حلو صراحه واتوقع انه يعترف انه متزوج وننتظر مزيد من الابداع واكثر تشوق للبارت القادم ياحلى مبدعه

تسسسسسلمين حبيبتي اتمنى وجودك دوم معي , ,

الجزء الخآمس
سطام يمسك جزء من شعر ريم
ريم توقف وكانت النافوره قبالها بنفس اللحضه يشد سطآم شعرهآ بدون مآيدري تنفك كلبسه ريم وينفتح شعرها كله وبنفس اللحضه تنفتح النافوره
سطام خاااق...انتي ريم ولا خيالها..
ريم نزلت دمعه من الأحراج والموقف الي صار
سطام يقرب من ريم وكانت احلى واحلى مع ظل المويه وسكون المكان ...جمالها الهادي الناعم الساحر صاير زي الحلم
سطام يقرب من ريم ...وش فيك تبكين ..؟
ريم تحاول تبعد ..آآآ لا مافي شي بس زآنه مدري وين راحت
سطام عرف انها متوهقه والسبب زآنه وهي خطه من خطط زآنه
سطام يبتسم ..زآنه تسلم عليك راحت تنام ..
ريم عصبت وتناظره والدمعه على خده..يعني متفقين ..؟
سطام خاق وضايع بعيونها..لا لامتفقين ولا شي انا كنت بنام وسمعت ونزلت وشفت ....سطام سكت
ريم حست انها من جد متوهقه ..
ريم ...آآسفه عن اذنك
سطام يسحب يد ريم ...خلك مدام جيتي كملي ..
ريم تفك يدها ..لالا بروح انام وراي دوام بكره ..
سطام مايناظر الا عيونها..طب حتى انا عندي دوام بكره ..
ريم حست انا قلبها بدى تتزايد نبضاته
ريم بتعب تفك يدها..سطام الي فيني كافيني بعد عني ...
سطام يناظرها ويبتسم ومو شآيل عينه عن عيونهآ ورمشهآ...حلويتي ياريم ..
ريم تبتسم بخجل وتعب...تسلم بس بعد ابي اروح
سطام ...ريم ودي اقولك شي من زمان بخاطري وماقد قلته
ريم تناظره..وش..؟
سطام بتعب ينآظرهآ...ليه رحتي عني ..؟ ليه زعلتي من الي قلته انتي قهرتيني وحبيت اردها لك ليه تركتيني ليه رجعتي قلبي ماخليتيه عندك ..؟
ريم عصبت وتذكرت ناظرت سطام بقمه الأستحقار ...شكلي طولت انا بروح مع السلامه ..
ريم تركض بسرعه وكان شعرها يتصافق مع الهوا وعيونها سيل من الدمع
سطام كان يناظرها وهي تمشي..
من سافرت ريم الفلا صديت عن كل الدروب
ما هو قصور بالعذارى بس ذيك لحالها
من فارقتني ما خطف قلبي من الحور محبوب
ولا لقيت الجادل اللي تستحق احيالها
لأن القلوب ان ما وفت لأحبابها ما هي قلوب
والعشره اللي ما ترد الروح ما نسعى لها
إما الوفى اللي يستر الرجّال من كل العيوب
والا الجفى اللي يستر عيوب العرب في رجالها
سطام يبوس يده الي مسكت ريم ..ياربي وش بتصير الأيام الجايه ...ليكون شوقي رجع بعد الغياب ...ياليل الفرقا تصبر على قلبي ...وش فيه قلبي لامن طرو اسمه نبضت عروقه ..وش فيه خافقي تناسى مبسمه ...منيره ...سامحي شوقي شكله رجع للجنون ...
سطام يروح ويسكر النافوره ويصعد بالدرج بخطوات طايحه من التعب ويصعد لغرفته ويقلب اوجاعه ..ويتذكر زوجته منيره وكيف ينشر الموضوع كان مره صعب والحين استصعب ...
تسطح سطام على السرير ويده على قلبه ..
ريم توصل غرفتها وهي تبكي سطام بكلامه جلس يطعن بصدرها ريم تدخل غرفتها وتبكي ...
ريم وهي تبكي..ليه ماتسأل حالك ليه تسألني انت الي بعتني مو انا ليه الكل حاط بباله انو انا الي بعتك لييه ..انت رحت ماسألت انت حتى ماتطمنت عني
انت مشيت ماطالعت لورى ليه انا
ريم تذكرت زآنه وتبسمت ...يازنو اوريييك...
ريم بعدها صلت الفجر ونامت ...
الصبح الساعه 9 ريم تصحى من النوم .....
كل الخطا تلامس مبسمها ...
ريم ترفع شعرها عن وجهها بكلبس احمر صغير...(كسسورس)
تروح لخزانتها وتطلع بلوزه بيضاء لها كلر نهايه كمومها (بربري)
وتنوره سوداء من (شنل)
ريم تدخل الحمام وتتروش وتطلع كانت رموشها تقطر قطرات المويه
ريم تلبس ملابسها وتجفف شعرها..تروح لمرايتها ..تحط لها قلوس احمر (ديور) ومسكره سودا لانكم..
وتلبس حلق صغيييييير (بربري)
صارت بقمه الأناااقه والنعومه كانت اميره بزمن كله زيون ..
