افارق هم . واعانق هم . ولا ادري وين مشواري

26-10-11, 12:14 PM

المشاركة رقم: 1

المعلومات
الكاتب:	وديمه العطااء
اللقب:	ليلاس متالق

البيانات
التسجيل:	Jan 2010
العضوية:	155543
المشاركات:	248
الجنس	أنثى
معدل التقييم:
نقاط التقييم:	101

االدولة

مدونتي

الإتصالات
الحالة:
وسائل الإتصال:

المنتدى : الارشيف

افارق هم . واعانق هم . ولا ادري وين مشواري

افارق هم . واعانق هم . ولا ادري وين مشواري

بسم الله الرحمن الرحيم

السلام عليكم ورحمة الله وبركات

أنا قلبي من كثر شوقي*
ملا صدري
وانا صدري من كبر قلبي
نفذ صبره*
من صباح الخير لين الشمس*
ماتسري
ومن مساء الخير لين نصير
في بكره*
والغلا في داخلي مثل النهر*
يجري
ليتكم *تدرو بغلاكم *داخلي وش كثره*


ياليييت القصه الجديده تنال اعجابكم*

*وعندي طلب ان القصه تكون حصريه بس للمنتديات الي بنزلها فيها من غير ما تنقل لمنتديات ثانيه لين ما اتوفق واخلصها ومن عقب براحتكم*
مرات اتمني ارد اصحح معلومات في القصه والي يخلينيه اتردد انها نقلت ولا اقدر اصحح الي نقل .......خصوصا هذي القصه ما اريدها تنقل لين النهايه

محبتي للجميع .. وديمه العطاء

افارق هم .....واعانق هم .... ولا ادري وين مشواري؟؟

الجزء الاول .........

وصل ابو عوض العزيمه الي دعاه لها ابو علي وكان متاخر

ابو علي:وينك يا ريال ابطيت علينا

ابو عوض:تاخرت في المزرعه العمال لوعو بكبدي

طالع ابو عوض الريايل الي قاعدين ومد يده لفنجال *لقهوه الممدود له

ابو عوض: ماشالله عندك عرب اول مره اشوفهم

ابو علي: هذا ابو سلطان خالد بن فهد ومعاه عياله

ابو عوض: اول مره اشوفهم ... من هلك؟

ابو علي : يا ريال هذا نسيب يراننا ابو محمد بنته ماخذه ابو سلطان وهو وعياله يايين زياره *
ليدتهم

ابو عوض: هييييه كذيه السالفه يارنا ابو محمد ... لا تقول هذا خالد الي عنده شركة (..........)

ابو عوض:هيييه هو الريال

ابو علي:ما شالله ماشالله تعرفهم زين والله ...اسميه ريال عنده خير كثييير*
وبتفحص اكثر للموجودين

ابو عوض:هذولا كلهم عياله؟؟

ابو علي :ابو سلطان عنده ولده العود من حرمه ثانيه متوفيه ومايابت الا ولد واحد الي هو سلطان*
اما حرمته الثانيه الي هييه بنت ابو محمد ماشالله يابت له الخيير هذا ولده الثاني فارس **

بجر امه *طيار... من اربع سنين ايطير الطياره وماله خص في حلال ابوه شل يده من عقب ماعزل اخوه العود سلطان عمره عنهم ومب اي طيار، طيار خاااص معاشه يغنيه عن حلال ابوه كله.. والثاني هذا سيف ياي الحين اجازه يقولون بعده يدرس برا وشكله عايفه نفسه لبلاد وكل مره متعلثلهم بدراسه وتخصص يديد ايريد يدرسه *...وعقبه مانع مخلص الجامعه*

وتوه بادي يشتغل مع ابوه في شركاته واخر واحد مادري شو اسمه والله*

ابو عوض وهو يحرك حواجبه : ماعنده بنات*

ابو علي: بنت وحده*

ابو عوض وعيونه تتفحص الضيوف: كان لعيال كذيه عيل لبنيه كيف ان شالله تكون بسن زواج

ابو علي : ما شالله حرمه

ابو عوض: انزين بتخبرك وهذا الي قاعد بينهم الي كنه من عيال الشيوخ والله انه رزه

قرب ابو علي راسه من ابو عوض وهمسله: هذا عاده الموووت .... كل شركات ابو سلطان في يده

ابو عوض:سلطان ولده؟!

