آسفة على تأخيري في الرد يا محمد :(
:(
:(
:(
فيسات حزينه ههههههه
ما هذه الكآبة يا أخي
ما به سعد , بعد أن كان حافظ للقرأن الكريم يعيش ماجن ويموت كافر حرااااام عليك
زعلتني
أوجعتني
وهديتي المعتادة هي صفعة وركلة ومخزن كامل من الكلاشن كوف في صدرك
حرام عليك
:(


خلاااااااااااص بلا استهبال
رواية جميلة حزينة
نهاية كئيبة , أنا أعشق النهايات الكئيبة صحيح لكن بعد ان تكون درامية اسطورية شاعرية كأن تموت البطلة في احضان البطل
أو البطل بين يدي صديقه او او او بس يموت البطل مرتاح يعني
مووووووووووووووو هيك ههههههه

حسيت اني زودتها شوي بس حس بشعوري ازداد ظلام ما بداخلي بسببك اهئ اهئ
في انتظار قصة رائعة جديدة لك
تحياتي ^^

أشكركم أعزائي يا أحلى أعضاء فرد فرد على ما خطيتموه ليكون نقد على هذه الرواية ..

سأعود بالردود التفصيلية بأقرب وقت باذن الله ..

" السلام عليكم ورحمه الله وبركاته " ازيك وازى حالك اخى محمد ارجو انك تكون فى تمام الصحه والعافيه ............. انا طبعا بعتذر ليك جدا مع انى مهما اعتذرت ليك مش هاوفيك حقك(فيس خجلان منك جدددددددددددددددددا)لانى مقدرتش اتابع روايتك الرائعه بالتعليق مع انى كنت متابعاهابالقراءه فى معادها لكن معلش والهى لظروف قهريه وظروف عملى كمان واوعدك ان شاء الله فى روايتك القادمه انى اتابعها معاك بالتعليق................ وانا الى بشكرك على وسام الشكر الرائع الى انالااستحقه لكن انت فعلا الى تستحقه على ابداعك ووسامك شرف ليايا اخى...................... واروح بقالتحفتك الفنيه الرائعه الى اسمها فعلا دال عليها(الحافه) الى فعلا بتورينامن بعيد ومن قريب ازاى الدنياعباره عن حافه وانها ممكن تكون ماشيه فى طريق جميل وفجأه تفاجأنا بمنحدرشديد الخطوره واذا لم نكن سائقين شديدين الحذروماهرين فسوف نسقط فعلا من الحافه ولامجال للرجوع الى الخلف ........ روايتك رائعه حقا فى طريقه سردهاالمختلف السلس بالرغم من الاحداث... واسلوبهاالراقى... وتصميمهاالباهربصوره غلافها المموهه كمابعض الشخصيات فى الروايه... وخواطرها وهمساتها المؤثره التى تساعدالقارىء على الاحساس بكل مافيها ...وبدايتهاالتى لا تدل على نهايتها وهذامن اكثرمايميزها فعلا...وطبعا احداثهاوقصتهاالمختلفه الغيرمتوقعه.........وقد ابهرتنى وفاجأتنى فعلاووضعتنى امام العديد من التساؤلات واولهم سؤال وانا فى منتهى الحزن والتعجب!!!!!!!! لماذا هى الحياه هكذا؟؟ ولماذا نظل نقترب من الحافه ولانراها؟؟ولماذانرى الحافه وتكون امامنا فرص للنجاه بأنفسنامن امامهاولا نراها او لا نقتنصها؟؟ وكل هذه الاسئله موجهه ايضا لابطال القصه(شهدوسعد) ولكل انسان اقترب من الحافه اوسقط من عليها اورأى احديقترب منها ولم يساعده اولم ينبهه........واسئله اخرى كثيره؟؟؟؟؟؟؟؟ فعلا مش هاكدب عليك روايتك حطتنى فى حالات غريبه جداكل ما افتكر احداثهامن الاول للاخربدايه من الفرح لبدايه مبشره بالخير الى الخوف على الابطال وبعدين الغضب وصولا لمحاوله الامل فى اصلاح اى شىء ثم فقدانه مع تطور الاحداث نهايه بالحزن الشديد على النهايه المفجعه لهذين الوردتين(مع كآبه شديده)........ نأتى للاب الحنون المحب الذى لم يبخل على اولاده بشىء من الماده والعاطفه والتربيه السليمه والدين.........وبالرغم من كل هذا لم يسلموا من فساد المجتمع الغربى.... طبعا انا شايفه ان الاب ده عظيم وحزينه جدا على موته بحسرته على اولاده وفاجعته فيهم......