ريم تلبس جزمتها السودا (شنل) وتتعطر بعطر جوسي كوتور...
ريم تطلع من غرفتها وتمر على غرفه تاضي خافت انها ماراحت للمدرسه
...وتأكدت انها راحت
ريم تنزل وكان بالصاله ام ساري تقرى الجريده ...
ريم بقمه الحلا..صباح الخيير ياوجه الخير ...
ام ساري تناظرها..صباح النور والسرور هلا وغلا بقمري
ريم تقرب من امها وتبوس راسها..تسلمين كيفك يمه ..وش اخبارك واعلومك ..
ام ساري..بخير الله يسلمك عسى نمتي كويس.؟
ريم تبتسم..الحمد الله
ام ساري..متى نمتي امس..
ريم تذكرت الي صار امس..هاا يمكن بعد صلاه الفجر
ام ساري مستغربه..ليه يمه تأخرتي كان نمتي بدري
ريم تبتسم ..يمه ماجاني نوم وكلمت زنو وطلعنا بالحوش
ريم تذكرت وفي بالها..والله لأذبحك اليوم يازنو.
ريم ..يمه اليوم انا وزنو وخوياتي بنروح لمصممات لاتقولين لتاضي اخاف يطير قلبهاو لا تعرف تذاكر
ام ساري..خلاص قولي لأأبوك وخليه يعطيك فلوس وروحي شتري بس لاتشترين عاااري
ريم ..هههههههههههههههههه يمممه كلهم كذا وش اسوي طيب طيب ولا يهمك بحاول
ام ساري..لا جد حاولي
بو سآري يدخل الصآله . . السلآم عليكم
الكل . . وعليكم السلآم
ريم تقوم وتروح تبوس رآس ابوهآ . . صبآحك الخير يآيبه
بو سآري يبتسم . . صبآحك النور
ام سآري تروح وتبوس رأس زوجهآ . . صبآح الخير يآ الغآلي
بو سآري. . . صبآح النور يآ غلآتي
ام سآري تنآظر ريم . . يآلله قولي لأبوك هذهو موجود
بو سآري مستغرب . . وش تقولي. . ؟
ريم تبتسم .. يبه ابي فلوس بروح اشتري بدله حق ملكه لولو
بو سآري ينزل رآسه. . آآآآ مو لآزم تشترين
ريم مستغربه . . ليش. .؟
بو سآري بخوف من صدمه بنته. . لآن ملكتك على سطآم هالأربعآ هذآ
ريم مستغربه ومبققه عيونهآ . . وش قللللت . . هالأربعآء هذآ . . ؟
ام سآري كآنت تعرف وكآنت ودهآ تقول لهآ اليوم.. ريم خير البر عآجله
ريم معصبه . . ابوووووي يعني وانآ مدري عن شي من الي بيتزوج بالضبط قولو لي
بو سآري يحآول يهديهآ .. والله ادري يآريم بس عشآن نوزع الورث مآيصلح يتوزع الا بعد زوآجك
ريم تنزل تضآيقت.. والله قهر قهر كل شي قهر ليه تبون تذبحوني
ام سآري . . مآعآش من يذبحك يآقمري بس هونيهآ وتهون
بو سآري يبتسم . . ريوم انآ اخبرك مآتردين ولا تردين عمك صح
ريم تبتسم وتتحمل اكثر واكثر وبضيقه . . ان شآء الله على خير
الكل . .امين
بو سآري حب يستهبل على ريم . . بس لاتشترين عآري نزوجك يوم الأربعآ مو بس ملكه ترى
الكل . . ههههههههههههههههههههه
ريم تبتسم . . بحآول
بو سآري. . ههههههههههههههه الله يوفقك يآرب
ريم ..انشاللله امييين يمه عابر برا..؟
ام ساري..اكيد برا وصل تاضي ورجع
ريم..اجل بتصل عليه الحين ..
ريم تاخذ جوالها وتتصل على عابر ..
عابر..الوو
ريم ..عابر يالله اركب سياره ودني الجامعه
عابر..ok
ريم ..يالله يمه تامرين شي ..؟
ام ساري..ذكر الله يابنيتي ..
ريم تنآظر ابوهآ . .يبه تبي شي
بو سآري ..سلآمه قلبك . .
ريم .. الله يسلمك
ريم تلبس عبايتها وشيلتها وتطلع
بو سآري بالصآله مع ام سآري لحضه صمت
بو سآري منقهر . . ليه صآر هالشي مع ريم . ريم وش ذنبهآ ضلمهآ اخوي كثير ليه حظ بنتي كذآ آآخ بس
ام سآري . . تعوذ من بليس يآ فهد لاتهوجس بالكلام كله قضآء الله وقدره
بو سآري مو عآجبه الوضع .. الحمد لله
ريم تمشي مع السآيق
ريم بسياره ...تتصل على جود
جود قد انها وصلت للجامعه ..
جود ترد ..هلااا وغلا
ريم بهدوء ..هلابك صباح الخير
جود..اخخخص تسوي حالها ذربه صباااح النور والسرووور
ريم .هههههههههه وجع لاتخليني اضحك انا مع عابر
جود..هههههههه عابر اصلا صار من اهل البيت اتوقع حافضك اكثر من نفسك
ريم ..ههههههههههههه ايه والله صدقتي وينكم ..
