الجزء التاسع عشر

متى وجدت الإرداة والصبر لا يوجد شيء صعب

..0..الحزن..0..
هو أن أصمت وفي داخلي ألم طفل يتكلم،،،

صنمت أول ما دخلني ماجد
ما في حركة ما في نفس عيني جات على طلال
وكأني مو مستوعبه ما نزلت عيوني
أحسها علقت مو راضيه تتحرك
استوعبت لما شفت نظرته وكأنه أسعد إنسان
وضحكة ماجد ربرب كل هذا تكحلي عيونك بالغاليين
بلعت ريقي الله يفشل ابليسك يا ماجد ما بعد صار زوجي
وبدل ما أطلع جلست
مدري شصار فيني أحس إني مو ربى والله مو حاسه بتصرفاتي
وهالمره نزلت عيوني ع السجادة
مرت ثواني هاديه
بس اللي فجعني
إني شفت طلال قام وجلس جنبي بيني وبينه كنبه تقريبا وقعد يناظر الأرض كأنه يدور شي
رفعت عيني لماجد استنجده لقيته يناظرنا كأننا معاتيه وفوق راسه عبارة
وش يحسون ذولي؟؟!!
ماجد أقول أخ طلال شفيك؟؟
طلال عدل جلسته وناظرني حسيته كأنه ما يبي يغمض عيونه
لأنه كان مركز نظره علي وبصوته الواثق
أدور اللي ربى تدوره
فهمت قصده انحرجت
وماجد قعد يضحك عجبته التريقه اللي طلال طلعها علي
وقفت
ولا اهتميت لنظراتهم بس قبل لا أخرج انتبهت بالمرايا اللي قدامي إنه طلال
بشخصيته الواثقة كان يناظرني ويبيني أجلس بس كرامته فوق كل شي لأنه يدري إني ما بسمع له
دخلت الحمام بسرعه
ناظرت شكلي بالمرايا
تنورة كلوش بنفسجيه وبلوزة بلون الذهب المطفي
تحت الصدر حزام عريض بنفسجي
شعري القصير الأسود مفتوح بحيويه وخدودي كانت بلاشر طبيعي
كنت مستحيه وبنفس الوقت حسيت بشعور حلو وأنا أتذكر مقابلتنا
ابتسمت برضا يا رب تسعدني وتكتب لي الخير مع طلال
انتبهت إني قاعده أدعي بالحمام
طلعت ولفيت من الدرج الخلفي ورحت غرفتي عشان ما حد يستلمني مو ناقصة
ما أمداني أدخل الغرفة إلا والجوال يدق حلفت ما أرد
كانت وديم
ألاحظ إنه هالبنت دايما تخرب لحظاتي الحلوه
لما ما رديت كم مره وصلني مسج
توقعت شي مهم
فتحته كان فعلا من وديم ومهم بنظرها وسخيف بنظري

"""ربوووه بدور الزفت ما راح ترجع قبل اسبوعين قال
الله ياخذ ابليسه زوجها يقهرررر مسوي فيها روميو """

ههههههههههه الله يعينك يا ماجد!!
سكرت الأنوار وفتحت الأبجورة الطويلة غيرت ملابسي ورميت نفسي ع السرير
ما بنام بس أبي أفرغ نفسي عشان أفكر بالأشياء الحلوه
لتين واتطمنت تدريجيا عنها مع إني أشك باللي يسمى بسام
وطلال وبيصير ملكي هالاسبوع مثل ما قال أبوي
ااااااااخ يا رب الله يرحمك ماما
غمضت عيونها وهمست مثل ما دايما تكلم أمها
ماما أنا فرحانة خليك راضيه عني...
أتمنى تكوني جنبي الحين أرتمي بحضنك وأخبرك بمشاعري
ضمت الدب الوردي لصدرها وحاولت تتذكر موقف طلال حتى ما تبكي..

دخلنا كان البيت هادي
الخدم يتحركوا فيه للحين
وخالتي يلدا الله يخليها جالسه تنتظرنا
ولما شافتنا كأنه جبل وانزاح عن قلبها
قامت أخذت ميرا بسرعة وضمتها وهي تمسح ع راسها قبل لا تعطيها خادمتها حبيبي وأخيرا رجعتوا شغلتوا بالي عليكم
باس راسها بسام
يلدا لا عاد تعودها وتطلع من غير الحراس يا بسام رضاي عليك معك لتين إنت مو لحالك
ابتسم بتعب تطمني عليها إذا كانت معي تسمعي خبر وفاتي منها هي بنفسها وهي سليمة
يلدا ولتين بعفوية بسم الله عليك
رفع حاجب يا بختي والله عندي أم وزوجة يخافون علي
وضمنا بيدينه العريضه
استحيت مو من شي قد من كلمة زوجتي للحين مو متخيلتها
يلدا عقدت حواجبها شفيها ثيابك ليه مبلله بتمرض بسام وعرسك بعد أسبوع
لفينا الاثنين على هالكلمة
شفيكم مو قالت لكم ماما؟؟
تكلمت بصعوبة عرس ايش خالتي؟
وبسام يناظرني وكأنه يستنى النتيجة
يلدا حبيبتي لتين ماما قالت لازم نسوي عرس حتى الناس ما تتكلم عنا
تعرفين مكانتها بالبلد وتهتم أمي بهالأشياء
وبعطف يللا لتين وافقي عشان خاطرها خليها تفرح فيكم
عقدت حواجبي متكدره لأنه للحين ما أعرف موقعي وبقية حياتي كيف بتكون وكثير أشياء في بسام وفي حياتي غامضه للحين ما فهمتها
:ها شقلتي توتا
فركت عيوني بتعب سووا اللي يريحكم ما فرقت معي
وطلعت الدرج
وأنا أسكر باب غرفتي سمعت خطواتهم ع الدرج
وقبل لا أقفل الباب حط يده بسام
فتحته باستغراب
ابتسم بود تصبحين على خير
بعدت عيوني وأنا أخلع حجابي وإنت من أهله
تركني وراح
سكرت الباب ورحت آخذ دش وللحين سالفة العرس مأثره علي
ماني متخيله إني بكون عروس لا ومع مين مع السيد
بسام
تنهدت بعمق وأنا أفتح المويه وأجلس فيها الله يقدم الخير..

....!ّالوفا الغالي توفا والألم حقق مرامه
قلت: يالمجروح قلبي كل خاين له ندامة
قالي: ياليت ربي حط للطيب علامة....!ّ

الظهران مول//Costa Coffee
حط الأكياس وأشر للجرسون لو سمحت واحد موكا بارد لف عليها ربى لاتيه صح
ابتسمت بتعب اييه زين انك ما نسيت
طلب لها وابتسم وهو يرجع شماغه على ورى أفا والله أنسى شي مفضل عند أختي الغالية
نزلت عيونها للأكياس تسلم
ماجد وش بيبقى لك الحين
بقى لي صندل عالي اممم التاج خالتي ليلى قالت لي بتجيبه محل تعرفه هي مثل ما انا ابيه
ووووحلق مناسب عشان الزفة بتكون قبل لا يلبسني الطقم طلال
قالت اسمه وابتسمت وعيونها تلمع
ابتسم ماجد بحب لهالدرجة تحبيه؟
استحت ربى وقالت وصوتها تغلفه نبرة ممزوجة بفرحة وحزن
أنا مو متطمنه من الكلام اللي قلته لي عن لتين وبسام
ماني متصورة هالإنسان يطلع منه كل هذا
ناظرته مو عارفه كيف توصل له الفكرة يعني مو متخيله أبد اللي قلته
طيب وش ردة فعل لتين بس هي امنيتي اعرف بوشو تفكر الحين
تتوقع تقبلته
قرب جسمه من الطاولة المربعه للكوفي وهو يحط يده بتفكير على ذقنه تتقبله ليه لا ؟؟
بس صعبه صراحة على اللي كان يسويه وتوسعت ابتسامته بعدين انتي ما تدرين وضع لتين يعني هي هناك بحاجة وغربة من الطبيعي انها تحبه لما تكون ما تعرف الا هو هناك خاصة لو عاملها بطيب واظهر الشي اللي يخفيه
بس لو كانت هنا ههههه اتوقع تروح عليه ولا كان فكرت تناظر وجهه
بس ارجع اقول الرجال ترى لهم تأثير على البنات اللي مثل لتين اللي تكون محتاجه عاطفيا حد يوقف معها ويحسسها بالأمان والحنان اللي هي فقدته من صغرها
سرحت بأخوها ولا انتبهت حتى على دخان الكوفي اللي قدامها
يتكلم عنها ولا كأنها بيوم كانت حبيبته
ابتسمت بألم هذا هو الحب الحقيقي إنك تحب الشخص وتتمنى له الخير سواء كان معك أو مع غيرك آذاك أو ما آذاك تظل تحترمه لأنه بيوم من الأيام كانت له مكانة خاصة بقلبك
يعني لو واحد غيره كان انفعل وما رضى يتكلم عن انسانة كان يحبها صارت لغيره
بس الظاهر هذا الوفا اللي قليل صار بهالأيام ونادر بين الناس
لكنه ما انمحى من قلب ماجد سواء للإنسانة اللي حبها أو لخويه اللي عرف عنه....
"أنا من الأشخاص اللي مؤمنه وموقنه إنه الوفاء في هذا الزمن للأسف شبه صار معدوم وما تعرف الشخص إلا بعد مصيبه تصادفك معه وكل شخص انعدم من الوفاء دخل ضمن قائمة المنافقين بأعمالهم وأخلاقهم لأنه يظهر شي غير اللي داخله الحمدلله الذي عافانا"
رفع صوته طلاااااااال
انتبهت عليه هاا شفيك تصرخ
من الحين أخذ عقلك يا ساتر
بعدت عيونها عنه لا والله اني ما كنت أفكر فيه
ماجد ابتسم اوكيه اشربي قهوتك عشان نرجع ليلى دقت تقول العشا جاهز
رشفت من القهوة اوكيه خليه يحطها لي سفري بشربها بالسيارة
لا خليك اشربي وبعدين نطلع
لا والله ماجد خلاص اصلا تعبت من العصر وحنا نلفلف
شدراني عنكم البنات ما يعجبكم العجب
وبابتسامة ليكون وديم كذا
ربى ههههههههههههه وأكثر يا حبيبي أنا رحمة جنبها
وبهمس الله يعيني
ربى وشوو؟؟
ماجد ولاشي خلصي القهوة خلينا نمشي
هزت كتوفها قلت لك خليها سفري ما رضيت!!

