أم الوليد (طيف الأحباب) تفاجأت جدا عندما شاهدت أسمك ككاتبه لقصه ....فأنا ماعرفتك الأعضوه ذات ردود جميله ونقاشات رائعه وخاصة في متصفح الرائعه دائما أم اليزيد (ضمضم) وكم شعرت بالحنين لتلك الأيام الجميله فلا شيء أروع من الأستماع لأراء الغير والأستفاده منها والنقاش حولها خاصة اذاكان موضوع النقاش يدور حول العلاقات الأنسانيه والصفات الأخلاقيه أوبعض الأمور المستحدثه والطارئه على المجتمعات كمافي رواية أم اليزيد وروايتك كم لاحظت من المقتطفات التي قرأتها..... فهذه المواضيع تجذبني أكثر من أمور الرومانسيه الخارجه عن أطار الشرعيه والمعاكسات والشات والعلاقات المفضوحه بين الشباب والبنات التي تزخر بها روايات النت هذه الأيام والتي لا تفيد القارئ ولاكنها تزيد الطين بله بتأثيرها المعاكس على جيل المراهقين من القراء ....عزيزتي سجليني متابعه لروايتك من الأن وأن قلت ردودي فأنا للأسف غير متفرغه .....واصلي في أبداعك وأطيلي فيه قدر ماتستطيعين وأمتعينا بسوالف جديده ....أعجبني أسلوبك في السرد رغم أن قلمك جديد لكنها بدايه تبشر بالخير وأرجو الأتكون روايتك الأولى والوحيده......أسمحيلي أن اسجل هنا حبي وأعجابي بالرائعه ضمني أم اليزيد فأنا لم أطلع على متصفح روايتها الابعد النهايه وأحس أن متصفح روايتك سيكون هو الرديف له لمافيه من طرح راقي وفكر مبدع .......أعذريني عالأطاله وسلمت يداك ..........ودمتي ...أختك مها ..ز

السلام عليكم و رحمة الله و بركاته

مساء الخير و الرضا من الرحمن

تسلم ايدينج يا أم الوليد بارت يبرد القلب

========================
(( عوق ))

جعله الحظ دوم يبتسم لج يارب و أخيرا تزوجتي إن شاء الله يكون وجه زياد

وجه خير عليها يارب .. بس سبحان الله الإنسان دايما ما يعجبه العجب يعني

يوم ربي رزقها الزوج الصالح اللي الكل يضمنه و يثني عليه تكدر خاطرها لإنها

بس حطت برأسها انه أعرج و ليش عاد يا عوق نسيتي قول ربي " و ليس على الأعرج حرج "

إن كان خير و بيراعي الله فيج .. اصلا اتوقع ماهو زوج عوق و خصوصا بعد كلامها

مع ريم اللي شكلها فهمت انه عوق ملخبطة بين زوجها و واحد ثاني بس ما بينت

إلا بتنغيرات بس عوق ما هي يمها عشان تفهم .. اتوقع هو اللي يحبب رأس أبو ابراهيم

و الأعرج هو أخوه ...

========================
(( مشاعل ))

مدري اتعاطف معاها على حكايتها اللي توجع القلب و لا الومها على غبائها و

سذاجتها اللي وتها بداهيه يوم ربي ستر عليكم أول مرة و عرفتي انه غلط ليش

سمحتي له يتمادى و لا الغلط على الاهل اللي زينوا لهم الوجع ككل و لبسوه

حرير و ورود .. ياربي كلن راعي و كلن مسوؤل عن رعيته ليش الأهل ما يعتبرون

من غيرهم إلا لا طاح الفاس بالرأس ووقتها تعال دور حل للمشكلة و ما تلقى إلا

القاسي المؤلم منها ...

=====================
تدرين يا ام الوليد شنو اللي شاغلني ان وضحى نهت عوق تروح صوب أهلها و

تنسى هالسالفة و لا تذكرها لزوجها زين الأجيال اللي تجي ما توقعوا لو 1%

أنه ممكن يصير بينهم تزاوج و هم ممكن محارم لبعض ؟؟؟ هالسألة جدا مهمه

يمكن غشان الأغلب يبي يطمس الحقيقة عشان يعيش يومه مرتاح و ينسى

حدود ربي بالمستقبل اللي ممكن يتعدى عليها .. سواء بسالفة عوق و لا زياد

و لا غيره من اللي تأرسين المجتمع ...

انا اعرف وحدة متبنيتها صديقة عمتي البنت مو متزوجه بس لإنها داعيه سمحوا لها

تربي البنت و لما بغت تتزوج تزوجت واحد كان معاها بالدار بس قبل لا يملكون لهم

سوا تحليل و البصمه الوراثيه عشان ينفون انه بينهم نسب ...



ابدعتي كــ العادة سلمتي يارب

بــ انتظار القادم


..
..
..

ام الوليد ارفع لك القبعة في هذا البارت الجميل

استمتعت فيه كثييير

بداية بالملكة الهادية والبسيطة وشوفت زياد لعوق واعجابه بشكلها وهي مثل الحمد لله حصل بينهم ارتياح الله يتممه وحركات الرومانسبة انا ماقدر عليها طيوف تجننننن شكلك كاتبتها وانتي ذايبة بثيابك ههههه

ريوم ياحبي لك والله ماقصرتي مع عوق ونصايحك كلها درر الله يسعدك

الوضيحي ياملحك تكفين انتي وشدتك ماتخلينها خليتي قلب زياد بربعه وصكيتي عليه كل الابواب

طيوف ابدعتي بالوصف حبيبتي

لاحرمك الله الاجر على الهمسه

السلام عليكم ورحمة الله وبركاته

مساءك فرح وسعاده

بارت اكثر من رائع تشكرين عليه من بدايته الى نهاية الهمسه


بداية حياة جديده على عوق ودخول انسان غريب عليها
مختلف عنها بكل شئ الا ببره بأمه هم الثنين كل واحد يقول أنا ابر منك*

الشئ اللي اعتقده ان زياد تكون العائله هذه لا قينه عند مسجد*
لان الام عندها عيال ولا هي بحاجه لـ زياده
فاختلف لون البشره يرجح الشئ هذا لان نظام الكفاله يركز على النقطه هذه
اذا ما خانتي الذاكره قرأت مقال بس من زمان عن نظام كفالة اليتيم

زياد اذا كانت هذه حركاتك الرومنسيه مسكينه راحت فيها عوق
بس اللي ما تعرفينه ياعوق اللي يحب الشعر يسوي اكثر من كذا
هو شكله اغرم بشعرك*

تصرف ام عوق ابد ما توقعته منها وش اذا يبي يأخذها يشهر ومن الليله
البنت كذا تحس انك ما عاد تبينها
زين اللي سوته ام ابراهيم وتدخلها في تأجيل الزواج*

بصدق ابكاني موقف عائلة ام إبراهيم ووقفتهم مع عوق
يأما صديق اقرب لك من أخ

معلومه صغيره لو كانت عوق تفكر قبل ماتتسرع كان عرفت ان من شروط القبول
في الكليات الطبيه *الصحه الجسمانيه السلميه
بس وش نقول دوم مستعجله

في انتظار المزيد من احداث الخطوبه
تارى ابد مو مستعجلين على الزواج

دمتي مبدعه
ودام نزف قلمك