الجـــــــــزء التاسع

وصلوا المستوصف وقف سيارته بالمصافط ونزل
وحور نزلت وخذت وياها الخدامه جا صوبهم سعود
سعود : يلا ادخلوا وانا شوي وجايكم
حور : شنو تجينا بتدخل ويانا المستوصف
سعود : لابدخل وياكم الجمعيه اي بدخل وياكم المستوصف عندج مانع
حور : خلاص مولازم تدخل
سعود : وبعدين وياج بعد بنتهاوش فالمستوصف
حور : أوف خلاص مالي شغل فيك بس لاتفكر تدخل وياي عند الطبيب ترى والله مادخل اذا دخلت وسواللي تسويه ماعلي منك
سعود ابتسم : خلاص هدي الطبيب ماراح ادخل معاج يلا روحي

دخلت حور والخدامه المستوصف وسعود راح لسليم
سعود :سليم خلاص ارجع بيت
انا يودي
سليم : إن شاءالله بابا


دخل سعود المستوصف وشاف حور طالعه من الطبيب وراح صوبها
سعود : هاه شقال
حور : احتقان
سعود : والحراره
حور : قال39
سعود : كتب لج ابره
حور : ايه بروح لغرفة الضماد الحين
سعود : عطيني الوصفه وانتي روحي لغرفة الضماد وإذا خلصتي تعاليلي انا عند الصيدليه
حور : ان شاءالله
سعود ابتسم : أول مره توافقين بدون هواش عساه دوم مو يوم
حور رفعت حاجبها: اذا وافقنا موعاجبك واذا ماوافقنا هم بعد موعاجبك
سعود : لاانتي تعجبيني بكل حالاتج (وراح وخلاها)
حور انصدمت : إشفيه هذا قام يقط خيط وخيط إشقصده

نادتها الممرضه ودخلت وبعد ماغزوها ابره راحت ويا الخدامه لسعود اللي كان واقف ينطرهم عند باب المستوصف

سعود : خلصتي
حور : ايه خلصت وين الدوا
سعود عطاها الدوا : يلا مشينا

مشى سعود ومشت وراه حور وكانت منزله راسها تقرى الدوا

سعود لف صوبها وابتسم وبدا يبطي سرعته عشان تكون قريبه منه شاف الفرق بين طوله وطولها وابتسم

حور : وين السياره ماشوفها
سعود : الحقيني وبتشوفينها
حور لحقته ووقفوا عند سياره سعود :يلا اركبي وإلا تبيني افتح لج الباب
حور : وين اركب بسيارتك وين سليم
سعود : ليش موعاجبتج سيارتي
حور تنرفزت: سعود وين سليم
سعود : بدت موجة الهواش تونا قلنا ياهادي
حور : تراني تعبانه ومالي خلق استهبالك وين سليم
سعود ببرود : تعبانه سلامتج من التعب وسليم خربت السياره وخليته يرجعها للبيت
حور :أوف والحين شلون
سعود : لازم تتكرمين وتركبين سيارتي المتواضعه
حور انقهرت من بروده: انت ليش جذي مره ثانيه ماراح اصدقك حتي لوتقول لي أمي العودا اروح وياك زيـــــن
سعود يموت على تعصيبتها : حاضر يافندم يلا تفضلي

حور طالعته وصدت مقهوره منه ركبت وركبت الخدامه جمبها

ركب ووجه المرايه عليها وطلع نظارته الشمسيه ولبسها عشان يطالع براحته

سعود : لازم تاكلين قبل الدوا لاتاكلين على معده خاليه

حور ماردت عليه

سعود يرفع صوته متقصد: يقول الدكتور لاتاكلين الدوا على معده خاليه

حور ماردت عليه قعدت تكح

سعود : سلامة روحج من الكحه هذا من العصبيه الزايده

حور : ممكن ماتكلمني

سعود يستهبل: انا أول مره اشوف موظفه تقول لمديره لاتكلمني ماتخافين اخصم من معاشج

حور ماردت

سعود بجديه : حور ممكن سؤال

حور اوف فاضي : خير

سعود : انتي ليش ماوافقتي ان ابوي يدفع ديون ابوج

حور : محد مكلوف يدفع ديون ابوي غيري

سعود : طيب بس ابوي
قاطعته حور: استاذ سعود ممكن تصكر الموضوع

سعود احترم رغبتها وسكت

وصلها للبيت
سعود : لااداومين هالاسبوع كله انا مرخص لج
حور : ليش انا توني موظفه جديده مايصير
سعود : بس انا المدير وموافق
ومابي كلام زايد
حور : شكرا
سعود ابتسم : عفوا بس على شنو شكرا
حور : كل شي
سعود : ماسويت شي يستحق الشكر اللي سويته واجب ولاشكر على واجب
حور : انت ماقصرت بس ممكن اسألك سؤال
سعود : تفضلي
حور : انت شد وإلا اقول خلاص خلاص مع السلامه (نزلت لبيتهم وخلته مستغرب ليش ماكملت سؤالها)
كانت تبي تسأله انت شدراك ان عمي السبب بموت ابوي بس هونت تبي تسأل بألاول فواز





لنـــــدن مدينه الضبـــــاب

نزلت من شقتهم وهي تتكلم بالموبايل: يلا عشر دقايق واوصل
اوكي حبيبي بـــــاي

كانت متجهه للهايدبارك
لحقها بوسعود يتابعها من بعيد عشان ماتنتبه له

فيه شاب ناطرها وأول ماشافها جايه صوبه ابتسم
رغد : مرحبا حبيبي
حسن : هلا الحب فديتج(مسك إيدها)
رغد : اليوم برد صح
حسن فصخ جاكيته ولبسها: افا حبيبتي بردانه وانا موجود
رغد : فديتك حبيبي وجودك يدفيني


طلع بوسعود موبايله ودق على اخوه بورغد وقاله تعال للهايدبارك
(بورغد انسان شايف نفسه على الناس ومتكبر ومتفتح زياده عن الزوم ومعطي رغد حريه زياده عن الزوم ولو قاله بوسعود عن حركات بنته ماراح يصدق فحب يناديه عشان يشوف بعينه)

وصل بورغد لبوسعود اللي كان قاعد يطالع الناس
ابورغد : السلام عليكم
ابوسعود : وعليكم السلام قلت ادق عليك نتمشى ونسولف من زمان ماقعدنا ويا بعض
ابورغد : إي والله من زمان ماقعدنا ويا بعض
(بوسعود كان متقصد مايقول شي عن رغد قاموا يتمشون وبوسعود يقرب من المكان اللي واقفه فيه رغد ويا الشاب ويسولفون عن ذكرياتهم )
رغد تضحك بصوت عالي: هههههههه فديتك حبيبي بس عاد

بورغد لف الضحكه هذي موغريبه عليه وانصدم من اللي شافه بنته ماسكه إيد شاب غريب ولابسه جاكيته وتسولف وتضحك وياه بمياعه ركض صوبها: رغـــــــــــــــد
رغد بخوف وصدمه هدت إيد حسن : يبــــــــــه
عطاها كف خلاها اطيح من طولها : ياكلبـــــه
مسكها من كتفها ووقفها مره ثانيه وعطاها كف أقوى من اللي قبله
رغد خشمها بدا ينزف تكلمت بخوف : يبه بفهمك كل شي حسن يحبني ويبي يتزوجني
حسن انصدم وخاف من الطق اللي جا رغد : هاه لا أي زواج انا اشوفج زميله وبس مالي شغل فيج (راح وخلاها)

بوسعود مسك بورغد : تفاهموا فالبيت لاتفضحونا قدام الناس


بورغد سحب بنته بإيدها للبيت وأول مادخلها بدا تكفيخ وطق سنه بساعه: ياكلبه نزلتي راسي هذا جزاي عطيتج حريه ماتحلم فيها أي بنت بعمرج(وطراق ورى طراق ورفس )
بوسعود يحاول يمسكه يهديه بس بورغد كأنه ثور هايج
ام رغد تحاول تحمي بنتها : إشصاير يابورغد تعوذ من بليس بتذبح بنتك
بورغد : لاتقولين بنتي ياكلبه صار شي بينج وبينه تكلمي
رغد تبكي وحالتها حاله: لاوالله ماصار شي
بوسعود مسكه وسحبه للمكتب يهديه وأم رغد خذت بنتها للغرفه وعرفت السالفه كلها"







فواز معصب حده : ليش مادقيت علي وقلت لي وربي لاعفسها عليها لكـــــلاب محذرهم مايقربون من فوزيه
مصطفى يحاول يهديه: إهدا ياأبني
فواز : انا أعلمهم
طلع من شقه خاله مصطفى متجه لبيتهم

دخل البيت ولقى شريهان قدامه عطاها كـــــف طيحها من طولها عناد وسكينه وحسينه انصدمـــــوا

فواز في حالة هستيريه من العصبيه : ياكـــــلبه شلون اتجرئين وتطلبين من فوزيه هالطلب الحقير
شريها خافت وماردت فواز يرعبهم بعصبيته
فواز : يالخـــــمه انا محذركم ماتقربون من فوزيه صح

محد رد

فواز بعصبيه: ردوا لا أوديكم في ستين داهيه كلكم صغيركم وكبيركم

كلهم خافوا : صـــــح

فواز : أهـــــا طيب ياعناد ياوالدي العزيز دام صح ليش تروحون لها
عنا د قام يتلعثم : ماكنت في وعيي سامحنا مانعيدها
شريهان : بص واللـــــه
فواز قاطعها : لاتحلفين يازبـــــاله ولا اسمع صوتج
حسينه خافت حدها: اسكوتي يابت ماتتكلميش
فواز : شوفوا المره هذي بطوفها بس عشان فوزيه بس واللي رفع سبع وبسط سبع اذا فكرتوا تعيدونها ويا فوزيه ماراح يحصل لكم خيـــــر فاهمين

الكل: فاهمـــــين

فواز :وبعدين حدكم السرداب لو شميت خبر ان واحد منكم وإلا من خمتكم متعدي السرداب مايحتاج اقولكم إشبسوي مفهـــــوم

الكل : مفهــــــــــوم




رجع لبيت خاله مصطفى
فواز : خالي ممكن تناديلي فوزيه
مصطفى : زعلانه مش عاوزه تشوفك
فواز ابتسم : طيب ممكن ادخل لها
مصطفى : تفضل ياأبني البيب بيتك خود راحتك


كانت قاعده بالغرفه ضايق خلقها تعبت من هالحال" فتح الباب بدون مايطقه ومانتبهت له وقف عند الباب يطالعها ويبتسم
فواز : مااشتقتي لفواز
لفت وطالعته وصدت زعلانه عليه ليش راح وخلاها
فواز : زعـــــلانه انا أسف
فوزيه بكت: اي زعلانه ومابي اكلمك رحت وخليتني بين اللي مايخافون ربهم ماخفت علي منهم
فواز فتح إيدينه: تعـــــالي مشتـــــاق لج
فوزيه ركضت لحضنه وبدت موجة الصياح والعتب : انت وعدتني محد يأذيني ولايقرب صوبي منهم
فواز رفع وجها وباس جبينها وعيونها : تدري ان دموعج غاليه على فواز أمسحيها واللي خلقني وسواج لوفكروا يعيدونها لذبحهم
فوزيه مسحت دموعها : لامابيك تضيع نفسك عشانهم وجودك بهالدنيا هو الامان بكبره لي
فواز : ووجودج بهالدنيا هو الحياه لي عسى الله لايخليني منج
فوزيه ابتسمت: ولا يخليني منك ولا من طيبت قلبك
فواز : يلا جيبي اغراضج وأمشي نرجع للبيت
فوزيه : فواز الله يخليك ابي اقعد إهني عند خالي وارتاح من ازعاجهم خلني العطله كلها إهني واذا بدت الدوامات برجع
فواز : خلاص دام هالشي يريحج ابشري صار








في غرفة حور

منال : انتي صاحيه شلون تشوفينه
حور : بنطره عند بيتهم وبكلمه انا لازم اعرف الحقيقه
منال : انتي اتدلين بيتهم للحين تذكرينه
حور : لا مااذكره بس لقيت في اوراق ابوي القديمه صورة لبطاقة عمي المدنيه ومكتوب فيها عنوان بيتهم
منال : الله يستر من هالمغامره ياحور
حور : منال تكفين انا لازم اعرف كل شي أحس بنار تشتعل داخلي
منال : خلاص بنتوكل على الله وبنروح بس ترى انا مادل الجهرا ماعمري طبيتها
حور : من سأل ماضاع نسأل وبندل
منال : لاشرايج ناخذ تكسي يدلينا العنوان واحنا نمشي وراه بالسياره
حور : ايه جذي أحسن خلاص بكره موعدنا
منال : بنروح العصر لان يمكن الصبح مانلقاه
حور : خلاص بنكون هناك الساعه3 أحسن عشان اذا طلع نشوفه
منال : خلاص شورج وهداية الله بس الله يستر لانبتلش بعمج
حور : منول إذا خايفه خلاص اروح بروحي
منال : لاوالله وتظنين بوافق انا مستحيل اخليج تروحين بروحج
انا مستعده اروح وياج حتى للموت
حور ابتسمت : الله لايخليني منج
منال : ولا يخليني منج يلا بخليج الحين ولاتنسين تاكلين دواج
حور : إن شاءالله
منال : يلا تصبحين على خير
حور : تلاقين الخير






صبـــــاح يوم الخميس

قعدت الساعه 9 الصبح ونزلت لجدتها لقتها مزهبه الريوق وقاعده تسمع الرادو

حور باست راسها : صباح الخير يمه
الجده : صباح الرضا يامرحبا تعالي عندي تريقي
حور قعدت: بس ابي حليب مو مشتهيه أكل
الجده : لازم تاكلين عشان الدوا يمه
حور : خلاص بس ابي صمونه
الجده : احط فيها جبن
حور : لايمه باكلها فاضيه
الجده:اشربي أحليبه(دلع حليب) حاطه عليه زنجبيل
حور : فديتج الله لايحرمني منج
الجده : متى بداومين يمه
حور : ان شاءالله السبت
الجده : يمه انا قلت لخالتج سعاد تعلمج السواقه فالبر عشان تطلعين ليسن ونشتري سياره تنفعنا واداومين عليها بدال التكاسي وام حسام اللي كلونا
حور : خلاص إن شاءالله بس شوي انطري علي اجمع ألف دينار عشان ندفع مقدم والباقي اقساط
الجده : لايمه الحمدالله الطلبات عالبخور وخلطات العطور ماتوقف ولله الحمد وانا صار لي مده اجمع والحين عندي 1500دينار ندفعها مقدم والباقي اقساط على معاشج
حور : ابشري بتعلم السواقه وبشتري السياره أول ماينزل معاشي عشان ازيده عاللي عندج عشان توصل 2000دينار
الجده : بارك الله فيج يمه
حور : اقول يمه
الجده : لبيه يمه
حور : لبيتي في منى حاجه
اليوم بروح انا ومنال نزور وحده من صديقاتنا ايام المدرسه فالمستشفى
الجده : ليش يمه إشفيها
حور : لابس عملية لوز
الجده : خلاص يمه روحي بس متى بتروحون
حور : بتمرني الساعه 2الظهر على مانشتري جاكليت وهالسوالف تكون صارت الساعه ثلاث ثلاث ونص بروح لها
الجده : خلاص ماتشوفون شر الله يحفظكم يلا خلصي ريوقج واشربي دواج
حور اشوى وافقت بهالسهوله: إن شاءالله يمه الحين بشربه





