كاتب الموضوع :
حسن الخلق
المنتدى :
الارشيف
[COLOR="rgb(255, 192, 203)"]انتوا تتضايقوا لو حبيت اخد رأيكم فى قصيدة زجلية ساخرة اسمها ( شاب روش طحن )
زجل يعنى عامية ساخرة جددددااااااا
انا هنزلها للى حابب يقراها
اما اللى مش حابب ميقراش
ممكن ؟
القصيدة اهى
نفسى اطلع من الاوائــــــــــــــل
زى لولا وسوسو ووائــــــــــــل
كل يومين ببقى متفائــــــــــــــل
والباقى خايف محتــــــــــــــــار
كل ما اقول دلوقتى هذاكـــــــــر
انسى انى المفروض اكون فاكـر
انى اشترى ييجى ست تذاكـــــر
لا سبعة دا انا ناسى منــــــــــار
والبس الحتة على الحبــــــــــــل
والام بى ثرى ويا الكابـــــــــــل
وموبايلى بشحنه من قبـــــــــــل
احط الجيل فى شعرى كمـــــان
واضرب كــــام ميايه فى جيبى
واطلب تيمو وهيمــــــــا حبيبى
وكمان هايدى وميدو قريبـــــى
واصرخ قشطة يومنا جنــــــان
الواد شيكو لابس برمــــــــودا
وشريف مش لابس عالموضة
والكاجوال كله بتاع حـــــــوده
والكل فى ايده سيجـــــــــــارة
وسميرة جايبه عربيتـــــــــها
والبت نرمين صاحبتـــــــــها
من ايام هربت من بيتــــــــها
مع واد ساكن فى الحـــــــارة
ليه كله مأنتم مع كلـــــــــــــه
دا شريف لسه يادوب جاى اقوله
تيجى عالبت دعاء دى نطلو
قاللى دى تبعى وعيب عليك
قلت هنشن كده بعنيا
وسميرة اهى عندها عربية
لسه انا بضحك ليها شوية
قالتلى هغزك فى عنيك
راحت شلتنا على الديسكو
دوشة هو انا كنت ناقصكو
وحمادة عاكس بنت ومسكو
واحد ضربه بجد كتير
وجرينا بسرعة بيه بره
وحلفنا تكون اخر مرة
نيجى حتة القاعدة فيها مره
يحرسها حارس وغفير
بعد الساعة تلاتة بالليل
قالت الشلة سلام ياجميل
قلتلهم دا الليل دا طويل
قالوا نحب ننام بدرى
رغم ان انا تعبان ومهيبر
زى ما اكون مضروب بسنايبر
قلت اروح ساعتين للسيبر
هو بعيد بس انا هجرى
رحت فتحت هناك كام ميل
كام فروج وياهو وهوتميل
عمال اشيت طول الليل
مع اصحابى من عالنت
اما صحيح كات ليلة هباب
ضرب وقلة قيمة وعذاب
عمال اكلم بس شباب
ومفيش حتى حتة بت
بعد الفجر رجعت البيت
قلت دا ابويا موجود ونسيت
اهو هيثبتنى وياريت
كنت انا جيت بدرى شوية
قلت اتسحب كده على مهلى
فجأة سمعت ابويا ندهلى
خفت رجعت وقلت يالهوى
قاللى تعالى رد عليا
قمت دخلت وبوستله ايده
كان بيصلى رب يزيده
خفت موشح امس يعيده
بس لاقيته بيضحك عادى
قلت غريبة مش زعلان
قام ضمنى وبكل حنان
قاللى انا بس عليك قلقان
انما قلبى عليك راضى
قلتله اسف جد يا والدى
خدت الدنيا عناد وتحدى
واهو عقلى بيجيب ويودى
وخايف ادخل حدف النار
قاللى كلامك دا ريحنى
قوم يالا تعالى وصارحنى
رن موبايلى قلت سامحنى
لازم انزل حالا لمنار
[/COLOR]
|
10-11-11, 04:07 AM
جديد مواضيع قسم الارشيف
العرض العادي
