بسم الله الرحمن الرحيم
الجزء الخامس والخمسون

فِي محرابِ السُخط : نحملُ كَثيراً منْ بُكاءْ
نَمضِي لِمرافىءِ الغيابْ .. بحقائبِ النسيانْ
المُهترئَة ، يتأخرُ القطارْ وَتزُولُ فكرَة الذَهابْ
اليَتيمْ لنعُودَ بوجه – أكثرَ بشاشَة بالهَوى / والغَزل
بآنٍ | واحدَة



هل ستؤلمني !؟ اذا كانت نعم .,
فـ قف
لم اختر الحُب يوماً خوفا من شبح الإنفصال ,..

رب رب إنتي وينك عندك إزعاج؟؟
أنا عند الكوافيرا اليوم زواج بنت أخت طلال
امم مشاء الله شفتي شلون تزوجوا عبدالله وتاله
ربى بحب الله يوفقهم يا رب ويسعدهم
آمييين يا رب تخيلي بعد العرس ما شفته على طول ثاني يوم سافر أميركا
وبعد أسبوع ونص إن شاء الله راجع
بالسلامة يرجع إن شاء الله إلا قولي لي شلون الحمل معك؟؟ كبرت بطنك
ههههه اتخيل شكلك وشلونك مع بسام
سكتت ثواني استغربتها ربى وبإحباط توتااا لا تقولين للحين رافضته ومـ...
قاطعتها بجرح لا ربى أنا سقطت !
ربى بصدمة متى يا قلبي عليك ؟!
لتين تاخذ نفس بأول يوم العيد كلمني رويد وهددني ببسام
ما قدرت أتحمل خوفي عليه ومات الولد
حسيت بمشاعر مختلفه والرهبه طاغيه عليها
قصة لتين تقشعر البدن
حب بسام بقلبها فاخر... له هيبه وهو مجرد إحساس معنوي
ابتسمت بألم عليها أخفيه يعوضك ربي توتا لا تخافين حبيبتي
لا أنا مؤمنه بقضاء ربي وحاليا مبسوطه مع بسام قاعده اتناسى كل شي وأعيش اللحظة مثل ما هي
دخل بسام على نهاية جملتها
ربى بشوق الله يوفقك يا رب توتا لا تقطعيني
ابتسمت أبشري كم ربى عندي أنا
هههههه أكيد وحده
عدلت جلستي يوم قرب بسام وجلس جنبي كأنه يثبت وجوده
اوكيه روبي أكلمك بعدين
ربى بهمس بسام عندك
ضحكت بخفه اييه
وبخبث آهااا تفضي له لا أوصيك
لتين حمر وجهها مع السلامة
ربى تضحك اوكيه حتى أنا جا دوري خليني أشوف وش بسوي بشعري باااي سلمي لي ع خالتك
اوكيه
قفلت التلفون وتركته ع السرير
بسام يحرك عينه بيني وبين التلفون
رفعت حاجب بحب شفيك؟؟
بتفكير ليه حمر وجهك قبل شوي
صغرت عيوني أتذكر ابتسمت لا ولا شي تستهبل علي ربى
أومأ براسه آهااا اوكيه نانا أنا خاطري اتعشى من تحت يدك اليوم
استغربت الفكره ابتسمت من عيوني
توسعت ابتسامته وعيونه تلمع شرايك نطبخ سوا
سندت راسي ع كتفه اوكيه بس بطفشك معي
مسك يدي اوكيه يللا قومي
قمت معه باستفسار وش نطبخ طيب؟؟
بسام بهدوء تعالي وتشوفين





فلوريدا // أميركا
10:00 p.m
كانت أول طلعة لنا ديزني لاند
أحلى شي في هالمكان الألوان.!
كل شي في البقعة طفولي ما في مكان للثقل أبدا
لفيت ع عبدالله بضحكة عبووودي شوف!!
ساندريلا، سنووايت، بولا وكل شخصيات ديزني الكرتونية
واللي آخذ عقلي بجد الوحش مدري وش اسمه في فيلم الأميرة والوحش
تركت عبدالله بحماس
عطيته الكاميرا وطلبت أتصور بينهم
طبعا رحبوا بمتعة..
ناظرني عبدالله بتعقيدة تالـ...
قاطعته بدلع صورنيييي عبووودي الناس تستنى
وبإجبار رفع الكاميرا والتقط لي صورة بينهم
كانت لقطة حلوه في حياتي..
ابتسمت لهم غراتسياااااا
THANK YOU SWEETY!
هذي آخر جملة سمعتها قبل لا ألحق عبدالله اللي تركني ومشى
لحقته ومسكت ذراعه عبدالله شـ...
لف علي بغيض يكتمه تاله بلا هالحركات اللي قاعده تسويها
مديت بوزي بزعل وش سويت؟؟!!!
لاصقه بالرجال قاعده تتصورين معه وناسيه نفسك إنك متزوجه
زفرت الهوا اللي بصدرها بقوة
عيونها الخضرا صغرت
زمت شفايفها الورديه ورمت الكاميرا داخل الشنطة
وبحده رجعني الفندق
رفع حاجب وهو يوقف متكتف هذا الحل يعني؟!!
ارتفع صوتها قلت برجع الفندق والحين
ناظرها لثواني ومشى من غير لا يلف عليها
لحقته
وهذي بداية يوم من حياة عشاقنا...!







نزلت مع بسام المطبخ السفلي نادرا ما ننزله
دايما إذا احتجنا أي شي فيه مطبخ فوق بس هذا اللي يطبخوا فيه يوميا
ترك يدي وراح للطاولة مرتبه عليها أشياء كثير
خضار
أنواع أجبان
أنواع أخباز
زبد وأنواع مكسرات ..
احترت بفكري وش ممكن نطبخ بكل هالأشياء
رفع ورقة بيده وابتسم اسأليني وش بنطبخ؟؟
ابتسمت لابتسامته وش بنطبخ اليوم؟؟
امممم لينغويني دي باستا كون فيردوري
فوكاسيا باني كون سالسيتشا
كوسا بورّو
بيتزيتي
توسعت ابتسامته بالنهاية
بانفورتي
عقدت حواجبي وأنا أعيد باستغراب بانفورتي!!!
ما أعرفه.. وش هذا؟؟
ضحك بسام ع ملامحي نوع حلا بيعجيك أكيد
آهاا يعني باستا بالخضار وخبز فوكاشيا مع السجق وكوسا بالزبدة بيتزيتي
البيتزا المقلية الصغيرة ووو بانـ... وش قلت اسمه
((البيتزيتي

