كاتب الموضوع :
دانة ليبية
المنتدى :
قهوة ليلاس
اهلا بيكم
طيب انا المفروض ( ادهم صبري ) طبعا كلكم عارفينه ..... اسيل المساعدة الاولى ليا ..... كاتيا المساعدة التانية ...... حسن الخلق رئيسة الحزب اللي رشحني لمجلس الشعب ...... زهرة رئيسة الحزب المعارض ...... ربانة العضو المرشح للحز المعارض ..... دانة ليبية مذيعة و صحفية .
دانة : اعزائي مشاهدي برنامج ( الصراحة راحة ) يسعدنا ان يكون معنا بطل قومي ..... بطل يعيش في قلوبنا ....... بطل لطالما تابعنا مغامراته ....... بطل ....... .
انا : ممكن تنجزي يا اختي و الله علشان وقت البرنامج .
دانه مبتسمة : اه احم ...... انه بطل مصر الاول ادهم فكري .
مساعدة دانة تهمس لها ....
دانة : اسفة ...... ادهم صبري ...... نورتنا يا كابتن ادهم .
انا مبتسما : شكرا جزيلا ليكي ...... انا سعيد اني موجود في البرنامج معاكم .
دانة : معنا ايضا رئيسة حزب ( كش ملك ) ...... زهرة سودااااااااء .
زهرة بعقل : اهلا بيكم .
دانة : معنا ايضا رئيسة حزب ( مش كاشش ) و الذي رشح ادهم ..... حسن الخلق .
حسن الخلق : اهلا و سهلا بيكم ...... تشرفنا .
دانة : معنا ايضا ...... .
انا : يا انسة ..... حضرتك ممكن تقدمينا مرة واحدة علشان و قت البرنامج ..... مش هينفع كل شوية معناااااااااااا ايضااااااااااا ....... انجاز من فضلك .
دانه بغضب : ستوب ...... لا لا لا يا جماعة دا اوفر بجد ...... ايه ده .... انا هاخد ريست .
تمشي دانة غاضبة .....
اسيل تقترب و تهمس لادهم صبري ....
اسيل : انا شاكة ان المذيعة دي عميلة مع حزب ( كش ملك ) يا سيادة المقدم .
انا : مقدم ؟! ..... مقدم ايه يا حاجة ..... هو انتي مقرتيش رجل المستحيل من العدد التالت و لا ايه ...... الدكتور نبيل كان فاضله عددين و يرقيني لواء .
اسيل : احم اسفة جدا .
كاتيا تقترب : سيادة العميد ...... انا بقترح تعلن ترشحك للرئاسة روايات الجيب اسهل من مجلش الشعب..... كله هينتخبك ..... انت ملك روايات الجيب .
انا بقلق : متنسيش ان ميكي داخل بتقله كمان يا كاتيا و الموضوع كبير .
كاتيا : اممممممم ...... طيب ايه رأيك نأجل الانتخابات الدورة دي .
انا : طبعا غلط ...... دي فرصتي اني اثبت نفسي ..... الشعب محتاج لبطل دلوقتي .
و في هذه الاثناء كانت حسن الخلق تتناقش مع زهرة .....
زهرة : هنكسب الانتخابات يا حسن الخلق ..... انتي متعرفيش احنا عاملين كام لوحة .
حسن الخلق تضحك بسخرية : كام لوحة ايه بس يا هانم ...... احنا دلوقتي في زمن الفوتوشوب .
زهرة : اه عارفاه عندي عالجهاز بس بيهنج الجهاز خالص .
حسن الخلق باهتمام : طيب جربي تعمليله ريستارت .
زهرة بضيق : و النبي يا اختي عملته اكتر من مرة و كل مرة يهنج برضه .
حسن الخلق : عندي الواد ابن اختي كده برضه ..... اخر ما غلب جاب لابتوب .
انا متحدثا لكاتيا و اسيل بسعادة : شايفين .... شايفين حسن الخلق بتتناقش بهدوء ازاي ...... ماشاء الله الظاهر بتحاول توصل لاتفاق .
ربانة تدخل فجأة : زهرة زهرة ..... الحقي مصيبة .
ادهم يقف بسعادة و ز هرة بانزعاج : اييييييييييه خسرنا الانتخابات ؟
ربانة : لا الاهلي خسر الماتش قدام الزمالك 3/1 .
ااسيل : بتهرجي .
ربانة بحزن : خسر و الله .
اسيل : انا مستغربة ازاي بس .
كاتيا بدهشة : ادهم .... انت مش قلقان تخسر الانتخابات .
انا بثقة : لا طبعا ..... عارفة ليه ؟ ....... لاني معروف ..... الشعب عارفني كويس .
كاتيا : و لا انتي يا ربانة ؟
ربانة بثقة : طبعا مش هخسر الانتخابات ...... عارفة ليه ..... علشان الشعب بيختار اللي عنده فلوس ...... و احنا كحزب اغنياء جدا جدا .
حسن الخلق تقف بغضب : انا عاوزة افهم يا زهرة انتي ايه اللي مخليكي قلقانة كده و رافضة العرض .
ادهم يتدخل : جرى ايه يا زعيمة .... صلوا عالنبي امال ..... انتي فاضل شوية و تناوليها بوكس في مناخيرها .
زهرة تهب واقفة : قلتلك انا قلقانة من اللاب الا يهنج هو كمان .
ادهم بخيبة امل : يهنج ..... لاب ...... هو فيه ايه .
حسن الخلق : خلاص براحتك ..... هبيع اللاب لاي حد تاني و خللي الفوتوشوب يهنج الجهاز عندك براحتك ..... و لعلمك عندي نسخة ويندوز اصلية ابقي قابليني لو شفتيها .
زهرة : ولا يهمي .
ادهم بفقدان صبر : يا جدعان ..... هو انتوا كنتوا بتتناقشوا في اللاب ...... يا فرحة الشعب بينا .
دانة تدخل مبتسمة : يالا هنصور .
كله يجلس في مكانه .....
دانة بسعادة : ظهرت الان نتيجة الانتخابات و هي فوز ...... .
ادهم بسعادة : اييييييه ...... انا ؟!
دانة مبتسمة : لا .
ربانة تصرخ فرحا : يااااااهوووووو ....... و بقيت اخيرا نايبة في المجلس الحلو ده .
دانة مبتسمة : برضه لا .
الكل ينظر بدهشة
دانة تقف و تقول بسعادة : شعب مصر اختار اللي شايف انه هيفيده بديمقراطية ...... شعب مصر اتحرر من الوجوه اللي عارفها و بيختارها دايما .... و اتحرر من حكاية هختار الحزب اللي عنده فلوس ..... و اختاروا حد هيخللي الدنيا كلهم تعرفهم و هيجيب فلوس علشان يحسن اقتصاد البلد ...... شعب مصر اتحرر اخيرا .
النهــــــــــــــــــــــــــــاية
همسة : كانت البداية انتخابات نزيهة ...... ننتظر حماس الشعب لاعادة بناء هيكلة مصرنا الحبيبة لتعود كما كانت دوما ام الدنيا .....
اسف يا جماعة لو الحلقة سياسية بايخة ....... بس دا اللي حسيت عاوز امثله .....
ارشح اللي بعدي اسيل ...... و الزمن : فترة الفراعنة خخخخخخخخخخخخخخخخخخخخخخخ ...... ورينا شطارتك اسيل .^_*
|
04-12-11, 02:39 PM
جديد مواضيع قسم قهوة ليلاس
العرض العادي
