كاتب الموضوع :
سلافه الشرقاوي
المنتدى :
سلاسل روائع عبق الرومانسية
رد: 18- رواية امير ليلى بقلم Solafa El Sharqawey .. الفصل الـ 23 ..
سولييييييييييييييييييييييييييييتا
انا جييييييييييييييييييييييييييييييييييييييييييت
تسلم ايديكى ع البارت التحفة ده وسبونى عندى كلام كتير عايز اقوله وهابدأ بالثنائى اللى سيطر ع حواسى ف البارت ده
خالد ومنال ..
فى نظرى انك تفوقت ع نفسك ف المشاهد بتاعتهم ياسولى .......... مش ممكن تجسيدك لحجم المعاناة من طرف الاتنين ف الاول منال وذهولها من رد فعل خالد .... اندهاشها انه ممكن يسيبها ف يوم وثقتها الزائفه انها لا يمكن ان تتركه فااعدت العدة ونزلت لتواجهه ف معركه ظنت لوهله انها المنتصرة فيها ... ليفسر هو الامور انه لا يعنيها فعلا وكيف يعنيها وهى الان تقول له ان لا شىء حدث وانها ضربت بكلماته عرض الحائط فلم يعد تحتمل وهى لم تفهم بل ذهبت ورائه .... لتفاجأ بانفجار مشاعر لم تتوقعها ان تكون بهذه القوة ..... مفاجأة كانت ثقيله وهى تقدم اعتذارتها ويرد هو بكلمات موجعه كطعنات ف قلبها ولسان حاله يقول لها" لقد كثرت الطعنات ف قلبى ولم يعد هناك مكان لجرح جديد .... "
اتعبته حقا منال اتعبته كثيرا . فهو رجل كتم مشاعره منذ زمن وعندما باح بها استلذت هى بتعذيبه بها حتى وان لم تكن تقصد .... واكثر الكلمات التى راقتنى وواجعتنى هى عندما قال لها
(((آسفة على طردي من حياتك عشرات المرات
آسفة على عدم إخباري بأنك تحملين طفلي ؟ ام آسفة لأنك لم تحبيني يوما منال ؟!! )))
والنتيجه المنطقيه واللى عجبتنى انه مشى تانى وسابها خلاص عشان تبدأ ف رحله مراجعه كل ما مضى .....
للاسف فيه مشكله بتحصل كتير ف البيوت اللى هى ان ان الوالدين بيكونوا مش واخدين بالهم ان الاطفال شاعرين بكل حاجه حواليهم ده بالعكس الطفل بيكون اكتر فضول للى حواليه ..... ومن كتر المشاكل والخناق بينهم انتقل الموضوع للاولاد وللاسف اذا استمرت المشاكل بينهم الاطفال بيكونوا اكتر عرضه للمشاكل النفسيه فيما بعد .....
نرجع تانى لخلودى لالا قبل خلودى تومى اللى بقيت بحبها كتير من ساعه ما قلتله اختى مجنونه انت عاقل .. وفعلا اقر واعترف انها مجنونه لالا مش مجنونه ايه رايك ياسوسو ف تعبير مكتومه او اسيرة لمشاعرها او فضلت اكتر من 5 سنين بتحارب نفسها .... ما بتشوفش غير اللى عايزة تشوفه وتتغاضى عن الحقايق الواضحه ......... مش عجبنى دوول سبونى اشتمها ....
