البآرت السآبع عشر
عند سطام سطام بعد مارجع من الشركه قد انه شابع نوم
دخل البيت ..السلام عليكم ..
الكل ..وعليكم السلام
لميا ..اهلين كيفك ..؟
سطام من غير نفس..بخير
ام سطام ..هلا والله وين نمت امس ماجيت..
سطام توهق ...آآآآ نمت يمه بالشآليهآت وكانو الشباب جالسين وجلسنا وماكان فيني حيل ارجع البيت ونمت هناك
ام سطام ..اجل نومه العافيه
يالله يالميا قومي نحط الغدا
لميا تبي تكلم سطام ...طيب يمه انتي روحي وانا بسبقك
ام سطام تقوم...طيب لاتتأخرين
لميا تناظر امها..ان شاء الله
لميا تنتظر امها لين تروح المطبخ
لميا تروح بجنب سطام ...انت وبعدين معك كأنك حرام تتسلل البيت وتروح وتجي وتاليتها ..؟
سطام من غير نفس ..بقول لأمي اليوم
لميا بققه عيونها..أيييييييييييش ..؟
سطام من غير نفس..لميا وربي تعبااان وهموم الدنيا كلها بوجهي
لميا تضايقت ..ليه اليوم وش صار..؟
سطام يفكك ازاريز ثوبه من عند رقبته ماكان حالق كان ذقنه في شوي شعر مخليه فيه كل علامات الرجوله الي كل بنت بتمر بجنبه لازم تناظره ...
لميا تعيد ..سطااام ليش اليوم وش صار تكلم ..؟
سطام بضيق وفيه غصه ...منيره حامل
لميا حست الدنيا دارت حواليها وغمضت عيونها وحطت راسهاعلى الكنب
لميا مغمضه عيونها...لا انت تكذب مو من جدك قول انك تمزح
سطام كل الدنيا فوق راسه...حسبالك اني مبسوط لا والزفت منيره اليوم ريم اوووووووول مره تدق من خطبتها ومن ملكت عليها وترد هي على ريم
لميا تفتح عيونها على كبرها...وريييييم دررررررررررررررررت ..؟
سطام بتعب وخوف ...اعتقد لأن كلمتها ولما حست منيره ان هي ريم سكرت السماعه بوجها وانا قفلت الجوال
لميا تحط يدها على راسها...يااااااااخوي انت وش مسوي بدنياك وش هالسواه الحين..؟
سططام بتعب يسند راسه...بدبر لها كم حجه ان تخالطت الخطوط أي شي وامي بقول لها بعد الغدا وابيك تكونين معي وربي مافيني حيل اتكلم
لميا بخوف..يااااااارب سترك وش هالي حنا فيه بروح لأمي احظر معها الغدا لا تغدينا يصير خير
لميا تروح المطبخ وتقايلها امها
ام سطام مستغربه ..وشفيه وجهك مخطوف كذا..؟
لميا تبتسم تغطي على حالها ...لالا يمه بس ميته جووووع يالله خلينا نحط الغدا
ام سطام مستغربه وتحطر الأكل مع الشغاله ولميا...
الكل جلس على الطاوله يتغدون
لميا كانت ميته جوع بس تستنا اخوها يجي
لميا تاكل بطرف الملعقه وسطام ياكل سلطه
ام سطام مستغربه ليما كانت ميته جوع . . . وش هالأكل وسطام مو اكله هذا..وش فيكم انتم كلو زي الناس
لميا تبتسم ...ايه يمه هذا حنا ناكل
سطام يترك الملعقه ..الحمد الله شبعت (بتعب) يمه ابي اكلمك بموضوع لاخلصتي تعالي
ام سطام مستغربه..وش فيك ..؟
سطام يبتسم بتعب ...لاخلصتي تعالي لاتجيني الحين كلي اول وتعالي
ام سطام تناظره ..يصير خير
لميا تناظره ووترجع تاكل كلت لها يمكن ملعقتين
لميا تقوم ..شبعت ..
ام سطام ..والله منتب طبيعين جوعانه وجوعانه وين الجوعانه
لميا تبتسم ..انا بالصاله لا خلصتي تعالي صدقيني شبعت
ليما تروح لصاله وتجلس بجنب اخواها يتفقون وش بيقولون
ام سطام خاف من السالفه وكلت لها كم ملعقه وقامت
ام سطام تجيب القهوه والتمر لصاله وتجلس بالكنب
سطام ولميا يناظرون بعض ...
