دق الباب وسمع صوت هند وهي تقول – زين يمال المغثه

يهالشغاله كم مره تنادينا للغداء جايين

دق الباب مره ثانيه وهو يضحك عشان يطفشها .. بسرعه انفتح الباب

وهي مافيها غير الجلال وتصرخ – خيييييييييييير ازعـ

يوم شافته فارس اللي مبلم ويناظرها .. مطت عيونه وشهقت

وبسرعه سكرت الباب

حس بالفشيله وعظم اللي سواه .. تذكر الغداء ورفع صوته

وهو ينزل – امي تحتريكم على الغداء

نزل الدرج وهو يغمض عيونه بقوه ويفتحها .. وحاس بروده

في اطرافه .. ابد ابد ماتوقعها بهالصوره .. عكس لسانها

السليط طلعت صوره ثانيه باين في وجهها النعومه والبراءه

وهالشي هو اللي مغاب عن باله .. حتى وهو يأكل

يوم نزلت هي .. كان يأكل وهو منزل عينه .. كانت امه

جالسه في الصاله عند الدلال

يوم ابوه سألها – صدق شيخه في المستشفى

فارس تذكر هند وبسرعه دورها ولا حصلها .. أشر لإبوه

ان هند فيه

منيره – دخيلك اسكت لايسمعك احد

طلعت هند من المطبخ وفي يدها صحن أكل – عمه اسمحيلي

بودي هالغداء لساره فوق وبنزل لتس

منيره – ماعليه يابنتي نحن بناكل بعدهم .. إذا تبغين بزيد

لتس الغريفه من هنا واكلي معها فوق لان الغداء اللي بالقدر

لمحمد وموضي

هند – انا عارفه علمتني الشغاله وخذيت شوي لان ساره ماهب

أكله كثير .. وانا بنزل لتس

منيره – ماعليه ياحبيبتي انا بحتريتس اخذي راحتس وانا امتس

طلعت فوق .. ولقت ساره على سريرها ومنسدحه .. وعيونها

في السقف .. وتدمع

يوم حست فيها ساره جلست ومسحت دموعها – انا ماابي

ليش جبتي غداء

هند – لاني ابيتس تأكلين بسرعه وبطلي اللي تسوينه

جلست جنبها – تدرين عاد كل شوي طالعه لنا مصيبه ماتخلينا

نروح نوره والله اني اشتقت لها

ساره قامت ومشت للحمام – نصيبها بعد وش نسوي

هند ناظرت نفسها في المرايه وتعدلت .. وقربت من باب

الحمام – ساروه انا بنزل تحت اتغدى اكلي غداتس بسرعه

يمكن نروح لوضوح ولا نوره

ساره وهي تغسل وجهها – ليه حد قايل انا بنروح

هند – لا بس بقترح هالإقتراح على عمه منيره إن شاءالله

انها توافق

ساره – طيب

نزلت هند .. وشافت ماعلى السفره غير فارس .. لان عمها

قام

ويوم شافها فارس وقف

منيره – كمل غداك وانا امك

فارس وهو يتعداها للمغاسل – لا خلاص شبعت تغدن انتن

شافت عمها وفارس يغسلون .. وراحت لمغسلة المطبخ

غسلت يدينها وطلعت عند الباب .. صدمت في بطنه

من طوله مع انها مو قصيره

غمضت عيونها وقالت – ماتشوف

ناظرها بنص عين – لا طلعت عميان تصدقين ,, ويالله

ارجعي طريقتس وعطيني كاس مويه انا في الصاله

وراح وخلاها

انقهرت منه .. شافت الشغاله وعلمتها وطلعت

يوم دخلت الصاله سمعته يقول – وين الكاس

جلست على الغداء وهي مطنشته

انقهر .. وسمع اللي تقول – خد فارس

فارس ناظرها وكشر – كم مره قلت لتس لاتجيبيلي مويه

( ناظر هند ) كله من تحت راسها

منيره – اعوذ بالله من الشيطان ,, هماك وانا امك تغديت اشرب

واسكت الله يخليك إلي

هند تحس انها مستحيه تأكل قدامه ,, مافي وجهه حيا .. يروح

ويخليها تأخذ راحتها

هند ازفرت وسكتت

فارس وهو يشرب فنجال قهوه – اقول يمه متى تبونا نسافر مكه

منيره – صعبه سفرة مكه هالحين وانت عارف ليش

هند ناظرت عمتها – ليش عمه

منيره ماتدري وش تقول – ضاحي راد من السفر ومتزوج

وفيه مشكله عندهم

هند بإقتراح – خلاص ماهب لازم نسافر إبهم

