عصفوره يلا انت متورطه في هالموضوع نبي نعرف طبق حكومتك وبالمقادير لو سمحتي

السلام عليكم

محدش يكش ويبعد بعيد
انا مش قصدي الحكومه دي
انا قصدي الحكومه التانية

طبعا واحدة تقولي مفيش فرق بينهم
اقولها
لا يا ماما لا
دي تفرق عن دي

حكومتنا دي غاليه على قلبنا
بنحب نعلمها الاكلة اللي بتحبها
عشان ترضى عننا

طبعا ارتبط لفظ الحكومه بشريك الحياه
واللفظ متبادل
الازواج بيطلقوه على زوجاتهم
والعكس طبعا بيحصل
احنا كمان بنقول عنهم الحكومه

* طيب ايه اكتر اكله بيحبها حكومتك الموقر
وبيطلبها منك باستمرار
نتمنى الوصفة بتفصيل
ولو معاها صورة كمان يبقى تمام اوي

أكتر أكله بيحبها حكومتى الموقرة ملوخية بلأرانب
أولا مقادير شوربة الأرانب
أرنب مقطع ست قطع
وبصلة متوسطة الحجم
ومعلقة سمن
مستكه وحبهان وورق لوره وملح وفلفل حسب الرغبة
نغسل الأرنب جيدااا
ونضع أناء عميق على النار وبه معلقة السمن ونضع فوقها الأرنب ومعه الفلفل الأسودوالملح والبصله
ويقلب حتى يتغير لون الأرنب قليلا ونضيف مقدار من الماء المغلى بحيث أنه يغطى الأرنب تماما
ونتركه حتى ينضج تمامااااا
تحضير الملوخية
نقطف أوراقها ونغسلها جيدااا ونحاول تنشيفها ولو قليلا وبعدها نخرطهابالمخرطة مش فى الكبة
ونضيف معها فصين أوثلاثة ثوم وفلفل أخضر ونفرمهم مع الملوخية
بصلة صغيرة مفريه نضعها فى أناء ومعها القليل من الزيت والسمن ونقلبه لحد لونها ميبقى ذهبى فاتح ونصع عليه عصير 2طماطم ورشة فلفل ونتركة حتى يتقل ويصبح صوص
وبعدها نضع مقدار من شوربة الأرانب ونتركه حتى يغلى ونضيف لها الملوخية شوية شوية مع التقليب حتى تتمازج
ومنغطيش الأناء علشان الملوخية متقعش فى قاع الأناء والشوربة تكون فوق
ونكون محضرين خمس فصوص ثوم مفرومين مع كسبرة ناشفة ورشة ملح خفيفه
ونضعهم فى مقلاة مع سمن وزيت دره ويقلبوااا بالمعلقه حتى يصفروااا ونضعهم فوق الملوخية طبعااا مع شهقة الملوخية الشهيرة عندنا فى مصرههههه
ونتركهم من دقيقتين لثلاثه يغلوااا وبعد كده ننزلها من على النار
ونحمر الأرنب فى القليل من السمن وزيت الذره


*طيب اذكري لينا موقف طريف حصل اول الجواز معاكي انتي وحكومتك والمطبخ
( ومفيش واحدة تقولي محصلش ، لازم تكوني عكيتي الاكل في اول الجواز وهو يا اكله يا جاب دليفري )
كنت فى الفترة دى لسه عروسه جديدة مكملتش شهر وبرغم أنى الحمدلله بعرف أطبخ حلو الا أنى كنت بطيئة جداااا يعنى صعب أنى أعمل أكتر من صنفين فى وقت واحد فاليوم ده حبيت أتحدى نفسى وأعمل لحكومتى كل الأصناف اللى هو بيحبها وتكون جاهزة وقت رجوعه من الشغل
ماأقولكمش أدأيه كنت متلخبطه وعامله زى اللى أول مره تدخل المطبخ وعملت كل الأصناف بنجاح ماعداااا صنف واحد المهم رصيت الأكل على السفرة
وجلسنا نأكل وفجأة وجدت زوجى توقف عن الأكل وقال لى أنتى متأكدة أن اللى أنتى طبخاه رز بالمكسرات ولا ده نوع من الحلويات
قلت له لاء رز بالمكسرات
قالى دوقى ....دقت الرز واكتشفت أنى وضعت بدال الملح سكر من كتر ماانا كنت متلخبطه
وللأن لسه فاكرها لى وبيفكرنى بيها




*طيب ايه احساسك لما بيطلب منك حكومتك نوع معين من الاكل
وخاصة طبقه المفضل

طبعااا بأكون فرحانه

* ايه السبب في انك تاكدي ان الطبق ده هو احلى طبق بيحبه حكومتك من ايديكي ؟

بيطلب منى أنى أطبخه له كتير



* اذكري موقف مضحك حصلك وانتي بتعدي طبق الحكومة
فى يوم أتى زوجى من عمله فى وقت غير ميعاده المعتاد وكنت فى المطبخ ومندمجه أووى ولم أشعر به عندما فتح باب الشقه يقال يعنى كان عايز يعملها لى مفاجآه
كنت بقطع بصل ومره واحده سمعت صوته جنبى فى المطبخ فبدل ماأقطع البصله جرحت يدى جرح
كبير نوعااا ماااا
وطبعااا فى اليوم ده ساعدنى فى الطبخ لانه نادر جدااا لما يدخل المطبخ لكنه ساعدنى
مرغم أخاك لابطل
لانه مش بيحب الدليفرى أو الأكل فى الخارج









يارب طبقى ينال أعجابكم
شكرااا تفاحة على الدعوة...وشكرااااسولافه على الموضوع الرائع
تحياتى

راااائعة أميرتي
أكلتك حلوة كتير ...
وأجوبتك راقية متلك حبيبتي
أستمتعنا معك ..

Sent from Mobile using Tapatalk