على الغدا قالت منال لامها انها بتطلع ويا حور بعد شوي عشان يزورون صديقتهم
ام منال : وإشهالزياره اللي الظهر
منال : لايمه على مانروح نشتري ورد وجاكليت وهالسوالف وبعدين مسافة الطريج والزحمه بنكون هناك الساعه اربع
ام منال : بأي مستشفى
منال ياليل تحقيق : بمستشفى مبارك الكبير
ام منال : ومتى بتردون
منال : يعني اذا سمحتي لنا ودنا بعد مانخلص زياره نشرب لنا شي وأوعدج قبل اذان المغرب بنكون موجودين
ام منال: خلاص بس لاتأخرون
منال استانست : إن شاءالله ولا يهمج

خلصت غداها وطارت تغسل وتبدل ملابسها لاتأخر على حور

منال تكلم حور : يلا دقايق واكون عندج
حور : ليش تأخرتي الساعه الحين ثلاث إلا ثلث
منال : شسوي على ماتغديت واقنعت امي
حور : يلا بسرعه انا انطرج
منال : يلا يايه




مرت منال حور وراحوا

منال : هاه الحين شلون ناخذ تكسي
حور : لاخلينا نطلع عالخط السريع بنلقى تكاسي الجوال تارسه الديره بنخليها توصلنا يكون احسن والسعر ارخص
منال : خلاص توكلنا على الله



لقوا تكسي الجوال وعطوه العنوان ودلاهم
دخلوا الجهرا وقلوبهم طبول
أما حور بدت اتذكر شوارع الجهرا اووه تغيرت من عشر سنين مادخلت الجهرا وصلوا لشارع اللي فيه بيت عمها عطوا التكسي حسابه وتموا واقفين ينطرون فواز يطلع سمعوا أذان العصر
منال : أذن خلينا ننزل نصلي بهالمسجد وعقب نكمل مراقبه
حور : يلا توكلنا على الله

خلوا سيارتهم واقفه بمكانها ونزلوا يمشون المسجد قريب خطوتين دخلوا مصلى النساء وصلوا وعقب رجعوا يراقبون

ملوا من طول الانتظار
منال : صارت الساعه اربع وربع ومحد طلع
حور : مايخالف ننطر بعد
منال : انا خايفه عليج من هالمغامره
حور : مافيه شي يخوف إن شاءالله مافيه إلا العافيه
منال : شوفي شوفي انفتح الباب
(طلع من بيت عمها شاب اسمر طوله متوسط )
حور عرفته: هذا فواز
منال : الله ياحلوه يهبل
(فواز من نوعية الناس اللي اشكالهم مبهذله وحوسه بس رغم هذا فيهم جاذبيه )
حور التفتت لها : ترى مووقته
منال : ادري بس مادري شكله يجذب يلا بتنزلين
حور خافت : يمه إشفيني خفت
منال : إذا خايفه خلينا نرجع
حور تشجعت : لاماصدقت القاه عشان نرجع يلا انا بنزل ادعي لي
منال : الله معاج
(نزلت حور وقلبها طبول اتجهت لفواز اللي كان واقف ويحوس بالكشن الخلفي سمع خطوات جايه صوبه رفع راسه شاف بنت جايه صوبه وقف مستغرب)

حور مرتبكه : السلام عليكم
فواز : وعليكم السلام خير اختي
حور بخوف وربكه : انت فواز
فواز استغرب : أي انا فواز
حور : انت فواز ولد عناد
فواز : أي نعم انا فواز ولد عناد خير أختي بغيتي شي
حور توترت : أنا أنا أأأ
فواز : عسى ماشر اختي
حور : انا حور
فواز : حور أي حور
حور : انا حور بنت عمك حمد
فواز ابتسم واستانس ماتوقع بعد هالسنين يشوف حور : ياهلا ومرحبا شخبارج وشخبار منار وخالد عساكم بخير
حور ارتاحت شوي : كلنا بخير
انت شخبارك وشخبار فوزيه
فواز : كلنا بخير
حور بجديه : فواز ممكن اكلمك بموضوع
فواز : تفضلي عسى ماشر تكلمي
حور : لا مو إهني ياليت نتقابل بالكوفي شوب القريب منكم
فواز : خلاص صار روحي وانا شوي وجاي
حور : يلا عن أذنك
فواز : أذنج معاج


(ركبت حور السياره وفواز تم يطالعها وفي راسه يدور الف سؤال شالسبب اللي خلا حور اتذكرنا بعد كل هالسنين )


منال : هـــــاه إشصار
حور : بنتقابل بالكوفي شوب اللي إهني
منال : ياحلـــــوه يوم ابتسم انا تحطمت
حور بجديه: منال لاتعلقين بسراب فواز مو راعي زواج ولا مسؤوليه فواز يالله شايل نفسه
منال : انا موقصدي حب بس اعجبني شكله
حور : بس عيونج تقول غير هالكلام اتمنى يكون كلامج صج ويخيب ظني
منال ماردت واتجهت للكوفي شوب
حور : يلا انا بنزل إن شاءالله ماطول
منال : للحين ماوصل
حور : ادري بس بنطره داخل
منال : خلاص اوكي


نزلت وقعدت تنطره في نفس الوقت كانت فيه عيوان متابعتها من اول مادخلت الكوفي مستغربه وجودها

وقف سيارته ونزل دخل وتمت عيونها ادورها شافها سرحانه وابتسم وراح لها
وقف عند طاولتها ومانتبهت لوجوده

طق الطاوله باصابعه عشان تنتبه له
حور لفت : هلا فواز تفضل
فواز : زاد فضلج
حور : شتحب تشرب
فواز ابتسم : انا اللي مفروض اقولج شتحبين تشربين انتي ضيفه عندنا بالجهرا
حور : لاعادي
فواز : لاوالله ماتقولين شي شتحبين تشربين
حور : ملزم
فواز : اكيد
حور : موكا بارد
فواز اشر للوتر : واحد موكا بارد وواحد كابتشينو
حور : انا بدخل بالموضوع على طول مابي اعطلك
فواز بستغراب : أخذي راحتج
حور نزلت راسها : انا ابيك اتجاوبني بكل صراحه وبدون لف ولادوران عمي اللي هو ابوك السبب بموت اهلي صح
فواز تنح وانصدم شلون اعرفت: انتي من قالج
حور : يعني الكلام صحيح
فواز : حور هذي سالفه دارت عليها عشر سنين شاللي ذكرج فيها
حور : لاتجاوب سؤالي بسؤال انا ماتعنين لك إلا عشان اعرف الحقيقه
فواز : حتي لو كانت الحقيقه مره
حور : ماراح تكون أمر من فراق امي وابوي
فواز : ايه هالكلام صحيح
حور : وشلون انا اللي اعرفه انهم ماتوا بحادث سياره
فواز : حور خلي الحقيقه تندفن ليش تنبشين في أمور بتتعبج حقيقته
حور : بس بعض الامور اذا ماعرفنا حقيقتها يشتعل فالروح جمره
فواز :طيب بقولج وامري لله ابوي وصى اثنين من ربعه عندهم شاحنات يدعمهم قاموا راعين الشاحنات حدوهم من الجهتين لين فقد عمي السيطره على السياره وانقلب فيهم

حور تخيلت شكل أهلها شلون انقلبوا حست بالعبره تغصها بس مابينت شي : طيب وشالسبب اللي يخليه يذبح أخوه عشانه
فواز مستحيل يقولها : ماعرف شي عن السبب
حور : أمبلي انت تعرف كل شي انا سمعتك أيام العزا تقول لابوك ليش يتمتهم وهم صغار
فواز : حور انا قلت الكلام اللي عندي ماعندي شي ازيده
حور تنرفزت: بس انا ابي اعرف السبب
فواز : لاادورين السبب عندي ماراح تحصلين اجابه
حور : بس انا متأكده انك تعرف السبب
فواز : اي اعرفه بس ماعندي استعداد اقوله
حور وقفت معصبه: بس مصيري اعرف هالسبب(ومشت)

فواز تنرفز :حور لحضه

(ماردت عليه وكملت دربها)




سعود صدفه كان موجود بالكوفي واستغرب وجودها أول مادخلت ولما شاف فواز دخل وقعد وياها مات من القهـــــر
ماشاءالله مواعيد غراميه وانا معطيها اجازه ظنيتها جد تعبانه شكلها بس تمثل هين ياحور إن ماطلعت أسبوع الاجازه من عينج ماكون سعود





ركبت السياره وهي بتنفجر من القهر
منال : هاه شصار
حور معصبه ومقهوره : تخيلي حقارت عناد لوين وصلت هو السبب بموتهم داز اثنين من ربعه عندهم شاحنات حدوا ابوي من الجهتين لين فقد السيطره عالسياره وانقلبت فيهم
منال تخيلت المنظر : حسبي الله عليهم وليش شالسبب
حور مقهوره : ولد ابوه ماقال السبب طبعا ماراح يقول شي عن ابوه خايف عليه حسبي الله عليهم
منال : خلاص حور هدي مصيرج تعرفين السبب
حور : منال انا مقهوره ليش ابوي إشسوى له عشان يذبحه
الله لايوفقه دنيا واخره
منال : خلاص نرجع للبيت
حور : أي خلينا نرجع






رجعت للبيت ضايق خلقها والدنيا ضايقه فيها راحت لغرفتها خذت لها شور
ولبست برمودا زيتي وبلوزه جبنيز برتقاليه
أوووف كله منك ياسعود انت اللي نبشت جروح مدفونه ياليتك ماقلت لي شي وخليتني على عماي كنت مرتاح من التفكير ومن الهم مادري إشسالفتك ياهالانسان تستمتع
بتعذيبي أوف الله يعيني بداوم يوم السبت وبينشب لي بكل شي متى يرجع بوسعود ويداوم بالشركه ونفتك من سعود وأوامره واستهزائه





اليـــــوم الجمعـــــه

بعد صـــــلاة الجمعه فواز راح لبيت خاله مصطفي يشوف اخته ويتطمن عليها وفي نفس الوقت خاله عازمه يتغدا عندهم

كان قاعد ويسولف ويا فوزيه
فواز : تتوقعين أمس من شفت
فوزيه : منو
فواز : أممم ناس تحبينهم ومشتاقه لهم
فوزيه : يوووه يلا قول
فواز : شفت حور بنت عمي
فوزيه شهقت بشوق: تكفى انت من صجك وشلون ووين ليش ماقلتلي وربـــــي مشتاقه لها شوق ماينوصف
فواز : لهدرجه تحبينها
فوزيه : واكثـــــر تكفى ابي اشوفها
فواز تنهد بحزن : لا خليها بعيده عنا وعن ابوي وشره خليها يكفيهم اللي سواه ابوي فيهم
فوزيه : فواز وين شفتها
(فواز قال السالفه كلها لفوزيه )

فوزيه : شاللي ذكرها بسالفه اندفنت من سنين
فواز : مصير عيال عمي يعرفون الحقيقه طال الزمن وإلا قصر
فوزيه تنهدت : خلهم يعرفونها من غيرنا حنا مالنا وجه نقولهم شي يكفي سواد الوجه إللي سواه ابوي
فواز : حسبي الله ونعم الوكيل








قعدت من النوم وتمت ساعه عالسرير اتمطط مالها خلق إللي يشوفها يقول بتروح السجن مورايحه لدوام اوف مالي خلق شافت الساعه أوه صارت 7 لاحول الحين بتأخر ألبست بسرعه ودقت على أم حسام
جاتها أم حسام الساعه7ونص زحمة السير أخرتها زياده أوصلت الشركه الساعه 8الصبح شافته يصفط سيارته وبسرعه راحت طيران لمكتبها

ياليل الله يعيني على تهزيئه

حور : صباح الخير
منى : صباح النور مالك تأخرتي
حور : أوف الله يعيني عالتهزيئ
شافني وانا نازله
منى : عادي تأخير نصف ساعه مش محتاق تهزيئ أو حاقه
حور : مو هو مايصدق خبر يحصل شي يهزأني عليه


دخل سعود عليهم وحور منزله عينها مارفعتها
سعود : السلام عليكم
حور ومنى : وعليكم السلام
دخل بوعادل : صباح الخير طال عمرك
سعود عينه على حور : هلا صباح النور
سعود : ممكن اعرف سبب التأخير انسه حور وإلا فاكره نفسج مديرة الشركه
حور : أسفه زحمة السير
سعود بعصبيه:أسفج هذا وين اصرفه
حور بهدوء: تقدر تخصم من راتبي
سعود بدت موجة الإهانات: مو انتي اللي تقررين أخصم أو ماخصم انتي حيالله موظفه بقسم الملفات وإلا عشان عطيتج اجازه اسبوع بفضل تمثيلج بالمرض ضنيتي انج خلاص صرتي اداومين على كيفج فالحة لي بالمواعيد الغراميه مع ولد عمج الصايع الضايع على قولة المثل ألتم الخايب على ردي الحظ
حور انحرجت وانقهرت : ممكن ماتغلط وتحترم نفسك
سعود : ضحكتيني أكيد ماترضين على حبيب القلب انتي احمدي ربج ان ابوي ضفج وشغلج وإلا انتي وأهلج موكفو للاحترام الاخو ذابح أخوه والبنت هايته مسويه حب وغرام مع ولد العم ماوراها والي والله اعلم شالبلاوي إللي مسويتها بعد

حور وصلت حدها: انت مالك شغل فيني احترم نفسك انا وأهلي اشرف منك لاتظن اني مشتغله عندك انا مشتغله عند ابوك وإلاحسبالك اني عبده عندك

ابوعادل : تعوذوا من بليس ياجماعه السالفه ماتستاهل

سعود عصب زياده : بوعادل لوسمحت لاتدخل وانتي يالطراره بنت فقر كل يوم تنطر احد يعطف عليها ويوصلها لبيتها انا أعلمج الادب

حور : اذا جيت وطريت منك تكلم ومالك شغل طلبت من فلانه وإلا علانه توصلني كيفي انا حره والادب متعلمته من قبل اشوفك بس انت وأشكالك لازم يكون الواحد بمستوى وقاحتكم لان الاحترام ماينفع معاكم
سعود : وانا ولد ابوي وصلت فيج المواصيل اطولين السانج طيب والله لدفعج ثمن طولت السان هذي
سعود ألتفت لابوعادل : الملفات كلها تخلص اليوم وهذي إللي بتخلصها بدون مساعدة احد مفهوم
(طلع وخلاهم)

