كاتب الموضوع :
~ Amoَrat Nَajed ~
المنتدى :
التهنئة والاهداءات
السلام عليكم و رحمة الله وبركاته
نزل الموضوع
ظهر الوسام
رد الاعضاء
جييييييييت متأخر اكتر منك يا ندى ^_^
اعشق الفصحى واحب دوما ان تكون حديثى حتى فى حياتى الطبيعية الا المرة دى
انا هتكلم مصرى ......
اولا ام طيبة ..... تسلم ايدك على الوسام المدهش ده .
بيرو ..... تسلميلنا على تعبك ..... فعلا جهد مشكوووور و الله ..... عقبال مانتعبلك ان شاء الله فى كل فرحة .
بيبو ..... رائعة كما عهدناكى ماشاء الله ....... موضوع قدمتيه بصورة تشرف ..... الله يبارك فى عمرك .
الادارة ....... اشكركم جميعا ...... حقا تكرمون من يستحق التكريم فعلا دوما .
السيدة العظيمة حسن الخلق
اعتقد انها مرات قليلة اللى ناديتلك بيها بحسن الخلق .......
اولا تقبلى تهنئة صادقة من امى التى تحبك فى الله والله العظيم .....
بيرو طلبت منى اكتب كلمة لحسن الخلق اهنيها بوسام مخصص ليها ...... و كتبت الكلمة ..... و بصراحة كتبتها و انا عندى كلمات كتيييييييير جدااااااااا .....
اسمحولى بقى اتكلم هنا و الحمد لله الساعة تلاته بالليل و محدش هيقاطعنى .....
ام عمرو ...... من حوالى سنة ..... كتبت خاطرة جديدة فعلا مش متذكر اسمها ..... بس اللى فاكرة ان بيرو الله يكرمها كانت من اللى دايما يجبروا خاطرى و يردوا على خواطرى ..... و فجأة لاقيت اسم حسن الخلق منور خاطرة ليا ..... و كانت ردت على الخاطرة ولكنه مش اى رد ....... رد مفصل و راااااائع كما عهدناها ........ و اتعرفت عن طريقها و بيرو بالقراصنة ..... فكسبت اخوات صادقات رائعات تزيد عليهن واحدة كل يوم ......
حسن الخلق ....... و الله العظيم انا فخور بمعرفت انسانة صادقة زيك ..... اشعر فعلا انك اخت كبيرة لى ....... عمرى ما هيكون عندى مشكلة و مش هفكر اخد رأيك .......
انتى معروفة عندى فى البيت هنا ......
امى ...... زى ما قلت بتسميكى ( ست الاخلاق و الادب )
والدى ........ بيسميكى ( المصرية اللى بترد الردود الحلوة )
اخى ........ بيسميكى ( الزعيمة بتاعتك انت وباقى البنات )
اختى ....... بتسميكى ( زعيمة المنتدى )
و على فكرة لما بنزل موضوع اختى بتقولى ( ورينى رد الزعيمة كده )
حاسس انى اعرفك ....... لو شفتك فعلا هعرفك ...... ازاى معرفش ....... بجد انتى انسانة ربنا ان شاء الله بيحبك ....... و انا متأكد انك كنتى محبوبة فى الجامعة ..... و محبوبة من افراد اسرتك ...... محبوبة من زوجك ( الله يسعدكم ببعض ) ........ محبوبة من كل اللى بيشوفك ......
حسن الخلق ....... بجد عمرى ما شفت منك رد زعل حد ....... ازاى ؟! ....... بجد عاوز اعرف ازاى ؟! ...... يعنى انتى مش بتزعلى من حد خالص ؟! ....... مستحيل ....... بتعملى ايه علشان تبقى كده .....
ياجماعة معلش هتفتكرونى مجنون او ردى سخيف وهتقولوا مين الافندى ده ...... بس استحملونى ..... انتوا عارفين لو عندنا حسن الخلق ده كنا بقينا ايه ...... عارفين كنا وصلنا لفين ....... حسن الخلق دى كلمة كبيييييييرة اوى ....... مسئولية مش اى حد يتحملها .......
انا اتعلمت منك حاجات كتير اوى يا ام عمرو ......
تعرفى انه صعب اوى انك تخللى لنفسك كيان بالصورة دى ...... و دا دليل ان شاء الله على رضا الله عليكى .....
انا مش عارف فعلا اكمل كلماتى ....... مهما وصفتلك الاحترام اللى بكنه ليكى فى نفسى مش هيوصل ......
كل اللى اقدر اقوله انه يكفينى فخرا انك بنت لبلدى ...... يكفينى فخرا انى عضو تحت زعامة انسانة رائعة زيك ....... يكفينى فخرا ان تكونى اختا لى .....
اللهم انى اسأل لكى حبا من الله ..... و حبا من الناس بحب الله ...... و اسأل الله لك جنة الفردوس ...... ابشرى ابلغنا رسول الله ان الاقرب منه مكانا الاحسن فينا خلقا .... فلك البشرى اختى الكريمة ..... اسأل الله ان يجعلك منهم ......
" يا سيدة وصفها الخلق الحسن ....... يا بسمة فى الارض تزينها ....... مزدانة انتى بمكارم الاخلاق ....... ابدعها فيكى اللهى و خلاقى ........ يا سيدة تتزن الارض من تحت اقدامها ...... فلا كبر يهزها ........ و لا غرور يحرك متنها ....... كيف البشر اجتمعوا فيكى احباب ........ كيف تزين صورتك كل القلوب ...... اسعدى بخلقك ....... و علميه للناس ...... علميه باخلاص .......
الدرر حولك ينطفئ بريقها ..... و بريقك انتى باق ....... وصفك كتلة من الاخلاق ...... يا زهرة فى بستان حب ملأ الافاق ...... كلامى لشخصك ليس نفاق ....... يا ربى لنعمك انا مشتاق ...... انثر خلقها فى كل الرفاق ....... قلبك رحب يتسع لكل الشكاوى لو ان كل قلب من قلوب البشر ضاق ......
يا سيدة توجت باكليل الادب ملكة ....... تتلألأ النجوم و تحتفى بك ...... و تتراقص الفرشات و تفخر بجمالك ....... و تتقافز المها انبهارا بروعتك ..... و الكون بأسره يراك كما انتى ..... ملكة .......
يا سيدة مملكتنا ....... علمينا الحسن نهجا ....... عرفينا الخلق دربا ....... يا اميرة ...... انتى وصف يستحيل خلقا و ادبا ...... "
حسن الخلق
بارك الله لك و عليك وفيك و بك
اعتذر عن التأخير واعتذر عن كلماتى الركيكة التى لا تتوازى مع عمود شخصك
تقبلى حبى لخلقك و احترامى لشخصك و فخرى بأدبك و سعدى بعبقك و دعائى لربى و ربك ...... اسأله بالجنة ان يكافئ ......... حسن خلقك
الشبح كما سميتمونى ^_^
|
17-10-11, 01:53 AM
^^
جديد مواضيع قسم التهنئة والاهداءات
العرض العادي
