مبروووووك ام شهوووده التثبييييت

الروااايه رهيييييبه واحداااثهاا تشووووق

انا توني بالجزء التااسع بس اتوقع الملثم يكووون بسااام

بروووح اكمل الباااقي سلااااام^^

ام شهووده اختيار موفقه روايه رااائعه جدا
وانا كنت متابعتها هنااااااك بس فعلاا الزين مايجي منه الا زين
وانا اثق بذوقك الراقي للروايااااااا
مبرووووك التثبيت تستاهلين كل خير ياقلبي

>>الجزء السادس عشر

الويل للبيت الذي تصيح الدجاجة فيه ويصمت الديك

..0..الحزن..0..

هو أن أشعر بدوامة الخوف تلاحقني ولا مفر منها إلا إليه ؟!!

بيروت/لبنان
هناكـ شعرهـ بينـ الجرأة والوقاحهـ...!ّ
ولا والد لمنـ لا خُلقـَ لهـ.....!ّ



في أحدى مقآهي بيروت الناطقة بجرءتها وجمالها الفاتن..
عدل نظارته بابتسامة فيصل وشرايك تجي تشتغل بالشركة عندنا
فيصل ناظره بتفكير وبإحراج ما أدري والله يعني لسى ما عندي خبره تعرف
وافي حط يده على ظاهر كفه وشد عليها إنت تعال ولك مكتب خاص فيك وسكرتير يعلمك بكل شي
فيصل بحيره وبنفس الوقت تجشع قولتك كذا أنا كنت ناوي أشتغل مع ابوي في أرامكو
طلال وهو يشرب القهوة التركية بتمتع أيد وافي فيصل أحسن لك من الدوامات ونظام أرامكو تراه متعب
فيصل أدري تذكرني بأبوي أشوفه بعيوني كيف يتعب والإجازات والحوسه غير النقل اللي كل شوي طايحين فيه والبعثات وأنت أول واحد هذا وأنت بحري عملك
جات المضيفة المغناج وقفت بتسكع ملاصقه لوافي بدكون شي؟
بعد وافي وعدل جلسته
فيصل جاته الضحكة على شكل وافي اللي فجعته بحركتها الفجائية
طلال بدا مؤشر العصبيه يرتفع عنده
قال بصوت خشن لا شكرا
لفت بجسمها بدلع وعطتهم ظهرها ووجهها بس لوافي ابتسمت ابتسامة بينت صف أسنانها اللولو وكانت قمة في الجمال الصناعي طبعا
ما بدك شي أخ... سوري ما تشرفنا
ما حركت فيه شعره متعود على هالمناظر شغله بشركة تصدير يعني أربع وعشرين ساعة سفر قال بهدوء وهو يقوم حاب أشوف المدير ممكن بعد إذنك
وشكلها خافت قالت بارتباك لشو المدير في شي دايأك
وافي وعينه على جاكيته يدور بجيوبه ع الجوال في ناس متطفلين
كسرت عينها وفهمت آهاا
وهي ماشيه صقعت جسمها بكتفه بكل وقاحة وابتسمت من بين أسنانها بقهر يي شوو مهضووم وزرييف
ناظر وافي بفيصل وطلال بلا مبالاة يللا
فيصل تفل صح قلة حيا أنا بحياتي ما شفت مثل جرأتها
طلال بعصبيه ليه سكت كان يبيلها كف يعرفها مع مين واقفه هالخايسه الواطيه
وافي ابتسم بهدوء كل المشاكل تنحل عنده خذت اللي تبيه؟؟
طلال لا بس سوت اللي ما يتسوى
وافي أسألك خذت اللي تبيه؟؟
طلال بعصبيه وهو يدف الكرسي بيد وافي ماني برايق لك
فيصل اففف بدت المزاجيه بطقوسها معه ابتسم لوافي لا ماخذته يا وافي
وافي بأحلى ابتسامة أجل خلاص ما صار شي
وطلعوا.......تاركين القهوة لها

