الجزء الخامس و العشرون



فتحة عيونها و طالعت جوالها بكسل عادل اوووف هذا متى بفتك منه صرت أحسه يجبلي الغثاء
ريم و النوم لسى بصوتها \ هلا
عادل\ نورت السعوديه يا ناس
ريم\ بوجودك حبيبي
عادل\ نائمه ؟
ريم\ إيه والله
عادل\ أدري أزعجتك بس مشتاق لك ما أني مصدق أنك رجعتي و بشوفك
ريم\ بهـ السرعة اليوم الي وصلت
عادل\ ما يهمني لي شهر و نص ما شفتك
ريم\ طيب بس مستحيل أطلع اليوم خله بعد كم يوم
عادل\ يالله كم يوم كمان لا صعب معاد أستحمل
ريم\ عدول على الأقل يومين أرتاح
عادل\ اوكيه يومين بس غيرها ما فيه ثانيه
ريم\ اوكيه اتفقنا.....

**************

بالمرسم كانت جالسه ترسم من ساعتين بدون توقف و كأنها تعوض رسم اليومين الي راحة منها بدون رسم فجأه حست بتشنج برقبتها و تركة الفرشاه و أخذة تمسد بيدها عليها لكن يده شاركتها فنزلت يدها بسرعه
مشعل\ تعورك ؟
أريج\ لا
مشعل\ من متى ترسمين ؟
أريج\ ساعتين يمكن
مشعل\ أرحمي نفسك الرسم ما هو طائر
أريج و هي تمسك يده\ خلاص صارت زينه خل عنك بروح أحط لك فطور
مشعل\ قلت لناني تجهز و تجيبه هنا
أريج\ طيب براحتك
مشعل\ شو راسمه ؟
أريج\ هـ اللوحة
مشعل\ بس و جالسة فيها ساعتين ؟
أريج\ لإنها بالرصاص ترسم على خفيف و بعدين ترجع تثقل عليه
مشعل\ اهاا بس حلوه
أريج\ عيونك الحلوة
مشعل\ أعرف من غير ما تقولين أصلا أنا كلي على بعضي حلو
أريج\ ردينا حق الغرور
مشعل\ يحق لي أنا مشعل عبدالله
أريج\ يا سلام و أنا أريج عبدالرحمن بس ما أني مغروره
مشعل\ و أنا ما أني مغرور بطبعي أنا مغرور فيك
أريج حست أنها تطير بالسماء من كلامه\ بس كمان مغرور بنفسك
مشعل\ ههههه ذكرتيني بمرام ما تطيح من لسانها هـ الكلمة
أريج\ راح تروح لهم اليوم ؟
مشعل\ لازم عاد
أريج بتردد و هي تلعب بأصابعها\ عادي أروح معك ؟
مشعل فرح بطلبها\ افى عليك عادي ونص كمان....

***************

من ساعة و نص و هي بالمطبخ اليوم قررت تعمل الغداء بنفسها و تريح أمها الي ما خلتها تدخل لو ثانيه أخذة صحن الشوربه و طلعت ناحيتهم
فجر\ ليش ما تأكلون ؟
أبو أريج\ نحتريك
فجر و هي تجلس\ يالله طيب شكل الأكل برد
أم أريج\ كلي أنتِ أول
فجر\ ليش ؟
أبو أريج\ كلي و عطينى أنطباعك عن طبخك ؟
أم أريج\ أكيد بتمدحه
فجر\ يا دي الخيبه أنا طابخه عشان أسمع رأيكم بس من الأخير حول ساعتين لي واقفه بعدوا عن تكسير المجاديف
أم أريج\ ما قلت لك بنتك محد يقدر عليها
أم عبدالله\ بعدي طالعه على جدتها
فجر\ سبحان من يغير و لا يتغير أمس ينكرون و اليوم يقرون
أم عبدالله\ من هم ؟
فجر بضحكة\ ناس الله يستر على ذاكرتهم
أم أريج كانت تغالب ضحكتها\ ترى صدق برد الأكل خلونا نقول بسم الله
أبو أريج بعد ما ذاق الأكل\ لا طباخه بنتي ما شاء الله عليها
أم أريج\ ما شاء الله بس ينقصنا كم درس في وزن الملح
فجر\ لا عاد أنا متعمده أنقص الملح عشان الضغط عند جدتي و عشان أحافظ على صحتكم ترى الملح أحد أكبر السموم الي تضر بصحة الإنسان
أم أريج\ ما قلت لك بنتك محد يقدرها كلي بس و تعرفين أن الملح زايد شوي الله يسلم جدتك منه بس.....

*************

نزلت من السياره و تأملت البيت حق عمها تذكر أخر مره دخلته قبل الحادث بأسبوع من بعدها ما عاد زارتهم و اليوم تدخله و هي زوجة مشعل شافته يطلع المفتاح من جيبه ويحطه بكالون الباب
أريج\ ماراح تدق الجرس ؟
مشعل\ معي مفتاح
أريج\ بس ممكن حد عندهم خل ندقه أحسن
رجع المفتاح لجيبه مشعل\ اوكيه
و دق الجرس ثواني و فتحة لهم الشغاله الباب و دخلوا لصالة
مشعل\ ما قلت لك ما فيه أحد
أريج\ إحتياط عاد
دقائق رجعت لهم نفس الشغاله بالعصير نزلته على الطاوله و راحت
مشعل حس بالملل أكيد الشغاله قالت لأمه لكنه يعرف طبعها بتخليهم ساعة و بعدين تفكر تنزلهم قام جهة الدرج و نأدى على ريم بصوت عالي طلعت من غرفتها ناحيته ركض لأخر الدرج و أرتمت عليه وحشها كثير
مشعل بضحكة\ ترى تكسرت ثلاث أظلاع
ريم\ هههه أحلف بس والله واحشني
مشعل\ و الدليل لي ربع ساعة بالصالة محد فكر ينزلي
ريم\ والله ما أحد خبرني ليش ما دقيت على جوالي ؟
مشعل بضيق\ خبرنا أمك بس ما أدري وش تستنى لو ما أريج كان مشيت و تركتها
ريم بفرح\ أريج معك ؟
مشعل\ إيه في الصالة تعالي
ريم ركضة ناحيتها و سلمت عليها و هي مبسوطه\ و أنا أقول وش هـ النور الي في بيتنا ؟
أريج\ نورك حبيبتي
ريم\ لا عاد ما أني مصدقه عيوني
مشعل\ من اليوم عادي تعودي على هـ النور
ريم\ طبعا
أريج\ تعالي قولي لي أنتِ وش هـ الجمال لو أعرف السفر بيخليني مثلك سافرة اليوم
ريم\ ما هو أنتِ ما تبين لو تروحي برى تشوفي الجو الخيالي بدل الحر هنا ليش ما جيتي مع مشعل لمن جأنا ؟
أريج\ إن شاء الله مره ثانيه و لا يهمك

.
.

نزلت مع الدرج و هي تسمع أصوات ضحك و سوالف بالصالة بخاطرها أستغربت بيتهم ما يعرف الضحكة أبد يا ترى من عندهم قربت و لما شافة المنظر قربة و أبتسمت مشعل و أريج عندهم
مرام\ هلا
مشعل\ هلا والله
قربة و سلمت عليهم و جلسة بصمت
أريج\ كيفك مرام و كيف السفرة مره ناحفه ليش كذا ؟
مرام\ حمدلله لا مو ناحفه كثير بس تعب السفر ممكن
مشعل\ كيف صحتك الحين تأكلين زين و إلا لا ؟
مرام\ أكل
ريم\ لا تصدقها وجبة وحده باليوم ما تأكل غيرها
مشعل\ و ليش تعذبين نفسك كذا هو الأكل حرام عليك ؟
مرام\ لا والله أكل كفاية

لحظة وقفوا على صوت أم مشعل و هي ترد السلام و قام مشعل يسلم عليها و سلمت على أريج
أريج\ حمدلله على السلامة خالتي
أم مشعل\ الله يسلمك
مشعل\ طولتوا يمه هـ المرة ؟
أم مشعل\ والله الجو هناك ما يتعوض بس مرام مدري وش جأها إلا تبي نرجع
أريج\ شكلك مليتي يا مرام من القعده هناك ؟
ريم بعفويه\ هي متعوده على مها الظاهر أشتاقت لها
أم مشعل\ إذا على مها و بس هي بعد شوي بتجيها لكن البلاء من طلعتكم ذيك و طيحتها و هي متغيرة علينا
ريم\ خلاص يمه تكلمنى في هـ السالفة قبل
مشعل تنهد بضيق نغزات أمه فاهما و الضيق الأكبر لما قالت مها بتجي بعد شوي
من ضيقة مشعل و إبتسامات مرام بصمت حسة أنه فيه حساسية ما بينهم فحبت تغير السالفة أريج\ عمي موجود ؟
أم مشعل\ لا عمك راح لأمه
مشعل أبتسم و طالع أريج\ الله يعينه بيأكلها على رأسه
أريج\ لا أمس مودها متعدل شوي
أم مشعل\ و شفيكم ؟
أريج\ لا بس جدتي إشتاقة لكم و أكيد بتعصب على عمي لإنه جاء بدونكم
مشعل طالع فيها بفخر سياسية هـ البنت\ طيب أجل بعد ما سلمنا عليكم بنمشي حنا
أم مشعل\ تو الناس خلكم
مشعل\ والله عندي مشاوير يمه بخلصها
ريم\ أجل خل أريج عندنا و أرجع لها بعدين
مشعل\ تبين تجلسين ؟
أريج\ إلي تشوفه
مرام و بعد صمت\ خليك عندنا أريج أحسن يعني مشعل بيطلع ليش تبقين لوحدك
أريج كانت مستغربه حد الذهول\ خلاص ما أردك بجلس معكم
مشعل و هو يوقف\ اوكيه ساعتين كذا و أرجعلك......

****************

بحديقة البيت كانوا جالسين المغرب بين سوالف و ضحك كانت مبسوطه معهم و ما ندمة على جلستها الشئ الوحيد الي مستغربته حالة مرام الغير طبيعيه
أريج و هي تطالع ساعتها\ تأخر مشعل ؟
ريم\ وراك درزن عيال و أنا مدري ؟
مرام\ عيالها رسوماتها
أريج\ ههههه لا والله أخوكم صار معاد يخليني أرسم كل يوم مثل أول يقفل المرسم و يأخذ المفتاح
ريم\ حلال فيك
مها\ نفسي أشوف رسوماتك أريج
أريج\ و لا يهمك تعالي يوم و شوفيها
مها\ لما زرناك راحة عن بالي
مرام بإستغراب\ زرتي أريج ببيتها ؟
أريج\ إيه زاروني بعد ما رجعت من مكة بكم يوم جد أنبسط عليهم
مرام لو تدرين وش تخبي لك هالنفوس بالصدور يا أريج
لفحة هواء طيرت شعر أريج عن رقبتها و أنتبهت ريم
ريم و هي تلمسه\ واااااو أشوف العقد جد خيال من وين أشتريتيه ؟
أريج\ لا هذا هديه من مشعل
ريم\ حركات يبي لي أكشخ فيه أول يوم بالكلية
أريج\ أطلبي أي شئ أعطيك إلا هدية مشعل حتى فجر هناك طاقة برأسها تأخذه لكن نو وي
ريم\ يا البخل زين من وين أشتراه و أنا أخلي بابي يأخذ لي و لفجر مثله ؟
أريج\ من المانيا و ريحي رأسك كانوا أخر أثنين بالمحل واحد أخذه مشعل و الثاني سلطان و أنتهينا

سـ لطان صرخة مشاعر داخليه أنتفضة منها مرام و تزأمنة مع صرخه خارجيه طيحة الكوب الي بيدها على ملابسها و أستاذنت تغسل

.
.