ابو علي: لاااااا يا لييييته هذا خالد ولد اخته ...ابو سلطان مربنه عنده من يوم اهو صغير بعد ما توفي ابوه ضم اخته وولدها خالد عنده. والريال صار نسخه من خاله في كل شي حتي والله مايفرق عنه في الشكل*
يوم شاف ابو سلطان ان عياله شلو ايديهم عن الحلال حط كل شي بيد خالد وخالد ماشالله ريال معروووف وعنده خبره احسن عن الكل ومحد داير الشركات الا اهو وتو هذا مانع معبلينه معاه لاكن خالد الكل في الكل

ابو عوض: وبلاهم عياله سلطان وين عن ابووه؟؟!!!*

ابو علي: عنده.... بس الريال عنده حلال من اول وارثنه من امه وبسبة المشاكل مع حرمة ابوووه قرر يطلع من البيت ويسويله شركه خاصه به وماشاالله اسمه معروووف في السوق

ابو عوض: ابوك يا عوض طلعت الريال من عند ابووه

ابو علي: لا لا ابو سلطان مايرضي في سلطان حلف عليه مايطلع وبناله قسم شرقي لقصره خاص بسلطان له مدخل بروحه يلس فيه سلطان ويجتمع مع ابوه واخوانه في الميالس*
اتشوووف وبنا قسم غربي لقصره بعد لخالد وامه الهم مدخل خاص ابهم

ابو عوض: ابو سلطان ماله اخوان؟؟

ابو علي : عنده اخوووه ابو سند الي ماخذ بعد اخت ام فارس عقب ماماتت ام سلطان ابو سند يوز ابو سلطان اخت حرمته*
وابو سند ريال بديوي راعي بووش وحلااال وما شالله بيشاااانه ماتنعد ولا تنحصي عايشين في السمحه وابوه الشااايب بعده حي وعايش عنده

ابو عوض: وليييه ام خالد ماعاااشت عند ابوها واخوها ابو سند

ابو علي: ابو سلطان ايعزها اكثر وكانت ماخذه ربيعه*

ابو عوض: تغربلت يا ابو علي كل هذا اتعرفه عنهم شو بعد ماتعرف*

ابو علي بنظرات ناقمه: خسك الله انا اقول العين ماتينيه الا منك اذكر الله هذووه انته ماكنت اتعرفهم وعرفت عنهم كل شي

ضحك ابو علي وبصوووت عالي: اقوووول يا ابو سلطاااان

التفتت الوجوه له

ابو عوض : عليييي الطلااااااق ان عشااااك باكر عنديه*

تمت الويووه اتبحلق فيه منصدمين من الكلمه الي قالها

ابو سلطان: تم يا ابو*

ابو علي : ابو عوض يارنا ومن الاهل

ابو سلطان: تم يا ابو عوض

ابتسم ابو عوض ورد بظهره للتكيه وهو مرتاح بقبولهم للدعوه

فارس بهمس: كره ذا الويه*

كتم سيف ضحكته الي في البدايه فلتت امنه*

ومانع ايدقه. عشان مايفضحههم

فارس: ما غييير البنغالي الي اشوفه كل يوووم جدام ويهيه

سيف: فااارس فديتك ....مش وقته ...احنا عند عرب غرب

فارس بتقليد لصوت ابو عوض : علييي الطلااااق ان .......

سيف وضحكه تفلتت امنه بالغصب: جاااااب
بعدها سكت سيف من نظرة خالد له

فارس: والله انه يقهر وابويه ماعنده وقت تم*
انا عنيه مابتم من اطلع من باب الميلس بزر

سيف: * *ابويه عطا الريال كلمه ولاتنسي بتتسبب بطلاق حرمته

فارس: ينقلع معاها

سيف: ويدوووه يا فااارس تراها متولهه انته حتي ماقعدت معاها خمس دقايق

زفر فارس وهو يفكر بيدته وهز راسه مستسلم لراي سيف

المنطقه الي ساكنه فيها اليده منطقه ريفيه مزارع ومبنايه فيها بيوت*

وبيت اهل ام فارس كبير لاكنه *دور ارضي

البيت محد عايش فيه غير ابو محمد وام محمد وبنت ولدهم محمد الي توفا ابوها وامها وهي صغيره وتمت عايشه عند يدتها
ام سند وام فارس خوات وعندهن اخت ثالثه بعد متزوجه وبيتها قريب بيت اهلها كانت دايمن توصل ابوها وامها وتقضي حوائجهم*

