الصراحة ابداااااااااااااع بس الحورات وااايد صغيره بس معبره
واسلوب الكاتبه يشبة طريقة كاتبةقطرية احبها وايد الله يسعدها
امممممم ومغسيه اوي على هالابداع

صباح الفل والياسمين ......تسلم ايدك سهومة على البارت والنجوم شحلاتها تلالي وتبرق فديتك وفديت نجومك انتي وفتوما الي ماقصرت عطتني نجوم شكثر هههه ......ذكرتوني يومني باابتدائي من تحط لي المدرسة نجوم اجمع العيلة كلها تشوفها ... وانا الربحانة اجمع الفلوس خخخخخخخ .. عاد سهومة احس مخي تفرمت من احداث هالبارت في اشياء ماادري كيف بيكون الوضع معاها خلنا نشوف ...


عبوقة كيفك ياقلبي تسلم ايدك ياعسل وربي يعطيك الف عافية
شيوخ وصقور

معقولة صقر بيصدق كلام شيخة انو حالتها الي اول مرة تصيبها علشان ماعندها فلوس ؟؟؟؟ محال ..الحين الي عرفناه انو وضحى ماراح تتكلم وتخبر صقر ...بس شيخة هي الي بتخبره وطبعا في حالة الا وعي لانها مستحيل تنطق شي وهي بوعيها ........انا عجبني انها ماخبرت الكل عن سالفتها وقدرت تتماسك في الوقت المناسب لانو السالفة مرعبة لها ولو عرفوها الباقي ماراح يتأثرون او يغيرون من شيخة شي غير انكسارها عندهم

بس صقر الوحيد الي لازم يعرف لانو اقرب واحد لها وزوجها وابو ولدها غير كذا يعشقها رغم كل تصرفاتها العوجا معاه ....هي قالت انو حالتها كانت صعبة وامها وابوها تعبو علشان يخلونها تنسى ......لذلك هالموقف ماراح يمر مرور الكرام بمعنى انو شيخة راح تشوف نفس الرجال بأحلامها وبتفز من نومها وبيتكرر هالكابوس مثل اول ماصار لها هالشي ......في حالة ضعف وخوف والاوعي بتتكلم بعض الكلمات وصقر لابد بيلقط شي بس يمكن مايربطها بسواق التاكسي ....

فبيكون وحدة من الثنتين يااما بيعجز يفهم السالفة بالتفصيل من شيخة العنيدة الا اذا جاها بأسلوب الحنان وهضمها لصدره في عز خوفها وسحب الكلام منها .........او بيلجئ الى وضحى الي بيكون متأكد انها تعرف السالفة ولحاقها للسايق اكبر دليل وهو بيجبرها بطريقته وبتخلف بوعدها وتخبره بس انا ارجح توقعي الاول

شيخة معقولة على هالركض مابيصير لها شي ولا بتتأثر حتى لو بنزيف خفيف الرعب لحاله كفيل بهالشي ....بس الي محيرني هل هالرجال كان يبي يعتدي عليها وماقدر فحاول يقتلها والا كان بيقتلها وليه بيقتل بزر مايعرفها ... هل هو شاك انها شافته في جريمة مسويها وخاف تفضحه ننتظرك سهومة وننتظر مفاجاتك

نورة وسلطان
شكل وضع هالاثنين مطول على هالبرقع والجلال وعلى هالبرود والتطنيش من الاخ سلطان فبيكون مثل ماقلت الجدة بتطب عليهم وبتشوف الاخت متلفلفة ومتبرقعة عند زوجها فبتجبرها تشيل هالغطاء وسلطان مابيفضح نفسه ويمانع وعاد بنشوف عيونه وهي كبر الفنجان من المفاجئة
او بيكشفها صدفة مع اني مااعتقد كثير لانو نورة مستحيل تنزل بدون جلال وغطا الا في حال كانت في منتصف الليل ومحتاجة شي ضروري من المطبخ ممكن تجازف وتنزل بدون غطا وبيكون سلطان متواجد بزاوية مظلمة ..حشى قطو ...المهم وبيشوف القمر البشري الي مر من عنده واتمنى هالموقف لاني احس سليطين بيتحجج علشان يقابلها واتخيله يسوي نفس صقر ويشق البرقع هههه بنات ناصر زينهم يجيب اكبر راس