دخلت غرفتي ألبس وأنا ماني مستوعبه خالتي يلدا قالت لي أشياء كثير عن عائلتها ماني قادره أركز لكن كل اللي أعرفه بهاللحظة إني طحت على ناس مو من مستواي أبد لا مادي ولا اجتماعي أنا ويييييين وبسام ويـــــــــــن؟!
فتحت الدولاب أخذت بنطلون أبيض رسمي وبلوزة فوشيا وعليه جاكيت رسمي أبيض من نفس البنطلون يجي كأنه ترانج كوت يتسكر بأزارير كبيره جنبيه شكله فخم وراقي
أخذت حجاب فوشي بزخرفة بيضه ناعمه لازم لأني ما راح أفصخه ابتسمت بسخرية على كلمة خالتي يلدا
: أنا سألت شيخ وقال لي يجوز تكشفين على خوال زوجك دامك بغربة
صحيح إني ما أعرف بالدين إلا الفروض لكن مو لهالدرجة ساذجة
وخالتي المسكينة محسبه إنه الشيوخ الحين مثل أي شيخ على أيامها
الحين كل من ترك لحيته وقصر ثوبه وأفتى قال عن نفسه شيخ
أذكر إني مره بالثانوي قالت لنا الأستاذه عبارة من حديث في مادة الفقه وللحين راسخه بعقلي "أجرؤكم على الفُتيا أجرؤكم على النار" رواه الدارمي في ‏ ‏سننه
استغفر الله يا ربي
ابتسمت هذا كلام رب رب الله يحفظها تعلمني الكثير لكني ما أطبق
بوزت شفاتها بضيق شي ما تربيت عليه أحس صعب أطبقه
تمتمت بنفسها يا رب أسألك العفو والمغفرة ورحمتك يا رب
بعد ما لبست وشفت شكلي ع الآخر
طلعت برا حسيت البيت هادي وينهم ليكون راحو؟؟ لا ما أتوقع؟؟
شفت جوليتا طالعه وبيدها صينية دائرية قزاز وإبريق شفاف فيه عصير وجنبه كاس وجايه تدخل غرفتي
وقفتها جوليتا وش هذا؟؟
جوليتا ابتسمت عصير برتقال من شجرة البيت
ابتسمت صبي لي
صبت وقدمته لي بريجو
شربت منه طعمه حلو وفيه لذعة حموضه أحب الحامض بالأكل
رجعت الكاسه غراتسي
وقبل لا تروح تذكرت جوليتا وينهم؟؟
جوليتا باستغراب راحو لكن السيد بسـ... وقبل لا تنطق
دخل بسام بهيبة جسمه وطوله يا ويليييي أنا وهو بس << كنت بقول وثالثهم الشيطان لكن تذكرت إنه زوجها ههههههههههه
التفت كانت جوليتا مختفيه
احمم صرت العب بطرف الطرحه وبصوت مبحوح أصرف بسام وينهم؟؟
ناظرني وهو يعدل وحده من اللوح ع الجدار أمي راحت تمهد الموضوع لجدتي والبقيـ..
:أي موضوع؟!
أحيانا أحس عقلي يوقف عن العمل
بسام وهو يتقدم مني وأنا أرجع وبصوته الهادي وكأنه يذكرني موضوع خطوبتنا
تضايقت وهذا لين وين بيوصلني اللين صقعت بالجدار
والله أحس بيغمى علي يا ناااس شيبي مني؟؟!!
متخدره هذا هو الاحساس اللي يوصف حالتي وهو ماسك طرف طرحتي ويفكها
بلعت ريقي وش بيسوي تحركي لتين لا تسمحي له
ما في أمل أجزائي انشلت
نزل الشيلة ع كتوفي
كنت أنحرق بصمت
شعري الملفلف رابطته ذيل حصان وماني حاطه خط كحل حتى من يوم جيت إيطاليا صرت مثلهم ما أحط مكياج
قرب أكثر؟؟؟؟؟؟!
حطيت يدي على صدره ودفيته بخفيف لأنه ما فيني قوة
نزل لمستواي وهمس بإذني
: تدرين إنك صرتي أكثر جاذبيه
شهقت ودفيته ووجهي زاد أحمراره أحس بحرارته للآن
بعد عني وهو يضحك اللي يشوف قلت نكته
قلت وأنا البس حجابي بتوتر سخييييف
بسام يحك ذقنه ويرجع يضحك أنتي شفتي كيف شكلك هذا وأنا ما سويت شي
أبصم إنه أحد مشربه شي
أشر لي بإيده يللا ناويه تنامين وابتسم
مشيت بسرعه وأنا اسمعه يضحك بخفه
جيت بركب السيارة اللي واقفه يا ربي أنا هالسيارة شايفتها لكن وين ما أدري؟؟
مسك يدي بسام
ناظرته باستغراب وأنا ابعد يدي بسرعه
شفيك؟؟ تعالي اركبي ورا
فتح الباب دخلت وركب جنبي وحرك السواق
وأنا أكبر علامة تعجب على راسي صح يمكن عشان اللي قالته خالتي
تذكرت الحركة اللي سووها فيني أول ما بشوف تاله بذبحها السخيفه ليش يتركوني معاه بالحالي
لف علي أولا زوجك محنا غرب ثانيا ما هي بحلوه ندخل كل واحد لحاله
ناظرته بطرف عيني وإنت كيف سمعتني إن شاء الله
بسام ببساطة مسك يدي وحطها على صدره
انتفضت و سحبتها بســــــــام بسألك سؤال واحد
ما رد وظل يناظرني يستنى السؤال
ناظرت عيونه البنيه بشجاعه مدري من فين جاتني ليـــــــــه تزوجتني؟!
وبهدوء شفت بعيونه لمعة غريبة وكأنه يبي يقول شي
تركني ولف وجهه ع الشباك يتأمل أحياء تورينو الراقية بصمت..!