ونرجع تانى نحاول ندخل جوا شخصية منال منال واخيرا انكشف الستار عن حياتهاا نوعا ما ... طيلة الاجزاء التى مضت لم ارى من تكون منال قبل ما تتزوج خالد اغرقتنا دموعها ... لم تتحدث منال من الاعماق كما فعلت اليوم ... فاليوم اخرجت شخصية منال التى لم نعرفها ولكننا بالتاكيد اتفقنا ع كونها شخصية معقدة جدا وصعبة (( وانا بااتكلم بالفصحى عشان اذا اتكلمت بالعامية هااشتمها وهى خدت منى شتيمه ما حصلتش )))
منال اعتقد انها بحكم تربيتها فضلت ان تتزوج بشخص مصرى من نفس جنسيتها وظنت ف باسم انه هو الشخص المناسب .... وقابلت خالد ايضا وحدث ما لم يكن بحسبانها ... ليس حب وهيام من النظرة الاولى بمعناه ولكنها جاذبيه.. نعم فهى انجذبت لخالد وعرفت ان خالد وقلبهااصبحا خطرا يحيطان بها ....فكان يجب التخلص من هذا الخطر بقمع مشاعرها تجاه خالد لانه اضحى لها فاكهة محرمة .... فهى مخطوبة او شبه مخطوبة لاخيه فكيف عقلها يسمح لها ان تعشق ومن اخوه فكانت قصه حب لم ولن يقدر لها الظروف ان تكتمل الا بهذه الخطوات التى سار فيها ابطالنا ....
منال حولت كل مشاعر الحب لمشاعر كره عمياء لا ترى .... صماء لا تسمع ولكن عندها قدرة ع ان تجرح فقط ...... بل وكانت تغذى هذه المشاعر دوما وتحيل اى موقف له لموقف عدائى خوفا ان تعترف حتى لنفسها بهذا الحب .......
رائعة تلك ال لحظات التى باحت بها منال بكل ما فيها ..مشهد رائع جدا قوى جدا جدا .... فهذا المشهد عكس صراعا بين قلب منال وعقلها ... صراع قوى كل واحد فيهم يحاول يبرر لنفسه بقوة عندما يلومه الاخر وانتهى باستسلامها لصوت القلب العاقل فى نهاية مؤثرة للمشهد ((( اموت فى فيسك الاخراجى ياسولى وانتى اكيد عارفه انى قعدت جنبها ف الارض )))
وعكس هذ ا الصراع ايضا مدى تعقيد شخصية منال بمعنى اوضح فمنال قوية ومسيطرة ع زمام الامور ولا تريدها ان تفلت منها مهما حدث فنشأت هذه الصراعات ع مدار السنوات الاخيرة داخلها .. تعودت ع ادارتها واخفاؤها ف البدايه حتى صار جزء منها ولكن ولكن ياعزيزتى صاحبة الانامل الذهبية لازالت هناك حقله مفقوده ساقولها دوما ....... الم تستطع ان ترى وتشعر بمقدار حب خالد لها حقا طيله 5 سنين زواج ؟؟؟ ولماذا تحمل كرامتها ع كفها معه لهذا الحد .... ماذا فعل خالد ليترك هذا الشعور داخلها وخصوصا انه اعترف لها بحبه ولكنها صدت عنه ايضا .... >>> تلاقيه يااوختشى ما عملهاش حاجة اصلا وهى العقد والكلاكيع اللى عندها صوروا لها كده ... تعبتينا يامنااااااااااااااااااااااااااااااااااااااال وارجع اقووووووووووول ان خالد مش سهل برضه مهما كانت درجه حبه ...
الحوار الاخير والقفله اللى تجنن >> فيس بيجز ع سنانه
ليه ياسوسو ليه ؟؟ مش قلنا يربيها يشد ودنها يحافظ ع ام كرامته اللى الهانم مرمغتيها وهى بتبعده عن حياتها لكن ياحبيبتى تفقد طفلها بسببه ياجبارة .... ايون توقعى انها هتفقد الطفل وده ممكن يكسر حده خالد شوية ف التعامل معاها بس ممكن يديله سبب انه يسيبها بس ازاى لانه اكيد هيشعر بذنب انه كان السبب ف فقدانها الطفل وهيشعر بحزن ان طفله منها راح .... بس برضه هو ف نظره انها مش عايزة الطفل ده ومش فرحانه بيه .... تفتكرى ياسوسو ان فقدانها الطفل هيقلب الموازيين لصالحها وهى كمان هتحزن حزن ع الطفل ده ممكن خالد يشعر بصدق حزنها ... >>> بس بس اتجننت من الثنائى دول
طبعا ايه اللى يخلى خالد يتصرف بالغرابه ديه ؟؟ اعتقد ان فيه معلومات وصلت ليه عن قتله اخوه وانه كان بيتحرك عشان يحقق انتقامه منهم ...
