كاتب الموضوع :
بياض الصبح
المنتدى :
القصص المكتمله
البارت السابع
&&&&&&&&&
مرت ثلاث أيام من أخر أحداث صارت
مرت ثلاث أيام من أخر مره شافت فيها سليمان في المكتب
مرة ثلاث أيام من يوم مسكت فيها العنود وهي تحاول تأخذ صورها
وهي لحد الحين مو عارفه ليش
مرة ثلاث أيام وحست انها ما سوت شي وكأن عزيمتها صارت تهبط وتقل شوي شوي
انين: انا وش فيني ما سويت شي لحد الحين والله اللعبه كذا تصير ممله وآنا ما تعودت على اللعب الممل وجاء وقت بعض التشويق و الأكشن وهالروتين الممل في البيت لازم يتغير لازم تدخله الدراما شوي ههههههههههه وآنا اعرف كيف ادخل الأكشن لها البيت
قامت وخذت عبايتها علشان تطلع بعد ما استاذنت من ابو سالم وهي نازله الدرج
انين:انتيا ....أنتي يا انتيا
انتيا:نعم ماما
انين:فتحي عيونك عدل انا طالعه
انتيا:ان شاء الله
طلعت ركبت مع السواق وراحت للمكان الوحيد اللي تحس انه يغذي إحساسها بالانتقام وينشط أفكارها الخبيثه ويزيد من حقدها وهذا هو الشي الوحيد المحتاجه له
&&&&&&&&&
في الشركه
ابو سالم بعصبيه:كيف صار هالشي كيف
سالم:هد بالك يا يبه
ابو سالم:وش اهدي ....وجلس على كرسيه وهو يفتح أزرار ثوبه:المناقصه راحت علينا وأنت تقول هد بالك انت تعرف وش كثر كنا بنربح من وراها لو رست علينا
سالم:ان شاء الله المناقصات الجايه تكون من نصيبنا
ابو سالم:ابغى افهم شي واحد على مين رست المناقصه
سالم:والله يا يبه ما عندي أي فكره
ابو سالم رجع لعصبيته:ما عندك فكره شلون يعني ابغى اعرف الحين على مين رست احنا حاطين سعر خيالي كيف تروح منا
سالم:على أمرك الحين أروح وأشوف على مين رست
وطلع من المكتب قبل لا ينفجر فيه ابوه
السكرتير :طال عمرك السيد خليل برا
ابو سالم وهو يحاول يسترخي:خله يتفضل
السكرتير:ان شاء الله
فتح الباب ودخل خليل :السلام عليكم
ابو سالم:وعليكم السلام..تفضل
جلس خليل :أخبار الشغل
ابو سالم :الحمد لله
خليل وهو يمد الملف :انا جاي بنفسي علشان ابغى منك توقيع سريع على هالأوراق لاننا ما نقدر نكمل الشغل من غير توقيعك عليها راح يوقف الشغل
ابو سالم وهو يأخذ الأوراق:كان أرسلت السكرتير أو احد من الموظفين ماله داعي تتعب نفسك وتجي
خليل:انا متعود اخلص الشغل المهم بنفسي وما اعتمد على احد بعدين الأوراق لازم تتوقع على السريع وإذا أرسلت احد بتأخذ وقت ماله داعي فقلت أجي وأباشر موضوع هالأوراق بنفسي أفضل
ابو سالم:وهذي تخص ايش
خليل بابتسامه:تخص الموارد اللي راح نستوردها علشان المشروع
ابو سالم:مو مشكله
خليل:محتاج الأوراق تراجعهم
ابو سالم: لا انا واثق منك وشريك مثلك يا خليل ما يحتاج ابد الواحد يتابع معاه كافي مشاركتنا سوا وبعدين ليش اخاف منك وآنا وأنت على نفس المركبه وإذا خسرت راح تخسر انت وإذا انا كسبت راح تكسب انت
خليل :أحب هالسياسه في شغلي
ابو سالم:وآنا أعجبني بعد هالشرط اننا نكون سوا في الربح والخساره وهالشرط طمني من ناحيتك
خليل:يسعدني اسمع هالشي منك
ابو سالم مسك القلم وصار يوقع قدام أنظار خليل اللي تنسج في عيونه الكثير من المعاني والكلمات
&&&&&&&&&&&&&
سمر وهي جالسه في الصاله على غير العاده رن جوالها بمسج وعرفت مين المرسل فتحت المسج
اكتبني في حياتك عاشق مجنون ما مل اشتياقه
ما اعرف وشلون يقرا العشق أو يكتب غرامه
ارسميني صورة الولهان بألوان الطفوله
تجرحه كلمه وتجيبه ابتسامه
مغرم فيك لو رفض يبدي غرامه
تفضحه كلمه ومقصده اهتمامه