....!ّ حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لـك
واخلي ظلالي يسبقنـي.. قبـل يحضنـي منزالـك
....!ّ
قلبت القنوات بطفش
تاله بعملها من الصبح تتدرب لعرض جديد نهاية هالأسبوع قبل العرس بيوم يعني يوم الثلاثاء وعرسنا الأربعا
لين بالجامعة وراكان بالمدرسة
ميرا للحين نايمه
وخالتي راحت تزور امها قبل لا أنا أصحى على قولتها تتفق ع العرس أحس أنهم متحمسين وأنا وبسام ما همنا لأنه ماحد يعرف بمشاعرنا أتوقع يدرون لكن مطنشين
على طاري بسام اكتشفت اكتشاف والله يستر من الجاي
بسام يدرس بمعهد طيران باقي له سنة ونص هي سنتين خلص نص وبدى بالكورس الثاني يعني!!
مطولين بإيطاليا
بعدت شعري وأنا أميل بجلستي ع الكنبة وبسخرية يعني كيف؟ وين تتوقعين يالتين تروحين هنا أهله وناسه وهناك مالك أحد لا أهل ولا ناس خاطري أعرف شي واحد عمي وينه وليه ما سأل عني ودور أكيد شايف له صيده تلهيه ما فكرت أسأل بسام لأني ما أبي أعرف عنه شي ولو خبرني بوفاته ما راح أبكي عليه
شخص واحد ما اشتقت لأحد كثره
أخوي،،،
عبد الله
والله لو شفته لأتصدق لـ100 فقير شكر لربي
شفت وجهها قدامي نسيت كل شي وأخذتها وبديت ألعب معها
: ميرو حياتي قولي مـ..ا..مـ..ا
ضحكت بطفولة وابتسمت ميري بحنان
أشرت لها تروح وأنا بمسكها
طلعت براسي بخليها تنطق ماما لو وش يصير
قعدت أحاول تعبت معها ومو راضيه بستها على خدودها الحمرا على طول
اففف ميرا حبيبتي ما لقيتي تاخذين من أبوك إلا العناد
: وش فيه أبوها عاد حدك إلا الوالد
رفعت راسي ع الصوت ما انتبهت وش قال
حط جاكيته الأسود الرسمي ع الكنبة وقميصه الأبيض مفتوحه ياقته وكتبه فوق بعض ع الطاولة
شكله راجع من الدوام
بلعت ريقي بتوتر من شكله الأنيق رغم بهذلته
قرب مني ورفعها بالهوا وباسها ميرا بابا شلونك اليوم
وبكل براءة طفولة ضحكت بصوتها ونطقت بعدم وضوح مـــ..اما
بغيت أنجن قالتها أخيرا
ناظرني بسام بصدمة سمعتي اللي سمعته
ابتسمت وعيوني تلمع وقمت باخذها منه أضمها قالتها تعبت وأنا أعلمها
تيبست يوم بعد يدي وضمني معها
وبصدق التمسته بصوته تدرين شكثر فرحت بنطقها ما كانت تتكلم أبد حاولنا معها من عمرها سنة وحنا نجيب لها الألعاب والمربية دايم تحاول تكلمها لكن ما في فايدة
باس راسي وابتسم تسلميـ...
تركته وجلست وبتوتر يزيد كان وديتها لأمها يمكن تنطق
ناظرني وهو مضيق عيونه رجعت تقول أمها
وإنتي وين شايفتها جالسه إن شاء الله
بسام لا تستهبل ودها لأمها حرام عليك تحرمها منها من يوم جيت ما شفتك وديتها لها
زفر ونادى ميري خذيها وديها لأمي شوفيها جات
أخذتها وأشك إنها فهمت كلمة وحده
جلس قدامي وهو يفتح باقي قميصه وهو رافع حاجب ناظرني ما بيننا مسافة
: إنتي منو قالك إني متزوج وعندي بنت بعد وميرا بنتي؟؟؟
كتمت نفسي وأنا ألعب بأظافري مدري شقول استجمعت قوتي لين متى ساكته وانحرق بمكاني
وبنظرة حسيت شوي وأبكي إنت قلت..أنا سمعتك
ناظرني بصدمة أنا!!!؟؟
وانا امسح دموعي اللي بدت تنزل مدري ليه يمكن لأني أحس بالضغف قدامه
كنت تكلم بالتلفون زوجتك وقلت بوسيها وقولي لها بابا مشتاق لك وياويلها تنساني
بسام ابتسم ر غم استغرابه وحافظه النص بعد اخخ منك يالتين وتكذبين عيني عينك وتقولين إني ما أعني لك
انهارت هي متضايقه وحالتها صعبه وهو بكل بساطة يبتسم
حطت راسها بين يدينها وهي تمسح دموعها بألم
حط يده على كتفها المهتز من البكا لتين...
بعدت يدينه ما أبي منك شي ولا تبدا باسطوانة اللف والدوران والتطنيش
قال بسرعه اوكيه قولي لي كيف جزمتي إنها بنتي وإني متزوج بس عشان هالمكالمة
ما ردت هذولا هم الرجال يسوون اللي يبون دايما وبعدين بكل برود ينكرون كل شي وكأنه شي ما صار
لما شافها ساكته قرر يكمل مسك يدها
ما قاومت
:ميرا أختي مو بنتي!
رفعت عيونها وجات بعيونه ظلت تناظره بصدمة
كمل بصدق أنا مو متزوج صحيح عمري 28 سنة بس مو متزوج لأسباب مو لازم الحين تعرفينها
وقفت بذهول مستحيل مستحــــيل اللي يصير معي
وقف معها لفها لجهته وكمل بصوت هادي إنتي زوجتيني وخليتيني أخلف وسميتي بنتي بعد
قاطعته وعيونها مغرغرة وبهمس ليه ما قلت لي؟؟
قرب راسها منه وضمها مسح على كتفها بحنان إنتي أول إنسانة أتزوجها وما قد لمست مره بحياتي حتى إنتي وإنتي زوجتي!
استحت وهي تبعد عنه وتمسح دموعها
إنت ما خليتني أدري عن شي كل شي فيك غامض
رفع حاجب وتظنين إنك كتاب مفتوح يا لتين 6 سنوات وأنا أشتغل عند عمك وللحين ما أعرف كل تفاصيلك الداخليه
عقدت حواجبها بعدم تصديق!
أردف يوضح قلت داخليه يعني ما أعرف شي عن مشاعرك بس وإلا الباقي حافظة مثل اسمي
لتين بابتسامة سخرية وما كفاك؟؟
قرب منها ومسك كفينها من أطراف أصابعها وهو يتأملها وبصوت هامس
أنا أجهل أهم جزء فيك واللي أنا معاك عشانه
قرب يدينها له وباسها فهمتيني؟
فهمت وكيف ما أفهم وهالإنسان صار في داخلي عالم!
اكتفيت بابتسامة أمل من غير لا أرد
دخل راكان وهو يلهث ههههههههههه الحقوا أمي دخلت بنقاش حاد مع خالتي جيهان عشان العرس
ناظرناه حنا الاثنين ويدي للحين بيده
تكلمت لما ناظرني بسام راكان قول لأمك هي تتكفل بكل شي جيهان مالها دخل ولا أحد طلب رأيها
راكان بس هذي خالتك يالتين!
انزعجت قلت بضيق وأنا ما أعترف
قال بإصرار اعترفتي والا ما اعترفتي هي خالتك وخالتي نجد أمك بعد
من بين اسناني نطقت بقهر راكــــــــــــــان
وباستفزاز رد نعـــــــــــــــــــم
ناظرت بسام بترجي وقهر بساااااام
وكأنه أحد كب عليه مويه بارده انتفض نعم
كملت بعفويه ناسيه أنا وش لابسه "شورت مخطط فوشي وأخضر وأزرق وبلوزة بكم طويل بيضه وبالوسط فيها قلب بنفس لون الشورت"وأنا اتمسك فيه بدلع شوووفه
لف عليه بسام راكان اعقل وبلا تفاهه
راكان بخبث عداااااااال لا تذوب علينا بس
شفت شي يطير وراكان يهرب
ووراه بسام
ناظرتهم بهباله وخدادية الكنبة الصغيرة طايحه في الأرض بعد ما أصابت راكان
فديت بساااام ما يرضى علي
تاله ههههههههه شقايل راكان
ناظرتها وهي طالعه الدرج ابتسمت وصل لك
تاله ههههههههه بسام تحت معه شافهم أبوي ويوم سأل
قاله بسام إنه راكان يعلق تعليقات تخدش حيائك
ضحكت وضحكت من قلب بعد مو لشي قد ما لأني فرحانة اليوم بس لأني عرفت إني أول بنت بحياة بسام!
يالله شكثر حلوه الكلمة
الحمدلله يا ربي
طالعت تاله اللي جلست ع التلفزيون بلبسها تلوو شسويتي اليوم
جلستني معها بحماس وتركت التلفزيون توتا عندي لك اقتراح وجدتي شجعتني عليه وقالت لي أنا أسألك
ابتسمت بتفاؤل وشو؟؟
سحبتني لها وباستني بقوة بعدتها واستغربت تلوو ما أحب بنت تبوسني
غمزتني بخبث بالله طيب إذا ولد أقصد إذا بسام عادي؟؟
ضربتها على كتفها وخدودي حمرت قليلة حيا أصلا إنتي من يومك
ههههههههههههههههههههه اوكيه اسمعيني
يوم الثلاثاء بيكون العرض
وطبعا أي مصمم أو مصممه غالبا يكون آخر التصميمات فستان عروس
ومدام إنتي عروستنا إخترناك إنتي تلبسيه وتاخذيه بعد العرض يعني يكون فستان زواجك هديه من دور التصميم حقت جدتي
سكت أفكر والله قويه الحركة يعني أكون عارضه بذيك الساعة نو نو ما أبي
صرخت بوجهي لتين مو على كيفك إحنا قررنا وخلاص
جلست لين بعد ما سلمت وواضح وجهها مصفر تذكرت سطام الله ياخذه كل اللي فيها منه الله لا يوفقه آمين
دامكم قررتوا ليه جايين تقولون لها
اييه والله صادقه ليه جايين تقولون لي الحين
تاله زفرت بعصبيه أولا لين بلاش تتقمصين دور عبد الله بن أبي سلول الحين
ثانيا لتين أنا أمزح استغفر الله كذبت ما قررنا جدتي ما رضت الين توافقين
ابتسمت على عصبيتها وناظرت لين شرايك لولو
ابتسمت أنا أقول حلوه الفكرة وما بينقصك شي لو نفذتيها
تنهدت أوكيه عشان خاطر جدتي أسوي أي شي
وبسرعة هجمت علي وطبعت بوسه طوييييييله ع خدي
حسيت أحد بعدها عني
شفت بسام يناظرنا بعصبيه خييييير تاله؟؟
فهيت أنا وجهي صفر شلون يفكر هذا
تاله بابتسامة غبية وشوو يعني زوجتك حلال عليك وحرام علينا
قرب راكان ببرود ومد يده قدامي ممكن
ما فهمت عليه
أشر ع يدي
صرخ بسام فيه راكان وتبن
انفجع وجلس ع الكنبة يا لطيييف كأنه ماحد تزوج غيره اففف استغفر الله ما فيها شي لو بست يدها يعني هي مثل أختي
بسام وكان جالس جنبي وأنا أطالعه بابتسامة هادئة أختك بعينك لتين مالك دخل فيها
تأفف بطفوليه لتين لتين لتين لتين طفشتنا إلا صح ع الطاري لتين وش معنى اسمك
ابتسمت تصدقون إني ما أعرف رجعت ظهري ع الكنبة وهزيت كتوفي ما أعرف
أفااااا يا ذا العلم ما تعرفين معنى اسمك وبفخر ضرب على صدره أما عني فأسمي يدل على الرزانة والوقار والعزة
تاله وهي تلعب بشعرها ايييه صح مره يقولون انه راكان نوع من أنواع الكلاب
الكل هههههههههههههههههههههههه
راكان بقهر أخفاه يعني مو أحسن من التالوله إنتي لتين إذا ما تعرفين وش معنى تالوله أعلمك يعني الحبة اللي تطلع بالجلد يسمونها بعضهم إثلول وحرك حاجبه يقهرها
تاله بغرور هييهييي يا حبيبي اسمي معناه النخلة الصغيرة
شكبرك قد الحمـ## وصغيرة بعد
بسام وهو على وشك يضحك على مناقرهم راكان احترم نفسك والا ابعرف كيف اخليك تحترم غيرك عدل
سكت بضيق
ناظر لين بحنان وإنتي لين وش معنى اسمك
ردت بنعومة وهي تمسح ع خدودها الورديه لين يعني ضد الخشونة النعومة والرقة
راكان بحب يا علني أفديك يا أختي أول مره أشوف وحده إسمها مناسبها مو أخوك بسام من كثرة الإبتسام المفروض نسميه كشرام
قالها بطريقه مسرحيه ضحكتنا كلنا حتى بسام ضحك
طالع بلتين اللي قاعده تضحك من قلب كأنه صار لها سنة ما ضحكت
لمعت عيونه بنظرة حاول يخفيها لا تكشف نواياه
غطت يدها بفمها وهي تضحك
ابتسم عجبتك هاا؟؟!
لف عليهم أجل أنا بقولكم وش معنى اسم ميرا
له عدة معاني بس اللي حنا أخذناه إنه نوع من أنواع الزهور وإلا كيف لتين ؟؟
لتين ابتسمت حتى أنا سمعت إنه نوع من أنواع الزهور
ناظرها ولف اوكيه واسم لتين معناه
رمشت يعرف معنى اسمها؟؟!!
تنفست ببطأ وسعادة وهي تسمعه
تاله بحماس اييه وش معنى اسم لتين صراحة أنا أول مره اسمعه بس عجبني
بسام معناه شدة الحلاوة
راكان بزهق شوف عاد نعرف انها زوجتك وانك تحبها ما قلنالك تغزل فيها قلنا نبي معنى اسمها
بسام شلون تفكر انت؟؟
راكان ههههههه من جد والله
بسام بجدية من جد وسحب لتين لحضنه يعني مو مبين عليها
لتين خدودها حمرت
صفر راكان يا ويل حالي شوف خدودها وش صار فيها
بسام ابتسم مالك دخل
ع الاقل فيها حيا مو مثل بعض ناس ربي حارمهم هالنعمة
راكان بطرف عينه شقصدك؟؟
تاله هههههههههههههههههههههههه
راكان بقهر اضحكي انتي مره يضحك صراحة بموت أنا
لين ابتسمت وهي تقوم بدو مناقرهم تاله وراكان الله يعين
وقفت الخادمة باحترام Il cibo è pronto
"الطعام جاهز"
وبدقايق كان الكل من أكبرهم لأصغرهم ملتفين حول السفره
.