....!ّ تعال أحتاج أسولف لك عن الأيام وأشكي لك
وأفض غيم الحزن وأنثر حنين الشوق بقبالك....!ّ
الساعة 3:30 الليل/ الخبر
ناظرت السرير جمانة نايمه رغم إنها مرجوجة لكن اللي يشوفها وهي نايمه يقول هذي ما في أهدى وأركز منها على نفس نومتها ما تحركت أما وديم مسويه ملاهي بالسرير أنا بالأساس ما نمت من يوم ناموا هم الساعة1 وأنا سهرانة قبل نص ساعة غفلت عيني وقمت على ركبة بظهري منها
ماني قادره أنام
أحس الحزن مملي الغرفة
اشتقت لأمي....ّ
نزلت دمعة حاره من جفوني وأنا أتذكرها
ما كنت أنام إلا وهي ع السرير جنبي وما كنت صغيرة كنت بالثانوي
أمي كانت غير الأمهات مصبحتنا وممسيتنا أنا وماجد بدلعها وبنفس الوقت حازمه
ما خرب ماجد إلا بعدها لأنه ما لقى اللي يحتويه
أنا ...محتاجه من يحن علي ومثل ما يقولون " فاقد الشيء لا يعطيه"
كنت أساير مصيبتي وأتسلى عنها بمصايب لتين وكنت أعتبر نفسي عايشه بجنة جنب نارها
مسكينة ما قد شفت بحياتي وحده بقوتها
غمضت عيوني ودموعي نزلت أكثر ولا قدرت أمنع شهقة طلعت مني
قومت وديم من نومها ببكاي
ناظرتني وهي تفرك عيونها ربى؟! شفيك؟؟
مسحت دموعي بخنقة نامي ما فيني شي
قربت مني مدت يدها لي
ناظرتها
ضمتني وأنا ما صدقت أرتمي بحضن يلمني
ضميتها بقوة وأنا أفرغ كل دمعة حبستها.....!ّ

