رآيكم يهمني

البارت حلو اتوقع بعد الشوفه الشرعيه بتوافق بس ياليت البارت الجاى ينزل بسرعه جد شوقتينا نعرف ايش ليصير واصلي يامبدعه

ابششششششري من عيوني الحين انزله

البآرت الرآبع
عند الرجال
كان بالمجلس الجد صايل...وابو ساري وابو بنيان وساري كانو مره مبسوطين مع ان بنيان كان يبي ريم بس تفهم الوضع وتمنى لها الخير...
وكان موجود سطام بس ماكان معهم بالمجلس كان تايه ببحر المشاكل الي بتصير بعد هالزواج
الجد صايل لاحظ شرود خطيب ريم فحب انه يتكلم ..
الجد..ياسطام
سطام كان شارد ولا سمع
الكل كان يناضر سطام ومستغرب
الجد..ياااولدي سطااام
سطام انتبه ..ايه هلا منــ آآآ هلا
الجد مستغرب..وش فيك ياولدي ماودك تشوف ريم ..؟
سطام مبتسم بتعب..الا والله ياليت ...
االجد..اجل يالله رح يابو ساري انشد ريم
بو ساري ..يالله الحين اكلم امها وحنا بنطلع ونخليهم
ساري ..لايبه وش نخليهم انا بجلس ..
الكل ..ههههههههههههههههههه
بو بنيان ..الله يعينك ياسطام على غيره ساري على اخته
سطام يبتسم ..انشالله
الكل لاحظ البرود الي هو فيه والتعب الي طآلع عليه ..
بو ساري يكلم ام ساري
كان كل الحريم بسوالف وضحك وفله
شوي ويدق جوال ام ساري
ام ساري تاخذ جوالها ..الووو هلاوالله
بو ساري..هلاوالله وين ريم ..
ام ساري تناظر ريم ..ريم !! هذاهي بجنبي ..
بو ساري..خليها تجي للمجلس سطام يبي يشوفها الحين
ام ساري تبتسم..انشالله الحين اقول لها ..يالله طلع الرجال ووشوي وجايه
بو ساري...خير انشالله
ام ساري سكرت من ابو ساري وتناظر ريم ..
ام ساري تبتسم..ريوم ولد عمك يبي يشوفك
ريم خافت وجلست تقريبا ترجف من الخوف وبعينها دمعه نزلت
الجده..يابنيتي مافيها شي هذا ماهو بحرام وهذي شوفه شرعيه شرعها الرسول ولازم يشوفك يابنيتي ذكري الله وقومي
ام سطام تناظر ريم..ياالله ياريم خلي ولد عمك يكحل عيونه بك ..
ريم بخوف تبتسم..انشالله
البنات كانو حاسين بمأساه ريم
لولو ..ريوم حنا بناظركم من الشباك
ريم تببق عيونها..نعمممم لالا حبيبتي تتمسخرون علي
لولو ..هههههههههه بعيدها لك على بالك والله لو شصير الي سويتيه فيني قبل ماخليه يروح
ريم ..هههههههههههه الله ياخذ عدوينك ..
ريم وخايفه وتستهبل تهدي حالها ..آآآآآآآ اقوول بنآت يالله ترى يقولون يبون يدخلوني
جود ..يالله ريوم ادخلي بلا هبالك
ريم مره خافت ..يالله من جد خلاص بديت اخاف ...
زآنه تمسك يد ريم ..قلبي مافي شي يخوف كلها كم نظره على كم خقه وننتهي
الكل..ههههههههههههههههههههههههه
ريم تبتسم بخوف..يااااسخفك هههههههههه
مزون تروح لريم ..فديت قلبك ريوم لاتخافين مافي الا الخير انشالله اصلا اخوي بيخق لاتخافين
البنات ..هههههههههههههههه
ريم بخوف تبتسم..يالشله
ريم تمشي والبنات يطلعون ويروحون للحوش وعلى طول لنافذه الي تطل على المجلس
ريم تدخل وكل خطوه تخطيها تحس انها سكين بصدرها وخايفه من شوفه المستقبل قدامها وخايفه من السهام الي بتطلع من عيون سطام لعيونها وخايفه من العتب الي بتلاقيه وخايفه من اشواقها انها بلحضه تصحى وخايفه لا يكون هالي هي فيه حلم
ريم تمسك مغبض الباب وتدفعه ...وتدخل...
ريم تدخل والمجلس مابه الا ساري وسطام ....
ريم تدخل و قلبها بنبضه يتسابق
ريم بخوف..السلام عليكم
وقد انا ريحه عطرها تسبق قدامها ...(شنل الوور)
سطام كان منزل راسه وساري كان مييييت على شكل اخته..وخايف على انه يحسد اخته بجمالها ماتوقع بيوم اخته بتكون بهالنعومه وكأنها ملاك يمشي على الأرض
الكل ..وعليكم السلام ..