حور ماتت من القهر يعني أهلها شكوا كل ساعه جايب سيرتهم وبعدين مايصدق خبر عشان يغلط عليها وعلى أهلها


بوعادل كسرت خاطره حور ماتستاهل : يابنتي ماعليج منه ومن كلامه اصبري لاتقطعين رزقج
حور : الله كريم ممكن الملفات عشان اخلصها وافتك من شره
بوعادل : إن شاءالله

راح بوعادل يجيب الملفات مايبي يرجع سعود يهاوشها مره ثانيه

منى : مايهمكش كلامه انتي بنت محترمه وبتخاف ربها مايهمكش ربنا حياخد حأك منه

حور ماتبي تزيد بالكلام لان العبره قريبه منها واكتفت بهز راسها






خلص الدوام وهي للحين ماخلصت الملفات باقي ثلاث ملفات ومنى قاعده وياها تنطرها عشان توصلها

دخل رافع خشمه : منى اظن الدوام خلص تقدرين تمشين
منى : حنتصر حور (بنتظر حور)
سعود : انا قلت خلص الدوام اظن فهمتي
حور بدون ماطالعه: منى خلاص حبيبتي انطريني بالسياره عشر دقايق واخلص

منى قامت : طب انا حنتصرك بالعربيه عن ازنكم

طلعت منى وسعود قعد عالكرسي يطالعها بستهزاء
سعود : شفتي مافادتج طولت السان بشي

حور ماردت عليه تبي تخلص بسرعه وتفتك من شره

سعود : خلاص خلي إللي بيدج
تقدرين تمشين

حور تغلي غلي من داخل احقرته وكملت أخر ملف

سعود وقف : طيب براحتج ماهميتيني (مشى وخلاها)


خلصت شغلها ونزلت لمصافط السيارات شافته واقف بسيارته قريب من سيارة منى راحت له

سعود شافها متجهه صوبه ونزل من السياره
حور معصبه : اسمع ياأبن الناس أول شي انا متربيه احسن تربيه وقبل لاأخاف من الناس أخاف من ربي إللي فوقي ويشوفني
والردا مايطلع مني وانا بنت حمد ثاني شي مالك حق اتجيب سيرت هلي لافي زينه ولاشينه اظن أهلي مو من اختصاصات الشركه وثالث شي
صح حنا على قد حالنا بس عندنا كرامه ماتوصلها لا أنت ولاعشره من أشكالك (دمعتها نزلت ومشت وخلته ماتبيه يشوف دمعة انكسارها)

سعود لحقها: حور حور لحظه خلينا نتفاهم طيب اسمعيني

(كملت دربها ومالتفتت له أركبت سيارة منى وحركوا بسرعه قبل يوصلهم)




انقهر عمره ماتوقع ان دمعتها بتنزل شكله يظن انها حجر ماعندها أحاسيس

سعود ركب سيارته متحسف على أهانتها قدام بوعادل ومنى السالفه ماتحتاج يهينها ويجرحها حرام البنت مؤدبه ويتيمه والظروف اللي حدتها تشتغل عندهم وفوق هذا كله البنت من جماعته





مسحت دموعها ماتبي منى تشوفها ومن ركبت السياره وإهي ساكته ومنى احترمت سكوتها وماتكلمت




(فـــــوق الزمــان وطيحـــــت الحـــــظ هم انت

صـــــدق المصـــايب لاترامــت ترامــــــــت)




دخلت بيتهم وعلى طول راحت غرفتها ودقت على منال وانفجرت بكي
منال : حور هدي فهميني إشصاير
حور تشاهق ودموعها ماوقفت: الحقير أحرجني واهاني قدام الموظفين
منال : هدي منو اتكلمين عنه
حور : الحقير سعود
منال : إشسوى لج يعل مافيه سعود
(حور قالت لها السالفه كلها بالتفاصيل )
منال : انزين الحين انتي ليش تبجين ماقصرتي بالرد ماتستاهل السالفه دموعج
حور : منال انا تعبت ماسويت له شي وهو بس يدور شي يهيني فيه اللـــــه يقطع الحاجه اللي حدتني على الشغل عندهم
منال : خلاص حبيبتي أهدي كله شهر ويرجع بوسعود وتفتكين منه
حور : شايف نفسه حسباله الناس عبيد عنده
منال : ماعليج منه روحي غسلي ويهج ونامي عشان العصر تعلمج امي السواقه
حور : بكره ابيج تكونين عندي من الساعه 6الصبح
منال : خلاص ولا يهمج تأمرين أمر



بعد أسبوع نزل معاش حور وراحت ويا جدتها والخاله سعاد يشترون سياره شروا كامري موديل2005 وحور تعلمت السواقه بسرعه ونجحت في اختبار القياده وبعد أسبوع يطلع ليسنها


من الساعه 7الصبح تكون موجوده بالشركه تبي تفتك من شر سعود خلاص زهقت من إهاناته بعد المشكله اللي صارت بينهم صار لسعود اسبوعين يداوم بالشركه فالعصر




اليـــــوم الســـــبت
موعد استلام حور لليسن خذت اذن من بوعادل انها بتأخر ووافق لها راحت ويا منال عشان تستلم اليسن

منال : مبـــــروك
حور : الله يبارك فيج يلا وصليني للبيت عشان اداوم عالسياره يلا مابي اتأخر
منال : إن شاءالله


منال وصلتها للبيت وعلى طول دخلت تبشر أمها العودا وبسرعه طلعت عشان ماتأخر عالشغل سمت بالرحمن وركبة السياره وقرت دعاء ركوب السياره




دخلت للمكتب مبتسمه
منى : نأول مبروك
حور ابتسمت : الله يبارك فيج
منى : ربنا يوفأك
حور : تسلمين حبيبتي


وقف عند باب المكتب يطالعها ومبتسم اشتـــــاق لها صار له أسبوعين ماشافها ماانتبهوا لوجوده
سعود : صباح الخير
منى : صباح النور
حور ماردت ولا حتى عبرته بنظره
سعود ابتسم : شخبار الشغل والناس إللي يشتغلون
منى : كولوا تمام استاز
سعود : وحور شخبارها
حور ماردت
سعود : منى ممكن تخلينا بروحنا شوي

منى طلعت وخلتهم

سعود : ممكن اتكلم وياج

حور : اذا بالشغل تفضل وإذا بغيره مابينا كلام

سعود تضايق وطلع: خلاص براحتج







دخل الشركه بدشداشته الصفرا الوسخه ونعاله المقطع وريحته الكريهه

سأل الحارس قسم الملفات أي دور وعلمه الحارس




كانت تشتغل بهدوء وتركيز

: هههه أكيد انتي حـــــور

حور انصدمت أكره انسان بالوجود قدامها شاللي جايبه وعرفه اني اشتغل


حور تجمدت عظامها: نعم خير إشبغيت

عناد : هههه ياحليلج طلع لج ألسان يابنت حمد

حور : ايه ياعنـــــاد طلع لي لسان خير جاي إشبغيت

منى منصدمه ماتدري شالسالفه : أي ياحور دا مين

عناد : انتي جب محد كلمج وانتي ياحور يلا عطيني 500دينار الحين

حور : ههه ضحكتني أعطيك عشان سواد عيونك وإلا عشان علومك السنعه

عناد : ترادديني يابنت الكلب

حور : كلب انت وأشكالك

عناد : انا اعلمج ياواطيه (وبدى يطق حور ويرفسها مدت حور إيدها عشان تأخذ المقص من المكتب عشان ادافع عن نفسها بس ماقدرت قام يطقها ويرفسها منى تحاول تبعده عنها بس ماقدرت سمع بو عادل الصوت وركض لهم يدز عناد من حور بس ماقدر
بسبب كبر سن بوعاد مافيه حيل

(ركضت منى تعلم سعود)



عناد طيح شيلتها ونقابها وماسكها من شعرها ويكفخ وجهها دخلت اصبعه بفمها وماصدقت حور خبر عظتها بكل قوه ماعاد هدتها

عناد يطقها عشان تهد صبعه
بس مافيه فايده: هدي اصبعي يابنت الكلب

وحور تزيد عظ

دخل سعود وجن جنونه حور طايحه وهو ماسك شعرها ويرفسها ويطقها طق مايتحمله ادمي
مسكه من كتوفه ودزه دزه طيرته عند الرفوف التفت لحور وقط غترته عليها عشان اتغطى فيها

مسك عناد وطراق ورى طراق بقسات رفس عناد من قوة الضرب ماعاد قدر يدافع عن نفسه
عناد ميت من الخوف: خلاص هدني واهدك
سعود : ياكلب مستقوي على بنت (عطاه بقس على خشمه)


تجمعوا الموظفين وفرقوهم وعناد ماصدق سعود هده انحاش ماعاد شافوا إلا غبرته



سعود طلب من الموظفين يرجعون لشغلهم
ركض لحور وصك باب المكتب

كانت منى حاظنتها وخشمها ينزف

قعد مقابلها ومسكها من كتوفها وبعيونه الخوف عليها : حور صار لج شي ردي علي

حور مصدومه من إللي صار وبس اطالع مثل لمسبهه
والدموع تسيل على خدها


سعود : منى روحي جيبي ماي بسرعه

طلعت منى وصكت الباب

سعود قرب منها اكثر وقعد يمسح دم خشمها بغترته : لاتخافين من أحد انا موجود خذيت حقج منه وزياده
حور تكفين كلميني


حور تذكرت إهاناته وماتبيه يسويلها أي شي بعدين يتحسف ويقعد يعايرها ويسبها : وخر عني

سعود : حور انا مستحيل أخليج وانتي بهالحال
حور : اكيد ماتبي اطوف منظر مثل هذا مايصير لازم تستمتع بعذابي فرصه جت لعندك عشان تستهزأ فيني عدل وتلقى عذر تهيني فيه
سعود : حور تكفين لاتزيديني انا أسف على كل كلمه

قاطعته منى دخلت بالماي
وسعود سكت وبعد عن حور عشان إتشربها منى الماي

شربت حور ماي: منى عطيني شيلتي ونقابي ووديني للمغاسل اغسل

منى : حاضر ياحبيبتي


منى عطت حور شيلتها ونقابها ألبستها ومدت لسعود غترته
حور باستهزاء : اسفين دمرناها بالدم العذر والسموحه منك
سعود : حور خلاص عاد لاتزيديني

غسلت حور وجها وخشمها فالمغاسل وعدلت شيلتها ونقابها وطلعت

سعود قال لمنى توصل حور للبيت

نزلت حور ومنى ونزل سعود وراها خاف على حور لاتتعب واطيح


كانت تمشي حور ومنى
حور : منى شوي بأخذ مفتاح البيت من سيارتي وانتي روحي شغلي سيارتج على ماأجيلج

منى : اوصلك حاسه بحاقه

حور: لا حبيبتي أقدر أمشي

راحت منى تشغل سيارتها وحور خذت مفتاح البيت ورجعت تبي تركب ويا منى


سعود يركض حده جهة حور: حــــــــــور انتبهـــــي

لفت حور وراها وشافت سيارة عمها جايه صوبهـــــا

تجمدت بمكانها ماعاد قدرت تتحرك من مكانها
خلاص ياحـــــور بتمـــــوتين
على يد عنـــــاد خلاص انتهيتي ماامداج تفرحين بسيارتج











انتهـــــــى البارت تمنياتي لكم قرائه ممتعه
انتظر تعليقاتكم

الله يعطيكي العافيه مبدعه واضن سعود لمي عناد بيدصدم حور بسياره بينقذها وعسي هو مايتاذى يارب بنتظارك بفارق الصبر

السلام عليكم و رحمة الله و بركاته

مساء الخير و الرضا من الرحمن

إبداع يا غنادير بارتين رووعه بس كسرت خاطري حور

=======================
(( حور و سعود ))

يالله شقد كسرت خاطري و خصوصا بعد كلام سعود لها بالدوام و اللي زاده

عمها الهم .. بس مع كل هذا ماوالت حور تتصنع القوة و باقيه بعزة نفسها و

زين أنها هالعزة ما تغلبت عليها و قدمت استقالتها لإنها قبل ما تفكر بنفسها

تفكر باللي وراها و اللي معتمدين اعتماد كبير عليها .. حور و بحثها وراء اللي

ذبح ابوها و امها ما زادها إلا غبة عليهم و حسرة لإنها و بكل تأكيد ما اتوقع

أنها بتفتح ملف قضية كانت قضاء و قدر بالنسبة للشرطة و تتهم عمها من جديد

و اصلا محد بيسمع لها ياليتها ما بحثت عن هالشيء .. بس سعود حرق دمها

عليهم و حبت تعرف اللي صار و الله يعينها على الحقيقة كاملة .. سعود زين

سوا برغد و انه فك الخطبة اللي مثلها ما يستاهل من يلتفت لها و لو نظرة بس

متى على الله يترك هالغرور عنه و يترك حور بروحها و ما يسمها بكلامه و تصرفاتها

اتوقع التصرف الاخير كان من غيرته عليها لإنه واضح انه واقع لشوشته خلاص بس

غروره يمنعه يعترف حتى لنفسه بس بعد موقف عمها و عدم تقبلها له ممكن يفكر

يغير اسلوبه و اتوقع انه بيعرض نفسه للخطر و يحمي حور من عمها الهم اللي استغل

خروج حور من الدوام و حاول يصدمها ...

=================
(( فواز ))

اتوقع في سبب كبير اللي خلاه ما يقول الحقيقة كاملة لحور و اتوقع تتعلق بأمها و

أنه ابوه كان يبيها لجمالها أو شيء يتعلق فيها فهو ما حب يشوه صورة ابوه فوق ما

متشوه في نظر حور و خوف انه الكلام يطلع لبرا .. الصراحه فواز يقهر ليش ما يبلغ عن

ابوه يعني كأنه راضي عن اللي يصير في بيتهم ماالومه لإنه ابوه و أمه الله يعينه بسن

نارين نار اخته و كيف يحميها و نار ابوه و امه و تصرفاتهم الوسخة ...

فواز و فوزية مصطفى هو خالهم اخو أمهم سكينه و لا مجرد احترام و هل

هو نفسه اللي يساعد حور أو غيره ..؟؟؟

================
(( عناد الهم ))

ياااايي من يمسكني اياه عشان اغوله هالهم فوق شينه قواة عينه مالت عليه و

على حرمته فوقه .. اتوقع انه بيحاول يصدم حور بس سعود ماراح يخليه و ممكن

يشتكي عليه و ياليت و الله ...<< فيس التمني

===================

غنادير

حسستيني ان الجهراء برا حدوود الكويت << فيس جهراوي ^ـ^

خخخخ ترا الجهراوي كلهم يحسون المنطقة العاشرة برا حدوود الكويت

و هذا و الكويت يا قلبي عليها قد عين الطير من صغرها ...