ابتسمت على كلماته الجميله ما تنكر في البدايه كانت تتضايق وتحس ان هالشي غلط بعدين خلال الثلاث الأيام اللي فاتوا بدت تحس انها ما تقدر تصحى الصبح ولا يمر صباحها من دون هالمسجات اللي تصبح وتمسي عليها بأرق الكلمات وأجملها حطت الجوال على الطاوله ورجعت لكتابها وهي تحس قلبها بدا يميل ويرفرف اتجاهه
&&&&&&&&&
في غرفتها (على الجوال)
غدير :انا عندي خطه ثانيه
العنود:أقول أنطمي أنتي وخططك اللي زي وجهك أخر مره بغيت أنصاد والله لو احد ثاني ماسكني كان رحت فيها
غدر:انا وش يخصني إذا كنتي أنتي غبيه وما تنتبهين
العنود:والله ما الغبي إلا أنتي
غدير وهي تفكر:أقول العنود ابغى أجي بيتكم
العنود:ليش ان شاء الله
غدير :أنتي خليني أجي وبعدين أعلمك
العنود:اوكي تعالي وخليني أشوف أخرتها معاك
غدير وهي كلها خبث :لا تخافين بتشوفين من وراي العجب
العنود :نشوف
شوي ودخلت انتيا بالعصير على غدير وحطته على الكومنديه وطلعت
&&&&&&&&&&&&&
وقفت السياره قدام بيتهم دخلت وهي عارفه ان أخوها مو موجود صعدت فوق وصارت تناظر أخر غرفه بالممر وزي كل مره تحس بثقل في رجولها وكأنها مو قادره تشيلها كان رجولها صارت من صخر وتحس بضيقه يمكن لأنها لحد الحين ما حققت الوصيه
فتحت الباب وكانت الغرفه منوره بنور الشمس مشت لداخل لحد ما جلست على سريرها وهي تتنهد
انين:ااااه ياخالتي وش كثر اشتقت لك وش كثر اشتقت لحظنك الدافي أحس من بعدكم يا أهلي الدنيا مالها طعم ولا لون
حست بدمعه على خدها حاره من شدة كرهها له وهذا اللي تبغاه يزيد كرهها وحقدها غمضت عيونها وتذكرت خالتها وصارت تتخيلها وهي على هالسرير مريضه يا ما تألمت من قلبها وتعب قلبها يا ما هم تعبوا وتألموا في كل مره يشوفون فيها خالتهم بها الشكل وكانت نهايتها انسداد شريان في قلبها
طول وقتهم شافوا خالتهم ضعيفه ما تقدر تسوي أي شي غير انها تنقل وصيتها لهم وخصوصا انين
وصار تسترجع الماضي
صفى وهي تمسك يد انين:أوصيك بشي واحد يا بنتي
انين وهي ماسكه نفسها لا تبكى:قولي يا خاله
صفى:أختي اللي هي أمك وأبوك لا تنسينهم ....وتكمل وهي تبكي:راشد خذي حقهم من راشد
انين:لا تخافين يا خالتي انا وعدت نفسي وراح أوفي بها الوعد
صفى:انتقمي منهم دمريه ودمري كل عيلته مثل ما دمرنا وخلاني اخسر أختي وأخر شخص من عائلتي
انين وهي تمسح دموعها:راح أسوي كل اللي تبغينه بس ارتاحي يا خالتي
صفى:تمنيت لو انا اللي اخذ بثأرها واشفي غليلي بس التعب هدني لحد الحين وآنا اسمع ونات وانين صوت سلمى في أذاني.....وصارت تبكي:اوعديني يا انين اوعديني تدمرينه وتخلينه يخسر كل ما يملك وتحرقين قلبه مثل ما حرق قلوبنا
انين وهي تمسك يد خالتها وعيونها مليانه حقد:أوعدك ..أوعدك انه راح يبكي قهر ودم و أوعدك إني أريح الكل
صفى وتعبها يزيد:بردي حرتي وآنا تحت التراب
انين:لا تقولين هالكلام أنتي ان شاء الله بتعيشين وبتشهدين على كل شي
صفى وهي تبتسم ابتسامه باهته:ما بقى في العمر كثر ما مضى بس انا بشوف حسرته ودمعة خسارته من خلال عيونك أنتي يا بنتي
انين:لا تقولين هالكلام ما بقى لنا انا وبشار احد غيرك ..وتكمل وهي تمسح دموعها :وبعدين أنتي قويه بس يبغالك تداومين على العلاج وترتاحين وتكونين بخير
بدت تسمع صوت خالتها وهي تتألم
انين بصراخ:بشار بشاااااااار
ودوها المستشفى ودخلوها على طول الغرفه والدكاتره اجتمعوا عليها وبعد انتظار طويل طلع الدكتور وهي لحد الحين تتذكر شكل وجهه
الدكتور:أسف ما قدرنا نسوي شي
بشار:وش قصدك
الدكتور:شدو حيلكم
وبعدها عرفوا ان صار انسداد في شريان القلب تسبب في وفاتها
رجعت للحاضر على رنة جوالها