ام سطام تصب قهوه لسطام ...سم
سطام بتعب ..سم الله عدوك
ام سطام لمياا..تبين قهوه ..؟
لميا بتعب ...لالا مابي يمه تسلمين
ام سطام شربت اول فنجاال وسطآم ماشرب قهوته ..
ام سطام بخوف..الحين وش السالفه حتى ماقدرت اكل اكلي عدل
وش صاير
سطام يناظر لميا...يمه شوفي هذي مشيئه الله وقدرته وكتبته وماحد يقدر يرد كتبه الله والي يصير يمه دايم يكون غصبن عنا ماهي برضانا
ام سطام خافت اكثر واكثر...ونعم بالله
لميا ساكته تسمع الكلام ...
سطام ..شوفي يمه انا كنت خاطب ريم قبل صح ..؟
ام سطام تناظره وبخوووف..صح عشت ...
سطام ..وصارت الهوشه عن لبنان ونفصلنا ...صح..؟
ام سطام بتوتر اكثر..صح كمل
سطام يطلع جواله ويشغله وهو يلعب به مايقدر يناظر امه ..يمه انتي خابره انا عشت بيت عمتي العفري وضيفتني عندها ماقصرت علي بشي
لا اكل ولا شرب ولا جلسه ونوم ولين ماتخرجت وتدرين هذيك الفتره مير ريم كرهتني وبتعدت عني يمه انتي خابره ..
ام سطام خافت اكثر واكثر ...ياوليدي نشفت دمي تكلم وش قصدك من هالكلام
سطام يناظر لميا ..يمه ابيك ماتزعلين علي وربي اني كنت مظطر وربي هالشي مو بكيفي ..لو بكيفي مابغيت هالشي يصير
ام سطام تغير لون وجها من الخوف ...سطام تكلم مابقى فيني دم
لميا تصد وكانت مره خايفه ...
سطام بتردد ..آآآآ يــ يمــ يمه انا متزوج
ام سطام تناظره وتقوم بتروح المطبخ ..هههههههههههههههههههههه الله يرجك مازلت على مقالبك ادري انك متزوج مملك على ريم ادري وش الجديد يعني يغربل بليسك يآسطآم
لميا وسطام يناظرون بعض بتعب
لميا بخوف...يمه سطام يتكلم بجد
سطام بخوف ...لا يمه انا متزوج غير ريم ...
ام سطام تناظره ومن هول الموقف وحست الدنيا كلها تدور ولا حست بحالها...تطيح ام سطام غشيانه على الأرض
سطام يطمر لأمه ..يمممممممه يمممممممه
لميا بخوف ..يمه يمه شفيك.. بسم الله عليك حسبي الله عليك ياسطام حسبي الله عليكم كلكم
سطام يقوم وهو متحطم حس ان الدنيا تسكرت بوجهه من جديد كل ماجا يحاول يصلح تخرب
سطام بتعب ..لميا بروح اشغل السياره
لميات صرخ ..بسسسسسسسرعه بسسسسسسسسرعه
سطام خاف ان احد يدري وان احد درى انها اغمى عليها اكيد بيعرفون ليه
سطام يركب سيارته وهو يمسح دموعه ويدخل بالسياره للكراج ...
ينزل من السياره وهو دقات قلبه تتزايد
يدخل الصاله وهو خايف ..يالله لميا يالله السياره بالكراج قومي ساعديني
لميا تبكي ..يااااااربي كله منك بتموت امي وربي لأأذبحك ان صار لها شي وربي لأذبحك
سطام بخوف وتوتر...لميا قوومي بلا هالكلام الي يجرح اكثر وربي الي فيني كاااااافيني خلصي معي
لميا ماترد عليه وتسند امها على كتفها
لميا وهي تبكي ...ستاااري ستااااااري تعالي بسرعه
الشغاله ستاري تجي وهي مره مره مره خايفه ...wat wat ..؟
لميا تبكي ..تعالي بسرعه ساعدينا ..
ستاري تجي وهي خايفه ..وتسند ام سطام
سطام خايف من ان احد يحس..
سطام بخوف..أسكتي لاحد يسمعنا الحين يسمعونا بيت عمي فهد والله ننفضح ويضيع كل شي
لميا ماتعطيه وجه ...
يركبون ام سطام السياره ..