سلم عليه بحرارة هلا والله وغلا مرحبا بالنسيب
هلا فيك يالغالي ها شلون أسبانيا يا فيصل
ابتسم فيصل ابتسامة باهته حلوه
ماهر بتفهم إن شاء الله انبسطت عاد وافي موصيه فيك أنا ويقول إنه ما قصر
فيصل ههههههه أكيد دامه أخوك ما بيقصر
تسلم والله
ضيفته القهوة سجى أخذها منها وجلسها ارتاحي انتي
سجى بمشاكسه فيصل قم خذ القهوة من ماهر
فيصل قام هههههههه وتتأمر بعد
ماهر يسحب الدله حلفت ما تاخذها استريح لف على زوجته سجو وش هالحركات
ابتسم فيصل وجلس ما له خلق لشي
سجى حاست بوزها إنت ضيف وهذا بيته
ماهر مو ضيف يا سجى لين متى أعلمك بيصير بحضنك ولد وإنتِ للحين بهالعقل
سجى فتحت عيونها إنتـ... ماااااهر شووووفه
ماهر ابتسم وهو يعطي الفنجان لفيصل وش علي منكم أخ وإخته
سجى عصبت تركت الفنجان انزيييين وطلعت وتركتهم
فيصل وماهر هههههههههههه
ناظر ماهر بفيصل بتأمل ضيق عيونه فيصل
فهم عليه همممم
للحين تفكر فيها؟؟
الحين وبكره وبعده إنسانه عشت حياتي وتفكيري معها ماقدر أنساها
وبألم جاوبه شسوات طيب قولي الحل ما لك إلا النسيان
فيصل حط رجل على رجل شف ماهر أنا فكرت بشي خلني أقولك هو
ماهر معه وباهتمام قول نورنا يمكن تفيد بشي
حك راسه وهو معقد حواجبه أنا قررت أتزوج لمار ونتبنا عيال مو شرط نجيبهم
فتح فمه وشوووو!!
فيصل بضيق ماهر أنا ما قلت لك عشان تعارضني أنا أتكلم جد وبألم وحزن كمل
لمار تعبانه ويقولون حالتها صعبه وأنا مقدر أشوفها كذا وأجلس ما اسوي شي
ماهر بينجن من جده هذا اييه بس فيصل العيال زينة الدنيا إنت تقول كذا الحين بس بكره بتتمنى العيال وإذا إنت ملت عليك حياتك لمار هي أكيد بتتمنى تحس بالأمومة ويكون لها طفل منكم إنتو الإثنين فكر زين يا فيصل قبل لا تتخذ أي خطوة بحياتك
زفر زفرة عميقة دخلت عليها سجى
ماهر وقف اوكيه فيصل أنا أشوفك بعدين الحين لازم نخرج
فيصل وقف الله معكم
قرب لزوجته ومد يده يللا حبيبتي
ناظرته بطرف عينها وتقدمت عليه
طالع فيصل وابتسم قول آمين
فيصل من غير نفس هههه آمين
ماهر الله يعيني عليها ويعينك ياااا رب