سلمتي يالغلا بـ انتظار القادم

..
..
..

halazona


هلا وغلا خيتوو يعافيج ربي ويسلم قلبج مانحرم من هالتواجد الحلو


بياض الصبح

وعليكم السلام والرحمه

هلا وغلا ومراحب يسلم لي التعليق وراعيته الروعه تواجدج الممتع دايم ماانحرم من عالتواجد

الجــــــزء العـــــــاشر






سعود يركض حده جهة حور: حــــــــــور انتبهـــــي

لفت حور وراها وشافت سيارة عمها جايه صوبهـــــا

تجمدت بمكانها ماعاد قدرت تتحرك من مكانها
خلاص ياحـــــور بتمـــــوتين
على يد عنـــــاد خلاص انتهيتي ماامداج تفرحين بسيارتج
غمضت عيونها وجمدت مكانها
حست ان رجولها انشلت ماتقدر تبعد خطوه وحده


سعود جن جنونه لما شافها غمضت عيونها وجمدت بمكانها كان مستمر بالركض صوبها ويصرخ : حــــور حــــور (يبي صراخه ينبهها عشان اتحرك بس حور ماكانت تسمع إلا نبضات قلبها الخايف)

منى نزلت من سيارته وطاحت على ركبتها من الخوف : ياربــــنا استــــر ياربــــنا استــــر ياخـــــرابي قتك نيلـــــه منيلـــــه ياعناد



واخيــــــــرا وصلهــــــــا ضمهــــا بكل قوه وبعــــــــدها
(خلاص ماكان بينها وبين سيارة عمها إلا خطوه)

للحين مغمظه عيونها وهو لامها
سعود بحنيه : حور شوفيني انتي بخير

توها تستوعب ان سعود لامها فتحت عيونها وبعدت إيده عن خصرها

تأكد انها بخير وقام وهو معصــــب حــــده لعناد إللي نزل من سيارته متجه صوب سعود
عناد : انت شكوا يابن الكلب بيني وبينها
سعود مسكه من إرقبته : شكله ماكفاك الطق إللي جاك بالشركه
(وبدى الطق مسكه من إرقبته ورفعه لفوق وطيحه وبدى يرفسه برجله"عناد كان ولاشي بالنسبه لطول جسم سعود وعرضه)
سعود : انا اعلمك من ابن الكلب يالخسيس مستقوي على بنت

استمرت الهوشه بينهم لين برد سعود حرته في النذل عناد هده ومشى يأخذ غترته وعقاله ومفاتيحه اللي طايحه



للحين قاعده بمكانها منصدمه من إللي صار شافت عمها يدخل إيده بمخباه وسعود معطيه ظهره ويأخذ أغراضه شهقت وركضت صوبه

تبي تصارخ تنبه سعود بس ألسانها انربط

عناد مش دم خشمه بظهر إيده تسند على إيده ووقف رفع السكين وبــــدى يتقدم بخطواته

وصلته ومسكت إيده : عناد خلاص فكنا من شرك
(تكره تناديه عمي لانه مايستحق ينقاله عم)
عناد رفسها ببطنها : انا أعلمج السنع يابنت حمد

ركض سعود صوبهم وتماسكوا باليدين سعود وعناد والسكين بإيد عناد

حور وقفت وصارت بينهم : خلاص بس الله يخليكم هدوا بعض
سعود معصب : حور وخري روحي لسياره
حور برجاء: سعود الله يخليك هده لاتبلش نفسك فيه خلاص السالفه بيني وبينه لاتدخل
سعود زادت عصبيته:
حور اقولج ارجعي وراي
حور :ماراح ارجع
سعود بصوت عالي : منــــى تعالي أخذي حور

منى توهي استوعبت لنفسها وركضت صوبهم بس ارتبكت مادرت شتسوي ووقفت

سعود نزل وحده من إيديه يبي يسحب حور من بينهم ويحطها وراه
سحبها من بينهم عشان يحطها وراه : أقــــولج أرجعي
حور الدمعه بعينها : سعود ماراح ارجع

عناد استغل انشغال سعود بحور ورفسه على بطنه
طاح سعود على ظهره وعناد رفع السكين عشان يطعن سعود وجات حور بينهم

حــــور طاحت على ركبها: آآآآآآآآآآآآآآآآآآه

منى تصارخ : يــــاخــــرابي يــــاخرابي ياناس ألحأونا


عناد أول ماشاف الدم ركب سيارته وانحاش


سعود انصدم لا إلا حــــور لايصير لها شي مسكها : حور حور

حور ماسكه صدرها الايمن بإيدها الدم ينزف واتكلم بصعوبه : سعود الله يخليك ودني بيتنا ابي اشوف امي وخواني قبل لاموت

أول ماسمع طاري الموت جن جنونها شالها وركض لسياره : يومي قبل يومج إن شاءالله يومي قبل يومج إن شاءالله

ركبها السياره ومنى ركبت وياهم ودعس حده للمستشفى


حور نايمه بحضن منى
منى : استاز بسورعه شويه

(حور اتألم ماينسمع إلا أنينها)

سعود حالته حاله يحس راسه بينفجر مجرد ماتمر فكرة إن حور يمكن تموت : حور حياتي أصبري شوي تكفين تحملي شوي ونوصل

مد إيده يلمس الجرح يبي يشوفه عميق وإلا بسيط

حور تألمت : آآآآآه

وخر إيده بسرعه : أسف اسف الله يأخذني عورتج ماكان قصدي تكفين تحملي شوي

مد غترته لمنى : منى حاولي توقفين النزيف بغترتي لحد مانوصل

خذت منى الغتره وحطتها عالجرح

حور زاد العوار عليه وبدت دموعها تنزل: آآآآه يــــارب ســــاعدني

أول ماشاف دموعها حس قلبه بيتقطع مد إيده يمسح دموعها: فيني ولافيج سلامتج من الآه


وصلوا المستشفى وعلق بالهرن طلعوا الممرضات بالسرير نزل وفتح الباب وشالها وحطها عالسرير

سعود :بسرعه عالعمليات

لبس لبس العمليات ودخلوها العمليات



منى كانت واقفه على اعصابها تنطر احد يطلع يطمنها : ياربي أوستر ألبي عليك ياحور يارب تساعدها يامنتى كريم يارب






وأخيــــرا سعود طلع من غرفة العمليات وسجد سجود شكر رفع إيده : اللهم لك الحمد اللهم لك الحمد


ركضت صوبه منى : هاه حصل إيه

سعود ابتسم : ابشرج بخير الحمدالله الجرح متوسط ماكان عميق قدرنا نسيطر عالنزيف وخيطناه بعد شوي بيطلعونها


منى : الحمدلله يامنتي كريم ياربي ودألواتي نعمل إيه نتصل بأهلها

سعود طالع ساعته: لا لاتتصلين تو الساعه 11 الساعه وحده بتصل أنا انتي الحين روحي أخذي اغراضها إللي طاحت وجيبي سيارتها

منى : حاضر يلا انا ماشيه مع السلامه

سعود : مع السلامه


طلعوها من غرفة العمليات ودوها غرفة خاصه حاجزها سعود لها


دق سعود على سليم وصاه يجيب له ملابس للمستشفى لان دشداشته اللي كانت عليه تدمرت بدم حور
( وصى الممرضات يهتمون فيها )




بدل ملابسه ولبس بالطوه واتجه لغرفتها يبي يتطم عليها دخل لغرفتها ولقاها للحين نايمه

ابتسم وتقدم لها سحب الكرسي وحطه يم سريرها وقعد عليه مد إيده ووخر خصلة طايحه على وجهها
مسك إيدها : لوتدرين شكثر خفت عليج ماتقولين هذا سعود إللي قبل مده مهاوشج ويدور الزله عليج (تنهد) حرام هالانسانه تعاني ماتستاهلين إللي يصير لج ياحور


سمع أذان الظهر واستوعب لنفسه : استغفرالله انا شقاعد اسوي (طلع وراح للمرضات ووصاهم عليها)



جابت منى أغراض حور جنطتها ومفاتيحها وموبايلها وعطته سعود راحت اتطمن على حور وبعدين رجعت لبيتها






سعود ماسك موبايل حور ومتوتر مايدري يدق على منو من أهلها دق تلفونها
(خويـــه الـــروح) يتصل بك

ارتبك يرد أو لا اخيرا رد
سعود : ألو
منال باستغراب : ألو
سعود : هلا
منال :هذا تلفون حور
سعود : اي نعم
منال : زين منو انت ووين حور
سعود : انتي منال صح
منال :اي انا منال انت منو
سعود : انا سعود
منال مستغربه : وين حور وليش ترد على تلفونها
سعود : منال انا ابيج تمسكين اعصابج وتسمعين الكلام إللي بقوله
منال بخوف: سعود إشصاير حور صاير لها شي تكلم

سعود ياليل هذي للحين ماقلت لها شي وخايفه: منال هدي واسمعيني حور تعبت شوي ووديناها للمستشفى
منال : هـــــاه شتقول ليش إشفيها إشصار
سعود : تعب بسيط وبينومونها كم يوم
منال بدت موجة الصياح : انت إشسويت لها أكيد كله منك حسبي الله عليك ياويـــــل قلبي عليج ياحور

سعاد بخوف: منال إشفيج إشفيها حور تكلمي
منال تبجي: كلـــــه منـــــك

سعود مسك اعصابه: عطيني الوالده انتي الكلام معاج ضايع

سعاد سحبت التلفون من بنتها: ألو منو معاي
سعود : هلا أم منال معاج سعود
سعاد : أي سعود
سعود: سعود ولد بوسعود مدير الشركه
سعاد عرفته: أي هلا إشصاير حور إشفيها
سعود : حور تعبت علينا شوي ونقلناها للمستشفى ياليت تعطين امها العودا خبر
سعاد بخوف : طمنا على صحتها إن شاءالله بخير
سعود :إن شاءالله بخير تطمنوا
سعاد: انزين موجوده بأي مستشفى
(سعود عطاها اسم المستشفى و سعاد على طول راحت للجده وقالت لها وراحوا كلهم للمستشفى)







دخل البيت كان خايف ومرتبك وعلى ملابسه دم

سكينه بخوف: إيه مالك كدا خايف وإيدا الدم
عناد يرجف : طعنت حور
سكينه صرخت: إيـــــه عملـــــت إيه يامقنون وماتت
عناد مرتبك: هاه مادري لالا ماظن مادري انا شدراني
سكينه: قتك نيله منيله إيه يعني شدراني شفتها ماتت وإلا لسى
عناد :أول ماشفت الدم انحشت
سكينه تصفق وجهها: ياخرابي يخرب بيتك والبيت إللي قمب بيتك عملت إيه يالهـــــوي يالهـــــوي
عناد : لاتقعدين تولولين على راسي إللي فيني مكفيني






(لنــــــــــدن)

رغد قاعده بغرفتها وتلوم نفسها خسرت ثقة اهلها وخسرت ولدعمها أو نقدر نقول خطيبها وابوها قرر يرجعون لديره وللحين مايكلمها " صار لها فتره تتصل على سعود وادز له مسجات ومايرد عليها للحين عندها أمل يرجع لها تبي ترجع له بأي طريقه وللحين مومصدقه كلام اهلها إن سعود قال لعمها انه طاب خاطره من رغد "

دخلت عليها روان : رغد
رغد بدون نفس: هاه انتي إشتبين بعد
روان : انا بقولج شي مهم صار قبل يهاوشج ابوي بيومين
رغد : خير شنو اكيد ماعندج سالفه مثل كل مره
روان : انا بقولج وانتي احكمي
رغد : هاه يلا قولي ترى مالي خلق لج
روان : تذكرين اليوم إللي كنتي تكلمين سعود فيه وطردتيني
من الغرفه
رغد باهتمام : أي أذكر ليش
روان : دق تلفون البيت ورديت إلا تطلع رغد سألت عنج قلت لها انج تكلمين سعود
رغد بخوف : أي بعدين كملـــــي
روان : المهم قالت انتي متأكده قلت أيه متأكده قالت خلاص ودي التلفون عند باب غرفتها ابي اتأكد
رغد شهقت: وانتي وديتيه
روان : اي عادي الكل يدري انج تكلمين سعود ليش خايفه
رغد : هاه لامو خايفه يلا كملي
روان: بعد ماسمعتج قالت خلاص لاتقولين لها إني دقيت انا بعدين اكلمها
رغد عصبت وقعدت تولول : اللـــــه يأخذج ياويلي ياويلي اكيد سعود عرف كل شي الله يأخذج يازباله وانتي أي واحد يقولج شي تسمعين كلامه قومي طسي عن وجهي لا اذبحج الحين
(روان خافت وطلعت)

وانا أقول ليش مايرد كنت برقع السالفه بقول انهم فهموا غلط وإني كنت ابي اخذ مراجعه بس الحين شلون كل من هالحيوانه منايل والله ماخليج هين

قامت بدلت ملابسها وراحت شقه عمها
فتحت لها الخدامه وعلى طول راحت لغرفة منايل
فتحت الباب بدون إستاذان
رغد : إنتي بأي حق تجسسين علي
منايل كانت قاعده تقرى روايه: أولا فيه شي اسمه استأذان ولا ماتعرفين الاستأذان
رغد: ههه ضحكتيني علمي نفسج بعدين علمي الناس

منايل تتكلم ببرود: الحمدالله انا متعلمه الادب والاحترام مو مثلج لاتستحين ولاتخيلين فوق شينه قوات عينه

رغد عصبت: جب ولاكلمه قوليلي انتي شكو فيني إشتبين داقه على يا لزقة عنزروت

منايل : اعصابج ياماما لايطق لج عرج أولا انتي ماتهميني اصلا كلج على بعضج مو شايفتج كنت داقه عشان سعود قالي ادق ولما قالت روان انج تكلمين سعود انصدمنا وطلب مني اخلي روان تودي التلفون عند غرفتج وسمع كل شي ياوسخه ياحقيره

رغد : أنا حقيره هين راح تندمين ياواطيه

منايل قامت عليها: يلا يلا برى ماباقي إلا المزبله تتكلم يلا بري برى

(منايل دزتها من كتفها وطلعتها برى بعد شين وقوي عين)






دخلوا المستشفى يركضون شافهم سعود وراح لهم
الجده بخوف : سعود يمه وين حور إشفيها
سعود : هدوا شوي حور ماعليها إلا العافيه
منال : زين وينهي نبي نشوفها
سعود : هي الحين منومه ماراح تحس فيكم وأنا مابي اخش عليكم
الكل : حــــور إشفيهـــــا
سعود بجديه : عناد طعن حور
بس الحمد الله الجرح ماكان عميق وحالتها الحين مستقره

الجده انصعقت من الخبر حست إن ارجولها انشلت ارتفع عندها الضغط وحست إنها فقدت توازنها مسكتها سعاد وقعدتها عالكرسي تهديها

منال و منار سوا مناحه دموع وسب في عناد
منال : يعلك الشلل يعلك الحادث إللي يقطعك قطعه قطعه وكل قطعه تحترق بالنار