لميا ..ستاري خلاص ادخلي
ستآري تترآجع ومستغربه من اغمآء ام سطآم
سطام وهو ميت من الخوف...لا جا احد لاتقولين له ان ماما تعبت او شي
ستاري .. ok
لميا تهاوش ..خلصنا امي بتموت وانت مو حاس الا بنفسك
سطام يركب امه ويسكر الباب
لميا تركب مع امها وسطام
سطام بأسرع ماعنده ...للمستشفى...
لميا تبكي ...
سطام بخوف ..لا تبكين وربي احس اني انا مخنوق ليتني مكانها
لميا تبكي وتهاوش..اكيد انت السبب انت اصلا سبب كل هم مادري انت وش تبي ليش جيت من لبنان خلك هناك مع زوجتك ولاتجينا روووح خلاص رووووووح
سطام يمسح دموعه ولا قدر يرد وسكت ..
يوصلون المستشفى ..
يوصلون لطوارئ يوقفون
تجي النيرسات وبسرير الشبريه يحطون ام سطام عليها ويدخلون معها ..
لميا من الخوف حتى عبايتها ماسكرتها كويس...
سطام ازارير ثوبه ماسكرها ..اول مره تصير وتنهار
يدخلون النيرسات لغرفه الطوارئ ويسكرون عليهم طبعا لميا وسطام ينتظرون بالويتنق
لميا تبكي ...
وسطام بتوووووتر وخوووف....
ينتظرون يجيهم الدكتور يبشرهم انها صحت
ــــــــــــــــــــــــــــــــــــــــــــ
بيت بو ساري ...

ريم تشوف الساعه كانت الساعه 5 ..العصر ..
ريم تبي ترتاح لسته وبتروح تتسطح شوي..
ريم تقوم ..يالله انا بنام ساعه بدكن شي.؟
الكل..نوم العوافي
الجده ...يابنيتي ماهي بزينه نوم العصر ..
ريم فيها النوم..والله يايمه بموووت بس ساعه وبصحى
بو ساري..اجل نوم العوافي
ريم تقوم بطريقه عفويه تطومر وتصعد بالدرج وتدخل غرفتها
اول ماتروح تشوف جوالها ريم ..معقوله حتى ماشغل جواله وحتى لو شغل جواله معقوله ماتصل علي ..؟اكيد ان الساالفه فيها شي
ريم تدق ارقام سطام ويرن عادي ...
سطام مع لميا ..لميا تقرا قرآن وتبكي وسطام جالس بخوف يدعي ربه
يرن جواله ...
ويشوف ان ريم هي الي متصله **ريقها السكر
لميا تناظره بقسوه..هذي منيره ..؟
سطام منزل راسه ..لا ريم
لميا تنآظره..وليه ماترد
سطام بتعب..ماقدر اخاف يآلميآ اخآآف
لميا حست ان اخوها منهااار من دموعه وكيف ان حياته انعفست وصارت اشبه بالدمار
لميا تروح لأخوها وتضمه وتبكي ...
سطام يضم اخته وبتعب ومنهآر.. ليت انا ولا هي انا السبب انا لسبب
لميا تبكي..حسبي الله على من كان السبب ياخوي مالك ذنب عمتي ماجا من وراها الا الهم حتى يوم كبرت شوف وش سوت فينا هذي بليس شوف كيف تبي تفرقنا
حسبي الله عليها حسبي الله عليها..
سطام متحسر.. انجبرت وربي ماهو بيدي لميا فهميني وحده قدمت بنتها لي
ماقدرت وحده خلتني اجي بنتها بالحرام وانا مو بوعيي وش تبيني اسوي
لميآ تنزل رآسهآ . . حسبي الله عليهآ
ـــــــــــــــــــــــــــــــــــــــــ
عند ريم وتدق مره ثانيه
فجأه يدق جواله
لميا تناظره..رد عليها بس لاتقول لها شي انتبه
سطام يقوم ..طيب
سطام يعطيها بزي ويطلع برا المستشفى ...
سطام يدق عليها
وهي قد انها رمت جوالها من القهر ...
تسمع رنه جوالها وتاخذ الجوال وبقمه القهر ...وينك انت
سطام حس انها مره مره معصبه وكان مو عارف كيف يبرر لها صوت البنت االظهر ..