بالمغاسل الخارجيه كانت تغسل و جهها و تمتزج قطارات الماء بدموعها ( ليش يشتري عقد كذا ؟ لمنو ؟ ما سمعت من مشعل أنه متزوج طيب ممكن خاطب لا مو معقول ياربي أنا شو دخلني فيه ليش كل الإهتمام ليش لما حد يذكره تنقلب موازيني و أتوه فيه )

*******************


دخل البيت و هو ينأدي عليها هـ البنت صارت كل شئ بالبيت من وقت زواج أريج هو متأكد إنها تعمل كذا لجل تضيع يومها و ما تحس بالملل هي تحب الحركة كثير و اليوم قررت قرار صدم الكل و مع كذا لازم ينفذ
أبو أريج\ يالله يا فجر تأخرنا ترى لو أذن العشاء ما فيه روحه
فجر و هي تطلع من غرفتها\ خلاص خلصة
أم أريج\ على وين ؟
فجر\ بروح أشتري حمام
أم أريج\ و أنا وش قلت ما فيه حمام يدخل بيتي ياربي أنا جأيبه بنتين و إلا بنت وولد
فجر\ يمه لا تعصبين هو في السطح ما بيدخل بيتك
أم أريج\ و سطحي من بيت الجيران قلت لا يعني لا
أبو أريج صار يحس بالصداع من بينهم\ يبه السيارة شغاله روحي فيها و خلي أمك علي
فجر\ طيب
أم أريج\ أنت من صدقك بتشتري لها هذا الي ناقصني جنانك يا عبدالرحمن
أبو أريج\ يا هدى هدي نفسك وش فيك معصبه كذا ؟
أم أريج\ لا روح أشتر لها و خلها تقابلها أربع و عشرين ساعة و بعدين تطيح علينا فيها مرض و قول ليش معصبه
أبو أريج\ يا بنت الحلال البنت صارت تحس بالملل بعد زواج أختها طول الوقت لوحدها بشتري لها شئ تضيع وقتها فيه و لا تخافين ما راح أشتري لها حمام بقنعها بسمك و إلا سلاحف تحطهم بغرفتها........


***************

نزل من السياره و هو يتذكر أن أمه قالت خالته بتجيهم يعني أكيد لسى موجودة فطلع جواله و أتصل في أريج تشوف له طريق بدون ما يحتك بمها دخل و سلم على خالته و جلس بعيد شوي عن أريج
مشعل\ حيالله خالتي قالت لي أريج زرتينا بالبيت ترى ماراح أحسبها زيارة لإنك جيتي و أنا ما أني فيه
أم مها أرتبكة من نظراة حصه ألان وش بيفكها من لسانها\ والله يمه هي زيارة خفيفه عشان ما تقول خالتي ما دخلت بيتي و ما حبيت أثقل عليكم
أريج\ البيت بيتك خالتي مفتوح لك أي وقت
مشعل\ هذي راعية البيت قالتها البيت بيتك حياك في أي وقت
أم مها\ الله يخليك يمه
بهـ الوقت دخلت الشغاله سيري\ مدام أم جاسم في غرفه ضيافه
أم مشعل\ إيه أخيرا جأت يالله يا ليلى
قامت أم مها معها و راحوا ناحية غرفة الضيوف بدون أي كلمة لمشعل أو لأريج الي شافة هـ الحركة لثاني مرة اليوم
مشعل كان يحس بضيق أريج من صمتها فحب يغير الموضوع\ وين البنات ؟
أريج\ طلعوا مع بنت خالتك لمن جيت
مشعل\ و أبوي رجع ؟
أريج\ لا لسى
مشعل جأت بباله فكره فقام من مكانه و جلس جمب أريج
أريج بضحكة\ شو تبي ؟
مشعل\ من قال أبي شئ ؟
أريج\ قمت من مكانك و جيت هنا
مشعل\ يالله يعني مكشوف ؟
أريج\ إيه
مشعل\ أبيك تشوفين غرفتي
أريج\ فوق ؟
مشعل\ إيه
أريج\ بس ما أذكر عندكم لفت [ مصعد ]
مشعل\ اممم أنا أطلعك الدرج
أريج بهتت فيه و طالعت الدرج كان حلزوني و طويل بشكل خيالي \ من صدقك تتكلم أنت ؟
مشعل\ أيه
أريج\ بطل حركات بس و خلنى نروح بيتنا كان فيك جنون خله هناك مو هنا

.
.
.

بالدور الثاني كانوا البنات جالسين بغرفة مرام القريبه من الدرج لما سمعوا صوت صرخات أريج و ضحكها هي و مشعل
مرام\ هذا صوت أريج ؟
مها\ كيف طلعت هنا
ريم بضحكة و هي تقوم للباب\ أكيد مشعل طلعها مجنون
مشعل لما شاف ريم واقفه على الباب تكلم و هو يضحك و رافع صوته بس لجل تسمع مها\ أدخلي و سكري الباب ترى عندي ناس يصيحون من الحياء
أريج كانت تسكر فمه بيدها عشان ما يتكلم و يزيد إحراجها لكن مشعل كل ما حطة يدها على فمه بأسها و شالتها و هي منحرجه لين وصلوا الغرفه و نزلها فوق السرير و رمى نفسه على ظهره جمبها و هو يتنفس بسرعه
أريج ظربته على صدره بغيض من حركاته\ أصيح هاااه
مشعل\ هههههههه شوفي الدمع بعيونك
أريج\ روح زين
مشعل\ قولي لي شرأيك بغرفتي ؟
أريج تبي تغيضه\ ما هي حلوه
مشعل\ حلوه غصب عنك
أريج\ مغرور
مشعل\ كيفي
أريج\ طيب يالله نزلني
مشعل\ وش رأيك ننام الليله هنا ؟
أريج\ مشعل
مشعل بضحكة على هالنبره\ لبيه
أريج\ أبي البيت الحين
مشعل قام ولف يده على ظهرها\ زين من عيوني بس خمس دقائق أخذ نفس......

***************

النزول أصعب من الطلوع تحس بالدوران برأسها بمجرد ما تطالع تحت و الي بيجننها أن مشعل يغيضها و يعمل حركات إستعراضية بنص الدرج و هي بتموت خوف
أريج\ مشعل بنطيح كذا
مشعل\ جبانه
أريج\ إيه جبانه بس أبي أوصل سليمه
مشعل\ ههههههههه هو أنتِ أسمك أريج و إلا سليمه ؟
أريج\ أنت مو طبيعي اليوم ترى بصرخ
و قبل يرد مشعل أنتبه لأبوه الي دخل الصالة حس بالإحراج من نفسه لو أمه شايفته عادي بس أبوه ما توقع أسرع بخطواته و نزل أريج على الكرسي و الي كانت تتمنى الأرض تنشق و تبلعها على هـ الموقف
أبو مشعل و هو يسلم على أريج\ و أنا أقول وش هـ النور الي في البيت طلع نور أريج
أريج\ نوركم عمي
أبو مشعل\ كيفكم يبه و ما شاء الله من وين جأيين ؟
مشعل\ بخير يبه لا بس ورية أريج غرفتي
أبو مشعل\ إيه زين تعالوا جلسوا و عطيني أخبارك يأريج
مشعل\ مره ثانيه يبه حنا ماشين البيت خلاص
أبو مشعل\ توكم جأيين ؟
أريج\ لا عمي من العصر و أنا عندكم
أبو مشعل\ بس أنا توي جيت ما فيه روحه هالحين إلا بعد ما تتعشون معنى هذي أول مره تزورينا يا أريج بعد زواجك....

**************

دخلت البيت و هي تحس إنها مثل الي دخلت معركه و أنتصرت فيها يعني قالوا ما في حمام هاااه طيب يا أم أريج ما فيه حمام
أم أريج و هي تطالع و مبهته هـ البنت بتجننها بصدق\ وش هذا ؟
فجر\ هلا يمه تعرفي على صديقي الجديد دودي
أم أريج\ عبدالرحمن جأيبلي قطو في بيتي ؟
فجر\ يمه لا تجرحين مشاعره له أسم
أم أريج\ طلعيه في الملحق لا أشوفه
فجر\ يعني الحمام بالسطح ما بغيتي و هالمسكين تبين تطلعيه الملحق ليش ؟
أبو أريج\ فجر حنا وش أتفقنى عليه
فجر بضحكة\ تعجبني يوم تعصب
أم أريج\ وش بينكم أنتم ؟
أبو أريج\ نحنا كم هدى عندنا لازم ما نزعلها مو صح يا فجر ؟
فجر\ صح يا يبه
أبو أريج\ يعني القطو من غير شئ بيعيش بالملحق و ماهو داخل البيت
فجر\ شوفي هو ولد ناس و محترم بيجلس بغرفته يعني لازم تكرمينه بالوجبات
أم أريج\ طلعيه بس هـ المحترم حقك برى و يصير خير هذا الي بيقنعها بسمك و إلا سلاحف........

****************

بالفراش كانت متمدده و تطالع السقف اليوم حست بشئ ممكن هو الحقيقه لكن كيف تتأكد منه كيف تسأل مشعل ؟
مشعل و هو يطالع بعيونها\ فيه شئ في السقف غريب عليك اليوم ؟
أريج\ لا ليش ؟
مشعل\ أشوفك من ساعة تطالعين فيه
أريج\ لا ما فيه شئ
مشعل\ أحس من رجعنا من بيت أهلي بعيونك كلام وش فيك قولي حد ضايقك بعد ما رحت ؟
أريج\ لا بس ......وسكتت
مشعل\ كملي عادي بتخبين علي ؟
أريج\ أبي أسالك سؤال و جاوبني بصراحة
مشعل بخاطرة أكيد مها لها يد بالقضيه\ أسالي
أريج\ أمك ما كانت موافقه على زواجك بي صح قول الحقيقه و لا تكذب علي أنا أصلا عاذرتها أنت ولدها الوحيد أكيد هي كانت تتمنى تسوي لك عرس كبير و تعزم فيه الكل لكن أنا
و غطى فمها بيده مشعل\ أنتِ شو أنتِ الأن زوجتي و أنا الي أبيك و ما يهمني الكون كله لو ما وافق
أريج حسة أنها تغالب دمعه من داخلها\ راح تتزوج مها بعد فتره صح ؟
مشعل صعق و تمنى أنه ما خلاها عند أهله لحظة لوحدها و لا يسمع هـ الكلام\ لا طبعا لو كنت ابي مها أتزوجتها قبلك أنا بغيتك أنتِ و ليكن بمعلوميتك مها طول عمرها في وجهي و ما أشوفها إلا زي وحده من أخواتي
أريج كانت تبي ترتاح وراحتها في إجابته\ و ليش بغيتني أنا ؟
الحقيقه صعبه و قاسيه على البراءه الي قدامه الظاهر بيتعود على الكذب معها لجل ما يخسرها\ لإني شفتك
أريج أستغربت\ متى ؟
مشعل\ تذكرين لما جيت أبي جدتي و أنتِ و فتحتي لي الباب ؟
أريج\ كيف عرفة أنه أنا ؟
مشعل\ اممم الباب كان مفتوح و أنتِ ترسمين في الحوش
أريج\ ايه صح
مشعل\ بس شفتك و أعجبتيني قلت مالك إلا تتزوجها يا مشعل.....