منار : روح عساك النار إللي تشوه وجهك الله يبلاك بالايدز إن شاءالله

سعود انصدم من دعواتهم

سعاد عصبت: عمى بعين عدوكم جب انتي وياها ولا كلمه

منال : لامابي اسكت بدعي عليه ليل ونهار ماكفاج إللي سواه بحور بغى يذبحها

سعاد: والله إذا ماسكتي لكفخج بهالكرسي ماتشوفين يدتها تعبانه وضغطها مرتفع وأنتي والثانيه تزيدون عليها

منار: خلاص بنسكت بس نبي نشوفها

سعود : تفضلوا تقدرون تشوفونها بس لاتعبونها


دخلوا لغرفتها وشافوها نايمه للحين مخدره من البنج

قربت الجده من السرير ودموعها على خدها
مسكت إيدها وباستها: سلامتج يالغاليه حسبي عليه الظالم ماخاف ربه فيج

منال ومنار ماقدروا يمسكون نفسهم وبدت موجة الصياح سحبتهم نرجس وطلعتهم برى

نرجس : ويعة يدي انتي وياها بدال ماتهدون وتدعون لها مشغلين لي هالنفورات إللي ماتوقف
منال : جب انتي ماشفتي حالتها شلون ويها مصفر وموحاسه فينا
نرجس: شي طبيعي هذي طعنة صدر مو طعنة إيد اكيد بتكون صعبه وبعدين احمدوا ربنا وشكروه إن الطعنه موجهة القلب وإنها للحين على قيد الحياه
منال مجرد فكرت إن حور ممكن تكون ميت الحين زادت صياح
نرجس: انتي مطوله على هالحال وبعدين يعني
منال تمسح دموعها: شسوي موقادره اسكت
منار: بس منال خلينا نمسك نفسنا اللي في امي العودا مكفيها
منال لفت عليها: انتي متخيله المنظر شلون طعنها والدم شلون نزف والعوار إللي ذاقته

منار هزت راسها بالنفي

لموا بعض وانفجروا الثنتين مره ثانيه بجي

نرجس زهقت منهم ماراح يسكتون لين تحج البقر على قرونها خلتهم يولون ودخلت لحور

سعاد : نرجس يمه انا بودي خالتي للبيت تعبت وبييب ملابس لحور وانتي خليج عندها

نرجس : إن شاءالله يمه بس واللي يسلمج اخذي العلتين وياج ترى بطوا جبدي ووتروني

سعاد : هذولي وين الواحد يعتمد عليهم خلاص أنتي خليج اهني وانا باخذهم

نرجس : خلاص يمه انتوا روحوا ولاتحاتين

سعاد : يلا خالتي خلينا اروح
ترتاحين وتأكلين دواج وتالي انرد
الجده : لا انا بقعد عند حور ماني مخليتها
سعاد : ياخالتي الله يهديج نرجس بتقعد عندها وانتي تعبانه حور إذا قعدت وشافتج تعبانه بتتعب زياده

الجده : لالا خلاص بروح كل شي ولاتتعب حور يمه نرجس لاوصيج عليها

نرجس : لاتوصين حريص انتي روحي ولاتحاتين

الجده حبة رأس حور وطلعت وسعاد مسندتها

منال ومنار كانوا قاعدين عالكراسي ودموعهم اربع اربع

سعاد بجديه: انتوا للحين ماخلصت دموعكم يلا جدامي للبيت
منال ومنار طالعوا بعض: مانبي اروح
سعاد عصبت: لما اقول كلمه تسمعونها يـــــلا جدامي

منال ومنار انقزوا من الخوف ومشوا
منار بصوت واطي: ترى امج حدها دكتاتوريه وعصبيتها تخرع
منال: توج تدرين سكتي بس لاتسمعنا والله لاتكوفنا إهني






نرجس كانت قاعده عند راس حور وتقرى قرآن

امممم ماي

نرجس لفت جهة حور تبي اتأكد من الصوت : حور تسمعيني
حور تحرك شفايفها بتعب : ماي

نرجس ركضت تنادي الدكتور

دخل سعود ونرجس والممرضه

سعود قرب منها : حور تسمعيني شوفيني

حور عقدت حواجبها فتحت عيونها بس ماتشوف إلا ضباب وصوره مشوشه غمضت عيونها وفتحتها مره ثانيه حست ان الصوره بدت توضح شوي
وغمضت وفتحت مره ثالثه حست ان الصوره احسن
: ابي ماي
نرجس بفرح : حور انتي بخير
حور بتعب: انا وين
سعود بحنان : انتي بالمستشفى
سستر لوسمحتي قيسي ضغطها
قاست ضغطها ولقته زين وطلعت

حور : ابي ماي

سعود متحطم : حور تحملي شوي مايصير تشربين شي انتي مسويه عمليه مايصير تشربين شي لمدة 24ساعه

حور برجاء: عطشانه بس ابي شوي

سعود بحنان: حور ممنوع والله لوبيدي لشربج بس خايف عليج ماقدر

نرجس ساكته وتراقب الموقف باستغراب سعود قلبه متقطع على حور وخوفه موطبيعي

حور:دكتور الله يخليك بس شوي

سعود ياويل قلبك ياسعود اشهدانك رحت وطي : حور تكفين لاترجيني وانا مابيدي شي
خذى كلينكس وبلله ماي بارد وقرب منها قعد عالسرير ومسح على شفايفها بالكلينكس : الحين بيخف العطش بس انتي لاتكثرين بالكلام
حور : الجرح يعورني
سعود فيني ولافيج : خلاص الحين بأخليهم يعطونج ابره مهديه بتريحج
حور : متى اطيب
سعود : إن شاءالله بطيبين بس انتي لاتعبين نفسج
حور : وين امي
سعود : كلهم كانوا موجودين وتوهم راحوا حور الشرطه تبي تحقق وياج تقدرين اتجاوبين على اسألتهم
حور : ليش تحقق
سعود : نسيتي إللي صار
حور : انا متنازله عن القضيه
سعود عصب : ليش اتنازلين الحقير بغى يذبحج وانتي اتنازلين
حور بتعب : دكتور انا تعبانه ممكن ادخلهم وتخلصني

(عصب سعود ودخل الضابط وبدأ بسألته ووقعت حور على التنازل عن القضيه وطلبت انهم يكتبون عناد تعهد انه مايتعرض لها)


سعود وصل الضابط ورجع وهو حده معصب : عاجبج إللي سويتيه
حور تعبانه مافيها حيل للأخذ والعطا صدت عنه وماردت عليه
سعود نسى انها تعبانه: ليش ماتردين
نرجس : دكتور إشفيك حور تعبانه مافيها حيل للكلام

سعود استوعب لنفسه وتنهد: أسف نسيت نفسي
قرب منها ومد إيده مسح راسها: انتي ارتاحي الحين بخليهم يعطونج ابره مهدئه

طلع ونرجس مصدومه من إللي صار قدامها سعود يحب حور اكيد يحبها وإلا ليش هالاهتمام كله
حور ماكانت مستوعبه إللي يصير العمليه ذابحتها والبنج للحين مخدرها

دخلت الممرضه وعطت حور ابره مهدئه وغطت بنوم عميق



دخلوا منال ومنار المستشفى ووياهم أغراض ( سعاد عطتهم ملابس لحور وفراش لنرجس وقالت لهم يشترون اغراض وياهم لانها ماتقدر تخلي الجده بروحها تعبانه)



دخلوا الغرفه بهدوء شافوا حور نايمه
منال ومنار بصوت واطي: سلام
نرجس : وعليكم السلام نايمه ماراح تحس فيكم
منال: للحين نايمه
نرجس : قعدت وطلبت ماي بس الدكتور مارضى قال مايصير ودخل الضابط عشان يحقق معها وتنازلت عن القضيه
منار : ليش تنازلت عن القضيه ليش ماخلتهم يسجنون هالزفت ويفكونا من شره
نرجس : أوف خلاص كيفها نخلص من سعود وتطلعين لنا انتي
منال ومنار باستغراب : ليش سعود إشفيه

(نرجس قالت لهم كل شي شافته وخوف سعود وكلامه لحور واهتمامه فيها )

منال : نرجسوه بلا جذب لاتبالغين
نرجس : وربي مااجذب هذا الصج واذا منتوا مصدقين شوفوه بعد شوي بيمر عليها

منار : نرجس اعرف حركاتج تسوين اكشنات

نرجس : خلاص كيفكم عمركم ماصدقتوا المهم امي ويدتي وين

منار : نرجسوه قولي الصج

نرجس : خلاص بتشوفون بعينكم
منال : منور خلاص إللي بالجدر يطلعه الملاس
نرجس : المهم وين أمي
منار : أمي العودا تعبانه وقعدت عندها يمكن مايقدرون ايجون اليوم باجر الصبح بيكونون عندنا
منال : نرجس حور العمليه كانت تعورها وإلا لا
نرجس : أكيد تعورها هذي عمليه موجرح بسيط حتى عطاها الدكتور ابره مهدئه الله يعينها
منال : أوه العشا اذن وأمي قالت نرجع قبل العشا يلا منور خلينا نصلي بعدين انرد للبيت
منار : لا انا بقعد عند حور
نرجس : اقول روحي روحي شدعوه تعرفين تسوين شي غير البجي بعد تقوم حور تبي شي بدال ماتساعدينها بطقينها بجيه
منار : ههه تراج سخيفه
نرجس : شكرا عالمجامله الطيفه
منال : اقول خلصينا نصلي ونرد قبل تعصب امي علينا
منار : زين ليش ماانام كلنا عند حور
نرجس : حشى حفله مو مستشفى حسبالج بيرضون مايصير لازم مرافق واحد

منار : ادري يالغبيه ننخش تحت السرير ماراح يدرون

منال اعجبتها الفكره: أي والله صج ماراح يدرون عنا بدق على أمي وأقولها
نرجس : يلا دقي إن شاء توافق تراني خايفه ارافق بروحي

(دقت منال على امها وقالت لها ان نرجس ماتقدر تسند حور بروحها لازم احد معاها وان نرجس خايفه وانهم بينخشون وماراح احد يدري عنهم وياللـــــه وافقت)


منار : هاه وافقت
منال : افـــــا عليج حنيت على راسها لين وافقت

نرجس : خلاص إذا انتهت الزياره على طول تنخشون عشان إذا يت الممرضه تشوف الزوار ماتشوفكم

منار: خلاص زين أي بس شلون عالفراش ماجبنا إلا لحاف لج ولحاف لحور

منال : أي سيارة أمي فيها لحاف بروح اييبه
منار : يلا بسرعه لاتأخرين
منال : انزين خليني اصلي أول وانتوا قوموا صلوا

صلوا البنات وعقب نزلت منال اتجيب الحاف من السياره دخلت للغرفه ولقت سعود موجود

سعود لف لنرجس : للحين نايمه ماتكلمت ولاطلبت شي
نرجس : لا ماطلبت شي أصلا من عطيتوها الابره وهي نايمه
سعود : احسن خلوها ترتاح الابره بتنومها لي بكره
منال : انزين دكتور متى نقدر انطلعها
سعود : توالناس يبيلها اسبوع إلى عشرة أيام
منار : أوللـــــه ليش انت موتقول إن الجرح بسيط

سعود : لازم يلتأم الجرح

منار : انزين دكتور بكره إذا قعدت راح تعورها العمليه وإلا الابره ماراح تخليها تحس بالعوار
سعود تنهد : منى لي بكره يصير خير إن شاء الله بتكون بخير وحالتها احسن " يلا انا استأذن وأي شي تحس فيه نادوني انا بمكتبي
نرجس : إن شاءالله مايصير لها شي
سعود ابتسم : اللهم اميـــــن إن شاء تقوم لنا بالسلامه(طلع)

نرجس بثقه : هاه انا جـــــذابه وابــــالغ
منال : عزالله الريال مفضوح شفتوا نظراته ونبرة الخوف إللي بصوته
منار : أي والله لا ويوم قال تقومها لنا بالسلامه شكوا ملزق نفسه فينا
نرجس : الحب ياحبيبتي ومايسوي هذا إللي شفتوه شي بسيط من إللي شفته






(بيت عناد)
عناد : اقولج هذي قطوه ام سبع ارواح ماتموت
سكينه : قدتك نيله دي لو ماتت كونا روحنا بستين داهيه ودلواتي خلاص الآطيه (القضيه)انتهت
عناد : اي خلاص تنازلة عن القضيه ووقعوني على تعهد وخلاص
سكينه : وحتسيبها خلاص
عناد : بعيدن عن خشمها اسيبها لابس بشكل مؤاقت لين تهدى الامور
سكينه تزيد النار حطب : أيوه ياخويا خوفت ألبك حن عليها وحتبطل منها
عناد : هههه انا قلبي يحن عليها تهبى بنت حمد لو الكافر يحن عليها ماحنيت عليها مصير الايام اتجيبها والله لحط حرة ابوها الكلب فيها





""مااقدر اكرهـــــك ولكن ماقدر أحبـــــك
بين متناقضات الـــــذات وش جـــــابك
لاخفق لك خفـــــوق ولا تحدربـــــك
دمع عينـــــي وإلا جرحي تغنـــــابك
كيف اجل صـــــارت عيوني تخاشـــــربك
ليه طـــــارت بنومي زحمة اسرابـــــك
كيف حبـــــك تسلل دون مااشعربـــــك
كيف صـــــرت افقدك واحن لعتابـــــك
كيف انا محيـــــرك صرت اتحيربـــــك
الشعور اتجاهـــــك صار متشابـــــك
مقدر اكتم غـــــلاك ولا اقدر اجهربـــــك
بيني وبين نفســـــي ضعت بسبابـــــك"""



: ليش تبعدين
: قربك عذاب
سعود: بس انا أحبج
حور : هو إللي يحب يتلذذ بتعذيب محبوبه
سعود : اسف على كل شي
حور : شكلي بتعب من كثر مااسمع هالكلمه
سعود : انتي حيرتيني مرات أحس اني اعشقج ومرات احس اني اكرهج بين متناقضات الذات وش جابج
حور : عمر الحب مايجتمع مع الكره انت عمرك ماراح
تحبني
سعود : طيب لحظى لاتروحين حور اسمعيني المكان هذا خطر لاتروحين له حـــــور حـــــور