انين:هلا
بشار:أخبارك يا حلو وين الغيبه
انين وهي تمسح دموعها وبصوت مبحوح:هههه الحمد لله
بشار باستغراب :انين فيك شي
انين :لا ابد انت وينك فيه
بشار :في البيت
انين :خلاص جايه في كلام كثير لازم نقوله
بشار:اوكي بانتظارك
&&&&&&&&&&&&&&&
طلع من الشركه ومعاه خليل ولما وصل البيت دق على أخته
بشار وبابتسامه:إخبارك يا حلو وين الغيبه
بشار باستغراب :انين فيك شي
وخليل انتبه على الاستغراب المبين على وجه بشار وظل يسمع
بشار :في البيت
بشار:اوكي بانتظارك
صك جواله وهو يفكر
خليل:بشار وش فيك صاير شي
بشار:ها ...لا ولا شي بس
خليل:بس وشو
بشار:ما ادري حسيت ان صوتها فيه شي
خليل وهو يتذكر انين :هي ما تغيرت
بشار:قصدك انين
خليل :هي لحد الحين خبيثه
بشار:ههههههههههه
صوت انين من فوق:لحد الحين خبيثه ولا تغيرت ولا راح أتغير
التفتوا اثنينهم متفاجأين
بشار:أنتي هنا وآنا ظنيتك في بيتك
انين وهي تنزل الدرج:لا هنا
ووقفت وهي تطالع خليل وخليل يطالعها
خليل:والله زمان
انين :تغيرت كثير صرت من رجال الأعمال
خليل:بس أنتي ما تغيرتي
انين:ولا راح أتغير
جلسوا
خليل:أخبارك يا حرم ابو سالم
الكل:ههههههههه
خليل:الصراحه انا ما توقعت إنكم تكونون جادين في سالفة إنكم تنتقمون منه ظنيت انه كلام مراهقين مقهورين بس عرفت إنكم جادين لما عرفت بموضوع زواجك من ابو سالم
(طبعا خليل يعرف بسالفة انين وبشار كلها لان بشار يثق فيه عكس انين )
انين:وبما انك تذكر هالموضوع أكيد تذكر انك وعدتني ولا انا غلطانه
خليل:أكيد ما نسيت
بشار:عن وشو تتكلمون
خليل:سالفه قديمه
وسرح يتذكر لما سرق أخر سرقه وخاف ان الشرطه تمسكه يتذكر لما جاء لهالفله علشان يطلب من بشار يخبيه وفعلا خبأه بس خالتهم رفضت لما عرفت بوجوده وطردته
ويتذكر لما بشار راح يكلم خالته علشان يقنعها تخليه يظل وهو قرر انه يطلع من نفسه علشان ما يسبب لبشار أي مشاكل وسمع صوتها يناديه
انين:خليل
خليل:نعم
انين:رايح
خليل:ما ابغى اسبب لكم مشكله وخالتكم معاها حق راح تصير لكم مشاكل من وراي
انين :وين بتروح
خليل:ما ادري بس بدبر عمري
انين:انا مستعده ألقى لك مكان تتخبى فيه بس بشرط
خليل وهو مستغرب انها مهتمه:وشو شرطه
انين :انك لما تكبر وتصير تاجر واحتاجك تلبي حاجتي مهما كانت
خليل:وأنتي ليش واثقه إني بصير تاجر
انين:اللي مثلك يكبرون وبسرعه بعد...ها توعدني إني لو احتجتك في المستقبل راح تلبي حاجتي
خليل وهو يفكر في المستقبل يحلها الحلال :اوكي بس وين بتخبيني فيه
انين مدت له ورقه فيها عنوان وهو اخذ الورقه
انين :بشار راح يوصلك على هالعنوان وهم راح يستقبلونك وهم ناس اعرفهم
خليل:طيب ...أنتي ليش مهتمه وتبغين تساعديني..
وجاء بشار ومعاه المفتاح السياره علشان يوصله وما جاوبت انين على سؤاله ولما جاء بيروح
انين:خليل لا تنسى وعدك
خليل:ما راح أنساه
وبعدها وصلوه على العنوان اللي كان لوحده اسمها حلا وهي بنت صايعه وبدفعت فلوس استقبلته لحد ما ضبط أموره وسافر بالفلوس لأميركا وعرف كيف يشغلها وكبر شوي شوي وصار من اكبر رجال الأعمال وأخبار انين وبشار كان توصله لان بشار ظل متواصل معاه
رجع للواقع على صوت جوال بشار يرن واستأذن علشان يكلم
انين وهي تطالع خليل:جاء وقت توفي بوعدك
خليل:من سنين وآنا خاطري اعرف وشو بتطلبين مني
انين وهي تبتسم :هي شغله صغيره
خليل واللي ما أعجبته ابتسامتها لأنه حس وراها شي:اللي هي
انين:اسمع..........
&&&&&&&&&&&&&&&
في الشركه
ابو سالم:ها عرفت على من رست
سالم:ايه يبه على شركه (............)