*******************

..
..
..

الجزء السادس و العشرون




الضياع طريق أوله خطوة بتجاه الرغبه و حب التجديد و إكمال نقص الأخرين بطرق خاطئه و غير محسوبة العواقب .. مشاعر تسيطر بين الخوف و الملل من كل ما كان و سيكون أمام جسر البحرين و في سيارة تخفي ما بداخلها كما تخفي الصدور ما يدور بالقلوب
عادل\ والله أشتقت لك ريوم
ريم\ و أنا كمان
عادل\ طولتوا هالمرة ؟
ريم\ كنا مستمتعين بالجو
عادل\ المهم رجعتي و شفتك
ريم مدت له كيس\ تفضل
عادل\ شو هذا ؟
ريم\ هديتك و هذي تجي أسافر و ما أجيب لك
عادل\ مشكوره حبيبتي
ريم\ ولوو
عادل\ اممم زين أنا بهديك شئ بس لا ترفضين
ريم\ شو ؟
عادل\ بروح البحرين
ريم إنصدمة\ ما بتخلينا الجوازات ندخل
عادل\ لا صديقي يشتغل هناك و بيمشينا ساعتين و نرجع
لإول مره تحس بالخوف و رغبة بإنها ما عرفت عادل و لا مشت بهـ الطريق\ لا مستحيل ما أبي أروح
عادل\ ريوم عشاني ترفضين هديتي
ريم بضيق\ رجعني الراشد
عادل\ نعم بهـ السهوله ؟
ريم\ قلت رجعني الراشد قبل أصرخ و أجمع عليك الناس......

*****************

بالملحق كانت جالسة و عائشه جوها مع دودي لما رن جوالها و طالعت الشاشة و أبتسمت
فجر\ هلا يا جميل
أريج\ هلا يا وحشه وينك ما تتصلين ؟
فجر\ مشغوله والله حدي
أريج\ وزيرة على غفله
فجر\ لا الوزاره تعب و مسئوليه تخليت عنها من فترة
أريج كانت تسمع صوت قطو و مستغربه هو وين\ أنتِ وين الحين ؟
فجر\ في البيت
أريج\ وش صوت القطو هذا ؟
فجر\ هذا دودي
أريج\ منو دودي ؟؟
فجر\ قطوتي الجميلة
أريج\ من صدقك أنتِ ؟
فجر\ أي والله رحة مع أبوي و أشتريته عنده حتى شهادة ميلاد قطو محترم
أريج\ بذمتي ما أنتي صاحيه و أمي كيف خلتك تدخلينه البيت ؟
فجر\ احم لا نحن أخذين الملحق غرفه له
أريج بضحكة\ ما قلت لك يوم بتأخذين وحده من غرفي......

*****************

بكل قسوة رمتها قدامها مثل شئ نتن كريه ماهو بالإساس قطعه من جوفها و هي سبب ضياعها الحقيقي
أم مشعل بغضب\ أدخلي لا بارك الله فيك و لا في الساعة الي جبتك فيها من متى و أنتِ تطلعين مع هـ الهاية الي زيك ؟
ريم كانت مرميه على الأرض و مجروحه من كل شئ من أول ما أتصلت الهيئة في أمها و جأت المركز أخذتها و هي تسب و تشتم فيها و ترمي عليها كل الغلط متناسيه أن إهمالها هو السبب الرئيسي تكلمت وهي متألمه\ الهاية الي تقولينه أنتِ السبب في أني عرفته أيام تمر و لا حتى تسألين أنا في البيت او لا الهاية الي شفتيه كان يقولي ذاكري\كلي\نامي\أنتبهي لنفسك عارفه أنه كله كذب بس أنا محتاجته و أنتِ وين ؟ من سوق لسوق و جمعات و طلعات و نحن على الهامش
أم مشعل مدت يدها بدون رحمه و أعطة ريم كف\ و تعلين صوتك بعد شكلي ما عرفة أربي دلعتكم و كل شئ قبل تطلبونه عندكم و الحين تغلطون و الغلط مني من اليوم مالك طلعه من هـ البيت أنتِ فاهمه

على أخر الدرج كانت واقفه و تتأملهم بصمت ما كانت فاهمه إلا أن ريم غلطة بشئ و أمها تعاقبها عليه لما مرت أمها من عندها أم مشعل\ و أنتِ كمان لا يكون عندك شئ تحت رأسك مخبيته ما هو خلاص أنا ما ربية ولد مالي عليه كلمة و بنت هـ الحين جأيبه لي الفضائح بتنقصين عنهم أنتِ كمان
ريم كانت فاتحه الباب و تصرخ عليها\ أنتِ السبب أنتِ السبب .. و طلعت ركض
مرام نزلت تركض وراها من غير ما تدري وين بتروح\ ريم تعالي وين رايحه....

**************

من يومين مشعل مجننها و قاعد يعمل فيها حركات تحرجها و تغيضها تحاول تسيطر على مشاعرها معه و ما تتمأدى لكن نبض القلب جن بالإنسان الي قدامها خلاص
أريج\ مشعل خلاص جأتني تخمه من الأكل
مشعل\ شوفي صحنك مليان ؟
أريج\ عشان كل ما خلص أنت تزيده
مشعل ببراءه\ لا ما زدته شئ أنا
أريج\ والله زين أعطني هو و أنا أخلصه
مشعل\ لا اليوم ممنوع تأكلين بيدك

ظربات متواليه على الجرس إقتحمت جوهم أريج\ منو يدق كذا ؟
مشعل و هو يوقف مستغرب\ مدري خل أشوف
مشى ناحية الباب و أريج وراه لكن الشغاله كانت سابقتهم و فتحة الباب لريم الي كان حالها يرثى له من البكاء و أول ما شافة أريج رمة نفسها على رجولها و بكت أكثر
أريج كانت مستغربه و تطالع مشعل الي مو فاهم شئ مثلها
مشعل\ شفيك ريم حد صار له شئ ؟
ريم كانت تهز راسها بمعنى لا و تصرخ فيهم\ ما أبي أرجع هناك كلهم السبب أكرهم
أريج\ طيب لا ترجعين بس هدي الحين
مشعل من منظرها فقد السيطرة على نفسه\ حد مات طيب
ريم كانت تهز راسها بـ لا أريج حمدت ربها ذيك اللحظة قدام الموت كل شئ يهون ضمتها أكثر\ خلاص إهدي طيب مشعل هات كأس مويه خلها تشرب....

**************

بالبيت كانت تدور بغير هدف ريم طلعت و لا تدري هي وين راحة و جوالها تدق عليه مقفل و أمها دخلت بدلت ملابسها و طلعت بدون أي إهتمام أو مبالأه
( ياربي وين أدور عليها الحين و من أسال ما فيه غير مشعل بس شو أقوله ريم طلعت مع واحد و الله يذبحها أحسن شئ بس أقوله طلعت من البيت زعلانه مع أمي و هو يدورها )
دقت رقمه و مع أول رنه فتح الخط مشعل\ توي بدق عليك أنتم بخير ريم جأتني البيت حالتها حالها و ما هي راضيه تفهمنا شئ ؟
مرام أستخرت و حمدت ربها إنها تطمئنة على ريم و ما قالت شئ\ لا حنا بخير بس هي تزاعلة مع أمي و طلعت من البيت الحمد لله إنها جأت عندك
مشعل\ متزاعلين على شو الي يخليها تطلع هـ الوقت بالحالة هذي ؟
مرام\ مدري أنا ما فهمت شئ منهم كل وحده صارخة على الثانيه و طلعت
مشعل\ زين يصير خير
مرام بتردد\ هي وين الأن ؟
مشعل\ دخلتها أريج الغرفه تهديها و تحاول تفهم منها شئ.....

مرام إسترخة أريج في السالفه أكيد بتمر بهدوء على مشعل لإنها أكيد ما بتقوله الحقيقه...

*******************

بالغرفه كانت جالسه معها بعد ما سمعت منها سبب البكاء هذا في قرارة نفسها كانت متوقعه من بنات عمها و بسبب الفلوس و الإهمال أي شئ لكن ريم بالذات تشوف فيها براءه غير عن مرام كيف تجرأة تسوي شئ زي كذا
ريم و هي تطالع الأرض\ طحت من عينك الأن صح ؟
أريج أخذة نفس عميق\ أعطيني جوالك ؟
ريم مدته لها بإستسلام و أخذته أريج فتحته و طلعت الشريحه و كسرتها قدامها
أريج\ فهمتي غلطك صح الأن و ما أتوقع بترجعين له لإن عقابك بيكون أقسى الأن لا عمي و لا مشعل عرف بس لو صارت مره ثانيه هم أول من بيعرفون
ريم\ أنا ما أبي أرجع بس لو رجعت البيت أكيد برجع هناك محد يسأل عني
أريج\ لا تؤهمين نفسك أنه بس أمك و عمي السبب أنتِ بعد غلطي فيه كثير بنات أيتام بلا أب أو أم لكن ما مشيوا بهـ الطريق
ريم نزلت رأسها و سكتت ما عندها شئ تقوله خلاص كل الكلام الي قالته لها أريج من أول ما دخلت معها الغرفه صح هي غلطانه و لازم تعترف
أريج\ أنتِ الأن أنسي كل شئ و أبدي حياتك من جديد على أساس متين و صحيح خلك عندنا كم يوم لين ترتاحين و ترجعين حسابات حياتك
ريم بتردد\ و مشعل ؟
أريج\ مشعل بعد كم يوم بيرجع المانيا و أنا بجلس هنا خليك عندي اممم و لا تخافين ما راح أقوله عن هـ السالفه بس بقوله متزاعله مع أمك و بتجلسين عندنا كم يوم......

*************

تأففت بملل و هي تطالع التلفزيون لوحدها أمها طلعت مع خالتها و واضح إنها كانت معصبه لدرجة إنها ما قدرت تسألها عن مرام الي دقة عليها و ماردت ( ياربي متى نرجع الكلية على الأقل فيه شئ أقضي وقتي فيه بدل الملل الي بيذبحني هذا لا أب يسأل و لا أخوان يا ترى عندي كم و يدرون أن عندهم أخت أكبر منهم و إلا لا اففف وش ذكرني فيهم خل أبوي يتذكر أصلا أن عنده بنت قبل ما يذكر عياله )

*************

طالع فيها و هو متأكد إن الي تقوله ما هو الحقيقه كامله من متى أصلا أمي تدري عن ريم عشان تتخاصم معها
مشعل\ أريج لا تخبين علي محد يعرف علاقة أمي و ريم كثري شلي صاير بينهم ؟
أريج\ سوء تفاهم بينهم عادي ليش مو مصدق
مشعل بنرفزة\ لإنك ما تعرفين أمي كيف تعاملنا ريم هذي بالذات تمر أيام ما تشوفها و لا تسأل عنها تجئ الأن تتخاصم معها ما تدخل عقلي بعدي عن طريقي خل أشوف ريم و أتفاهم معها
أريج من كلامه لقت المنقذ\ هي تخاصمت معها لجل هـ السالفه ريم طبعها حساس تحتاج لأمك أكثر حاولت تبين لها إنها مقصرة معها لكن أمك الله يهديها مفكرة الفلوس و المركز هم الشئ الوحيد الي محتاجته ريم و هذا غلط ريم محتاجه للحب للحنان و إلا راح تضيع من يدكم خلها تبقى عندنا كم يوم ترتاح في النهاية بيتصافون لا تدخل بينهم لجل ما تكبر و لا تنسى أن حاجة البنت لأمها أكثر من الولد
مشعل جلس على طرف السرير و تنهد\ يعني بتفرق مع أمي بشئ ؟
أريج جأت مقابله له و مسكة يده و ضمتها بين يدينه\ تقدر أنت تعوضها بإهتمامك صحيح ما بتكون لأخواتك مثل أمهم لكن شئ قليل أفضل من و لا شئ
مشعل\ مدري يا أريج وحده صايرة ما هي طبيعية من فترة و الثانيه الأن منفعله و لأني فاهم على أيش بالضبط و لا أم و لا أب يهتمون
أريج\ أنت موجود بتقدر تعوضهم
مشعل\ كيف و أنا بعد بكرة طيارتي ؟
أريج\ أنا هنا و على فكرة ريم بتبقى عندي لين ترجع من المانيا و مرام أكيد بتزورها ماهي مخليتها....