ريم تجلس على اول كنبه بالمجلس ومنزله راسها وخصل شعرها مغطيه كل وجهها
ساري يبتسم لأخته ويناظر سطام انه منزل راسه ...
مرت لحضه صمت بين الكل ..
ساري حب انه يكسر الجو...
ساري ..آآآ سطام ماودك بقهوه ..
سطام يرفع راسه بحيث انا تكون ريم قباله ..
سطام يرفع راسه كان حاس بأن القمر منزل بالأرض حس برعشه بقلبه ..ماقدر ينزل عيونه مع انه ماشاف الا لمحه منهآ . هذآك اليوم يوم طآحت واليوم لمحه منهآ بسيييطه منها والباقي منزل تحت من الخجل..ومغطى الباقيي بشعرها وش هذي من خيال وش هذي من جمال
ساري لاحظ انا سطام شاف زين ريم ...
ساري راح لعند اخته وبعد شعرها عن وجها وحطه على كتفيها..سطام واخيرا شاف جمال ريم
ساري مرررره مبسط كان يشوف لهفت سطآن وكان مستغرب من جمالها ..
ساري يمد القهوه لسطام
ساري يبتسم ..سم
سطام كان مره متبهدل وحس بعرق بقلبه تحرك كان نايم كان ميت واليوم بدى يحس به ...من زمن كان شايله من قلبه ..وراميه او نقدر نقوم مخفيه
ساري يبي يستهبل..ترى اختي تستحي
سطام يناظره وينحرج ويبتسم ..
ساري يروح يجلس بجنب اخته
ويقرب من اذنها ..وقد انها لفت بوجهه للجه الثانيه ..
ساري يستهبل ..طيب ناضري الرجال يمكن مايعجبك
ريم تلف وجهها لساري وتبتسم
سطام ويناظر بريم وريم حست بنداء عيون سطام وناضرت
كن المكان مابه الا سطام وريم .... وكن ومنيره تناظرهم من بعيد ..
سطام وبالمكان الي هم به ويناظر عيونها وفي باله ...ياشوقها عذبتني عيونها ياشوقها تركتني بعز حاجتي ..علمتني انا الغلا لحدود وينتهي..كنت اظن اني بنسى همي وبرتجي مادريت ان سكين قلبي من يديها يرتجي وشلون. مدري. كيف.بنتهي ضميني ياريم بعيونك انا منتهي
الكل ورى النآفذه يرآقب نظرآت سطآم مستغرب من هالنظرآت بيآكلهآ بعيونه نظرآت كآنت قبل ويمكن النظرآت صآرت اقوى واللهف
قطع جو المكان ساري ..يالله ريوم روحي
ريم تنزل راسها ..وتوقف وكلها هيبه ..وشعرها خصله تتضارب مع بعض..
تمشي وبخطا كبيره ...وسطام كان بمعركه مع قلبه ...
ريم تطلع من المجلس وكان الكل قدامها مستني كلمتها انو ايه او لا
ريم تبتسم بغير رضى اجابتها تحصيل حاصل ..ان شاء الله خير
الكل كلللللللوش الف الف الف مبروك سطام وساري سمعو الي صار وساري مره مره مره فرح وسطام ابتسم وهدت دقآت قلبه وكنه دخل الجنه العمام والجد سمعو الزغرطه ودخلو
الكل سلم على بعض ومره نبسطو
الكل نبسط وفرح
وفجأه ...
سطام بتعب واضح..آآ عمامي ..ودي بشي اقوله لكم..
الجد صايل..سم قول وش عندك ..؟
سطام ..عمي انا مضطر اني اوزع الحلال على خواتي وعلى امي وارجع نصيب عمي
ساري وبنيان يناظرن سطام وبنيان كان متضايق عشان ريم بس مصبر حاله ..
سطام ..وانتو تعرفون انا ابوي رحمه الله عليه
الكل..الله يرحمه
سطام ..موصي ان مااخذ ولا شي ولا خواتي ولا امي الا
سطام بتعب وحس انا الكلمه تطلع منه بتعب ..آآآ الا لما اتزوج ريم بنت عمي
بو ساري ..ايه ولدي وهذا الي صاير وش قصدك فهمنا ..؟
ساري..يعني ..؟
سطام ..اقصد انا ...الملكه لازم تصير يوم الأربعاء هذا ..
الجد صايل وبو ساري ينآظرون بعض..لا ماتصير
ساري كان وده يملكون عشان تقرب العلاقه بينهم
ساري متحمس..ليه يبه احسن عشان تصير وصيه عمي بسرعه
بنيان فهم قصده ومع انه ماكان وده ..ايه صادق ساري انا مع سطام وساري يملكون بسرعه احسن لهم واحسن لتنفيذ الوصيه ..