نزل السواق فتح لنا الباب مد يده لي بسام
طالعت يده وبتردد حطيت يدي فيها لأني كنت خايفه بسام أعرفه لكن هذولا ناس أول مره بقابلهم وما أعرف كيف بيستقبلوني
رفعت راسي بحيرة على امتداد النظر
جسر مغطى بالزرع والورد
ينتهي بقصر متربع على صفحة الموية الصافية
فتحت فمي لا إراديا
من المنظر
مشى ومشاني معاه
فجأة انتبهت على نفسي لما فتحت لنا الخادمة الباب بلبسها الأنيق مثل فساتين الإنجليز القديمة
واستقبلتنا بأدب
ابتسم لها بسام وهز راسه وكمل مشي
للحين أنا مبهورة البيت من داخل مو بس من برا أبيض كل شي فيه أبيض أوسكري
وفي الصالة
وقفوا كلهم أول ما دخل بسام وأنا معه
الابتسامة المرسومة على وجيههم طمنتني
شديت على يد بسام وقربت منه
حط يده على خصري وقربني له
تمتموا بالتحية ورجعوا جلسوا عادة الغرب غريبة !
اممم وحده بالأربعينات خمنت إنها أخت خالتي يلدا لأنها تشبهها مره
ابتسم أهلا سكوزا ع التأخير
ابتسمت الأربعينية وهي تضمه ع الخفيف أهلا مسموح حبيبي
ناظرتني وتوسعت ابتسامتها وقلبي يدق بأعلى شي
مدت يدها وسلمت علي
شدت على يدي وكأنها تطمني كومي ستاي لتين؟؟ "كيف حالك لتين"
ابتسمت ابتسامة واسعة على لهجتها الإيطالية البحته لدرجة توقعت إنها ما تعرف عربي ستو بيني غراتسي " الحمدلله شكرا"
انتبهت على واحد داخل من برا مد يده لبسام تشآآآو وبعدها مد لي يده
انحرجت
حط يده بسام بكف الشاب وابتسم بمعنى سكوزا بشير خطيبتي ما تصافح
ابتسم كوزي كوزي "لا مشكلة"
ودخل
قدمتنا
أشرت على شاب بأواخر العشرين شكله
هذا ابني إياد وهذي زوجته شجن سعودية
لحظة لحظة ابنها؟!!!!
ومتزوج!!
مستحيل مشاء الله تبارك الله مو مبين إنه ولدها شكلها صغيرة
ابتسمت لتين دوفي؟ "لتين وينك"
استوعبت بإحراج إنه يد بسام للحين على خصري سي سكوزا كون تي " نعم معكم آعتذر "
رجعت أشرت على الثاني اللي أول ما دخلنا سلم علينا كان جالس وذراعه ع كتوف لين هذا ابني بشير مو متزوج آخر العنقود
ابتسم لي بريجو
رديت الإبتسامة وأنا أطالع بتاله اللي غمزت لي
تذكرت صح يا ويلها لأنها راحت وتركتني
بس وينها جدتهم نفسي أشوفها
وكأنه قرأ أفكاري
همس لي لتين جدتي تكلمك
لفيت أدور وينها
لتييين شسوى لك بسام؟؟!
ضحكوا كلهم
وجهي انحرق
دامكم عرسان اليوم تنازلت عن غداي الجماعي وتغدينا الحين السفره تستناكم
وأشرت بيدها للخادمة
لفيت ببطأ بسام هذي جدتك؟!!؟
ضحك بود ايييه أصغر مني صح هههههههه
قلت من بين أسناني شيييل يدك
استغربت إنه عاندني واختفت ابتسامته توه شحلوه شد علي وغرس أصابعه بخصري حسيت إنه يشد علي وكأنه يضغط على نفسه
رفعت راسي ع الصوت اللي جا من ناحية الدرج الرخامي
اللولبي