قرب وجهه مني وحرف حرف نطقها
با ن ف و ر ت ي
ههههههههه حسيت إني بدرس الحروف الإيطاليه
اوكيه بانفوورتي
شمر أكمامه بحماس وأخذ من الدرج روب الطبخ وعطاني واحد يللا نانا استعدي
لبسته ووقفت قدامه آمر سيدي شو بدك أعمل
أشر ع الدجاج الصدور غسليه لوسمحتي
زفرت والله بسام أنا أغسل دجاج ما عندي مشكلة بس الحين ما فيني
ناظرني ودارت عينه ع الطاولة امم اوكيه قطعي الخضار
طيب
سألته وهو يفتح الفرن مغسله؟؟
أومأ براسه اييه
وأخذ التلفون نادى لينزي
وع بال ما تجي حط القدر قدامي وقعد يقطع معي
هههههه بسام مو كأنه قطعك كبيرة
حط الزبدة عليها مو مشكلة حطي الملح والفلفل الأسود من جنبك
ناظرته باستغراب الحين كذا من غير نار
بثقة اييه كلها واحد
نفذت أوامره بتعجب طيب
حطيت آخر جزره قطعتها
وشال القدر حطه ع النار
وبعدها جاب المكسرات فتح كل العلب وحطها ببول واحد
صارت كمية كبيرة وحط عليها السكر
أنا بدهشه بسام إنت متأكد من طريقة الوصفة
دق ع صدره آفا عليك
دخلت لينزي وهي مغطيه شعرها بايشارب صغير وبصرخة إنكار
تي كوسي كويستو؟؟
" ما هذا؟؟ "
راحت خففت النار
وبعدت القدر عنها
ناظرت بسام سينيوري كوزا فاي؟؟
" سيدي ماذا تفعل؟؟ "
اخفيت ضحكتي على شكله وهي تهزأه
آفاا عليك هاا مسوي لي فيها الشيف
عض على شفاته وهو يناظرني بنظره وبابتسامة لف عليها
سكوزا دادا لينزي انترامبي ابيامو فوليا دي كوتشيناري ال برانزو دي اوجي
" عذرا، دادا لينزي سيطبخ كلانا الغداء اليوم"
ههههههههه كوااالي
"ماذا"
بسام بإحباط لما شاف دخلت لين بعد ومعها راكان
راكان شفيها هذي تصارخ من الصبح
أنا ومو قادره أمسك نفسي فاتكم هزأت بسام تهزيئة محترمة
ههههههههههههههههههه
بسام يأشر لي من عيوني كله بيطلع يا نانا
بلعت ريقي هههه الورا ما بضحك خلاص
لين باستفسار يعني الحين إنتو وش قاعدين تسوون
دادا لينزي بحرارة
توو فراتيلو اي سوا موغيلي ها فوليا دي كوتشيناري بير سي ستسي!
" أخاك وزوجته يريدون أن يطهون الغداء"
لين بحماس واااااو أجل خلوني معكم
راكان وأنا بعد
بسام يطنش لينزي إلورا يللا كلنا سوااااااا
وبحماس وزع المهام وأشك إنه كلها خطأ بس الله يستر وش بيطلع بالنهاية






انزفوا المره الثانية سوا
يا قلبي ع يارا طالعه قمر اليوم بس شكلها مع عبدالرحمن لايق!!
جمانة هههههههههه لا تعليق شوفي الفرق بالطول وبالحجم يا حياتي يااا يارو
ربى بابتسامة شكلها صح مرتبكه بس واضح إنها حابته الله يسعدها
الكل آميين
جلست جنب لمار اللي شكلها بأي لحظة رح تولد الحمدلله الله يسعدها حتى خالد أحسه خضع للأمر الواقع وكأنه ما عاد يشغل باله بهالموضوع
ربى يااااهوو اش الأصفر هذا يا سوسو من بعدك لاحد يلبس أصفر
ليلى وتوها جايه ناظرتهم وعلقت سارا مشاء الله الأصفر ينطق عليك
ضحكوا كلهم سوآ
ليلى باستغراب شفيكم
ربى توني قايلة لها نفس الكلام
و بضحكة الله يحفظك شكلك بتطلعي من هنا مخطوبة
بحيا انكمش قلبها يسلموو خالتي من ذوقك
جمانة أمووت بالحيا شوفي شلون خدودها حمرت
حمرت خدودها زيادة وبغيض جموووون !
ههههههههههههههه
لمار باستفسار خالتي ليلى شفتي أهل العريس
واضح طيبين مشاء الله عليهم
ليلى اييه كلهم وأخواته بالذات عسل
جمانة أكثر وحده عجبتني سمر
لمى اييه نفس الطفاقه أكيد بتعجبك
خزتها كأني سمعت شي غلط
لمى بضحكة لا سلامة اذنك حبيبتي
ربى وهي تأشر بعيونها ع وحده مرت لابسه فستان بلون الطاووس الملون واضحه عليها النعمة
هذي بنت الكابر زوجها يصير ولد عم عبدالرحمن
قصتها قصة
لمار تعرفينها إنتي؟؟
ربى بنت عمها كانت زميلة من زميلاتي بس خلاص تخرجت تخيلي
كانت تحب ولد عمها وأبوها ما وافق عليه
وتزوجت ولد السامي اللي هو ولد عم عبدالرحمن عشانه ولد شريك أبوها
وولد عمها اللي تحبه سافر أميركا وتعرف ع بنت فلسطينيه مسلمة أبوها
واحد من المنظمين الإسرائيلين الكبار بفلسطين
تزوجها وسافر معها لفلسطين ومات هناك شهيد هو و مرته اللي كانت حامل بولد عايش عند جدته الحين
لمار بانتباه كان عايش بأميركا؟؟
ربى اييه
قلبت الموضوع ببالي يمكن عبدالرحمن يعرفه مو هو كان عايش بأميركا وما رضى يقول السالفة ليارا
تنهدت وبعدين حبت زوجها؟؟
ابتسمت ربى يناس عليها تموت فيه وحتى هو مرا يحبها رغم إنه بداية زواجهم كانوا راح ينفصلون لأنه عرف عن ولد عمها لكن حبه لها منعه يطلقها
ومع الأيام حبته
سارا بابتسامة حالميه يا حياتي قصتهم خياليه ولا كأنها رواية
جمانة أسطورة بعد بس شكلها صغيرة البنت
اييه صغيرة الظاهر عمرها 29 الحين
ليلى تقوم اوكيه قوموا سلموا ع يارا شكلها بتطلع الحين
( للي قرأ روايتي الأولى "ما رجيت من الفرح إلا رضاك وما بكيت إلا عشانك قهر" أنا حبيت أربط بين رواياتي
بإني ادمج بعض الشخصيات حتى تكون كحقوق حفظ
فاللي قرأ الرواية الأولى بيعرف مين هو عبدالرحمن السامي ووش قصته؟! )