وليد وياسمين
لقاء ياسمين مع العيله كان جميل جدا وسط مرح احمد وتحفظ ولاء ورقه ايمان والحب الكبير التى لمسته من والدة وليد انعام هانم ...
وطبعا ايه لعبو بيه الكورة ياسولى سواء مامته او احمد ... ياعينى عليه الاستاذ بيتحرج طيب بذمتك كده عينى ف عينك ... اظن انك احرجت من قبل مامتك طب ده يعزز موقفك ياجبان عند جاسى واظن كنت عايز توريها بنفسك رسمك يافاشل .... بس احمد سبقك وفتن عليك
(ممنوع طبعا حد يشتمه غيرى او يحبه غيرى او يعاكسه غيرى )
ياسمين اندمجت وسط العيله فعلا بس ويييييييييييييييرز وائل ؟؟ وليد ماجابش سيرته ولا هو كان موجود اصلا >>> بصراحه مشتاقه كتير ان العلاقه بين الاتنين ترجع زى الاول واتمنى ان ياسمين يكون ليها دور ف ده ....
مشهد الغروب .... يابنتى مش انا قلت لك وحشى صورة وليد عشان البنات يكرهوه ... واولهم نوشا وايسو والروح التائهه ...... دلوقتى هيجننونى انا عارفه .....
طبعا ده وليد باشا ما يقدرش يعدى لحظه غير ما يتغزل ف ياسمين هانم حتى وهو ناوى يقولها ع سر حياته اللى كان سبب مشاكله كلها و توهانه ف الحياة .... ايه ياعم الرايق اى الغروب معكى له رونق خاص ... يااخويا خليك ف اللى انت هتقوله ........
طبعا مشهد جميل وبسيط ومضحك كمان ردات فعل ياسمين وسوء التفاهم اللى حصل كسر حزن المشهد مع وليد بس طبعا رجع لحزنه وهو بيقولها ع كل الحقايق وكانت مفاجاة ليه هو رده فعلها ...
شخصية ياسمين بسيطه جدا متفتحه مش معقده خالص وكلماتها جت مطابقه لشخصيتها ديه ........ هو فعلا شىء صعب ف مجمله لكن ااذ نظرنا بنظرة تانية هو مش لقيط و مش مجهول النسب ديه ممكن تبقى نسبه تقبلها صعبه بالعكس معروف ليه اصل ... يمكن الاب غلط لكن يحسب له انه حاول يصلح الخطأ وانه ما رماش ابنه وضمه ليه .. وكمان ربنا حباه بوالدة محبه حنونه عوضته عن حنان الام ربته كويس زى ما بتربى اولادها وكانه قطعه منها ده كمان المفضل ليها ابنها المشاغب ... بس فضلت حته ان الام تخلت عنه ديه صعبه عليه وابتعاد والده عنه كمان ...اداله احساس بالنبذ ... وبدأ بالتمرد الظاهرى وكانه بيعاقبهم ....بس كان لازم تطول نفسه حته من العقاب >>>> لازمن اعمل دكتوراه ف وليد باشا كل مرة
نرجع لياسمين ........ ياسمين قطعت شوط كبير ف حل مشكله وليد بحوارها العفوى ورد فعلها اللى اداله ثقه اكبر ف نفسه وانها مش اتخلت عنه ..........
ولولولولولولولولولولولولولى واخيرا بس ناقص ليلى ترجع وتقابل والد ياسمين ونفرح بيكم بقى ......... وما تتغاظش قوى من ليلى دانت هتكتشف مفاجاه كبيره هتخليك تظبط امير تريقة .......
............................................................ ....................
ليلى وبلال ..........
بلال .... علاقه شفافه بينه وبين ليلى ... يمكن اينى فيها حته جنون ودايما حاسس انه مسئول عنها ... اما ليلى فهى فيها نضوج و قدروا انهم يتفاهموا وده يخلينى اقول ياترى لولى هتسعى لمعرفه اللى بيمر بيه اخوه مع سوزى ((( باادلعها ياكابيره واخده بالك انتى ))) وهيكون ليها دور ف حلها ؟؟؟!!!!