جود ..بالجامعه
ريم تهاوش..يااا مهبل ادري وين بالضبط انا شوي واوصل..
جود تناظر حواليها ببلها.. الاجد وين حنى بالضبط ..
ريم تتحمل..يآيآمووووه جوجو لا تذبحيييين باقي شوي واوصل انتو وينكم بالضبط
جود تو ستوعب..ايييييه اييه فهمت حنا بالكوفي ..
ريم ..معكم زآنه ...؟
جود..أيه تبينها ...
ريم ...لآلالا اهم شي لاتدري اني الحين بجي تكفين ..
جود مستغربه ..ليه ..
ريم ..لاجيت قلت لك سالفه طويله
جود..طيب يالله نستناك ..
ريم ..يالله باي
وبعد دقايق ريم توصل للجامعه ..
وتدخل وتفصخ عبايتها وتضبط نفسها باللوكر ..
وتروح لجهه الكوفي
زآنه كانت ماتناظر ريم فما عرفت انا ريم جات
ريم تمسك زآنه من عند شعرها...يااااااااحيوانه يعني شنو هالتصرف اذبحك
زآنه خافت ماتوقعت ريم جت..ههههههههههههههههههه يمه خوفتيني يختي نبي نعيشكم جو هههههههههههههه
البنات مستغربين ...
جود مستغربه ..وش فيكم وش مافهمت ..
ريم نفس الوضع ..تخيلي السخيفه امس جلسنا بحوشنا وقالت الا نروح حوش بيت عمي ورحنا ولما رحنا طلعت صوت وصحى سطام وتخيلي قالت بروح اشغل النافوره وارجع لما جا سطام شغلت النافوره وانقلعت وتركتنا لحالنا
البنات ..الللللللللله طيب وش سويتو كملي كملي
زآنه نفس وضعها مآسكتهآ ريم ..ههههههههههه أيه صح ماقلتي وش سويتو
ريم معصبه..يااا مهبببببببببل وش سوينا ماسوينا شي..عادي مآصآر شي رفع ضغطي شوي
زآنه بنص عين..نصااابه ماصار شي ابد ..؟
ريم تنحرج وتفك عن زآنه ..ايه ماصار شي يعني وش صار اصلا كنا بنتهاوش
مها تضرب ريم ..ولييييه
ريم تذكرت ..بس سخييف قال ايش ليه تركتيني ليه مايسأل حاله
جود تدخل عرض وبجديه..صاآآآآدق مانصب الرجال
ريم تعصب..جووود بلا شسمه ذآك حتى انتي تشوفين انا الغلطانه
ريم تقوم وتسحب زآنه ...
مها ..وين تبون تروحون ..؟
ريم ..بشتري مويه
زآنه تروح معهآ ومبققه عيونهآ .. طيب وليه انسحب من بين البنآت
البنآت .. ههههههههههههههههههههه
زآنه وريم يرحون للكوفي..
زآنه تشوف ريم عيونها مرتاحه اكثر من اول ..
زآنه تبتسم وتغمز لهآ..حتى عيونك حلوت
ريم مستغربه ..وش قصدك
زآنه تبتسم بخبث..بس بشوفته حلوت عيونك
ريم تعصب..زآآآنووه خلاص منجد لاتحرجيييني وثآنيآ ماآرضيت عليك لسى
زآنه بخبث..أانا اقول الحقيقه
ريم تنآظر زآنه بنص عين تروح للبنات قبل زآنه وزآنه تروح ورى ريم
جود..ماكان جيتو
زآنه ..قسسسسسم بآلله توقعت بتقولينهآ هذي علآمه الجوده عندك
ريم بستهبال..ههههههههههههه ماتصير جوجو لو ماقالت هههههههههههههه بنات وين مها..؟
جود..كنت عطشانه وبتجيب لي مويه...
ريم ..اها غريبه ماشفتها المهم بتروحين معي اليوم
جود مستغربه ..وين .؟
ريم ..بروح اشتري لي بدله ولا فستان وفيه خبر ثآني
جود..لاياقلبي مقدر انا مشغوووله حدي بروح بيت هلي من زمان ماشفتهم وشهو الخبر الثآني
ريم تهاوش..تكفيييييييييييين مو لازم اليوم روحي معي
جود..فديت قلبك والله مره ثانيه ان شاء الله فستان زواجك وشهو قولي
ريم بتعب وقهر تنآظر قد ان مهآ جآت
مهآ تنآظرهآ . . زين جيييتي كويس . .
