطلوب مني الحين
د.سعود>>يبي يتفاهم مع مديرة المشفى بما انك من طرفها
جود""بنظرة عتاب لدكتور سعود بس ما تعدت ثواني ووجهت نظرها للعيون الحادة الي تراقب كل حركة منها"">>والمطلوب مني ؟؟
د.حمد>>انك تشرفينا عشان تسمع من كل الأطراف
جود"بابتسامه باهته تبين فعيونها من خلف النقاب">>بصراحة كان لي الشرف اني اروح معاكم بس انا دوامي ينتهي بعد خمس دقايق وماني فاضيه
حمد>>لا هذا هو المطلوب انك تكوني مخلصه دوامك عشان ما يصير نقص في القسم
جود"والله جنيت على تفسك يا حمودي">>بس مو كان لازم ناخذ موعد مع المديرة مو نمشي كذا من الباب لطاق
د.حمد>>مو انتي تعرفيها ..خلاص ما يحتاج نستأذن لان صديقتها العزيزة معنا ولا انا غلطان
جود""غلطان وبس هههههههه إلا راكبك الغلط"">>لا غلطان ..انت لا تحكم ع الناس بدون ما تعرف ضروفها يعني اذا ساعدت شخص خلاص صرت صاحبه صدق منطق عبيط
د.حمد""لا هذي زودتها"">> ممكن تعدلي الفاظك معك
جود"وي وربي نرفزني العبيط">> اعتذر دكتور .."وقفت""ممكن نمشي.. والافضل دكتور سعود تجي معنا"عشان تحظر المهزله اليبتصير فيه هههه"مو
د.سعود>>اكيد جاي
,,,,, بعد خمس دقايق,,,في الطابق الثالث
دكتور سعود ودكتور حمد وخلفهم جود او (ندى) بما انها وصلت للدور الذي تمارس فيه دورها كرئيسه للمشفى..نظرات استغراب تعلوا وجه سمر إلا انها اخفتها بمهاره اكتسبتها من معاشرتها لندى لسنوات
بدأ الدكتور سعود بالحديث
د.سعود>>ممكن نقابل الاستاذة
سمر>> كنت اتمنى اساعدكم بس للأسف ما أخذتو موعد
د,حمد>>بس انا الي عارفه عن المديره انها تستقبل اي احد عنده مشكله تخص المشفى خلال الساعه 11 صباحا
سمر<< لا 11 ونص تبدا المقابلات المفتوحة
ندى>> السموحة ابي دورة المياه ممكن
سمر >> ايه اكيد
ندى>> بالاذن بس قبل لاروح عندي اقتراح ليه ما تتصلي فيها وتخبريها بتواجدنا
سمر>>حاضر الي تامرو فيه
ندى>>طيب بالاذن
راحت ندى ونضرات حمد تتبعها بحذر
سمر>> اتصل
سمر"وهي تحاول تمسك ضحكتها" >>مرحبا استاذه معي د.سعود ود.حمد ومعاهم ممرضة مادري شو اسمها يبون يقابلونك
ندى>>حلفي والله انك ما تعرفي اسمي
سمر"بالعافيه لا تنفجر ضحك قدامهم">>طيب المطلوب
ندى>> حطيي اسبكر خليني اشرشح حمود ع قولتك
ندى>> اهلين باطباء مشفانا العزيز كيف الشغل معاكم
سعود>>ممتاز
ندى>>طيب وبما انه ممتاز شو شكواكم دكتورنا حمد
د.حمد<< والله استاذة حابين نناقشك بموضوع اللمرضة جود
ندى>> د.سعود انا مو قايله مابي نقاش فالموضوع هذا بالذات انته بالذات عارفني
حمد>>بس استاذة جود تتأخر عن