تناظر التلفزيون مع أمها لفت عليها بابتسامة ماما بروح عند ربى
أم سامر وهي تناظر بنتها شلون تروحين لها أكيد مشغولة الحين تجهز لملكتها هالأربعا
وديم بترجي ماااااااما بساعدها
قطع حديثهم دخول سامر من العمل
جلس وهو ماسك بطنه يممه جوعاان حدي
ابتسمت بحنان ثواني ويكون الأكل قدامك وديم حبيبتي قومي حطي له الغدا
ناظرته بتأفف انزيين
ابتسم بخبث شفيك تناظريني كذا
وهي تروح بس لأنه طلباتك كثرت
أفا والله وهذا اللي بتفارقنا وكذا
مدت راسها من المطبخ بفجعه ليش أفارقكم
ابتسمت أمها يمه البنت لا كبرت لازم يصير لها بيت بروحها
وقفت عندهم باستغراب وهي مفهيه شلون يعني؟؟ بتطلعوني من البيت
ضحك سامر والله إختي عليها غباااااء
زفرت بضيق مااااا فهمت
مسح على وجهه بتعب وهو يفصخ الشماغ مو لازم تفهمين أول جيبي الغدا وتعالي أقولك
وطيران راحت والفضول يذبحها
ليكون بيتخلصون مني وييي ليش طيب
وبالها مشغول حطت الصينية بقوة قدامه ع الطاولة القزاز وطلع صوت عالي
سامر عقد حواجبه بعصبيه شفيك انتييي شوي شوي
وديم جلست سوري ما قصدت
ايييه من الحين بدت تفكر الست
وديم عصبت شوف ما أحب أحد يكلمني بلف ودوران قول اللي عندك بصراحة
ضحكت أمها عليها ما هي عارفه وش بيجي لها
سامر توسعت ابتسامته وهو يشمر أكمامه ويمسك الملعقه انزين يا أم الصراحة
ولد خالتي ماجد طلب قربك وينتظر ردك
وديم بصدمة وشوووووو؟؟؟؟!

قدام البحيرة بجلسة الحديقة الخارجية الجو حلو الشمس طالعه تعتبر وفي نسمة برد خلتني أحط سكارف ع رقبتي وشال صوفي بألوان الورد من خياطة لين غطتني فيه برقة
حسيت قلبي يتقطع عليها وتحسبت بقلبي على سطام اللي مستغربة منه
إنه أهلها ساكتين واللي عرفته بعد إنه جدتي سوت مشكلة وقت خطوبتها لأنها مو موافقه عليه والعله مو من مستواهم يعني أنا وش أصير لكن لأني من العائلة حبتني وشجن يا حبي لها هالبنت مره طيبه أبوها سفير
ناظرت بطنها ما تعتبر كبيره بالشهر السادس لكن خالي إياد مره متعلق فيها
ابتسمت الله يخليهم لبعض
ريحة كيك الليمون من دادا لينزي طباخة البيت تشق الأنفاس مع قهوة الإسبرسو المركزة
مزيج مريح ومنعش
جنبي خالي بشير شي ثاني هالإنسان أحسه غريب وفي غرور شوي للي ما يعرفه بس يموت بشي إسمه لين
مره يحبها وما يرضى عليها وهو السبب إنه سطام ما يجي بيتهم لأنه مو عاجبه ودايم يتضارب معاه
جلستنا عائلية كلهم جالسين
عمي بدر وهو حاضن بنته ميرا ناظرني بمحبة سمعت يا لتين إنه ميرا نطقت على يدك
ابتسمت بإحراج اييه عمي
قاطعني مو قلنا أنا أبوك
ناظرت الكل بحيا اوكيه بابا
ابتسم عيون أبوك أبيك تعلميها تقول بابا بعد
ضحكت بخفه هذي أعتبرها غيرة
ههههههههه بنتي مثل ما هي بنت يلدا وإلا
يلدا وهي تاخذ من الخادمة طبق كيكة الليمون غرآآتسي
ناظرته بحاجب مرفوع من يومك تغار مني
بدر بإنكار أنا؟؟؟؟!
الكل ههههههههههههههه
يلدا بس يا حلوها من غيره عسل على قلبي
ابتسمت بود سبحان الله الحب واضح بينهم الله لا يفرقهم
راكان بمشاكسه نط مااااااااام
ابتسمت وش عندك راكون
راكان بدلع ماما إليسار تبي تجي بيتنا تتعرف عليك وع لتين
استغربت ليش أنا بالذات وبعدين مين ذي إليسار
تاله أروت فضولي وهي تتخصر وليش لتين بس؟؟
راكان بغرور لأني أحكي لها عن مرة أخوي الحلوه وقالت بتشوفها
مدري ليه لا إردايا ناظرت بسام
شفته يطالع بجواله ورفع عينه وناظر راكان ورجع مره ثانيه للجوال
انقهرت واضح إنه مو مهتم
وشوي انتبهت على خالتي تهاوش راكان أنا كم مره قلت لك اترك عنك هالحركات
راكان بزعل يمه أنا صغير حر ام عليك بعدين هي تحبني
فتحت عيوني أستنى ردة فعلهم من كلامه
بدر يتصنع العصبية حبتك القرادة وش تحبني ما تحبني توك صغير على هالسوالف التهي بدراستك أحسن
يلدا تركت صحنها بعصبيه راكان أنا وش قلت لك على هالبنت الكافره
جدتي برزانة صحيح إنها صغيرة بس ما ينفع تصاحب هالأشكال يا حبيبي
راكان بزهق انزين من اليوم إذا شفتها بقول لها انقلعي من وجهي أنا ما أماشي كفار
الكل هههههههههههههههههههه
ناظرته بضيق هاليومين صاير ما يجلس معنا واليوم بالقوة صادته جدتي وهو جاي من المعهد أحس في شي شاغله وعلى طول الجوال بيده ومكالمات وما يكلم قدامنا
شجن بهمس لتين شفيك؟
أنا بسرحان ولا شي بالي مشغول شوي
شجن مسكت كتفي بطيبه وأشرت على بسام بعيونها فيه
توترت وهذا دليل إجابتي بنعم
همست لي قبل لا تقوم اصبري وكل شي يتصلح
راحت لزوجها
شفته يحاوط كتوفها بيده ويسند ظهرها ع الكنب بابتسامة رسم الحب فيها بريشة العاشقين
رجعت عيوني لبسام
فجأة رن جواله قام ع استعجال ودخل
هبت نسمة بااردة انكمشت على نفسي حتى في داخلي برد
ما عاد أعرف وش فيه
صحيح ما عمري فهمت عليه بس كانت تصرفاته الغريبة معي تعجبني والحين من فتره وهو مهمل كل شي
ناظرت جدتي وهي تتكلم عن رويد
بشير ناظرني أنا ولين ودي أعرف وش السر اللي مخلي أمي تعشق حفيدها بهالطريقة
ابتسمت حتى هذا يغار!
لين بابتسامة صافيه تدري وش صار فأبوه وكيف حاله الحين هذا اللي مخوفها عليه
حط يده قدام عيوني لتوونا وينك اليوم بس تسرحين
قلت بإحراج لا بس اا
ضحك لا تكملين عروس ومشغوله ندري فيك بس هاا لا تشيلين هم ولد أختي يعجبك
بلعت ريقي وش يقصد هذا؟؟
ضحكته العاليه ونقيضتها ضحكة لين الخافته خلتني أستوعب إنه قال شي محرج بس لأني ما فهمت اكتفيت بابتسامة إحراج
وعقلي مع اللي داخل يكلم للحين ما طلع وأظن إنه ما بيطلع...!