ابو سالم:أول مره اسمع باسم هالشركه بالسوق
سالم:والله يبه حتى انا استغربت لما عرفت باسم الشركه
ابو سالم:ومنهو صاحبها
سالم:هذا الغريب يا يبه ما نعرف صاحبها وظنتي هذي شركه جديده في السوق
ابو سالم وهو يفكر:ابغاك تعرف لي من يملكها سمعتني يا سالم
سالم:ان شاء الله بحاول اعرف مالكها
سالم بتردد:يبه
ابو سالم:خير
سالم:يبه بغيت منك تخطب لي
ابو سالم باستغراب:اخطب لك
سالم:ايه يبه ليش مستغرب
ابو سالم:مو وقته
سالم:بس يبه وسكت
ابو سالم وهو ينزل نظارته:في احد معين في بالك
سالم بفرحه:ايه يبه بنت خالتي غزلان
ابو سالم:هممهم والله زين ما اخترت
سالم:يعني يبه موافق
ابو سالم:ايه بس ابغاك تصبر علي أسبوع لحد ما ارتب بعض الأمور بعدها بنروح نخطبها لك
سالم وهو يحب رأس ابوه:تسلم يالغالي
ابو سالم بضحك:لها الدرجه ههههههه
سالم:يله عن أذنك
ابو سالم وهو يضحك:أذنك معاك
وطلع من عند ابوه وهو يحس خلاص انه بيجتمع مع حلم العمر قريب
&&&&&&&&&&&&&
خليل بتفاجأ:أنتي عارفه وش تطلبين
انين بهدوء:أكيد عارفه
خليل:اللي تطلبينه مستحيل سامعه يا انين
انين بإصرار:بس انت وعدتني
خليل:في ذاك الوقت يوم وعدتك توقعت انك راح تطلبين شي بسيط مو مصيبه مثل هذي
انين بابتسامة سخريه:راح تسوي اللي طلبته أو لا
خليل:أنتي ما تعتقدين ان انتقامك راح يتحقق وقت ما يفلس اعتقد ان هالشي كافي
انين وقفت بعصبيه:لا مو كافي راح اخسره كل شي راح أعذبه وأدمره
خليل وهو يوقف:طيب هو اخطأ وش ذنب عياله لا تأخذينهم بذنب أبوهم
انين:ذنبهم انه أبوهم.......وعطته ظهرها:ها خليل وش قلت بتجيب لي اللي قلت لك عليه ولا لا
خليل وهو يفكر وباستسلام:خلاص راح أجيب لك اللي قلتي لي عليه واخلص من الوعد اللي قطعته عليك بس تذكري ان كل اللي تسوينه ذنبه برقبتك
انين وهي تبتسم:انت سو اللي طلبته وما عليك من الباقي وتراني ابغاه اليوم
خليل:اليوم لا لا ما ينفع
انين:لازم اليوم
خليل تنهد :أحاول أجيبه اليوم
رجعت تبتسم ابتسامه خلت خليل عارف انها ناويه على مصايب مالها حدود وهو عارف ان في الأخير ما في احد راح ينضر كثرها
جاء بشار:ها وش صاير ليش أصواتكم واصله
خليل وهو يطالع انين:ولا شي انا رايح
بشار :وين تونا بدري
انين:خله يروح وراه أشغال لازم يخلصها اليوم
خليل:مع السلامه
وطلع
بشار:انين وش صاير
انين:ما صار شي اقعد ابغاك في سالفه
بشار وهو يقعد:عسى ماشر
انين:وش سويت مع سمر قدرت تكلمها
بشار:لحد الحين ما صار لي 3 أيام من بديت معاها
انين :ماله داعي ننتظر أكثر اليوم لازم تبدأ تكلمها
بشار وهو عارف أخته زين ما قالت هالكلام إلا وراه معنى:قولي فكرتك أعرفك أكيد مو خاليه
انين ابتسمت:اسمع.........