طلعت جنونها لينزي المسكينة
صارت حنا نطبخ من هنا وهي تعدل من هناك
يعني شلة فشلة بالطبخ مجتمعين !
أنا أعرف أطبخ بس مو الايطالي وبسام حده الساندوتشات بس غير شكل من يده
ولين وراكان بالتأكيد ولا شي
ولعت وهي تشوف بسام بيحط مقادير عجينة البانفورتي في الماكينة

Panforte

" كعكة عيد الميلاد بالفاكهة غنية وثقيلة، تصنع من الفاكهة والمكسرات المنقوعة في الكحول وممكن استبدالها بالعصير المركز. Panforte، أصلها من ايطاليا سيينا، على الرغم من أنها لديها بعض أوجه التشابه مع كعكة الفاكهة في ايطاليا (التي تحتوي على الفاكهة التقليدية والمكسرات والتوابل) لكنها تملك قوام ونكهة مختلفة جدا هذي الحلوى مطاطية. وهذا الملمس يأتي من خلط الفاكهة والمكسرات، والتوابل، والدقيق (ما يكفي لربط المكونات) ، مع شراب مغلي مصنوع من السكر والعسل،بالإضافة إلى الشوكولاته الذائبة ومسحوق الكاكاو، ويقال إنه هذه الكعكة يصعب مقاومتها حتى لأولئك الذين لا يفضلون الفاكهة مع الكعك! "

: سينيوري نون سي بو سميتري دي فاري كويستو دولسي اي توتي
" توقف سيدي لا يمكنك صنع هذه الكعكة مطلقا "
ضحك بسام وهو يرفع يدينه باستسلام إلورا
ضحكت عليه ما في مجال للتخبيص هنا ها
ابتسم لي عن جد أنا مشتهي عليها وخاطري أذوقك ياها
خزته دادا لينزي وبدت هي تسويها
اوبس والله شكلها معصبة !
مسكت بطني وأنا أضحك بسام اليوم تعرض لمواقف ما تخيلت أشوفه فيها بحياتي
لين من بعيد جا صوتها مع راكان
لتييين إنتي وزوجك تعالوا ساعدونا كل العجين تلصق بيدي
بسام بغمزة اوكيه
ومسك يدي ومن غير لا أحد ينتبه طلعني معه برا المطبخ
أنا باستغراب وش بتسوي؟؟
بتفكير شرايك نطلع نشم هوا اللين ما يجهز الغدا نرجع
راقت لي الفكرة أومأت براسي بضحكة شيطانية اوكيه بس لين وراكـ...
قاطعني ما عليك منهم خلينا نطلع قبل لا يحسون بشي
وبتسلل طلعنا
لا حس ولا خبر فص ملح وذاب!




سكر باب الغرفة ولف عليّ
ارتبكت بس حاولت ارسم ابتسامة نابعة من قلبي
عبدالرحمن وهو يقرب مني
ناظرني بهدوء
توترت زيادة
وفجأة ضحك
رفعت عيني له باستفسار
أخفى ضحكته أحس مالي داعي وأنا واقف كذا
تنهدت وأنا أضربه بخفه ع صدره فجعتني ع بالي شي
تحمحم وهو يثبت يدي ع صدره هي أشياء مو شي
بلعت ريقي بفرحه عبدالرحمن أهلك مرا حبوبين بالذات يارا
بنظرة أدري إنها تصريفه بس اوكيه دامها سميتك
ضحكت بحيا طيب اتركني بروح أبدل
عقد حواجبه بدهشه مصطنعة فستانك كبير شلون بتبدلين لحالك
حاولت أبعد بس مافي مفر لا عادي يمديني أبدل لحالي
قرب وجهه مني وبرقة آفاا وأنا موجود
حمر وجهي وبربكة زادت أقدر إنتـ...
سكتني يوم مد يده وحاول يفك الطرحه
استسلمت وهو في غير كذا.....؟!

