كاتب الموضوع :
♫ معزوفة حنين ♫
المنتدى :
القصص المكتمله
الـــــجزءالـــــخامس
غديت البارحه اكتب كما الكاتب او الخطاط
ومن قد شافني يحسب بأن لي فن الخطاطي
ولكن انني حاولت وقد راودني الاحباط
درست الخط وفنونه لفنه كنت متعاطي
تعلمته واتقنته كما غرز الابر بخياط
واسم عليا طرزته بلا عامل وخياطي
قمت على الساعة ست الا ربع .......... الصراحة ما لي مزاج انهزب من حميد من صباح الله ...........
رحت تسبحت وتلبست ........ خلصت في نص ساعة تقريباَ .......أول مرة في حياتي اتجهز في نص ساعة
نزلت تحت وشربت الهوت شوكلت الي تعودت اشربه طالعت ساعتي كانت الساعة 7:00 يلا يمديلي نص ساعة لين ما اوصل
وعلى عكس كل يوم كانت الشوارع فاضية ..........جنهم حاسين اني بمر من هني .....هههههههههههه وايد مصدقة عمري انا
المهم وصلت الشركة على الساعة سبع وثلث ..........دخلت الشركة وكانت شبه فاضية ...............مشيت لين قسمي
وكان فاضي وما فيه الا الفراش دخلت مكتبي (بس من الباب الي قالي اياه حميد)
اول ما دخلت لفت نظري باب مكتب حميد المفتوح ............ شدني الفضول وايجت على المكتب وشفت لابتوب حميد على المكتب والمكتب فاضي
عليا:الظاهر هالغبي ناسي لابتوبه امس
فجاة نقزت على صوت وراية: أحم .......احم
صديت ورى وانا فاتحة عيوني من وين ظهرلي هذا بعد
حميد:خير في شي
عليا:هااااااااااااااااااا؟؟؟؟؟؟؟؟؟؟؟؟؟؟؟؟
حميد:شو ..........ها
عليا:لا لا........قصدي مافي شي
طالعني بتشكك:أكييييييييييييييييييييييييييييد
عليا: بلعت ريجي هيه اكييييييييييييييييييد
حميد:زين عيل تفضلي
عليا اطالعته باستغراب :وييييييييييييييييييييين
صرخ عليه :وين بعد مكتبج بطوووووووووف الشيخة
طالعته منحرجة:اسمحلي
مشى عني حتى من دون لا يرد ولا يطالعني
وانقهرت منه لانه خلا الباب مفتوح حتى ما اقدر ارد عليه ولا اسبه
هالخقاااااااااااااااااااااق اووووووووووووووف منه ............... ياربي هاليوم شكله نحس عليه
رحت يلست على مكتبي ............انا في شي أبغي أعرفه هذا متى ايي المكتب ومتى يروح.............شرات الجني
شوي وسمعت صوت التلفون ..........رفعت السماعة
حميد: تعالي مكتبي
وصكر التلفون في ويهي بعد هالجملة ......... تميت مثل ما انا شالة السماعة واحاول استوعب الي صار ............شوووووووو بلاه هذا حتى فمان الله ما يعرف يقول
قمت من مكتبي ورحت على طول عنده دخلت وأنا مبتسمة بس قفط ويهي لما شفته يطالعني ومرسومة على ويهه ملامح لكلمتين (لا تعليق )؟
تنهد ونزل راسه شل ملف كان على الطاولة
مده ليه:خذي اطبعي هذا الملف
طالعته مستغربة :كل هذا
رفع واحد من حياته : هي كل هذا ولا مب عايبنج
عليا :لاء مب قصدي جي
حميد: مايهمني قصدج ...........أنتي هني سكرتيرة وبس فااااااااااااااااااااااهمة
اي شي اقوله تنفذينه بدون نقاش
طالعته بنظرة عمري ما طالعت بها حد حتى ابوية الي هو أبوية ما طالعته بنظرة الانكسار هذي :ان شاء الله
شليت الفايل وظهرت لاني ادري اذا تميت ما بستحمل وبرد عليه وما فيه على لسان هالمتعقد
الظاهر هالشغلة ويها مب خير عليه مووووووووووووووول
صديت عسب اظهر من مكتبه
حميد:عليا
صديت براسي له وانا بعدني واقفة في مكاني
حميد:لو سمحتي يوم يتظهرين استأذني
فجيت عيوني على وسعهم
حميد: وقبل لا تدخلين دقي الباب
عليا:بس
حميد:حتى ولو كان الباب مفتوح والحين روحي بدون نقاش
ظهرت وانا احس الدخان ظاهر من أذني
بلاه هالسخيف يستخف دمه عليه
..............اوووووووووووووووف ودي اجتله يا ربي .......... فريت الملف ورحت صوب مكتب أبوية
كانت السكرتيرة محد رحت فتحت الباب وانا معصبة :ابــــــــــــــــــــــــــــــوية
بس ما وحالي الا بصرخة :بـــــــــــــــــــــــــــــــــــــــــرع
