كاتب الموضوع :
بياض الصبح
المنتدى :
القصص المكتمله
الجزء الثالث عشر
تحرك الشوكة في صحنها يمين و شمال بدون هدف تذكر ليلة أمس و كيف مرت عليها عن ألف ليلة ألم كيف تبررها له و هو إلي ما فتح لها سيره و كأن الموضوع مر عليه بشكل عادي
كان منتبه لشرودها و حركة الشوكة العشوايه أخذها من يدها و حطها في الصحن مشعل\ الشوكة مالها ذنب تلعبين بها إذا ما تبين تأكلين نزليها
أريج حاولت تستجمع شجاعتها و نطقتها\ أنا أسفه
مشعل\ على شو ؟
أريج\ إلي صار أمس بالليل
مشعل سوى نفسه ما هو فاهم شئ\ وشو إلي صار أمس ؟
يستهبل هذا أريج\ يعني لما صحيتك و و و ......
مشعل\ ترى أنا لما أصحى من النوم و أرجع بعدين أكمل نوم أنسى وش صار بينهم
أريج طالعت فيه بإمتنان و أبتسمت و بادلها البسمه هي متأكده إنه ما هو ناسي بس يبي ينسيها
مشعل\ أريج حنا من تزوجنا ما طلعنا مكان ما تبين تروحين مكان ببالك ؟
أريج\ ما تعودت أطلع كثير أنا
مشعل\ بس فيه مره شفتك أنتي و أختك أظن يوم خميس مع عمي الصباح في الإشاره
أريج\ رحنا المكتبه بس كنت أحتاج ألوان
مشعل\ طيب أنتي ما جبتي أغراض الرسم حقتك ما أشتقتي لها ؟
أريج بخجل ممزوج بضحكه\ فيه ناس متوعدتني لو أخذتها قبل أسبوع
مشعل\ من ؟
أريج\ فجر
مشعل\ اهااا ما عليك فيها لو تبينها أرسلي السواق يجيبها لك
أريج\ إن شاء الله
مشعل\ طيب ما تبين نسافر مكان ؟
أريج لا شعورياً\ بتسافر معي ؟
مشعل\ مو أول كنتِ تسافرين للعلاج عادي
أريج\ إلا
مشعل\ طيب نفسه سفر بس نغير جو
أريج\ امممم نفسي أروح مكه
مشعل\ بس مكه حر هالحين أنا أقصد نسافر برى المملكة شهر عسل على ما يقولون
أريج\ مدري براحتك
مشعل\ نشوف يصير خير.....
**************
لازم تطلع اليوم لجل تشوف عادل لكن المصيبه مرام تبي السوق كمان يعني بتروح معها يالله يعني بتشوفه من بعيد و خلاص حاجه تقهر
مرام\ يالله أمشي
ريم\ اووووف لسى حر خلي بعد المغرب
مرام\ بروح الكوافيره أصبغ شعري العشاء ما يمدي
ريم\ طيب روحي الأن أنتي و أنا المغرب
مرام\ السواق واحد يا بعدي و إلا نسيتي إن الست أريج أخذة الثاني و نحن ننتظر الفيزا الجديده و عاد لين يفهم عربي و يدل الطريق
ريم\ لو أتصلت على مشعل أباه ما بيقول لا
مرام\ والله كان ما كفخك هذا من تزوج ما رفع علينا الخط تقول أخذ ملكة جمال
ريم\ هو عريس المفروض حنا نروح له بعدين نفسي أفهم أنتي ليش تكرهين أريج ؟
مرام\ ما أكرها
ريم\ أصلا أنتي ما تحبين أحد أشك أنك تكرهين حتى نفسك
مرام\ تكلموا البزارين هالحين تبين تروحين و إلا أروح خلاص
ريم\ بروح اوووف أنتظري أجيب عباتي
مرام\ أنا في السياره.......