اسمع دق ع الباب
زاد الدق وبإلحاح أزعجني وقومني من عز نومتي
صرخت بصوت مدري من فين طلع مييييييييييييييين؟؟
وربي لو هي وديم ما راح تعدي عليها بخير
جاني صوت إمي مرتاعه يمممه سامر افتح
رميت اللحاف ونقزت من السرير
فتحت الباب بخوف من نبرة صوتها خير يمه صاير شي
أمي ودمعتها بعينها يممه وديم من يوم دخلت غرفتها ما طلعت للحين وما ترد
رجعت شعري بقوة على ورا وأنا أتوجه لغرفتها الحين كل هذا حيا عشان ماجد من يوم درت عن الخطبة دخلت غرفتها وللحين؟؟؟
دق الباب وديــــــــــــم
وبصوت أعلى وديـــــــــــــــــــــــــم افتحي
لف على أمه اللي تمسح دموعها يا ويلي على بنتي وش جاها
سامر بعصبيه بطلع أجيب مفاتيح السبير
ثواني ورجع
دخل المفتاح بالباب وقبل لا يحركه انفتح وطلعت وديم
بعيون ناعسه وشعر مبعثر وأزارير بلوزتها مفتوحه هااا شفيكم ازعجتوني جبتولي الصدا.. وقبل لا تكمل شافت أمها تحضنها بقوة وسامر يطالع فيها الود وده يذبحها وبنفس الوقت ارتاح إنه ما فيها شي
ولأنها من النوع إللي ما تظهر مشاعرها بعدت عن إمها بخفه وش صاير ماما
خوفتيني عليك يا بنتي
سامر بعصبيه وبشبه صراخ ممكن تفهميني وش هذا اللي سويتيه
عقدت حواجبها ببراءة وش سويت؟؟
نايمه ومقفله الباب وندق عليك كأنك صمخه كل هذا نوم
وبلا مبالاة بعدت شعرها عن عيونها وبتثاوب قالت تأثير الصدمة
: خير شفيكم أصواتكم لتحت
باس راس أبوه أبد يبه وناظر وديم بقهر مسوية لنا فيلم بنتك
ابتسم أبو سامر وفتح يده
راحت له وديم بحيا وضمته دادي والله ما سويت شي هم مكبرين السالفة وتعرف امي قلبها رهيف
أم سامر طالعت فيه طيحت قلبي هالبنت بتموتني ناقصة عمر
الكل بسم الله عليك
أبو سامر وش سويتي؟؟
وديم مدت بوزها قالي عن عن...
سامر علق الشريط .... عن ماجد يبه
وديم طالعت فيه بقهر ابتسم أبوها بحنان إييه
نزلت عيونها في الأرض من الصدمة قفلت على نفسي الباب ونمت ما حسيت فيهم
أبو سامر حصل خير ههههههههه طيب قفلي بلوزتك وإلا بس فالحه تقفلين الأبواب
حطت يدها على صدرها وشهقت البلوزة كلها مفتوحه من فوق
وسامر عشان يحرجها ضحك بصوت عالي
ومن الفشله مسكينة رجعت دخلت غرفتها
أبوها بصوت عالي لا تقفلين الباب
الكل ههههههههههههههههههههههههههه
أم سامر بحزن والله بنفتقدها
أبو سامر مسك يدها وهم ماشيين ماهي طايره إن شاء الله بتسكن هنا أفهم من هذا إنها وافقت
سامر وهي خلت فيها موافقه قالت وشوو؟؟ وطارت على فوق ما شفنا وجهها إلا الحين
أبو سامر ههههههههههههه إرفق فيها يا ولدي هذولي البنات ما يبيلهم الشدة كل شي بالطيب يجي

12:30 تورينو//إيطاليا
كنت أشوف بعض الملابس لبعد العرس اللي وصتها لي خالتي يلدا من ميلانو وجابها اليوم معه عمي بدر
رجعت التنورة القصيرة للدولاب ارتبكت وأنا أتذكر عمي بدر وش قال
الدور اللي فوق بيقلبوه جناح خاص لنا أنا وبسام
ماني مهتمه بشي بس خايفه مدري ليه
سمعت دق ع الباب
ادخل
دخلت جوليتا
آنسة لتين هناك طردية لك بالأسفل
طردية؟؟؟ طردية ايش؟؟؟
أخذت غطا حطيته ع كتوفي احتياط ونزلت
وينها؟؟
فتحت لي الباب جونا كوي سنيورا "هنا سيدتي"
حطيت الغطا ع راسي
وأنا مستغربة الوقت متأخر والبيت كله نايم بهالوقت هنا ينامون بدري ويقومون بدري
عتبت الباب وعضيت شفتي بصدمة

....! وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك....!ّ
دخل البيت والإبتسامة شاقه حلقه
باس راس أمه وجلس جنبها وأخذ الدله يصب له قهوة بكل رواقة
ها يمه وديت المهر
اييه توني راجع ومريت ع فيصل
أم إبراهيم الله يوفقك يا ولدي
آميين وكأنه فجأة تذكر وتشوشت صورة ربى بفكره وحلت محلها دموع لمار ويأس فيصل
قرب من أمه وحط يده ع فخذها يممه بطلبك لا ترديني
أم إبراهيم بحنان آمر يا ولدي
وبهدوء ناظر عيونها يمه تدرين إنه أخواتي سواء سلاف أو أم خالد غلطوا بحق عيالهم فيصل ولمار
تنهدت أم إبراهيم
أدري يا ولدي لكن وش بيدنا نسويه
طلال بحزم يمه هم غلطوا وحنا مو مستعدين نخسر هالولدين لازم نزوجهم
أم إبراهيم بعصبيه وشلون نزوجهم يا طلال وهم ما يتوافقون
طلال وهو بعد بدا يعصب يمه مثل ما علقتوهم ببعض لازم تجمعوهم وفيصل توني طالع من عنده وربي حالته ما تسر لا عدو ولا صديق وسلاف قاعده تبكيه يمه لمار بتروح من إيدنا وحنا جالسين نناظرهم فيصل معزم إنه يتزوجها حتى لو ما يجيبون عيال وهو سأل خالد وخالد تعرفينه كيف يعز خواته وهو مسؤول عنهم ولولا إنه عارف حالة إخته كان ما وافق وأقنع أمه بعد لكن هي خايفه منك إنتي وش ردت فعلك
أم إبراهيم وكأنه جتها مصيبه وعمك أبو فيصل وش رايه بهالبلوى اللي ناويينها
طلال حط الفنجان وزفر عمي موافق وهو مكره لكن وش بيده
ناظر لبعيد أخفى عنها سر التبني لأنها بترفض أكيد
طلال القوي اللي ما يهزه شي تأثر بهالسالفة توقع فيصل يروح معه يسافر ينسى كل شي لكنه كان يشوفه وهو يناظر ذاك الصبي يوم يطلع ع السطح بوسط الليل ومعاه مزماره
كان يشوفه وهو يمسح دمعته بألم وحرقه ولوعة
وكيف يقوم من نومه بوسط الظلمى ويدعي ربه
غمض عيونه بقوة يمنع الدموع لا تاخذ مجراها على خده
رفع راسه بشموخ وبقهر مدري هي حركات بزران أو مراهقة متأخرة مدري
وبعصبيه رمى الفنجان من قدامه اللي قاهرني إني محذرهم يتركون هالحركات اللي ما لها داعي وشوفي وين وصلتنا
أمه وهي تمسح دموعها خلاص يا ولدي قدر ربك ومكتوب
قام وهو ياخذ جواله عن إذنك يمه بطلع أريح راسي من هالمصايب اللي كل مالها تزيد
طلع وتركها ترثي أحفادها اللي ما تهنوا بشبابهم