سطام بتعب..هلا قلبي
ريم مستغربه ..شفيك تعطيني بزي مشغول
سطام بتعب ..بتصل عليك شفيها فيها شي..؟
ريم عصبت اكثر وعصبت اكثر وتذكرت الي صآر اليوم..طيب ليش تعطيني بزي وليش الصبح مقفل جوالك ومن هذي الي دقيت عليك وردت علي
سطام بتعب اكثر..ريم شوي شوي حبه حبه علي والله دآيخ ومآفيني حيل
ريم ماكانت حاسه فيه ..وش الي حبه حبه علي اقولك وينك تقولي حبه حبه علي طيب ولا يهمك حبه حبه من هذي الي ردت علي الصبح ..؟
سطام مسوي حاله مستغرب..من الي ردت عليك آآآآ انا اصلا اليوم كله جوالي مقفل وشلون دقيتي علي وردت عليك بنت على قولتك
ريم تذكرت وتبي تصدقه..ايه صح يمكن تخالطه الخطوط طيب ليه قفل جوالك .؟
سطام يبتسم ويحاول يرقع الموضوع وببحه تعب..مدري
ريم حآسه انه تعبآن ...سطاااام لاتسوي كذا وقولي وينك ووش فيك
سطام بتعب..ماكان فيه شحن
ريم حست ان صوت سطام مو طبيعي ..وش فيك ..؟
سطام بتردد..لا مافيني شي بس نومي صاير مدري كيف مانمت من امس ..
ريم مستغربه ..ليش..؟
سطام ...والله مدري
ريم خافت ..طيب قلبي روح المستشفى
سطام بتعب .. مآفيني الا الخير
ريم خآفت عليه .. لاتصييير عنيد وروح ترى تخوفني عليك
سطام فجأه يجيه خط ثاني من لميا..
سطام يتوهق..آآآ طيب قلبي شوي وادق عليك اوكي بس واحد من الشباب متصل علي
ريم تبتسم..اوكي انا بنام خلاص اتصل عليك بعدين
سطام ..خلاص اوكي يالله قلبي
ريم مستغربه ..آآآ اوكي باي
ريم تسكر من سطام ...لا حشا فيه شي
تاخذ جوالها وتتصل على زآنه
زآنه كانت تناظر التلفزيون وهي مره مو على طبيعتها لا هي ولا جوآهر
زآنه تسمع دقت ريم
وتطمر تروح ترد عليها ..
زآنه خايفه ..هلا ريوم ها وش صار
ريم تبتسم ..ههههههههههههه شفيك كان تداخل خطوط تخيلي جواله كل اليوم متسكر حتى دقيت على ساري قال انه كان مداوم مسكين كيف ظلمته وش جيب البنت له وهو مداوم مع سطام
زآنه وفي بالها ..والله انتي المظلومه ..
زآنه تبتسم ..شفتي ماقلت لك اكيد تشابكت الخطوط خوفتينا بكلامك الغبي لاتعيدين هالكلام مره ثانيه
ريم ..هههههههههههههههههه طيب ان شاء الله عمتي
زآنه ..كلمتيه ..؟
ريم ..يس تو كلمته وشكله مشغوووووووول حسيته صرفني
زآنه بالها اكيد انه عندها..ايه يمكن مشغول ريوم ..؟!!
ريم ..هلا ..؟
زآنه ..ريوم متى زواجك ..؟
ريم مستغربه ..اما عااااد سؤال يسدح نفسه وبقووووه
زآنه تبتسم ..لا بس حبيت اسأل
ريم ..ليش ماتدرين ..؟
زآنه ..اممم لا
ريم تبتسم ...بعد شهرين
زآنه خافت ..جد ..؟
ريم مستغربه ..انتي فيك شي وش داعي هالسؤال الحين ..؟
زآنه خافت ان ريم تدري قبل زواجها ..لا قلبي عادي بس حبيت اسأل شفيك انتي وش تحسين فيه ..؟
ريم ..ههههههههههههههههههه ياااربي منك ولا شي المهم انا بنام تبين شي
زآنه تبتسم ..لاسلامتك
ريم ..يالله بايو
زآنه ..بايات
زآنه تسكر من ريم وكانت بجنبها جوآهر ..