*************
بالبلكونه كانت جالسة معه و منتبه لنظراته الي كانت شارده لبعيد و مركزها في زاوية محدده يا ترى وش الي يفكر فيه حتى جواله الي كان صامت على هزاز ما أنتبه له
أريج\ مشعل جوالك
مشعل\ هلا
أريج\ جوالك يدق من أول
مشعل أرتبك و طالع الشاشة\ هذا واحد من الشباب لحظة برد
مشعل\ هلا
سلطان\ مرحبا كيفك مشعل ؟
مشعل\ بخير والله شخبارك أنت ؟
سلطان\ ما أني بخير
مشعل\ افى ليش ؟
سلطان\ ما هو زواجك سوى تغيير في الكون و لأول مرة في حياتي أصدم بالسيارة
مشعل\ لا يا شيخ تمزح ؟
سلطان\ والله و عاد قلت لازم أقولك قبل أموت يمكن زواجك يقتلني
مشعل\ ههههههههههههه سخيف زين أنا لازم أشوفك قبل تموت
سلطان\ طبعاً و ليش داق
مشعل\ اوكية بس أبدل و أجيك يالله فمان الله
مشعل\ هذا صديقي مسوي حادث و يقول يحس أنه بيموت و السبب زواجي بروح أشوفه
أريج أستغربة كلامة وشو يقصد بالسبب زواجي بس فضلة تسكت\ طيب
مشعل و هو يوقف\ يالله تبين شئ ؟
أريج\ لا سلامتك....
**************
وقفت عند الباب مصدومه هـ الإنسانه ما ينفع معها التهديد من ثالث يوم تبي أغراض الرسم لا و تهدد بعد بمشعل و الله صار لك سند يا أروجه طيب أنا أوريك
فجر و هي تكلم السواق\ شوف غرفه جمب مجلس فيها أغراض أنت يخلص لا يروح دق جرس عشان يبى يعطي مدام حاجه
السواق\ اوكيه خلاص
رجعت فجر للبيت مسرعه تشوف حل مع هـ الأريج
أم أريج\ من يا فجر ؟
فجر\ سواق أريج يبي أغراض الرسم حقتها
أم أريج\ قلتي له يستنى لخلص ؟
فجر\ طبعاً لإني لازم أوريها كيف تكسر كلامي لا و تتحامى بمشعل خذي أغراضك و ما عليك فيها
أم أريج\ الله يسعدهم مدام هو قالها هاتيها خليهم براحتهم خليني أروح أحط لها أكل تلقينها ما تأكل أكل الشغالات
فجر\ كمان والله معاد لك سوق يا فجر
أم أريج\ عن الدلع يالله عاد أختك ما تعودت إلا على طبخي...
***********
تأففت بقرف و ملل و هي تنزل ما توقعت إنها بتزورهم بذي السرعه كله من ريم
مسكة يدها قبل تدق الجرس مرام\ أسمعي أنا بروح و أنتي أدخلي
ريم\ بلا حركات بزارين وصلتي لين هنا بعدين حنا راح نسافر يعني ما بنزورهم أكثر من شهر
خلصت كلامها ودقة الجرس ثواني و جأتهم الشغاله دخلتهم و خبرت أريج إلي نزلت لهم الصاله و هي مبتسمه إن أحد فكر يزورها
أريج\ هلا والله
ريم\ هلا بك يا عروسه أش الجمال هذا يا هوو ؟
أريج\ عيونك الحلوه حبيبتي الله يحييكم بجد فرحة لما قالت لي الشغاله إنكم تحت
ريم\ جأين من السوق و قلنا نمرك على السريع
أريج\ البيت بيتكم
مرام\ وينه مشعل ما أشوفه ؟
أريج\ طلع مشوار
مرام\ من الحين صار يطلع ؟
أريج أستغربة منها شو تقصد فكرة لأنه عريس قصدها ما يطلع\ هو له يومين عادي ما طلع بس دق عليه واحد من أصحابه مسوي حادث و راح يشوفه
ريم\ اهااا
مرام\ أصلا هو ما هو متعود على جلسة البيت معجزة جلس يومين بدون ما يطلع تلقين نفسيته عدم
أريج\ لا عادي
مرام\ غريب ما أظن مشعل يتغير كم يوم و بتشوفين كلامي حتى نوم برى البيت متعود
ريم\ بس عاد الأن عنده بيت و زوجه
مرام\ ما تفرق عنده قبل كان عنده بيت و أهل
ريم\ عاد كان عزابي و الأن زوج و مسئول
مرام و هي متناسيه وجود أريج\ أي مسئول لو كان يبي هـ المسئوليه كان أتزوج وحده غير أريج
.
.
.
كان أتزوج وحده غير أريج
كان أتزوج وحده غير أريج
كان أتزوج وحده غير أريج
ترددت هـ الكلمات بداخلها و سمعت لها صدى تحطيم أغلقة بوجهه ألف باب و أنسحبت بهدوء أريج\ عن إذنكم بشوف القهوة شو صار عليها....