الجد صايل حس انا الموضوع عشان ريم وسطام من جهه نظر الرجال او من وجهه نظر سطام فعشان الوصيه وعشان خاطر العم عثمان..ولا الكل عشان تكبر العلاقه بين ريم وسطام
الجد صايل بعد تفكير..على مشيئه الله
بو ساري..ياعمي وش اقول لريم ..؟اكيد بتزعل مايمديها ومايمدينا نسوي شي...
سطام ..ياعمي مو لازم نسوي شي ونخليها للعرس الكبير ..
ساري..صادق يبه جمعه اهل وحبايب وريم يمديها نوديها احد المولات وتشتري لها بدله
الجد صايل تذكر..بس حتى لولو بنتي ملكتها يوم الأربعا وشلون تصير ..؟
ساري ..ايه ياجدي عادي تصير ملكه خالتي لولو واختي بيتكم وش فيها عادي
بو ساري...مدري الي تشوفونه
الجد صايل..اجل على خير انشالله
طلعو الرجال وكان مره مبسوطين
عند الحريم
زآنه تناطر ريم وتنزل دمعتها..
ريم كانت مره متضايقه ...زآنوه بلا هبال ترى كف
جوآهر ..هههههههههههههههههه الحين وينه ولد عمي بروح اتهاوش معه انا احق منه
مزون..ههههههههههههههه طيري اخوي احق
ام سطام ..هههههههه والله ريم مالها الا ولدي هي حرمته وهو رجلها ..
ام بنيان ..الله مير يوفقهم يارب
جود ومها حبو يخلون ريم مع اهلها
مها تنآظر جود..يالله اسايق برا عن اذنكم
ريم تناظرهم..لاتكفون اجلسو تو الناس
جود..لا فديتك اجلسي وارتاحي
مها ..فديتك نشوفك بكره بالجامعه ..
ريم تعبس. . . خليكممممم
جود تبتسم . .خليك احسن لك مع هلك حبيبتي كلميني لاستجد شي
ريم تبتسم لهم . . ان شآء الله
ريم تقوم معهم توصلهم ..
البنات يوصلون للباب..
جود..يالله ريوم انبسطي وسعي صدرك ولاتشيلين حاجه بقلبك انبسطييي
مها.. ولو شفتي نضراته وهـ وهـ وهـ تجنن يمه انتي اصلا نصابه قال ايش شكله حب غيري أي حب غيرك أي خرابيط الولد خقققققققق اول مره اشوف واحد يفتح فمه على وحده زي كذا
ريم والبنات ..ههههههههههههههههه
وبنفس الوقت زآنه تطلع لهم بالحوش..
زآنه ..وش فيكم واقفات ..؟
ريم تناظرهم ..لا بس اودعهم السخيفات بيروحون
زآنه تسلم عليهم ..ياليت جالسين خلونا ننبسط ..
البنات ...مره ثانيه ان شاالله
البنات يطلعون من بيت ريم وريم وزآنه يجلسون بالحوش..
يروحون للمرجيحه كانت كبييييييييره وبها سجاده من الأوان الي تحبها ريم ..
زآنه وريم يجلسون
زآنه ..ها ريوم عسى مرتاحه ..
ريم تنزل راسها...عيونه يازآنه ذبحتني حسيت انه يعاتبني ...
زآنه تبتسم..صدقيني مالومه انتي تركتيه وخليتي كلمه منه غبيه كان يستهبل فيها تفرق بينكم
ريم بتعب..مادريت حسيت انه مايحبني حسيت انه يبي يبتعد عني بأي طريقه قسمه موجود بكليه الملك فهد عندنا ليه راح لبنان ليه ..حست انه يبي يقولي اني جيت بوقت غلط حسيت وكأنه يقول انا تعبان انا ماتركته الا لما كان يستهبل علي بالكلام الي يقوله كانت عينه زايغه ونسحبت
زآنه تناظر ريم ...ريوم سطام كان يموت على الأرض الي انتي تمشيين عليهآ وكان ميت على رضاك بس هذا طبع الرجال لا بعتيه باعك يمكن تلاقينه لحد الحين يحبك بس يدوس على قلببه انتي بس حسيتي بخيانته وماحد قالك انتي حسيييتي انه مال للوحده غيرك شوفي وش صار لك صرتي حتى ماتبين طاريه ولما خطبك من جديد وبحكم ربي بتصيرون لبعض تعذبتي لكن ياريوم نصيحه انا وغيث خالك احيان لا تهاوشنا يقولي انتي من البدايه ماحبيتيني وانتي ومادري ايش وانتي اصلا بحياتي ولا شي لو سطام يقولك كذا وش تقولين له
ريم ترفع حاجبها بغرور..اتركه بلحضتها ..