ندى"تقاطعه بحدة ممزوجة بسخريه">> د.حمد انت بالذات مالك دخل بجود وضروفها اجبرتها وانت ايضا مجبور تتقبلها بدون نقاش سمر ابي اسألك عن الاوراق تبع"سمر فهمتها انها تبي تفصل الاسبيكر"
سمر"سكتت شوي وبعده">> ايه الاوراق مجهزه
ندى>>شو عجبتك بتهزيئ
سمر>> كثير
ندى>> اقول لا يكثر بس لا تسكري إلا من اوصل
سمر>>طيب
جود>> شوي واجيبهم لمكتبك
سمر>> حاضر
ندى"تتصنع البراءة هههههه" شو صار اتأخرت عليكم ليه ما دخلتو للحين اكيد تنتظروني
د.حمد تنهد بضيق واضح اعجب ندى وسعود قام >>يلا ورانا شغل حمد قوم تركنا القسم فاضي
ندى ""بصوت هامس ساخر">> اجي معاكم ترى عادي
سمر ""لين هنا وانجرت ضحك"ههههههههههههه
حمد"التفت مستغرب من الهمسات بين جود وسمر" بس كمل سير لما ما شاف شي مريب فالموضوع
بعد ما راحو الدكاترة دخلت ندى وسمر للمكتب وهناك انفجرو ضحك
سمر >هههههه..هههههههههه اما لو شفتي اشكالهم وخاصة حمووود ههههه بغيت انفجر ضحك ههه
ندى>>ههههههههه هههههههههههههههه خليه مره ثانيه يتليقف" وتقلد صوته الخشن بس بشكل ساخر"" ليه التأخير الدوام من عشر دقايق بدا انا انسان ملتزم
سمر>> ندوووش بس انتفخ بطني من الضحك
ندى لما سمعت ندوووش فجأة سكتت ولفت وجهها لناحية الشباك المطل ع الشارع ما تبي سمر تشوف تعابيير وجهها
ندى>>سمر جيبي الملفات والفاكس تبع اليوم
سمر"ما انتبهت للهجه المتغيرة حسبتها لهجة الشغل الي دايما تستخدمها ندى لتعلن ان الوضع بينهما تغير لوضع سكرتيره ومديرته" حاضر استاذة
طلعت لدقايق ورجعت معاها مجموعة ملفات واوراق ..الخ كانت ندى غيرت وضعيتها ولبس الممرضة الي كان فيها قبل دقايق اختلف للبس انيق يدل على هيئتها كمديرة لكبرى مستشفيات الخاصة
بدت سمر تتكلم وتوضح الموجود بين ايدينها قاطعتها ندى>>حطيها ع المكتب واطلبي يجيبوا لي الشاي المعتاد
سمر بدت تشك بس ما تكلمت بتاتا>> ان شاء الله
ندى تشوف الكلمات البسيطة الي كتبتها في ملاحظات جوالها
ما حست بنفسها إلا وهي تتأمل الكلمات الي كتبتها بدون ما تنتبه لنفسها وهي الي واعده نفسها انها ما تكتب شي له
***إنك بين جفوني وفي ثنايا قلبي
روحي بين يديك
وقلبي تركته بجوارك
لم يبقى يبقى لي شي
***ادمنت ذكراك
وحلم لقياك
***انهكني وادماني ونسف روحي سرابك
***كم انت قاسي
ظننت عندما ارتحل مبتعدة ستبقى هناك
***لكن ها أنت لا تنفك عن اللحاق بي في احلامي
وهلاويس يقضتي
وحتى بذكرى ايامي
*** ربما اصبحت اخرى
لم اكن هكذا قبل ان تتسلل لقلبي
*** اريد فقط جوابا لسؤال بات الاصعب والاقسى والأمر على قلي المنهك
""هل ياتي يوما وتكون لي؟؟؟؟"""
رمت جوالها وهي تتنهد بقوه وتدعي ربها انه يصبرها ع الايام الجايه
|
09-12-11, 01:16 PM
جديد مواضيع قسم الارشيف
العرض العادي