&&&&&&&&&&&
في مكان بعيد(في البر)
من أخر مره شاف مرة ابوه ما رجع للبيت قال لأهله انه طالع البر مع ربعه زي العاده
حمود:وش بلاك
سليمان:ها ..لا ولا شي
حمود:وشلون ما في شي وأنت كله سرحان ومنت سليمان اللي نعرفه
سليمان:هذا انا ما تغيرت بس في موضوع شاغل بالي
حمود:عسى ماشر وآنا اخوك
سليمان:ماشر يا خوي ماشر
حمود وهو يبتسم:ما دام ما فيك شي يله قوم قدامي العشاء اليوم عليك
سليمان:يله مناك انا خلوها علي بكره
حمود وهو يقومه:يله بلا أعذار قوم يله
سليمان :ههههه زين بتصدق عليكم واطبخ واكسب فيكم اجر
حمود:ايه تكفى يا شيف اسامه
سليمان:ههههههههههه
&&&&&&&&&&&&
لبست ونزلت وشافت سمر بالصاله وراحت تفتح الباب
العنود:هلا والله
غدير:آهلين
العنود:تعالي نصعد على طول غرفتي علشان تقولين لي اللي عندك
غدير :يله
مروا بالصاله
غدير:السلام عليكم
سمر بابتسامه:وعليكم السلام ..هلا
العنود:غدير صديقتي
سمر :آهلين
العنود:وهذي أختي سمر
غدير :هلا والله تشرفنا
العنود:سموره احنا بنصعد فوق قولي لانتيا تسوي لنا عصير
سمر:ان شاء الله من عيوني
العنود:تسلم عيونك ....وصعدوا فوق وسمر راحت تقول لانتيا تسوي عصير للعنود وغدير
وهم يدخلون الغرفه ويجلسون
العنود:ها قولي لي بسرعه وش الكلام اللي قلتي بتقولينه لي
غدير:ول عليك اصبري اخذ نفسي واشرب العصير
العنود:والله انك فاضيه قولي والعصير ماهوب طاير
غدير :أول قولي لي مرة أبوك النسره هذي وينها ابغى أشوفها
العنود عفست وجهها :ليش ان شاء الله
غدير:فضول
العنود:الحمد لله والشكر والله ما عندك سالفه
وسمعوا طقت الباب
العنود :ادخل
دخلت انتيا وحطت العصير وطلعت وهي طالعه تركت جزء من الباب مفتوح على خفيف وبدت شغلها بأنها تسمع علشان تنقل كل شي مثل ما طلبت منها معزبتها الجديده
&&&&&&&&&&&&&&&&&
طلعت من أخوها بعد ما فهمت كل شي بالتفصيل الممل وانه لازم يضبط الدور عدل وهي من ناحية التمثيل عارفه انه راح يبدع لأنه تربيتها وعارفته عدل
رفعت جوالها واتصلت على رقم من زمان ما اتصلت فيه وجاها صوت كله دلع
حلا:هلو
انين:وأنتي لحد لحين على ما أنتي عليه
حلا:مين معاي
انين:تو.. تو ما توقعتك تنسيني يا حلا
حلا واللي عرفت هالصوت :ههههه هلا والله بأنون
انين:هلا فيك
حلا :غريبه طرينا على البال بعد كل هالمده
انين :ابغى اشوفك الحين
حلا :الحين ما ينفع
انين واللي سامعه عندها صوت الإزعاج والموسيقى وان في احد عندها:انا بارتي بالليل سمعت بس بالنهار هذي جديده علي
حلا:ههههههه مع حلا كل شي يصير
انين :وهذا الموضوع اللي ابغاك فيه وصدقيني فيه ربح لك وربح كبير بعد
حلا:مادام السالفه فيها فلوس خلاص نص ساعه وأكون عندك بس وين
انين: بمجمع (.......) في مطعم(.......)
حلا:عرفته نص ساعه وأكون عندك
انين :اوكي
وقالت للسواق يوديها المجمع
&&&&&&&&&&&&
دخل البيت وهو مبسوط وشاف أخته بالصاله
سالم وهو شاق الحلق:السلام عليكم
سمر وهي ترد له الابتسامه:هلا وعليكم السلام دوم ان شاء الله
سالم:وش هي
سمر :هالفرحه
سالم وهو يجلس جنب أخته:والله إني احبك
سمر تحس ان أخوها انهبل:ههههههه وآنا بعد بس وش سالفتك
سالم:كلمت أبوي انه يخطب لي
سمر بفرح:صدق وبعدين
سالم:وافق وقال لي أعطيه بس فرصه أسبوع وبعدها راح يخطب لي
سمر:ما يحتاج أكيد حب الطفوله غزوله
سالم:ول لها الدرجه الكل عارف
سمر:ههههههه لا لا تخاف مافي احد يدري وعارف إلا انا
سالم:اشوي ولا لو سليمان والعنود يدرون وش يفكني من لسانهم
سمر:ههههههههه لا تخاف انا بفضحك عندهم
سالم:ما تسوينها اعرف اخوك ما يهون عليك