زآنه تبتسم.هذا الغلط انا لما يقولي كذا اقوله انا احبك انت وماحب غيرك ولو تقول وش تقول وتنكر انا احبك ولو تقول وش تقول انت تموت فيني
ريم تضحك..هههههههههه مستحيله مجنونه انتي مستحيل اذل حالي كذا وش تبين يقول بعدين عني
زآنه تبتسم..هذا الغلط المفروض انك تاخذين الوضع عااادي وانك تحبينه وصدقيني بعد كم دقيقه بتلاقينه يراضيك ويقولك الي انتي تحبينه
ريم تنزل راسها..بس مو مع سطام كل ماشوفه بتذكر كلامه الشين لي واتذكر حبنا الي مستحيل راح ينعاد ماراح انصب على حالي وبقول انه بينعاد ..
زآنه تبتسم..معليش ماتدرين ياقلبي ماتدرين بس يالله خلينا ندخل لا ينشدونا ..
ريم تبتسم..طيب
ريم وزآنه يدخلون..
جوآهر بهبال..مطول الغيبات ..
زآنه ترمي الوساده ..جاب الغنايم
الكل..ههههههههههههههههههههههههههه
الجده سلطانه..تعالي ياريم ..
ريم تبتسم ..تامرين يايمه ..
ريم تجلس يم الجده سلطانه ..
الجده..سمعي يمه الحين انتي كبرتي وسوالف البنات والهبال ودي انك تتركيها انتي اليوم انخطبتي وصرتي مره ومره لولد عمك لازم تحفظين عرضه وتصونينه
ريم تنزل راسها..ان شاء الله
الجده ..ابيك يايمه تعتبرينه خطيبك وانشالله زوجك مو ولد عمك بس
ريم تبتسم..ان شاء الله يمه ..
ام سطام ..وتكسبينه ولا تخلينه يحتاج لأحد غيرك ولدي واعرفه لازال يحبك..انا اعرف ولدي بالكلمه الحلوه يجي وانا عارفه ياريم ماراح يصون ولدي الا انتي
ام ساري..ياريم هذا الحين جنتك ونارك
ريم وحست انها من جد بين يدينها مسأوليه ..ان شاء الله
ام سطام نبسطت لرد ريم ..الحمد الله (تناظر الساعه)يالله يابنات حنا لازم نروح البيت عشان سطام نشوف وش وضعه اكيد انه منهبل من الفرحه
الكل ..ههههههههههههههه
مزون ...يمه خلينا نجلس شوي مانتأخر على الأقل الى ان يجي نوآف(نوآف زوج مزون)
ام سطام ..امري لله وهذذي جلسه
بعد ساعه
ام بنيان ..يالله عاد يابنات خلونا نمشي تأخرنا ورآكم بكره دوآمآت
جوآهر مو راضيه..يمممه خلينا شوي
ريم بلهفه ..ايه خاله خليهم يجلسون تكفين
ام بنيان تناظر ريم وتستهبل عليها ..ريوم خلك غاليه وخليني ساكته
الكل ..ههههههههههههههههههههههه
زآنه ..ههههههههههههههه من جد يعني انتبهي لا تسبك ههههههههههههههههههههههههه
ام بنيان تقوم.. يالله يالله والا اقولكم بنجلس شوي عشان خطوبه ريوم اليوم
ريم تبتسم وكلها ملح ونعومه
لميا ..اقول ترى عطشانه تبون مويه .
الكل ...تسلمين لا
لميا تروح للمطبخ وتجي معها جوآهر ..
لميا تطلع كاس مويه
بالمطبخ في باب جانبي يجي مع الحوش
ساري كان بيدخل المطبخ يشرب مويه
ساري يدخل ويشوف حبيبه قلبه وعمره وخطيبته
تشرب مويه
جوآهر من الخوف تصرخ وتطلع ..آآآآآآآآآآآآآآآ
لميا من الخوف والصدمه وانها مررررره مشتاقه له ضلت شفايفها على الكاس وماحست بالي يصير
ساري خاق..آآآ اسف بــ بــ بس
لميا تبكي وتسكر عيونها ...لااا تكفى اطلع تكفى
ساري يطلع من المطبخ وكانت لميا متفآجئه ...
ساري يركض وجلس على الكرسي...اوووف وش هالأحراج ياربي وش زينها كل يوم بتحلى اكثر ...يخرب بيت زينها
لميا تدخل بالصاله وكان قلبها مررره يدق بقوه
ريم تناظر وجها مستغربه ...وش فيك
لميا متبهدله ..هااا لا مافيني شي يمه متى بنمشي..؟
ريم تناظر زآنه ..شفيها .؟
زآنه تهز بكتوفها..مدري
ام سطام تقوم..يالله سرينا ..