فارس ناظرها وعجبه رايها .. وهو ناسي شيخه – صادقه يمه

منيره تنهد – لا مايصير انت ماتوحي

تذكر وسكت

منيره اللي منسده نفسها وتأكل عشان هند ماتستحي .. ويوم قالت

خذيلتس معها لانه نفسها مسدوده – بروح اجيب بشتي واجيك شغل

السياره وانا امك

هند ناظرتها كانت تبي تتكلم توديها عند وحده من خواتها – وين

بتروحين عمه

منيره بحنان – قريب ياحبيبتي إذا سأل عني احد قوليله مشوير

صغير وراجعه

هند هزت راسها وقامت عن الأكل .. لايمسكها هالحين طنازه

عليها ويقول ماتشبع

في المستشفى

طلعت من العمليات وودوها غرفه خاصه .. جته الممرضه

تعلمه برقم الغرفه

بسرعه مشى معها وهو يحس بنار ماتنطفي غير بذبحتها .. فتح

الباب ودخل لقاها راقده وباين فيها التعب

كشر في وجهها وطلع .. شاف الدكتوره اللي تتكلم عن حالتها

عند الممرضات وتعطيهم وصايا .. بسرعه قرب منها

صقر – السلام عليكم

الدكتوره لفت راسها – وعليكم السلام

صقر – انا زوج شيخه بنت ناصر اللي طلعت من العمليات

كيف حالتها

الدكتوره – الله يعوضكم بغيره .. نزفت كثير قبل تجينا اصلا

الجنين ميت في بطنها له اكثر من 12 ساعه والحمدالله هي

بخير هالحين بس نايمه من أثر البنج

صقر هز راسه ومشى تاركها .. جلس في الممر اللي عند غرفتها

ماله نفس يقوم ويشوف وجهها

من بعيد شاف امه وفارس اللي مقبلين عليه

حب راسها يوم قربت ويدها – ليش جيتي بيكتبون لها خروج

في الليل

منيره مسكت يده وبكت – تكفى وانا امك داخلت على الله ثم عليك

تفكها من شرك لاتنسى انها يتيمه

صقر معصب – وكل يتيم يسوي سواتها ونقول يتيم ,, يمه هاذي

ماهب صاحيه تركض في الشوارع مثل المجنونه فضحتني

وكم مره محرص عليها .. بس هي ماتبيه ,, والله ان ذبحتها

ماتبرد اللي في خاطري

فارس – افا عليك بو ضاحي

منيره حبت راسه وهو وخر راسه عن امه – يمه وش تسوين

منيره – تكفى وانا امك فكها شرك المسكينه ضعيفه

صقر عصب – تخسي ماهب ضعيفه يايمه فضحتنا فضحتنا

تعدي في الشوارع وجهها ماأكلها .. والله اني مارقدت ولا دخلت

معها البيت اخاف اني اذبحها وهي حامل ,, مأمن نفسي

لو أشوفها قدامي .. هالحين اللي خايف عليه مات راح وهالسلقه

هي اللي ذبحته ليتها ماتت معه

منيره وفارس انصدموا ,, وراح وخلاهم

منيره ناظرت فارس – شفت وانا امك يويل قلبتس يامنيره انا

هالولد بيذبحني يافارس بيذبحني وانا امك

فارس حب يدها – خلاص اهدي يايمه انتي ادخلي لها انا بنتظرتس

هنيا

منيره وهي تهز راسها – لالا رح رجلي على رجلها .. والله ماينفرد

إبها والله ان يذبحها ,, رح لبنات عمك ماعندهن احد ابوك راح

لإبيعره ومحمد وموضي بيرحون بيت عمك وراهم

فارس – خلاص اجل بأخذ بنات عمي وبنروح لبيت عمي بسلم

على ضاحي وهن يشوفن اختهن

منيره هزت راسها ودخلت وهي حزينه .. يوم شافتها راقده

وباين التعب فيها .. حبت جبهتها – الله يهديتس وانا امتس










في صالة بيت سعد بن فهيد

جالسه وضحى وعمشاء والجده وريم .. يوم نزل ضاحي ومعه

الجازي

اللي ماتغدت معهم .. وضاحي شجعها تنزل يتعرفون عليها أهله

أكثر

شاف امه صدت يوم شافتها تألم بس سكت – السلآم عليكم

الجميع – عليكم السلام

وضحى وقفت للجازي اللي لابسه برقع عطتها إياه ريم وجلال

استانست الجازي وبسرعه راحت تسلم عليها

وضحى اللي ارتاحت لها – وش اخبارتس