:اووووه لتــــــــــــــــين
انصدمت رويد!!
بسام ابتسم بسرعة أعرفك رويد على زوجتي
حسيت إنه انصدم زوجتك!! بينفونيتي
" أهلا"
مد يده ورجعها كأنه تذكر سكوزا كومي ستاي بسام
بسام وهو يمشي بالاتجاه اللي أشرت عليه الجده الحمد لله عن إذنك ما تغدينا
رويد ابتسم لي ابتسامة واسعة
وجلس

سلم المفاتيح
الموظف أهلا وسهلا فيك خيوو شرفتنا
ابتسم الله يسلمك مشكور أخوي
عدل كابه ولبس النظارة الشمسية السوده
أشر لفيصل ووافي اللي واقفين ينتظروه يللا
ركبوا السيارة الخاصة
وافي سند راسه ع الكنب الجلدي طلال كم مدة الرحلة
طلال ناظر الساعة يمكن اسبوع
فيصل ابتسم أنا متحمس لإسبانيا ما قد رحتها
وافي بعملية فتح أزارير قميصه العلويه حلوه أحلى شي فيها المعالم الإسلامية
طلال من طرف خشمه حريمها ماصخين
فيصل هههههههههههه مثل - وهو يميع صوته- يي شو زريف ومهضوم
طلال ههههه أشين بعد هذي تتميجغ هذيك ما عندها واحد اثنين ثلاثة
وافي دفه بكوعه هييه بس بس وين ناوي توصل
فيصل وطلال هههههههههههه
طلال أنا أحبها لأنها ثاني رحلة لي أول ما بديت أشتغل
فيصل طلال حلو
طلال وشو؟!
فيصل إنك تشتغل بحار
طلال بثقة وابتسامة حب من صغري أمنيتي أطلع بحار زي بباي
وافي ابتسم احلف بس
طلال ههههههههههه لا جد والله حلوه بس متعبه مثل الطيار أربع وعشرين ساعة مسافر
فيصل بتفكير أعتقد إنك لازم تكون تحب السفر ورايق بس إنت مزاجي كيف مشيت معك الشغلة
طلال بنغزه وش قصدك؟؟
فيصل هههههه أقصد إنك ما تنفع لأنه مزاجك ينقلب بسرعة ومن غير سابق إنذار
وافي بجدية بالعكس مثل البحر غريب تنقلب أحواله فجأة
طلال تكتف إنت وياه ماكنكم تسبون من الصبح أشر على فيصل إنت لا تنسى إني خالك مو لأني معطيك وجه تطيح الميانة
فيصل هههههههههههههه كيفي
طلال ابتسم بداخله وهو يشوف فيصل مبسوط الله يتمم عليه الفرحة

