عزيزتي سهم المملكة شدتني روايتك كثيرا ولكنها بنفس الوقت اصابتني بالاحباط لقلة البارت الذي لايشبع شغف القاري ارجو منك ان تتقبلي مني ذلك وان تنظري فيه ولكي مني الشكر

السلاااااااااااام عليكم .. يسعدلي مساكم



ادري اني قاااطعه عبوووقتي والله اني مستحيه منش


بس والله ما كان يطوفني بااارت ابد ..



ربي يخليش لنا ..




سهووومه الله يجزاااش خير .. ارحمي حال هالضعيفات والله ان وضحى يا شين ما جاها

كفايه ضيقتها من عرجها ويزيد عليها المروح المخنز فهيدان


نايف يوم قلنا بيطيح ما في راسه .. ابد كل ماله ويكرهنا فيه اكثر..



السر اتوقع يخص شيووووخ ..

اووووووو

سر نوووور


اووووووو


ساره ونايف بينكشف موضوعهم





وما اقول الا حسبي الله ونعم الوكيل في الشيبه العايب


يا جعله يموووت


يعني انتوا يا الكاتبات يا حبكم لقهرنااااا

لو انه طيب وحليو كان مات بسرعه

بس لانه قاسي وظالم لااااااا يقهرنا كل البارتات








تسلم يمين كاتبتنا ويمين ناقلتنا


الله لا يحرمنا منكم


في الانتظااار دووووم

صباح الخيرات ...... كيفك سهومة ان شاء الله تمام ........ماقصرتي ياقلبي لاخلا ولا عدم منك ....ومتشوقة للبارت الجاي .......اممم اغلب توقعاتي قالتها فتوما وكأنها بداخل راسي خخخخخخ ماخلت لي شي

تسلم ايدك عبوقة

المهم انا بعد اتوقع السعودي الي تهاوش مع بنت ابليس هو حسن وشكيت فيه بسبب اهتمامه بهالموضوع بس اعتقد انو من البداية كان هو على علاقة ببنت الحرام وهو الي دزها على نايف الين تعلق فيها وهو الي خبر صقر عن علاقتها فيها ويمكن حتى الحركات الي سوتها هي بطلب من هالحسن علشان يفرق بين الاخوان .........والغرض يكون نايف اداة لانتقام حسن من صقر الي اكيد حاقد عليه بسبب شغله اكيد احد من اقاربه طاح بجريمة مسكها صقر وهذاك مانساها .........بس النقطة المهمة هل في ولد صحيح مثل ماقال نايف واذا في ولد اكيد بيكون ولد حسن بس كيف يشبه صقر هنا عاد اللغز لو صورة قلنا صورة لصقر وهو صغير ومتلاعب فيها شوي بس نايف اكد انو شاف الولد بعينه وهنا عاد اللغز



نجي عاد لابو تفكير احمق وغبي نويفان الي بيكون لها دروس بسبب ظلمه وهذا اول الغيث خويه الي يعرف كل اسراره .........والحين بعد كل الي صار مازال مصر على تزويج هالخايس لسارة ان شاء الله يتهور ويسحبه والاثنين ريحتهم فايحة عاد بنشوف كيف بيفضح عمره وربي بينتقم لسارة منه قبل مايكمل جريمته فيها اذا الاولى ماقدر احد يوقفه عندها الثانية ربي بيكون مع هاليتيمة وماراح يزوجوها الا له هو .........سهومة الجدة قالت انهو بنات ناصر مايطلعون من عيال العيلة خليها عند كلمتها والجد قال بيشاور عمامها وهو مافتح السيرة عند احد للان علشان نشوف ردة فعل بنت خزام


فارس والله انك نكتة من الحين تفكر بالحرمة وشهر العسل خلي سعد ينفك عنه الحصار ونويفان يتزوج بعدين بيرضون انك تتزوج باقي مشوار خخخ ....وهند عاد شفيها محترقة خليه يستانس ويحلم لانو ماحد يدري عن المكتوب ويمكن حالكم انتو الاثنين ماتكون احسن من خواتك الي كل وحدة زوجوها بطريقة بس مافيهم ولا وحدة كانت راضية ومبسوطة ......