وبالرغم من انى ملتمسه ليه العذر عشان ظروف عمله الى تدهورت مع الوقت وملاحقته لخساراته المتعدده وانه بيعمل كل ده عشان ولاده وعشان مستقبلهم لكن مع ذلك ماكانش ينفع ابدا انه يهمل اولاده فى غربتهم وهما صغيرين ولسه ماشافوش واقع الحياه القاسى والناس الى بمنتهى الحقاره ولاعندهم الخبره الكافيه للتعامل والتصرف مع المتغيرات القاسيه للدنياوخصوصا لما حس ان فى حاجه غلط بتحصل فى حياتهم واكتفى وقتهابوجود الانسه وداد الى هى صحيح مثال المسؤوليه والخلاق لكن مع ذلك مفيش حديقدر ياخد باله ويربى ولاده زى الام والاب او على الاقل حديكون مسؤول عنهم من صغرهم ومتواجد معاهم لكنه كمان من الواضح انه اغتر بتربيته ليهم واخلاقهم ودينهم وماكانش عارف ان كل ده مش كفايه عشان يعيشوا لوحدهم وانه لازم يثقله الحذر والخبره ومعرفه الحياه بشكل كافى وطبعا كانت نهايته ونهايتهم بالشكل ده مع انى طبعا مش بحمله كل المسؤوليه......... سعد الى كان السبب فى تحويل مسارحياه الثلاثه بالشكل المفجع ده لكنك يمكن تستغرب لوقلتلك انه صعبان علياجدا وانك بهدلت البطل بتاعى الى كنت بحلم بيه هههههههههه.....لكنى فعلا كنت من الاول حاسه بقلق من الاحداث يمكن عشان مفيش حد قريب او شبه كامل للدرجه دى الا ولازم يكون فيه حاجه غلط او هاتحصله حاجه غلط.........بس ارجع واقول انى طبعا فى البدايه التمست ليه العذر لانه ماكانش دارى بالى بيحصله وكنت بقول انه هايفوق ويتعالج لكن بعد كده ابتديت اتضايق واحتقره انه عرف حالته والى بيحصله ومحاولش يصلح من نفسه ويبعد عن الشخصين الى فى منتهى الحقاره دول خصوصاانه انسان المفروض بيعرف ربناوعنده اخلاق ومايقبلش يعيش فى القذاره.......واتضايقت جدا من سلبيته ناحيه الشخصين دول وانه فى البدايه بعد الموقف الى حصل من معاكسه اخته من غسان القذر وانه لقى احمد كمان مصاحبه من زمان ماكانش ينفع يصاحبهم او على الاقل تكون معاملته معاهم سطحيه جدا....والموقف الى صدمنى فعلا وخلانى مشدوهه ومصدومه انتهاكه لعرض اخته الى هى عرضه مع انى عارفه طبعاان المدمن ممكن يعمل اى حاجه من فقدانه لوعيه بسبب المخدرات........وكمان الصدمه التانيه لما الدنيا اديتله فرصه انه يصلح اخطائه ومع ذلك بعد مااتعالج وخرج من السجن رجع للمخدرات تانى وكمان راح ينتهك الطفل الصغير بفعله شنعاء والمره دى كرهته فعلا لانه ازاى ماافتكرش الى عمله فى اخته وكان المفروض يخاف من تكراره مع اى حدتانى قريب او بعيد.......بس انا فعلا استغربت واتضايقت جدا ان انسان كان فى يوم من الايام بالاخلاق والدين ده كان المفروض يحاول يرجع زى ماكان لانه المره دى كان عنده اختيار بين الطريق الصح والغلط لكن كان من الواضح انه فعلا اتغيركلياواكتسب ضعف ناحيه طريق الحافه الى جرى ناحيتها فى الاخر بكل قوته لحد ما وقع وانتهت بموته وفعلا المره دى كان يستحق يقع من(الحافه)........لكن كان ضيقى عليه فى النهايه على شاب كان ممكن فى يوم يبقى من صفوه الشباب واحسنهم............. اما شهد الضحيه التانيه الى لاحول ولاقوه ليهافقد افجعنى فعلا انه يحصل كل ده لورده جميله زيهاوطبعا السبب الاول فى ماساه حياتها تؤمهاالى باباهم ودينهم امنه عليهاوهو ماكانش قد الامانه .....بس انا برده بحملهاجزء من المسؤوليه انها لما حست بتغيير فى حياه اخوهاكانت المفروض تبلغ باباها فورا وخصوصابعد اعراض السرقه والادمان وغيره الى ظهرت عليه وطبعا بحمد ربنا انها برغم كل الى حصلها من اخوها ومن القذر غسان قدرت تصلح الى باقى من حياتهاصح وتتوجه لربناوتتوب ليه..... لكن اناماكنتش عايزه بعد كل ده انها يجيلها المرض اللعين الايدز المميت ده لانها ماكانش ليها ذنب فى الى حصلهاوكان من حقهاعلى الاقل تاخد فرصه وتعيش حياتها بشكل طبيعى .......لكن كانت نهايتها مشرفه وجميله وخصوصا انها كسبت حب ابن مش ابنها الحقيقى وكسبت ثواب تربيته لانه يعتبر يتيم الام وكانت على العموم نهايتها احسن من اخوها.................. وعن الشخصيتين الحقيرتين المسميين احمد وغسان بجد اناعمرى ماشفت كل كميه الشروالحقاره دى ومهماالانسان اتكلم عنهم مش هيلاقى مرادفات لوصفهم غير ان لو فى منهم كتير فى الدنيا تبقى انتهت ........