سارة والخايس نويفان

ان شاء الله ياربي هالمرة ابو محمد يصدق لاعت كبودنا من كثر مايقول حكي ولا يتممه الا عاد اذا بعد ماكشف صقر خياسه عند جده مع الخايسة الي تبلى اخوه معاها بيجبره على الزواج من بنت عمه بس انا ماادري هالجد احس فيه نذالة زايدة بيقول له اخذ هند اذا ماتبي سارة وفارس من قهره وهو شاك انو نويفان يحب سارة ويكابر فبيقول انو اذا نويفان بياخذ هند هو بياخذ سارة ومايبيها تطلع من العيلة مثلها مثل خواتها وكافي انهم كانو بعاد سنين عاد ساعتها غصب عنه ومن وره خشمه نويفان بيقول انو يبي سارة لانو خبيث وماراح يرضى بسهولة بس فارس لو تزوج سارة راح ينفضح وخصوصا حركاته واضحة للاعمى وبنشوف ساعتها حق هاليتيمة بتاخذه لو لا
سارة وربي راحمتها شهالذل الاغبرالي تعاني منه لابارك الله في نويفان وامثاله حطم البنت وعيشها عيشة قشرة

وضحى وفهيد

وضحى المسكينة للان ماكشفت المصيبة الي مخبيينها عنها وهي الي بتكشفها لانو بيجيها بحالته الخايسة ويمكن هي مو قافلة غرفتها وبتشوف حالته المقرفة وبتعرف الي ماعرفته وهالشي هو الي بيغيرها وبيخليها تتخذ موقف صحيح مابتقدر تتركه وتطلق منه بسبب الشايب الظالم بس بتقدر تنتقم لكرامتها فهيد بسبب حقران وضحى له بيشرب وبيرجع لها وهو سكران ماراح يبات مثل العادة في شقة نايف
اول خطوة بتسويها بعد الي يسويه فهيد فيها قرار العملية المبلغ وعندها من مهرها ولو بغت شيخة بتزيدها من المهر الي عندها ...اما من ناحية الشكل متأكدة انها حلوة مثل خواتها حتى لو جمالها مو صارخ لاني اذكر الجدة لما شافتهم اول مرة قالت وضحى مزيونة بس يبي لها تهتم بحالها والمسكينة فستان جديد ماخلوها تشتري لاهي ولا نورة وهالخطوة بتبتدي مع جهاز الريم هي ونورة يمكن يتقضون لهم كم غرض وبتعلب في فهيد الين يتعلق فيها وساعتها بتوريه العرجاء الشينة لانو امثال فهيد ماراح ينفع معاهم الا كذا ومنها بيتغير علشان ترجع له وتتقبله ...وبنت ناصر قدها وقدود

ضاحي ونور

ضاحي بيرجع بيت اهله بنور لانو متفق مع جده ومظبط الوضع لو امه او ابوه نطقو هو الي بيتصرف بطريقته بس الي محيرني اسمها الجديد كيف بيحيك هالجد قصة للجازي اكيد اسم الابو واسمها من واحد من جماعتهم وبيقول انو هو الي طلب من ضاحي يتزوجها بس وين كانت ومن وين طلعت هذي مهمة الجد الي بيقنع الكل ...

بس ضاحي كيف بيقاومها وهي اكيد بتكون معاه بغرفته .....والجد بيزيد ضغوطه عليه الا اذا قاله ياخذ حقوقه من دون مايخليها تحمل .....عاد كل شي متوقع من هالعايلة

محمد وموضي

اجل طلع متعمد الاخ ينطق اسمها يبيها تعترض ويشوف ردة فعلها .....وموضي فكرها بوادي ثاني حالة هالاثنين تجيب الهم .....عاد بنشوف ايش الي بيفجر هالتكتم الداخلي الي بيغير حياتهم للافضل

سهومة متشوقة للبارت الجاي ماادري اذا يناسبك تحطيه لنا كعادتك الاثنين او لا

اذا ماقدرتي وقت الي يكون جاهز تأكدي بنكون راضيين
في انتظارك

بسم الله الرحمن الرحيم .. السلآم عليكم ورحمة الله وبركاته
أول شي أحب اشكر مشرفات هالقسم على اللي يبذلونه في حذف الردود اللي تتمسخر
فيها ناس علي .. انا مو زعلانه لا انا عتبانه .. والعتب على قدر المحبه
...
انا ماأحب ابدا احط مبررات .. ولما أكتب ظروفي ماأكتبها عشان أوضح وش كثر
اعاني .. لا أحطها كاتقدير مني لمتابعيني .. بس ماتوقعت توصل لدرجة السخريه
والتطنز فيها علي ( المهم الله يسامحها )
بس حابه اقول شغله صغيره .. وهالشي بعيده مليون مره .. اللي بيعتب على
الفراغات اللي احطها ويقول عبيها .. يقدرني شوي بس شوي هاذا رجا مو طلب
..
والله مو زعلانه بس عتبانه صدق عتبانه .. اقسم لكم في هالمكان اللي انا جالسته
لو تشوفون وش كثر اتعب عشان انزل لكم بارت .. ماأحد بيصدقني
انا ماأكذب عندي أوقات فراغ كثيره كثيره لدرجة الملل بعد .. مع اني ماسكه
بيت اهلي كله .. ودروس خواتي
بس هالكمبيوتر مو لي .. حاولت اتعلم اني اكتب على جوالي الجديد بس هم مايظبط
معي .. اللي ماتقدر تقدر ظروفي .. تجمع البارتات لإسبوع كامل وتقرأها
بس اني اخلف الموعد اللي حطيته من اول لا تسمحلي .. اوعدكم قريب بشتريلي
كمبيوتر .. وساعتها تشره كل وحده على كيفها
..
ويالله عاد طلعت وردة الزيزفون ماتستاهل الدلع .. تركت عطلتي الإسبوعيه وقاعده
اكتب في البارت يوم الخميس عقب مانزلت البارت ,, وتوها اليوم تتدلع وتبيني
احطه اليوم .. ونقول لها كم ورده عندنا .. اليوم وبكره فيه بارت مثل ماوعدت
...