ريم تبتسم . . زين كلكم جتمعتو . . في شي ضآيقني اليوم الصبآح ودريت به وحسيت بأأألم قسم بالله طق بآلي الف شغله وشغله
جود مآسكه الدفتر بتضربهآ.. عسى مآحطيتي ببآلك انك تتركين سطآم
ريم بخوف .. هههههههههههههههه ولا جآت هالفكره ببآلي اصلآ
البنآت.. ههههههههههههههههههههههه
زآنه تنآظرهآ . . وش هالخبر
ريم بأحرآج وقهر وتعب .. ملكتي هالأربعآ
البنآت متفآجأت. . وووووووشووووووووووو
ريم بتبكي .. والله ابكي والله ابكي لاتنآظرون كذآ
زآنه مو مصدقه . .أنتي تستهبلين ولا كيف
ريم تنآظرهم . . من جججد والله
مهآ مستغربه .. طيب ليه هالسرعه هذي
جود مو مستوعبه . . ريم مو معقوله سريع سريع
ريم بتعب . . لأن يبون يوزعون الورث ولازم اكون انآ متزوجه سطآم عشآن يوزعون الورث
زآنه بقهر . . والله سخآآآآآآآآآآفه خلآص خطبوك لازم ملكه يعني شالسبب البآيخ
ريم بتعب . . سخآآآآفتييييين والله تعبت من الي يصير
جود تبتسم . . الله يوفقك حبيبتي وربي يكتب لك الخير يآرب
ريم تبتسم والدمعه حاااايره ...تسلمين يابعد قلبي
ريم تنآظر مهآ وانهآ سآكته .. مآعلقتي ؟
مهآ مو عآجبهآ الموضوع سريع وتبتسم ..لآ ولا شي الله يوفقك وش بقول غير كذآ
ريم تبتسم عآرفه انه آمو عآجبهآالوضع ..امين
زآنه تبتسم :.. اهم شي التوفيق من رب العآلمين ..
ريم تبتسم . . امين يآرب المهم زنو انتي بتروحين مو . . ؟
زآنه . . اكييييد ومهو . . .؟
مهآ . . انآ مآتوقع اني اروح بس ان كلمتك هذآ معنآه اني برروح معك
وبنفس اللحضه يدق جوال زآنه ..
زآنه منحرجه..احم احم عن اذنكم
ريم ..ههههههههههههههههههههههههههههههههههههههههه اقوول سلمي على هالخال اوريك فيه
البنات ..هههههههههههههههههههه
زآنه تروح ..الله ياخذ بليسك مسيكين حآطه عينك عليه
الكل .. ههههههههههههههههههههههههه
ريم تنآظر مهآ . .. ليت وحده منكم تجي غيري انآ وزنو
مها ..عااادي بشوفه يوم الأربعاء
ريم تضايقت..اوووف لاتذكريني انه قريب لهدرجه
جود بستهبال..ألله بتصيرين حرمه
ريم تناظرها ونص عين..باللهي ..!! ببقى على هبآلي لاتخآفين
تجي زآنه ...اقول بنات يالله الحين عندنا كلاس قومو
البنات يشيلون شناطهم واغراضهم وولكلاس...
يخلص الكلاس على الساعه 2 ونص الظهر ...
تطلع الدكتوره ..
ريم معصبه ..وجع يوجعها يعني هبله كل هذا معنا بالفاينل مجنونه هذي
جود تناظر البنات ..عادي انتي قلتيها مجنووونه
زآنه تقلب الصفحات وبهبال وتسوي حركآت بوجههآ..بنات انا برسب
ريم ماتت ضحك..ههههههههههههههههههههههههههههههههه وجع وش هالفال قولي بزفت مو برسب
مها مره متأسيه..لا تلومينها والدكتوره غبيه ماتعرف تشرح وش تبين نسوي نقول بناخذ فول مارك ..؟
ريم تتثاوب وتتمدد..أقول بنات انا امس نومي مش ولا بد زفت يعني بروح انام شوي وصحوني 6 الغرب اوكي..
زآنه ..بتروحين الحين ..؟
ريم ..لا مو الحين بس بتصل عليه الحين
زآنه . . اجل بروح معك لأن السآيق مع امي وبنيآن بالدمآم
ريم تنآظرهآ .. خير عندك محآضره وش تبين تطلعين الحين
زآنه ببتسآمه شآقه نص وجههآ .. بسسسحب
ريم تنآظرهآ وتعبس .. بآللهي اقول بيجيك حرمآن
زآنه بتطنيش .. يآبننت الحلآل والله هالدكتور مآعنده مآعند جدتي
جود يفز قلبهآ من طرت اسم بنيآن ومآحد لآحض عليهآ
ريم .. على العموم يااامرحبا يامرحبا ان ماشالتك السياره تشيلك عنووني ...
زآنه ..اوووف كل هذا لي والله ماتوقعت اني غاليه
ريم تخرب الجو.. اقول جـب صدقتي
الكل ..هههههههههههههههههههههه
زآنه ..هههههههههههه طيب كملي وجع
ريم تنآظرهآ وببتسآمه استهبآل تسحب جوالها وتتصل على السايق..
ريم تدق على السايق..
ولا يرد ...
ريم ..اوووف مع هالغبي وينه ..؟
زآنه مستغربه ..منو..؟
ريم ..السايق مايرد ..
جود..كلمي امك..
ريم تضرب ارقام امها ..
ام ساري كانت تتغدى هي وابو ساري وتاضي..والجده
ام ساري ..تقوم من الطاوله وتروح لصاله ...
وترد ..هلا ريوم
ريم ..يمه عابر مايرد علي..
ام ساري..ايه ماقلت لك عابر مسوي حادث والسياره الله لا يوريك يقول ساري ززفت زين عابر مامات ...
ريم تضاايقت..يووه حرام عسى عابر ماصار له شي..؟
البنات يناظرونها..