رجعنا من العرس متأخرين
رجعت مع أمي
وافي كان في البيت
باستني داليا وهي تتثاوب بنعس بتنام
تصبحي ع خير جوجو
ابتسمت بألم وإنتي بخير حبيبتي
دخلت غرفتي على طول بتعب
غير كذا نفسيتي تعبانة مو قادره أحط عيني بعين وافي ولا أمه
أحس لو ناظرني لدقايق بقول له كل شي أحس فيه
وهالشي مو لصالحي
والغريب إنه خالتي عادي معاملتها لي ما تغيرت حتى العرس حضرته معي
مو فاهمه ليه كذا سوت أجل
تفاجأت بوافي جالس ع الكنبة الكبيرة ينتظرني
أنوار الغرفة مطفيه
والشمع متواجد بكل مكان
سكرت الباب وراي بتنهيدة عميقة
: مافي مرحبا
تركت العباية ع السرير وأنا اروح للتسريحة بمسح مكياجي وأفك التسريحة
وقف وراي جمانة؟!
رصيت ع نفسي أخفي رجفة يديني وأنا أفك البنس نعم
لفني عليه يعني أنا مالي فرحه بعد من حقي أجلس معك
أرخيت عيني عنه وأنا ابعد غرتي عن عيني
بعد يدي ورفع ذقني
كانت عيوني غرقانة
انصدم
وحضني جمانةّ !!
بعدت عنه واستسلمت لكبتي
انفجرت دموعي غطيت وجهي بكفوفي وانتحبت
حاول يبعد يديني بخوف واضح بصوته جمانة وش صاير معك
.........................
ولا صوت غير بكاها
سحب منديل ومسح وجهها ما ودك تتكلمين
صرخت بوجهه ما بتكلم اتركني بحالي
بعد ع ورى باستغراب قولي لي وش فيك طيب
مسحت دموعها وأنفها المحمر
وصارت تفتح البنس عن شعرها بانفعال
فتحته كلها تحت أنظاره لمته ببكلة
وفتحت الدولاب أخذت قميص وراحت للحمام
وقف قدام الباب
بخنقة ابعد ببدل ثيابي
وافي بهدوء ما تدخلين الحمام وإنتي بهالحالة
صرخت فيه ما يخصصصك فيني ابعد
وافي بنظرة معبرة جمانة تعوذي من الشيطان وقولي وش صاير معك المشاكل ما تنحل بهالشكل
طنشته وهي تفتح الدولاب وتبدل بينه
أخفى ابتسامته ع شكلها
صرخت فيه لف وجهــــــــك
وافي بابتسامة خاطري أسوي شي بس محترم نفسيتك
رقعت الدولاب وراها وراحت للتسريحه وقعدت تمسح المكياج
جاها صوته من خلفها ليه كذا حرمتيني من كل شي اليوم !!
ما ردت عليه
وأول ما خلصت طفت كل الشموع وفتحت الأباجورة
وانسدحت ع السرير تغطت مطنشته
جلس جنبها ع السرير جمانة قومي في موضوع لازم نتناقش فيه
وبلحظة غضب ..
بحده موضوع زواجك حله مع أمك أنا مالي دخل
وغطت وجهها
عقد حواجبه وهو يبعد البطانية عنها
الحين كل هذا عشان موضوع الزواج
عدلت جلستها بصدمة يعني صحيح؟!
وافي بجدية اييه أمي تبي عيال وشوفي إنتي وش قاعده تسوين
جمانة برجفة أنــــا؟؟!!!! ومين اللي قال ما ودي أجيب عيال الحين مو مستعد
ابتسم وحضنها غصب عنها شيلي هالموضوع من راسك الحين وأمي أنا فهمتها كل شي وما تدري إنك تدرين وإلا كان اعتذرت منك
إلا صح كيف دريتي أكيد داليا؟؟
بعدت عنه بغيض لو مو داليا أنا سامعتها بنفسي
تنهد اوكيه انتهى الموضوع
بعدت عنه بنرفزة لا ما انتهى أنا متضايقه اليوم ياليت تبعد عني
اوكيه ماشي يا جمانة كل هذا وما تبيني أتزوج
ناظرته بكبرياء
ابتسم ببراءة طيب بروح أنام برا
مدت بوزها
قام أنا رايح
وكأنه يقولها قولي لا
أخفت ضحكتها طيب لا تروح
لا خلاص عشانك متضايقه
جمانة بقهر لا مو متضايقه لا ترووح
رجع طيب
لا تسوي فيها إنك زعلان لأنه المفروض أنا اللي أزعل
ما رد
تغطى بالبطانية وعطاها ظهره
تأففت بداخلي يا رب عدي هالليلة ع خير
مديت راسي أشوفه وافي بلا سخافة حبيبـ...
قلب علي فجأة
صرخت بضحكة هههههههههههههههههه أعوذ بالله منك
قرص خدودي برقة تتعوذين مني اوكيه بوريك مين وافي اليوم
غمزت له هههه خلاص صافي يا عسل
لا عسل ولا قشطة عشان تحاسبين ع كلامك مره ثانية ......!





رجعنا البيت بعد عشرين مكالمة من راكان ولين
واللي رجعنا من جد إنه السفرة جاهزة وماما وبندر جايين يتغدون معنا
كنا جايبين معنا ورد عشان طاولة الأكل
وأول ما دخلنا البيت
استقبلنا راكان وبحده شرفوا العرسان أخيرا
ضحكت وأنا أقدم له وردة توليب خذ حبيبي هذي لك
ناظرني بسام اللي كان مبتسم وتدريجيا اختفت ابتسامته
عضيت ع شفتي وهزيت راسي باستعباط وشوو؟؟
سحب الوردة راكان خلاص سامحتكم غراتسيا لا بيلا
طنشه بسام ودخل سلم ع ماما وبندر
دخلت غرفة الطعام
تفاجأت بالسفرة وااااااااو مرتبه أكمل ترتيب حطيت الورد بالمزهرية
لفيت ع صوت لين المقهور
صباح الليل
لفيت وحضنتها يا قلبي والله سكوزا هذا أخوك وأفكاره
لين تأشر بإصبعها نو أبي ترضيه أنا بعد
أفداك لك اللي تبيه
دخلوا كلهم ع الغرفة



بندر وهو يسلم علي وش هالحركات سمعنا إنه في نذالة صارت اليوم
سلمت عليه بحرارة وحضنت أمي ههههههه اسأل ولد خالتك
نط راكان ومعه بدر ويلدا
التفينا ع الطاولة
كان جو عائلي حميمي
راكان وهو يلعب بالورد بزهق
لين تغمز لي شوفي راكان وبسام كل واحد سارح بشي
أما عن بسام اعتقد اني عارفه وش فيه
يالله لهالدرجة يغار من راكان!!
تبادلنا النظرات كلنا حول المشاغب الصغير
بدر بابتسامة راكان بابا ليه ما تاكل
: نونو فامي !
" لست جائعا "
رفع حاجب وهو يرفع الملعقة قبل شوي كلمتني تاله تسلم عليكم كلكم
ترك الوردة ولف عليه باهتمام
ولما شاف نظراتهم شتت نظرته ااا أعطيني السلطة من جنبك ماما
ابتسمت وهي تعطيه ياها بريجو حبيبي
أخذها ولف ع لين باستفهام في شي؟؟
لين بابتسامة ترا أنا مو تاله تتناقر معي
ضحك بندر راكان حبيبي كل زين عشان أكلم عبدالله وأخليك تكلمها
أشر بيده بلا مبالاة مصطنعة لا ما عندي وقت بروح للباليسترا
" الجيم "
يلدا لا تروح بعد الأكل على طول ما ينفع
ترك الأكل وقام خلاص اتركوني بحالي
!!
بسام يعلق وهو ينزل كاس العصير واضح إنه مفتقدها
بندر بنغزة وهو ياخذ وحده من الأعواد المغروزة بالساسيتشا
"سجق ايطالي"
: بسام الحين هذا كله إنت مسويه معهم
ابتسم لا
قالت بحده تغلب عليها نعومة صوتها على أساس كان معنا هو وأختك الموقرة بس تعرف الباقي وش صار
يلدا تضحك يعني إنتي وراكان مشاركين
والله شاركنا بس تعرفي لينزي حاره ومن كثر ما عصبت تركتها وطلعت ونشب لها راكان
الكل ههههههههههه
وعلى طاريها دخلت
وجهها محمر ومنفوخ
حطت صحن البانفورتي
: تشآو سينيوري بسام سينيورا لتين
ناظرني وضحك تشآو كارا سنيورا
" سيدتي العزيزة"
وقفت اللقمة بحلقي
بس ما أظهرت أي تعبير غير الابتسامة اوكيه تردها لي يعني مو مشكلة
والست من يوم قال لها كذا توسعت ابتسامتها وراحت كل العصبية ميو فيلو نون بروبليما بيللو
" ليست مشكلة ابني الوسيم"
ضحك بسام
مو بس هو كلهم
أخفيت تفاجئي يضحك!!
مرا يضحك الموقف بصراحة
بندر يطبطب ع كتفي مو مشكلة حبيبتي هذي ضريبة اللي تتزوج واحد
وبحالميه وسيم!!
رفعت حاجب عادي
بسام ساكت
ولينزي أخذت الحلا وقالت بتخليه بالجلسة الخارجيه برا
نجد بضحكة لتين كأنه الحكي ما عجبك
وجهت أنظاري عليه عادي هم كذا العجايز
بدر اهااا علينااا عادي؟؟
ابتسمت بغيض اييه عادي و قمت الحمدلله أنا شبعت
جيت بعدي من جنبه
مسك يدي وباسها والله ما تزعل الغاليه عاد كله ولا لتين ماحد يزعلها بسام لا اوصيك فيها
دنقت عليه وبدلع بسته ثانكيوو عموو
أومأ براسه ولوو
خرجت وأنا داريه بسام وراي شوي وينفجر بمكانه!!