مع اطيب الأمنيات بقراءه ممتعه
.
سهم المملكه
.
لإله إلا الله




( البــارت الثـــالـــــــــــ 43 ـث والأربعون )



مشى للجناح .. فتح الباب بهدؤ .. شافها صاحيه وجالسه

وابوه نايم

غير نظراته يوم شافها .. اما هي طنشته

اقترب لين وصل عند راسها .. أخذ قياس الضغط وقاسها وهو

ساكت .. اما هي معارضت .. ساكته

يوم فك الجهاز من يدها .. جت بتوقف ومسك يدها

عصبت وناظرته وقالت بهدوء وهي تناظر عمها – فكني ياحقير

نايف وهو معصب ويلتفت على ابوه – بتجلسين غصب وبتسمعيني

بغت تبكي وهي تقول – احسن لك فكني ولا والله اصحيه

نايف حمر من الغضب – قوميه وتشوفين شي مايحصلك .. وبعدين

بلا كثرة هرج .. أنا ماأبيتس .. عايفتس

دزت يدينه بقوه وهي معصبه وصرخت عليه – وحتى انا ماابيك

مليون مره عايفتك ياأحقر إنسان على وجهه الإرض

صحى على هالصوت ابو محمد .. وفز وهو مرتاع .. ناظرهم

وشافها يوم صحت .. بسرعه وقف وحب راسها – الحمدالله على

سلامتس يابنتي

نايف بعد عنها وهو معصب قالت – الله يسلمك ياعمي

وقفت وقالت – انا اسفه ياعمي رقدتك على الكرسي

ابو محمد بحنيه – ابدن وانا ابوتس اهم شي سلامتس

مشت طالعه .. وهو عض شفايفه قهر .. ماأمده يكلمها إلا وابوه

قايم

في خاطره – هين وين بتروحين مني ولو تطربق الدنيا ماأخذتس

صحاه من أفكاره الجوال .. وشاف رقم صقر عصب وهو يرد – خير

صقر بنفس العصبيه – وين الخير وانا أشوفك قدام وجهي انت

ياحيوان ليش ماجيت امس يوم علمتك

نايف انقهر وعصب – ماحيوان غيرك واجي ليش وش بيني وبينك

وبعدين وش جايبك عند جدي ماهب طاردك طردة الكلب

صقر كتم غيضه وقال – انا هالحين عنده لايكثر بسرعه تعال بيني

وبينك حساب لازم اصفيه ( وسكر الجوال في وجهه )
















صحت على بلل حار تحتها .. ارتعبت وماتت خوف .. صقر

لو يعرف وش بيسوي فيها .. وقفت ولقت الدم مغرق السرير

وتوها تتذكر اللي سوته امس

فتح لها الباب وهو معصب – ادخلي وانقلعي ماابي اشوف وجهتس

ولولا وضعتس ولا عرفت اربيتس زين

دخلت وقرع الباب .. ألتفتت بس ماله وجود . اظاهر مثل كل

مره .. يتركها ويروح .. واليوم هي بأشد الحاجه له

دخلت الغرفه .. وهي تحس انها بتموت من الآلآم اللي في بطنها

تتوها تتذكر اللي سوته .. اكيد بيطيح اللي في بطنها .. مستحيل

يقعد .. ركضت للحمام وهي تحس ان الآلآم كل مالها وتزيد

بس مافيه نزيف .. مافيه دم

طلعت من الصاله في سبيل انها تلقاه .. بس ماله وجود

دورت على جوالها .. بس مو موجود .. اكيد طاح منها وهي تركض

حست ان الألم كل ماله يخف ويهدأ عليها .. مشت للثلاجه وكلت

بندول وعلاج يرقدها .. تبي ترقد وتنسى اللي صار لها .. الخوف

والألم أكثر اثنين تخاف منهم في حياتها

حست ان النوم داعب جفونها .. اتجهت على السرير .. اتلملمت

على روحها .. ورقدت