جوآهر تجي لصاله مييييته ضحك مو عآرفه تمشي من الضحك ..هههههههههههههههههههههههه
ريم تناظرها..وش فيكم ..؟
جوآهر تجلس على الكنب وميته ضحك ..هههههههههههههههههههههههههه ساري دخل المطبخ وشاف لميا ولو تشوفون الموقف توووووووحفه هههههههههههههههههه
الكل ...هههههههههههههههههههههههههه
زآنه ..هههههههههههه يعني زعلانه خليه يكحل عيونه وش فيها
لولو ميته ضحك . . هههههههههههههههههههههههه الحمد لله ريم مو الوحيده الي شآفهآ ولد عمهآ
الكل ..ههههههههههههههههههههههه
ام سطام والبنات يسلمون على الكل ويمشون
مابقى الا ريم وزآنه وجوآهر وام بنيان وام ساري ولولو ..وتاضي..والجده سلطانه .
. لولو تلبس عبآيتهآ وتسلم على ريم . . يآلله قلبي مبروووك وموفقه ان شآء الله
ريم تنآظرهآ .. اجلسسسسسي
لولو تبتسم . . لآيآقلبي رآكآن وصل خلآص مآيمديني ارجعه
تآضي تبعد وجهآ عن لولو وتعبس
ريم تحآول ترقع . . اهآآآ طيب حبيبتي نشوفك على خير
لولو تسلم عليهم وتطلع . .
ام بنيان ..يالله يابنات سرينا متى بتنامون انشالله
جوآهر مررره نعست ..ايه جد يالله قومو خلاص نعست
زآنه ..لااا بجلس مابي اروح
ريم تناظرها بمعنى اسكتي ..
زآنه تبتسم..احم قصدي يالله جد خلونا ننام
ام بنيان..بسم الله مغير الأحوال على طول
الكل ..ههههههههههههههه
ام بنيان مع بناتها راحو لبتهم البيت مابقى فيه الا تاضي وام ساري والجده وريم
ــــــــــــــــــــــــــــــــــــــــــــــــــــــــ
بمكان ثاني كانت خطوات ثقيله وتعبه ومره حزينه تعكس صوره الأنسان الي يمشي
سطام يوصل لغرفه منيره
بمستشفى بجنآح خآص ...غرفه مليانه من الهموم غرفه وحده فاقده الأمل خافيه شي عارفته بتخفيه عن سطام لفتره
سطام يضرب الباب ...
منيره تناظر الباب ..هلا سطام تعال
سطام يدخل وكل عيونه اسف على منيره ..مع ان امها ظلمتهم الا مالها ذنب بالي صاير
سطام يبتسم بتعب يمسك يد منيره ..هلا شخبارك ..
منيره تناظر حالها ...زي ماتشوف
سطام يبتسم بوجها...انشآء الله انك بخير
منيره منزله راسها وبتعب ..شفتها ..
سطام كان ساكت وخيال ريم مر من قدامه ...
منيره والعبره بحلقها..سطام قول شفتها..؟
سطام بتعب ..ايه شفتها ..
منيره تبتسم والدمعه على خدها ..حلوت ريوم .؟جمالها قبل يسحر والحين اسمع امي تقول حلوت عن اول جد حلوت
سطام سكت ومر طيف ريم من قدامه ...من زينها جلست اهذرم عن حسنها ريم من شفتها قلبي ألمني مادري ليه
منيره تنزل راسها...بنت خالي وادري فيها
سطام يحاول يواسي منيره...يامنيره انتي ززوجتي ودنتيتي و ريم ......
منيره منزله راسها..وريم دنيتك الأولى والأخيره صح ..؟
سطام يرفع راسه ...المدح يوجب لا بدت فيه الاسباب
معنقه كنها الصقر براسها..
لاحكيت عن جسمها اوصف مابه ماعاب..
تمايل وقلبي لها دق عرقه وتمايل...
منيره تناظره وبتعب ماتقدر تغير شي عاشت معه طول هالسنين وعارفه انه مابقلبه الا ريم وهي خذاها عشان روحها و شرفها .. صدقت
سطام بنآظرهآ بتحسر
منيره بتعب ..طيب متى بتقول لها عنا انا حنا متزوجين ماحد يدري انا وانت وامي حتى مرت عمي وبنات عمي مايدرون
سطام يهز راسه ..يصير خير انشالله ..متى بتطلعين ..؟
منيره تناظر رجلينها..عادي أي وقت
سطام منزل راسه..قريب اجل اطلعك
منيره تناظره وتبكي..خوفي تبعد وتنساني
سطام يمسح دموعها ..صدقيني ماراح اتركك وبظل معك ماراح اتركك انتي بذمتي يامنيره
منيره تبكي ..
سطام يضم منيره الى ان تغفى وتنام كانت ريم بباله طول الوقت بس مااكان يبي يجرح منيره
سطام يطلع من المستشفى على الساعه وحده يطلع ويدور بسيارته يقاسم حزنه بحزنه
ـــــــــــــــــــــــ
في مكان ببيت بو سآري وحده بغرفه ماكان بها الا ابجوره بسيييييطه ..
