بسم الله الرحمن الرحيم

انا عايزة اقول اقتراح مهم عشان جالى عدوى فيس الاقتراحات بتاع بيبو اللى بالمناسبة اقتراحاتها عال العال ممتازة جدا فعلا

انا حبيت منها فنجان شاى صباحى مع رواية رومانسية ....وممكن دة يكون تحدى لفريقى الزعيم والبيب بيب عليه نقاط واوسمة واهو نجر رجليهم هنا ونعرف الليلاسيين على منتدانا

وكمان حبيت اعادة فتح موضوع رومانسية رغم انفك ...


وبما ان واضح كدة ان مش هيتكون فريق للقراصنة يبقى لازم حاجتين :

1- الدورى الجديد بين الزعيم والبيب بيب اللى يكون مسئول عنه هما القراصنة .. مش قادرة احدد بالضبط شكل المسئولية بس طالما مش هنكون فريق خاص يبقى لازم يكون لينا وجود مميز جدا وملحوظ مع الفريقين


2- اقتراح فى لحظة الهام ....

احنا عايزين نخلى منتدى المواضيع الجانبية فى جاذبية قهوة ليلاس وفى خصوصية قصص من وحى قلم الاعضاء

وعشان نحقق الهدف دة :


اولا" .. نغير اسم منتدى المواضيع الجانبية لانه بصراحة اسم مش جذاب ابدا وميشدش حد لدخوله وكمان احنا عايزين لمكان لقاءنا اسم مميز جذاب والاهم انه يعبر عنا ويلفت النظر الينا ...انا بقترح " سفينة قراصنة ليلاس الرومانسية " او اى اسم يؤدى هذا الغرض ونتفق عليه .......


ثانيا: منتدى المواضيع الجانبية اللى ان شاء الله نغير اسمه العجيب دة ...عايزينه يكون هو المنتدى الرئيسى... وله منتديات ملحقة به

افهمكم :


شفتوا قصص من وحى قلم الاعضاء ..مش هو المنتدى الرئيسى وملحقاته موجودة فوق المواضيع المثبتة به في مستطيلات كدة بروابط مباشرة لمنتديات سوالفنا الحلوة والقصص المكتملة والقصص القصيرة وهكذا ........احنا كمان عايزين نعمل كدة ....عايزين ننفصل عن منتدى الروايات الرومانسية لان احنا تايهين فيها والاغلب بيظن ان احنا منتديات تنزيل الروايات المنشورة زى عبير واحلام ....احنا عايزين منتدى خاص بينا لانه من وحى اقلامنا احنا مش جزء من الروايات المنشورة....


وعشان يكون منتدى متكامل زى قصص من وحى قلم الاعضاء تبقى ملحقاته هى :

نلحق بيه منتدى عبير الاحلام الطويلة والقصيرة ورومانسيات عربية الطويلة والقصيرة ....روابط مباشرة ليهم يعنى ..اللى هى بتبقى مستطيلات كدة فوق المواضيع المثبتة فاهمين عليا !! وتحديدا المنتديات دى بس هى اللى هتبقى فروع المنتدى الرئيسى بما انهم مرسى انجازات واعمال القراصنة بقلمهم الخاص ...وكمان لان دة هيبرزهم وهيكون رابط مباشر ليهم هيسهل الدخول اليهم

بكدة منتدانا بشكله الجديد هيظهر اوى فى الصفحة الرئيسية وهيكون ليه وضع خاص


وان شاء الله لو وافقتم على اقتراحى :

-بتغيير اسم منتدى المواضيع الجانبية لاسم جذاب يعبر عنا ويعوضنا عن تكوين فريق خاص بنا ...

-ولو وافقتم عن انفصال منتدى المواضيع الجانبية (اللى هيكون المنتدى الرئيسى) بملحقاته السابق ذكرها عن المنتدى العام الروايات الرومانسية حتى نكون منتدى خاص مترابط زى منتدى قصص من وحى قلم الاعضاء ..لان احنا اللى يهمنا رومانسيات عربية وعبير الاحلام ..مش كدة ؟؟ دول جهدنا وتميزنا كليلاسيين ودول اللى لازم نبرزهم مش الروايات المنشورة ..صح..وكمان يهمنا استراحتنا ومواضيعنا الترفيهية ...عشان كدة عايزين ننظم منتدانا الخاص بأعمالنا كليلاسيين وبهويتنا كقراصنة .


...تبقى الخطوة اللى بعدها ان احنا نحط منتدانا بشكله واسمه الجديد فى الفعاليات وفى توقيعاتنا وهيكون بكدة مش بس اثبات لوجودنا فى ليلاس لا كمان دعاية لرومانسيات عربية وعبير الاحلام لان روابطهم هتكون موجودة فيه لانهم منتديات ملحقة بيه



انا عارفة انى رغيت كتير بس كنت بحاول اشرح الاقتراح كويس وابرز مميزاته ... انا واثقة ان التغيير دة فى صالحنا وتميز لينا ومستنية اشوف ارائكم



وطبعا لو اتفقنا ..هندبس هومى فى نقل الفكرة للادارة لتنفيذها


بس بصراحة مش عارفة ساعتها هتبقى مسميات الاشراف ايه بالنسبة لهومى وبيرو وهبة ولامى لاندماج منتدياتهم ..يعنى مين هيكون مشرف المنتدى الرئيسى ؟؟


ملحوظة .....ياريت لو كمان نغير اسم الاستراحة ونخليها مثلا مقر القراصنة او شىء من هذا القبيل يعنى
احنا لازم نظهر والكل يعرفنا عشان دة اكبر دعاية لعبير الاحلام ورومانسيات عربية ...


بانتظار ردودكم واقتراحاتكم للعلو بشأن منتدى القراصنة ...


ههههههههههههههههه مش عايزين مجرد فريق...احنا بنطالب بمنتدى بحاله منظم وخاص بينا يبرزنا ويروج لاعمالنا ...


واوعى