*******************

في المانيا كان يمشي بتجاه الفندق راجع من المستشفى بعد بداية علاج مكثف ليده الي بدت تتحسن بشكل تدريجي و يقل تشنجها و إحتمال لو أستمر على هـ التحسن راح تتقلص فترة العلاج و يقدر يرجع لإهله.. الحديقه الي مقابله للفندق تذكره بمرام كل صباح هو متأكد إن تفكيره فيها فقد لمجرد إحساسه بالذنب على الي سواه من وراء صديقه في أهله و ما هو شئ ثاني..

**************

بالغرفه دخلت عليه بعد ما شافة ريم الي كانت نائمه بسلام .. بالسرير كان متمدد و لما شافها دخلت قام و شالها لسرير و جلس جمبها
مشعل\ نائمه ريم ؟
أريج\ إيه و ترى دقيت على مرام و طمنتها عليها يعني نام و أنت مرتاح
مشعل بضيق\ و أمي طبعا و لا كلفة على نفسها تسأل عنها ؟
أريج\ ما عليه مشعل تضل هي أم مهما قست قلبها طيب و ما بتخلي ريم بس ممكن الأن متضايقه بس تهدئ أكيد بتسأل
مشعل\ و الله قلبك أنتِ الي طيب يا أريج و بذكرك أن أمي و لا بتسأل عنها
أريج\ طيب خلاص هي عندنا الأن مطمئنين عليها و لا بنخليها ريح رأسك أنت
مشعل مسح على شعرها بحنان\ تعبتك اليوم بمشاكل أخواتي
أريج\ هم أخواتي بعد و تهمني مصلحتهم
مشعل\ مو قلت لك قلبك أبيض
أريج بمزحه\ لا غيرته قبل ثانيه أحمر
مشعل\ ههههه أحلفي عشان أصدقك
أريج\ و الله
مشعل حب يحرجها\ عشان دخلتي عندي يعني ؟
أريج ما كانت فاهمه شو قصده بالضبط فهزة رأسها بمعنى إيه
أماا هو فحضنها و ضحك في خاطرة على برأتها ( مالؤمها يا عالم بينا عشر سنوات و أطباعها طفوليه كانها بنتي مو زوجتي )

**************
..
..
..

الجزء السابع و العشرون



بفراشها رفعة رأسها و هي تحسه بينفجر من زود الصداع طول الليل و هي تبكي و تؤهم أريج الي دخلت عليها مرتين بإنها نائمة طالعت الساعة و إنصدمة 01:20 مساء بالنسبه لبيتهم هـ الوقت جدا بدري على صحيتها لكن هي الأن وين ؟ ببيت مشعل و تعتبر نفسها مثل الضيفه على السريع غسلت و طلعت ما كان لهم أي أثر بالدور الثاني كله فنزلت تحت و مشت جهة صوتهم وقفت مصدومة بحياتها ما توقعة تشوف مشعل بهـ المنظر
أريج\ صباح الظهريه يا حلوة كل هذا نوم ؟
ريم بإحراج\ راحة علي نومه من غير ما أحس
أريج\ نوم العوافي يا قلبي تعالي أدخلي ليش واقفه على باب المطبخ تعالي جهزي لنفسك فطور
مشعل و الي كان يقطع سلطه\ إيه اليوم أريج مسويه يوم خاص عنوانه أطبخ لنفسك
أريج\ كمل السلطة طال عمرك لك فيها ساعة و إلا تبي أقول لريم سالفة المكرونه قبل شوي
مشعل\ تراك حقة فضائح و أنا مدري ؟
ريم كانت تتأملهم و مبتسمه هـ الأثنين لأيقين على بعض بشكل ما ينوصف\ شو تطبخون أنتم ؟
مشعل\ مكرونه بالباشميل
أريج بضحكة\ و في ناس حطوا المكرونه في الصينية قبل يسلقونها
مشعل و هو يأشر لها\ ترى معي سكين
أريج\ أعرف قطع السلطة صغار ترى ما أحبها كبيرة
مشعل\ بقطع لسانك
أريج و هي تفتح الثلاجة\ مشعل ما فيه بيبسي
مشعل\ مضر بالصحة
أريج\ بس ضرره أقل من الدخان ما أعرف أكل الباشميل إلا معه
مشعل\ طيب الحين أدق على السواق يجيب لك
أريج\ مشعل
مشعل بضحكة\ شو كمان ؟
أريج\ أبي بيبسي
مشعل ترك السكين و راح يغسل يده\ طيب فهمت أروح أشتري لك تبين شئ ثاني قولي ترى ما برجع
أريج\ اممم أيس كريم
مشعل\ طيب يا بابا ما تبين لعبه كمان ؟
أريج\ تأخرت واقف
أريج بعد ما تأكدت إنه طلع عنهم\ نمتي زين ريوم ؟
ريم كانت متأكدة إن أريج صرفة مشعل لجل تسألها\ الحمدلله
أريج\ و كيف النفسية اليوم ؟
ريم\ ماشي زينه........

****************

جلسة مع جدتها و أمها على الغداء اليوم أبوها معزوم عند واحد يعرفه من أيام التدريس كانت تتمنى لو أريج معهم الأن مثل أول
فجر\ يمه وش رأيك نروح لأريج اليوم ؟
أم أريج\ اليوم أبوك عازم رجال على العشاء
فجر\ طيب بكره
أم أريج\ بكرة مشعل بيسافر
فجر بفرحه\ يعني بتجي عندنا ؟
أم أريج\ ما ظنتي تقول ما ترتاح إلا ببيتها
فجر\ يعني بتنام لوحدها ؟
أم أريج\ روحي نامي عندها زي أول
فجر\ و دودي ؟
أم أريج\ بدل ما تقول أمي هـ البنت خلي الشغاله تحط له أكل لين ترجعين
فجر\ طيب بس لا تغارين من قطو
أم أريج\ كملي أكل بس و روحي رتبي المجلس زين.....

***************

بتردد دخلت عليها المرسم بدون ما تنتبه لوجود مشعل الي كان متمدد على الكنب
ريم\ أريج ممكن جوالك أبي أكلم مرام ترسل لي ملابس
مشعل\ ليش جوالك وين ؟
ريم إرتبكة\ شكلي خليته بالبيت
مشعل\ مرام الحين أكيد نائمة خلي ناني تروح تجيب لك السواق تحت
ريم\ عادي أكلمها ؟
مشعل\ إيه قولي لها أنا قلت لك
ريم\ شكرا ... و أنسحبت
مشعل\ ما هي عاجبتني ريوم
أريج\ بالعكس أحسن من أمس
مشعل\ و الله مدري شكلي ببطل السفره و أروح أتفاهم مع أمي
أريج\ قلت لك لا تدخل و تكبرها بينهم بعدين سلطان أكيد ينتظرك هناك و أنا مبسوطه أنها بتبقى معي لين ترجع
مشعل\ ما بتروحين بيت أهلك ؟
أريج\ لا هنا أرتاح أكثر
مشعل\ اوكيه بحاول ما أطول بس أشوف سلطان و أخلص هناك شغله و أرجع
أريج\ شو الشغله ؟
مشعل حس أنه تلخبط وش يقولها\ شئ يخص سلطان ... وحب يغير السالفه\ شو ترسمين إنتِ ؟
أريج\ بحر.....

**************

طلعت من غرفتها و إستغربت وجود ناني في البيت الأن و الي قربة منها
ناني\ مرحبا مدام
أم مشعل\ هلا ناني شو عندك اليوم هنا ؟
ناني\ يبى يأخذ ملابس حق ريم
أم مشعل\ ريم عندكم في البيت ؟
ناني\ أيوا من الليل يجي نوم
أم مشعل\ و ليش يبي ملابس ؟
ناني\ ما يدري مستر مشعل قول جيب ملابس لريم من بيت
أم مشعل\ زين خذي لها.....

*****************


بغرفتها من أمس ما قدرت تنام و تفكيرها في ريم الي جوالها مقفل و أكيد ما راح تفتحه و أساس المشكلة عليه ( ما فيه إلا جوال أريج خل أدق عليها )
أريج\ هلا والله
مرام\ هلا كيفك ؟
أريج\ الحمد لله بخير أنتِ كيفك ؟
مرام\ بخير
أريج\ و خالتي كيفها ؟
مرام\ مدري من أمس ما شفتها
أريج كانت مستغربه كيف في بيت واحد و لا يشوفون بعض على طول\ الله يعين
مرام\ اممم كيف ريم الأن ؟
أريج\ لا بخير ما عليها
مرام\ صا حيه ؟
أريج\ إيه من بدري
مرام\ طيب ممكن أكلمها
أريج\ أكيد من غير ممكن ثواني بس أشوفها وين
مرام\ شكرا....

***************

بعد يوم كان مجهد بالنسبه لها تمددت على السرير بتعب اليوم إضطرت تمثل مع مشعل دور صعب عليها علاقة زوجيه حميميه متبادله فقط قدام ريم اماا خلف الصدور كل واحد يخبئ عن الثاني إحساسه اليوم سمعت منه كلمات ما تعودت عليها حبيبي\حياتي\عمري ( مستحيل يكون هـ الكلام صدق مستحيل ياليتني أقدر أفتح صدره و أشوف وش يخبئ و إلا وش الي مخبيه في المانيا غير سلطان المشكله قلبي خلاص ما يحتمل بعده و عقلي ما يفكر إلا فيه و هو بكره مسافر معقول أحبه!! )
مشعل بعد ما دخل الغرفه جأي من عند ريم و توجه لشنطته على طول\ أريج فيه ظرف أصفر كان فوق الملابس وين حطيتيه ؟
أريج\ في الجيب الخارجي
مشعل\ اوكيه
أريج\ ريم نائمه ؟
مشعل\ لا جالسة عند التلفزيون
أريج لما شافته قفل الشنطه و سحبها ناحية الباب كل التعب الي تحسه و المشاعر الي بدت تعترف لنفسها فيها تحولت لرغبه في البكاء و شهقة شهقه ألتفت على صوتها مشعل و إنصدم لموجة الدموع المفاجئه
مشعل\ حبيبي وشفيك .. و مشى ناحيتها حضنها و هي تتمسك فيه و تبكي بإنفعال ما توقعته الحب تمكن من قلبها الصغير و الخوف إن مشاعرها في مهب الريح...