ريم بروقآن تغني . .قآل الودآع ومقصده يجرح القلب .. محآل قلبي ينجرح من ودآعه .. من حبني يآمرحبآ برآعي الحب . وان رآح ربي يحفظه كل سآعه .. ليه ليه يودعني وليه وليه يعذبني وليه ليه يجرح قلبي وانآ احبه ليه ليه
وآفي وذوقه رآقي وصدق ينحب .. لكن عيبه بالجفآ والقطآعه .. وانآ لو اني فيه مغرم ومعجب نفسي عزيزه والمحبه قنآعه .. اخترت دربه لكن ختآر له درب شريت حبه لكن اليوم بآعه..دآمه وقف مع حآسدي واعلن الحرب لآبد مآ الكثره تغلب الشجآعه.. ببقى احب الحب واتخير القرب واقول للغآلين سمعآ وطآعه .. وش حيله الأنسآن لو خآفقه حب مآضن ينسى الحب في ضرف سآعه
.. ريم تنتبه للأغنيه الي جالسه تغنيه ..يوه وش الأغنيه وقتها غلط
ريم تدور جوالها..
ريم تضرب ارقام جوال زآنه ..
زآنه كانت تكلم غيث خطيبها ...
زآنه تناظر جوالها خط ثآني...اغلى حبيبه ..
زآنه برقه ..غيوث قلبي ريوم تتصل شكلها تبيني اجيها اكلمك بعدين طيب
غيث عصب..يالله ريوم بذبحهاااا
زآنه ..هههههههههههه شسوي ياقلبي يالله بروح لها تعرف حالتها مره مستعصيه لازم نصير معها
غيث..الا على طاري ريم وش اخبار خطبتها تحسين مبسوطه بنت اختي واعرفها رجه
زآنه ..يب مشت ياحظ سطام بها بس
غيث..الله يكتب لهم الخير يارب يالله باي حبيبتي خلك مع ريوم اوريها بكره
زآنه ..ههههههههههههه يالله باي قلبي ...
زآنه سكرت من غيث
ريم بنفس اللحضه سكرت
زآنه ..يووه بتصل عليها
زآنه تتصل..
نغمه زآنه ...انت غير الناس والله انت عندي شي كبير ..
ريم ترد ..مابغيتي
زآنه ..بسم الله اناس يقولون مساء الخير شخبارك شلونك
ريم ..هههههههههههههه ماصار لي من شفتك خمس ساعات وينك ومن كنتي تكلمين
زآنه ..لو سمحتييي سأل وااحد بس ههههههههههههه
ريم ..هههههههههههه لحووول طيب من كنتي تكلمين! اكيد غيث وينك ..؟
زآنه ..بغرفتي وانتي
ريم ..مثلك اقول هلي نامو وانتي..؟
زآنه بخبث..مثلك
ريم..اجل وش رايك نروح الحوش نجلس ..ترى مالي خلق انام
زآنه ..مثلك
ريم مستغربه..يابنت وش فيك مهنقه على مثلك يالله روحي
زآنه ميته ضحك..ههههههههههههههه طيب الحين انزل يالله
ريم ..يالله
ريم تلبس شوزها وتنزل بالدرج باشويش..
ريم حبت تشوف تاضي خافت انها لازالت متأثره بسالفه رآكان مرت على غرفتها لقتها نايمه..
ريم تنزل بشويش وتوصل للحوش وتجلس على المرجيحه الي ببيتهم ..
زآنه توصل..هلا خفت احد يحس فيني ..
ريم ببرود..عادي اول مره نسويها مثلآ. . ؟ ههههههههههههههه
زآنه ..ههههههههههه جد انك مفهيه ليه مانمتي..
ريم خايفه..مدري ماجاني النوم ومالي خلق
زآنه مبسوطه..والله ياريم حسيت نضراته لك نفس نضرات الي قبل
ريم بتردد..بس احس به شي احس حاجه بداخله مخبيها احس انه به شي
بنفس اللحضه يسمعون صوت فتحه باب بيت عمهم عثمان ..بو سطام طبعا بيت بو ساري بالوسط بين بسطام وبو بنيان
زآنه ترفع حابها..تتوقعين سطام
ريم مستغربه وبشويش..لالا ماتوقع قويه الحين الساعه 3 وش يطلعه هالوقت
زآنه تقوم..قومي نشوف
ريم بتردد ..لالا اخاف يشوفنا احد
زآنه تسحب ريم ..يالله بس
ريم تناظر من باب القزاز ومستغربه..ايه جد سطام ..تتوقعين منين جاي..
طبعا زآنه اطول من ريم وتنآظر بحذر
زآنه تناظر معها ..مدري بس غريبه وش مسهره لحد الحين مآورآه بكره دوآم . .َََ!!