....!ّ اظهر قواة البأس والضعف خبه.. ترى الضعيف ضعيف لا طعم لا لون....!ّ
غمضت عيونها بقوة وهي تاخذ نفس بخوف ناظرت البوكيه مره ثانيه هذا وش جابه أنا ما صدقت أنسى
نزلت للأرض لمست أوراق ورد الروزماري الناعمه
بلعت ريقها وهي تشوف ورقة صغيرة بين الورد خرجته بارتجاف
كان مرسوم فيها حرف وحيد من غير ولا عبارة
r
رفعت راسها تيبست
حطت يدها على فمها وهي تشوف المتلثم
لوح لها وراح
اختفى عن نظرها
وبرعب وقفت وش يبي فيني يا رب تساعدني
ناظرت جوليتا خادمتها واقفه وراها وبهمس أمرتها تشيله تطلعه على غرفتها
ثواني ولحقتها هي
دخلت الغرفة بسرعة وخلعت حجابها على صوت تسكيرة الباب وخروج جوليتا طاحت عينها ع الرف الطويل الزجاجي بجدار الغرفة
عادة يزينه مجموعة تحف لكن الحين
كل البوكيهات اللي تلقتها لتين قبل كانت مرصوصة فيه
وبصوت عالي وهي تكلم نفسها يا ربي من فين طلعوا ذولي أنا تركتهم عند العجوز ليزا
قربت من البوكيهات نفس التنسيق نفس الشكل والريحه ما تغيرت
ولأنها كانت تشتغل كبائعة تدري إنه فيه ماده خاصة تحفظ للورد شكله لمده
بس هذي مده طويلة تقريبا شهرين
ومع بطايقها وحروفها كاملة ناظرت البوكيه اللي قبل هذا وكان يحمل حرف الـ e بزهر الخوخ

مسحت جبينها بعرق متوهمته وفجأة انفتح الباب ودخل اللي ما تمنت تشوفه هاللحظة أبدا
جلس ع الكنبة توقعتك نايمه وأدق الباب ما تردين
ارتبكت وتلعثمت ااا لا كنت بنام
رفع حاجب اشفيك؟
لتين بخوف وقلبها يدق بقوة ولا شي
انتبهت غريبة وش جابه بسام بهالوقت
كان لابس بيجامته وشكله توه متروش
قام جاي لها
وصلت حدها بالخوف يا رب ما ينتبه
قرب لها هزها من كتوفها لتين وش فيك؟؟ ليه وجهك مصفر؟؟
خوفها تحول لهجوم قالت بعصبيه ولاشي اتركني أبي أنام
ناظرها لفتره ورفع راسه بيروح تحولت عيونه للي وراها
فتح عيونه باستغراب وش هذا؟؟
لتين مسكته ولا شي بسام اطلع أبي أنام
ناظرها بنفس النظرة وبعدها عن طريقه بخفه وراح للرف الزجاجي
ناظر البوكيهات ورجع ناظرها
بلعت ريقها للمره الألف
يوم طرح عليها السؤال
: من فين جايبه هالورد؟!
الخوف اللي فيها والربكه هي اللي تخلي اللي قدامها يشك
وبعصبيه مالها داعي ما أدري جيت لقيته هنا
ولما قرى الكروت رفع عينه لها بعصبيه كست ملامحه ومن بين أسنانه لتــــين من صاحب هالبوكيهات؟؟
زفرت وهي تتكتف قلت لك ما أدري
راح لها مسكها من يدها ونفسه بدا يعلى ما بتتكلمين؟؟ يعني من بيكون جابها انخلقت من حالها بغرفتك ووش هالحروف اللي بالكروت
لتين بخوف وقوة قلت لك ما أدري
على صوته على صوتها تدرين.. كلها ما تدرين عنها شايفتني مخبول قدامك!!
بدت أطرافها ترتجف لكنها للحين متماسكه صرخت بوجهه يوم رص ع ذراعها قلت لك ما أدري اتركنــــي وبألم يدي تعورني
تركها بنظرة احتقار الود ودي أعرف ليش تكذبين؟؟ هاا تكلمي؟؟
وبصراخ ما أدري قلت لك والله إني ما أدري مين هو بس إنه واحد متلثم كان دايم يطلع لي وفتره انقطع والحين رجع أنا ما أدري عن شي
دق الباب وسمع صوت أبوه
وبصوت حاول يهديه يبــــــــه ما فينا الا العافيه
رجع لها وهو زام شفاته الرقيقه وراص ع أسنانه ما أعتقد إنه من صالحك هاللي قاعده تسوينه يا لتين
تدرين فيني لا حطيت أحد براسي
وبنظرة ذبحته لأنها ضعفت وبدت الدموع تتجمع بعيونها قلت لك ما أدري عن شي واللي تبي تسويه سويه أصلا أنا ما عاد يهمني شي حتى لو رجعت بسام الأولي
بسام الظالم الكريه المستغل
كل شي فيك هاليومين ذكرني فيك يوم كنت تشتغل عند عمي
وعمرك يا بسام ما راح تحرك فيني شعره لأني أدري فيك ماخذني ليه أنت حر وياليت تنفذ عملك بأسرع وقت وتوصلني لعمي
مسحت دمعتها بضعف وعزة نفس رجعت لها بهالوقت
تركته ودخلت الحمام
ناظر الفراغ تنهد براحة عميقة يخالطها الألم وخرج
.
.
.
من ايطاليا.. المصيده لا تجري وراء الفئران
>> نهاية الجزء التاسع عشر

>>الجزء الواحد والعشرون

من يرغب في الكثير لا ينال شيئاً
..0..الحزن..0..
هو أن أكون بقربك بعيدة وأن أشعر بوجودك بقربي رغم المسافات الطائلة بيننا!،،،

طلع من عمله مستعجل
تقابل عند بيتهم مع وافي وفيصل وسلمان وأبوه
وهذا هو الحين واقف قدام باب بيت أخته
سم بالله ودخل تفضلوا حياكم
الكل الله يحييك
ربت على كتف فيصل وهم جالسين
ناظره بتوتر كبير
طلال
ابتسم له يطمنه آمر وأنا خالك شفيك كانك دجاجة ترجف هذا وإنت تبيها وغمز له
فيصل بتوتر أكبر أقول ممكن تنقطنا بسكاتك ولف على وافي... وافي
وافي بابتسامة هادئة آمر معرسنا
فيصل بارتباك زايد لأنه عرف أكثر عن خويه عبد الله إنت متأكد إنه بيملك
طلال رفع حاجب الحين من الصبح راجنا وآخر شي هالسؤال طالع قدامك يكون أحسن بس
ولفه خلاه يواجه أبو سلمان
اللي كان ينتظره
ابتسم باحترام شلونك ولدي فيصل
فيصل بلع ريقه الحمد لله بخير وصحة
طيب خلنا نكمل الإجراءات...