وازاى اهل الى زى دول يسيبوهم فى الغربه كده منغير مراقبه ولا تربيه ويرموا ليهم شويه فلوس وخلاص وهو ده الى بيوصل الشباب لكده....... وطبعااقل نهايه ليهم كانت الشنق ده لو مفيش حاجه اكتر من كده.............. والانسه وداد الرائعه صاحبه الضميروالاخلاق الى وقفت كتير بجانب شهدوسعدووالدهم بجد انسانه نادره الوجود وعملت معاهم اكتر من اخت وابنه وحتى بعد موت والدهم قد ايه عجبتنى قوه شخصيتها وتمسكها بدينها واخلاقها فى الغربه وبالرغم من ان مامتها اجنبيه لكن ده بيثبت ان الاخلاق والدين بينبعوا من قوه الانسان الداخليه ضد الاخطاء......وطبعاعجبنى جدا انها حاولت تصلح الى باقى من حياه شهد وتقول لعبدالله يتجوزهاعشان يصون عرضه وكمان تربى ابنه ويسعدوا بعض بالى فاضلها.......... بالنسبه لعبدالله عجبتنى شخصيته جدا ورجوعه وتدخله فى الوقت المناسب لان شهد كانت محتاجه فعلا لوجوده وحبه ورعايته فى حياتها وكانت شهامه منه كبيره جدا انه يقف جمبها ويتجوزها عشان يحميها خصوصا ان هى مابقاش ليها اخ او اب اوحد يحميها بجد الانسان الرائع ده غير مجرى الاحداث للاحسن ........وربنا عوضه وعوض ابنه بشهد الى كانت ليهم نعم الزوجه والام ..........وقد ايه اخلاصه وحبه ليها فى حكاياته لابنه عنها بعد ماماتت بجد راجل مميز جدا........ هنادى البنت الصديقه والاخت المخلصه والوفيه المحبه منذ البدايه لشهد وسعد حقيقى نادره شخصيتها فى الزمن ده.... وكان نفسى بجد ان الظروف الى حصلت ليها وبعدتها عنهم ورجعتها بلدها ماكانتش تحصل لان وجودها معاهم كان ممكن يغير حاجات كتير او ممكن تلحق كل حاجه من الاول خصوصا انها اول ما رجعت وعرفت الى بيحصل بلغت باباهم وحاولت تنقذهم لكن رجوعها كان بعد فوات الاوان.......بس عجبنى فيها انها ماكانتش سلبيه واتصرفت بسرعه وقد ايه كانت قويه لما وقفت جمب شهد ولما كمان ابتدت تتقبل ان سعد مجرد اخ ليها وكملت حياتها واتجوزت وخلفت وانها كانت لسه على اتصال بمحمد ابن سعد الى كان حاسس انها خالته من كتر حبها لمامته وحكاياتها عنها.......بجد شخصيه رائعه ياريت يكون موجود منها فى الزمن ده.............. طبعا كان جميل جدا كلام الابن للام قدام قبرها وبجد ده خلانى ابكى قد ايه الصله الى بينهم بالرغم انه ماعاش معاها كتير وانها مش امه الحقيقيه وانه يعرفها بالبنت الى بيحبها كانه مستنى مباركتها لارتباطهم كان احساس جميل جدا انك تحس ان انسان انت بتحبه عايش معاك برغم انه مات واجمل حب طبعا حب الام والاولاد.......... وكل الشكر للجميله ايمان على الخاطره المؤثره عن الام قد ايه ابكتنى وقد ايه هى مناسبه جدا لنهايه القصه ......... بحييك وبشكرك اخى محمد على ابداعك فى قصتك المؤثره الرائعه الجمال التى حبست انفاسنا من اولها لاخرها وكان فيها دروس كتير للحياه علمتناوافادتنا واديتنا الضوء على حاجات كتير اكيد ناس كتير ماتعرفهاش وحتى لو تعرفهامحدش يتصور انها ممكن تحصله لكن ده انذار لاى حد على الكوكب ده اننا دايما ناخد بالنا قبل مانلاقى نفسنا قدام (الحافه!)....... معلش عارفه انى طولت عليك بس معلش بقااصلها تحويشه هههههههههههه......... وانا فى شوق لرائعه تانيه من روائعك بس الله يخليك يامحمد تكون رومانسيه زى ما وعدتنا (انت عارف البنات بقا) وكفايه الاكتئاب الى جالى والاالمره الجايه فى ضرب ههههههههه دومت لى يارب بكل الحب والاخوه والتقدير ودايما من نجاح مبهر الى اخر وبالتوفيق ان شاء الله.........

لمعرفة المزيد 13- رواية الحافة .. بقلمي حفل القراء ..مكتمله

على فكره اسفه ان المشاركه طلعت ملزقه فى بعضها كدهمع انى مرتباها بس اعمل ايه شكل النت زعلان منى ههههههههههههههه..................