في اليوم الثاني علي الساعه وحده ونصف الظهر كان الميلس في ظلاااااام تااااام *وجثث وايد متناثره فيه فجئه انفتح باب الميلس*
وبانت ظلت حرمه واقفه علي الباب ومغطيه نور الشمس الي وراها*

العجوز ام محمد بصرخه وحده افزعت كل الي بالمجلس: سووووووووودالله ويوووووهكم يا مسودين الويه يا مضيعييييين المذهب والصلاااااه *عليه الرفجه انكم تنخبطون اليوم لين اتقولون بس *عيل سهر لين الصبح ورقاااد للقايله يله يله قوموووو

المجلس في ثواااااني وبعد مداهمة الجده صارت فيه *حالة طوااااارئ *الي انخبط والي قدر يشرد والي تلحف بالحف والي زبن الحمام والي ماكان جدامه الا الدريشه يعفد منها ماكانو يهال لالا كانو ريايل وبعضهم عدا الخمس وعشرين*

عند المطبخ الكبير والي كان مطل بالحوش دخل فارس الي كان بوزاره وفانيلته وهو يضحك وميت من الضحك ووراه ولد خالته سعد
ميره اخت فارس ومريم بنت خاله كانن في المطبخ

انصدمن من الاشكال الي دخلت عليهن

سيف كان من الي فرو من الدريشه كان ميت من الويع ويتحلف لولد خالته الي شرد وعرف كيف يتفادا الحطب الي تحت الدريشه
قرب سيف من المطبخ *وهو يعرج وماسك ظهره

سيف: ااااااه ااااه ظهري ليت يدوووه ضربتنيه بالعصا ارحم من الحطب الي طحت علييه*

زااااد ضحك فااارس وقعد علي الارض يضحك

قربت ميره من سيف

ميره: سيييف شبلااااك

سيف بوجع: ااااخ ااااااخ*

فارس : هههههههههههه الي يذبح صدق خويلد بخته يدووووه لين قااال بس ههههههههههومالقت حد جدامها الا هو ههههههههههههه والله تروعت علي يدوووه *ااااااه ههههه قلت الحين بيزنطها من حلجها ههههههههه

شهقت ميره وحطت يدها علي فمها وهيه تحس باحراج ان خالد ينظرب

مريم: الله يفضح ابلييس والله ان يدتيه خرفت شوو مودنها الميلس عندكم

قربت مريم من سيف الي يتالم: سلاماااات ولد عمتيه ماتشوووف شر تعال حجرتيه قريبه انسدح اشويه*
تبع سيف مريم للمكان الي قالته له وهو مش حاس شو يسوي من الويع الي فيه

والتفتت ميره لفارس : فضيحه والله في خالد*

فارس: ههههههههه ليتج اتشوفينه كيف عصب ولا قدر ايقووول شي هههه

ابتسمت ميره لضحك فارس*

فارس: وين اميه وعمتيه ههههههه بيحلف الحين ماييب عموه اهنيه مره ثانيه

*ميره: فارشات الزوليه ينوب البيت

مشي فارس رايح لامه وعمته الي لقاهن يالسات وحاطات لقهوه جدامهن

ام فارس: فااارس وين ثياااابك*

فارس: اي ثياب قولي الحمدلله علي السلاااامه

خبر فارس امه وعمته بالي سوته يدته وحطت ام فارس يدها علي راسها

ام فارس: ياالفضيحه ياالفضيحه الله يهديج يا اميه فضحتنا في الريال

العمه كانت تضحك مع فارس وام فارس تمت متلومه*

قربت منهم ميره وفي يدها كندورة فارس وسفرته وعقاله *خذهن عنها وطلع تيلفونه وتم يقرا المسجات

ام فارس: شفتي*يدتج يا ميره شو سوت بخالد

ابتسمت ميره باحراج وطالعت عمتها الي كانت تضحك

التفت فارس لامه وهو يوقف: اميه فديتج انا بروووح طالبينيه ضروووري استسمحيليه من ابويه ما بقدر احضر العشا اليوم

العمه: الريال حلف بالطلاااق يا ولديه

ام فارس: اي طلاااق ابو عوض ماعنده حرمه الا جذيه يحلف بالطلاااق

طالع فارس امه منصدم : سلاااااال يسل ويهه*

التفت عنهم وقبل لا يمشي

ام فارس: فارس فديتك تم الحين خالتك بتوصل وهي في خاطرها اتسلم عليك من زمان

فارس وبنظرات مافهمها غير امه :ماعليه مره ثاااانيه يا ام فاااارس انا برووووح عنديه شغل ضرووووري