كـ حبك لم يعتريني شعور
زلزل كياني و أفقد عقلي الصواب

*****************

قدام الباب الخارجي رفعت يدها و مسكة أصبعه الصغير و هو واقف هـ الحركة طفوليه كثير و هو يموت فيها أريج من فترة بدت تصحي عنده مشاعر كانت مقتوله .. من أمس ما قدر ينام بسبب بكأها الي ما عرف له سبب مقنع إلا الأن
مشعل ألتفت لها\ تبين شئ حبيبي ؟
أريج\ خلاص بتروح ؟
مشعل\ إيه
أريج\ طمني أول ما تؤصل
مشعل\ من عيوني تبين شئ ثاني كمان ؟
أريج\ لا سلامتك
مشعل جلس مقابلها و هي لسى ماسكه أصبعه\ بس أنا أبي منك شئ
أريج\ شو ؟
مشعل رفع يده و مررها على عيونها\ ما أبي هـ العيون تدمع و أنا ما أني موجود
أريج\ طيب أحاول
مشعل\ لا ما أبي تحاولين أبي وعد
أريج\ وعد
مشعل قام و بأسها على رأسها و مشى بدون ما يلتفت خلفه لإنه متأكد لو تلاقة عيونهم ذيك اللحظة بيكنسل السفرة الي من الأساس لجل خاطرها....

**************

بالغرفه جلسة معها لوحدهم تبي تطمئن عليها و تتأكد إن مشعل و أريج ما عرفوا شئ لكنها إنصدمة و غطة فمها بيدها
مرام\ يعني قلتي لأريج الحقيقة ما تخافين تخبر مشعل ؟
ريم\ ما راح تقوله شئ أنا واثقه فيها
مرام\ طيب ليش ما تفتحين جوالك ؟
ريم\ أريج كسرته و أنا ما أبي جوال خلاص
مرام\ بس أبوي أمس سأل عنك و قلت له بتنامين عند أريج عشان مشعل بيسافر و دق على جوالك
ريم\ قولي له أنحرقة الشريحه
مرام\ بيروح يطلع لك وحده عليها
ريم\ لا ما أبي نفس الرقم خلي بعدين أخذ رقم ثاني
مرام\ طيب بحاول معه
ريم\ مشكوره
مرام\ تعالي ننزل عند أريج تركناها لوحدها.....

************

دخلتها الشغاله الصالة و هي تمشي مستغربة الأصوات في البيت لكنها أبتسمت أول ما شافتهم
فجر\ و أنا أقول البيت فيه حياه ليش ؟
أريج\ هلا و غلا طيب سلمي قبل
فجر\ صح نسيت
ريم\ لا عادي فجر تمون
فجر\ أي طبعا أنا فجر
أريج\ تشوف عمرها علينا عاد الأن
فجر\ خلك بس و نأدي شغالتك هذي تطلع ملابسي لنفس الغرفة الي نمت فيها أول
أريج\ شغالتي عندها شغل روحي أنتِ و خذي الغرفه الي جمبها
فجر\ و ليش ؟
أريج\ لإن ريوم نائمة بالغرفه من أمس
ريم\ عادي أنا أروح الغرفه الثانيه مو مشكله
فجر\ و أنتِ تنامين هنا ؟
ريم\ إيه لين مشعل يرجع
فجر\ و مخليتني أخلي دودي و أجي أنام عندك و ريم عندك ما تكفيك يا الظالمة ؟
أريج بمزحه\ تراك جيتي من نفسك ما قلت لك تعالي
فجر\ طردة
ريم\ منو دودي ؟
فجر\ صديقي العزيز و مؤنس وحدتي خليته مع العجائز لوحده
أريج\ الله لا يبلانا لحقي عليه لا ينتحر من الشوق
ريم\ والله و عادي جدتي ما تخاصم ؟
فجر\ شوفي هو واحد محترم جالس بالملحق ما يدخل البيت
ريم\ ما تخافين عمي يدري عنه ؟
فجر\ لا نحن علاقتنا في النور أبوي هو الي دخله البيت
ريم كانت مستغربه منها
أريج بضحكة\ ترى تتكلم عن قطو من الصبح
ريم ضحكة من قلبها و رمتها بالمخده\ الله يقطع أبليسك صدقتك والله....

****************

من ساعة و هو دايخ بينهم ما هو راضي يفهم عليهم كل وحده تقول كلام يختلف عن الثانية لدرجة إن الشك بداء يسيطر عليه
أبو مشعل\ يعني شلون ريم ما تبي جوال ؟
مرام\ لا يبه هي تبي بس مو نفس الرقم الأول
أم مشعل\ خلها لين تروح الكلية و نطلع لها رقم الأن ماله داعي
أبو مشعل\ لا يكون مسويه شئ من وراي ؟
أم مشعل كانت تبي تسكر السالفة لجل ما تكبر و يطلع كلام لناس\ لا ما سوت شئ خلاص شريحتها حرقة و ما تبي نفس الرقم غيره وش عليك
أبو مشعل\ زين يصير خير أنا أمرها يوم بيت مشعل
مرام\ هي بتبقى لين مشعل يرجع
أبو مشعل\ ما عليه هو بيت أخوها و حرمته ما هي غريبه
أم مشعل بهمس\ زين كان ما هي الي فضحتنا
مرام حست بالإشمئزاز من تفكير أمها فهمسة لها\ أريج عرفة السالفة كلها و لا خبرة حتى مشعل...

***************

الجزء الثامن و العشرون



رأسها راح ينفجر من هـ الثنتين طول الوقت وهم في ضحك و لعب فجر كانت محتاجه لصديقه و لقت ريم الي قدرت فجر تغير جوها بشكل جذري و تنسيها عادل و كل الي صار صاروا 24 ساعة مع بعض حتى النوم بغرفه وحده و أريج الي أكلتها منهم كل ما دق مشعل عملوا لها سالفه
أريج و الي كانت بالمرسم مقفله على نفسها لجل تقدر تكلم مشعل براحتها عنهم لكن وين\ يا عالم الباب أتكسر
ريم\ طيب أفتحيه
مشعل\ شكل أختك خبلة بريم ما كانت كذا
أريج\ لا والله بس ما كان عندها نفس الجو في بيتكم
مشعل\ أخاف ينقلون العدوى لمرام كمان
أريج\ رأسي بينفجر منهم مشعل
مشعل\ سلامة رأسك يا قلبي
أريج و هي تصرخ عليهم\ فجر والله لأدق لأبوي
فجر و هي تطنز عليها و بنفس نبرتها\ لا خبري مشعل
مشعل\ ههههههه رجه أختك
أريج\ فوق ما تتصور
مشعل\ زين خليك منهم و أهتمي بنفسك أنتِ ما أبي أرجع أحصل وزنك نازل مثل أول
أريج\ أنت بتطول أكثر .؟
مشعل\ لسى أريج مالي إلا ثلاث أيام تعب الطيارة وربي لسى فيني
أريج\ يعني بتصوم رمضان هناك ؟
مشعل\ لا يا روحي بجي قبل رمضان كم باقي له ؟
أريج\ سبعه أيام أو ثمانيه
مشعل\ لا إن شاء الله أكون عندك قبلها و لا يهمك....

**************

جالسه معها و هي محتارة فيها من فترة و هي ما هي طبيعيه العاده ما تخبئ عنها شئ لكن من رجعوا من السفر و هي ما تكلمت لها بشئ
مها\ يا بنت الناس أنا متأكدة إن فيك شئ
مرام\ و أنا أقولك ما فيني شئ
مها\ منتي مرام الي أعرفها
مرام\ ما فيه شئ يبقى على حاله خلاص سكريها سالفه
مها\ طيب براحتك
مرام\ قالت لك أمك وين بتروح هي و أمي ؟
مها\ لا
مرام\ اووف ملل
مها\ طيب نطلع مكان تغيرين جو
مرام بتفكير\ تروحين معي بيت مشعل ؟
مها\ ريم هناك صح .؟
مرام\ إيه
مها\ اوكيه أروح.....

***************

بإحدى الممرات كان يمشي و هو ضام الملف لصدره و يتنفس بصعوبه كان داخل المستشفى على أمل ضيئل و الأن بكلمة وحده تغير كل شئ في خاطره كان يحمد ربه أنه ما خبر أريج و لا عشمها في شئ و إلا صدق كانت نفسيتها بتنتكس دخل الغرفه و رمى الملف على الطاوله و جلس
سلطان\ بشر شو النتيجه ؟
مشعل بتنهيده\ بهذي الفحوصات ما فيه أمل
سلطان\ ليش شو قالوا ؟
مشعل\ العميله خطرة و ما بتستحملها هي و الدكتور يقول ما يظمن النتائج ممكن تفقد النطق او البصر
سلطان\ ليش من متى هـ الفحوصات ؟
مشعل\ يمكن سنتين
سلطان\ طيب سهله جيبها تعمل فحوصات من أول يمكن يوضح شئ تغير للأحسن مع الوقت
مشعل\ بتقول لا أكيد و بتتأثر نفسيتها و أخاف أقنعها و يقولوا كمان نفس الكلام وش يفكني من عمي بعدين
سلطان\ اهاا الحمدلله على كل حال
مشعل\ الحمد لله إني ما خبرتها بس
سلطان\ إي والله أول مرة تخطط صح تغيرت يا أخي
مشعل\ هههههههههه روح زين
سلطان\ لا والله غيرك الزواج صراحه
مشعل\ عقبال عندك
سلطان لا شعوريا جاء طيف مرام بعيونه\ الله كريم بس ما راح أخذ مثل بعض ناس وحده أصغر مني بعشر سنوات
مشعل\ أحلا شئ تكون أصغر منك.....

****************

مبسوطه في الجلسه معهم جمعتهم خلة في البيت حركة و روح حلوه تفتقدتها بعدم وجود مشعل بالبيت دخلت عليهم مع ناني الي كانت شايله صينيه فيها بيتزاء و بيبسي
ريم\ أنا بقول لمشعل يربطك قبل يسافر المره الثانيه
فجر\ تكفين إي والله متعبه نفسها
أريج\ لا تعب و لا شئ لا تبالغون
مرام\ لا جد إحنا مو ضيوف نعرف المطبخ الي تبي شئ تروح تأخذه
مها بقهر من أول ما شافة إهتمام مرام بالذات\ عادي لا تكبرونها الشغاله الي سوته
فجر\ من قالك يا قلبي الشغاله تطبخ و إلا تحط يدها بالأكل لا هذا طبخ أريج فديتها
مرام\ أي مو طعم طبخ ناني
ريم\ ما تشوفين مشعل كيف وزنه راح حلو من أكل أريج
أريج\ أصلا أخوك ما يحب أكل الشغالات
مها\ الرجال يأكلون أي شئ ما يفرقون
فجر بغيض\ الي تعود زوجها على أكل الشغالات بيأكل أي شئ لإنه بدون نفس
أريج\ كبرنا و أمي الي تطبخ لأبوي و الشغاله مالها يد
ريم\ أصلا خالتي طبخها روعه فيه نكهة كويتيه كذا مميزة
أريج بضحكة\ الأن بعض الناس قلوبهم وصلت الكويت
فجر\ يا زينك ساكته
مرام\ راح تتزوجي قريب فجر ؟
فجر\ لا باقي سنه عشان يتخرج
مها ما كانت تعرف بخطبة فجر\ أنتِ مخطوبه ؟
أريج\ إيه لولد خالي من زمان
ريم\ الله يعينه تخبل
فجر بنظرة\ أحلفي بس
أريج و هي تشوف جوالها\ هدوء برد
ريم\ هو مشعل جرعات بساعة يدق عليك
أريج بحياء\ هذا عمي.....