وتعالى هنا انت جايب لها عريس ياخبيث انت ؟؟ طيب هى رفضته ياريت يرجع معاكو من لندن ويطلبها تانى >>> انتى عارفه ياسوسو انى قصدى خير ودايما بااسعى ف الخير الحمد لله ربنا يدميها عليا نعمه ... يالا احنا بنعمل اللى علينا ...........
طبعا مجرد ذكر اسم وليد قدامه غير موده طيب اذا عرفت بقى مين بيكون وليد ده هتعمل ايه ؟؟!
بلال وسوزان
مشهد رائع رائع رائع .... لم اتوقع من حديث بلال مع سوزان ان يكون قااسى وموجع لهذا الحد ... فهوكان يريد التأكد من شىء وفعل ؟؟ وليته مافعل ....
ابنه عمته (( عشان خاطرك ياسوز اهو )) صغيرة السن والعقل .. انجذبت لبريق وليد واكتشفت انه وهم زائف ولانها طفله سعت للانتقام منه دون التفكير باى شىء اخر لا ف والداتها ولا ف سمعتها ولا ف عائلتها ولا ف بلال ولا ظلمها لشخص كان امينا معها ولم يحاول استغلال عاطفتها .... فقط الانتقام الاحمق من وليد واكتشفت حجم المأساه بعدما انطلق السهم ولا سبيل لارجاعه مرة اخرى ....
تحاول ان تشرح وتبرر ولكنها كانت اشبه بجلسه تحقيق ... فقط عليها الاجابة لاسئله بلال والاستسلام لتفسيراته ....
كم هوموجع ان تكتشف ان الانسان الذى عشت عمرك بااكمله تتمناه يخونك بمشاعره مع شخص اخر ...... فكيف يغفر لهذه الطفله خطأها لا اعرف .... وكيف يستطيع بعد ذلك التأكد من مشاعرها تجاهه ؟؟ وانه لن يكون بديل لشخص تمنته ؟؟ لااعرف ..
فقط مااعرفه انه محق ف المه وفى وجعه منها وهى اخطئت خطأ كبير وان المشكله حقا فى هذا البارت تفاقمت جدا >>> واحب اقولها يابنت عمته بطلى دموع بقى وفوقى مش كل ما هيقولك كلمه هتعيطى كده مش هتحلى حاجه اتغيرى بينى له انه حب طفولتها مش بالكلام والدموع وانها كانت غبيه وحمقاء انها اندفعت ورا سراب كاذب ... اهتمى بحياتك بينى له انك مش بتشوفى غيره فعلا ...
امير وليلى والحاسوب
تغير ف حاله امير 180 درجه ما بين تأففه من اوامر وجيه و من عزلته المفروضة عليه ومن اشتياقه لليلى وما ولده من حالة عصبيه لديه الى حاله غريبه من الهدوء والطاعه لاوامر وجيه ((( فكرتينى بالغالى شدى حيلك ياللى ف بالى )))
نسى نفسه ونسى العالم بمجرد ان وجدها ع شاشه الحاسوب >> خربيت سنينك سولى احذرك اننا كلنا هنفقد صوابنا مع الثنائى ده رغم اختلافى مع ميرو ...
الناس اللى بيشعروا ببعض دووووول ... اولا شعر بسعادتها الكبيرة وزلزلته كلماتها الرقيقه اليه >>> بكره انشاء الله هتبقى كلمات ناريه
وشعر انها بتسمع اغنية لفيروز ........ وشعوره وهو بيسمع الاغنيه وحاسس انها ليه هو >>> لعبد الرحمن يامعلم اوعى تنسى ((فيس بيطلع لسانه ))
بعدك على بالي
ياقمر الحلوين
يازهر التشرين
يا دهب الغالي
بعدك على بالي
ياحلو يا مغرور
ياحبق ومنتور
على سطح العالي
بس الاغنيه حلوة وطمنت قلب امير ... اينعم ما كانش فاهم نصها واحب اقوله ولا احنا بس روفينا الشريره نزلت بالترجمه ....