راح فارس وكتم ضحكته وهو يشوف خالد الي قرب منهم وطالع فارس بطرف عينه وهو كاتم غيضه*

الرجفه الي تحس فيها كل ماتشوفه رجعت الها وهيه تشوفه مقبل عليهم سلم علي ام فارس ونزل راسه يحب امه علي راسها قعد خالد قريب امه ووقفت ام فارس

ام فارس: السمووووحه يا خالد ترا الوالده مضيعه اشويه وماتعرف اتفرق بين لعيال وموووتها حد يرقد عن الصلاااه

خالد: ماعلييه يا عمتيه ماصااارشي

ام فارس: ميييره صبي قهوه لخالد

ميره" لا لا يا اميه انا اصبله والله لا ايطيح الفنيال من يديه قبل لا اعطيه اياه"

ام فارس: بلااااج يا بنيه قهوي ولد عمتج*

خذت ام خالد الدله والفنيال : برايها انا بقهوي ولديه سيري طالعي فارس يمكن يريد شي قبل لا يروووح

علي طووول قامت ميره وراحت وماكان حد حاااس بميره وتوترها الي يصير بحضور خالد غير عمتها ام خالد

لحقتها بعد ام فارس والتفتت ام خالد لخالد: ههههه فديت الويه ولا ضربوووك اليوووم

خالد بعصبيه: حد ايهمل عيوووز مينووونه مثل هذي *زين انيه تميت بحواسيه ومادقيت براسها في السااااس

كتمت ام خالد ضحكتها وهي تحط يدها علي فمها لاكنها ماقدرت عقب*

خالد وهو يطالع امه بنظرات يرقبها تسكت عن الضحك وشكله مش عاجبنه ضحكها

في غرفة مريم انسدح سيف علي سريرها وقربت مريم وقعدت علي طرفه متالمه لحاله

وفجئه طاح ابهم السرير
قامت مريم بسرعه

مريم اووووه سواااف شبريتيه كانت *خرباااانه

سيف: اااااااخ والله ما استاااااد لا بارك الله فيها من ييه

مريم :حرااااام لا تقوووول جذيه*

سيف وهو يحاول يقعد: انتي منو قالج تعالي اقعدي الحين عداليه

مريم كانت من الي وزنهم قرب الميه كيلو *دبببببه واااايد وويهها معالمه مختفيه من كبر غزوزها*

مريم : غلطانه كنت اريدك ترتااااح*

سيف: ااااااخ بموووووت

مريم : بخلي ميروووه تييييك فارقتك *روعتنيه

طلعت مريم ورجعت عقبها ومعاها ميره الي تفاجئت بالسرير منكسر وسيف مش قادر يتحرك

سيف اهو الولد الثاني لام فارس *اصغر من فارس بسنه ونص واكثر حياته عايشنها في فرنسا كل ما قالو له خلصت دراستك قال بعدنيه لين ماتركوووه علي راحته

كان طويل واعرض عن اخوه فارس *هادي بطبعه *رفض اهو بعد انه يتدخل بشركات ابوه. والبعض ايقول ان سبب قعدته في فرنسا انه متزوج وماسس عائله ومايريد حد يدريبه هذا كلام البعض

قدر فارس اخيرا يطلع من المزرعه بعد ما تعصم بسفرته ولبس نظارته الشمسيه من قبل لا يرجع ابوه ويمنعه من السيره في طلعته من المزرعه كانت سيارة خالته بتدخل نزل بسرعه وسلم عليها ورجع وراح حتي ما القي السلام علي الي في السياره

شما : اميه منووو هذا ؟؟

ام سند التفتت لشما: يا النكر منو هذا !!!!*

شما بنظرات استفهام : الي يسمعج ايقوول اعرفه؟

ام سند وهي ترجع تلتفت لجدام : نكر ويووور *

شما : امييييه*

ام سند : ماتعرفين ولد عمج فارس ؟؟

شما بعدم تصديق: فاااااارس ؟؟؟؟!!!!!!!

