]~

راحت و قالت لحقت الدي جي تشغل للشباب اللي يبونه .. والعمال طلعوا


على دخلت مي ورهف و مها و مريم و ندى [ ام سليمان ] و حصه [ ام سعد ] دخلو وسلموا


بعدها شافوا اثنين ما خذين البست رايح راد عليهم رقص خطييير


و داخلين جو مع [ حمام جانا مسيان ]


رائد وهو يرقص شاف عماته وراح يسلم عليهم


اما سامي رفع لهم ايده من بعيد وكملو رقص


رهف ومي انهبلوا عليهم


مي بصوت خافت : يويل قلبي


رهف بداخلها : انشهد اني وليت


رائد مسك ايد عماته و صعدهم ع البست و سامي صعد امه < فصلو خخخ


وهم داخلين جوا منال اقطعت الصوت


سامي عطها نظره


منال : سلطان اتصل ويقول لكم خست بالصالون


رائد : هههههههههههه نسينا المعرس


سامي : يلا عاد مضبطين له زفه من الصالون للصاله


رائد : كم مره بينزف اليوم هذا


سامي : ما يقارب الثلاث مرات خلنا نونسه هي مره وحده بالعمر


رهف : ما يصير نجي معاكم


سامي يستهبل عليها : دقي اللثمه والبسي الدشداشه وارحبي


رهف : والله عادي


سامي : ههههههههههههه اهجدي ولا يكثر


وطلعوآ


رهف للحينها واقفه مكانها


مي : رزه مو


رهف : يقطع شكله يجنن يآحبني له بس


مي ما قدرت تمسك نفسها شكل رهف يضحك : هههههههههههههههههههههههههههههههههههه والله وطحتي بيدي تحبينه


رهف : جبي يا خايسه تدور السوالف


قطوا عبيهم البنات لما طلعوا الشباب وراحوا يرقصون
رهف حطولنا هذا اللي شايف نفسه
مي ماسكه ضحكتها خخخ




..


ع الساعه 9 الهام وعاليه طلعوا من الصالون وراحوا للبيت
كانت مسويه حفله بسيطه لصديقاتها وجيرانها .. صورت وقعدت معاهم لحد الساعه 10 ونص جو علي وابوها وصورو معاها


..


دخلت الهام الصاله على زفت حسين الجسمي [ عروس الضيآ ]


كان غصب تمشي متوتره حيييل .. نفنوفها ناعم و طالع عليها يجنن مكيآجها داخل عليه الوردي الهادي


عاليه قربت منها : الهام تبين اجيب سلطان يعلمج المشي العدل خخخ


الهام ما ردت عليها و اخيرآ وصلت الكوشه وسلمو عليها البنات ورقصوو .. واكيد رفعوا ضغطها شويتين



عند بآب الصاله سلطان وعمه ابو الهام و ابوه وسامي ورائد والشباب كلهم وراه يهبلون فيه وقامو يصفقون : يالمعرسسس عروستك لك لك وحدك من غير شك ايووا يمين يسسار وافترررر


سلطان : وان شاء الله كلكم بتدخلون معاي


وليد : اصلا حالفين محد يزفك على عروستك الا حنآآ


سلطان : اقوول يمدحون العقل وردوا مكان ما جيتوا


سامي : معصصصصي


ابو سلطان والهام ماتوا ضحك على شكل سلطان وهو يحاول يقنعهم بس مافي امل


اذاعوا ان المعرس بيدخل والكل تغطى وغطوا العروس اللي كان توترها واضح
كان سلطان بالوسط و ابوه وعمه حوالينه و الشباب وراه كانهم جايين فزعه


سلطان سلم على عروسته وقعد وجت امه وام الهام وسلمو عليه


ميت شوق بيشوفها .. بس الشباب طلبوا اغنيه و شكلهم راعين طويله


بعد ما خلصوا رقص الكل طلع الا رائد وسامي ماخذهم الطرب


رائد امه طلعته غصب وسامي ما قدرو عليه منال قطت عباتها وجت عنده : سامي اطلع لا يقوم عليك سلطان يذبحك شوف وجهه .. سامي التفت وابتسم له


سامي راح لسلطان : مبررروك الف مبرووك يا اخوي منك المال ومنها العيال


سلطان متنرفز : سمعتها منك مليون مره سامي اخلص علي


سامي : شوف نساني اسلم ع العروس .. الهام مبررروك والله يعينج عليه والله انج كاسره خاطري


سلطان ساكت لان يدري ان تكلم بيخربها



منال تداركت الوضع : سامي بيحطون لك دبكه .. ادبك واطلع


سامي : بشرط لبناني


سلطان بداخله .. شوف الحمار يتشرط بعد


منال : خلاص لبناني


سامي ميت ضحك ويدري ان حركاته بترجع له كفوف بس هي خاربه خاربه ]~
ام سلطان قربت من سامي : متى على الله ناوي تذلف


سامي : يماا بس هالرقصه .. وقسم دشداشتي مسببه لي عائق اقطها عادي


امه : بقطع راسك قريب ان شاء الله


سامي : هههههههههه خلاص والله بطلع باي


..


رهف : شوفي الحمار غصب طلع


مي : الصاله كلها حريم لازم يمشي سوقه


رهف : ههههههههههههههه يعني بتقهريني


جت ام الهام وشالت عن الهام الرداء


سلطان بهمس : ويلوموني ليه عجلت موعد العرس


سلطان وقف و مد ايده لعروسته و طلعواا للسياره .. الهام ركبت وجا سامي بيسوق فيهم


سلطان : شتبي انت


سامي : هههههههههههههههه اوصلك البيت


سلطان نادى وليد يوصلهم : انت اقعد ادبك هني


سامي ورائد ماتو ضحك عليه ولحقوهم بسيآراتهم


كانت الساعه 12 والشوارع شبه فاضيه و صوت الهرنات عالي وراهم < طبعا هبال الشباب ما يخلونه
و مششغلين الاغاني على حدها


وصلوا صوب الاشاره عرضوا سيارتاهم ونزلوا يرقصون
وطلعوا كل جنونهم



لي هني وانهي يا سكاكر


والسسسموحه ع القصور :$

]~