كرهانة نفسي خاطري أرجع تورينو
عبدالله خرج وتركني لأني ببساطة
تخانقت معاه بسبب الصورة اللي تصورتها في ديزني لاند
حسيت بغلطي يعني لو هو تصور مع غيري بزعل
بس عبدالله غيور بزيادة وأنا أغار بس بحدود ماني من البنات اللي تغار على أتفه شي
تنهدت وأنا أصب لي كاسة عصير من ثلاجة آلبيرغو
"الفندق"
كلمتني اليوم ماما وأعطتني محاضرة طويلة عريضة وإنك بتصرفاتك ورفضك لزوجك بتخليه يناظر غيرك وإنه وإنه....
أخذت نفس ورحت وقفت قدام الشباك
الساعة قربت 10:30 من ساعتين طالع
لفيت ع صوت الباب
حمدت ربي بداخلي إنه رجع
ناظرني وهو يترك جاكيته ع الكنبة ولف بيدخل الغرفة
رحت له
: عبدالله
رفع عينه لي وهو ياخذ لبس من الشنطة بدون ما يرد
قربت منه بسته ع خده برقة آسفة غلطت عليك
وبانفعال لا تتركني لحالي مره ثانية
ابتسم شبه ابتسامة مشكلتي طيب وما أقدر ع زعلك
حطيت راسي ع صدره طفشت وأنا لحالي
مسح ع شعري نقدر نشغل وقتنا بأشياء زي الناس الطبيعيين
بس إنتي رافضه
بعدت عنه بسرعه طيب وش رايك نطلع
ناظرها لثواني
وسأل بتلقائية تاله فهميني وش صار فيك ما كنتي كذا إنتي متغيرة
تنهدت بعمق وبدلع اااااااه والله أنا إنسانة جبانة من زمان مو شي جديد
ضحك عليها طيب يعني لين متى بتظلي على جبنك
بتفكير اسبوع ع الأقل
عقد حواجبه وشووو؟!!!
بكره رضيتي كان بها ما رضيتي بعد كان بها
تاله بعصبيه أصلا أنا أدري إنك متفهم وما تتصرف بهمجيه
عبدالله مرا بالذات مع إنسانه مثلك
ضربته ع كتفه عبــــــــدالله
رفع حاجب أنا أدري عنك معيشتنا كأننا إخوان
بلعت ريقي وين رايح
بروح أتحمم فيها شي بعد
شبكت يديني طيب أنا بعد بروح أتروش وما في إلا حمام واحد
لف علي احلفي بس تعالي تروشي معي أجل
ضحكت فكرة جيدة والله
فتح فمه تاله لا تسوين لي انفصام بالشخصية !!
ضحكت وأنا أطلع ملابسي لا والله جد !




طلعت عنده برا كان واقف عند شجرة البرتقال
الجو يجنن
وقفت جنبه كان توه مقفل التلفون وابتسامة مرسومه ع وجهه
ولما شافني لف عني يناظر بعيد
لصقت فيه بسوووومي حبيبي
أنا قلت هالكلمة من هنا لف علي على طول
ضحكت بداخلي مبسوطه هالشي يثبت لي كبر المحبة اللي بقلب بسام
لي
ابتسمت زعلان!؟
لف ولفيت معه صار ظهري لجذع الشجرة غمض عيونه وهو يهمس عند إذني
: أنا أموت غيره لما أشوفك مع أي رجال غيري حتى لو كان أبوي أو راكان
توردت خدودي وأنا أحضنه طيب
تركته وأنا أزفر وأنا بعد أغار عليك من هذيك العجوز
ضحك بربك تقارني نفسك بلينزي حرام عليك!!
ميلت فمي حتى لو كانت منتهيه تظل حرمه
يا هو يا حرمه إنتي !
مو أنا الحرمه هي
عض على شفاته بنظرة فهمتها
ضربته بكس خفيف تفكيرك وسسسسسخ
ههههههههه اسمعيني عندي خبر
باهتمام وشو؟؟!
تكتف اممم كلمني منذر وسمعت بإذني صوت رويد هناك بألمانيا
ضاق صدري طيب
جوازه مع منذر راح يوصلني اليوم
يعني تقدري تنامي من اليوم وإنتي متطمنه ما يقدر يخرج من ألمانيا بعد اليوم بدون جواز
لمعت عيوني بفرحه صصدق
حضنته بقوة وبصوت مسموع يا حييييياتي إنتاااا
صفق عمي وهو يضحك مع بندر وش هذا حبايبي عندنا عزابية بالبيت
بعدت عنه على طول بإحراج
ضحك بسام يقطع أبليسكم خربتوا عليّ اللقطة
بندر بغمزة أهم شي الإحساس
ضحك بسام وبدر
وأنا وجهي طاح
ياربـــــي ليه الرجال ما يستحووون!!؟
: سمعتوا الخبر جواز رويد صار بيديني
بدر بفرحه الحمدلله يا رب
قرب بندر سلم ع بسام وحضني هالفرحه تستاهل فرحه أكبر منها
بسام يبعده خلاص عااد..
سحبني بندر ياخي مالك دخل أختي
ورجع حضني
سحبني منه أقووول حل يكون أحسن
ناظرت عمي بدر ببلاهة
ضحك حرام عليكم
هذا يسحب من هنا والثاني من الجهة الثانية
اللين ما بعدت نفسي عنهم وطحت ع بسام
لكنه وازن نفسه وما طاح
بندر باستهبال لا دامك تبيه خليك معاه حرام نفرقكم
صرخت بدلع بننننندر
ههههههههههه
لفينا ع صوت خالتي يلدا وماما وهم يأشرون لنا
: البانفورتي !
*
*
*
Manifest your loyalty in word and deed.
برهن إخلاصك في الكلمات و المآثر

