كاتب الموضوع :
سلافه الشرقاوي
المنتدى :
سلاسل روائع عبق الرومانسية
رد: 18- رواية امير ليلى بقلم Solafa El Sharqawey .. الفصل الـ 26 ..
السلااااام عليكم ورحمة الله وبركاته
آسفة للتأخير في الرد على اخر فصلين...بجد شكلي ييييعععع
بس عارفة انك عاذراني يا توأمتي مووووواه
وبسرعة نبتدي التعليق....وأصلا فيه ناس عاوزة تتعلق
بداية بهنادي وحماتها الحرباية
انا قلت محدش ياخد مدفع الار بي جي بتااااعي .....سيبوني افجر الولية المفترية دي
انتي ايه يا ولية انتي؟؟ محراااك شر؟ عاوزة تربطي الواد جنبك وخلاص؟ المهم يتجوز على مزاجك انتي؟ لا وبتوقعي الدنيا في بعضيها وتقوليله شفت مراتك شتمتني ازاي؟؟
بصراحة يا اتش موقفك لا تحسد عليه... يعني ينصر مين في موقف زي دا؟ بصراحة طول ما انا بعيد عن الصورة فعجبني انه قال لمراته تعتذر لأمه رغم انه عارف ان امه الغلطانة...بس الام أم ولازم يحترمها...انا بقول وأنا برا الصورة...لكن لو مكان هنادي كنت هعمل زيها بالزبط...اشرب امك وخليها تنفعك. وعلى رأي المثل الحلة عالوابور عشي عيالك انا رايحة بيت ابويا مش راجعالك
اللي كيفني اكتر انه رص الكلام الصح لأمه بس في غياب مراته...يعني انا بصراحة محبش حد ينصر مراته على امه. وهو مكانش ينفع يرص البؤين اللي قالهم قدام مراته فقالهم على رواق
هنادي العبيطة بقى لو كانت مسحت أكر ووقفت عالباب كانت اتكيفت من كلامه عنها وعن حياتهم
ديدي كانت مفاجأة الفصلين...مرة بوقوفها ومساعدتها لهنادي، والمرة التانية بوقوفها في وش هشام وكشفها لكل الاوراق صح
تعرفي البنت صعبت عليا بجد؟ يعني اهلها اتعاملوا معاها زي اللعبة بمزحة غبية "مديحة لهشام" وعيشي الكدبة يا مديحة واحلمي بسعادة المستشار اللي هيتجوزك وهو اصلا مهوش داري بيكي
عشان كدا انتقامها جه في وقته...وفعلا البت لعمتها...وريهم بقى يا ديدي اللعب..عاوزة المغرز دا يطلع من نافوخ الست فوزية المستقوية
نيجي للخواجة وحرمه... طبعاً حضرتك مستفوجئ إن منال خانوم كانت بتحبك انت وانت زي عبعال مش عارف حاجة وسايق الهبل عالشيطنة
بص يا ابني...من غير تفتفة اهو... منال شخصية غريبة شوية..شويتين تلاتة اربعة...عادي يعني
المهم.. منال اتعودت تكون محط أنظار الكل..عايشة دور مديحة يسري وسمراء المعادي..بنت حلوة وجذابة ومتفوقة وبنت سفير..وفوق دا كله مشهورة بين الجاليات العربية وكمان في الاوساط الانجليزية بحكم دراستها وشغل ابوها.. فطبيعي تبقى نرجسية كمان مش مغرورة بس
تيجي يوم وتلاقي فارس بني خيبان بيقفلها ويصادر على رأيها...طبيعي تنتبه ليه وتتابعه...وبما انه منفض لها فهي تتعلق بيه اكتر وتعيش قصة حب من طرف واحد
المشكلة ان نفس الفارس اياه بييجي البيت عندهم وعمره ما فكر يبص عليها... بس دا مش عيب فيكي يا منال...هو مش بيبص لانه من جواه شرقي وبيحافظ على حرمة بيت الراجل اللي بيحترمه. وفي نفس الوقت انتي مش تيبه...يعني الواد عيونه زرقا فطبيعي يحب واحدة شقرا ويجيبوا عيال تحسن أم النسل
المصيبة بقى ان الفارس يطلع اخو خطيبها وبرضه مينتبهش ليها، فتبتدي دايرة الانتقام اللي بتفكرني بسونيا جراهام وحبها المعقد لأدهم صبري... تحاول تكرهه فمتعرفش فتحاول تغتت عليه وتحسسه انه مش مرغوب فيه في حياتها
ولما اتجوزته عقدت اهلنا بعياطها كل ما يلمسها وحسستنا انه بيعاملها كبائعة هوى..بينما حضرتها زعلااااانة عشان متخيلة انه مجبور عليها...تصدقي انتي حلال فيكي كل اللي خالد هيطلعه على عنيكي؟؟؟
ومن هذا المنطلق...ربيها يا خواجة....مهو أصل اللي ميربيهوش امه وأبوه تربيه الايام والليالي ممثلة في الخواجة خالد بيك
عجبني اوي نضفي الفيلا...رجعتنا لأيام رشدي اباظة ياجدع ولبنى عبد العزيز.. ايوة بقى ورينا شغل سي السيد
انا عارفة وانت عارف ان انا عارفة انك انت اللي باعت ام ايمن...بس مشيييها راس القرد وخدها على قد عقلها
المهم ان اليومين دول يبقوا تأديب وتهذيب وإصلاااااااح
وننقل على العرساااان ديدو وجاسي
