كاتب الموضوع :
سلافه الشرقاوي
المنتدى :
ركن المطبخ
السلام عليكم
صباح الخير يا صبايا
انا جيت
سوري على التاخير
يالا
بسم الله نبدا
اقتباس :-
المشاركة الأصلية كتبت بواسطة easeel  |
السلام عليكم ورحمة الله وبركاته
كيفكم يا صبايا
عاملين اية ؟
اخبارتكم جميعا
اولا كل عام وانتن بالف خير
عام هجري جديد سعيد علينا كلنا
احب ان يعجبكم موضوعي
واسمه زي ما هو باين من عنوانه
طبق الحكومه
محدش يكش ويبعد بعيد
انا مش قصدي الحكومه دي
انا قصدي الحكومه التانية
طبعا واحدة تقولي مفيش فرق بينهم
اقولها
لا يا ماما لا
دي تفرق عن دي
حكومتنا دي غاليه على قلبنا
بنحب نعلمها الاكلة اللي بتحبها
عشان ترضى عننا
طبعا ارتبط لفظ الحكومه بشريك الحياه
واللفظ متبادل
الازواج بيطلقوه على زوجاتهم
والعكس طبعا بيحصل
احنا كمان بنقول عنهم الحكومه
* طيب ايه اكتر اكله بيحبها حكومتك الموقر
وبيطلبها منك باستمرار
نتمنى الوصفة بتفصيل
ولو معاها صورة كمان يبقى تمام اوي
احم احم
اكتر اكله بيحبها حكومتي
هو طاجن الكاليماري (السبيط يعني يا بنات )
الوصفة
اولا المقادير
سمكتين كاليماري كبار يقطعوا شرائح طويلة
طبق جمبري مقشر
شريحيتن سمك فيليه مقطعين مكعبات
وكابوريا مخليه مقطعه مكعبات
السمك كله متبل يا صبايا
التتبيلة (ملح وفلفل وكمون ومعلقة مسترده وثوم مفروم ناعم و نص معلقة صغيرة شطة وجوزة الطيب
لو مش حابه متحطيهاش،عصير ليمونه كبيرة )
ممكن تحطي الثوم وتدقيه مع بقية التتبيلة ومتنسيش الليمون
فلفل الوان اخضر واحمر واصفر مقطع الي مكعبات
واحدة طماطم مقطعه مكعبات ايضا
بصلة كبيرة مقطعه جوانح رفيعه
خضرة (شبت وبقدونس وكزبرة والاهم الكرفس )
معلقتين صلصة كبار
وزيت للتشويح
الطريقة
1 _ ضعي قدر على النار وحطي فيه معلقتين زيت كبار
2_ ضعي البصل وشوحي الي ان يدبل
3_ ضعي شراتح الفلفل وشوحيهم مع البصل
4_ضعي السمك واتركيه الي ان يتغير لونه ثم ضعي الخضرة المقطعه ثم الطماطم واتركيهم قليلا الي ان ينزل الخضار مائه
5_ ضعي معلقتين الصلصة وقلبيهم مع الطاجن واتركيه الي ان ينضج
6_يعد النضج دخليه الفرن الي ان يتسبك وتنشف الصلصة
وبالهنا والشفا يقدم مع الارز الابيض
*طيب اذكري لينا موقف طريف حصل اول الجواز معاكي انتي وحكومتك والمطبخ
( ومفيش واحدة تقولي محصلش ، لازم تكوني عكيتي الاكل في اول الجواز وهو يا اكله يا جاب دليفري )
ايه الاحراج ده
هههههه
طبعا اكيد مواقف كتير وخاصة اني كنت مش بعرف اطبخ اساسا
في مرة عملت البامية بعد زن وطلبات من حكومتي الموقرة وانا اقله انا ملياش في الطبيخ
المهم اني قلت في يوم افاجئه واعلمه البامية
وطلعت اجارك الله
يعني مكنتش بامية كانت قالبه على فاصوليا
هههههه
بس بصراحة ربنا يخليه اكلها وهو ساكت ومرضاش يكسفني
بس بعد كده اخدت الطريقة من مامته وعملتها طلعت حلوة بعد كده
*طيب ايه احساسك لما بيطلب منك حكومتك نوع معين من الاكل
وخاصة طبقه المفضل
بصراحة في اكلات مببقاش فرحانه لما يطلبها
يعني بتبقى متعبه وعميلها تكدير ليا مش اكتر