داخل وبوسط البيت
في الصالة المفتوحة الكل مجتمع والفرحة والتوتر عنوانهم
نزلت من الدرج أم خالد وبيدها اليمين ماسكه بحنان ذراع بنتها
فستان أبيض ناعم على قد جسمها وشعرها الأسود منسدل على كتوفها مع لمسات خفيفة من الميك أب من يد سارا إختها
هذا طلبها ما تبي تفرح بطريقة البنات وبهرجتهم لأنه الفرحه بكبرها بعيونها هي زواجها من اللي حبته وأخلصت له
جلست ع الكرسي
جمانة بفرحة تزغرد كلللللللللللللللللللللللللللوش وقولوا بسم الله على...
سكتتها وديم بحركة من يدها وهي تعدل تاج لمار الصغير مالت ع الصوت تقول طقاقة حلقها مشروخ
فتحت عيونها بصدمة نعم نعم وش قلتي ست وديم؟؟
وديم بغرور كلام الملوك لا يعاد
وما تلاقي الا بيد جمانة بشعرها ملوك هاااا وتبن !
وديم بصرخة عربجيه اااااااي شعري يا مال الـ...
فكتهم ربى بتنهيده يا ربييي منكم ارحموا العروس ع الأقل
جمانة بتصفيره شو ها الحلا ربى ؟
ابتسمت بحيا ما عليك زود جموون
وديم بخبث إلا عمك المكروه يا جمانة ما بيدخل يسلم ع العروس
قزتها ربى بنظرة وانشغلت بلمار لموو حبي وريني الإبتسامة أشوف مين قدك بتاخذي فيصلوه حبوب العيلة
لمار ودقات قلبها تزيد ربى بربك هذا نفس الإحساس اللي أحسه حسيتيه يوم ملكتك على خالي
ربى ضمتها بحنان لمار حبيبتي شي طبيعي الخوف إنتي لسى قدامك حياة جديدة وإنسان مسؤولة عنه بس لا تتورتين زيادة تدرين إنه الإنفعال ما ينفع لك
لمار تعدل شعرها بتوتر وبهمس اوكيه
وبخبث جات ساره بنات يللا سلموا ع لموور بياخذها فيصل
كنت أسلم عليهم وأحس روحي بتطلع من الخوف والربكة خلاص يعني بصير زوجة فيصل ع سنة الله ورسوله
تنهدت بارتباك وأمي تلبسني العباه
جات جدتي ضمتني وبكت
بكيت معها ما قدرت أمسك حالي
سحبتني خالتي سلاف وعند الباب شفته واقف ومنزل راسه للأرض وأول ما شافنا
رفع عيونه لي
مرت دقايق ساكنة
العيون تحكي حكي القلوب
وكأنه الكون كله فضى وما بقى فيه غير هالقلبين
طلال بحنان مسك يدي وغطاها بكف فيصل الدافي
: أنا اليوم ارتحت وأنا أشوفكم سوا وكأنكم لوحة وريشة فنان
حسيت بربكته الله يسعدك يا خالي ويوفقك وين ما كنت
وبردة فعل غريبة ترك الكل ومشى معي
في السيارة طلال يسوق وحنا الإثنين هاديين
نتأمل الكفوف المودعه لنا...!

....!ّ أحبـك لــو تكون حاضـر احبك لـو تكـون هـآجر ومهما الهجر يحرقـني رـاح امشي معـآآك للأخـر....!ّ
لبست بنطلوني الجينز الفاتح مع التيشيرت الأبيض وعليه الترانج كوت الأسود
حطيت الجونتي والشال الصوف بشنطتي وطلعت انتظره بالصالة
لكني شفته واقف ينتظر
قلت باعتذار سوري تأخرت
ناظرني نظرة سريعه ومسك يدي لا عادي
لمسة يده عفويه لكن أثرت بقلبي الصغير
لين طلعنا وركبنا القطار وأنا للحين سرحانه بهالإحساس
صوته شدني لتيــــــن!!
: هاااا
وش اللي ها لي ساعة أكلمك
حمرت خدودي بحيا وأنا أنزل عيوني ليدي اللي للحين بحماية يده
رفع حاجب باستغراب وناظر مكان ما أناظر لمحت شبح ابتسامة على شفاته وبعدها ترك يدي
ومن غير إرادة رجعت مسكت يده وأنا أناظر من الشباك المساحة الخضرا الواسعة
حسيت فيه يشد على يدي غمضت عيوني باضطراب وهمست بداخلي
يااارب ترحمني برحمتك..!

....!ّ يوم اللقاء لا تعتذر عن غيابك
طاب الخفوق الي بهجره تماديت
اقولها بقلب صافي هلا بك لك وحشةٍ يومك عن العين ابطيت
ارتاح انا لشوفتك وانسى عذابك
ومهما حزنت افرح لجيتك لا جيت
غصبٍ علي حبك لحضرت جنابك يغفر ويسمح الى منك اخطيت
ارجوك لا تقطع حبال الرجا بك
ياما عليك ارهيت دمعي وهليت
ويا ليت طيفٍ في خيالي سرابك يسري بطيفي وتعرف اش منك قاسيت ....!ّ
للحين واقفه قدامه مثل ما أمرني من عشر دقايق
عيوني في الأرض لأني حاسه بنظرات التأمل تسبق حروفه وتغطيني
غمضت عيوني يوم حسيت بيده تحاوطني
ضمني
بحنان ولهفة وشوق وعذاب وألم
سمعت همسه وحشتيـــــــــني يا حياة الروح !
ما كان مني إلا إني رفعت يدي بتردد وضميته
دفنت راسي بأعلى خصره يمكن الحين عرفت ليه جمانة دايم تقولي قصيره أنا ويارا
وبصوت عذب كمل وهو يجلسني ع طرف السرير لمار
رفعت عيني له غرقت بالدموع وأنا أشوف معاناتنا مع بعض
مكتوبه بعيونه اللامعه
مسح الدمعه بطرف اصبعه الحاني وابتسم أحبك يا حياتي
................................!

: اييه وش سويت بعدين
رفع حاجب وش يعني وش سويت خلود اشفيك انت بدخل معهم مثلا
بس في أمان الله ورحت
خالد يحك يده بتوتر طيب اختي كانت مبسوطة
ربت على كتفه فهد اذكر الله يا خالد هذا سؤال أكيد مبسوطة إن شاء الله
زفر بضيق الله يوفقها
طلال ابتسم والحين يللا كل واحد يضف وجهه على بيته أنا تعبان
وتركهم ودخل
فهد بابتسامة يا رجال فكها ما صارت
خالد بحزن إنت ما تدري شكثر أختي تعذبت إن شاء الله ما تجيها الحاله بس
فهد وهو يفتح له باب السيارة الله يوفقهم آميين إنت ادخل وعين خير بعد اسبوع بيبدا دوامك صح؟؟
خالد هز راسه اييه مع المدارس
فهد لحظة الحريم وينهم؟؟
خالد ضحك ضحكة قصيرة من غير نفس رجعوا من زمان مع أبوك وخالي إبراهيم
فهد اها ناظر الساعة اوفف 2:30 الفجر مع إن فيني نوم بس خلنا نوقف ع الكورنيش لين يأذن نصلي وارجعك
ما عارض لأنه يحتاج يترك نفسه قدام البحر ياخذ همومه

....!ّ انا آسف على ازعاجك رجيتك تقبل الاعذار
تجمّل بالذي يكتب حروف الشعر من دمّه....!ّ

تخصرت بطولها قدامه وبين العصبية والحنان رويد ممكن تقولي اشفيك؟ وش اللي قاعد يصير فهمني
متربع ع السرير ومنزل راسه وبتعب تاله اتركيني بحالي