نهاية الجزء الخامس الخمسون

لكم تحية معطره من القلب...
بائعة الورد

بسم الله الرحمن الرحيم
الجزء السادس والخمسون

•° ـآٍعْلَمْ°•
ـآنَكـَ ـآقْوَى مِنَ ـآلجَمِيعْ مَآ دَآمَ الله ُ مَعَكـْ
قُلْ { يَآآآآآرَبْ } بـٍ صِدْقْ ~
وَسَتَأتِيكَ ـآلرَحْمَة وَـآلفَرَجْ
{أِدْعُونِيْ أَسْتَجِبْ لَكُمْ}
وَثِقْ بـٍ ـآنَ ـآلقُوَةَ مِنَ الله ـآلقَوِيْ ـآلعَزِيزْ
وَسَتَظهَرْ شَمسَ ـآلفرَج
وَلَو بَعدَ حِينْ
: إنها دَعْوَةَ ـآلمُضْطَرِ ـآٍذَآ دَعَآهـْ ~



ابتهالات أحلامنا ,...
يوما ما ~..[ ستتلى على ألسنة الحياة مَعزوفة بأوتارها مُسقاة بأمنيات الطاهر من القلوب..!
[It's mine ]

كنت جالسه بالصالون مع خالتي نشرب القهوة لين وميرا نايمين
والبقية في الدوام
رشفت من كوبي الحين محتارة وش أسوي مع الجامعة
ناويه تكملين والا تتخصصي تخصص جديد
حطيت يدي ع خدي مو عارفه بنفس الوقت ما ابغا ترم ونص تروح ع الفاضي
أخذت قطعة من بسكويت النارجين برأيي ابدأي من جديد الانجليزي ما راح تستفيدي منه هنا ادخلي أي تخصص ثاني
زفرت بحيرة بستخير وبشوف
ناظرت الجوال قدامها الله يهديها تاله قالت بتكلمني من أول انتظرها
عدلت جلستي باهتمام يمكن انشغلت الله يعينها لما تروح الامارات
خالتي بهم والله قلت لعبدالله لا توديها لأمك وتعلق معها أعرفها تاله ما تسكت لأحد
بتفكير ناظرتها سهى ما راح تسكت لها بعد أصلا الله يستر وش بتسوي لو عرفت إنه تزوجها عبدالله ما طاقتها لما كانت هناك
انشدت ملامحها لا تخوفيني توتا
ابتسمت لا تخافي عليها دامها مع عبدالله بيحطها بعيونه
هم مسافرين اليوم صح؟؟
أومأت براسها ببال مشغول اييه اليوم رايحين الامارات وبعد بكره راجعين لهنا
تنهدت الله يسعدهم إن شاء الله
....آمين



أفقد الدنيا بڪبرها لحظة وحده لو فقدتڪ

إلى متى بتأجله يعني يا فيصل خطر عليها
رمى شماغه ع الكنبة وبإرهاق واضح عليه اليوم موعد العملية بالليل توني موصل لمار للمستشفى بتحمم وأرجع لها
قربت منه ومسحت ع راسه الله معك يا ولدي هو أرحم من كل شي
دفن راسه بصدرها وبعبره
: لو صار لها شي بلحقها
شدت عليه ما بيصير لها الا اللي ربك كاتبه وبتقوم بالسلامة إن شاء الله
دخلت سجى وبيدها صينية القهوة والحلا
لما شافته كسر خاطرها قالت تلطف الجو
يووووه يا فيصل بتصير أب وللحين تنام بحضن الماما
رفع راسه وبألم خلني أشبع منها يمكن ما أصير أب بعد
أخذت الفنجان شوف لو عدت هالكلام بكب القهوة فوقك
ضحك بخفه لا دخيلك
ووقف أنا رايح المستشفى تآمرون شي
سلاف بحنان الله معك يمه الساعه كم موعد العملية؟؟
ناظر ساعته ع 8 العشا
طيب تعال خذني أنا وخالتك قبل بساعه
أشر ع عيونه أبشري يمه
باس يدها وراسها دعواتك
ابتسمت سجى وعيونها غرقانة ونزلت راسها تصب القهوة
يوم شافها كذا طلع يتحمم
لأنه لو جلس ثواني بينجرح أكثر....




ملكتني بطيبك و حنانك و زين خصالك

العاصمة لواندا//أنجولا
Talatona Convention Hotel



أحد أغلى مناطق العالم
أنجولا السمراء // افريقيا
ترك الشوكة وهو يتأملني
بلعت اللقمة بصعوبة عبدالرحممممن !
ابتسم عيونه
ابتسمت بحيا وش قاعد تتأمل
مسك يدي ومسح عليها برقة أتأمل يدينك كأنها لعبة
مشاء الله
ضحكت بإحراج ما أكلت
شبعت الحمدلله
تذكرت ناظرت الساعة على أساس اليوم عملية لمار
آهاا لمار بنت خالتك؟
اييه والله مره خايفه عليها
وبثواني غرقت عيوني ما أتخيل يصير لها شي
عبدالرحمن بتلقائية أخذ منديل اوووبس حبيبتي لا تبكين
مسح دموعي
كتمت بكاي هالبنت عمرها ما تهنت بشي
أومأ علي برقة بس ما تقولين إنه زيجتها من فيصل بالاساس خطأ
هزيت راسي بلا هم يحبون بعض مرا يمكن لو ما تزوجته كان صار فيها نفس الشي
وأنا أناظر لبعيد فيصل يتنفس بلمار..
ناظر مكان وجهة عيوني
كان الطاهي أسمراني معضل بما إنها منطقة سمر
يطبخ ع المكشوف
لف وجهي برقة له
شكلي أحلى منه عشان تنفتح نفسك ع العشا
ضحكت باستغراب ياويلي بعض الرجال يغاروا من النسمة إذا مرت
همم وين سرحتي
ابتسمت عفوا كنت تقول شي
هز راسه كنت أقول فيصل ولمار يحبون بعض
وأنا هذا اللي قلت لك ياه
ابتسم طيب وأنا...
ميلت راسي أنت ايش
أنا ويارا ما يمكن أحد يقول عنا هالكلام
ضحكت وأنا أشد ع يده إنت حبيبي مو لازم الناس تقول عنا شي أهم شي شعوري ناحيتك وشعورك ناحيتي
أخذ يدي وباسها
وهو مغمض عيونه
بعدها برقة أما عني أنا مو أتنفس يارا أنا أحيا وأموت فيها
حمرت خدودي وعيوني لمعت
يارب شقد الكلمة حلوه منه الحمدلله ربي اللي عوضني
تنهدت بقوة عبدالرحمن!
رفع عينه لي بترقب
شديت ع أسناني
: أحبببببببك
أشر للجرسون Excuse me
قرب بلباقة Yes, sir
Check, pleas
دفع الحساب وقومها بلطف come on my lady
قمت معه بابتسامة تعجب Where are you taking me?
حضن كفي بحميميه وقال بصوت رقيق ونظرة آسرتني
This word deserves special thanks!:
ضحكت بحيا عبدالرحممممن !
فتح عيونه وحنا طالعين و بضحكة
not shy anymore!......:




استأذنت من بسام بروح لماما لين ما يرجع هو من دوامه
وأذن لي
اتكيت ع الباب وأنا أتأمل الحياة برا
أحب أتأمل بصمت
انتبهت ع صوت جوليا جنبي
شي ديسبياتشا آفيتا اون آبونتمينتو ديمانو دال دينتستا
" عفوا، لديك غدا موعد لطبيب الأسنان"
تذكرت صح إني حاجزة موعد عند الدكتور عشان أسوي التنظيف
بيه إون شيتدانو مي ريكورداتو دوماني
" حسنا قومي بتذكيري غدا "
ابتسمت وهي تدون بالنوته إلورا سينيورا
فتح لي السواق الباب
نزلت ووراي جوليا شايله بين يدينها علبة الكعك الإيطالي التقليدي
ماما تحبه قلت أجيب لها منه
استقبلني في الحديقة بندر ومعاه ماما
ابتسمت صباح الخيرات
يا صباح الفل والياسمين صباح الناس الرايقه
فين زوجك عنك؟؟
جلست في دوامه طبعا
وليه طبعا يا حبيبي صار له كم يوم أشوفه متهاون مشغول بأمور أخرى
وغمزني
ضحكت بإحراج ماما خلاص بندر لازم تزوجيه بدا ينحرف
وكأنها تذكرت اييه صح كويس ذكرتيني
لازم تتزوج بندر بتدخل الثلاثين
بندر بصدمة أولا توني ببداية الـ 29 ثانيا مواصفاتي صعبة
احنا الاثنين سوا ايش؟؟
بندر بجدية
: ابغا وحده تستحي
وحده لو حطيت عيني بعينها تصيح من حياها
ضحكت عليه بس بس وقف عاد عمرك ما بتتزوج أجل
شفتي شلون ؟؟
وسكتنا
ماما محبطه فين بتلاقي بهالزمن البنت اللي تستحي كل هالحيا
وبندر ياما شاف وشاف ما ينفع له أي وحده
لازم وحده تدخل المزاج وتملي العين
وبعد لحظات سكوت
قدمت الخادمة الكيك
ويوم عطته الطبق
ردها بلطف وقال بس أنا شفت مواصفات هالبنت بس مضيعها
فتحت فمي بصدمة يخالجها شعور من الفضول والفرحه وين؟
نجد تحط رجل ع رجل إنت قولي من هي وأنا ألقاها لك اليوم
ضحك بخفة لا البنت مو هنا
عقدت حواجبي حرقت أعصابي
تنهد مره كنت ببيت أهل فيصل خوي أخوك عبدالله
أومأت براسي استحثه ع الكلام وفضولي يزيد
طلعت أكلم تلفون شفتها جالسه ع المرجيحه ويوم شافتني ملامحها لا تفسر
وبعدها ما شفت إلا المرجيحه تهتز بروحها فاضيه
وهو يوجه الكلام لأمه تدرين يمه لما شافتني غطت عيونها حسبت البنت جاها شي من الفجعة
ضحكت برقة أخاف البنت ذابت ع الجمال
عدل جلسته أفا عليك هذي خالصين منها
هههههههههههه الثقة العمياء
بندر جد والله إذا لقيتوها بتزوجها لأني لمست الحيا فيها بنفسي أما غيرها مو مستعد أجازف بصراحة
وبقهر تدرين والله ما عاد في حيا خليك من هنا بنات الغرب ما يستحون من الأساس
بس بلاد عربيه السعوديه نفسها صرتي تمشين شويه وتجي البنت تحب رجولك عشان تعطيها وجه
نجد بغيض الله يقلعهم إن شاء الله
ابتسم وهو يربت ع كفها ما عليك يمه ولدك عاقل ما يعطيهم وجه
ضحكت عليه اوكيه عن جد قولي مواصفاتها عشان أسأل ربى صحبتي عنها هم أهل زوجها
ناظرني باهتمام جد؟؟
اييه والله جد
نجد طيب حلوه؟؟! خلينا نشوفها قبل لا نخطبها
بندر حححلوه يمه ما عليك
بس تعال بترضى تعيش هنا طول عمرها وأهلها هناك
مدري؟؟!
تحمست معاه اوكيه بندر قولي مواصفاتها عشان أوصفها لربى
ابتسم ابتسامة خفيفة شعرها أسود طويل
بيضه اممم مو نحيفه مررررا عادي جسمها لاحظت إنه خصرها دقيق
أعوذبالله منك !!
ضحك لا والله إني ما أدقق بس هذي لفتتني
لفت علي ماما كلمي ربى اليوم عشان لو ما كانت مخطوبه نروح نشوفها
ابتسمت من عيوني
تسند بندر ع الكرسي
مرت نسمة هوا طيرت شعره الناعم
وبخبث إلا توتا ما قالك بسام يوم كان بجده ودقوا عليه البنتين بالفندق وطلع لهم بدون فالينا
فتحت فمي بصدمة هاااا!!!! متى هذا
ماما بضحكة تخفيها بعصبية مصطنعة بندر لا تسوي فتن ما صدقنا تهدا الأوضاع
بندر ببراءة ما قلت شي بس هو فتح لهم الباب بدون ما يلبس والظاهر كانت نيتهم وسخه
وحرك حاجبه فوق تحت
حسيت إني ببكي من القهر كـــــــــــذاب قول والله هو قالك كذا؟؟
أومأ براسه بمسرحيه اييه نعم - ودق ع صدره - بس بسام النشمي قلعهم بنظرة وحده ورجعوا دقوا الباب مره ثانية
صرخت فيه ماما بندر وربي لو ما سكت ...
ضحك ع وجهها المتلون يا إلهي أختي غيارة لهالدرجة
زميت شفاتي انزييين حسابه اليوم عندي
ضحك بندر الله يعينك اليوم يا بسام
خربت عليه ليلة سعيدة تلاقيه قاعد يخطط ويحلم الحين
عضيت شفتي بحيا بنننندر وربي ما تستحييييي
ضحك هو وماما
وأنا أغلي بمكاني
لييييه يا ربييي ما لقوا إلا بسام !!!