سمر:كم تدفع
سالم وهو يمسك أخته ويخرب لها شعرها:انا اوريك تهدديني
سمر وهو تضحك:خلاص ...خلاص والله امزح
سالم :ايه تأدبي...... وقام بيصعد فوق ونادته سمر:سالم
سالم:هلا
سمر:الله يتم عليك ويديم الفرحه بقلبك
سالم:تسلمين يالغاليه
وصعد فوق وهو يدندن ويغني
وصارت تبتسم وتضحك على أخوها وتدعي ان الله يوفقه
&&&&&&&&&&&&
وصلت الجمع وراحت تشتري لأبو سالم هديه
انين وهي تحط الهديه بالكيس:ههههه والله خساره في هالشيبه بس لزوم إني أبين إني ميته عليه ولا كل أموري راح تفشل
سمعت صوت جوالها وردت
انين:نعم
حلا:وينك
انين:وصلتي المكان
حلا:يس
انين:جايه دقايق وأكون عندك
حلا:اوكي
ركبت السلم المتحرك وصعدت جهة المطاعم ودخلت ودورت بعيونها ولقتها
انين:السلام عليكم
حلا:هلا وعليكم السلام وسلموا على بعض
انين وهي تجلس:ها وش تشربين
حلا:نسكافيه
انين :اوكي....... وطلبوا
حلا: ها وش الموضوع
انين ابتسمت :هذي انت ولا يمكن تتغيرين تموتين بالفلوس
حلا :هو في شي غيرها يرزنا
انين :انا راح أغرقك فلوس بس لو سويتي اللي راح أقوله لك
حلا :قولي وآنا تحت رهن إشارتك
انين :وهذا المطلوب
حلا :انا أسمعك
انين :ابغاك تجيبين بنت لوحده من شققك
حلا :ما فهمت
انين :راح أفهمك في بنت قاهرتني ومضايقتني وآنا ابغى ازيحها من دربي
حلا :طيب
انين :بعطيك اسمها وكل المعلومات اللي تلزم وابغى منك في ظرف فتره قصيره تجيبينها في وحده من شققك
حلا :وبعدين
انين بضحكه :ولا قبلين اتصال بسيط و يمسكونها
حلا :وهي تكمل وتقضي أحلى ليله وراح تتعرف على مثيلاتها بالسجن
انين وهي تضحك بخبث :ههههههههههه عليك نور
حلا وتحولت لجهة الطمع والجشع: بس هذا كله راح يكلف الشقه والزباين اللي راح اخسرهم
انين :لا تخافين راح أعوضك وأنتي تعرفيني عدل كريمه
حلا :وآنا استأهل
انين وحلا :ههههههههههه
وصارت انين تعطي حلا كل المعلومات اللازمة علشان تبدأ شغلها
&&&&&&&&&&&&&&
العود:والله منتي هينه يا غدور
غدير:ها عجبتك الخطه
العنود:موت والله وبتنطرد زي الكلبه هههههههههه
غدير:علشان تعرفين إني غدور مو حيا الله
العنود:وآنا اشهد
انتيا اللي سمعت الكلام ركضت على التلفون واتصلت عليها
انين وبعد ما خلصت من حلا وهي طالعه من المجمع : الو
انتيا:ماما الحق تعال سرعه
انين:وش صاير
انتيا:هزا انود معاها نفر اسمه غدير وهم ابغى اطرد أنتي
انين:ايش وبعدين
انتيا/:انا اسمع هزا نفر غديرقول في حط جوال كله رسائل ومكالمات ما في كويس في غرفت أنتي علشان بابا كبير شوف بعدين اطرد أنتي
انين :طيب انتيا خليك عند غرفتي وتأكدي ان ما في احد يدخلها لحد ما أوصل
انتيا:حادر ماما
انين:جاء وقت أشوف وش سالفة غدير هذي بعد انا قلت العنود غبيه ما تقدر تسوي شي لحالها
وركبت السياره وعلى طول الفله وصلت ودخلت وراحت على طول لغرفتها بعد ما سلمت على سمر
انين:ها انتيا في احد جاء ناحية غرفتي
انتيا :لا ماما
انين:زين وينها هذي اللي اسمها غدير
انتيا في غرفه انود
انين:طيب العندمعاها
انتيا :لا ماما هزا انود انزل تحت
انين:حلو
وراحت ناحية غرفة العنود ودخلت وشافت بنت تقريبا كب العود
انين بابتسامه:أكيد اتي غدير
غدير باستغراب:ايه من أنتي
انين:انا زوجة ابو العنود
غدير:اهلا
انين وهي تقرب منها وتغير نبرة صوتها لصوت مخيف مهدد:شوف انا بجيبها من الأخر انا اعرف كل سوالفك أنتي والعنود وانكم تخططون إنكم تبلوني بمصيبه بس انا بقولها لك نصيحه ابعدي عن العنود وعن امورها ومشاكلها لاني صدقين لو شميت بس خبر انك قربه معاها ولا تساعدينها تدري هذا ايش معناته