جوآهر بخوف..عرفت شي.؟
زآنه تهز راسها..لالا ماعرفت شي مشت عليها الكذبه
جوآهر مقهوره ..وربي لو اشوف عمتي لأ اقتلها هالحقيره مادري وش تفكيرها وش تفكر فيها هذي ليه تبي تخرب مابينا وبدت في ريم حرام عليها عاد حرام
زآنه بتعب ...حسبي الله عليها وبس
سطام يروح للميا
ولميا مبسوطه ...سطااام امي صحت
سطام مبسوط..جد نقدر نشوفها..؟
لميا..لالا مايصلح الحين على الأقل بعد ساعه
سطام يسجد لله ويرفع يدينه ..الحمد الله يارب انك فرحتنا ولا حرمتنا منها ...
ــــــــــــــــــــــــــــــــــــــــــــــــــــــــــــ ـــــــــــ
عند جوآهر وزآنه
فجأه يدق جوال جوآهر
زآنه تناظر ..منو..؟
جوآهر تناظر الجوال وتحمر خدودها..آآآ رهف
زآنه تضحك ..ههههههههههههههههههه طيب ليه تحمر خدودك رهف هذي مو سعد
جوآهر ..هههههههههههههههه احس نفس الشي
جوآهر ترد ..اهلين
رهف..هلا وغلا هلا بك كيفك ..؟
جوآهر ..تمام انتي شخبارك .؟
رهف قاصده ..والله بخير كلنااااااااا بخير
جوآهر تنحرج وتسكت ..
رهف..ههههههههههههههههه سعد هو الي قالي اقول كذا ماالي شغل
جوآهر ...ههههههههههههههه رهف بيجيك كف اعقلي
رهف..هههههههههههههه افااا انطق وانا مرسال الغرام افا بس افا
جوآهر منحرجه..هههههههههههههه رهوووف اكيد هو بجنبك وربي بذبحك
رهف ..هههههههههههههه الا جنبي وتراه يسلم عليييك ويقول لك مشتاااق لك
جوآهر تسمع سعد وهو يقول ..نصاااااابه ماقلت مشتاق لك
رهف تستهبل..افااا يعني مو مشتاق لها افاااااااااا
سعد توهق..وربي بذبحك الا مشتاق لها
رهف..هههههههههههههههههه وربي اعرف اسحب كلام
جوآهر ميته ضحك وحيا ..هههههههههههههههههههههه حرام عليك لاتسوين فيه كذا كسر خاطري
رهف تقلدها...ياااربي كسر خاطري وليه ماكسر خاطرك لما قلتي كف هااا قولي قولي
جوآهر ..هههههههههههههه خلاااص رهوووف
رهف..ههههههههههه ان شاء الله من عيووووني شخبار زآنوه ماشوفها لا بالماسن ولا الجامعه اليوم شفتك من بعيد
جوآهر..يؤ عاد انا اليوم كنت مع زآنه وخوياتها..
رهف..جد ..؟تصدقين ماشفتها يالله معليه فرصه ثانيه ..
جوآهر ..ان شاء الله
رهف..جوجو وش عندكم اليوم ..؟
جوآهر تناظر زآنه ..ماعندنا شي ليش..؟
رهف..نبغى نجتمع قبل لاتبدء الأختبارات ونفلها لأن بدت عز الله ماشفنا بعض..اقول عطيني زآنوه
جوآهر..طيب اتفقو مع بعض وقولو لي
جوآهر تعطي زآنه الجوال ..خوذي رهف تبيك ..
زآنه تاخذ الجوال ..اهلين رهوف كيفك ..؟
رهف..بخييييير كيفك انتي
زآنه تبتسم..والله ماشيه منيحه
رهف ..اقووول متى ناويه تملكين ترى طولتي يختي نبي نشوف مستقبل اخوي خلصينا ملكي
زآنه ..هههههههههههههههههههههههههههه مدري بس ودي مو اللحين ودي قبل زواج ريم ولولو كذا بسبوعين ثلاثه عشان يكونون موجودين
رهف بكل هبال..خلاص بكره ملكي يكونون موجدين
زآنه ..ههههههههههههههههههههههههههههههههه بكررررررره تخيلي اكلمه غيييث حبيبي وش رايك نملك بكره ههههههههههههههههههههههههه
رهف..هههههههههههههههههههههه مافيها شي ابسط مايكون وماتوقع بيعارض
زآنه ..هههههههههههههه شوفي هو ماعنده مانع بس انا مابي خليني اخلص اختباراتي وش طايره عليه امي الله يهداها مو راضيه لازم املك اول مدري ليه
رهف ..خااالتي الله يهداااهااا عنيييييييييييده مدري ليه حطه بالها هالفكره
زآنه ...يالله وش نسوي
رهف..ايه والله المهم شرايكم بكره نجتمع ونفلها ...