صكرت الباب بسرعة وانا ارتجف من الصرخة
اوووووووووووووووووف الظاهر هاليوم نحس .......لا محالة
دقيت الباب ودخلت
عليا:أستاذ ناصر ممكن ادخل
ناصر:الحين تعالي
عليا:أنزين ممكن ارمس
ناصر:ارمسي
عليا:بس مب عن الشغل
ناصر:آسف هالرمسة في البيت مب هني
طالته بألم وطلعت حتى بدون لا ارمس
دخلت المكتب وشفت الفايل طالعت الاوراق الي فيه
30 صفحة .................... يا ربي متى بخلص
ما ادري ليش حسيت الحال انجلب في لحظة والكل صاروا ضدي
طلعت ورقة وكتبت كل الي فخاطري
وظهرت مني هالخاطرة
لو كان الموت عذاباَ لكن أهون علي
آآآآآآآآآآآه خرجت من فمي
كنت اريد الكلام
ولكن ماذا اقول؟
وكلماتي تذوب في فمي
ماذا اقول وقلبي وقف نبضاته ؟
ماذا أقول ودمي وقف سريانه؟
وقعت تحت باسم المعذبة
اوووووووووووووووف فتحت الدرج وعقيت الخاطرة فيه........ الظاهر هالدرج بنمزر بالخواطر دام هذا حالي
تنهدت بضيج وشليت الفايل الي جدامي ويلست اطبع ما حسيت بالوقت الا لما خلصت طالعت الساعة كانت 1:30
يالله أول اسبوع وكارفيني جي ...............الله يعين على الياااااااااااااااي
طبعت الاوراق كلهم
وشليتهم عسب اوديهم عند البعبع
دقيت الباب حسب طلبه
رفع راسه : واطالعني كنه يقول من وين طلعتي بعد
عليا:ممكن ادخل
حميد:تفضلي
دخلت عطيته الاوراق وتميت واقفة مكاني
شل الاوراق وتم يطالعها ...........عنبو قولي تفضلي طاحوا ريولي
مالت على الويه ..................
حميد:اممممممممممممم ...........زين زين ...........خلاص روحي
طالعته مستغربة حشا قول مشكورة على الاقل
حميد: خير في شي
عليا:لاء ................... بس بسألك استاذ اذا في شي تبغي تخليني اسويه بعد
حميد:اذا في شي انا بقولج
طلعت من المكتب عنبو شو هالبلشة الي بلشت عمري بها
تميت اطالع القسم ..........اول مرة ييت في القسم استغربت ..........مب بس استغربت انصدمت بعد
حميد الحاقد على البنات يشغل بنات عنده ............عريبة الصراحة
تميت اتصدد حولي بملل
والحين شو اسوي مليييييييييييييييييييييييييييييت الوقت وايد بطئ
الظاهر اني حسدته
طلعت من شنطتي منظرة وتميت اطالع عمري
حشا ساح الكريم
طلعته وحطيت مرة ثانية وعدلت جحالي بس ما وحالي الا بصرخة نقزتي من مكاني حتى عقت قلم الجحال من ايدي
فجيت حلجي ويلست اطالع حميد الي حسيت الدم يفور فيه
عليا:شوووووووو
حميد:لاء والله
عليا:خير استاذ حميد في شي
حميد باستهزاء :لااااااااااااااااااااء سلااااااااااااااااااااامتج
حميد:آخر مرة تهدين شغلج وتلسين تتعدلين
تبين تحطين بعد الدوام والا روحي الحمام ............. مب في المكتب تقول فاتحة صالون
حميد:مفهووووووووووووووووووووووووووم
طالعته باستهزاء:انزيييييييييييييييييييييييييييييين
رد مكتبه والله ماأدري من وين يظهرلي هذا بعد
عنبو هذا مفروض ما يحطونه مدير على موظفين مفروض يحطونه مدير على نوووووووووووق
وأظني النوووووووووق ما بيتحملونه بعد
صارت الساعة ثنتين طلعت من الدوام وكالعادة أول وحدة ظاهرة
دخلت البيت واستغربت سيارة أبوية واقفة غريبة راجع من وقت
دخلت الصالة صديت الصوب الثاني شفتهم يتغدون
ناصر:هلا أبوية....................
طالعته بطرف عيني:ليش ما تريتوني
ناصر:حبيبي خواتج يوعانات وانتي تاخرتي
فجيت عيوني: ما تاخرت ولا شي..............بس يمكن حد يبغي يتغدى من دوني
وطالعت نورة
نورة:انا ما تغديت يالسة اترياج ,..........حتى صحني فاضي
عويت بوزي : بغير ثيابي وبرجع
غيرت ثيابي وتغسلت ونزلت
سمعت ابوية يقول وهو يبتسم :عمج زعلان عليج
طالعته ببرود:أي عم بعد
شفت ابوية يضحك (أدري اني وقحة وادري غريبة ابوية يضحك بس هذا الي صار)
ابتسم ابوية وقال: عمج سالم قال أنج واعدتنه تروحين اليوم تتغدين عنه وما رحتي
اووووووووووووووويه صدق طافتني هاي .............
