السلااااااااام عليكم

فيس جاي تعبان ومنهك حتى الثمالة...بس بيعتذر عالتأخير

كان نفسي استعيد مكاني في التعليق الاول..بس يالا شكله راح للابد اهيء اهيء


ديدو المثقف في ثوبه الجديد...كويس ميرو كان تعبان فمقامش وراك بإيد المقشة عقاباً على اللي عملته مع جاسي..لا وتقول له مقدرتش امسك نفسي..كنت اخبطه بازازة الجلوكوز يا ميرو اعمل له عاهة مستديرة ابن الوزير دا

لا وعشان يفلت من عملته المهببة بيقلب الشريط على ميرو عشان يعرف مين المزة بتاعته..اوعى تقول له يا ميرو لا بعدين يعلقها...ملوش امان الواد ديدو دا..دا عاوز يعلق الممرضة كمان...واد يا ديدو...اتعدل يا واد لاخبطك كف الزقك في الحيطة...خليني اعرف اقول فيك بؤين حلوين قدام جاسي

تومي... صعبتي عليا وانتي خايفة وصوت نمنم بيطاردك...طبيعي بنت بريئة ملهاش في الاكشن دا كله يجيلها هلع...يعني لو كنتي اتلميتي من الاول مش كانت الدنيا فضلت بيس؟؟
بس تعرفي يا بت يا تومي؟؟ استجدعتك في حركتين
الاولانية انه لولا سهوكتك ودلقتك على خالد بيك مكانتش اختك الإتمة اتحركت واتلككت عشان يكلمها
وثانياً لما رحتي لميرو وعرضتي المساعدة في موضوع ليلى
بس برضه رايحة تبوسيه؟؟ يا بت انتي مش هتتعدلي بقى؟؟؟ ألاه؟؟؟

ليلى وايناس,...كويس التلج بينهم ساح وداب شوية شوية...عارفة انا قعدات الشيبسي والفشار والمكسرات واللذي منه...هي دي اللي موديانا في داهية ياختي :((

الاغنية اختيار اكثر من رائع..وكأنها بترسم حالة ليلى بالزبط...بس يارب يقرب البعيد يا ليلى

بلال...ما اظنش سهل تنسى الحب، ولا تنسى هبل سوزان..بس مين عارف...اللي بيحب بيسامح يا كبير

منال وخالد...يعني اعمل فيكي ايه يا ام دماغ راكب شمال؟؟؟ يعني الراجل قال لك الحقيقة وصالحك وبقيتوا زي السكينة في الحلاوة وبرضه تحكمي عليه يسيب البيت؟؟؟ يا ظاااااالمة

هنادي و هشام...ربنا يهدي سركم يا بنتشي بعيدا عن الولية ام هشام ديهيان احسن قلبي مش مرتشاحليها

ههههههه عجبني اوي مشهد المطار، وكنت عاوزة اضرب سوزان قلمين..مالك انتي وحبيبة وليد السرية؟؟ ها؟ يعني عاوزة تعلقي بلال ووليد حضرتك؟؟ اما بنات ما تستحي صج...سيبوني عليها...وربنا لاضربها على بقها الولية دي...فيس فيلم الناظر هههههه

وأخيرا جاسي في معرضها الفني الاول....توتر غير مسبوق طبعا، زاده الطلة البهية لمحطم قلوب العذاري ديدو بيك باشا افندي ابن سيادة الوزير

وطبعا كالعادة مش جاي بإيده فاضية...جايب معاه صاروخ ارض جو
بس صاروخ مختلف...صاروخ محترم...ايمان طبعا

يمكن عشان يقول لجاسي انه اتغير، او عشان يعرف البنتين ببعض

المهم ان المشهد الجاي هيبقى اكيد قنبلة


لولي...بقول لك ايه؟؟ انتي قاعدة في اسكندرية حيث البحر والهوا يرد الروح...اقعدي في البلكونة البحري كدا يا حلوة ومخمخي البارت الجاي

في انتظارك يا قلبي
امممممممواه

salamou 3alykom howa fi part el lila wala mafi

مساء النور والسرور يا صبايا
كيفكم ، عاملين اية ؟
اتمنى تكونوا جميعا بخير
اولا بعتذر عن عدم نزول بارت اليوم
سوري بس مقدرتش اخلص حتى ولو نص البارت اللي المفروض يكتب
ثانيا : احتمال كبير مقدرش انزل بارت قبل بدء رمضان
فهنلتقي بعد رمضان ما يخلص
على العموم انا هحاول اخلص البارت وانزله قبل ما رمضان يبدأ
عشان هنتوقف خلال الشهر الفضيل
كل سنة وانتم طيبين
ومعلش اعذروني على تقصيري معاكم
اشوفكم على خير

السلام عليكم ورحمة الله...

مساء النور يا أسولة...

خلاص يا بنتي ما تشيليش هم أصلا نحنا إتعودنا على الصدمات وربنا يسهل ...

كل عام وإنتي بألف خير ونشوفك بعد العيد بإذن الله...