رجعت تلتفت للغبار الي خلفته سيارته وراه*

شما بخاطرها " معقوله خمس سنوات اتغيره جذيه ولا النظارت لاعبات دور*

رجعتبها عقب ذكريات الماضي *من يوم هم صغار وهم مش علي وفااااق*
كان فارس وعيال خالتها من اقلع ماخلق ربي*

ومشاكلهم ماتوقف غير ضربه للبنات دائما كل البنات كانن يخافن امنه الا هي الوحيده الي كانت تاخذ حقها امنه والي خلا فارس يزيد بغضه الها خصوصا انه تعرض للضرب بسببها

حتي بعد ما صاروكبار كان التنكيل ببعضهم البعض مستمر*
والبغض كل ماييله يزيييد لين ماصارت بينهم سالفه قبل ست سنوات ....صارت بينهم زعله قويه سنتين كانو يتلاقون وماهذا يكلم الثاني ومن بعدها خمس ر سنوات ماشافو بعض

تذكر يو م تزعل عليه وتقرر ماتتكلم معاه عمرها ستة عشر سنه وهو بالتسعة *عشر
*
في البدايه كان زعل عادي لاكنهم ماهذا كان يتنازل للثاني *الكل حاول يصلح من بعد ما استمر الزعل لسنه لاكن ظلت روسهم يابسه وكان اخر كلام لفارس انه مرتاااح جذيه وخلوها اتولي................ *

*ابتسمت يعني اهو الحين قاصد مايسلم عليه اونه بالطقااااق

*

..................................

علي المسا وبعد العشا دخل ابو سلطان علي ام فارس الي لقاها شااايطه من الغيض

بنظرات تم ايطالعها*

ابو سلطان: شبلااااج يا حرمه ويهج جالب

ام فارس قامت ووقفت جدام ابو سلطان. : اسمع يا خالد ولدك هذا سلطااان خله يلزم حدووووده وماله خص بخدميه*

ابو سلطان: لا اله الا الله شووو بعد*

ام فارس بغيض : هو علي كيفه يطرد الدريول والخدامه*

ابو سلطان: طردهم!!! اكيد مسودين ويههم*

ام فارس : مسودين ويههم مسوين الي مسوينه ...... ماااااااله خص فيهم

ابو سلطان بصوت اعلي: سلطاااان ولديه وولديه العووود وله كلمه في كل شي *انتي ما كفاااااج الي سويتيه فيه بعد تبينه مايتعبل في الخدم

ام فارس: انا ما سويتله شي *..وهالخدم خدميه انا مااااله خص فيهم هو بس يسوي جذيه ايرييد يقهرني انا اعرفه ولدك هذا

ابو سلطان باستنكار: سلطاااان يا ام فااارس سلطان .... سلطان محد يعرفه كثريه *وهذا مش اسلوبه ولا تفكيره*

ام فارس: هيييه سلطان ..سلطااان غير حتي مفرق بينه وبين اخوانه*

ابو سلطان : انا يا ام فاااارس!!!!!

ام فارس: هيه سلطان له حلااال برووووحه وله فله هاك كبرها تطارد فيها لخيول بروووحه *وكل شي ال سلطان الاولويه وانا عياليه مساكين مالهم شي كل واحد ساد عمره بروووحه

ابو سلطان:خاااافي ربج خاااافي ربج *هذولا عياليه اعياليه وانا ما افرق بينهم *سلطان الي عنده حلاله اهو وارثنه من امه وبشطارته صار عنده كل هالخير*
والبيت انتي تدرين انيه ما اباه ايروح عنيه بعيد محد طلعه من البيت الا كلامج السم الي تقولينه دوووم *

ام فارس: حشي عليه *بروووحه الي طلع يدريبك انك بتعوضه بالفله

ابوسلطان: اذكري ربج يا حرمه وحطي راسج وارقدي الكلام هذا انا عيزت من كثر ما اعيد وازيد فيه وانتي الي في راسج في راسج لو ارمس من اليوم لين باجر

اخذ ابو سلطان عصاه وطلع صافق بالباب وراه*

............................................

في فلة سلطان كان منسدح في صالته العلويه يطالع التلفزون وفكره مش معاااه*
علي كثر مايحاول انه مايتصادم مع حرمة ابوه الا ان المشاكل اتلاحقه *قبل اشوي سكر التيلفون بعد اتصالها له وصوتها العالي وهي تتوعد وتقوله ان ماله خص بالخدم*
كانت كلمه وحده الي سمعتها امنه وخلتها تسكر التيلفون في ويهه

سلطان: قسما بالله ان شفته ولا شفتها من بعد اليوم في البيت انه يكون اخر يوم في حياااتهم
*
تدري انه مايقول اي كلام من غير مايعنيه ومافي مجال انها تثنيه عن الي يريده.... منقهره امنه ومن تحكمه في بعض الامور حتي لو طلع من الفله الكبيره*
تدري دايمن انه يصدر اوامر علي ميره تنفذها من غير مجادله معاه ومع بعض اخوانه ومنقهههره امنه*