*************

دخل و بخاطرة البيت بدون حركة البنات ما يسوى أريج و خلاص تمرهم مثل الضيفه كم ساعة و تطلع و الأن فجر عندها من كم يوم و بكرة راح تتزوج مثل أختها و تطلع يتمنى اللحظة الي يدخلون عليه البيت بعيالهم
أبو أريج\ البيت بدون حس البنات معاد له طعم
أم عبدالله\ والله صادق يا ولدي تعودنا على حسهن
أم أريج\ بكرة يجينك بعيالهم و تقولهم صدعتوا بي
أبو أريج\ خلهم يجون هـ العيال
أم أريج\ بإذن الله
أم عبدالله\ هي أريج ليش ما تجي تنام عندنا لين رجلها يرجع بدل ما تأخذ أختها عندها
أم أريج\ عاد ترتاح هناك أكثر و الحين حتى ريم تنام عندها
أم عبدالله\ أجل خلي فجر ترجع دام ريم عندها
أم أريج\ ما تبي يا خالتي مستانسه على الجلسة فجر تحب السواليف و الجلسات....


*******************

بحديقة المستشفى جلس على كرسي خشبي تحت شجرة يتأمل الناس و حركتهم شده منظر بنت كانت تمشي على عكازات من قدامه تمنى لو كانت هي أريج معه تتعالج ما كان قبل يعيش معها يفكر بأمر علاجها و إنه يشوفها توقف على رجولها لكن الأن صارت هي أمنيته الوحيده صار لما يسافر ينعش ذاكرته بأريج الطفله بنت التسع السنوات تقريبا هو أخر عهد له بشوفتها بعدها بداء هو يسافر و معاد يشوفها حتى أيام الحادث ما يذكرها و لا يذكر أنه زار عمه بالمستشفى كان مبتعد عن الكل لكن الأن لا يا مشعل لأزم كل شئ يتغير...

*****************

بالمجلس كانت فرحانه بجيته بيتها و زيارته الأولى لها كانت تتمناها من زمان لكن الخير ما يندرى وين
أريج\ حيالله عمي
أبو مشعل\ الله يحيك يا يبه أستريحي
أريج و الي كانت تصب القهوة\ مستريحه عمي واجبك هذا
أبو مشعل\ الله يخليك يبه طمنيني وش أخبارك أنتِ و مشعل شخباره يدق عليك ؟
أريج\ الحمد لله عمي ما علينا إيه يدق كل يوم
أبو مشعل\ متى جأي قالك ؟
أريج\ والله لسى ما حجز بس قالي قبل رمضان إن شاء الله
أبو مشعل\ على خير
في هـ اللحظة دخلت ريم و هي مؤطيه رأسها أبو ما قصر معها طول عمره يشتغل و يتعب نفسه لجلهم صحيح تقصيرة كان عاطفي لكن في أشياء أغناهم عن مجرد الحلم فيها كل تفكيرها لو عرف عن فعلتها شلون بتقابله
أبو مشعل\ هلا بالريم
ريم بعد ما سلمت عليه\ هلا بابي وحشتني كثير
أبو مشعل\ ما هو أنتِ قاطعه البيت مدري وش جأيك علينا ؟
أريج\ هذا بيتها بعد عمي
ريم\ أريج لوحدها كمان ننام عندها أنا و فجر
أبو مشعل\ و جوالك كيف حرق ؟
أريج بضحكة\ ما عليه عمي أنا حرقته لها بالخطاء
ريم كانت تطالع فيها بإمتنان\ و عشان كذا قلت غير هي تطلع لي رقم
أريج\ خلاص بطلع ذليتنا
أبو مشعل\ الله يخليكم لبعض يا بناتي.....

*******************

في الفندق دخل و فتح شنطته و أبتسم و هو يطلع أكثر فرشاه تحبها أريج و ترسم فيها أخذها معه من غير ما تحس لإنه متأكد أنها بتهلك نفسها بالرسم في غيابه ( الظاهر لسى ما أفتقدتها و إلا ما خطر ببالها أنها معي خل أدق عليها و أسحبها بالكلام من غير ما تحس )
مشعل و أول ما أنفتح الخط\ أروجه حبيبي وحشني صوتك .... لكنه أنصدم بالخط الي تقفل بوجهه بخاطرة أستغرب ( معقول إنحرجة لذي الدرجة لا أريج مو كذا ما تقفل الخط يمكن من الشبكة او تقفلة البطاريه خل أتصل فيها مره ثانيه )
رجع مشعل أتصل لكن هـ المره محد فتح له الخط فحس أنه تنرفز و رمى الجوال بغيض.....

***************

بغرفتها و بعد ما رجعت من عند أريج فتحة الكبت تبي تبدل ملابسها و تغلغلة ريحة عطره داخل صدرها مستحيل تقدر تنسى هـ الإنسان الي غيرها و فتح عيونها على الحقيقة الي كانت مغطأه بوهم نسجته الفلوس و أمها و أحلام مها الي إنبنة على أنانية و حب تملك اليوم جلسة مع فجر و أريج بدت تعرف معدنهم الأصيل و قلوبهم البيضاء و طعم الضحكة و راحة البال بينهم وين كنتِ عنهم يا مرام كل هـ الوقت أخذة الفستان و ضمته بمشاعر كانت تجهلها لكنها رغبه من الأعماق إمتزجة بدموع ندم على كل شئ.....

***************

بالسرير أتمددت و هي تستنشق ريحة مشعل الي صارت تعشقها من كم يوم مكالماتهم قصيرة و ما تشبع شوقها له و السبب وجود ريم و فجر معها طول الوقت أخذة جوالها و أتصلت فيه
مشعل\ هلا
أريج\ هلا فيك شخبارك ؟
مشعل\ بخير
أريج حست أنه يكلمها بدون نفس فستغربة منه\ شو فيك مشعل ؟
مشعل\ و لا شئ
أريج\ ليش تكلمني بدون نفس ؟
مشعل\ أسالي نفسك
أريج بستغراب\ شو سويت ؟
مشعل بغضب واضح\ تقفلين الخط في وجهي و طنشين مكالماتي و كمان تسألين وش مسويه
أريج بهتت\ متى صار كذا مشعل أنت ما دقيت اليوم إلا الظهر و كلمتك
مشعل\ طبعا تتناسين يعني
أريج أستغربت أكثر\ مشعل متى دقيت ؟
مشعل\ المغرب عندكم
أريج و هي تتذكر\ المغرب كان عمي عندنا و جالسين معه في المجلس .. و فتحة السجل للجوال شافته فاضي\ حتى السجل للجوال ما فيه مكالمة لك
مشعل و هو واصل حده\ أكذب أنا يعني ؟
أريج و صوتها بداء يروح من البكاء\ محشوم بس وربي ما شفت لك مكالمة غير حقة الظهر و المغرب جالسين مع عمي حتى جوالي مو معي و مستحيل الشغالات يردون
مشعل كان فعلا معصب و نفسيته عدم و ممكن السبب الرئيسي لعصبيته هو تركه نهائيا لتدخين من أسبوع\ زين بقفل أنا كمان الخط و أشوف كيف السجل يمسح نفسه
أريج حضنت مخدته و هي تبكي بقهر ...

أطلقت لقلبي العنان في سمأك
دون أن أحميه بجناحين تقاوم كسرك

***************

..
..
..

الجزء التاسع و العشرون



رفعت رأسها عن المخده بعد موجة بكاء إستمرت لساعات مشعل أول مره يعاملها بهـ الطريقه كانت تظن أنه بيقفل الخط لين يهداء و يرجع يتصل فيها و يعتذر لكن إنتظارها طول رمة نفسها على الكرسي و طلعت تبلل حلقها الناشف و هي تدعي ربها إنها ما تشوف لا ريم و لا فجر .. حركتهم ضحكهم مع بعض أسعدها ريم و فجر ثنيناتهم محتاجات لصداقه الي تملئ حياتهم و تحميهم من الغلط تبسمة لهم بفرحه و رجعة للخلف ما تبيهم يشوفون أثار البكاء بعيونها لكن سؤال فجر لريم و إجابتها وقفها و شل حركة نفسها و رجعها لموجة بكاء أقوى من السابقه....

**************

تأفف بقهر و هو يطالع ساعته الي يحس أنها متوقفه عن الحركة من ساعات قسى عليها و قلبه عوره لكن ما أحب يرجع يتصل و هو معصب بينتظر لين يهداء و يتصل فيها طلع له ملابس على السريع و أتصل في سلطان
سلطان\ هلا
مشعل\ نائم ؟
سلطان\ لا
مشعل\ أجل قوم البس و بنطلع
سلطان\ وين في هـ الوقت ؟
مشعل\ أي مكان مخنوق أبي أشم هواء
سلطان\ تعالي الغرفه زين
مشعل\ أقولك مخنوق ما أتنفس
سلطان\ زين خلاص بلاك معصب دقائق البس
مشعل\ أنتظرك تحت.....

****************

بالمرسم قلبت الأغراض فوق تحت بدون جدوى مالها أي أثر ( افف و أنا ناقصه وين راحة هذي كمان هذا وقتها تختفئ أحس أني راح أنفجر من كل شئ مشعل و مها و الحياه و الدوامه الي دخلت نفسي فيها بسبتهم يالله كيف ما أنتبهت لها من أمس أكيد وحده من الشغالات داخله ترتب و عافسه لي الأغراض أكيد حطتها في الكبت ) تحركة أريج ناحية الكبت فتحته بقوة بدون ما تنتبه و أرتفعت صرخة ألم في البيت....

***************

بشوارع برلين كانوا يمشون بدون هدف من وقت طلوعهم من الفندق الوقت أخر الليل و الجو كان بارد و الصمت لازال ثالثهم
سلطان و هو يمسك يد مشعل\ وقف هنا ترى هلكة من المشي
مشعل\ زين تعال نجلس عند الجسر
سلطان\ شو فيك معصب أنت كذا ؟
مشعل\ و لا شئ
سلطان\ قول لواحد غيري و لا شئ
مشعل و هو يتأمل النهر تحتهم\ أحس بضيق يمكن سببه الدخان
سلطان\ كم لك ما دخنة ؟
مشعل\ أسبوع
سلطان\ لا تطور و الله
مشعل\ مالي خلق لطنازتك سلطون
سلطان و هو يطالعه بنص عين\ أكرهك
مشعل\ هههههههه أحبك
سلطان\ إيه كذا أضحك الدنيا ما تسوى زعل
مشعل\ أي والله ما تسوى.....

****************

بالمستشفى كانوا مجتمعين حولها و هي شبه فاقده الوعي من البرواز الخشبي الي طاح على رأسها و سبب لها جرح نزفة منه كثير
أم أريج\ أريج يمه
أريج بهمس\ هممم
أم أريج\ يمه يعورك شئ تبين شئ ؟
فجر\ يمه خلاص خليها ترتاح كم مره تسألينها
أم أريج\ خليني أتطمئن عليها وش عليك أنتِ
ريم\ خالتي أصلا هي مخدره الحين ما تحس فيك
أم أريج\ فديتها كيف طاح على رأسها و ما نتبهتوا لها ؟
فجر\ هي كانت نائمه مدري شو صحاها الفجر ترسم مجنونه بنتك
أم أريج و هي تمسح على رأسها بحنان\ الله يصلحها
ريم\ خالتي تعالي أجلسي تعبتي من الوقفه
فجر و هي تعدل شيلتها\ أنا بروح أشوف أبوي
أم أريج\ خليه يجئ يطمني شو قاله الدكتور
فجر\ أبشري...