ام ساري..لالا بخير بس جرح براسه انشاللله انه بخير بس مازال مع ساري بالمرور
ريم ..يوه طيب متى بيجون ..؟
ام ساري..مدري انتي خلصتي..؟
ريم ..أيه يمه خلصت من يجي ياخذني!!! وسايق بيت عمي مو موجود مع مرت عمي وبنيآن بالدمآم
ام ساري..يالله طيب استني شوي ولا اصبري بخلي سطام ولد عمك يجيك ..لأن ابوك يقول انه ماداوم اليوم واكيد انه شابع نوم
ريم تصرخ ..نعممممممممممممممممم لالا خلاص ادبر حالي ادبر حالي ..
ام ساري..ريوم بلا هبال هذا ولد عمك وثاني شي خطيبك عادي
ريم ..لالالا يمه مستحيل استحي وثاني شي معي زنو يعني مو بس انا حتى هي ..
ام ساري...ريوم مافي احد يجي ياخذكم وعمك بالشركه وابوك دايخ بيتغدا وبينام
ريم فقده الأمل بأن احد يجي ياخذهم غيره ..طيب يمه بيجينا لحاله ..
ام ساري..ريوم لاتجننيني وش تبين يعني اجيب قبيلتكم كلها معه يالله ستعدو بخلي ابوك يكلمه
ريم تضايقت ..أوووووف طيب طيب يالله باي
ام ساري..يالله مع السلامه
ريم..باي مع السلامه
ريم تسكر من امها وعلى طول..زآنوووه مافي احد بيجي ياخذنا بيجي سطام مااااااابي
زآنه مرره نبسطت عشان ريم ..الللللللله ونااااااااااااسه
جود بهبال..وانااااااااا بجي معكم
مها بهبال اكثر..ايه حتى انا بس بركب بجنبه
ريم تناظرهم ..هيه عيب وجع زآنوه انا خفت انك تعيين يعني عادي انا صراحه يوم قالت لي حسيت راسي جلس يدووور
زآنه ..هههههههههههههه عااادي فليها وربك يحلها
جود منبسطه..اقول انبسطيييي ترى حلوه هالأيام
ريم تضايقت .. أي حلوووه انتي الثآنيه
ريم كانت مره متضايقه
جود تناظر ريم بخبث..اقول تعالي خلينا نزينك
ريم تهاوش.. انتي هبله من جد اقول لالالا بلا هلال
جود تطلع من محفضت مكياجها حكله (لانكوم).
ريم تناظرها مبققه عيونهآ..خير..نعم
جود تروح لريم ..اقول افتحي عيونك
ريم مستغربه..ليه
جود برود ..بحط لك كحله
ريم عصبت ..اقووول على هوا خير اصلا بنزل عيوني عشان مايطالعها
جود بهبال..قصدك عشان مايآكلهآ ههههههههههههههههههههه
الكل..ههههههههههههههههه
جود تسحب ريم وتحط لها كحله بعينها وتطلع مسكرا وتحط لها صارت عينها مثل عين الغزال من وسعها تغرق سفينها بربانها ...
جود تناظر ريم..يسعد لي هالعووووون ايه كذا خقق خلي الولد يخق صححححح
ريم متضايقه .. انتو فاضين انا مره متضايقه ...
بنفس اللحضه يدق رقم غريب لجوال ريم ..
ريم تناظر الجوال..من رقمه هذا بس موغريب علي احس اعرفه
ريم ترد ومن طبع ريم لا ستغربت ترفع حاجبها اليمين..الوو نعم ..؟
سطام بنبره تعب وخوف وشوق..السلام عليكم
ريم سمعت الصوت وعرفت وبدت ترتعش نبضات قلبها ...آآآ وعليكم السلام هلا
سطام حس برعشه بقلبه..آآآآ هلاوالله ريم شخبارك ..؟
ريم منحرجه ..بخير الله يسلمك ..بخير جعلك بخير
سطام مره رتاحت جذوره ...تسلمين يالله انا برا اطلعي
ريم مررره نحرجت..ان شاء الله
ريم تسكر من سطام وشو وتبكي..يااااااالله جااااااااااا
زآنه تقوم فرجانه..يالله يالله يالله سرينا
جود..ههههههههه اقول بشويش لاتغفلين عنهم خلك معهم انتبهي ترى انتي الثالث بينهم
زآنه تضرب جود..وش قصدك انا بليس..؟
الكل..هههههههههههههههههههههه
جود ميته ضحك..هههههههههههههههه يعني قربتي من الأجابه
زآنه ..ههههههههههههه مالت عليك
ريم تلبس عبايتها وبقمه الخوف ..يالله زنو خلصينا ..ترى مالي خلق
زآنه تمشي وهي تضحك..الله وناااااسه
ريم مالها خلق وهي تمشي..
مها تستهبل..اقوول وسعو صدركم هااا
ريم معصبه .. مهوووووو انطممممي
الكل ..هههههههههههههههه
ريم وزآنه يطلعون من الجامعه قد انا سطام ينتظرهم
ريم تركب بسيارته بانو راما ...سودا
ريم بقمه الخجل..السلام عليكم
سطام وحس ان خفوقه تو مادق...هلا وعليكم السلام
زآنه ..السلام عليكم
سطام ..وعليكم السلام ..وانتي معنا وش تبين
زآنه ..ههههههههههههههههه غصبن عنك توديني
سطام يبتسم ..هههههههههههههه جد انك نشبه
ريم كانت ورى سطام بحيث ان سطام يناضر عيونها..كل مارفعت ريم نظرها تناظر انه يناظرها ...