زفر سلطان *وهو متضايق لاكن شو يسوي من بعد الي شافه اليوم مستحيل ايخليهم دقيقه في البيت *اشمئزت نفسه وقام وهو يلعن الحريم والخدم*

لو ان الوحده ذابحتنه وماله حد يتكلم معاه وهو اكثر اوقاته في البيت الا انه من سابع المستحيلااات يفكر في يوم يتزوج وتشاركه حياته انثي

......................................
البارت الياي ان قدرت قبل العيد نزلته ومن بعد العيد ان شالله بنتظم معاكم بالبارتات



محبتي للجميع وديمه

26-10-11, 12:27 PM

المشاركة رقم: 2

المعلومات
الكاتب:	زارا
اللقب:	ملكة الالماسية

البيانات
التسجيل:	Jul 2006
العضوية:	8455
المشاركات:	10,839
الجنس	أنثى
معدل التقييم:
نقاط التقييم:	2892

االدولة

مدونتي

الإتصالات
الحالة:
وسائل الإتصال:

كاتب الموضوع : وديمه العطااء المنتدى : الارشيف

يااااااااااااااااازين هالطله

مرحباااااااااااااااااااااا ملاااااايييييييييييييييييين ومايسدن حي بها بنت زااايــــــــــد..
ودوووووووووووووووم اسفرت وانوورت واستهلت وامطرت.. هلاا ومليااااااااار غلاااااااا..نوورتـــــــي المنتدى والمنتديات المجااوره وغير المجااوره بعد.
الف الف مرحبا والله والف ملياار مبروك هالقصه الجديده.. شكلها يجنن وانا تووني بس ماقريت الا اسم ابو عوض>> فيس عشقها على طول..هخهخهخهخه

ربي يوفقتس يااعسل ومافيها كلااااام بتعجبنا ان شاااء الله..

لي عوده باذن الله بالرد بعد ماا اقرى الجزء..

همسه/ مبسووطه مره ان القصه امااراتيه المنشأ و اللهجه ,,بالتووفيق قلبووووو

26-10-11, 12:31 PM

المشاركة رقم: 3

المعلومات
الكاتب:	بياض الصبح
اللقب:	ملكة جمال ليلاس وملكة سحر الخواطر

البيانات
التسجيل:	Aug 2010
العضوية:	183892
المشاركات:	11,112
الجنس	أنثى
معدل التقييم:
نقاط التقييم:	2930

االدولة

مدونتي

الإتصالات
الحالة:
وسائل الإتصال:

كاتب الموضوع : وديمه العطااء المنتدى : الارشيف

السلام عليكم و رحمة الله و بركاته

مساء الرضا و تباشير الخير

مرحبا مليووون و لا يسدن في ذمتي

يا حيا الله وديمه نورتي وحي الأعضاء من جديد

كل الأماني أنج تلاقين التشجيع و المتابعة مثل ما

لا قيتيه في خــواتها اللي أكبر منها

مراااااااااااااااااااااااحب

لي رد بعد القراءة

..
..
..

26-10-11, 12:31 PM

المشاركة رقم: 4

المعلومات
الكاتب:	طيوبه
اللقب:

البيانات
التسجيل:	May 2010
العضوية:	162487
المشاركات:	138
الجنس	أنثى
معدل التقييم:
نقاط التقييم:	17

االدولة

مدونتي

الإتصالات
الحالة:
وسائل الإتصال:

كاتب الموضوع : وديمه العطااء المنتدى : الارشيف

ياهلا ومرحبا بوديمتنا حياج الله وان شاء الله هالروايه تكون مثل خواتها بالروعه بس ماعليج امر متى اوقات التنزيل؟

26-10-11, 12:36 PM

المشاركة رقم: 5

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : وديمه العطااء المنتدى : الارشيف

♪♪♪

ودووووووووووووووووووووم ..

مرررررررحبا ملالالالالالالالالالالالالالالالالالالالالاين يالغالية ..
نوو^_^وورتي وحي الاعضااااااااااء ..

لي عودة بعد القراءة ..

♪♪♪

افارق هم . واعانق هم . ولا ادري وين مشواري

بسم الله الرحمن الرحيم السلام عليكم ورحمة الله وبركات أنا قلبي من كثر شوقي* ملا صدري وانا صدري من كبر قلبي نفذ صبره* من صباح الخير