وهي تلبس حجابها بالحوش واقفه مع جمانة تودعها يللا باي أنتي ووجهك بفقدك وبوسي لي ربى إذا صحيت يا عمري عليها ما نامت بالليل
جمانة تطالعها بعصبيه مع وجهك إنتي انقلعي أشوف من بيت عمتي
وديم تنرفزت جماانوه ماني فاضيه سامر ينتظرني والا كان فرشتك الحين
جمانه تحرك حاجب وتقلدها ماني فاضيه؟؟ إلا قولي خايفه
وصوت البوري يشق الإذن صار له ساعة ينتظرها سامر
وديم رفعت الشنطة ودررربج على راس جمانه
جمانه صرخت لأنه الشنطة فيها عطر ضرب براسها اححح يا حمـ###
وتهجم عليها وتعضها
وديم اااااااااااااااااااااااااااااااااااااااااااااا
كل أهل الخبر سمعوها
وتجري ورا جمانه اللي حطت رجلها
رفعت الشنطة وبأقوى ما عندها ضربتها بذراعها
سمعت صرخة لكن فجأة استوعبت إنها ماهي بصرخة جمانة
فتحت عيونها على وسعها ســـــــــــــامر!!!
طالعها والشرر يطلع من عيونه صاحيه إنتي؟؟؟؟؟
جمانه واقفه وراه رافعه راسها تناظر نهاية طوله وتدور على راسه في السما مشاء الله طويييييييل<<هالشي لاحظته لتين
وديم بخوف سامر والله هي ضربتني أنا ما قصدت ما أدري إنه أنتـ..
قاطعها بعصبيه امشي قدامي أشوف
مشت وهي تتحلطم الله ياخذك يا جمانه تشوفيين
جمانه ما تابت وهي مو مستوعبه انها واقفه للحين وانتي معي بعد تضرب وتبيني أجلس اناظرها حبيبي أنا آخذ حقي بيديني الثنتين ورفعت يدينها بالهوا توريها
وديم تحترق من العصبيه تركت سامر وأبوه وراحت لها
ما سمعت إلا صرختها ورقعة باب الفيلا
قالت من بين أسنانها وهي تضرب الباب برجولها والله لتشوفين يا سخيييييييييفة
ومشت
سامر واقف متكتف يناظرها ودخان يطلع من راسه وبصوت يخوف
ادخلــــــــــي السيارة
احمم حطيت رجلي أعرف وش بعد هالنبرة
الله يرحمك يا وديم ويوسع مدخلك.....!

انتبهت إنه هدأ فجأة وكأنه يفكر
أحسن بعد يتركني بحالي
بس مو مرتاحه لسكوته اللي هبط فجأة
قطع من الستيك اللي بصحنه وبشوكته مده لي
ناظرته !

استوعبت اللي سويته!!!!!
أكلتها؟؟؟؟
أنا بديت أخاف على نفسي من الشخص اللي قدامي ألاحظ إني لا إراديا اخضع لكلمته
إنسان غريب غامض يفرض حضوره ويلفت الكل لوجوده ويخلي الكل يسمعه
بس أنا مستحيل استمر على هالحال خاصة إني للحين ما أدري ليه وكيف تزوجني؟؟
انتبهت عليه سرحان وهو يناظر بالصحن
فجأة رفع راسه وركز بعيوني
توترت وأرخيت هدب عيني
: من فين يعرفك رويد
طالعت فيه بصمت
هذا اللي قلبه فجأة عشان كذا حسيت إنه غرز أصابعه بخصري لما نزل رويد
يكرهه لهالدرجة وإلا بينهم شي
طيب وش دخلني
: أنتظر منك إجابة
باختصار رديت يوم رحنا السينما شفناه بساحة الموسيقى وسلم علينا
بسام بــــــس؟؟
لتين بعصبيه ايييه بس وليش تسألني وشدخلني فيه أنا
بسام ناظرني وطول وهو يناظرني
تركت الشوكة صدت نفسي أحس بضيق زهقت أبي أرجع الخبر !!
تذكرت عمي وبسام تذكرته كيف كان يعاملني
حسيت بالخوف
وقفت
وقف معي
ومسك يدي
انتفضت من لمسته
طالع فيني باستغراب
ورجع مسك يدي وشد عليها
دمعتي نزلت بسام اتركني إنت تبي تاخذني لعمي أدري قولي إنك جايبني هنا عشان توديني له
حسيت إنه تفاجأ من كلامي وأثر في شي فيه
وبدون مقدمات ضمني
وبهمس مسح على راسي قلت لك أنا هنا غير إنسي بسام القديم!!
ارتفعت نبضات قلبي وحمر وجهي من جديد
:احم احم أقول بسام
ما تركني غمض عيونه وهو على نفس وضعه راكــــــان اذلف
راكان ههههههههههههاي هادم اللذات هاا وين تلقاها لا بيللا راضيه عنك
بعدت بسام عني بإحراج
مسك يدي ومشى ولا كأنه سوى شي
وراكان من جد ذلف لما شافنا جايين