ريم مررره ستغربت...اقولك الموضوع به شي وتقولين لا الا به شي و شين بعد
زآنه مستغربه..ليه ...؟
ريم ترفع حآجبهآ اليمين..لأنه مره متضايق تتوقعين عمتي درت ؟
بنفس اللحضه يدق جوال ريم ..
ريم تروح لجوالها..من متصل علي بهالوقت ..
ريم تشوف جوالها وترد وهي معصبه..وانت لك عين تتصل بعد
ركان متردد..ريم لاتهاوشين صار الموضوع غصب عني
ريم تهاوش..وش غصب عنك تدري لو انك بوجهي الحين كان قتلتك من جد واحد ماتستحي على وجهك وبقواه عين متصل
ريان..طيب لاتصارخين خليني افهمك الموضوع موعشانها عمتك تدافعين عنها ترى حتى انا خالك ولي حق تسمعين لي
ريم ..وش ادافع الموضوع باين بدون حتى لو هي ماتقولي
راكان بتعب ..ريم انا اتصلت بصلح الي سويته مو اخرب وانا بخطبها مع اني ماسويت لها شي وماني مغصوب اني اخذها بس انا احبها وانتي تدرين
ريم بقهر ..انت مهبول بعد كل الي صار تبي اقولها ياتاضي خالي يبيك وجاي يخطبك وش تتوقع بتقول .؟
راكان بوثوق..انا متأكد انها بتوافق وبترضى بس انتي قولي لها تفتح جوالها مسكرته معيه تكلمني ..
ريم ..اووووف لحوول الله انتو مصايب يعني زياده على مصايبي تجي ياخالي تكملها والله مالي خلق
ركان تذكر..أيه صح الف مبروك
ريم . . الله يبآرك فيك وين لولو
رآكآن . . لولو نآمت اخخخص وبتصيرين مره
ريم تضحك..ههههههههههههه وربي فاضي ماوراك دوام وش مصحيك ..؟
ركان ..ماقدرت انام الا لما اقولك ..
ريم ..طيب خلاص بقول لها وعلى الوثوق الي انت فيه انها بتوافق مدري وش بيصير
ركان ..صدقيني بتوافق وبتشوفين
ريم متضايقه..امين طيب تبي شي..؟
ركان..لا بنام الحين سلامتك ..
ريم ..يالله باي ماوعدك ها
ركان بوثوق..بتشوفين
ركان..باي
ريم تسكر من ركان وترجع لزآنه ..
زآنه مستغربه ..صوتك لآ هنآ واصل من تكلمين ..
ريم مبققه عيونها..اما لا كنت اكلم وحده
زآنه تستهبل..طيب وش فيك تصرخين على ركان
ريم ..هههههههههههههههه مدام انتي عارفه انه ركان ليه تسألين منو..؟
زآنه ..ههههههههههه قلت بصير رزه
ريم ..ههههههههههههه مقدر انا
زآنه ..جد وش فيه ..؟
ريم تورطت ..هاا..لا بس قهرني ليه ماجا اليوم صراحه سخيف ..تخيلي لاهو ولا غيث قهروني
زآنه ..عادي يابنت وسعي صدرك
ريم تذكرت ..اقول ابي بكره اروح المول لازم اشتري بدله لملكه لولو عاد قويه ماشتري..
زآنه ..خلاص بكره متى ينتهي دوامك بالجامعه ..؟
ريم تفكر..امممم 3 العصر..وانتي.؟
زآنه ..انا 12 خلاص لا رجعتي نامي شوي ونمشي وين تبين نروح ..؟
ريم ..مدري وين ..؟ابي اروح لمصممات ..مابي فساتين عاديه ..
زآنه ..خلاص نروح لمربع بنات الأنصاري..
ريم ..يب حلو هذا خلاص نروح له بكره
زآنه بتفكير دآخل عرض ..ريوم تتوقعين البيت الي بانينه بحوش بيت عمي هذآ الي قآل لك انتي وسطام ..؟
ريم بغرور..يمكن بس مابيه
زآنه مستغربه..ليه .؟
ريم ..انا ابي أأثث بيتي مو على كيفه هو ..
زآنه ..ايه في فترت الملكه روحي معه وأأثثو..
ريم تصرخ..نعمممم خييير هذا الي بقى لا مابي زآنه ليه مو فاهمتني ..؟استحيييي وبعدين لاتخليني افكر بعدين خليني بحالتي الحين
زآنه مستغربه ..انا مو فاهمتك ..!!! ليه شفيك ..