زي المحشي والكشري والحاجات الغلسة اللي بتاخد وقت دي
بس بعملها برضه لاني بحبها
لكن ببقى فرحانه انه بيطلب اكله معينه مني
وخصوصا ان ده معناه ولو ضمنيا اني بعملها احسن من مامته
* ايه السبب في انك تاكدي ان الطبق ده هو احلى طبق بيحبه حكومتك من ايديكي ؟
بيطلبه كتير جدا
بطريقة مش معقوله
وعلى الرغم اني مش محبه للسمك اوي
الا اني بحب اعمله عشانه
*اول مرة عرفتي ان الطبق ده طبق الحكومة
احساسك كان ايه ؟
والموقف لو تحبي
اسدحيه
اه ده موقف محرج اكتر من اللي فوق
في مرة في اول جوازنا وزي ما قلت كنت مبطبخش اوي يعني
وفي جلسه شبابيه مع اصدقاء لينا
سال واحد غلس ربنا يهديه باى
سال بغتتاته كده مقولتلناش يا .... ايه اكتر طبق بتعامله المدام وبيعجبك
طبعا انا وشي جاب الوان الطيف وحسيت اني عاوزة اطبق في زمارة اخينا اللي بيستظرف
بس حسيت ساعة ما حكومتي جاوبت وقالت طاجن الكاليمارى اني طايرة في السما
لاني حسيت ان في حاجة عملتها وعجبته فعلا
بس بعد كده بدعي لاخينا الغتت لانه اداني حاجة اقدر اعلمها وانا عارفة ان الحكومة هتبقى راضيه ومبسوطة منها
* اذكري موقف مضحك حصلك وانتي بتعدي طبق الحكومة
اول مرة عملت الطبق ده كنت هموت من الرعب
اصلا لقيت حكومتي الموقرة داخل عليا وهو جايب السمك وبيقولي اعمليلي طاجن الكاليماري
زي اللي مامتك عملته
تنحت ووشي اصفر وقلتله : ها
طاجن ايه ؟
طبعا لخلفية ان ماما اسكندرنيه ف اكلات السمك عندنا بيبقى ليها رونق و اعداد مختلف عن القاهرويه
والبيه زوجي العزيز فهم تقريبا ان هذا الشبل من ذاك الاسد
ومعرفش المصيبة الكبيرة اني معرفش حاجة خالص عن السمك ده ولا ليا فيه
المهم كحيت وتنحنحت واتكسفت اقوله اني مبعرفش
خفت من الصدمة عليه
المهم فضلت الف اودور والف وادور وهو بيلف حوليا ومش راضي يسيب المطبخ ويخرج
عاوزة انفرد واكلم ماما اسالها عن الوصفه
وانه يبعد عن طريقي بس مفيش فايدة
الي ان تنفست الصعداء وسابني وخرج رحت متصله بماما وسالها
وانا بقفل المكالمه لقيته في وشي وبيقولي : ما تقولي انك مش عارفة تعمليه
عادي انك تاخدي الوصفه من ماما ما انتي بتساليها عن الاكل كله قبل ما تعمليه
بصراحة كان نفسي ساعتها الارض تنشق وتبلعني
وهو عمال يضحك ويقولي وانا بقول هي عماله تلف وتدور حولين روحها كده ليه
المهم انه عجبه في الاخر واشاد بيه الصراحة وطبعا جاملني وقالي انه احلى من الماما بتعمله
بس دي مجاملة مش اكتر
الفكرة فكرتي يا صبايا
واتمنى تعجبكم
المتورطة هتجاوب على الاسئلة ده بعد اذنها طبعا
وتجيبلنا وصفة الطبق بالتفصيل
طبعا هنورط البنات الحلوات في الموضوع
ومش شرط على فكرة المتزوجات
يعني ممكن تبقي لسه بتمرحي في بيت العايلة
ويبقى الحكومة بابا او ماما او احد اخوتك
يعني عشان البنات متقولش ملناش فيه
لا كله هيضبط ويحضر امام
طبق الحكومة
وللعدل هاكون اول المتورطات
انتظروني
|
انا جاوبت اهو
اتمنى ان الطبق يعجبكم
والمواقف تدخل السرور على قلبكم
انتظروني باسم المتورطة الجديدة
سلام يا غوالي
|
06-12-11, 10:50 AM
جديد مواضيع قسم ركن المطبخ
العرض العادي