***************

بالفندق أرتمى على السرير بعد ما هلك نفسه بالمشي مسافه طويله بس لجل ينسى لكن تفكيره و عينه كانت طول الوقت على الجوال ( و الله قسيت عليها اففف أكيد الحين جالسة تبكي يا رب طول بالي أنتظرها تدق بس أنا الي قفلة الخط أريجوه مستحيل تدق و أنا معصب ) أخذ مشعل جواله و دق و بخاطرة يتمنى إنها تكون صاحيه و ينسيها الي صار لكن خاب ضنه لإن محد رد عليه فظن أنها نائمه......

**************

بالسرير تحركة بتعب و صداع كان يخترق كل شعرة في رأسها تحس بالإختناق بس لمجرد تتذكر إنها بالمستشفى و ذكرى الأيام الي قضتها فيه
أم أريج\ يمه تبين شئ ؟
أريج\ البيت
ريم\ الله يهديك شو البيت الحين أنتِ لسى تعبانه
أريج غصب عنها شافة في ريم صورة ناس خاليه من المشاعر و لا تعترف فيها كانت هي أكبر ضحية في طريقهم و طريق مشعل بالذات دمعة عينها غصب\ يمه خذيني عندك البيت وينه أبوي أنا ما أبي أجلس هنا تكفين
أم أريج أخذتها بحضنها\ أبشري يمه بس أهدي الحين لين نشوف الدكتور يكتب لك خروج
أريج بضيق\ أنا ما فيني شئ أبي أطلع
ريم\ خلاص عمي برى أنا أكلمه لك.....

*****************

النوم ما هو راضي يغلبه بداء يقلق و ما يستوعب الي يصير مستحيل أريج ما تكون صاحيه الحين قريب الظهر صاير داق عليها خمس مرات بدون جدوى حتى جوال ريم مقفل ما يدري ليش ( خل أدق على خط البيت ) أتصل مشعل و جأه صوت ساتي الي ما كنت تعرف عربي كثير
ساتي\ هاي مستر
مشعل\ وين مدام ؟
ساتي\ ما فيه
مشعل\ وين يروح ؟
ساتي\ ما يعرف أنا
مشعل\ طيب ريم ؟
ساتي\ ما فيه
مشعل كمان\ طيب أعطيني فجر و إلا ناني
ساتي\ كله ما فيه
قفل مشعل الخط و هو ما هو فاهم شئ و القلق بداء يسيطر عليه.....

***************

بالغصب أجبرة الكل إنها تطلع تكره المستشفى و يومه و بدت تكره حياتها من بعد كلام ريم الفجر دخلت غرفتها و أتمددت على السرير بمساعدة فجر راحتها هنا غير ما تبي ترجع البيت و تحس بالضيق خلاص لازم تترك كل شئ لهم مستحيل تعيش حياتها بذي الصورة
أم أريج\ أرتاحي يمه
أريج\ وين راحة ريم ؟
فجر\ راحة مع ناني البيت يجبون لك ملابس
أريج\ خلي ناني تبقى هنا يمه إذا جأت لا تروح
أم أريج\ أبشري يمه
فجر\ يعورك الجرح ؟
أريج بتعب\ لا بس أحس بدوخه
أم أريج\ ما بقى فيك دم خليني أروح أسوي لك أكل و عصير يعوضك
أريج\ مو الحين يمه أبي أنام
فجر\ كلي و بعدين تنامين.....

*************

على الغداء كان يتأملها بصمت تغيرت كثير و بداء يخاف عليها من هـ الصمت و الشرود و جلسة البيت الغريبه عليها ( مرام من وقت رجعوا من اسبانيا ما طلعت من البيت إلا مره وحده عند أريج و سمعة منها كيف مشعل يقولها إن سلطان بداء تتعب نفسيته من الجلسه هناك و من وقتها صار يسيطر على تفكيرها بشكل أكبر )
أبو مشعل\ مرام يبه
مرام\ هلا يبه
أبو مشعل و هو يطالع صحنها الي ما نقص من وقت جلستها\ ليش ما تأكلين ؟
مرام\ شبعت حمد لله
أبو مشعل\ صحنك على ما هو عليه
مرام\ لا والله أكلت حمدلله
في هـ اللحظة دخلت عليهم ريم و رمة شنطة ملابسها على الكنبة و جأت تسلم على رأس أبوها
أبو مشعل\ هلا يبه نور البيت
ريم\ منور بوجودك
أبو مشعل\ أجلسي تغدي معنى
ريم\ والله مالي نفس الحين مصدعه و أبي أنام
أبو مشعل\ رجع مشعل ؟
ريم\ لا
مرام\ و خليتي أريج لوحدها ؟
ريم\ أسكتي من الفجر و إحنا بالمستشفى أريج طاح برواز على رأسها و أنجرحة و الحين راحة بيت أهلها
مرام\ يا قلبي كيف ما أنتبهتوا لها إنها تبي شئ من فوق ؟
ريم\ هي كانت نائمه قبلنا و إحنا تو ندخل الغرفه بنام إلا و نسمع صرختها
أبو مشعل\ و عمك الي وصلك هنا ؟
ريم\ لا السواق لإني رحة أجيب لها ملابس من البيت و عمي راح الصيدلية يشتري لها الدواء
أبو مشعل\ أجل العصر لازم أمرها أتطمئن عليها
ريم بتردد\ أمي موجوده .؟
مرام\ لا معزومه على الغداء....

****************

بالغرفه رايح جاي خلاص بداء يقلق بجد من دقائق رجع أتصل بالبيت و ردت عليه ساتي و أصدمته بإن ريم أخذة ملابسها و ملابس لـ أريج و طلعت من البيت مشعل ما عرف شو يسوي إلا أنه يدق على بيت عمه و يعرف منهم جأه صوت فجر الي كانت مواصله و رايحه لغرفتها بتنام تعبان و مبحوح فخاف أن أريج صاير لها شئ
فجر\ الوو
مشعل\ السلام عليكم
فجر\ و عليكم السلام هلا
مشعل\ أريج عندكم جوالها ما ترد و الشغاله في البيت تقول ما هي فيه ؟
فجر ما عرفت كيف تخبره\ إيه هي عندنا لإنه....
مشعل بنرفزة\ شو يا فجر تكلمي ترى أعصابي تعبت من الفجر أتصل فيها
فجر\ الفجر طاح برواز خشبي على رأسها و أنجرحة بس هي الأن بخير خلاص نظفوا الجرح و خيطوه
مشعل حس بضيق ما ينوصف\ و أنتِ و ريم وش خانتكن جالسين عندها .؟
فجر بالإصل هي مقهورة منه من أول ما سافر عن أريج و تركها مع جدتها لوحدهم و مقهوره أكثر من كلام ريم عن مها\ و الله عاد ما قلنا لك كمان سافر عنها كل أسبوعين و خلها لوحدها هي كانت نائمه وش صحاها ترسم مدري بس الي أعرفه إنها إذا كانت متضايقه ما تنام....

***************

..
..
..

الجزء الثلاثون



دخل و كل خطوة تسبق الثانيه لجل يشوفها و يطمئن عليها قلبه مقبوض من يومين بعد ما تأكد إنها ما تبي تكلمه و كل ما أتصل على عمته تتحجج بإنها نائمه الكل يقوله بخير لكن هو كيف يرتاح قبل يشوفها بنفسه
تقدمته و فتحة له الباب أم أريج\ هلا يمه حياك
دخل الغرفه و شافها كيف متمدده على السرير و الشاش الأبيض يغطئ نص رأسها و طالع الفراغ تناسى وجود عمته و أنحنى عليها ضمها و بأسها فوق الجرح مشعل\ سلامات يا روحي
أريج إنخنقت بعبره و طالعة أمها الي أبتسمت لها و طلعة و سكرت عليهم الباب
مشعل\ أريج
أريج طالعت فيه بصمت و دمعة عيونها الجرح الي كان بقلبها ينزف أكثر من رأسها
مشعل و هو يلمس رأسها\ يعورك ؟
أريج\ لا
مشعل\ شلون طاح عليك ما أنتبهتي ؟
أريج\ لا كنت أدور الفرشه و ما أنتبهت
مشعل عض شفايفه بلؤم\ الفرشه الزرقاء ؟
أريج\ إيه
مشعل\ أنا أخذتها
أريج\ ليش ؟
مشعل\ ما كنت أبيك تهلكين نفسك بالرسم
أريج من داخلها كانت تصرخ معاد فيها تتحمل منه كل هـ الكذب قفلت عيونها بسقوط دمعه مؤلمه و راها جيش من الدموع
مد يده لعيونها يبي يمسحها لكنه تفاجاء بيدها تبعد يده بقسوة أريج\ لا تلمسني
مشعل بهت فيها\ ليش شو فيه ؟
أريج\ مو شئ يستاهل
مشعل\ أريج ترى والله أسف بجد كنت مقهور من الخط الي أنفتح و تقفل أعذريني نفسيتي بعد الدخان عدم
أريج\ شوف الجوال بنفسك ما وصلني شئ
مشعل\ اوكيه أنسي خلاص بس لا تبكي كذا ما يستاهل دموعك
أريج\ ماتبي تعرف من رد عليك و مسح السجل ؟
مشعل\ ما يهمني
أريج صرخة بصوت مبحوح\ بس أنا يهمني تعرف
مشعل كان مستغرب من عصبيتها\ زين قولي الي تبين بس بدون ما تصارخين بهدوء
أريج بصراخ\ مها عارف منو مها
مشعل بضيق\ اللهم طولك يا روح شلي جاب جوالك لمها
أريج\ قلت لك كنت عند عمي في المجلس
مشعل\ تقوم تفتح جوالك شل وقاحه ذي
أريج بقهر على غيره\ ليش ما قلت إنها تحبك ليش أتزوجتني و البنت كانت لك ليش تركتها
مشعل بعصبيه\ من قالك هـ الخرابيط أنتِ من حشى مخك أي حب و أي هباب
أريج و هي خلاص مجروحه\ طبعا شو هو الحب عندكم و لا شئ أصلا حتى ما تعرفوه تظن فلوسك أسفارك تغني بس مشاعر الناس شئ ما يهم
مشعل\ أسمعيني عاد من الأخير لو تبين أروح أسحب لك مها من بيتهم لين عندك عشان تفهمين إنها ما تعنيلي شئ سويتها هي تعرف إني ما أبيها و لا فكرة فيها يوم أمي الله يهديها هي الي أوهمتها إنها لي و إلا أنا ما أبيها
أريج\ بس خلاص هي حبتك و حلمت فيك سنين
مشعل بنرفزة\ و ذنبي أنا وش هو فهمتها بدل المره ألف إني ما أشوفها إلا زي مرام و ريم ما تفهم أقطع نفسي عشانها و إلا أروح أتزوجها و أنا ما أبيها
أريج إنفجرت مره وحده تبكي قهر و ألم تحبه تبي تصرخ في وجهه و تعترف بحبها الي ما يدري عنه لكنها قدام شخص ما يؤمن بالحب قلبها صار ضعيف بدونه هو مصدر قوتها ما كان قدامها إلا ترتمي بحضنه و تبكي و بصوت متقطع\ مشـ عــل أ...نا أحـ..... و أختنق باقي الإحساس
مشعل كان يضمها أكثر و بداخله يصرخ كمليها يا أريج تكفين تعبت أقراها بعيونك و الله تعبت\ خلاص لا تقولين شئ الحين أرتاحي....