ريم كانت مره خايفه ومنحرجه
زآنه كانت مبسوطه فكانت تراقب نظرات ريم وسطام
سطام حس بسكون المكان فحب انه يبين لريم شغله ...
سطام يطلع اسطوانه اغاني...وتبداء اغنيه تحكي مابقلب سطام بنغمات الحزن ...وفرح وسرور..وعتاب وخوف..
وتبداء الأغنيه
حطني جوا بعيونك ..شوف بي الدنيا كيف..احلى من شوقي وجنونك ..لما اجيلك يوم ضيف..
والله واحشني زمانك ..جلستك ..حضنك ..حنانك ..
يامنى روحي وقلبي ..تعبت اداري بشتياقي..زحمه حولي ومني لاقي ...وقت وفرصه لتلاقي...
ودي اشيلك واسافر ..واترك العالم واهاجر..حتى تعرف لجل عينك قد ايش اقدر اخاطر..
والله واحشني زمانك جلستك حضنك حنانك..
طبعا كان سطام غرقاااااااان بألفكار وعآض على صبعه ويفكر بكلماتها وده يقول لها انه هالأغنيه تشمل حياتك وحياتي
بعد ماخلصت الأغنيه سطام سكر المسجل..
ريم كانت تتمنى الدقايق تخلص وكأنها زي السنين
حست انا الكلام موجهه لها كله يشكي الم وتحس بسر بالأغنيه
زآنه كانت مره مبسوطه
وتناظر ريم انها مره متوتره ..
مسكت يد ريم وحست انها مثل الثلللللج
وبعد لحضات يوصلون رريم تنزل هي وزآنه ..
سطام يناظر ريم ..مع السلامه
ريم تنزل راسها وبخجل..مع السلامه تسلم مآقصرت
ريم تدخل البيت وزآنه معها
ريم تجلس على المرجيحه الي بالحوش ومرررره معصبه ومتضايقه ومنزله رآسهآ وهي لآبسه عآبآيتهآ مآفصخت الا الشيله ...وش قصده ..؟
زآنه تجلس بجنبها تحاول تستهبل..أقول ترى حررر وش قصده يعني واضح ريم وش قصده يعني ..
ريم تفتح شعرها وكأن هالعالم يشكي تعبها
زآنه تبتسم..فديتك ريوم رتاحي ومافي الا الخير
ريم تعبانه ..مادري احس في شي مخفيه علي احس بفمه كلام مو طبيعي
زآنه تفكر.ريوم
ريم تناظرها ..هلا
زآنه ..عمتي كلمتك ولا باركت لك ..
ريم تذكرت..تصدقين لا ولا حتى باركت لأمي ولا شي
زآنه ..تتوقعين عشان منيره ..؟
ريم مستغربه ..وانا وش سويت لمنيره بس توي صراحه انتبه انها حتى ماجات يوم يشوفني ولا كلمتني تبارك
زآنه مستغربه ...والله غريبه المهم روحي انتي كولي لك شي ونامي عشان لا نتأخر
ريم تقوم .. طيب يالله انا بروح يالله باي اشوفك
زآنه تروح لبيتهم .....
ريم تدخل بالبيت ...السلام عليكم ..
الكل كان يشرب قهوه ومبسوط..وعليكم السلام
ريم مره متضايق تجلس على الكنب ...ساري لسى ماجا..؟
بو ساري يناظر بنتته..لا لسى وانتي شفيك متضايقه عسى ماحد ضايقك ..
ريم من جد موصله معها..لاوالله وتسوون حالكم ماتعرفون يعني ماكان في احد يجي ياخذني الا سطام
تاضي ...هههههههههههههههههه الا صح شسويتو
ريم بقهر .. يححححق لك تتمسخرين
تاضي ..ههههههههههههههه طيب اسفه
الكل..ههههههههههههههه
ريم بدون خلق.. اقول انطمي وخليني محترمتك
ام ساري ..ههههههههههههههه كل هذا محترمتها ..؟
ريم من غير نفس وتجلس على الكنب ..ايه وبزياده بعد
ام ساري حست بنتها..ريووووم لاتزعلين قلبي هو من البدايه ولد عمك وثاني شي هذا خطيبك وش فيها طيب..!!!
ريم عصبت وتقوم..بس يا امي مو سطام انتو ليه موراضين تفهموون بس موسطام مووو سطام
ريم تصعد لغرفتها وكانت مره مره متوتره
تاضي حست بريم ..يالله من جد احس تعبانه ياربي وش هالبهدله
بو ساري كان مره متضايق..والله لو غلات اخوي وتنفيذ للي قال كان ماخليته يشوف ضلها ...
ام ساري تضايقت..ماتدري وش بيصير ان شاء الله خير
بو ساري..بس انا احس ان سطام به مشكله ومخبيها علينا احس مو طبيعي
تاضي..ايه ياخوي حتى انا احس بس مدري وش هي
ام ساري مستغربه..اليوم الخبر بفلوس بكره ببلاش نلقاه
ريم سكرت على حالها بغرفتها وكانت تمسح دموعها ..وتتسطح على السرير...