زآنه ..خلاص انا ماعندي شي ولا جوجو
رهف..ايه وقولي لريم وتاضي يجون معك ولميا بعد
زآنه ..شوفي بيتكم بيستحون شرايك نخلي الجمعه ببيتنا ..؟
رهف..لا خلوها بيتنا بيتنا بيكون فاضي لأن سعد بيطلع
زآنه تعلق..ايه هين جوآهر موجوده مايطلع
الكل ..ههههههههههههههههههه
جوآهر ...ههههههههههههههههه حرااااااام عليكم وربي بذبحكم
رهف..هههههههههههههههه وربي صدقتي لالا ولا يهمك اطرده وابوي مو موجود وامي بتمشي لمكه تدرين
زآنه ..انا عارفتهم ماهم راضين وحتى انا ابوي بيكون بديوانيه وبنيان طاللع
رهف تحب بنيان ...لييييييييييييش
زآنه مستغربه ..نعم خييير وشو الي ليش ..؟
رهف توهقت..لا يعني ليش مانخليها عندنا حاولي تصلي عليهم
زآنه تذكرت فجأه ..أييييييه ماقلت لك
رهف ..وشو .؟
طبعا زآنه ماتعرف ان رهف تحب بنيان بس جوآهر هي الي تعرف..
زآنه وبجنبها طبعا جوآهر..اليوم عرفت ان جود تحب بنيان انا كنت حاسه
رهف سكتت وبعدين...من جدك..؟
زآنه مبسوطه ..ايه وناسه الله لو تكون مرت اخوي فللللله بتخقق اخوي بالطالعه والداخله هههههههههههههههههه لا والأحلى ان بنيان الحلو شكله مال لها احسه لاجبت طاريها تلخبط هههههههههههههههههههههههههههههه
رهف تضايقت وحست بألم بقلبها..اها الله يوفقهم
جوآهر تناظر زآنه انو ليه تقولين
زآنه ستغربت ...امين يارب ويوفقك المهم خلاص خلي البنات بيجون بيتنا وانتي تعالي خلونا نفلها
رهف من غير نفس..ان شاء الله ارد لك خبر يالله تبين شي (تفكر ) آآآ زآنه شرآيك نأجل جمعه البنآت خليهآ بعدين
زآنه .. ليييش تحمسسست خلونآ نفلهآ
رهف من غير نفس .. لا تذكرت عندي شغله مررره مررره ضروريه
زآنه تبتسم .. خلآص اوكي نخليهآ مره ثآنيه
رهف متضآيقه ... حلو حلو يآلله اخليك الحين تبين شي ؟
زآنه ستغربت ..سلامت قلبك ..
زآنه تسكر من رهف..
جوآهر عصبت ..اذبحك الحين اذبحك ..؟
زآنه مستغربه ..ليييه
جوآهر مستغربه ..أول شي جد جود تحب بنيان ..؟
زآنه نبسطت..أييييييه تحبه تخيلي وانا كنت حاسه بس مادريت غير اليوم
جوآهر تناظرها ومعصبه ...ورهف تحب بنيان
زآنه بققت عيونها ...لآ عاد قولي غير كذا تكفين
جوآهر تضرب زآنه بالوساده ..ورررررربي ججد انك هبله انتي مو اسمك زآآآنه انتي اسمك هبلاااا
زآنه تحط يدها على راسها..طول عمري هبله وربي وش سويت يالله كسرت قلبها
جوآهر تضآيقت..مسكينه جود اكيد الحين رهف بتكره جود
زآنه سكتت ومو عارفه وش تسوي ....
ـــــــــــــــــــــــــــــــــــــــــــــــــــ
بيت جود
كانت جود جالسه بالصاله مع حسن اخوها بسوالف ...يحاول ياخذ بخاطرها عن الموقف الي شافته
فجأه يدق جوالها ..
جود ترد ..هلا مهوش..
مها..هلا بك كيفك ..؟
جود متضايقه ..بخير ...