**************

دخلت عليها بعد ما طلع مشعل من عندها و هي مستغربه سبب صراخهم الي كان عالي و مستغربه أكثر إنها ما رجعت معه البيت
أم أريج\ أريج يمه وين راح رجلك ؟
أريج\ البيت
أم أريج\ و ليش وجهك كذا متؤرم ؟
أريج بضيق\ تعبانه رأسي مصدع
أم أريج\ شلي صاير بينكم أنتم صوتكم كان عالي ؟
أريج\ ما فيه شئ هو زعل عشان الي صار لي
أم أريج و هي ما هي راضيه تصدقها\ و يزعل عشانك يقوم يصارخ عليك ؟
أريج\ يمه هو مواصل و تارك التدخين يعني كيف تبين نفسيته تكون أكيد عدم
أم أريج\ و راح البيت بدونك ؟
أريج بكذبه\ أنا قلت له يروح ينام بعدين أنا أروح المغرب الحين شمس ما أقدر أطلع......

**************

رمة الجوال بغيض بعد ما كلمها مشعل صدق تنرفزة و ما توقعت مها تكون كذا و تملك الجرأه ترد على جوال أريج و هي متأكدة إنه مشعل
ريم بغيض\ غريبه بنت خالتك هذي يعني تعرف إن مشعل ما يبيها و كمان ترمي نفسها عليه
مرام بواقعيه\ هي مالها ذنب كبرت و أمي تقولها أنتِ لمشعل البنت تعلقة فيه
ريم\ حتى لو خلاص أتزوج هو ليش تبي تخرب عليه ؟
مرام\ الله يهديها
ريم\ المشكلة الأن أريج شكلها ما تبي ترجع البيت
مرام\ معقول هي وش عرفها ؟
ريم\ مدري لا تستبعدين مها قايله لها شئ
مرام\ طيب هي شو دخلها بالماضي ؟
ريم\ أنتِ ما تعرفين أريج حساسه أكيد تفكر إنها جرحة مها بزواجها
مرام\ أصلا عمي مربي بناته أنهم ما يعيشون على سعادة أحد
ريم\ قلتيها بنفسك
مرام\ طيب ما أظن مشعل بيتركها أكيد بيرتاح و بعدين يرجع لها و يتفاهمون
ريم\ مدري والله وش رأيك أدق عليها ؟
مرام\ لا خليهم يتفاهمون لوحدهم لا تتدخلين بينهم.......

*************

بعد جدال و صراع نفسي عميق قررت ترجع البيت بكل هدوء هي قالت لمشعل تبي ترتاح عند أمها لين يخف الألم لكن قلبها و راحتها عنده أكيد هو لسى نائم و إلا كان رجع لها او أتصل فيها ( أنا الي طلبته يترك التدخين يعني لازم أستحمل عصبيته و إلا بيرجع له مره ثانيه ) بداخلها كانت تصرخ [ لا تخربين حياتك بيدك يا أريج عشان وهم مها ]
أريج\ ناني رتبي ملابس يالله بنروح
فجر\ وين رايحه ؟
أريج\ البيت مشعل من الظهر و هو هناك لوحده
فجر بغرابه\ بس هو قال لأمي أنك بتبقين عندنا لين يخف جرحك
أريج بهتت يعني أمي تسألني و هو قايل لها و أنا مكذبه عليها\ هو قلنا كذا بس الحين أنا أحس أني بخير هي أمي وين ؟
فجر\ راحة مع أبوي لسوبر ماركت
أريج\ طيب سلمي عليها و إن شاء الله أكلمها قبل أنام
فجر\ أنتِ متأكدة أنك بخير ؟
أريج\ إيه
فجر\ طيب لو أحتجتي شئ دقي علي أي وقت
أريج\ اوكيه يالله فمأن الله......

****************

صايرة تتحاشئ الجلوس معها في أي مكان و تكره نغزاتها الي تسبب لها ضيق
أم مشعل\ على وين ؟
ريم\ بروح لفجر
أم مشعل\ و من متى هـ الصحبه ؟
ريم\ بضيع وقتي عندها و بشوف أريج
أم مشعل\ إيه بس أنتبهي لا تكون متعرفتلها على وأحد و ترجع لك الحنين
ريم بضيق\ بنات عمي عندهم أم ماليه حياتهم بالحب و الإهتمام ما يفكرون يدورون من برى
أم مشعل\ و أريج ليش ما رجعت البيت مع أخوك و إلا عجبتها الجلسه عند أهلها
ريم حبة تغيضها\ مشعل فديته قالها ما تطلعين من عند أهلك إلا بعد ما يألتم جرحك
أم مشعل\ إيه وش هـ الحنيه
ريم\ تستأهل أريج أكثر معوضه مشعل عن كل شئ....

*******************

دخلت الغرفه بهدوء بدون ما تزعجه شافته نائم بملابسه مكانها أبتسمت و قربت منه غطته زين و جلسة تتأمل ملامح التعب بوجهه و السواد حول عيونه ( و الله بسبتك صرت أعاني حتى الإبتسامه بالحسرة يا مشعل يا خوفي بعد ما تعلقت فيك تتركني و تروح صرت بين نارك و نار أمك الي كل يوم أتاكد إنها ما تبيني لك و إلا نار مها أكيد الحين الغيرة بتعمي قلبها لين تخرب علي حياتي ) إنتبهت للفرشاء الي كان ماسكها بيده و النوم مسيطر عليه سحبتها بحذر حطتها فوق رجولها و طلعت للمرسم..

**************

سالتها بتردد و خوف إنها تفهمها غلط لكن فجر الأن بس فهمت صحيت أريج الفجر و النرفزة الي ملازمتها من ذلك اليوم
فجر\ أجل خذيها مني أريج سمعتنا لما كنى في المطبخ و سالتك عن مها
ريم\ و إحنا ما أنتبهنى لوجودها
فجر\ يالله بس الحين فهمت هـ البنت
ريم\ أخاف تقول لمشعل
فجر\ لا ما تقوله بتكتم بقلبها أعرفها
ريم\ هي متى راحة البيت ؟
فجر\ من نص ساعة
ريم\ مشعل قالي بتبقى عندكم
فجر\ قال لأمي كذا كمان و قبل نص ساعة إلا هي داقه لسواق و رايحه مدري عنها بس أخوك لما جاء كان معصب و صوته طالع
ريم\ الله يهديهم مشعل لعصب ما يتفاهم
فجر\ خاطري أدق عليها
ريم\ على قول مرام خليهم يتفاهمون لوحدهم.....

*****************

بتكاسل رفع رأسه عن المخده و طالع الساعة الـ 09:50 مساء فز بسرعه و أخذ جواله الي كان ضابطه على 06:30 مساء ( افف لي وقت طويل نائم كيف ما صحاني المنبه الحين كيف أرجع لأريج بتقول تأخر الوقت و خل بكره كمان و لا ترضى تجئ معي ) على السريع أتوضاء و صلى فروضه رمى شماغه على كتفه و طلع مستعجل لنص الدرج و أنتبه لباب المرسم الي كان مفتوح و هومتأكد أنه سكره بنفسه قبل ينام خطئ قلبه قادته لجهته و أبتسم براحه و فرح لمنظرها و الفرشاه بيدها ترسم ضرب على جبينه [ الفرشاه نمت و هي بيدي كيف ما أنتبهت لها يوم تأخذها ] قرب منها بهدوء و ضمها من الخلف أريج شهقت بخوف لإنها كانت مندمجه بالرسم و لا حست بدخوله.......

***************

بالفندق دخل و أتمدد بسريره و ضم يده لصدره بدت تستجيب للعلاج و يخف الألم لكنه لازم يكمل فترة العلاج شهرين كاملة لجل يتلاشئ التشنج تماما طلع جواله أتصل في مشعل يتطمئن على وصوله
مشعل\ هلا والله
سلطان\ لا تكون نائم ؟
مشعل\ لا توي صاحي لسى بدري الساعة 11 ترى
سلطان\ ملان يا أخي
مشعل\ أنت من الفندق للمستشفى و من المستشفى للفندق روح أطلع أي مكان غير جوك
سلطان\ لوحدي نفس الشئ ملل
مشعل\ الحين صيفيه بتلقى عرب كثير بعدين مو أخر الأسبوع أخوك فهد جأيك
سلطان\ لسى اليوم السبت ترى وش رأيك تطلع أنت طيارة و تجئ ؟
مشعل و هو يطالع أريج بحذر و بصوت منخفض\ توبه أسافر قبل ما أكون متطمئن على السلامه من الأوضاع التخريبيه
سلطان بغرابه\ أي أوضاع ؟
مشعل بضحكة\ بطل لقافه
سلطان\ روح عاد تتكلم الغاز و تقول لقافه
مشعل\ إيه هذي الأوضاع ما يفهمونها غير المتزوجين بدري على العزاب الي مثلك يحلمون في العسل
سلطان فهم إن قصده المشاكل الزوجيه فضحك من قلبه\ مو بدري عليكم ؟
مشعل\ المحشي أكله في كل المواسم
سلطان\ ههههههه الله يقطع أبليسك و من الي قاعد يحشي من وراك ؟
مشعل\ مدري بس طعمه مو حلو مر و ربي......

*****************

من وقت رجعت البيت و هي تحس بالنوم طول وقت جلوسها عند أهلها و نومها خفيف و متقطع لكن وين تنام و مشعل توه صاحي و باين ما فيه نوم تحس من الصداع رأسها بينفجر غمضة عيونها بتعب و كان منتبه لها
مشعل\ فيك شئ حبيبي .؟
أريج بتعب\ لا ما فيني شئ
مشعل\ الجرح يعورك ؟
أريج\ شوي
مشعل\ متى بتفتحي الشاش عنه خلاص ؟
أريج\ بكرة عندي موعد لو ألتام أفتحها
مشعل\ الساعة كم ؟
أريج\ عادي تغيير أي وقت
مشعل\ خلاص العصر أوديك أنا
أريج\ طيب
مشعل\ طيب قومي نامي عشان تصحين مرتاحه بكره
أريج بكذبه\ لا عادي ما فيه نوم الحين
مشعل قام من على الكنبه و شالها من كرسيها لسرير\ عيونك مخدره فيها نوم
غمضة عيونها من قربه أنفاسه تحرقها تزيد نبض قلبها و تدفع الدم لوجهها نص جسمها ملامس السرير و الجزء الأخر لسى بين ذراعين مشعل .. ملامحها البرئيه نظرة الحب الي صار يقراها بعيونها تحرك مشاعرة نحوها بإندفاع حب و رغبه مشعل بهمس\ أريج
فتحة عيونها و كل إحاسيسها مخدره طالعت ملامحه القريبه منها بحب و نفس يتصاعد رفعت أصابعها و خللتها في شعره و تعانقة القلوب لحظتها.....

كم كنت أخشاك أيها الحب
تلك الحكايا التي فطرة القلوب
ضننتني فهمت الدرس منها و لن أعود....!!

***************
..
..
..