الجازي – بخير انتي كيفك

وضحى اللي مستغربه لهجتها مو منهم – بخير

جلست وضحى مكانها ,, والجازي مالقت لها مكان إلا جنب ضاحي

اللي قرب من الدله يصب له فنجان .. خذت الدله منه وصبت له

فنجان وانتثر على يدها من ربكتها

صاحت وعمشاء والجده ناظرنها .. ضاحي خاف .. وريم وقفت

فازعه لها – صارلتس شي

مسكت اصبعها وهي متألمه – آآآآآآح يعور

وضحى وقفت – خلتس بجيب لتس كريم

هي وقفت – لالالا بغسل هو مو مره قوي

راحت تغسل يوم انفتح الباب ودخل فارس ومعه ساره وهند

وضحى يوم شافتهن استانست .. ومشت بسرعه لهم وهي تسلم

على خواتها .. وفارس يناظرهن ويضحك

سلمن عقب على الجميع .. وجلسوا

وضحى – وين عمتي ليش ماجت

عمشاء اللي مكلمتها منيره وماعلمتها بس منبهتها لاحد يدري

قالت – لا منيره عندها شغيل بسيط بتقضيه

ضاحي اللي وقف وسلم على فارس – عساها بس بتحضر العشاء

ريم – أي عشاء

ضاحي – عشاء بيسويه ابوي لي

كشرت عمشاء وصدت

فارس مشى لجدته وحب راسها – يالله ان تحيي بنت خزام

الجده- اذلف اذلف يالنخله مكن لك جده يالمخنز تنشد عني

ضحك فارس – والله انكم بلشه يهالكبار ان جيناكم قلتوا اذلف

وان ماجيناكم ضقتوا وحربتونا

دغدغها وهو يضحك ,, وهي تدزه وتضحك – الله يقطع شرك اذلف

اذلف رضيت خلاص

ضحك وبعد عنها .. وجلس جنبها ,, ومايفرق بينه وبين هند غير

المركى

عمشاء – وشلونتس هالحين يابنتي ياساره

وضحى ألفتفتت عليها بخوف – ليش وش فيتس

ساره – لا تعب بسيط دوخه بس هالحين بخير

فارس – دوخه تفقدتس وعيتس عاد

وضحى – يويلي اغمى عليتس محد علمني

هند – هذاتس عرفتي خلاص مصار شي

ريم – انتي كنتي مو يمنا مدري شعندتس لاصقه في هالغرفه

فارس يضحك ويعلق عليها – تدلع رجلها وتباريه ماهب مثلتس

يالهايته

ضاحي فقد الجازي ووقف يدورها ,, لقاها جالسه في الصاله الثانيه

ناداها – الجازي

ناظرته وهي فازه – كنت بجيكم بس عندكم رجال

ابتسم وبانت غمازته وذابت فيها – عاد تعدين فارس غريب تعالي

هذه بكره تمونون على بعض وضجكم واصل اخر الشارع

امشي بس امشي

مسك يدها وهي انبسطت يومه مسك يدها .. وقامت معه







صحت من البنج .. وبسرعه تلمست بطنها .. وقعدت تبكي

منيره اللي صحت على صوت بكاها – شيخه يابنتي علامتس

شيخه وهي تبكي – راح راح ولدي راح

في هاللحظه انفتح الباب ,, ودخل صقر ووجهه مايبشر بخير ابد









( انتظروني بإذنه تعالى يوم الخميس في الليل )

هلا غلا كل بارت تحلا اكثر وتشوق اكثر وننقهر اكثر على بنات ناصر


القفله هذى قويه بس انا اتوقع ان صقر بس يشوفها منهاره وتعبانه بيروح كل الى فيه من قهر عليها وبيواسيها بدال ما يهزائها


الى قاهرنى فهيد ووضحه المستسلمه له بس اتوقع انه يتعود عليها وماعاد يقدر يبعد عنها



والى ودى يتعذب ويحترق شوى نايف والى يسيه بساره


ووش موقف الجد من زواج ساره من منيف


ضاحى يكسر الخاطر هو وزوجته الله يعينها على الجاى


بارتات روعه بنتظار القادم بكل شوق

سلاماااااااااااات وهايات
الصراحه البنات كل وحده حظها اردى من الثانيه وكله كوم وشيوخي كوم
حرااااام متى كان الجد بذي القسوة
اتوقع سارونه حامل اووبس
وشيوخ بترجع تعيش مع خواتها ويصير بينها وبين صويقر كم تتش
اممممم وبس
ومره ثانيه مرسيه ويعطيك الف الف عافيه يالمبدعه
على الروايه الاكثر من رائعه