فز من نومه مخترع : اعوذ بالله من الشيطان الرجيم إشهالحلم الله يكفيني شره

سمع اذان الفجر قام وتوضى وراح للمسجد





الساعـــــه 6 الصبـــــح

فتحت عيونها الشمس اشرقت وبدت اشعتها اتسلل للغرفه
التفتت شافت ثلاث نايمين عالارض شافت الشمس ساطعه على شعر نرجس الاشقر ابتسمت اعرفت انها نرجس
حور بتعب صوتها يالله يطلع : نرجس
نرجس ماسمعتها
حور تحاول تعلي صوتها اكثر :
نرجس
نرجس حست فيها وفزت من فراشها : حور إشفيج شي يعورج
حور ابتسمت بتعب:
انتوا صليتوا
نرجس شافت ساعتها لقتها6: قصدج الفجر أي صليناه الساعه الحين 6
حور : انزين ابي اصلي الصلوات إللي فاتتني
نرجس : إن شاءالله حبيبتي الحين احط لج بالطاسه ماي
بس خليني أغسل واقعد هذولي
راحت للحمام تغسل وتفرش اسنانها وعقب راحت تقعد البنات
نرجس : منال منال يلا قومي
منال قامت مخترعه: هاه شنو حور فيها شي
نرجس : بسم الله عليج لامافيها شي بس يلا قوموا غسلوا قبل إيون الممرضات
منار حست فيهم وقعدت شافت حور مفتحه عيونها نقزت لها باست راسها وإيدها : صباح الخير حبيبتي سلامتج هاه شلونج إن شاءالله احسن
حور ابتسمت بتعب : الحمدالله

منال تفرك عيونها وللحين قاعده عالفراش : الله يخسج خيستيها روحي غسلي
منار : اوه نسيت شسوي من الفرحه
نرجس : خلصوني غسلوا وشيلوا قشكم قبل لاإيون الممرضات

منال ومنار راحوا يغسلون ونرجس جابت طاسه فيها ماي لحور عشان اتوضى

نرجس :يلا حبيبتي غسلي شوي شوي وهذي الزباله بمسكها تمضمضي وغسلي وإيدينج وريولج خليها انا امسحها بالماي

منار: لوجايبين تراب عشان اتيمم احسن لها
نرجس: شنسوي نسينا والحين ماقدر انزل يلا مايخالف تتمضمض وتغسل خشمها وويها والباقي إحنا بنكمله لها

سندوا حور غسلت وجها وتمضمضت وعقب سدحوها ومسحوا إيدينها وراسها وإذونها ومنار مسحت رجولها
صلت الصلوات إللي فاتتها وهي منسدحه وعقب ماخلصت

منال سلمت عليها : حياتي سلامتج حسبي الله عليه يعله الماحي
حور بتعب : الله يسلمج
منال : يلا حبيبتي خلينا انلبسج ملابسج
حور : بس شوي شوي لاتلمسون الجرح
منار : لاتخافين حبيبتي ماراح نقرب منه
نرجس : منال انا ومنار نقعدها وانتي لبسيها
منال : خلونا بالاول نوخر هالبس إللي عليها
حور : لاشنو تشوفون جسمي
منال : ياحليلج تستحين منا خلاص اول ندخل راسج ومنار تساعدج وانا ونرجس بنغمض
حور : لاحتى منار تغمض
نرجس : اقول خلصينا شنو تستحين منا أحنا خواتج وإللي عندج عندنا

(لبسوها ثوب قطني واسع مريح لها وكانت معانات خايفين لايعورونها وفي نفس الوقت حور كل شوى لاتطالعون غمضوا عيونكم بس فالاخيرا خلصوا)

منار : أوف مابغينا حشى صار بنيان بيت مو لبس
حور : لبسوني شيله
منار : جبنالج ملفع قطني اريحلج ويثبت
حور : مايخالف المهم شي يغطي شعري
نرجس : يلا انتوا انخشوا بفتح الباب الحين الممرضات بييون
منال : اوه نسينا يلا منور تعالي ننخش

(منال ومنار انخشو تحت السرير ونرجس خذت الحاف وفرشته عالسرير بحيث انه يغطي فتحات السرير من تحت عشان مايبينون البنات وعقب فتحت الباب )


دخلوا الفطور( توست وجبن وشرائح طماط وخيار وكوب حليب )
نرجس : خلاص أكل
الممرضه : لا أول يشوف دكتور بعدين أكل
نرجس : متى يجي دكتور
الممرضه : الحين يجي

قاست الممرضه ضغط حور وسجلته بالملف



طق الباب ودخل بهيبته
سعود مبتسم وعينه على حور: صبـــاح الخير هاه شلون مريضتنا اليوم
حور بتعب : الحمد الله
سعود يقرى ملف المريضه: لا ماشاء الله الوجه اليوم منور
نرجس : دكتور تقدر الحين تأكل
سعود : أيه تقدر تأكل وتشرب إللي تبيه عساه مداخيل العافيه
حور : ماردت
نرجس : يعافيك دكتور


(تحت السرير )
منال بصوت واطي: ألعن أم الجوتي شحلاته
منار مدت اصبعها تلمس جوتي سعود
سحبتها منال : حمدالله شتسوين يالهبله
منار : كسر عيني بلمعته
منال : منـــــو
منار : الجوتي
منال : الحمدالله والشكر أكيد بيكون يلمع وإلا حسبالج مثل جواتيكم المدرسه انتي ونرجس مغبره عمركم ماتصدقتوا عليها ومسحتوها

منار : فكينا بس كلها جواتي مدرسه
منال : أوص خلينا نسمع شيقول



سعود : ليش ماتبين لازم تأكلين
حور بتعب :بس مابي بس ابي ماي
سعود : خلاص الحين اعطيج ماي بس بالاول أكلي لو عالاقل لقمه
حور صوتها يالله يطلع : خلاص بس ابي طماطه
سعود فديت انا الطماط اللي تأكلينه : خلاص بسويلج توسته واحط فيها جبن وطماط واكلي لو ربعها لازم عشان الدوا
حور شوي وتبجي : خلاص بس شوي أكل
سعود ابتسم : خلاص بس شوي أهم شي تأكلين

قرب الطاوله منها وحط الجبنه بالتوست وحط فيها طماط

سعود : يلا انا بروح وبرجع بعد شوي ابيج تأكلين عدل اتفقنا

هزت حور راسها بنعم


طلع سعود وطلعوا البنات من تحت السرير خلاص الحين فتحوا الزياره عادي لو احد شافهم البنات غصبوا حور يالله كلت لها لقمتين وشربت ماي

منال : حوره عشان خاطري بس لقمه اخر لقمه
حور بدت تبكي : مابي خلاص
نرجس : خلاص حبيبتي لاتبجين خلاص على راحتج
حور تبجي: ابي أمي نادوها
منار : خلاص حبيبتي الحين بتجي أمي وخالتي سعاد
منال : خلاص حبيبتي انتي ليش تبجين ترى والله لطقها بجيه وياج
حور بدت جبدها تقلب : عطيني الزباله برجع
منال قربت الزباله منها ورجعت كل إللي كلته وبدت ترجع وتبجي وحالتها حاله
نرجس تشربها ماي : شربي حبيبتي شوي
حور شكلها يقطع القلب : أأآي ابي أمي أأأأه
البنات ارتبكوا واختبصوا حالتها تقطع القلب
منار ركضت تنادي الدكتور

دخل سعود وهي تبكي : إشفيهـــــا
منال بخوف: دكتور كلت وعقب رجعت إللي كلته وشكل العمليه عورتها من الترجيع
سعود بحنان : حور حور اسمعيني هدي شوي قوليلي شاللي يعورج
حور تبجي وتشاهق : كله منك قلت لي اكلي لما عورتني
ابي امي (تشاهق) نادوا امي

سعود عوره قلبه : حور عادي إذا رجعتي عشان البنج يطلع من جسمج لاتخافين مارح يصير للعمليه شي هدي خلاص عاد
حطت إيدها على فمها بترجع قربت منها نرجس الزباله وبدت ترجع مره ثانيه تحس روحى بتطلع

سعود خذى كلينكس وبلله بالماي وقعد عالسرير مد إيده عشان يمسح دموعها وصدت عنه حور
مد الكلينكس لمنال : مسحي وجهها
خذت منال الكلينكس ومسحت دموعها ووجهها

سعود خذى قلاص وصب فيه ماي : هاكم شربوها
خذت نرجس الماي : حور يلا اشربي شوي
حور للحين مستمره بالبكي: مابي
سعود اعتفس يحاول يهديها قلبه عوره : حور خلاص ماتبين لاتشربين بس تكفين خلاص هدي ماله داعي كل هالدموع

منال : حووره حبيبتي شنو العمليه تعورج
حور دموعها على خدها هزت راسها : أي تعورني يمكن انفتحت
سعود قرب منها : ممكن اشوفها
حور : لامابي ابي دكتوره
سعود بحنان : حور انا الدكتور المسؤؤل عن حالتج ومافيه دكتوره الحين فاضيه
حور : خلاص خل السستر تشوفها
سعود : هذي شغلة الدكتور مو شغلة الممرضه
منال : حور خلاص خلي الدكتور يشوفها حبيبتي هدي اعصابج
نرجس : خليه يشوفها إن شاءالله ماتكون مفتوحه يلا عاد
منار ماسكه نفسها العبره تروح وترجع

حور للحين مستمره بالصياح : مابي خلو امي أول تجي


في هالحظه دخلت الجده والخاله سعاد

الجده بخوف لمت حور : حبيبتي بسم الله عليج إشفيج

حور لامه جدتها وتبكي : يمه ليش خليتيني
الجده بدت تدمع عيونها : يايمه ماخليتج هذا أنا جيت بسم الله إشفيج
حور : يمـــــه أنا خايفه
الجده : بسم الله عليج إشخايفه منه
حور تشاهق: من كل شي من كل شي

(سعود ما قدر يتحمل حور قطعت قلبه طلع وراح لمكتبه )

(دخل مكتبه والدنيا ضايقه فيه ماتخيل يشوف حور بهالمنظر عمره ماتخيل يشوفها بهالضعف والخوف صح إللي صار لها موبشويه بس ماتخيل انها بتكون ضعيفه لهدرجه يمكن من المرض خاصه إن المريض ابسط شي يتعبه واتفه الامور اتضايقه )



سعاد تحاول تلطف الجو: أولله كل هذي دموع يالدلوعه اتدلعين على خالتي وانا حسبالي إنج شجاعه شخليتي لأم دمعه منال ومنار

نرجس لفت لمنال ومنار : وانتوا لازم مجرى السيل هذا الحين ليش تبجون حور سكتت وانتوا للحين تبجون

منار : انتى انطمي ترى مالنا خلق لج
منال تمسح دموعها: حسبالها كل الناس مثلها قلوبهم حجر

نرجس تضحك: ههههه روحوا غسلوا الله يفشلكم اولى روضه احسن منكم
منار : ههه ترى حدج مليغه
منال :هي بروحها سخيفه وتستخف دمها

حور ضحكت على سوالفهم
سعاد : فديت الضحكه لوندري انج بتضحكين جان مخلينهم يتناجرون من زمان
الجده : عساها دوم هاه يمه شي يعورج
حور تبتسم : يمه يوم رجعت العمليه عورتني
الجده : يمه ماشافها الطبيب
نرجس : ماخلته يشوفها
الجده : ليش يمه
حور : يمه ابي دكتوره العمليه مكانها حساس
الجده : يايمه مافيها شي عند الضروره تحل المحرمات وبعدين سعود هو إللي سوا لج العمليه مافيها شي
حور : يـمه فشله وبعدين سعود من جماعتنا والله فشله
سعاد : لافشله ولاشي وبعدين هو دكتور ويعرف شغله وإذا من جماعتكم يعني شنو هو دكتور وبيحفظ اسرار مرضاه وبعدين لاتنسين القسم إللي اقسموا عليه

حور اسكتت ماردت
الجده : يمه منال روحي ناديه خليه يشوفها
حور بسرعه: لا لاتنادينه إذا مر عالمرضى بيمر علي







(فوزيه تكلم فواز)
فواز معصب : انتي متأكده من الكلام إللي تقولينه
فوزيه : أي متأكده مي رفيجتي قالتلي
فواز : هذا استخف إشناوي عليه لي متى يعني ماكفاه إللي سواه
فوزيه: لاوفوق هذا تنازلت عن القضيه بس اعتقد انهم وقعوه على تعهد مايتعرض لها
فواز : شدعوه ابوج بيلتزم بتعهد أوغيره مادري وين بيوصله هالحقد
فوزيه : فواز لازم نزورها
فواز : إن شاءالله بس مواليوم
فوزيه : إللي تشوفه
فواز : يلا تبين شي
فوزيه : سلامتك
فواز : يلا فمان الله
فوزيه : فمان الكريم


سكر من فوزيه ونزل لابوه فالصاله وهو حده معصب

(عناد وسكينه مثل العاده الشيشه و الاغاني و سكينه ماتتعب ولاتمل من الرقص والهز على طول الخط وهذا حالها )

دخل الصاله واتجه لتلفزيون وصكه
فواز معصب: ماشاءالله اغاني ورقص ومسخره ولا كأنك مسوي شي انت ماتخاف ربك لي متى وهالحقد إللي بقلبك موراضي اتخلص منه

عناد ولاكأنه مسوي شي: خير شعندك معصب عسى ماشر

فواز عصب زياده: إللى الشر بعينه وعلمه لي متى وانت قلبك مليان حقد منت قادر تنسى تعيد وتزيد في سالفه صار لها فوق25سنه حور إشدخلها فالموضوع مثل منت كاف خيرك عنهم كف شرك

عناد عصب هذي السالفه تنرفزه: لا ماني مخليهم في حالهم والله لذوقها العذاب بنواعه بنت الكلب حمد إللي ذوقني العذاب 30سنه خذى مني حلم عمري

فواز : عمي حمد ماله شغل في شي خلاص هذا النصيب بونوره هو إللي طلب من عمي يتزوجها بس انت منت راضي تقتنع بهالشي خليت الحقد يعمي عينك المره ماحبتك ولافكرت فيك وأصلا ليش تحبك من برك بوالديك وإلا من حسن تعاملك مع الناس وإلا من شهامتك وإلا أمانتك انت توهم نفسك


عناد : انا إللي شفتها أول و حبيتها أيه حبيتها من كل قلبي وهو النذل قام يتقرب من ابوها ويمثل عليه إنه شهم وشجاع وأمين لين وثق فيه وحطه الذراع ليمن له وعقب زوجه حلمي

فواز : عمي حمد ماكان يدري ان خاطرك فيها انت ماقلت له شي وبعدين انت نسيت انك سرقت ابوها ولو مابقي من الرياجيل إلا انت مازوجك ياها

عناد : كنت بتزوجها غصب عن ابوها وعنها كنت بذبح ابوها واتزوجها بس الحقير جا في طريقي

فواز : ههه الذبح عندك عادي مثل شربة الماي حتى لو افترضنا انك ذبحته وتزوجتها اتضن انك بتجبرها تحبك ماتنجر روح(ن) على روح

عناد : إلا بتحبني بخليها تحبني كنت بحطها بعيوني بسوي كل شي تبيه بس هو خذاها مهما سويت فيه ماراح يشفي غليلي

فواز:ماكفاك إللي سويته ذبحت فرحتهم الاولى ذبحت ولدها إللي هو ولد اخوك إللي لوكان عايش بيكون بعمري أواكبر مني بسنه وتسببت بموتها وموت أخوك الوحيد الحقد اعماك خليت الشيطان يركبك ضيعتنا وضيعت نفسك وتبي تضيعنا اكثر