**********
بمرسمها الجديد دخلت ترتب أغراضها بروح سمعت لها صدى تكسير ( شو كان ناقصني أنا لجل أزيد عذاب نفسي لهدرجه مالي أي قيمه مو بشر كنت سعيده بوجودي بين ناس متأكده إنهم يحبوني ليش أغامر بمشاعري و أدخل عالم ثاني ليش ؟
صرت أفتقد الوجوه الي أحبها و أعايش وجوه مغلفه بالكذب و الخداع يأرب أرحمني من هـ الدنيا يأرب بس لازم ما تنزل دموعي لجلهم لازم أكون أقوى من ما يتخيلون متزوجني لجل يأخذ حريته اوكيه ما بيكون لي أي خص فيه و بعيش حياتي زي ما أبى كمان )
غمضة عيونها و هي تسمعه ينأدي عليها و تمتمة في نفسها ( خلك طبيعيه معه كأنك ما تعرفين شئ )
مشعل\ أنتي هنا اوووه جبتي أغراضك ؟
أريج\ إيه جبتها
مشعل\ أش فيه صوتك مبحوح كذا ؟
أريج\ لا بس ريحة الألوان من كم يوم ما شميتها كيفه صديقك ؟
مشعل\ لا تمام طلع البيت بس كسر بيده و خدوش بسيطه
أريج\ الحمد لله
مشعل\ ليش ترتبين أغراضك لوحدك وين الشغالات ؟
أريج\ ما أحب حد يلمس أغراض الرسم حقتي برتبها على راحتي
مشعل و هو يمد يده على واحد من الأكياس\ و لا حتى أنا ؟
أريج كانت بترد عليه لكنها أنصدمة من صوت ضحكته المفاجئ و الورقه الي بيده مشعل من بين ضحكاته\ ههه خذي ههههه الظاهر من أختك ههههه
أريج أخذة الورقه تقراها بإستغراب ( أسمعي عاد كسرتي كلامي و أخذتي أغراضك قبل أسبوع و إتحاميتي بمشعل قلنا ما عليه يمكن طلع زوجها رومانسي و يبيها ترسمه في وضعيه معينه لكن ما تزورينا و لا تباركين لي النسبه لا و لا تجيبين لي هدية النجاح هذي ما تمشي علي صحيح بتقولين أنا ما جبت لك هدية الزواج و أنتي أتزوجتي قبل تطلع النتيجه بقولك إنا بروح الكويت الخميس و بأخذ لك هديه من هناك شفتي ماجد ما نساني أختي بس أنتي مشعل نساك أمك ) سرعان ما تبعتها بضحكة ممزوجه بخجل على جنان هـ البنت أريج\ ما تعقل هـ البنت
مشعل و إلي كان فاتح حافظة الأكل و يأكل و هو مستمتع\ اممم طباخه أمك ما شاء الله
أريج قربت ناحيته و أبتسمت فقط لشئ فيه ريحة أمها\ طيب أنتظر نحطه بصحون مو تأكل كذا
مشعل فأجاها بأنه حط قطعة بطاطس في فمها\ عادي أنتي كلي و ما عليك
و مد يده للحافظة الثانيه فتحها مشعل\ وااااااو مفلّق أموت فيه الله يرحمها جدتي كانت تسويه لي على طول عاد هذا لازم له ملعقه ثواني بروح أجيب و أرجع لك....
[ المفلّق أكله مشهورة بالمنطقه الشرقية و هي أكله حساويه مكوناتها الرئيسيه الجريش و الروبيان ]
****************
رمت جوالها على الكنبه بقهر و تأفف مها\ ياربي يمه ليش مالنا حظ بالدنيا ؟
أم مها\ ليش يمه الحمد لله عايشين أحسن من غيرنا
مها\ وين يمه عايشين الناس بالصيفيه تسافر تشم هواء مو تقعد في الحر شوفي أختك وين بتروح أسبانيا
أم مها\ أختي الله معطيها من خيره و زوجها فلوسه ما تنعد
مها\ أخوات و حظوظكم ما هي مثل بعض
أم مها\ الدنيا كذا يمه حتى أخو زوج خالتك عائش على قده
مها\ اااه يمه لا تذكريني مرام تقول راحوا لأريج اليوم
أم مها\ حتى خالتك ؟
مها\ لا بس هي و ريم هـ البنت أخذة العز كله مره وحده و من قواة حضها مشعل ما عنده أخوان يعني في النهاية كل العز لها
أم مها\ الشكوى لله عاد النصيب
مها\ إلا والله الحظ المصدي.....