ناصر:يوم الخميس عزمنا كلنا في بيته بمناسبة ترقيته وعيال عمج بيكونون هناك بعد
عليا:كملت أكلي وانا اقول :خلاص عيل براضيه يوم الخميس
خلصت اكلي ورحت فوق وناااااااااااااسة يوم الخميس الكل بيتيمع هناك بس ان شاء الله البعبع ما يكون موجود
ما أظن يي أحيد ما قام يحضر هالتجمعات بعد ما طلق......... لان الكل يسأله عن سبب طلاقه
أنتو ما تعرفون عيال عمي بس ان شاء الله بعرفكم عليهم واحد واحد من الاكبر للاصغر
عمي خالد
ومرته ام مروان
مروان 19 سنة ( هذا نكته ..........أحب اسولف وياه.......سوالفه كلها عن البنات اسميه يضحكني)
لميا 23 سنة (هي أكبر من مروان بس دومها أخر شي تنذكر..... ههههه حليلها حبوية وطيبة .......اكثر وحدة وياية من العايلة .............تحب واحد بتعرفونه بعدين *__*)
منى 16 سنة (ثاني ثنوي ..... مب وايد وياية بس أسولف وياها عادي ........احسها شوي دفشة في الرمسة عسب جي ما احتك وياها وايد)
.................................................. ...
عمي سيف
وحرمته ام حميد
حميد27 سنة (البعبع أكيد عرفتوه ............كريه العايلة وعدو المرأة)
عبيد 25 سنة (المطو ع في العايلة ما يدخل وايد في سواف البنات .......... وما يخصه فينا
تراه مخبل في لميا بس هو ما يعرف ..........هههههههههه الصراحة ما ادري على شو تحبه )
شهاب19 سنة ( هذا توام لمروان نفس الافكار ونفس السوالف ..........أحسه يحب منى ما ادري ليش
بس هذا احساسي)
..........................
بعدين ابوية
.....................................
بعدين عمي سالم أو سلوووووووووووووووووووووم
حرمته سارة (دكتورة العايلة)
مها بنتهم الصغيرة
صديت على الكمبيوتر الحين الظهر أكيد محد داخل خلا ادخل أشوف شي رسايل
دخلت المسنجر وغيرت نكي
حطيت قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
ما كان في حد داخل اول مرة ادخل والكل اوف لاين
شوي وانكتب تحت تم تسجيل دخول ((قبر يلمني ولا بنت اتذلني ))
حسيت النك غريب عليه حطيت الماوس عليه عسب اعرف الايميل وحسيه بعد غريب
شوي وظهرلي
((قبر يلمني ولا بنت اتذلني ))
مرحب
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
مرحبتين هلا والله
((قبر يلمني ولا بنت اتذلني ))
هلا بج زوووووووووود.......... شحالج
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
بخير الحمدالله .منو ويااااااااااااي
((قبر يلمني ولا بنت اتذلني ))
اممممممممممممممممممممممم
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
شوووووووووووووووو
((قبر يلمني ولا بنت اتذلني ))
منو هذا؟؟؟؟؟؟؟؟؟؟؟؟؟؟؟؟؟؟؟؟؟؟
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
شو منو هذا؟؟؟؟؟؟؟؟؟؟
((قبر يلمني ولا بنت اتذلني ))
الي ساكن فؤادج
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
ما يخصك منو انت بعديييييييييييييييييييين
((قبر يلمني ولا بنت اتذلني ))
شو تبين بيه
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
لاء والله ضايفني وما تباني أعرف......بعدين من وين يايب ايميلي
((قبر يلمني ولا بنت اتذلني ))
بعد يبته وخلاص
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
أنزين شو تبا ليش ضايفني
((قبر يلمني ولا بنت اتذلني ))
وانتي تقبلين كل حد يضيفج شووووووووو ماشي شغله
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
لو سمحت الظاهر أنت تستهبل وانا وحدة مب مال هالسوالف اسمحلي بظهر
((قبر يلمني ولا بنت اتذلني ))
أنزين لحظة بقول منو أناااااااااااااااا
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
منوووووووووووووووووو
((قبر يلمني ولا بنت اتذلني ))
واحد تعرفينه
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
من وين أعرفك يعني ..........
((قبر يلمني ولا بنت اتذلني ))
من ......................
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
بتقول ولا شووووووووو
((قبر يلمني ولا بنت اتذلني ))
أنزين بقولج شي وانتي تذكريني
قالوا : تحبه ؟ قلت : ساكن فؤادي ... قالو : يحبك ؟ قلت : هذا سؤالي
قووووووووول خلصني
((قبر يلمني ولا بنت اتذلني ))
1/0
أويييييييييييييييييييييييييييييييييه مافي غيره ................محد معروف ب 1/0 غيره
بس لحظة شو يبا مني ؟؟؟؟؟؟؟؟؟؟؟؟ومن وين ياب ايميلي ؟؟؟؟؟؟؟؟؟؟؟
|
24-11-11, 01:00 PM
جديد مواضيع قسم القصص المكتمله
العرض العادي