ريم تبكي..انا ليه اتحمل هالتعب هذا ليه اكذب على حالي واقول اني ماحبه لا احبه وابيه بس..بس يمكن لحد الحين يبيني ويحبني وش فيه عيونه ذبلانه لييه..اوووف من جد مليت ودي اعرف رجع يحبني ولا ..وش اسوي بس ابي ارتآح بسس
عند سطام بالسياره لحاله...لا من جد موقادر لازم اقول لريم كل شي بس متى .؟لازم اقول لها اول ماتصير فرصه...لازم تعرف اني احبها وماتغير شي الا زااااد
سطام يسند راسه ...يااالله وش سويت بحالي انا وش هالمصايب
سطام ينزل من السياره
يرجع للبيت وكان وده يفضفض ومصير الكل راح يدري بزواجه
سطام يدخل على الساعه 4 للبيت ..
كانت امه جالسه بالصاله مع لميا
سطام..السلام عليكم ..
الكل..وعليكم السلام
سطام يجلس على الكنب..
لميا..وش فيك كأنك تعبان
سطام يتعذر..ها ..لا بس حر ويتعب
لميا ..ايه من جد حرررر الله يعينا بس
سطام ...شخبار مزون شلون امورها..؟
ام ساري..بخير تو كلمتني تقول تو جات من الدوام وهي بخير..
سطام ..الحمد الله المهم يمه بروح اتسطح بغرفتي شوي تبون شي..
الكل ..سلامتك ..
سطام يقوم ويصعد الدرج وكان مره تعبان
سطام يدخل غرفته وياخذ جواله ويرسل..
لميا تعالي غرفتي بس لاتدري امي انك جايتني كأنك بتروحين غرفتك او شي بسرعه ضروووري
..تم الأرسال ..
لميا كانت جالسه ..وتسمع صوت جوالها
تقوم تجيب جوالها ...
وتفتح الرساله
لميا تعالي غرفتي بس لاتدري امي انك جايتني كأنك بتروحين غرفتك او شي بسرعه ضروووري
لميا بعد دقايق تسوي حالها بها النوم ...يمه تبين شي بروح اتسطح شوي
ام سطام..يابنيتي وش عندك نومه العصر شينه
لميا توهقت..هاا لايمه بس بتسطح ماراح انام
ام سطام..براحتك الله يحفظك ..
لميا تقوم من الكنبه وتصعد فوق لغرفه سطام
لميا تضرب الباب...
سطام ..ادخلي
لميا تستهبل..وش يدريك انه انا
سطام ماكان له خلق بس ضحكته ..هههههههههههههه ادخلي ادخلي
لميا تدخل ..هلا احم لقد جيت
سطام ينآظرهآ..اما لقد جيتي
لميا وتجلس بجنب اخوها..أيوه وشفيك وش هالشي الضروووري
سطام ينزل راسه ..لميا انتي الوحيده الي كنت تعرفين انا احب منو ولا منو اكره ولا اخفي عليك شي
لميا مستغربه ..أيه ادري طيب وش فيك ..؟ هالشي اعرفه غيره ..؟
سطام وحس انه مررره مكتوم بس مو قادر يسكت اكثر...
سطام بخوف..لميا بقولك شي بس خايف ولا اقدر اخفي عليك بس لو لأبوي غلا مابي احد يدري..
لميا خافت ..وشو شصآير بعد
سطام بتعب ..منيره بنت عمتي
لميا مستغربه ..منيره !! وش فيها منيره
سطام بحذر وبتعب..لميا انا تزوجت منيره من 5سنين
لميا بقمه الفجأه ..ووووووووشووووووووو
سطام يسكتها وهو خايف امه تسمع..اسكتي اسكتي لاتسمعك امي اسكتي
لميا مررره مستغربه ومعصبه..شلون يعني متزوجه وحنى ماندري ..؟وريم وش بيصير ..؟وامي وعماني وجدتي وش بيصير وش هالي انت سويته وش هالسوات وش هالبلوه انت مهبول او تنصب علي صح ..؟
سطام بتعب ..حاولت في ابوي وانتي تدرين انه مايحبها امهآ وهآ السوالف بس انا انجبرت اتزوجها وربي ماحبها ماااحبها انا احب ريم وربي وكل شي بسبب ريم هي الي خلتني . .
لميا تهواش وتنزل دمعتها..ريم الي قالت لك تزوج منيره ..
سطام ينزل راسه ..لا
لميا مره عصبت..اجل وش دخلها
سطام بتعب..هي الي تركتني ومنيره خلتني اميل لها بس ماحد فهمني وحتى ريم ماحست فيني ولاحاولت ترجعني لها وباعتني بالرخيص وش تبيني اسوي قولي وعمتي ....