طبعا الحفلة كان فيها مفاجآاااااات كتييير للكل
بداية بظهور ميرو باشا نمنم واكتشاف ليلى لحقيقته...مروراً باكتشاف جاسي إن وائل يبقى اخو عريسها
عجبني قوي مشهد وليد مع امه وهو بيقول لها شفتيني وانا عريس؟ حسيته طفل فرحان ببدلة العيد وبيفرجها لأمه ومنتظرها تقول له انت اجمل اطفالي
تحديد معاد الفرح بعد اسبوعين....دا موعد جنوني...يا بني انا مش هالحق اشتري فستان كدا
الجاليري....مهو مش معقول ديدو اللي مدوب قلوب العذارى هيتلم على مراته...لازم يرتوي شوية من النبع اللي حرم نفسه منه بغباوته خشرميت سنة
ومن هذا المنطلق.... بحبحيها شوية يا جاسي وابقي غتتي بعد الجواز... عادي يعني هههههه
والثناااائي القاااااتل ميروووو نمنم بيك باشا افندي وحبيبته ليلى
ايييه بقى؟؟
بص يا عم ميرو....احنا عمالين نتناقش بخصوص برودك ولزقتك اللي بغرا في قفا البت لما قتلناك بحثا
فهاقولك المفيد
ليلى اتصدمت صدمة العمر...مش صدمة واحدة..صدمااااات كتير وكلها ورا بعض..وكانت شايفة ان عبد الرحمن هو الواحة الخضرا في صحراء حياتها.. نقطة الدفا في صقيييع علاقاتها.. الملاذ اللي هتهرب له من قسوة الصدمات اللي اتعرضت لها..بس فوجئت باختفائك بدون سابق انذار، ودا اداها احساس بإنك نبذتها او تخليت عنها او سبتها وهي في أمس الحاجة إليك..زي ما امها نبذتها زمان
بعد كدا قدرت تستعيد توازنها الى حد كبير بوجود اخوها اللي بدأ يديها ثقة اكثر في نفسها وتحس انها مش كائن منبوذ، فبالتالي بقت اقوى او حتى اوهمت نفسها انها اقوى وانها تجاوزت حبها العبيط لسائق لا يرقى لمستواها
بس فوجئت بالسائق دا جاي بيبرق في بدلة بإشي وشويات..ودقنه بتلمع وعيونه عسلي وبرفانه سابقه ويقول لها انا اهو...طبيعي جدا يا عمونا انها تطلع عليك القديم والجديد..خصوصا انها مفضفضتش بكل اللي جواها لحد...محكتش لجاسي عن صدمتها فيه ولا حكت لأي مخلوق..فكان لازم تنفجر فيه
حظها بقى انها بتنفجر فيه وسط حفلة... فلازم تنفجر ببطء عشان محدش يلاحظ، خصوصا وهي بتكتشف انه صاحب العريس ويعرف العروسة والدنيا زبادي خلاط وهي اخر من يعلم
ردود افعالها المتنشنة وتعمدها انها تقول كلام جارح وكل شوية يا اسطى يا اسطى يدل على انها مجروووحة قوي وبتحاول ترد الجرح..وبروده معاها بيخليها تحاول اكتر ان لسانها يبقى اطول وتجرح اكتر..ودا اللي بيدخلهم في لعبة التحدي اللي ميرو استاذها بلا منازع
عشان كدا كان طبيعي انه يروح يخطبها بشكل مباغت قبل ما يحصل أي حاجة تعرقل خططه، خصوصا بعد ما سمع الحريم بيتهامسوا عليها وممكن حد يخطبها
يمكن اللي ضايقني منه انه كان بيبتزها ويوهمها انه هيسوأ صورتها قدام اخوها وعمها...تؤ تؤ تؤ يا ميرو...مش دي اخلاقك وأنا عارفة انك مش هتعملها...بس برضه الموقف مش حلو في حقك
المشكلة يا ميرو دلوقتي ان ليلى عاملة زي الفرسة الحرون...عمالة ترفس يمين وشمال ومش طايقة حد ييجي جنبها..وكل ما هتحاول تشد اللجام هتتعفرت زيادة..طبعا الحل مش انك تسيب اللجام لانك ساعتها مش هتشوفها تاني يا معلم...قوم ايه بقى؟؟؟؟؟ انزل بطقم حنية وسهوكة من اياهم... اديها سكر يا ميرو...الخيل بيحب السكر..ساعتها هتهدا خااالص وتقلب قطة شيرازي كمان
المهم مبرووووك قراية الفاتحة يا كبير وعقبال الفرح ونقول لولولولولي
بلال..... شكلي هابدأ اكرهك...ايه ام الغيرة الزبالة دي؟؟ روح اتشطر على العيلة اللي ضحكت عليك
كامل بك.. انت راجل سكرة.... عملت تحرياتك قبل ميرو ما يتقدم حتى.... هي دي الابهات ولا بلاش
تومي...شكلك هتلضمي مع وائل يا قطة...منتظرينكم في الفرح عالبحر
سوووفي...يارب اكون وفيتك حقك واسفة تاني عالتاخير
مووووووووواه
في حفظ الرحمن يا قلبي
|
28-06-13, 01:15 AM
رد: 18- رواية امير ليلى بقلم Solafa El Sharqawey .. الفصل الـ 26 ..
رد: 18- رواية امير ليلى بقلم Solafa El Sharqawey .. الفصل الـ 26 ..
- و اجي ارد عليكي 
جديد مواضيع قسم سلاسل روائع عبق الرومانسية
العرض العادي