مها..انتي من كلمتيني الصبح وانتي مو طبيعيه وش فيك ..؟
جود شوي وتبكي..مها تقدرين تجيني الحين
مها...لا تعالي انتي هلي كلهم طلعو تجين ..؟
جود تبي تفضفض لأحد ..اوكي خلاص ثواني واخلي حسن يجيبني يالله
مها..يالله لاتتأخرين
جود تسكر من حسن ..توديني لمها ..؟
حسن حاس ان اخته مره متعبانه ..طيب قولي لامي وانا بركب السياره
جود تقوم ..طيب
جود تروح لامها بغرفتها ...يمه اقدر ادخل ..؟
ام حسن ..ايه يمه ادخلي
جود واضح انهاكانت تبكي..يمه معليش اروح بيت مها..؟
ام حسن مستغربه..ايه يمه روحي بس وش فيك احس انك متضايقه وكأنك باكيه
جود تبرر..لا يمه بس متضايقه ابي اطلع حسن بوديني
ام حسن تبتسم لبنتهآ..طيب يمه روحي وسعي صدرك
جود شوي وتطيح الدمعه من عينها وبسرعه تروح غرفتها تمسح دموعها وتلبس عباياتها وتروح لسياره حسن (اودي سبورت )
جود تركب وهي ساااكته
حسن يوصلها لبيت مها .
حسن ..جود مابيك تتضايقين اكثر انا وديتك عشان لما تقولين لأحد غيري له علاقه بريم يمكن ترتاحين بس حاولي انك تقولين لها ماتقول لأحد لان الواضح من سطام مايبي يبين لريم
جود تبتسم ..أن شاء الله
جود تنزل من السياره وتضرب الباب
مها تجي تفتح الباب
جود تدخل وتضم مها وتبكي
مها مستغربه وتضمها ...يوووه يوووه وش فيييك
جود تبكي وتضم مها
مها تستهبل..الله لهدرجه مشتاقه لي
جود تبعد عن مها..مهووووش لاتستعبطييين
مها ..هههههههههههه حياك الله ادخلي و قولي لي شفيك.؟
مها وجود يدخلون للمجلس ويجلسون
مها ..ثواني بدخل وبجيك
جود تمسح دموعهآ..اوكي
مها تدخل تكلم السايق يجيب لهم خرابيط وسناك ...وشبسات
جود تتضبط وتفصخ عباياتها ...وتجلس بعد دقايق تدخل مها
وتجلس قبالها
مها بكل تمعن..يالله قولي لي وش فيك .؟
جود على طول تنزل دمعه من دمعاتها.. يامها مدري وش اقول حيرانه مدري وش اسوي احس لو سكت اخاف اكون خاينه واخاف لو تكلمت اخرب بيوت
مها مستغربه وبخوف ..لا من جد موضوعك كبير وش تقولين انتي فهميني وش صاير
جود تاخذ كلنكس تمسح دموعها...قبل يومين انا وحسن كنا متغدين برا
وكان حسن بيدفع الحساب تأخر قلت له انا بروح اركب السياره
وانا طالعه (ترجع تبكي اكثر وبتردد) شفت قدامي سطام زوج ريم ومعه منيره بنت عمة ريم
مها تناظرها ومستغربه ..ايييه ..؟
جود تبكي مو قادره تتكلم ..كان ماسك يدها ولما شافني كيف اناظر فيه راح للجهه الثانيه وكانت تدلعه بأسمه وتقول له وين رحت ...راحت بجنبه ومسكت يده مها وشتتوقعين هذا..؟
مها تناظرها ومن هول الصدمه مو مستوعبه ..انتي من جدك تتكلمين ولا مسويه فيني مقلب ..؟ترا ماحب هالمقالب الغبيه
جود تبكي وترفع غرتها وعيونهآ تمطر دمع..وربي ماكذب عليك انا شفت هالشي قبالي وبعيني اقولك من كثر ماحس اني اناظره ومصدومه بعد عن منيره وراح للجهه الثانيه
مها يدق قلبها بقوه ..قلتي لريم ..؟
جود تمسح دموعها ..مستحيل انا مو موجنونه اقول لها بس اخاف لاسكت خنتها ولا قلت خربت بيتها مدري وش اسوي
مها تغمض عيونها وتبكي..لا لا الا ريم مو مع ريم تصير الدنيا ضدها لا مابغينا تنفتح لها الدنيا كذا تتسكر على طول ..؟
جود متضايقه..وربي لي يومين وانا ميته من التعب احاتي مدري اقول لها ولالا
مها تبكي ..طبعا ماتقولين لها مجنونه انتي شيلي من بالك انك تقولين لها وحتى لا قالت لنا راح نبين ان حنا ماندري عن شي ومنصدمين وكأن حنا اول مره نسمع بهالسالفه
جود تبكي..وررربي زي ماقال حسن
مها بخوف..شفتي عشان كذا لا تقولين لها شي
مها ويدق جوالها فجأه السايق.