غدير بقوة مصطنعه:وش معناته
انين بابتسامه مخيفه:معناته ني راح اعتبرك عدوتي وصدقين ما تبغين تكونين ضدي لاني بكل بساطه ادمر اعدائي بكل سهوله وبدون رحمه
غدير :انا ما اخاف منك والعنود صديقتي
إني وهي تجلس وتحط رجل عل رجل:وقت ما تطيحين بمصيبه صدقيني أول من يعطيك ظهره لعنود أنتي تدرين ني اقر ادمرك بهذا.....وهي ترفع جوالها
غدير:هههه لا والله خوفتيني
انين :ازم تخافيني لان اتصال بسيط من احد اللي يشتغلون عندي وطلب صغيرور انهم يتصلون على اخوك أو ابوك ويكذبون كذبه صغيروره راح تروحين مللللللللح
غدير خافت:ما تقدرين تسوينها
انين:ما اعتقد انك تبغين تجربين معاي أو تتحديني لان الثمن راح يكون حياتك اللي راح يأخذها منك اهلك
غدير:سكتت وماردت
انين:إذا ما تبغين أي مشاكل تاخذين قشك وتطلعين الحين من البيت ولا عاد اشوف وجهك مره ثانيه هنا والعنود ما ابغى اعرف انك كلمتيها أو حتى سلمتي عليها مجرد سلام
العنودجات وشافت انين:إني وش تسوين هنا ومن سمحلك تدخلين غرفتي
انين:هذا جزاتي جايه اسلم على ضيفتك
العنود:اطلعي برا رفتي وما لك شغل بصديقلاتي
انين :اوكي حبيبتي وقامت وطلعت وهي تطالع غدير بنظرات تخوفها
العنود:مالت عليها والتفتت شافت غدير تأخذ عبايتها وتلبسها
العنود:وين باقيما خلصنا كلام
غدير وهي تلبس عبايتها بسرعه:خلاص خلاص انسي كل اللي قلته
العنود:ايش أنتي وش قاعده تقولين
غدير:اللي سمعتيه انا من اليو ورايح مالي دخل في مشاكلك
العنود:هالحيه وش قالت لك
غدير:ما قالت شي بس الله يعينك عليها يالعنود هذا كل اللي اقدر اقوله .....وخذت شنطتها وطلعت بسرعه
العنود متفاجاه من تغير غدير السريع وعرفت ان انين هي السبب وقررت تنفذ اللي قالته غدير معاها أو بدونها
نزلت انين وهي تضحك بعد ما شافت غدير تطلع وشافت سمر بالصاله
انين :الحلو اليوم في الصاله
سمر:قلت أغير شوي من الحبسه
انين:زين تسوين
وشافت جوال سمر :انين سمر ممكن تجيبن لي ماء احس بشوية دوخه
سمر:تعبانه
انين:لا هذي أكيد الشمس
سمر طيب وراحت المطبخ
انين بسرعه اخذت الجوال وقفلته وابتسمت ورفعت جوالها وارسلت مسج
جات سمر بالماء
انين شكرا حجبيبتي
سمر بابتسامه العفو أي صح ما قلت لك
انين وشو
سمر سالم راح يخطب ان شاء الله بعد اسبوع
انين يخطب وبيخطب من
سمر غزلان بنت خالتي
انين وهي تفكر اها .الله يوفق ....وصارت تفكر وتفكر
&&&&&&&&&&&&&&
عند الأحباء والعشاق
سالم:أخيرا يا روحي أخيرا
غزلان : اللي يسمعك يقول قيس وليلي ومستحيل نجتمع
سالم:اااااااااه
غزلان:سلامتك من الـاااااااااه
سالم:أنتي سببها
غزلان:انا وش سويت
سال:من كثر حبي لك
غزلان بحياء:سالم ترى بصك السماعه في وجهك
سالم:هههه واهون عليك
غزلان:أكيد لا بس إذا ظليت كذا راح أصكها
سالم:خلاص حبي خلاص
غزلان :قولي وش أحوال الشغل
سالم:تمام وانتو وش أحوال البيت عندكم
غزلان:الحمد لله كل شي تمام بس نويصر مطلع عيوني
سالم:افا قولي لي وش مسوي وآنا اوريك فيه
غزلان:طالع ضاربني داخل ضاربني وإذا قلت له ليه قال إني فاضي وقاعد أتسلى بضربك والله سخيف
سالم:انا اوريك فيه ان ما رجعته البيت اليوم مكفخ ما أكون سالم أرجعه البيت ووجه كله عمليات تجميل
غزلان:ههههههه
سالم :فديت الضحكه
وظلوا يسولفون
&&&&&&&&&&&&&
رجع ابو سالم اللي مزاجه متعكر من المناقصه اللي خسرها
ابو سالم:والله مقهور عليها
انين:الله بيعوضك ان شاء الله بعدين التجاره ربح و خساره
ابو سالم:بس كيف خسرتها كيف والسعر اللي حاطه ما أظن في احد حطه
انين:والله معاك حق غريبه إلا إذا.....