نورة الي سويتيه مو حل ....يعني كيف بتتخلصين من الرعب الي ساكنك وانتي حابسة عمرك يعني لمتى بتعيشي على هالوضع مو كل مرة بتقدري تاخذي لك اكل والمشكلة انك ماتملكين اي شجاعة لمواجهة سلطان وماادري لوين بتوصل حالتك ياخوفي تطيحين من قلة الاكل والنوم الله يعينك على هالزواجة الي ماكلفو على خاطرهم يتركون فرصة للبنت تهيء حالها للوضع الجديد والله حالة هاليتامى تعور القلب


صقر زين انو ماشي ورى تقصي الحقيقة واكيد بيكشفها وبأدلة قوية جدا وبتجي ساعة المواجهة مع نويفان وجده المخرف ياني متمنية اشوف وجيههم الودرة لحظتها
اما شيوخ الله يعينها على جنونها والله يعين هالولد الي شكله بيطلع سواياها من عينها لانو اذا طلع بيصير دايك مزعج لانها زعجته ماتسوى عليه بس بتتعلق فيه وبأبوه لانها اذا عرفت مصايب خواتها بتحمد ربها على الرجال الي ربي عطاها اياه ياليت كل خواتها تزوجو رجال فيهم من صقر لو شوي


عمشاء ياسلام اشوف بنتها من حقها تفرح وتحدد وقت زواجها وهاليتيمة الي بلتها بولدها ماكلفت عمرها حتى سوت لها عشى بمناسبة زواجها من ولدها بنتها ماتبي تحرمها من فرحة العرس والثوب لكن وضحى حتى جهاز مافكرو قالو بنجهزها بكم قطعة جديدة ........صدق انانية مالت عليها
وريم عاد مصختها الى متى تبي سعد ينتظرها اشوف اخوها يوم زوجوه لوضحى سحبها في نفس الليلة ماوحدة منهم نطقت ........والله ماهي احسن من بنات عمها وعلى الاقل بتلبس فستان عرس وبيمديها تتجهز


فهيد اعتقد بعد ماشرب وفقد وعيه بيجي لوضحى بحالته الي بتفجعها وبتصدمها ليته ينخمد بالشقة ومايرجع الا وهم راحو للعمرة بس والله ماعرفنا وضوح بتروح لو لا ...


محمد صحيح هو ظلم مريم وماقصر فيها بس بعد هالشي مايعطي لمريم تسوي الي سوته ......مالها اي عذر لو كل واحد انتقم بأيده من ظالمه انقلبت الدنيا لمجازر .........وهي بعد ظالمة يومها عرفت عشق محمد انتقمت من موضي وظلمتها وخربت حياتها ظالمة يوم ماصانت كرامتها من البداية وواجهت محمد علشان تعرف مصيرها مو تستمر بحياتها وتحمل وترمي عيالها المساكين والله مالها عذر ومااقدر اتعاطف معاها يازين من نام مظلوم ولا نام ظالم وهي ظلمت ناس مالهم دخل يعني ماتفرق عن محمد والي صار لها جزاها واقل من جزاها ...اجل في ام بدل ماتحوي عيالها وتاخذهم بحظنها تسوي سواياها وحتى يوم مات ولدها ردة فعلها مثل وجهها

هذهي موضي حبت عيسى وهو ماقصر ظلمها بس هل تنازلت عن عيالها هل حطت حرتها فيهم ...يعني هي بعد ظالمة ومومعذورة ابد والي صار من حقدها واعتراضها علة قضاء ربها ...لو عاشت حياتها بعده وماقصرت بعيالها كان ربي جازاها بواحد احسن من محمد الي لليوم تبيه عقب كل الي سواه فيها


في انتظارك ياعسل على نار