مها ترد..ايوه ..؟
مرجان ..انا برا..
مها ..اوكي مراتي الحين تجي تاخذ منك الأشياء
مها تقوم .ثواني بس
مها تمسح دموعنا وتنادي مراتي شغالتهم .مرااتي ...مراااتي
مراتي تجي ..يس .؟
مها..خوذي الأشياء من مرجان وحطيهم بصحن وضبطيهم وجيبيهم ..
مراتي ..اوكي
مها ترجع لجود ..
مها بتعب..طيب ماحد يدري من اهله معقوله ريم ماتدري..؟انتي متأكده انها منيره ..؟
جود تهز راسها وبقمه التعب ..أيه متأكده لأنها كاشفه وانا اعرف منيره مو ماعرفها
مها ..ومتأكده انه سطام ..؟
جود تبكي..ايه متأكده انا اعرف سطام زي ماعرف ريم
مها تشتت كل افكارها وصارت مشتركه بالجريمه الي سطام ومنيره مسوينها ...
جود بخوف...طيب يعني ماتتوقعين لو اقول لزآنه ..؟
مها عبست ..زآنه تتوقعين مادريت .؟
جود تمسح دموعهآ..ماتوقت لو درت كان قالت لها ولو درت هذا معناه الكل يدري
مها..مو شرط عادي يمكن هي درت بالصدفه ولو نقول لها جد احسن
جود..خلاص اقرب فرصه لازم نقول لها
جود ومها جلسو يفكرون ويخططون وش بيقولون لزآنه يمكن يلقون طريقه ماينخرب بها بيت ريم
ــــــــــــــــــــــــــــــــــــــــــــــــــــــــــــ ــــــــ
بالمستشفى . . .
سطام جالس بالغرفه ولميا تقرا قرأن
ام سطام تنتبه تفتح عيونها...
لميا تقوم لأمها تبكي ...يمه ..؟ انتي بخير..؟ طمنيني
سطام يجي يطمر لجهه امه..يمه انتي بخير..
ام سطام تناظر ولدها وتغض النظر عنه وتناظر لميا وبتعب..انا بخير يمه لاتخافين انا بخير لاتبكين يايمه
سطام ينزل راسه ويرجع لورى..
لميا تناظر اخوها وتناظر امها...يمه وربي سطام مظلوم
ام سطام تسكر عيونها..لاتجيبين لي طاريه انا ماعندي ولد خلاص ماعندي الا بنتين
قولي له يروح عني مابي اشوفه قولي له يطلع
سطام سمع الكلام وكأنه سكين دخلت بقلبه ...
سطام يطلع من الغرفه لما سمع الكلام حس انه وده يفجر حاله ويمشي بأسرع مايمكن ويركب سيارته ..ويمشي بأسرع مايمكن بين الشوارع يمشي بسرعه يخطف الأشارات ولا يدري وين يروح وين يرمي روحه فيه عند منيره زوجته وعمته الي خربت كل حياته..؟
ولا يرمي على حاله بالشآليهآت
ولا يروح بيتهم فيه ريحه امه وامه تبرت منه وحسبته انه ميت
ولا يروح لساري الي خان اخته مع بنت عمته
ولا ولد عمه الي اقرب ماله الي هو ولد عم ريم
ـــــــــــــــــــــــــــــــــ
هنآ ينتهي البآرت توقعون وش بيصير ؟
ام سطآم وش بتسوي مع سطآم ؟
لميآ وش بتسوي عشآن امهآ ترضى على اخوهآ
بتعرفون بالبآرت الي بعده

الله يعظيكى العافيه وريم ماراح تدرى الابعدزواجهم بس نبي نعرف شلون سظام بيراضى امه ويترى بتقبل بمنيره ولالا وبنتظار البارت الجاي

الله يعطيكي العافيه حبيبتي بارت روعه واتوقع ان لميا بتقول لامها كل شي عن زواجه بمنيره او بيسير له حادث وبتسامحه امه والي الامام

بعدقلبي انتو اسعدني مرررررررررررررررررره ردودكم
وسوسو حسسسسيت من جد مره مره حمستيني
ومن عيوني الحين بكمل يكمن تأخرت بس معليش ضروف , ,