ابو سالم وهو مقطب جبينه:إلا إذا وش
انين :لا لا ولاشي
ابو سالم :إلا قولي وش عندك
انين:إلا إذا احد شاف السعر وحط أحسن منه
ابو سالم:لا الملف مع سالم كيف يشوفونه
انين:السؤال هذا تسأله سالم ........وراحت وهي تبتسم
ابو سالم:معقوله في حد شاف الملف حق المناقصه معقوله لا سالم مو أول مره أمنه على مناقصه ولا على أوراق بس كيف هذي أول مره من زمان اخسر مناقصه لا لا انا لازم اتاكد من هالسالفه بنفسي
&&&&&&&&&&
انين وهي نازله الدرج وبصوت عالي تكلم نفسها:غريبه وش عنده جاي
سمر:وش فيك تكلمين نفسك
انين:ها لا بس بشار جاي يزورني وآنا مستغربه توني قبل 5 ساعات كنت عنده
سمر ارتبكت وانين لاحظت وابتسمت :على العموم بروح أشوفه
سمر أشرت برأسها وراحت لجوالها اللي على الطاوله ولاحظته مقفل
شافت انين تطلع من المجلس وتروح تكلم انتيا ورن تلفون البيت
سمر:الو
بشار:أنتي بخير
سمر تفاجات وسكتت
بشار بصوت قلق:سمر الله يخليك ردي أنتي بخير فيك شي
سمر:لا
بشار زفر براحه:الحمد لله ليش مسكره جوالك خوفتيني عليك
سمر اللي انحرجت:ما ادري انه مسكر يمكن خلص شحن وآنا ما ادري
بشار:خفت عليك لا يكون فيك شي وجيت البيت اتطمن
سمر:انت جاي علشاني
بشار:أكيد علشانك لو مو علشانك علشان مين
سمر سكتت وما ردت عليه
بشار:شوفي يا سمر ما عاد ينفع إني راسل لك مسجات بدون ما أكلمك ..اليوم من خوفي عليك جيت لك البيت بكره ما ادري وش بيصير لي
سمر:انت كيف عرفت ان جوالي مقفل
بشار:قلبي زادت دقاته وقالي
سمر سكتت وتمنت لو انها ما سألت
بشار:وش قلتي
سمر:انا مو راعية....
قاطعها بشار:أكيد لا شوفي يا سمر انا عانيت من الوحده طول حياتي وما ابغى أظل وحيد وكل اللي ابغاه إني اسمع بس صوتك قبل ما تنامين وبعد ما تصحين واتطمن ان قلبي بخير
سمر سكتت
بشار:ما راح يضرك شي لا قلتي صباح الخير ومساء الخير وآنا ما أطالبك بغير هالكلمتين بس وبعدها صكي الخط
سمر وهي تشوف انين ترجع المجلس:يله باي أختك جات لك
بشار:لا ماراح اصكر لحد ما توعديني انك تكلميني اليوم وتطمنيني عليك قبل ما تنامين
سمر وهي تسمع صوت انين عند بشار:زين زين أوعدك يله عاد
بشار بضحك:خلاص مع السلامه
صكت السماعه وهي تحط يدها على قلبها وتأخذ جوالها وتصعد غرفتها
أما هو صك وهو يبتسم ويأشر لأخته بان كل شي اوكي
انين:ممتاز
وتلتفت وتنادي بصوت عالي:انتيا.....انتيا
انتيا :نعم ماما
انين :نظفي الصاله وانتبهي عدل
انتيا اللي فهمت انها تراقب:حادر
التفتت لآخوها :ابغى منك شغله
بشار:أمري
انين :سالم قرر يخطب
بشار بمزح:تبغيني أصير خطابه واخطب له
انين بابتسامه:لا وأنت الصادق ابغاك تخطف البنت اللي بيخطبها
بشار تفاجأ ووقف:ن..نعم وش قلتي أنتي مجنونه
انين بهدوء:لا صاحيه
بشار:ما اعتقد ان الكلام اللي تقولينه كلام صاحين
انين:انا عارفه ايش أقول
بشار وهو طالعها:انين
انين :شوف انا بطبق هالشي بك أو بدونك وش قلت أسويه بدونك ومع ناس ما اعرفهم وما ادري وش ممكن يسوون في البنت من وراي ولا وأنت تساعدني وبناس تثق فيهم وعارف انهم ماراح يضرون البنت
بشار:انين أنتي صرتي تتعدين الحدود
انين :يعني بتتخلى عني يا اخوي
بشار جلس:لا بس بالمعقول
قامت وجلست جنبه وبحزن:ظنيتك تبغى تريحني من العذاب اللي أتعذبه ومن حمل الوصيه اللي على كتافي
بشار:ابغى أريحك صدقيني يا أختي بس...
انين وعيونها تمتلي دموع:انا قاعده أتعذب يا بشار لحد الحين اصحى مفزوعه بالليل ولحد الحين صوت وناتها وأنينها في إذني
بشار وهو يحضنها:خلاص خلاص اششششششش
انين:كل ما شفت الألم في عيونهم أحس إني ارتاح وبعدين احنا ماراح نسوي شي في البنت بس بحرق قلوبهم وارتاح ها.. يا اخوي بتساعدني إني ارتاح
بشار تنهد وهو يحضنها:راح أسوي أي شي يريحك يالغاليه أي شي
انين بابتسامه صفراء:الله يخليك لي يا اخوي ياللي بقيت لي من الدنيا
وزادت ابتسامتها شر وكره وحقد وانتصار
لحد هنا أوقف واترك لكم حرية التعليق
&&&&&&&&&&&&&&&&&&
أنين ..........كره ........انتقام..........حب ........نهاية مجهوله (لعبة الشطرنج)
&&&&&&&&&&&&&&
قلب أمي وروحها
..
..
..
|
14-10-11, 02:34 AM
جديد مواضيع قسم القصص المكتمله
العرض العادي