لميا تناظره ..عمتي ..؟ وش فيها عمتي
سطام بتعب ورعشه ..منيره تحبني او تقول انها تحبني ...خـ آآ خـ لتني اجيها بالحرام وماقدر اقولك ازود لأني مآكنت بوعيي
لميا مصدومه ونكسر قلبهآ وتبكي ..لالا لاتقول حرام عليك وش سويت انت عفستنآآآ
سطام بقهر ذكرا الم وفراق..لاتلوومييني حاولت تعوضني بس ماقدرت
لميا مره تضايقت..بس مو زواااج انت تدري انا منيره الحين مريضه وغير كذآ حنى مآنحبهآ لا هي ولا امهآ ...وش تبي فينا عمتي ليه دمرتنا كلنا ليه ليه بدت فيك وببنتها
سطام بجديه..ايه هذا السبب الي خلاني اتزوجها افهميني
لميا تحط يدها على راسها...يالله وش هالمشكله ياربي وش هالمصيبه وريم وشلون بتقول لها انا متزوج ومنيره بعد ..؟
سطام بتوتر..لميا انا لما قلت لك ابيك تساعديني مو تهاوشيني
لميا تهاوش..ايه شلون تبيني اساعدك تبيني اقولك روح عادي وسع صدرك .؟
سطام بتعب وهدوء...لميا انتي ليه مو فاهمتني انا منيره ماحبيتها زي ماحبيت ريم وربي حسيت انا حبي لريم بدى يرجع صررت اشتاق لها بكل لحضه بس ..بس منيره وش اسوي معها
لميا ترفع راسها متضايقه ...يالله وش هالمشكله وش اقول لأمي وش اقول لعمي وش اقول للكل ..
سطام بتعب ..والله اني بمصيبه مابها ضنتي حل
لميا دمعت عينها من المصايب..ياخوي لاتقول مافي حل كل هم وله حل
سطام ..امين يارب اميين الله يسمع منك بس وين هالحل
لميا متضايقه ..أمين بس انت اول فرصه حاول تقول لريم واكيد ريم لو تقول لهاعن الضروف الي خلتك تسوي كذا ان شاء الله بتعذرك
سطام فآقد الأمل ..لا مستحيل لو اقول ريم حتى ماراح تسمع مني
لميا بخوف..اجل وش بتسوي متى بتقول لها
سطام بعد تفكير..لا تزوجنا
لميا تناظره ..تتوقع كذا احسن
سطام ..مليون بالميه لو بتكون معي وحلالي راح تتفهم هالششي
لميا تبعب ..آآآه بس وش اقول لك الي تشوفه صح سوه بروح تحت مابي اسمع كلام ازود تبي شي والموضوع حله بسرعه اتركهآ طلقهآ أي شي تصرف
سطام ..لا سلامتك انا برتاح شوي وبروح لبنيان وساري ابي اطلع ويمكن اروح لمنيره المستشفى ومنيره لاتخآفين بلقى حل لهآ
لميا مره تضايقت ..وبعد تروح لها ..؟هي عرفت انك خطبت ريم ..؟
سطام تضايق..ايه عرفت باليوم الي شفت به ريم لما طلعت من بيت عمي رحت عند منيره ... بس مادرت ان الملكه يوم الربوع
لميا تضايق..طيب وش رده فعلها ..
سطام حز بخاطره ..وش تتوقعين اكيد تضايقت
لميا بتعب وحيره..وربي انك مصيبه المشكله اني طحت بين نارين هي مرت اخوي واخت خطيبي وش هالمشكله لاو الأزيد بنت عمي يووووه والله مو قادره احلها..
سطام ..ولا انا مو قادر احلها الا بالطريقه الي قلتها لك
لميا تتنهد..آآآه بس يالله الله يعيني انا بروح وانت هد اعصآبك وتصرف
سطام ..طيب انا بنام شوي سكري النور لا طلعتي..ولاتخآفين قلت لك بتصرف ولا تقولين لأمي انآ بقول لهآ مآبي مشآكل تكبر على رآسي وتحملوني
لميا ترجع ..لحضه عمتي تدري ..؟
سطام يبتسم بتعب..ياكثر اسألتك ايه تدري وش رايك يعني هي السبب الله ينتقم منها
لميا بخوف وتعب ..عندك عيال..؟
سطام ينزل راسه..لا
لميا بقهر...وشلون اجبرتك عمتي
سطام منحرج..شربتني منوم او مخدر فيه نسبه كحول ودخلت بنتها على وقفلت الباب
لميا مو مصدقه وتحس انها بحلم ..يالله لهدرجه وصله خبثها حتى مع بنتها حسبي الله عليها ولا بينت لحد ولاحتى كلمت تبارك ..
سطام مستغرب ويناظرها.. والله منيره طيبه مو مثل امهآ ابد ( سطآم ينتبه ويستغرب) ماكلمت عمتي ..؟
لميا ..لا ماكلمت
سطام عصب ..معقووله بتفضحنا عمتي شكلها
لميا مستغربه ..مدري عنها الي اعرفه انهآ مآكلمت يالله عن ذنك ..
سطآم بقهر :.. اذنك معك قفلي البآب
لميا تطلع من غرفت سطام وتنزل تجلس تحت مع امها
سطام جلس يفكر بالسرير تقلب هنا وهنا ماجاه النوم
هنآ ينتهي البآرت
وش بيصير بين منيره وسطآم ؟
بيسكت لهآ ولا بيمشي الموضوع ؟
ريم بتعرف بشي ؟
بتعرفون بالبآرت الي بعده

لبا عيونش فى كلتا حالتش مبدعه واظن العمه تخرب عليهم اويقول سطام لريم بعدالملكه ودمت يامبدعه

فديتك حبيبتي والله مآعليك زود
, , ,