ماعنديش كلام اقوله حضرتك غير ان المشهد ده مكتوب باحساس قوى ... الرومانسية الجميله ووالحوار الرقيق اهم ما كانوا بيميزوه ....
وحوار الصور ده مشكله هو متوقع ايه انها هتسمع الكلام وتقوله حاضر رغم صواب المبدا لكن اسلوبه وعصبيته وغيرته الغير مرئيه ليها جننوها ........ والباشا وهو بيقولها انتى مالكيش حق اصلا بعد ما حطيتها للامة .... ههههههه عسل ياامير طبعا انتى منرفزنى لكن عسل ف جنونك وغيرتك بس برضه متغاظه منك ... حطيت ليلى ف موقف صعب وكل ماافتكر انها عامله زى الاطرش ف الزفه اتعصب بزياده >>> فيسى اللى ما يعر فش يكون رومانسى للاخر ابدا
وليد وامير وحوارهم الممتع ..... وفرحة امير بتغير وليد وانه ماشى ف حياته واخيرا هيتجوز ياسمين بس وليد باشا والمرة ديه بخبث غير مقصود لا دماغه خلى امير عايز يحدفه بااقرب حاجه ليه وخلاها هيتجنن ان وليد ذكر اسم ليلى ومن ناحية تانية انه متغاظ ومتضايق منها .... وكمان بيزود ف الكلام وقال لياسمين خليها تجى النادى اتعرف عليها .... انا قلت خلاص ده ده واحد ناوى ع موته ههههههههههههههههه ...
كلام امير لوليد طبعا بعيدا عن رومانسية الكلام الجميل اللى قاله امير ... انا اتخيلت شكل وليد وهو قاعد قدام امير ومندهش .. مين اللى بيتكلم ده ؟؟ههههههههههههههههههههه
بس صدق ياديدو صدق صاحبك غرقان ف حاجتين ف الحب وفى المشاكل التنين مع بعض وما تقلقش يااخويا من جهه المساعده هتساعد دانت هتبقى اللينك بينه وبين لولا عن طريق جاسى وانا عارفاك ملقوف ع راى نوشا ...........
طبعا امير كمان كان فرحان بحاجه تانية برجوع ليلى لمصر اخيرا واصراره ع انه يشوفها .. ياترى ايه اللى هيحصل مترقبه وبشده الصدمة والمواجهه والمشكله وخطوات حلها ... وكمان ياريت ياسولى ما تكونش فيه مشاكل تانية ويتعرض للهجمات احنا مش عايزين مستشفيات تانى ده قضى ايام ف المستشفى اكتر يااوختشى من قعدته ف الرواية معانا .....
هشام ونودا .......... هشام كل يوم بيثبت لنودا انه بيحبها ومتمسك بيها اكتر وهى بتزيد اقتناع يوم بعد يوم انها ما تبعدوش عن حياتهم ....
هشام والشقه الجديدة ورصيف حبنا اعتقد انه شاف ان الاوان ليستقل عن والدته بعد ما عرف ان حياته سترتبك مرة اخرى بسبب خطط والداته اللى هو بيتغاضى عنها ..... طلبه من نودا انها ما تحتكش بوالداته معناه ان الام دلوقتى ف حالة غضب شديد واى حاجه هتقولها هنادى ليها هيكون ردها عاصف ومن الاخر هتتلككلها وزى ما قالت روبيتا ان ده بيعنى ان هشام رفض مساعى والداته وخططها بصراحة .....
بارت كامل الدسم ياسولى ومشاعر وشخصيات كتير مختلفه استمتعنا جدا بيها وانتى بتتنقلى بينهم ببساطة .......... تسلم ايديكى ياملكة الاحداث ومنتظرين الاحداث الجديدة .........
|
08-03-13, 01:49 AM
جديد مواضيع قسم سلاسل روائع عبق الرومانسية
العرض العادي