عزاي إن الوفا ذنب و
سيوف جروحها [أجري] ..!
أبو ظبي //4:00 a.m.



طلعنا من الفندق أصلا إحنا ما وصلنا إلا قبل ساعتين ونص
ما مدانا نرتاح ساعتين وقومني عبدالله عشان نشوف أمه
الله ياخذها أنا مو ناسيه إنه هي وأكيد متأكدة هي اللي دخلت رويد عند لتين
على طاريها تنرفزت
عبدالله وحاسه بصوته إنه متوتر
تاله حبيبتي وين حطيتي الكاميرا
تركتها بالدولاب بالفندق
اممم كان المفروض نحطها بالخزنة
قربت منه وشديت ع يده مو مشكلة حبيبي المره الثانية بحطها بالخزنة
ابتسم لي ابتسامة باهته
حطيت راسي ع صدره لا تتوتر إذا توترت أنا معك أتوتر
تنهد تعرفين أمي زين توقعي منها أي شي
ابتسمت له أطمنه لأني أعرفها أقولك كذا لا تشيل همي أنا ما ينخاف عليّ
ناظرني بطرف عينه بس بعد اسمها أمي حاولي تمسكي لسانك
كشرت بوجهه وش قصدك يعني؟؟
ضحك من غير نفس قصدي إني أعرف زوجتي الشقية وخبره ما يحتاج أحد يعلمني فيها
بعدت عنه بتنهيدة طيب بوريك الشقية اليوم مضبوط
عبدالله ولانت ملامحه برقة قرب وجهه مني أحب الشقاوة بأمور ثانية مو بهالأمور
صديت عنه بدلع مااافي لا تحاول
حسيت بيده ع كفي
كانت لمسته رقيقة وشدت أول ما وقف التاكسي
لفيت عليه بحنان حاسه بمشاعره ما أتخيل أمي تسوي فيني كذا
الله ياخذك يا سهى
رفعت يدي الثانية وحطيتها عليه
: سوي اللي عليك حبيبي وأنا معك بالحلوه والمره





((وَقَالَ رَبُّكُمُ ادْعُونِي أَسْتَجِبْ لَكُمْ...))

سعد التخصصي// قسم الولادة والأطفال

بعيد عن السيب الخارجي
العيلتين كلها على أعصابها
وحيد بالغرفة الداخليه ينتظر
...يحسب الساعات
...يعد الثواني
تشنجت عضلاته وهو يصلي
رافض وجود أي أحد بجنبه
الله أقرب من الجميع ..
يمكن وجود البعض يزيد الألم بدل لا يشفيه !
لكن الله ما عنده إلا الشفا
صار لها 4 ساعات بغرفة العمليات
دموعه ما جفت يسترجي العافيه من ربه
تجاهل الكل ودخل عنده
جلس جنبه وحط يده ع كتفه
فيصل خلاص قوم ارحم نفسك
رفع راسه له ومسح وجهه طلال دخيلك خليني بروحي
رحمه فيصل لا تسوي بنفسك كذا بتقوم بالسلامة إن شاء الله
فيصل بعذاب اوكيه ليه تأخروا
نزل راسه وهو يضرب ع صدره بقوة أنا السبب
طلال بحزم فيصل وش قلنا حنا كله مكتوب عند ربك
صرخ فجأة بوجهه انزين قومها لي ما ابي أطفال بس رجع لي لمار
طلال بهدوء فيصل هالكلام ما نقدر نقوله الحين خلاص صار اللي صار ادعي ربك تقوم بالسلامة وبس
بيـ....
دخل فهد مستعجل فيصل طلع الدكتور يسأل عنك
فز على كلمته لدرجة خاف عليه طلال
سنده فيصل سمي بالله وخلك قوي
بعد عنه ابــــــــعد خلني أشوفها
أول ما طلع بلع ريقه بربكة الدكتور وجهه ما يطمن يا طلال
لا تقول وخرج ما انتظر منه إجابه





تحت أنظار الجميع
من أم إبراهيم لجمانة واقفين على أعصابهم
وقف قدامه بوجه خالي من الحياة
: طمني دكتور ؟؟!!
فصخ كمامه
حاليا ما أقدر أعطي أي تقرير لمدة ساعتين لا عن الأم ولا الطفل
أم إبراهيم شهقت بدموعها ليييه وش فيها بنتي
فيصل رجوله ما عاد تحمله
سنده طلال وخالد
أشر له يوسف خاله وقف وبهمس معاه السكر لا تكمل لوسمحت
الدكتور وعنده علم اوكيه تقدر تتفضل معي لو سمحت
لف بيروح معه
بعدهم فيصل وبعصبيه زايدة وخروا عني بفهم زوجتي وش فيها
الدكتور بحيرة طبـ....
صرخ بوجهه تكلم وش فيها زوجتــــــــي
نزل عيونه وش تبيني أقولك أخ فيصل أنا نفسي ما أعرف شي الحين
وأطرافه ترجف بغيض شلون ما تعرف إنت دكتور بالله
إنـــــــــــــت
سحبه طلال فيصل خلاص فيـــــــــصل
إبراهيم بإحراج اعذرنا دكتور
أشر بيده لا تهتم إذا صار أي شي طمنتكم
سلاف تبكي وأم لمار تنوح
والبنات يبغالهم من يسكتهم
والرجال ما بيدهم شي يسووه
الدنيا مقلوبه فوق تحت
وفيصل حالته بكل ما تعنيه الكلمة من معنى
يُرثى لها....!

.
يتبع