عناد : هو السبب في كل شي خلاني اكرهه وحلفت ماتزوج من بنات الديره وتزوجت سكينه وزاد كرهي له اي نعم ذبحت ولده وهو في الاشهر ذبحته عشان اشفي غليلي وماشفيته ووهقته بالقروض والديون وحاولت ادمره بالمخدرات بس ماقدرت كان إيمانه بالله قوي وصلاته دايم فالمسجد ماقدرت عزمته أكثر من مره عالغدا وحطيت له سم فالاكل وفي كل مره يصير شي يخليه يطلع قبل لاياكل وفي الاخير دزيت له ناس عشان يدعمونه ويموت والجو يخلى لي واتزوجها بس ماصار إللي ابيه ماكنت ادري انها معاه بالسياره(بدى يصيح ) آآآآآه يانوره آآآآه بس والله ماخليهم لفني عايلته كلها وببدأ ببنته حور وبعدين اخوانها مابيهم يعيشون بدمرهم مثل مادمرني ابوهم

فواز : اصحى لنفسك الدنيا ماتجي على الكيف الدنيا دواره انا ادري اني مهما اعيد وازيد مايفيد معاك الكلام بس بقولك كلمه لاتظن نفسك قوي وانهم ضعاف فيه رب العالمين أقوى من كل ظالم

سكينه تزيد النار حطب : إيـــــه بتوأول إيـــــه ابوك زالم(ظالم) انت معاهم ولامع ابوك دنتى المفروض توأف في صف ابوك وتوريهم العزاب(العذاب)


فواز طالعهم بسخريه: ونعم الزوجه انتي لو زوجه صالحه لو كنتي تحبينه وتخافين عليه كنتي قدرتي تنسينه نوره وتخليه يحبج ويغار عليج ويبعد عنه الحقد وخليتيه يهتم ببيته وزوجته وعياله بس انتي كل همج الفلوس سواء حرام أو حلال

(طلع وخلاهم يعرف لويتكلم سنه كامله ماراح يفيد معاهم الكلام)



( اظن الحين عرفتوا سر كره عناد لاخوه حمد اكيد الكل يتسأل فواز إشعرفه بالسالفه كلها " السالفه هذي من قبل لايولد فواز قبل لايتزوج عناد سكينه بخمس أو أربع سنين عناد كان يشتغل فراش بشركة بونوره وفي مره من المرات طلب منه يوصل اغراض للبيت وشاف نوره وتعلق فيها وحبها نوره كان يكسر خاطرها لانه فقيروشري ومنبوذ بين الناس الكل كان يكرهه فكانت تشتريله ملابس وتعامله بعطف وهو كان يضن انها تحبه وفي مره من المرات سرق فلوس من سيارة بونوره عشان يتاجر فيها ويصير من مستواها ويتزوجها لكن بونوره شافه وطرده من الشركه وفي نفس الوقت حمد كان موظف بسيط فالشركه بس الكل يشهد بأمانته وأخلاقه ترجى حمد بونوره عشان يرجع عناد لشغل ووافق بونوره بس بشرط يشتغل بنص الراتب ووافق حمد وصار يزيد من راتبه على راتب عناد بدون مايدري عناد ان بونوره طلب انه يشتغل بنص الراتب بونوره عرف بهالامر من ام حمد إللي كانت صديقه لأم نوره
وكبر حمد في عينه وبدى يرقيه ويقربه منه اكثر ويأمنه على اسراره لين صار الذراع الايمن له" وبعد مرور الوقت عناد صار مايداوم وكل همه يجمع المال تخاوى ويا شله فاسده وصاروا يسرقون الناس وكل مره يسوي مشروع وفي كل مره يفشل لان مال الحرام مايتبارك نصحه ابوه وعصب عليه وهاوشه ومافاد معاه كان عاق في والديه إذا هاوشه ابوه وحمد في الشغل يدز ابوه ويكسر عصاته ويحذفها عليه وأمه يسرق ذهبها" وفي يوم من الايام بونوره طلب من حمد يتزوج بنته لانه ماراح يلقى احسن منه لبنته ومن عرف عناد بزواج حمد لنوره وهو يكرهه ويحقد عليه واستمر على هالحال وتزوج سكينه وتوقعت أمه انه بيهتدي وبينصلح حاله بس زاد الطين بله ومات ابوه بسبته من القهر فضحه بين الناس بسواته الشينه يسرق ويسكر ويتكلم فعراض الناس "
أما شعرف فواز بالسالفه فهو إن فواز كان قريب من جدته ومره سألها عن حال ابوه قبل لاتموت جدته بسنه كان وقتها عمره 15سنه وقالت له كل شي خافت ان ابوه يزور بالكلام ويزرع الحقد بقلب فواز اتجاه عمه )





( لنــــــــــدن )

منايل كانت قاعده بأحد المقاهي زهقانه صار لها ثلاث أيام ادق على حور ومنال ومايردون
منايل : أوف هذولي وينهم وحده تلفونها مغلق والثانيه ماترد
قامت خذت جنطتها والروايه إللي تقراها بترجع للبيت مشت وكانت ادق رقم بيت حور

جا شاب بإيده أوراق وشكله مستعجل ودعمها طاحت أوراقه وطاحت روايتها

بندر عصب : عمى ماتشوفين
منايل : يعمي عيونك
بندر نزل يأخذ أوراقه : بعد غلطانه ولسانج طويل إذا ماتشوفين البسي نظارات عشان تشوفين عدل (مشى وخلاها )

منايل تنرفزت: مالت عليه متخلف حتى ماكلف نفسه يشيل روايتي صج تافه(شالت روايتها ورجعه للبيت)




(في منطقه جليب الشيوخ احد المناطق القديمه والمتواضعه في الكويت )

الجده هيا : يالعنود اخلصي خلينا اروح قبل الليل
نوير : ياليل الشقى عجلي بيجي الليل ماوصلنا السوق
العنود تلبس غطوتها : خلاص جيت أوف مابغيت القى غطوتي
الجده هيا: يلا مشينا نلحق نبسط عسى ربي يرزقنا حلال



(بندر والجده هيا والعنود ونوير شخصيات جديده بتعرفون عليها فالبارتات الجايه)







"صبـــــاح يوم جديد"

الجده ماسكه كوب حليب عليه حلبه: يايمه اشربي هالحليبه خلي جرحج يبرى
حور تكره ريحه الحلبه : يمه تكفين ماحب الحلبه ليش تحطينها
الجده تحاول تقنعها : يابنتي الحلبه زينه تقوي مناعتج وتقوي جسمج
حور يعتفس وجهها : يمه ماحبها الله يديم النعمه
الجده : خلاص بس شوي عشان خاطري
حور خذت الكوب وسدت خشمها وشربت شوي : يلا خلاص شربت عشان خاطرج
الجده : فيه العافيه
حور ابتسمت : يعافيج وخليج لي
الجده : الساعه صارت 9 وسعاد للحين ماجت مادري علامها

دخلت الممرضه: السلام عليكم
حور والجده : وعليكم السلام
الممرضه : حور جهزي نفسك هلأ بتجي الدكتوره سمر لتكشف على عمليتك
الجده : والطبيب سعود وينه
الممرضه : مش حور طالبه دكتوره تكشف عليها والدكتور سعود طلب من الدكتوره سمر تكشف عليها
حور ارتاحت : خلاص انا جاهزه
الممرضه : هلأ بتجي
دخلت الدكتوره سمر : صباح الخير
حور : صباح النور
الدكتوره مبتسمه : هاه شلون مريضتنا الحلوه
حور ابتسمت : الحمدالله احسن
الدكتوره : الحمدالله يلا اشوف العمليه
حور خافت: تكفين شوي شوي لاتعوريني
الدكتوره ابتسمت : إن شاء ماراح اعورج بس بشوفها وترى الدكتور سعود اذاني من كثر مايوصيني عليج شكلج تهمينه حيل
حور انقلب لونها وماردت

الجده على نياتها : الله يعطيه العافيه عسى عياله يتوصون فيه

شافت الدكتوره عمليه حور والحمدالله مافيها شي ومانفتحت خياطتها بس حور من الخوف صارت اتوهم

الدكتوره : لا الحمدالله مافيج إلا العافيه بس انتي لاتخافين وتقعدين تفكرين فيها

الجده : الحمدالله الله يعطيج الصحه والعافيه يادكتوره

الدكتوره : الله يعافيج ماسوينا إلا واجبنا يلا عن اذنكم بروح اطمن الدكتور سعود ينطرني بالمكتب

حور : شكرا دكتوره
الدكتوره: العفو


طلعت الدكتوره سمر راحت لمكتبها لقت سعود على اعصابه
سعود متوتر : هاه دكتوره سمر بشري
الدكتوره سمر ابتسمت : شوي شوي على عمرك ماله داعي كل هالتوتر مافيها إلا العافيه والعمليه مافيها أي شي تطمن

سعود تنهد براحه : الله يبشرج بالخير يلا عن اذبج تعبتج وياي
ويعطيج العافيه

الدكتوره سمر : الله يعافيك






(وصلت سعاد والبنات وخالد
ماخلوا شي ماجابوه عصاير وفطاير وحلويات وككاوات بالمختصر خموا الجمعيه خم)

خالد يحب رأس حور وخشمها وخدها : سلامتج ماتشوفين شر تصدقين ماقالولي انج بالمستشفي كل ماسأل عنج يقولون بالشغل أو نايمه

حور تبتسم : الله يسلمك حبيبي انا قلت لهم مايقولون لك مابي اخرب عليك لعب البلاستيشن انت ماصدقت العطله اتجي عشان تلعب 24ساعه

خالد : حور قوليلي شلون الحرامي طعنج ماكان فيه احد بالشركه وسعود وينه

(طبعا قالوا لخالد ان فيه حرامي كان يبي يسرق جنطتها وحور مسكت جنطتها وقعدت تصارخ وطعنها"ماقالواله ان عناد هو السبب " خالد توه صغير مايبون قلبه يمتلي حقد على عناد وكل ماكبر يكبر هالحقد معاه)

حور : لاحبيبي الموظفين اغلبهم طلعوا وانا كنت طالعه من باب الشركه ماشفت إلا الحرامي جاي صوبي يبي ياخذ جنطتي وماخليته وعقب شاف سعود يركض صوبنا وطعني ونحاش

خالد : والله لوكنت اعرفه لذبحه وادخل بسبته الاحداث

حور بخوف: خالد إشهالكلام انت إشعرفك بالاحداث وين سامعها

خالد: واحد كان يدرس عندنا زواج أمه كان مأذيه ويعذبه ويعذب أمه ويوم شافه نايم طعنه ومات زوج امه وهو دخل الاحداث

حور : خالد مابي اسمع هالكلام حنا مسلمين وقتل النفس حرام وبعدين الله فوق وعالم بكل شي وهو بياخذ حق كل مظلوم من كل ظالم

خالد : بس زوج امه كان يعذبه

حور : حتى ولو هذا حرام الله بيأخذ حقه منه وكل ظالم له يوم الحين هو شستفاد دخلوه الاحداث وخسر مستقبله ياخالد المسلم الصالح يخاف ربه ومايسوي شي يغضب ربه ويعرف إن كل ظالم له يوم يلا ابيك تستعفر ربك ولاعاد اسمع هالكلام منك

خالد : استغفرالله خلاص اوعدج ماعاد اقول شي يغضب الله

[حور : أي بارك الله فيك


سعاد والجده ومنال كانوا فارشين لهم عالارض وقاعدين يتقهون ويسولفون ومانتبهوا لخالد وحور

الجده : إلا نرجس ومنار وينهم ماشفتهم
منال : قالوا يبون يشترون موكا من الكوفي إللي تحت




منار ونرجس شايلين موكا ودونات ويمشون فالممر
شافوا غرفه من برى كلها بوكيهات ورد

منار: أوه لحظه لحظه شوفي بوكيهات الورد هذي تهبل كل واحد احلى من الثاني

نرجس: أي صج تصدقين مايبنا ورد لحور هاج هاج مسكي الموكا
منار مسكت الموكا: ليش إشبتسوين
نرجس : الحين أوريج إشبسوي بس انتي راقبي
منار شهقت : نرجسوه يالخبله إشبتسوين
(نرجس راحت خذت بوكيه ورد كبير لونه احمر وفيه دباديب بيض وعليه سلاسل على شكل حلقات صغار طايحه لون اصفر واحمر شكله روعه تلفتت يسار يمين ماشافت احد شالته ومشت ولاكأنها سوت شي)

منار :ههههه نرجسوه يالحراميه إشسويتي
نرجس : اللي يسمعج يقول بايقه ذهب كله ورد بنحطه بغرفة حور وإذا طلعت من المستشفى بالسلامه برده مكانه وبعدين انتي ماشفتي الممر شلون تارسه الورد يعني بوكيه واحد ماراح يأثر

منار: ههههه لاانتي حراميه شريفه دام جذي يلا خلينا اروح لأهلنا
نرجس: منور بذمتج البوكيه مو يهبل
منار : يهبل وبس إلا يأخذ العقل

نرجس : أوه أي صج اذا سألوا أهلنا بجم شارينه شنقول

منار : صج وهقه مادري بس اتوقع يمكن بعشرين دينار

نرجس : هههههه يالخبله واحنا من وين لنا عشرين دينار كل اللي عطتني أمي خمس دنانير

منار: لاعادي نقول فتحنا اليوم حصالاتنا وكل وحده مجمعه 15دينار خذينا عشرين وشرينا فيها هاه شرايج فيني

نرجس ضحكت: ههههه والله ويبتيها يأم دماغ انتي

منار : افا عليج اعجبج يلا سكتي وصلنا

دخلوا الغرفه
نرجس ومنار : السلام عليكم
الكل: وعليكم السلام
حطوا بكيه الورد عالطاوله
منال : الله إشحلاته من وين شريتوه
منار بصوت واطي: اختج هذي لوتنطم احسن
نرجس : اي والله زينها ماكله تبن وساكته
منار : هاه أي هذا شرينه من محل بوكيه الورد إللي تحت

سعاد : صج والله عنده بكيهات حلوه وينها ماشفتها يوم دخلته

نرجس ارتبكت : ههههه لااحنا نبشنا بالمحل تنبش وشفنا هالبوكيه هو الوحيد الحلو والباقي عاديه باقات ورد
عاديه
حور : مشكورين حبايبي يعطيكم العافيه ليش تكلفون على عمركم
منار بصوت واطي: خاف صج مكلفين على عمرنا
نرجس طقته بكوعها وابتسمت : شدعوه لاكلافه ولاشي إن شاءالله اعجبج
حور ابتسمت : يهبل حده روعه
منال : إلا صج وين الكرت

نرجس بهمس هذي إللي بتجلطني : هاه اي الكرت منور صج وينه

منار توهقت: اي هاه مادري يمكن طاح اي اكيد طاح

نرجس : اي حسافه طاح يلا مايخالف اهم شي البوكيه

انطق الباب
الكل : اتفضل
محد دخل
الجده : ادخل اتفضل
محد رد
الجده : انا بقوم اشوف منو