******************
اليوم بالذات إبتسامتها حقيقه و الوجوه الي تقابلها تبادلها إبتسامه بحب و شوق متأكده منه
فجر\ يعني أخيرا فكرتي إن عندك أهل
أريج\ أسكتي أنتي بس فضحتيني أمس مع مشعل يكون في علمك قراء رسالتك قبلي
فجر\ شووو و حضرتك وين ؟
أريج\ وش عرفني إنك بترسلين لي رساله مهببه كذا
فجر\ يالله طاح وجهي
أريج\ أحسن عشان تعقلين
أم أريج\ وش مهببه لأختك ؟
فجر\ لا بس قلت لها إنا بنروح الكويت
أم أريج\ بس
فجر\ طبعاً بس
أم أريج\ أشك
فجر\ يمه تراك تكشفين الحين على مشعل ليش ما تروحين تجلسين معه ؟
أم أريج\ راح مشعل لأهله لإنهم بكره مسافرين
فجر\ اهااا و جدتي وين ؟
أم أريج\ بدل ما تضيعين السوالف يمين و شمال روحي المطبخ هاتي القهوة لإختك
فجر\ ههههههه طيب قولي إنك تبين تجلسين معها لوحدك و أنا أفهمها
أريج\ يمه الأن بترحون الكويت نصيحة عقلي بنتك قبل و إلا ولد أخوك غسل يده منها و بطل العرس
أم أريج\ أي والله يمه بس عاد هذا طبع فجر ما يتغير
فجر\ الي يباني يأخذني مثل ما أنا بعدين هو لو لف الكويت و السعودية و العالم بيت بيت ما يلقى مثلي
أم أريج\ بسألك الكويت و السعودية ما هم من باقي العالم ؟
أريج\ ههههههه الظاهر بعالم مستقل
فجر و هي تقوم عنهم\ أي عاد الأن أريج صارت حرمة و سوالفها تجيب الصداع أروح أشوف دحومي أبرك
أم أريج\ شوفي البنت أن ما قلت لأبوك أنك ما تحترمينه من وراه
فجر\ ليش تعدية حقوق الدلع حقة هدهوده ؟
أم أريج قامت وراها تتحلف لها و تركوا أريج بمكانهم تتمنى لحظة بس ترجعها تمسح خطين خربشتهم بكتاب أنهى معنى الفرح بحياتها....
تولد الأحزان و تكبر حتى أصبحت تقتات على أفراحي .. أرى سنابلي تذروها الرياح قبل يوم الحصاد حتى يستعصي علي جمعها و أنا مكبلة بين ألم يضيق له الكون و كأس أمل فارغ....
***********
دخل البيت و حس بالقرف كان بيرجع وراه لو لا إن ريم شافته و نادت عليه
ريم\ مشعل هلا حياك
مشعل وهو في مكانه\ أدخل ؟
ريم\ لحظة ,, و كملت كلامها لمها \ مشعل يبي يدخل
مرام\ يالله فوق مها
مها\ يالله
ريم\ خلاص أدخل مشعل
دخل مشعل و سلم على أمه و خالته و جلس بينهم
أم مشعل\ حيالله الي من تزوج قطع أمه مره وحده
مشعل\ توي من أربع أيام متزوج لحقت أكون قاطع
أم مشعل\ والله عاد الي زيك وحيد أمه المفروض يزورها كل يوم
أم مها\ ما عليه يا يمه كان دقيت عليها و لا تزعلها
مشعل عاد من متى أمي تهتم لي\ أصلا محد زعلان كثري متزوج و لا أحد رفع لي خط و إلا دق جرس قالي مبروك حتى أمي
أم مها\ والله يمه خاطري أزورك في البيت بس مدري عن وضع زوجتك أخافها تتضايق منا
مشعل\ أريج يا عمري هي كل يوم تسالني ليش أهلك ما يزورونا ما شاء الله عليهم خالاتها في الجبيل و من ثاني يوم إتصالات و عمتي حتى الغداء و العشاء ترسله لنا
أم مشعل\ و أنا معطيتك أحسن شغاله عندي و وينها هـ الأريج ما جات معك ما تقول أم زوجي بتسافر أشوفها قبل
متى تفهمين إن الشغالات ما يسوون مكانك مشعل\ إيه ما قصرتي و أريج عند أهلها لأنهم كمان مسافرين و على فكرة دقة على جوالك العصر و ما رديتي
أم مها حبت تغير السالفه بينهم\ هااه يمه و أنتم بتسافرون مكان ؟
مشعل\ والله مدري أريج تبى الحرم بشوف الوضع
أم مشعل\ سبحان الله و بتوديها ؟
مشعل\ وليش لا ما طلبت غالي.....
********
..
..
..
|
24-11-11, 02:35 AM
جديد مواضيع قسم القصص المكتمله
العرض العادي