ريم متضايقه ..زنو كل ماتذكر انه قالي هذاك الكلام قويه يازآنه قويه
زآنه تبتسم..تدرين انك ماقلتي لي كل الكلام الي صار بينكم ..؟
ريم تبتسم بتعب..ماضن في حاجه اخبيها عادي لو الكل يعرف
زآنه تناظرها..طيب قولي
ريم تنزل راسها ...ولو اقول بيتغير شي.؟
زآنه ..جربي انتي ماقلتي لي الا لما قالك لو اشوف بنات احلى منك بتركك
ريم بتعب..هذي بحد ذاته تجرح بس جاني الي ازود قبل لما قلت له وتهاوش معه من شايف حالك انا اغلب قرايبي يحبوني وشي طبيعي لو اعطي احد وجه شروني وبعتك قلت له من انت عشان ابيع الكل واشتريك وشوف بعت كل خلق الله عشآنك .يازآنه تدرين وش قال ..؟قال ومن قال انتي الوحيده بحياتي
زآنه مبققه عيونها..قاااااالها..؟
ريم تبتسم بتعب ..قالها قالها وسمني
زآنه بضيق..ريم ليه قلتي ليه من انت وعادي ابيعك ريم هذا رجال لاتحطين باسك من باس رجال يعني واضحه ماقالها الا لما قهرتيه سطام ولد عمي تعرفين مستحيل يحب غيرك ولا فيه حركات اولاد هاالأيام
ريم تناظرها..ادري انه مايحب الا اانا وادري انه مايعرف احد غيري بس كلمته لي هذي خلتني اكرهه اكررههه تعرفين وشلون اكرهه صدقيني انا ماعدت احبه وهو نفس الشي حنا نمشي على نظام عمي مخططه لنا ولا لو علينا ماحد بغى الثاني
زآنه بهبال..انتي شفتيه كيف يناظر فيك اليوم
ريم مستغربه..لا
زآنه ..ياريم قسم بالله شوي وياكلك بعيونه تذكرين هذيك النظرات الي قبل كان يعطيك اياها ..
ريم تذكرت وتضايقت..ايه عمري مانستها ..
زآنه ...كانت موجوده بينكم وربي
ريم تبتسم..تواسيني ولا تنصبين علي ..
زآنه بجديه..ريوم وربي ماكذب اقولك انا بنفسي ستغربت ريم تدرين حسيت بشوووق بعيونه بشكل ماتخيلين
ريم تضايقت ...تتوقعين بنرجع نحب بعض من جديد..؟
زآنه تمسك يد ريم ..وربي اتوقع اكيييد
ريم تتنهد..آآآه امين الله يسمع منك اقول كم الساعه
زآنه تناظر الساعه ..4 شوي ويأذن الفجر ...
ريم ..اجل اذا اذن سرينا ..
زآنه بخبث..ريوم ..؟
ريم تناظرها ..وش..؟
زآنه ...ابي اروح لنافوره بيت عمي عثمان ..
ريم تصرخ ..بالله وان شافنا سطام بيقول جينا عشان نشوفه طيري بس..
زآنه .. ريوم بلا هبال اكيد الحين نام
ريم مصره ..لالالا وان مانام وشافني لاوالله اووما الأحراج لا تبين روحي انتي
زآنه ...اقول قومي ياهبله خلينا نروح ترى منجد مشتهيه اشوفها
ريم بتردد وخوف ..اوووف طيب يالله قومي
ريم وزآنه يمشون بهدوء ويوصلون لحوش بيت عمهم عثمان ..
ريم وزآنه يوصولون لنافوره ...
زآنه متضايقه..اووف مو مشغله حرام
ريم تناظر ساعتها..انتي هبله احد يشغل نافوره هالوقت ..؟
زآنه ..بروح اشغلها ..
ريم تسحب زآنه ..هيه هيه بلا هبال اعقلي ..
زآنه ..ليه ..خليني اشغلها حلوه الوانها ماراح احد ينتبه صدقيني
ريم ..اوووف طيب روحي
زآنه تعمدت تصرخ ..آآآآآه رجلي ..
ريم خافت ..وش فيك ..اسسسكتي لاتصآرخين ينتبه احد الحين ولا شي
زآنه تقوم..هاا.. لالا مافي شي بس المتني رجلي ..
ريم ..اوووف يالله قومي خلصينا لا حد يسمعك
سطاام بالغرفه كان تو عينه بتغفي ويسمع صوت زآنه تصرخ بالحوش..
سطام يقوم من السرير ويناظر نافذته انا المكان مابه احد مظلم ..وحس بدقات قلبه تزايد ..وكنه بحلم ..معقول ريم تحت ..؟وبحوش البيت ..؟
سطام يحك عيونه حسباله انه يحلم ...هذي من بعيد
سطام ينزل بأسرع مايكون ويفتح باب الوسطي
ريم سمعت صوت الباب وبسرعه تقوم وتركض
سطام يمد يده يصرخ ..وقفي ...
ريم تحاول بأسرع ماعندها تركض
سطام يمشي بسرعه ..وقفي وقفي وقفي

تتوقعون وش بيصير بين سطآم وريم بهاللحضه
وش بتسوي ريم لزآنه ؟ وغيره وغيره
بتعرفون بالبآرت الي بعده

, , ان شآء الله البآرت يعجبكم , ,