فواز : خلاص دشي
فوزيه:خايفه ادخل وياي

طلعت الجده وسكتوا
الجده عرفتهم : نعم
فواز: السلام عليكم

الجده بدون نفس : وعليكم السلام خير

فواز : شكلج ماعرفتينا انا فواز وهذي فوزيه عيال عناد

الجده : والله والكوبه خير ماكفاكم إللي سواه ابوكم جايين بعد تكملون الناقص

فواز انحرج : لاحنا مايرضينا إللي سواه ابوي حنا بس جايين انتحمد لحور بالسلامه

الجده : خلاص سلامك وصل ولاعاد اشوفكم جايين واللي جانا منكم كفايه ومثل ماابوكم كاف خيره خلوه يكف شره

فواز تمنى الارض تنشق وتبلعه ولاسمع هالكلام : حنا اسفين عالازعاج بس تأكدي إن حنا موراضين باللي سواه ابوي يلا عن اذبج

التفت لفوزيه وحط إيده على كتفها: يلا مشينا

دخلت الجده الغرفه وهي معصبه واتحلطم : بعد ماكفاهم إللي سواه ابوهم جايين ولهم عين بعد

(الكل مستغرب عن منو اتكلم)
سعاد : خالتي عن منو اتكلمين

الجده : بعد عن من عن عيال عناد فوق إللي سواه ابوهم جايين يقولون نبي نتحمد بالسلامه لحور

حور شهقت : يمه عيال عمي كانوا اهني ليش ماخليتيهم يدخلون
قامت تبي تنزل من السرير

الجده: وين قايمه شوي شوي على عمليتج
حور: بروح الحق عليهم هم مالهم شغل بالسالفه ليش ماخليتيهم يدخلون
الجده حست بالذنب : خلاص خليج بروح اناديهم
منال :يدتي خليج انا بروح اناديهم

طلعت منال بسرعه عشان تلحق عليهم ماشافتهم وبسرعه اتجهت للاسنصير لقتهم واقفين ينطرون الاسنصير يفتح فتح الاسنصير تقدموا عشان يركبون

منال : فواز فوزيه لحظه

فواز لف جهة الصوت واستغرب البنت إللي تناديه

منال تنحت فيه واسكتت وقعدت اطالعه

فواز: نعم اختي نادتيني

منال توهي تستوعب: هاه أي انت فواز ولد عم حور صح

فواز باستغراب: اي انا فواز خير

منال : حور تبي اتشوفكم اتناديكم

فواز : سلمينا عليها وقوليلها الحمدالله عالسلامه حنا ماودنا انجي ونضيق على احد

منال : اذا قصدك يدتها فتراها ماتقصد وقلبها طيب بس من حر مافيها لاتشره عليها

فواز كان بيرفض بس شاف فوزيه خاطرها تشوف حور وهون

فواز : خير إن شاءالله يلا جايين

مشت منال ومشوا وراها وصلوا للغرفه وقفت منال ومدت إيدها لفوزيه: يلا تعالي حور ميته على شوفتج

ابتسمت فوزيه ومسكت إيد منال ودخلت ويا منال الغرفه وفواز وقف عند الباب

منال خذت بوكيه الورد وسلة الحلاو من فوزيه
فوزيه دخلت فصخت نقابها وجمدت بمكانها
منال سحبتها: وهذي فوزيه وجبناها

فوزيه جمدت بمكانها التقت عيونها بعيون حور الانسانه إللي ياما اشتاقت لها وماتوقعت ان الدنيا بتجمعها فيها مره ثانيه

حور ماكانت اقل منها شوق اربط السانها قعدت اطالعها بكل شوق وفرح اشتاقت لها أي نعم اشتاقت لصديقة الطفوله

طولت بينهم النظرات

منال : شنو مطولين وانتوا اطالعون بعض

حور استوعبت لنفسها وفتحت إيدها : فـــــوزيه
فوزيه ركضت لها ولمتها على خفيف ماقربت من عمليتها بعدت منها ومسكت إيدينها الثنتين بكل قوه وباستها: سلامتج يالغاليه

حور نفس الشي ماسكه إيد فوزيه واطالعها بشوق: فوزيه اشتقت لج

فوزيه نزلت دمعتها: وانا اكثر بس ماكان ودي نلتقي بهالظروف
حور اسفه عاللي يسويه ابوي

حور مدت إيدها تمسح دموع فوزيه : ياحلو هالظروف إللي خلتني اشوفج عمري ماتخيلت ان الزمن بيجمعني فيج مره ثانيه

فوزيه :كبرتي وتغيرتي احلويتي بس قلبج مثل ماهو طيب وحنون

حور ابتسمت: حتى انتي كبرتي واحلويتي تغيرت ملامحج بس ماتغيرت ابتسامتج وغمازاتج

منار: يـــــووه ماصارت خلولي شوي من هالحب

فوزيه ابتسمت وعلى طول عرفت انها منار : أكيد انتي منار

منار ابتسمت وسلمت عليها: وهل يخفى القمر

فوزيه: هههه شلونج شخبارج

منار : تمام انتي شخبارج اشتقنالج

فوزيه: والله وانا اكثر

منار : تعالي خليني اعرفج
عالموجودين هذا امي العودا وهذي خالتي سعاد وهذولي بناتها نرجس ومنال

سلمت عليهم ورحبوا فيها وسألوها شخبارها صح الجده مالها خلق لها ومبين عليها العصبيه بس فوزيه من فرحتها بشوفت حور وعيال عمها ماهتمت
منار :و هذا خالد اخوي تذكرينه يوم كان صغير بريعصي موولد

فوزيه تفاجئة تذكره يوم كان بالاشهر : هلا خلودي ياحلوك كبر صرت رجال

سلمت عليه شلونك شخبارك

خالد: الحمدالله انتي شلونج واخيرا شفناكم

فوزيه ضحكت: هههه اي والله اخيرا

سعاد صبت لفوزيه قهوه: تفضلي منال ييبي الحلو

خذت فوزيه فنجال القهوه: تسلمين

منال مدت صينية الحلو: تفضلي

فوزيه خذت له قطعه كيكه : تسلمين

حور : خالد روح سلم على فواز

خالد : وينه

حور : فوزيه فواز برى

فوزيه : اي برى

خالد يعتزي : أخو حور ولد عمي برى ومحد قالي

ويركض مسرع للباب

الكل ضحك عليه شلون متحمس

طلع ولقى شاب قاعد على الكراسي وراح له

خالد : السلام عليك
فواز : وعليكم السلام
خالد : انت فواز
فواز : اي نعم
خالد ابتسم ومد إيده : يالله حيه انا خالد ولد عمك حمد (تصرفاته كأنه رجل مو طفل )

فواز فتح عيونه تفاجأ وفرح : هلا يامرحبا الله يحيك انت خلود (شاله وضمه)
خالد قعد يضحك : ههههه يارجال نزلني
فواز نزله : شلونك وشلون خواتك والله وكبرت وصرت رجال
خالد يضحك : هههه بخيرالله يسلمك انت وشلونك بشرنا عنك يالله حيه
فواز اعجبه كلام خالد حس انه اكبر من سنه: الله يحيك الحمدالله بخير إلا قولي ياخالد انت كم عمرك
خالد : انا عمري 10سنين
فواز ابتسم: ماشاءالله كبرت خابرك يومك بالاشهر
خالد : أي كبرت ومابغيت اشوف ولد عمي اسمع فيك ولاشفتك
فواز استانس عليه: هههه لاخلاص الحين شفتني وبنصير ربع إلا خالد انا ودي اتحمد لحور بالسلامه ياليت تسوي لي درب
خالد : ابشر ثواني

دخل لغرفه : فواز يبي يتحمد لج بالسلامه ياحور

حور لفت شيلتها عليها ومسكت طرفها بإيدها عشان تغطي وجها :خله يتفضل

خالد طلع لفواز : فواز تفضل

قام فواز تنحنح ودخل وقف عند الباب كان معطيهم جنبه : السلام عليكم

الكل : وعليكم السلام

فواز : صبحج الله بالخير يابنت العم
حور :صبحك الله بالنور
فواز : اشلونج وشلون صحتج بشرينا عنج
حور : بخيرالله يسلمك
فواز : سلامتج ماتشوفين شر
حور : الشر مايجيك
سعاد : شلونك يافواز عساك بخير
فواز ماعرفها : بخيرالله يسلمكم
فوزيه : فواز هذي ام فهد جارتهم صديقة خالتي نوره تذكرها
فواز ذكرها : هلا يامرحبا يالله حيها السموحه ماعرفتج وشلونكم بشرونا عنكم
سعاد :الله يحيك ابشرك بخير مانسأل إلا عنكم
فواز : تسأل عنكم العافيه يلا انا استأذن
سعاد : لاحشى وين ماضيفناك منال قومي صبي قهوه لفواز

منال اختبصت قلبها قام يرقع مثل رقع طبول الحرب : إن شاءالله يمه

خذت مطارة القهوه وفنجال وراحت له صبت له وإيدها ترجف
منال : تفضل

فواز كان صاد ومنزل عينه ماطالعها مد إيده يأخذ الفنجال وشاف الفنجال يهتز من رجفت إيدها ابتسم ومارفع عينه: زاد فضلج

منال تنحت قعدت اطالعه استغلت الفرصه انه منزل عينه وقعدت ادقق بملامحه عليه جاذبيه موطبيعيه

سعاد عطت خالد الصينيه : خالد هاك الحلو خل فواز يحلي

خذا خالد صينيه الحلو: تفضل ياولد العم حل

فواز ابتسم :اممم شأختار أي وحده حلوه
خالد : والله مادري كلها عندي زينه
فواز ضحك : هههه خلاص نجرب هذي إللي عليها كاجو
(خذى حلو الكاجو وكلاه)
خالد : هاه اعجبتك
فواز : امم لذيذه (وخذى وحده ثانيه منها)

منال متصنمه وشوي وتذوب لما ضحك وبينت غمازته وبخاطرها تقول اروح شوربة عدس لهالغمازه

فواز مد فنجاله وطول وهو ماده ومنال مانتبهت رفع طرف عينه وشاف البنت متنحه فيه

خالد بدفاشه وصوت عالي: هـــــاي يابنت صبي قهوه

منال اخترعت من صراخه ومدت إيدها بسرعه تاخذ الفنجال فواز ابتسم على شكل خالد خرع البنت

منال صبت قهوه ومدت الفنجال ومن داخل اتحلف بخالد بدوي دفش ماعنده إسلوب

فواز شرب القهوه ومد الفنجال وهزه : بس اكرمج الله

منال خذت الفنجال واربط السانها ماردت

فواز : اكرمكم الله ياجماعه استأذن

الكل : حياك الله

طلع فواز ومنال للحين متنحه بمكانها

خالد بلعانه قرب منها وصرخ : هــــــــــاي صبي قهوه

منال نقزت اخترعه : عمى بعينك ياخويلد لايكون انا خدامه عندك وانا مادري

خالد يضحك وبين ضرسه المكسور : هههههههه

منال بصوت واطي: هين خل البنت تروح اعلمك الشغل بدوي دفش ماعنده اسلوب بعد تضحك من حلات الضروس

خالد زاد ضحكه :
ههههههههههههههههههههه



سعاد : انتوا شعندكم اتساسرون وتضحكون

منال : لايمه ولاشي سلامتج


فوزيه قعدت شوي تسولف ويا حور وعقب سلمت عليها وعالكل وقبل لاتطلع خذت رقم حور وعطتها رقمها عشان يتواصلون طلعت لفواز كان وقف ينطرها عند الباب


فواز : يلا مشينا
فوزيه ابتسمت : يلا




سعود كان واقف وشاف فواز طالع من غرفة حور وانقهر



منال مسكت خالد :تعال يالخايس اعلمك الادب

خالد بصوت واطي : اللي شعندج تخزين ولد عمي ساعه اطالعينه هديني وإلا بعلم امج

منال هدته بسرعه وخالد ضحك وراح لحور

منال تكلم نفسها بصوت واطي : اومبيه هذا إللي بيفضحنا عمى بعين عدوه مايطوفه شي خن اخذه ونروح للكوفي قبل لايخر الاكو والماكو لحور عاد شيفكني من اسألت حور

منال اتمصلح: خلودي امش اروح للكوفي نشتريلنا شي كابتشينو او أي شي

خالد:اي والله يلا مشينا

منار : وانا بروح وياكم نرجس تروحين ويانا

نرجس : لامالي خلق روحوا انتوا

منال : كيفج يلا منور وخلود مشينا

منار وخالد : يلا

وهم طالعين إلا سعود جاي لغرفة حور مااهتموله وكملوا دربهم


دخل سعود بعد ماطق الباب: السلام عليكم

الكل :وعليكم السلام


سعود : صبحج الله بالخير يأم نوره
الجده : هلا صباحك النور شلونك
سعود : نسأل عنكم
الجده : تسأل عنك العافيه نرجس يمه قهوي الدكتور
سعود : لا يالغاليه اكرمكم الله توني شارب وان كثرت فيها تتعب معدتي
الجده : خلاص براحتك ماني ملزمه عليك معنى انك انت إللي تستاهل القهوه

حور فهمت قصدها : يمـــــه وبعدين
الجده صدت عنها وماردت عليها

سعود : قبل شوي لمحت فواز ولد عناد ومعاه وحده طالعين من عندكم

الجده ماصدقت خبر: اي يقولون جايين يزورن حور ماكفاهم إللي سواه ابوهم


حور : يمـــــه هم مالهم شغل باللي سواه ابوهم وبعدين هذولا عيال عمي وانا مارضي عليهم

الجده : خلاص درينا درينا

سعود كان ماسك الملف يقراه قرب من حور وقال بصوت واطي مايسمعه إلا حور: اكيد هذا حبيب القلب ماترضين عليه

حور خزته بعصبيه وقالت بصوت واطي : انت وبعدين وياك ممكن مااتدخل فيني

سعود رفع حاجبه: أووه عصبتي جرحت مشاعرج ماترضين على حبيب القلب

حور انقهرت منه وماردت

سعود شافها عصبت وغير الموضوع : الدكتوره سمر طمنتني عليج وتقول عمليتج زينه مافيها شي بس انا احب اتطمن اكثر وأسألج تحسين بنغزات أو شي

حور صدت عنه وماردت عليه

سعاد استغربت: حور اشفيج ماتردين عالدكتور قاعد يكلمج

حور :كيفي مابي ارد عليه

الجده عصبت : حور ووجع انهبلتي إشقلت الادب هذي

حور اسكتت ماردت


سعود حس انه زودها : خلاص خلوها براحتها انا بعدين امر عليها يلاعن اذنكم

قبل لايطلع همس لها : هدي يالغلا لوماتهميني ماتدخلت

انتهـــــى البـــــارت