جلست جنبه وبصوت هادي رودي بليز رد علي شصاير فيك ليه كذا مهمل نفسك شوف كيف صرت الاتصالات ما وقفت ع جدتي ومديرة أعمالك تبيك تنهي آخر آلبوم الناس تنتظر الحفل
رفع راسه لها وبعد عنها شوي وكانت لحيته طالعه ونحفان أضعاف وبألم
ايوه فليو تاله انهي كل شي
" أنا أريد "
تاله انحرجت ووقفت قدامه بعيده شوي باستغراب من تصرفاته المتحفظة الغريبة عليه
تنهي كل شي؟!!
شلون يعني؟؟؟
زفر وهو يناظر فيها بترك الغنا وبروح مع دادي لروما
تاله بصدمة جلست ع الطاولة نعم!!
ليه؟؟
عبس وبلهجة غريبة بصوته لأنه لغته الأساسية ايطاليه هذا بدل لا تساعديني
فكت الحجاب اللي كانت لابسته بتأثرها من لتين وصارت تهوي فيه على نفسها!!
نزل عيونه عنها سكوزا تاله ممكن تلبسي حجابك
وبصدمة أكبر وشك همست رويد ممكن تخبرني وش اللي قاعد يصير أكيد طايح بمصايب البنات كالعادة قولي أساعدك
مسح وجهه نو الموضوع مو كذا
وبناء لطلبه لفت الحجاب ع راسها زين وقربت كرسي تسمعه
ناظر للشباك وقال تاله إنتي سوريلا وهذا سر ما تطلعيه لأحد
وبحذر أنا أختك يا رويد بس قولي وش اللي غيرك؟؟
سكت ثواني ومسح وجهه للمره الثالثة وبعد شعره عن عيونه بربكة آآآ
ايوه أحب
" أنا أحب"
رصت ع أسنانها وين المشكلة شي مو غريب عليك لا تقولي مسيحيه وجدتي ما بتوافق
رويد وبدا يعصب من عقل اللي قدامه مسيحيه وبترك فني عشانها؟؟؟!
ضربت ع راسها بصدمة أجل ؟؟
ضيق عيونه ونطق وياليته ما نطق حسيت كف صقعني فيه
" أحب لتين مرة أخوك "
فتحت فمي بصدمة نعم!!!
قام وعطاني ظهره واقف قدام الشباك
شفتي حتى إنتي أدري إنه غلط بس مو بيدي
يا ويلي والله لو يدري بسام ليذبحه ويشرب من دمه مو كافي هو من زمان ما يطيقه
مع إنهم لايقين لبعض
لو سمعني بسام بيذبحني على غير قبلة
شوي استوعبت
طالعت فيه إلورا رويد وش بتسوي الحين؟؟
لف عن الشباك وناظرها اديسو لازم انهي كل شي واروح لروما
تاله يا ربي وربي شكله يحزن أحس رويد طفل حرام يتعب بهالشكل ويفكر بجدية
كان خاطري اروح اضمه وامسح ع راسه واهديه لكن مستحيل تعلمت من لتين احفظ كرامتي كبنت مسلمة صحيح ضايعه وما تعرف للتربية شي صح
لكن مثل أخلاقها وإلتزامها بحجابها ما شفت
عضيت ع شفتي وأنا اسمعه
احس سوفيرنتسا كل ما أشوفها
" أحس بالألم كل ما أشوفها "
بلعت ريقي هذي مصيبة وطاحت ع روسنا لو أحد عرف راحت عليه
طيب وش بيده صحيح الحب بلوه
وقفت إلورا رويد إنت غير ثيابك أنا بجلس مع ماما إللين تخلص ونروح سوا نلغي أمور التعاقد وخاصة حفل التدشين اللي ما بقى له أقل من شهر
هز راسه إلورا

....!ّ وما كنت ممن يدخل العشـق قلبه و لكن من يبصر جفـونك يعشق ....!ّ
كنت داخلة آخذ عباتي خالتي ليلى تركتني وراحت أول ما خرج فيصل معلوم رايحه تكمل السهره مع دادي شكلها
ابتسمت وأنا بفتح الباب
شي سحبني من يدي
: تعالي إنتي وين رايحه
شهقت بخفوت طلال
ابتسم بثوبه وشماغه عيون طلال وقلبه
سحبت نفس بربكة وحيا ااا بروح البيت الحين
مين بيوديك؟؟
السواق يمكن أو ماجد
كل هذا قدام الباب الله يستر لاحد يفتحه وراحت عليك يا ربى
رفع حاجب وأنا وش صفتي واقف قدامك
بلعت ريقي بس..
لوح بيده اتركيك من هذا وبابتسامة خبث ما وحشتك؟؟
نزلت عيوني للأرض وأتمنى لو تنشق وتبلعني
رفع ذقني بيده برقة
وبهاللحظة فتحت وديم الباب
كل اللي شفته عيونها المعلقة على طلال بصدمة
انشليت وطلال عادي ولا حرك ساكن
وبسرعة حطيت يدي على صدره وبعدته
لكن ما تحرك خييييييييير قاعد يناظر في البنت
شوي تحولت ملامح الصدمة لاحتقار على وجه وديم
اففففف ماااااالت عليك
ورقعت الباب وراها
ابتسم
وأنا جاتني الضحكة
صحيح المرأة ما تقدر تخفي كرهها!
ناظرني شفيها بنت خالتك عليّ
هزيت راسي مدري
قرب مني أكثر إلا تعالي إنتي ليه شلتي يدي قبل شوي؟؟
أنا بخوف آآآ لأنها كانت واقفه
قاطعني بهمس وأنا!مو زوجك؟؟
.................!

....!ّ عيناك نازلت القلوب فكلها إما جـريح أو مـصاب الـمـقـتل....!ّ
أشر بيده لفوق شوفي ذي طيب حلوه وبتعجبك
أنا بخوف لا بليييز بسام أخاف أطيح من بين حدايدها
ضحك من قلب وهو يناظرني
حسيت انحرجت
تأملته وهو يضحك بدا قلبي يخفق بقوة حتى ضحكتك حلاها غير
عيونه البنية وهو يناظرني بترجي اربكتني يللا عاد لتين من الصبح أدورك بالألعاب وإنتي كله خايفه جربي خلي عندك روح المغامره
ابتسمت مو لكلامه لا لأني لاحظت عيونه الواسعة ونظرتها الغامضه لي ذكرتني
براكان اللهم في نظرة بسام نظرة غموض ما يوجهها إلا لي أنا خاطري أعرف بايش يفكر أما راكان كله براءة فديته وحشني
شدني له الحين ممكن تقولين لي بوشو سرحانة؟
بلعت ريقي وضحكت بتوتر وأنا ابعد عيوني عنه لأنه قلبي بدا يخرج عن سيطرتي
تذكرت راكان
ما لحقت أكمل الكلمة إلا سحبني من يدي وعطا الموظف تذكرتين وركبني غصب جنبه
قلت من بين أسناني بسام نزلني
ما رد علي وتكتف
ابتسمت ع شكله وكأنه طفل ينتظر لعبته تبدا
فجأة بدت اللعبة من هنا ولصقت فيه من هناك دفنت وجهي بكتفه وصرخت بساااام
ضحكته هي اللي سمعتها
خاطري أذبحه بهاللحظة أنا خايفه وهو يضحك بكل راحة !

....!ّ بثثت شـكواي فذاب الـجلـيد و أشفق الـصـخر و لان الـحديد....!ّ

الصباح 10:00
فندق كورال إنترناشيونال

فتحت عيوني حسيت بثقل ع صدري وكتفي اليمين
ابتسمت يوم داعبت أنفاسي ريحة عطره الباريسيه
خدودي وردت الحين كيف أقومه ؟!
قلت أتركه شوي يمكن يقوم من نفسه
أمس كانت أحلى لحظات عشتها بحياتي وأنا بجنب فيصل
أخيرا اجتمعنا من غير مانع الحمد لله
دعيت بقلبي الله يحفظه لي
لفيت براسي ع الكمدينة شفت الساعة عشر وخمس
أكيد الحين لازم نزور خالتي سلاف
الجوال سمعته يدق ويدي بدت تألمني وأول مره أدري إنه فيصل بهالثقل مشاء الله
وبحذر حاولت أقوم
ما في أمل ولا حاس أبد يا عمري عليه لهالدرجة تعبان
توكلت على الله ودفيته بقوتي ولا شي كانت قدامه وبعدت يدي
رجع نفس ما هو ولا تحرك
عقدت حواجبي وأنا هزه بخفه وهمس فيصل
فيـــصل حبيبي قوم تأخر الوقت
قربت منه شفته نايم شعره طايح ع جبينه ومن غير حركة أبدا
وبحركة أقوى هزيته من كتوفه فيصل قووووم فيـــــــصل
قمت تحت تأثير الصدمة
أخذت جوالي ودقيت ع طلال أول واحد خطر ببالي
رد علي بصوت كله نوم وبشبه عصبية نعمم!!
وبهدوء وبراءة طلال الله يخليك تعال قوم فيصل مو راضي يقوم
وبعصبيه خفت لما عرف إنها لمار لموو حبيبي عيب هذا زوجك آجي أقومه أنا بالصبحية
لمار بإلحاح خالو والله مو راضي يتحرك من ربع ساعة
طلال وبدا يصحصح رمى البطانية وقام
سحب الثوب من العلاقة
اوكيه لمار لا تحركيه أنا الحين جاي لا تخافين أكيد تعبان لأنه صار له يومين يشتغل لزواجكم
طلع بسرعة ودق ع خالد يجيه بفندق كورال بأسرع وقت
.